تحميل رواية «فستان أحمر» PDF
بقلم tahsin_luqman
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
♡ رواية فستان احمر تحسين لقمان ══════ ❁✿❁ ═══════════ ❁✿❁ ═ وَ أنا اسمع صوت الاغاني الّي يصدح صوتها بقوة بأرجاء البيت تقربت بأتجاه خزانة الملابس الصارت سر جمال جسمي . و فتحتْ ألباب بطريقه غير مبالية وَ دخلت أيدية الاثنين وعيوني تذرف بالدموع على كُل وجناتي سحَبت الفستان الاحمر، كان حلو وَ معطر بأطيب العطور الزيتية دفنت رأسي بداخلة وَ أردد صرخات توجع بگلبي " لشوكت تضل حياتي محصوره بهذا الجانب؟!" قاطعني صوت المسؤولة عليه، مهرة الاستاذة مهره: آنسة ميادة بس اشوف ثائر راح احچيله موضوع الهروب من الحفلا...
رواية فستان أحمر الفصل الحادي عشر 11 - بقلم tahsin_luqman
عزيزي القارئ فضلا وليس امرا اضغط تصويت لنشر المزيد من احداث الروايه،
فستان احمر
تحسين لقمان
بلعت ريگي و دموعي كامت تنزل , كلمات امي كامت تتردد بدماغي" ابوج سكير أبوج اغتصبني
وكلمات هذا الولد لازم نشرد ابوج راح يموت
رجعت ليوره ووكعت قوطيه مال دهن طلع صوت
مسموع حطيت ايدي على حلكي الخوف اكلني اكل , ماعرف شنو أسوي رجع كال
الولد :روحي طلعي بسرعه ولا تعرضين نفسج للخطر بس لازم نلحك على ابوج
ولازم نشرد بأسرع وكت •
هزيت راسي وصحصحت جاوبته بسرعه : شنو المطلوب مني شنو اسوي ,
بعدين انت تطلب مني اروح لابويه راح يموت وذا مات وهو جايبني للدنيا بالحرام
نزل راسه ليجوه صاح : اخ يابه خشمي
رحت تقربت عليه : شنو شبيك شبي خشمك
رجع رفع راسه وكال : روحي و معليج وكل الي سمعتي جذب بجذب ابوج على اواخر الحياة بيج
وماستعجلتي بشردتنه روحي روحي بسرعه لا يجي احد •
وخرت عنه رجعت ليوره باوعتله اخر نظره ورجعت ركض لباب الغرفه , واني اباوع عليه
كلبي يدك بسرعه , اسئله كومه اجتي بالي اني وين ذابه روحي شلون عايشه
ويه هيج ناس , وصلت للباب دنكت على الكاع اخذت السيم , ورجعت سديته على السريع واني
اباوع يمنى ويسرى خاف احد يجي و يشوفني رحت ركض لشجرة الصفصاف ختلت وراهه واني
اباوع على حديقة البستان خاف اكو احد مالكيت اي واحد ركضت ركض لباب الهول ,
سمعت واحد يصيح ورايه " اوكفي اوكفي منو انتي " اني وسمعته كلبي راد يوكع بالكاع
ركضت اقوى وصلت لباب الهول فتحته وكبل صعدت الدرج فتحت باب غرفتي لكيت صابرين
نايمه رئسا رحت لجربايتي جريت الغطه وحطيت جسمي عليهه , قريت آية الكرسي بلكت يهدأ
كلبي من الخوف , غمضت عيني و جان اسمع واحد من حديقة البستان يصوفر بصافوره
بلعت ريكي وكمت الوم بنفسي شلون طلعت وشلون رحت لهناك اكيد راح يعرفوني
اكيد راح يحبسوني نفسه, لزمت صدري حيل و بطني صارت بيهه حراره وكامت تعرك من الخوف
سمعت خبصه بالحديقه وصوت زلم كومه كعدت اميز بالاصوات أجاني صوت الحجي يمه اني
وسمعت صوته رئسا جريت الغطه وغطيت راسي بالحاف و قريت سورة الفاتحه ورحت بنومه عميقه ,
ممزوجه بأحلام بأمنيات , كعدت ألصبح على طكطكة صابرين العبده بالغرفه اسمعه ادردم
صابرين : هاي الشريفه وين حاطه الامشاطه مادري
سكتت شويه وصاحت : لج عوبه يمعوده كعدي الدنيا مخبوصه جوه ,
اني وسمعت الدنيا مخبوصه رئسا رفعت راسي وكتلهه : شكو ولج وكعتي كلبي
صابرين : لج هذا ابو جابر شايف وحده من البنات طالعه بحديقة البستان باليل
بلعت ريكي و شلت ايديه رجعت شعري ليوره كتله : عزه خطيه ولزمهه لو لا
صابرين : لج يكول دخلت ليجوه وجانت وره شجرة الصفصاف
كلت بكلبي " عزه هلا والله هاهيَ انكشفت راح اروح بالرجلين "
رجعت كتلهه : هذا شكده ابو جابر ماينزرع بالكاع ويسكت شعده يفتر باليل
حطت ايدهه على خصرهه وباوعتلي : لج ماما الرجال غير واجبه
وبعدين هو حارس يشتغل على الغرف •
كتلهه: خطيه خاف متوهم او جان ستوه كاعد
صابرين : والله حبيبتي مادري بعد شويه يشوفون الكاميرات وتبين منيه
كمت على حيلي من الجربايه وكتلهه : هسه هي بنيه قابل شمسويه شبيكم حاركين
دمكم تردون تعرفون منيه •
تقربت عليه وكالت: شبيج خفتي تره السالفه مو يمج طبه طوب
باوعتله صفح وكتله : ها لا معليه اني و على گولتج طبه طوب بس ليش هيج مهتمين للسالفه
يعني وذا تمشت بالحديقه مال البستان •
صابرين : مو اني الي افتهمته من صياح الحجي من المحتمل تطلع هاي البنيه
داخله للغرف الي بالبستان •
عقجت حواجبي وكتلهه: ليش ربط هذا بهذا يعني ليش كال داخله للغرف ووذا دخلت للغرف
كالت : ها ماكو شي بالغرف بعدين تعرفين شكو
مياده : لا هسه كليلي اريد اعرف شكو ليش ربط هذا بهذا
تقربت عليه وصارت بصفي حطت ايدهه على جتفي وكالت : ماما هاي الغرف بيهه ناس مهمين للحجي ,
وواحد من الناس المهمين للحجي البارحه موخرين الوصله من حلكه والحجي سمعته من يسولف
لمهره يكلهه اني البارحه طلعت من عنده جانت الوصله على حلكه
عقجت حواجبي كتلهه : زين اذا هذا الانسان مهم عند الحجي ليش حاط وصله عنده
باوعتلي زين وكالت : وانتي شمدريج هذا انسان واحد
رطبت شفايفي وكلت بكلبي " شكد ذكيه يلعن يومج " كتلهه: مو انتي كلتي سمعته للحجي
يكلهه جنت حاط وصله على حلكه معناهه شنو معناهه انسان واحد
باوعتلي من فوك ليجوه وكالت : ماكدر احجي اني ليش حاط وصله على حلكه لان بنفس الوكت
علمي من علمج كلشي ماعرف
كتله : وهسه شنو صار يعني راح يشوفون الكاميرات
صابرين : اي اكيد بس اموت واعرف شعدهه طالعه ورايحه لهناك
عقجت حواجبي وكتلهه: زين اكلج مو شرط واحد موخر من عنده الوصله جوز واكعه وحيدهه
تقربت مني شمتني استغربت من تصرفهه وخرت رئسا وحطت ايدهه على خشمهه
صاحت : لج كبر روحي شربي بيره شربيلج بطل يمعوده ريحة حلكج كبر كبر وخري
وخري مني •
ضحكت وكتلهه : معقوله بيه ريحه
باوعتلي من جوه ليفوك وكالت : يلعن روحج اي والله ودارت وجهه على باب وطلعت
حطيت ايدي على حلكي نفخت عليهه شميت ايدي زين فعلا جانت اكو ريحه بس مو ذيج
القويه هزيت ايدي وضحكت على نفسي
رحت لميز التواليت جريت الكرسي كعدت رشيت عطر ,
و اخذت المشط مشطت شعري بأسرع سرعه عندي ,شويه كام يتكطع من كثر السرعه كملته
وكمت على حيلي عدلت دشداشتي وفتحت باب الغرفه طلعت راسي اريد اسمع الاصوات
علمود اعرف منو جوه , سمعت صوت ثريه وصوت بنات ماكدرت اميز بينهم رئسا
نزلت الدرج واني اباوع منا ومنا •
وصلت للهول ماكو احد رحت للمطبخ كلت : صباح الخير شلونجن ,
وحده تكول صباح النور ووحده تغلس ووحده تبتسم باوعت على الوجوه ماموجوده مهره
ولا ياسمين كاعده اسئل على مهره قاطعتني ثريه كالت : غسلتي لو بعدج يلا علمود نتريك اني وياج بغرفتي
باوعتله و كتلهه : ها اي هسه هسه رايحه
فعلا رحت للمغسله وبديت اغسل وكملت كلشي نفس كل يوم،
كاعده ارجع للمطبخ علمود اشوف ثريه لكيتهه بالطريق شايله الصينبيه كتله : ها ها وين نروح كملت اني
ثريه :عيوني تعاي ورايه للغرفه لان شويه اليوم الجو مشحون بالبيت
ردت احاجيه شو هاي رئسا دارت وجهه وراحت اني مشيت وراهه الى ان دخلنه لغرفته كالت
ثريه : عفيه سدي الباب وشغلي المروحه وتعاي كعدي
سويت الي رادته واجيت كعدت سويت روحي ماعرف شنو صاير وكلتله
مياده : اكلج شو كلتي الجو مشحون بالبيت شنو صاير خوماكو شي
باوعتلي وكالت : ولج يمعوده هذا ابو جابر مادري منو شايف وحده من البنات طالعه بالحديقه مال البستان بالليل ,
وضليت شويه شويه اسئلهه اريد اجرهه بالحجي بس ذكيه كلش ابد مانطت شي جديد ويختلف
عن كلام صابرين العبده, سكتت عنهه شويه وكالت
ثريه : انتي شو مهتمه للموضوع اكو شي تعرفي او صاير شي عادي تره كولي لاكول ولاحجي
بلعت اللگمه وشربت كمع من الجاي كتلهه : لايمعوده شعرف مثلا بس هيج يعني كاعده
اشوف الموضوع مايستاهل اصلا
ثريه : ها عبالي الله يستر على هاي البنيه الي طالعه البارحه
صارت رجفه بوجهي كتلهه : عيني هسه شمسويه هي قابل كاتله سيد وماتدري بروحهه
ثريه : لو كاتله سيد احسللهه من هاي العمله اكو وحده تتدنه للحجي والله يالله
سكتت ودنكت راسي على الصينيه اكمل ريوكي شويه وكتلهه
مياده : الحمدلله شبعت
ثريه : لعد اني هماتين شبعت راح اودي الصينيه وانتي جيبي ورايه الخبز
راحت للمطبخ واني اخذت الخبز وراهه دخلت لكيت ياسمين ومهره واكفات
صاحت مهره : مياده راح اسئلج سؤال
ارتبكت رطبت شفايفي وكتلهه : اكيد كولي شكو
باوعتلي وكالت : البارحه باليل طالعه للحديقه او نازله للمطبخ او اي شي ,
رجعت ليوره فركت ايدي بسرعه وجاوبتهه واني امتمت : ها لا لا شعندي ط ط طالعه
كالت : والله مادري ليش خايفه منج على عموم لتصعدين راح يجي الحجي يريد يحجي وياجن
سكتت ودنكت راسي ماعرف شجاوب تقربت مني ياسمين واخذتني من ايدي للهول وكفنه يم الدرج
وكالت : ولج خاف انتي طالعه يمعوده
كتلهه : ليش شاكه بيه يعني شنو السبب الي مخليج شاكه بيه ,
باوعت منا ومنا وكالت : لان البارحه شفتج طلعتي من الغرفه بس اني ماجيت ولا لحكتج رئسا
سديت باب غرفتي ونمت
مياده : ها لاماكو شي شعدي طالعه يمعوده
ياسمين : والله ياريت اطلعين مو انتي لان اذا طلعتي انتي حرام الحجي خلاص ينهيج
أستغربت من كلامهه كتلهه : هسه هو وينه الحجي شنو طالع لو وين
باوعتلي وكالت : مياده اخر مره اكلج طلعتي انتي لو لا علمود نتصرف قبل ليجي الحجي ,
ماعرف ليش حسيت بخوف وقلق وتوتر من الي راح يصير بعد شويه رئسا جريته عليه
وكتلهه : اي اي ياسمين اني طلعت بس مروتج لتكولين لاحد
اباوع عليهه لطمت على وجهه وكالت : ولج شكاعده تسوين بنفسج لج شلون تشمرين نفسج
بهيج تهلكه يحضي وينج وين هاي السولف
اجتي نوكيا السمره تباوع عليه وهي عاقجه وجهه باوعت على ياسمين
وكالت : ها ها شصاير شنو شبيجن
ياسمين كامت تمتمت كلتله : لا ماكو شي بس خطيه محتاجه ملابس جديده
ومستحيه تكلي ضوجتني بهذا تصرفه •
نوكيا السمره : يمه يمه هاي البنيه شكد ماتنحمل حبيبتي متكليلي شبيج حاولي تتقبلينه وصيري
مثلنه طالبي بحقج انتي كاعده تشتغلين شغل الحيوان ميكدر يشتغله خاصتا
انتي البيت كله عليج •
دنكت راسي على الكاع و جاوبتهه ياسمين : عوفينه نوكيا وحيدنه هسه اني احجي وياهه شويه
باوعتلي وراحت , رفعت راسي لياسمين وكلتلهه : خلف الله عليج سويتيني معتازه من طاح حظي اي والله
شالت ايدهه طبگتهن وغمتني كالت : اي والله من طاح حظج من صدك صايره شاطره واطلعين
بحديقة البستان وفوكاهه ترحين للغرف
مياده : تره كتلج طلعت بس ماكتلج رحت للغرف
ياسمين : لج ماكو غيرج راح للغرف وهسه حتى لو يدرون راح يكولون انتي رايحه لان انتي
الطالعه والناس الهه بالضاهر معلينه طلعتي تتنفسين طلعتي تتمشين
عقجت حواجبي وكلتله : وهسه المطلوب مني شنو شسوي بعد طلعت وصارت السالفه
كالت : اياج وبالج تفكرين تكولين لاحد ان ُ طلعتي او نزلتي ليجوه سكتي على السالفه احسلج تره
ما أعتقد الحجي يرحمج لان السواه بلي قبلج من الممكن يعيده عليج
عقجت حواجي : شسوه مثلا لزمهم الشارع علاوه يلزمني الشارع واخلص من هل عيشه ,
ضحكت وكالت : ماما اكو وحده اسمهه ميساء الله يذكره بالخير جانت ام الضحكه الحلوه شردت
بليله ضلمه ولزمهه الحجي شحجيلج شسولفلج , على الضرب الي اكلته من الحجي
لو من تشليع الاضافر لو زيان شعرهه صفر •
حطيت ايدي على حلكي و كتلهه : اكلج انتي معقوله تحجين صدك وين اكو هيج بشر يسوي
تره هذا اجرام بنيه ماتريد هاي العيشه شنو جبر
ضحكت وهزت جتف : اي متريد من البدايه
وتشرد او من البدايه لاتجي لهذا الطريق ولاتوصله لان داده عيوني طريقنه بي بسامير
كومه وكلهن يسون اووا •
كرصتني من خدي وكالت : من فدوه لهل خد عيناي
كتلهه : غير الظروف العوجه الي جابتهه الكم
هزت جتف ورجعت ايدهه على
صدرهه عصرته ورفعته ليفوك وكالت : عيوني ماماتي خو كولي ماتكدر اله تاكل خيار وغمزتلي'
حطيت ايدي على حلكي استحيت كلش من كلامهه كلت بكلبي معقوله الانسان ان ُ بسبب
ضروفه الحكمته بهيج حياة يتنازل عن اخلاقه •
كتلهه : على العموم سدي الموضوع تعاي نروح نعزل البيت
باوعتلي صفح وكالت : الليله رزقي عذريني وصدك عيوني مياده يكولون
زبون اليوم كلما يمشي يوكع الف من عنده •
ضحكت وكتلهه : اكلج هذا خاف مزرف
ضحكت ضحكه عاليه وكالت : اي عيوني مزرفاته الي قبلي,
ضحكت من كل كلبي وضربتهه على جتفي كالت : وخري وخري خلي اروح ارطب اصخم
عافتني وراحت , واني هم توجهت للهول وبديت بشغلي اشتغل نظفته وعطرت البيت ومسحت
الارضيات ساعه مرت عليه بالتنظيف والشغل الي يكسر الضهر , اجتي مهره كالت : اكول عيني جبتلج فستان تصعدين
ليفوك تشوفي على كدج لا •
ذبيت الوصله الي جانت بيدي وكتلهه : بمناسبة شنو جايبتلي فستان لا والبسه واشوفه
يجي عليه خيرج شكو •
كالت : عيوني اليوم عدنه زبائن وحفله مرتبه خو مو تردين اطلعين بهاي هدومج الي مصخمه
ملطمه وريحتج تعط حرام اصلا الي يشوفج بهذا الشكل يفضل يموت ولايسهر هيج سهره جايفه
ماعرف ليش استهضمت من كلامهه كتلهه : اني لا ركص ولا شي اني اريد بس اوزع كلاصات
مهره : اي عادي هسه من حلات ركصج بكيفج عيوني اهم شي تشوفيلي الفستان شلونه عليج
مياده : هسه راح اغسل ايديه واصعد اشوفه ,
دارت وجهه وراحت كلت بكلبي : عشتو هم
ماعاجبه العجب من طاحظ حظي اي والله •
رحت للمغسله غسلت ايدي زين ورحت صعدت ليفوك لكيت صابرين العبده
تسوي تسريحه بشعرهه كالت : اسويلج ويايه للسهره
كتله : ها لا بعد مو هسه خاف يتخربط واصلا بعدني لا سابحه ولا اي شي ,
كالت : جبتلج الفستان الي انطتنياه مهره روحي لبسي يلا خلي نشوفه عليج
رحت للكنتور فتحته علكيفي وجريت الفستان جان محطوط بجيس شفاف
لون الفستان احمر ومطرز بشغل كلش ناعم وبي زخرفه كلش حلوه وملمسه الداخلي والخارجي
عجبني فتحت سحابته وبديت البس بي علكيفي
وصابرين العبده واكفه كدامي تحجي : لج اني لو عندي جسمج بأسبوع واحد جامعه
خير من الله بروس ذوله الازواج •
ضحكت وكتلهه : شتردين تسوين سوي براحتج معليه اني
ضحكت ومادري شنو ادردم , دخلت الفستان من يم منطقة الصدر كلش ضيك
بالكوه نزلته على باقي جسمي , صحت لصابرين: ها بشري حلو لا
باوعت عليه وكامت على حيلهه : لج شنو تنكرطين وحق الخلقج دشوفي الجسم
وتقاسيمه شلون طلعت اويلي اويلي •
ابتسمت على كلامهه ورحت تقربت بأتجاه المرايا باوعت على جسمي فعلا جان كلش حلو وبياض
وجهي بارزه اكثر جمال , ضليت افتر بي ومكيفه ان ُ شي جديد لابسه وكذا ,
فتحت الباب وصحت : مهره مهره تعاي لبسته للفستان
رحت وره باب الكنتور وكفت
وشويه من الوكت واجتي للغرفه فتحت الباب بكل قوه عدهه وصاحت : لج تعاي خلي اشوفج ساقطه
طلعت من وره باب الكنتور وكفت كدامهه اباوعله حطت ايدهه على حلكهه وضربت صدره
كالت : عزه عزه لج سوكي راح يخرب لج تدرين انتي بهذا جسمج بيج شغل مرتب
ضحكت وكتله : بس فدوه ضيك حاولي تسويلياه تعرضي شويه من منطقة الصدر
حطت ايدهه على خصرهه وكالت : لج عيني داده هم الناس مرضى وتعبانين جايين يتونسون
قبل لاتكرفهم الدنيا كرف العميان خليهم يستمتعون بهيج جسم وبهيج صدر
خجلت من كلامهه دنكت راسي ليجوه تقربت عليه وحطت ايدهه على صدري وبدت تمشيهه على جسمي وصلت لخصري
وكالت : هذا اويلي يموتون عليه الكبار بالعمر داده يخبل هذا شايفته من ينام عليج
ويخدر يموت من يشوفه •
صاحت صابرين العبده : لج عيني كتلهه قبل شويه بس هي شريفه غبيه كلشي ماكو
لافهم ولا علم •
قربت وجهه من وجهي وشمتني كالت : باوعي ادخلين للحمام راح انطيج صابون وكذا تغسلين
جسمج غسل اريده يلمع لمع فاهمه لو اعيد
كتله : هسه انزعه لهذا حمسني حمس يمه شكد ضيك وادخل أسبح
دارت وجهه راحت لباب الغرفه طلعت وصاحت : نزعي عيني,
اني هماتين رحت وره باب الكنتور بديت انزع بي علكيفي بالكوه طلعته من راسي لان كلش ضيك
عدلته ورجعته بالجيس الشفاف ورجعته بمكانه بالكنتور , لبست دشداشتي وكعدت على الجربايه
كالت صابرين العبده : اكلج عيوني دخل نطلع اني وياج للسوك هسه
كتلهه : اكلج شلون اطلع وياج وهو الحجي اصلا البارحه رفض رفض قاطع
يمعوده اخذي غيري مروتج •
صابرين : هسه هو على شنو مضخم السالفه صدك من كالو الحب اعمى
ضحكت وكتلهه : ومنو كلج يحبني
دارت الكرسي عليه وكالت : تره الحب مو بالقول ولا هم يحزنون الحب افعال وافعال الحجي الج
اذا اكعد وياج واحسبهه حساب عرب مو بس يحبج يعشكج عشك سلاطين •
كتله : مروتج سدي الموضوع ما اريد لا حجي ولا غيره خليني هيج فدوه
باوعتلي نظره اخير و شالت ايديهه غمتني
وكالت : دطيري طز بيج وبشرفج
ضحكت ومددت جسمي على الجربايه افكر بكلام الولد انُ لازم نشرد لازم نلحك على ابويه
قبل لا يموت ماعدنه وكت كعدت أسئل نفسي ليش هاي الفتره هو مختفي وليش نام ويه امي
بالحرام وجابني للدنيا وليش ذبني بالميتم وليش راح يموت بعد يومين
ومنو هذا الولد وشنو اسمه •
حطيت ايدي على راسي وغمضت عيني بكل قوه اريد اغيب اريد اروح اريد اختفي عن هاي الدنيا
ماريد شي بيهه اذكرت كلام تماره من كالت مرات الحياة تجبرنه على اشياء لازم نتخله عنهه ومرات
تجبرنه ان ُ نسوي شغلات احنه منريده ولا راغبين بيهه كلت معقوله ابويه يكون مجبور
معقوله ومعقوله , نمت على بطني ورفعت راسي دفنته بالمخده ورَخيت كل جسمي احس احد
كاعد على جتفي و يعصرلياه راحه صارت بجسمي كلش حلوه
مسحت كل الافكار العاطفيه من بالي لان حاليا مو وكت انُ نفكر بأمور عاطفيه لان هذا الشي يحدد
مصيري راح اروح ويه ولد لاعرفه ولا اي شي ومن المحتمل ان اتعرض لهواي من الكوارث
شفت الحل الافضل والانسب ان اطلع منا ويه الولد علمود الحك على ابويه واكون حياتي بشكل صحيح ,
بس شلون راح نطلع منا شلون راح اجيب فلوس واني ماماخذه اي راتب لا من ام مازن ولا من
الحجي , ماعرف ماعرف كمت من الجربايه رئسا توجهت لباب الغرفه فتحته وطلعت
اخذت نفس عميق ونزلت الدرج اني وكاعده انزل لكيت مهره تصيح
استغربت كلت بكلبي هاي شبيهه,
مهره : بنات ولجن ساقطات وينجن تعالن تجمعن بالهول
نزلت وكتلهه : خو ماكو شي مهره شنو شصاير
صفكت بيدهه وكالت : عيني تاج راسج راح يجي ويريد يسولف وياجن كال حضريلي البنات
بلعت ريكي وكلت بكلبي : معقوله عرفني اني الي طلعت ودخلت للغرفه شلون بلوه هاي ماعرف
شلون راح اطلع منا ماعرف ماعرف , رحت وكفت بصفهه
وكتلهه : وهسه شنو اضل واكفه كاعده
باوعتلي وماحجت شي رجعت صاحت : لج بنين ام الجعج ام الوصخ نزلي بسرعه
بنين من الدرج وتصيح: عيني مهراوي شبيج متكليلي يامصعدتني يامنزلتني تره ورايه رزق
عفيه لا تعبيني
مهره صفكت بيدهه وكلتلهه : نزول عليج عيني لج لو ما أني جان ماصرتي انتي
جان ضليتي تلبسين بلبسان سبونج بوب •
ضحكت من كل كلبي عليهه اباوع لبنين جانت بنيه طوله مناسب وسمره ومعانيهه كلش حلوه
جريمه هيج جمال ينحبس بهيج مكان , نزلت ياسمين وثريه ,
ثريه اول مانزلت تسوي : اها بنات بنات عيوني
وبنين وياسمين يجاوبنه : ها عيني ها
ثريه : اها اها والليله حرمس وين انام والليله حرمس
وبنين ومهره وياسمين كامن يدبجن بنص الهول واجتهن نوكيا السمره فاتت بنصهن واني واكفه
مثل الاطرش بزفه ومبتسمه وبالي بعيد عنهن يم البلوه الي راح تجيني
شويه ونزلت صابرين ونزلن البنات البقيه وكلنه اجتمعنه بالهول ومهره فهمتهن ان الحجي راح
يجي يريد يحجي ويانه كلما تجيب سيرته بطني تكوم توجعني ماعرف شنو السبب بس اكيد من
الخوف والقلق والتوتر , سمعنه رجال من بره
يصيح : هلا حجي هلا بيك
كمت على حيلي وياسمين اجتي يمي ركض
كالت : اهدي اهدي لتبينين اي شي,
رطبت شفايفي وقريت سورة الفاتحه بكلبي , مهره
صاحت : بنات بسرعه وحده توكف بصف الثانيه يلا يلا بسرعه
رئسا سوينه سره ووحده وكفت بصف الثانيه ووحده خايفه اكثر من الثانيه بس شنو نسوي
باوعت لاردان دشداشتي نزلته بسرعه خاف يكلي ليش مطلعه ايديج مابيه حيله,
شويه ودخل علينه بسرعه ووراه بنيه ناعمه صغيره مبوشه تبوش كلنه نباوع عليهه وكلنه
نسأل نفس السؤال شتسوي هاي هنا ,
صابرين كالت : الله يساعدك حجينه بعد عيني تعبان مو
ياسمين : من فدوه لليتعب هسه بهزة جتف كله يوكع لتخافين عيوني
نوكيا : وبهزة خصر ينسه ابو التعب كله ,
ثريه : وهوسه من هوساتي اذوبه تذوب
وختمتهن مهره : وكلاص عرك وبنصه ثلجايه اويلي اويلي للصبح
ردت احجي اكول الله يساعدك لان اذا ماحجي تاكلني مهره اكل كام هو
ورئسا صاح: ساقطات راح اسئل سؤال واحد الي تجاوبني عليه وحك الخلقني اعفيهه من العقاب
ومعليه بيهه طول عمري بس الي تسكت تعذرني كلش واكفه اسمط ابوهه سمط فاهمات لو لا
باوعت عل ياسمين خايفه وتكلي بعيونهه يعني حافظي على هدوئج معليج
اني ضليت ساكته وهو يفتر كدامنه يروح ويجي وعينه كلساع على وحده صاح باعلى صوت
عنده : منو البارحه طالعه بالليل
هو وكال هيج واني كلبي راد يوكع ضليت ارطب بشفايفي و انخي بالله ان يحميني من كل شر
ويستر عليه رجع صاح : ولجن ساقطات احرك شرفجن وانعل بليس بليسه
احجن بسرعه منو هاا منو بيجن طالعه البارحه •
كلت بكلبي خلاص اني هاهيَ راح اموت اليوم موتي على ايد الحجي من ساعه السوده الي
طلعت بيهه ردت اكول بس اذكرت كلام ياسمين كالت شسوه بهاي البنيه الي شردت
رجعت الساني بلحكي وسكتت •
رجع صاح : القرص مال الكاميرا راح يوصلني هسه وراح اشغله كدامجن يابه
شال اصابعه وعضه وصاح :
اخ يابه اريد اشوف ياسبع يخلصهه مني الي تطلع منجن ,
بلعت ريكي دمعتي صارت بطارف عيني تمالكت روحي وضليت واكفه منتظره شنو راح يصير
نزلت راسي ليجوه لان حرفيا راح ابين , اندكت الباب مال الهول رجع صاح: مياده
يمه هو كال اسمي خلاص راح اوكع بالكاع ماتحمل كتله واني ارجف : ه ه ا حجي
صاح : وجع شبيج روحي فتحي الباب وجيبي القرص من ام سعود
بدون ماجاوبه لان هو نار كلش دنكت راسي ليجوه ورحت لباب الهول فتحته لكيت حجيه
جبيره مسويه وشم بكصته لونه ازرك بس بشكل كلش حلو كالت بصوت متعوب
ام سعود : شلونج يمه
جاوبته واني خايفه : بيبي انطيني القرص
سحبت ايدي وكالت : انتي راح تعانين بحياتج هواي بس تاليتج تنختم بأبتسامه حلوه
بس كدامج ضيم وقهر راح توكفين على جنازات كومه والي تحبيهم راح ادفنيهم بيدج
اني استغربت عقجت حواجبي من كلامهه
وكتله : شكرا بيبي اني مافتهمت شي بس لازم اخذ القرص تره الحجي يريده بسرعه
اباوعله شالت ايدهه وخرت الشيله مالتهه طلعت من جواه جيس فتحته وطلعت القرص
اخذته منهه وتشكرت من عدهه , رجعت ليوره سديت الباب باوعت على القرص بلعت ريكي
وكلت بكلبي : يارب يا راحم الراحمين ارحمني برحمتك الواسعه ,
تمشيت بخطوات شبه ميته رحت لنص الهول اباوع على بنات خايفات ياسمين
تهزلي بركبته : لا لا
واني باوع على الحجي يطلع نار من عيونه مو بشر مادري شنو رحت يمه مديت ايدي
كتله : هاك حجي هذا القرص
دار وجه عليه وكال : انطيني انطيني , اباوعله
نزل عينه على ايدي جر القرص من ايدي وباوعلي صفح ماعرفت شنو نظرته ,
درت وجهي ردت ارجع لسراي وين ماجنت واكفه
صاح حيل : اوكفي أوكفي رجعي مدي ايدج
هنا اني انتهيت دمعتي نزلت بسرعه شلت ايدي مسحته والبنات مستغربات ثريه حاطه ايدهه على
حلكهه وخايفه ياسمين نفس الحاله, درت وجهي عليه ورحتله كال: شو وضعج ماعاجبني
رطبت شفايفي وكتله اني و امتمت : ل ل لا مابيه شي اكو شش شي
تقرب عليه وهمس يم بركبتي مدي ايدج الي جبتي بيهه القرص , بلعت ريكي
حلكي نشف اريد ابلل شفايفي ماكاعده اكدر •
تأخرت مامديت ايدي بسرعه رجع صاح : كلت مدي ايدج شنو ماتسمعين طرشه
مهره صاحت : حجي فدوه بس علكيفك
صاح عليهه : اكلي تبن ولا تدخلين بشغلي جلبه
مديت ايدي الي جبت بيهه القرص شال ايده و لزمه حيل اني رئسا صحت : اخ اخ علكيفك شبيك
جر الاردان مال الدشداشه وصاح : شنو هذا الدم الي بيهه ها ها جلبه طلعتي انتي لجج
وماحس اله راشديات كامت تجيني من كل مكان على وجهي وراسي وبطني واصيح بعلو صوتي
يعوفني بس خلي افهمه ماكو مانطاني مجال والبنات واكفات يصيحن بكل قوتهن وهو ماكو
واكف عليه مستمر بالضرب ومهره
تصيح : حجي مروتك عدنه زبائن الليله مروتك اوكف
ياسمين لك عيني حجي عوفهه حبيب
جرني من شعري ويسحل بيه بأتجاه الغرفه الي بصف المطبخ ويصيح : لج اليوم احركج حرك
اليوم اهلسج هلس , وذني ورانه يمشن يصيحن واني دموعي ماوكفت دقيقه وهو مستمر يسحل
ويضرب دفرات بيه ما يهمه اي شي عادي المهم ان خلاص يقضي عليه
دخلني للغرفه و شمرني شمر بالكاع واني اصيح : مروتك بس اوكف اوكف خلي افهمك
قفل الباب وكال : لج شتفهميني لج طالعه بنص الليل ورايحه واكفه كدام الزلمه
لج اليوم اشرب من دمج شرب جلبه ،
من كثر صياحه وعياطه مادري احس نفسي انخلست صارت بيه رجفه سريعه بجسمي
كمت احس بطني فارغه مابيهه اي شي ,
اباوعله راح للكنتور واخذ الحزام من عنده ورجع طبك الباب بكل قوه عنده واجه كمز عليه
وبالحزام يضربني واني اصيح : ماروح بعد والله بس عوفني بس عوفني
بس ابد مايسمعني الدم يوكع من خشمي ومن باقي جسمي , ذبل جسمي وسلمت روحي للضرب مالته
مايهمني بعد اي شي جسمي اخذ القالب مال الضرب وتعود عليه .
اباوعله بنظرات ضيم وقهر ذب الحزام من ايده وراح للجربايه كعد شال ايده
وفرك راسه وصاح : اخخ من كلبي الجلب الي حبج وانعمه بيج اخ اخ
رفعت راسي واني بالكوه اجر النفس رجيت جسمي على الكنتور وكتله بصوت هادئ كلش
ودموعي تنزل : انت مسودن ومخبل وحيوان وماكو فرق بينك وبين المجرمين
صاح صوت خلاني انجمد بمكاني : كافي بت الجلب كل هذا الضرب والصياح والعياط
وانتي مستمره بهاي العرامه مالتج ثقي بالله يابه وربج ماراح اعوفج ولا راح
اجوز عنج اله اخليج اطلبين الموت بالسانج جلبه ,
تفل عليه وكام طلع , واني ضليت ابجي واون على حضي المصخم الاخوث ,
دخلت عليه ياسمين صاحت: لج شسويتي بحالج داده مياده وين ذبيتي روحج
يالمصخمه تذبيهه جوه ايديين الحجي يالثوله •
اريد احجي اريد اعيط بس ماكدر احس الساني عاجز عن النطق ماكدر اسوي اي شي
دخلت ثريه شهكت حيل واجتي ركض عليه
صاحت : لج يمه اووي دخيلك ربي لج شصاير بيج يمعوده ,
ياسمين كالت : تكدرين تكومين شويه
اشرتله براسي بمعنى لا صاحت مهره ونوكيا واجني شالني علكيفهن صعدن بيه الدرج بالكوه
نومني على الجربايه واني اون من الوجع ضرباته حيل قويه ومن يضرب ينسى الي كدامه حيوان
انسان عليه مجرد يضرب , طلعن البنات مني واجتي ياسمين بدلتلي الدشداشه علكيفهه
مسحت وجهي بالكلنيس رفعت راسي ليفوك علمود ينكطع الدم الي يوكع من خشمي
وياسمين يمي وادردم
ياسمين : الله لا يوفقه يمه حبيبتي والله فقيره وفطيره انتي شنو راح يصير بيج ماعرف
رغم الوجع والالم الي اني بي بس اخذت نفس شهيق زفير وكلت بكلبي لازم اكعد افكر شلون
اطلع منا ومنين اخذ فلوس , الوكت كاعد يمشي بيه وكلام هاي المره ام سعود يرن بالي ان راح
اشهد على وفاة الاحبهم واحد واحد , ماريد اخسر تبويه اريد اكعد ويا اريد اعاتبه
اريد ابجي ويحط ايده على راسي ويكعد يهديني اريد اشوفه من يرجع من الشغل واوكفله يم الباب
وانطي كلاص مي وابتسم بوجهه ,
كتله لياسمين : ياسمين عوفي الوجع الي بيه على كولتج الكتله بس اول يومين وتروح
ضحكت وهزتلي جتف وكالت : اي عيناي من البدايه وصيري هيج نجره
احا شكد تخبلين من تصيرين هيج •
عدلت راسي وعدلت كعدتي وكتلهه : حبابه خلينه نحجي بجد الي شفته بالغرفه منو جان
عقجت حواجبه وكالت : انتي داخله للغرفه الي بالنص مو
كتلهه : اي هي وشفت ولد مو كلش جبير بالعمر بس هدومه مشككه ووجهه كله
دم ويون من الوجع •
اباوعله قربت راسهه من يمي وكالت : مو هذا المهم الي مهم شنو كلج
بلعت ريكي وكتله : ماكال شي جان بس يون من الوجع
كالت : المهم هذا الانسان مهم عند الحجي ومحد يعرف شنو قصته غير بس مهره والحجي
رطبت شفايفي وحسيت طعم غريب صار بحلكي حطيت ايدي على شفتي لكيت بيهه دم ,
لعبت روحي كتلهه : عفيه بس انطيني اكلينس من يمج ,
انطتني كلينس ومسحته كتلهه : من شوكت هو هنا وانتي شلون عرفتي
كالت : ماما اني من زمان ويه الحجي كضيت حياتي ويا عماره وبصره وبغداد وخلي انطيج خبر
ثاني الغرف البقيه اثنين منهن بيهن بنات همات مهمات عند الحجي ومهره
عقجت حواجبي وكتلهه : زين شنو فائدته الحجي منهم شنو يستفاد اريد اعرف يعني اخذهم
وحبسهم شنو الفائده •
كالت : ماعرف وداعتج كتلج مهره اكثر شي وحتى هي تعرف معلومات اكثر من الحجي
لان كتلج قبل جم يوم ان ُ الحجي مو مسؤل مهره اكو راس اكبر من عنده
كتلهه : ماعرف شنو أكلج الله يستر من عندهم
كالت : عيني اكلج اكيد داسو على دشداشة الحجي وماخذهم وداعتج لو مامتقربين
من الحجي جان هم هسه بنعيم بس شكو يدحجون بالحجي طبهم طوب ,
حطيت ايدي جوه حنجي وكتلهه : زين هذا مسؤل مهره والي يتاجر بيهه وبالبنات الي يمهه
وين كاعد وليش لحد الان اني مامتعرفه عنه •
ضحكت وكالت : اكلج عيناي منو كلج مايعرف عنج شي يعرفج وهم اكثر منج
والله يالله انتي ليش ماكاعده تتقبلين فكرة أنُ ذوله عدهم فروع وفروعهم بيهه جذور
وجذورهم قويه
كتله : ماكتيلي وين كاعد
كالت : بالعماره
كتله : وين بضبط
كامت من الجربايه وكالت : اني لازم انزل ورايه شغل
كاعده احجي دارت وجهه عني ونزلت , صرت بحيره جبيره شنو اسوي ووين اروح ماعرف
اي شي , كمت على حيلي رحت لميز التواليت عدلت نفسي شلون ماجان وطلعت من الغرفه
نزلت الدرج واني اون من الوجع والقهر , لكيت مهره كدامي
كالت : يلا يلا روحي ويه البنات كملوا الغده ,
وفعلا بدون ماجاوبه لان كلش تعبانه ومابيه حيل نقاش ابد دخلت للمطبخ لكيت صابرين وبقية
البنات كالت : اخذي الزلاطه وبس راح نكمل كلشي
رحت للهول واني لازمه بديه مواعين الزلاطه لكيت الحجي كدامي كاعد على التخم
بلعت ريكي ومشيت دنكت وحطيت المواعين على السفره
صاح : بعد ماكو اكصف من هاي الدشداشه الملكوفه
كمت امتممت ماعرف شنو اجاوبه بالكوه طلعت الكلام مني : ا اي ررايحه هسه ,
ورحت بسرعه صعدت وصلت لباب الغرفه فتحته وسديته صرت وراهه كمت اتنفس بأسرع
سرعه عندي سمعت نوكيا صاحت : يلا وينج يمعوده تعاي راح نبلش ناكل
صحت من يمي : نازله هسه دقايق ,
بسرعه مشيت بأتجاه الكنتور طلعتلي دشداشه حلوه ونظيفه لبسته بسرعه ونزلت ,
وصلت يمهم ماكو مكان حرت وين اكعد غير بس يم الحجي رحت كعدت يمه وبالكوه اجر الخبزه
اباوع لنوكيا ولياسمين يغمزلي ويبتسمن •
حط كدامي ماعون مال تمن كال : اكلي بويه اكلي شباقي بيج غير بس العظم
باوعتله صفح وكتله : من ضيمك ,
باوعلي نظره تكتل كتل رئسا جريت الماعون وبديت اكل بي ,
خبطت شويه دبس ويه التمن طلع الطعم كلش طيب , وضلينه مجموعين على الغده بين الضحكه
والسالفه الى ان كملنه وكلما توزعت على غرفتهه ,
وكفت اغسل المواعين واني افكر شلون راح ادبر الفلوس منين اجيبهم
خطرت بالي فكره ان اروح لمهره واطلب راتبي مقدما بس كلت لا ميصير شلون هيج ,
كملت غسل المواعين وحطيتهن بالكاونتر كعدت امسح الكاونتر فتحت الخانه الاولى
لكيت علبه مكتوب عليهه بالانكليزي ومرسوم عليهه رسومات غريبه
استغربت من شفتهه رئسا رجعته وين ماجانت
صعدت لغرفتي ونمت بفراشي واني افكر
وصابرين العبده فاتحه كامره مادري ويامن تحجي، غمضت عيوني ونمت لان ميته تعب
من ضربات الحجي كعدت على صوت مهره تصيح يم اذاني : لج اكعدي اكعدي ساقطه
فتحت عيني كمزت على السريع كتله : ها ها شكو
كالت : عيني ساقطتنه الحلوه كومي صارت دنيا ليل ساعه سبعه وبعد ساعه ونص تبدي العالم
تجي كومي فضيني سبحي بدلي •
كمت وكتلهه : اكلج عفيه تعبانه شلون اطلعيني بهذا حالي
حطيت ايدهه على خصرهه وتهز رجلهه : عيني هاي سوالف الشارع حافظتهن
حفظ وجنت اني اطكطكهن •
دخلت نوكيا وكالت : والنعم منج مهراوي عيوني
ضحكت وكتلهن : هسه راح ابدي احضر نفسي
كالت : حطيلج كحله شي مو تنزلين هيج جنج وحده كارهه ابو الحياة
دارت وجهه هي ونوكيا وطلعن سوه كمت على حيلي رحت للحمام غسلت وكملت ورجعت
لغرفتي بديت انشف شعري , كملته ورحت للكنتور فتحته جريت الفستان وجريت حسره عليه
وكلت بكلبي : اي يادنيا بعد شنو راح تسوين بيه , بديت البس بي علكيفي الى ان كملت لبسه
دخلت صابرين وكالت : يمه يمه فدوه لهل طول يمه شهل حلاه شهل جمال ,
ابتسمت على كلامهه جرتني من ايدي وكعدتني على الكرسي وبدت تسويلي تسريحه لشعري
جانت كلش حلوه وحبيته حيل
سمعت وحده من البنات الي جوه تصيح
بسماعه : الو الو يالله
باوعت على صابرين ضحكت وكتلهه : هاي شكو شبيهن
ضحكت وكالت : لا ولج ذني كاعدات يجربن السماعه لان مهره تغني بالسهره
ابتسمت بوجهه وكالت : يلا احطلج مكياج
كتله: لا عيني شكرا اريد احط بس كحله وهاهيَ ماحب ذني السوالف
رجعت ليوره غمتني وكالت : هذا الشرف شوكت يروح ويغرك ماعرف
كملت كلامهه وغمزتلي •
كلت بكلبي : اي يادنيا شنو راح اطلعين من ناس كدامي ,
كمت على حيلي جريت الكحله جانت خشنه حيل جريت عيني برسمه قويه وثخينه ,
برزت عيوني بشكل كلش حلو وعدلت شويه من اطراف شعري ورجعت الكرسي ليوره وكفت اباوع
على جمال جسمي , شكد ضايجه ان هذا الجمال والحسن الي ضليت محافظه عليه من طفولتي
راح يشوفه فلان وعلان وهمَ نكسين •
سمعت مهره تصيح : ولجن ساقطات وينجن نزلن بسرعه
باوعت لصابرين كاعده ترش عطر اني رئسا نزلت , لكيت كدامي زلم ماعرفهم يمه خفت
كلت بكلبي كبر لفكم اي والله عايفين الحلال وجايين للحرام من امداكم ,
صاحتنني ياسمين من المطبخ جانت شايله بيدهه الصينيه وبيهه كلاصات متروسه بيره للنهايه
ريحتهن لا تطاق ابد , نلعت الشيطان واخذته منهه ورحتلهم
مياده : تفضل
كال : شو نواشف اليوم شنو بس تفضل ماكو حركة لسان منا منا
ابتسمت بوجهه واني العن بي رحت للثاني هذا زايعته الدنيا وذابته هنا ,
كال : اويلي اويلي اذوب على الاحمر كون التفاحه هم حمره
يمه ولا تحملت رئساً رحت للمطبخ لاكتني نوكيا السمره : كتلهه عفيه روحي انتي بمكاني وداعتج مامتعوده
دخلت مهره وكالت : شبيج خير ياطير
كتلهه: انتظريني بين ماتعود
باوعتلي صفح من جوه ليفوك كالت : اخذيهن نوكيا يلا فضيني
شويه ودخلوا زلم وجبه ثانيه وكامل كشختهم وعطورهم اباوع على الكاعدين لكيت واحد لابس قاط ووجهه
احمراني مكعد صابرين العبده بحضنه وذيج تلعب بشفايفه وماأدري شنو تحاجي •
رجعت للمطبخ اجتي ياسمين كالت من تبدي مهره تغني تجين تقدمين الكلاصات مره ثانيه
ولازم انتي تقدميهن علمود تنعرفين شويه شويه عيوني واي واحد يتقرب عليج يلمس جسمج
سكتي تحملي لان كلهم مهمين فدوه •
دنكت راسي و نزلت دمعتي , اجتي عليه
وكالت :كلنه انجبرنه وداعت هاي عيونج شنسوي لعد
عافتني وراحت مسحت دموعي وكلت : يارب سامحني على كلشي بس انت تدري بيه وبوضعي شنو اكدر اسوي ,
انتظرت شويه وبدت ثريه ادك شويه شويه الى ان لزمت الخشبه ودكت عليهه حيل ودخلت عليهم
مهره هذا الي يصوفر وهذا الي يطلع شدة فلوس من جيبه وهذا الي مكعد صابرين العبده بحضنه
ناسي الدنيا كلهه •
بدت مهره تنعي مدري تكول موال بالكوه افتهمته منهه بس صوتهه على الجرح •
شويه وصاحت : حياهم الله تاج روسنه وحامين عرضنه ويابه للصبح سمعونه تحيه
وثريه ادكلهه بالطبله ,
سكتت وصاحت :
يمه يمه تكله ترف بايام وصلك جنت بس عود
اسمع واحد من الكاعدين يكلهه : اي اي بس عود يمعود
وهي تكله : وهسه انه انه من الهجران
بس عود بس عود
وهي كالت النهايه لو كل واحد وصاح : لج ساقطه اويلي عليج
واحد منهم اسمعه : لج صدك بس عود صاير عيدي ساقطتنه اليوم العب بيج لعب
ضحكت وكلت بكلبي : يلعنكم الله ولجهنم ترحون
رجعت كالت : بس عود بس عود يزي ياشريج العگل
جاوبته نوكيا بمياعه : عيناي بس عود
رجعت كملت : بس عود تره تره من تعوود روحي تعود اليه
رئسا ثريه لزمت الطبله ودكته بكل قوه وواحد اسمعه يصيح : هاي الحمره لعيون مهراوي يابه العب
اباوع لمهره تسويله بيدهه على راسي , انطت حركه لثريه معناهه ابدي دكي
وبدت ادك ثريه ومهره بدت تغني :
حبيب امك ماتقبل من احاجيك
روحي معلكه بيك •
واباوع على هذا الي مكعد صابرين العبده بحضنه نايم بصدرهه مدري يشم بي ,
هزيت ايدي وكمت لزمت الصينيه وطلعت اباوع لكيت البنات كلهن يركصن •
هاي الي تهز الصدر وهاي الي تهز الخصر , اباوع لياسمين لكيتهه واكفه يم رجال جبير
العمر ماكله اكل وتهز يمه جتف وهو واكف ويهز وياهه , رحت لواحد واحد انطيته كلاصه
واني بالكوه جارعه الريحه وكلامهم الي نصه غلط وسب،
رجعت للمطبخ حطيت الصينيه على الكاونتر كلت هاي فرصه اروح للولد افتهم من عنده
لازم اسوي شي ولازم اتحرك ,
رحت للهول لكيتهم مندمجين كلش فتحت باب الهول وطلعت توجهت لحديقة البستان
اباوع منا ومنا ماكو احد بس اسمع كهكه مال زلم ضليت اتمشى علكيفي واني اباوع منا ومنا ,
وصلت لشجرة الصفصاف باوعت ماكو احد كاعده اطلع بس سمعت اصوات قريبه عليه
باوعت كلش زين لبعيد لكيت زلم كومه كاعدين على ميز ويمهم ابطالة عرك و كاعدين يشربون
ومتونسين بأخر ايام من حياتهم , كلت بكلبي هسه شلون راح اوصل لهناك ماعرف ,
طلعت راسي من شجرة الصفصاف وضليت مركزه على بوب الغرف لكيت الي بالنص مقفوله بزنجيل
رجعت راسي ليوره وحطيت ايدي على حكلي كلت " شلون بلوه هاي منين اجيب المفتاح شلون راح اطلعه منا "
باوعت منا ومنا مالكيت احد رجعت للبيت ركض دخلت لاكتني ثريه
كالت " وين جنتي
بلعت ريكي وكتلهه : جنت شويه اشم هوى
كالت : راح تشردين مو
رطبت شفايفي وكتله : ليش هذا السؤال وليش اشرد متكليلي ,
كالت : لان اني هم اريد اشرد بس مو هسه اريدج توصلين انتي لااختي فدوه اروحلج ,
كتلهه : روحي لايحسون عليج غير انتي الي ادكين الهم
كالت : معليج اكو غيري وهسه ديشربون معليج ,
كتلهه : بس اساعدج وتساعديني
كالت : من عيوني بس عنوان اختي راح اكتبه الج ولازم ترحيلهه ان ادير بالهه على امي و قريبا راح اجيهم
كتله : ماكو اي اشكال بس اني اريد فلوس و المفتاح مال الغرفه الي بالنص
لان راح اشرد اني والولد •
عقجت حواجبه وكالت : بس ليش انتي ويه الولد ليش مو ويه البنات الي بالغرف ذنيج
كتلهه : لان الولد يكول ابويه راح يموت وهو يعرف كلشي عني وعن ابويه
كالت : مادري شكلج بس ماكو غير الحجي ان ُ ادخلين لغرفته وتحطين نفسج بحضنه
الى ان ينام وتبدين تاخذين المفاتيح والفلوس •
عقجت حواجبي وكلتله : يصير غير حل فدوه
كالت : ماكو غير بس هيج وها المفاتيح تلكيهن كومه معلكات بالكنتور بالخانه الي بالنص
والفلوس تلكين شدات جوه مخدة راسه •
استغربت من كلامهه وكتلهه : انتي شمدريج بهاي التفاصيل
كالت : لان ليلتين اني يمه وعرفت كلشي وجنت مهيئه نفسي ان اشرد بس ماكدر خوفا
على اختي بس فدوه حاولي ان توصليلهم •
اجتي ياسمين ووياهه نفس الرجال الجبير فاتت من يمنه هي ويا
باوعتلهم وين رايحين صعدو الدرج •
باوعتلي ياسمين غمزتلي وراحت هي ويا
اباوع لثريه كالت اني لازم اروح ومعليج اني احس عليج من اطلعين
لزمتهه من ايدهه وكتله : نسينه شغله والكاميرات الي بره
كالت : لتاكلين هم يمي اني اعرف شسوي
باوعت لروحي حسيت كلام ثريه صح لازم اسلم نفسي للحجي علمود اوصل لطريق ثاني
ولفرع ثاني ,كعدت بالمطبخ انتظر شيصير مرت ساعات كومه وكملت سهرة مهره وكل وحده
اخذت واحد وراحت لغرفته واني العن بيهم بداخلي ,
صارت ساعه اثنعش ونص ودخل الحجي ماكو اي احد والاضويه مطفيه وبس اني بالمطبخ انتظرته
يدخل للغر فه علمود اروح وراه وفعلا دخل الغرفه واني اشوفه شلون يمشي بالكوه،
كمت على حيلي ودمعتي نزلت على خدي شلون مياده الي جانت هي وصغيره تنام على ايد ماما
منى وهي تسولفله قصة معينه ومياده الي جانت تلعب عضم ضايع اليوم راح تروح للحرام برجليهه
مسحت دموعي و طلعت للهول •
وصلت لباب غرفته رفعت راسي للسمه وكلت : ربي متوكله عليك بكلشي سامحني واغفرلي انت
غفور رحيم بس مجبوره ماعندي اي خيار امامي •
دكيت الباب محد جاوب دكيته مره ثانيه
كال : هاي ياساقطه جايه هسه دخلي اضاهر متكدرين تنامين ,
دخلت ودموعي متجمعه بعيوني ماعرف شنو اسوي هو اول ماشافني رئساً كام على حيله
وكال : اخ يابه شنو الكمر اليوم يمي اويلي اويلي يابه ,
خنكتني العبره من سمعت كلامه اول مره ارخص روحي في سبيل اطلع منا واخلص ,
طلعت الكلام من حلكي بالكوه وكتله : اني الك اليوم ,
بدون اي تفاصيل هجم عليه من الجربايه مثل الحيوان من يشوف فريسته كدامه ,
قرب راسه من صدري ودفنه بي واخذ نفس بنصه ,
شهكت رئسا ودمعتي نزلت على خدي كال :
لتخافين اونسج تونس ماشايفته بحياتج ,
شفته منتهي وذايب وخرته عني و تقربت على الميز
وكتله : اشربلك شويه بعد علمود اني هم اونسك ورحت كعدت على الجربايه ,
هو رئسا نزع دشداشته وراح لميز التواليت صب كلاصين جابهن واجه بأتجاهي
كال : يلا نشرب
اخذته منه •
وكتله : اني بعدين مو هسه
كعد كدامي يشرب بيهن واني اريد انهي اكثر العب بلحيته وامشي ايدي على جسمه
وهو يباوعلي ويبتسم حسيت عنده العيد
كال : يلا نطفي الاضويه
كتله : روح طفيهن ماكدر اني خلي طاقتي
لحضنك , وضحكت ضحكت ياسمين بالكوه جبتهه
هو ماصدك سويتله هيج رئسا كام يطفي الاضويه اني رئسا مديت ايدي جوه المخده تلمست اكو
فلوس •
وفعلا اكو كومه خليتهن بمكانهن كلت بعدين آخذهن بقن المفاتيح لازم اتاكد ,
طفه الاضويه واجه نام على الجربايه وجرني لحضنه وبده يتلمس بجسمي ويبوس بيه
الى ان حسيت السانه بده يتلمس جلد جسمي ماعرف ليش حسيته ثكل كلش تعب
كال : لازم انام ماكدر
ابتسمت لا ارادياً باوعت عليه
وكتله : نام براحتك اني كايمه اشوف شي من خانتك البسه ضوجني الفستان
كال: براحتج ,
كمت من يمه فتحت باب الكنتور الي بالنص اجت عيني مباشرتا على المفاتيح حسيت روحي ردتلي ,
باوعت عليه نايم على بطنه ومثل الاخوث كلشي مايدري اخذت المفاتيح علكيفي بدون ماطلع
اي صوت ضميتهن بصدري وسديت باب الكنتور رجعت كتله : راح انام بي
كال : براحتج كافي لتحجين ,
نمت يمه شويه وسكتت شفته منتهي كلش ومطفي،
شويه شويه مديت ايدي عليكفي جوه المخده جريت سفطه مال فلوس كامله اخذتهه
حطيته وره ضهري كتله : عطشانه رايحه اني
كال : ولي ماريد شي منج وسدي الباب حيل
كمت على السريع , حطيت الفلوس كدام بطني وضهري صار عليه
تمشيت فتحت الباب وطلعت تنفست شهيق زفير ,
توجهت لغرفتي لازم البس اي شي , فتحت الباب ومديت راسي شويه خاف صابرين موجوده
بس مالكيت احد دخلت بسرعه نزعت الفستان ولبست دشداشه نظيفه مرتبه وحطيت شال عليه
شلون ماجان , دورت على عبايه لازم الكه عبايه فتحت الخانات كلهن وصلت الاخيره لكيت وحده
مشككه وكلهه تراب •
لبستهه على السريع وطلعت حطيت الفلوس والمفاتيح بجيب الدشداشه ,
لكيت كدامي ثريه جرت ايدي وباوعت منا ومنا وكالت : هاي الورقه امانه يمج لازم توصل لهذا العنوان
كتلهه : اطمئني توصل ادعيلي فدوه
كالت : الله وياج لتخافين ابد ، وهاج هذا راتبي الج
اخذته منهه و حطيته بدشداشتي و شبكته
وخرته عني و طلعت بسرعه من باب الهول باوعت منا ومنا ماكو اي احد ,
رحت وره شجرة الصفصاف مالكيت احد رحت بسرعه لباب الغرفه الي بالنص
حطيت ايدي بجيبي
جريت المفاتيح وضليت حايره ياهو مفتاحه هذا الزنجيل واباوع منا ومنا خايفه
ماكو اي احد
رئسا حطيت اول مفتاح ماكو مانفتح
حطيت الثاني مانفتح وصلت للخامس انفتح
رئسا ابتسمت ردت افتحهه بس سمعت صوت من ورايه
تبسمرت بمكاني بلعت ريكي كلت بكلبي منو ؟
يتبع ...
للتنويه:
نظام النشر سيكون بين يوم ويوم
لتطويل البارت بشكل اطول من الاحداث •
خالص مودتي لكم
تحسين لقمان
رواية فستان أحمر الفصل الثاني عشر 12 - بقلم tahsin_luqman
عزيزي القارئ فضلا وليس امرا اضغط تصويت لنشر المزيد من احداث الروايه،
فستان أحمر
تحسين لقمان
حطيت الثاني مانفتح وصلت للخامس انفتح رئسا ابتسمت ردت افتحهه بس سمعت صوت من ورايه
تبسمرت بمكاني بلعت ريكي و كلت بكلبي منو ؟
درت وجهي ليوره لكيت ثريه حطيت ايدي على كلبي وكلت بصوت مسموع الف الحمدلله ياربي
كتلهه علكيفي : لج شعدج هنا يمصخمه مروتج لايشوفج احد يمعوده ,
اباوعله تباوع منا ومنا كالت : لازم اسد الباب وراج مال الغرفه لان من يصير الفجر يكعدون
الحراس فأكيد كلهم راح يشوفون الباب مفتوح مال الغرفه و يسوهه عرس هنا بالبستان
وخاف بهذا الوكت انتو مامسافرين لازم اقفل الباب وراج علمود محد يحس
ابتسمت بوجهه ورحت حضنتهه •
كتله : شكرا ثريه ربي يحفظج ماعرف شسويلج
وخرتني عنهه وكالت : روحي روحي محميه بجاه النبي معليج روحي
درت وجهي ورحت لباب الغرفه فتحته علكيفي ماكو صوت هذا الولد
كلت خاف نايم او اي شي ضليت اتمشى بين الزوالي واني اصيح
علكيفي : يولد يولد وينك
بس ماكو اي صوت من عنده استغربت وينه هذا ضليت اتمشى بين الزوالي الى
ان وصلت للزوالي الاخيره, لكيت الكرسي الي جان كاعد عليه فارغ ماكو احد كاعد عليه ,
وبس الوصل موجوده حطيت ايدي على حلكي الولد وين راح ووين الكاه شلون بلوه هاي
كاعده ارجع للباب علمود ابلغ ثريه بس اجتني همسه بسيطه كلش ضعيفه وكفت بمكاني
درت وجهي ليوره ماكو احد استغربت شنو الموضوع شكاعد يصير
كاعده اسمع صوت بس ضعيف ومن غير اتجاه الي اني بي
اتبعت الصوت علكيفي اباوع للكاع لكيت قطرات مال دم حطيت ايدي على صدري
وضليت اتبع الصوت وقطرات الدم الى ان وصلت يم زوليه من الزوالي و انكطع الدم والصوت صار قريب
أتقربت بأتجاه الزوليه وكلت : منو هنا
اسمع واحد يصيح اخ و يون من الوجع بس ماكو احد كدامي غير بس هاي الزوليه وبصفهه
مجموعه من الزوالي درت وجهي كاعده ارجع بس وكفت بمكاني رجعت باوعت للزوالي الي مكومه
كدامي حسيت ان الصوت كلش قريب من يمهن رحت تقربت عليهن مالكيت احد وخرتهن بديه
شويه وطلعلي الولد كاعد على كرسي مجتف و منتهي كله دم ومجلخ تجليخ وبطنه وحلكه ينزفن
دم , شهكت ورحت لزمته على السريع
مياده : يا يا اسم الله الزهره لك شبيك يمعود منو هيج مسوي
اريد افتهم من عنده شي ماكو بس يون ويحجي كلمات متقطعه اباوع لصدري يصعد
وينزل من الخوف رطبت شفايفي •
وكتله : تكدر تكوم لو لا
اريده يحجي مايكدر اشرلي براسه بمعنى اي
كتله : شلون تكوم وانت بهذا وضعك يمعود هسه اريد اعرف بطنك شلون أوكف منهه
الدم منو مجلخك هيج تجلخ •
بالكوه كدرت افتهم من عنده : م مي انطيني م مي للازم ن نشرد
باوعت للمكان الي اني بي اريد بطل مي او كاسة مي ماكو
كتله : عفيه هسه منين اجيبلك مي لازم تعاوني شويه علمود تكوم ونطلع منا قبل لا يكعدون
فتحت ايديه ورجليه حاولت اكومه من الكرسي بس ابد ماكدر جسمه متكسر تكسر
رحت للباب لكيت ثريه تباوع على كل ركن خاف احد يجي
كتلهه : هذا مكسري تكسر واريد اكومه ماكدر شسوي
كالت: تعاي اني وياج نتعاون الى ان اطلعون باب البستان
جرتني من ايدي بسرعه ودخلنه عليه اباوع لثريه رئسا شهكت
وصاحت : اوي اوي يمحمد يربي هاي شصاير بالولد
كتله : لج شلون راح نشرد بهذا حاله ماعتقد نكدر
كالت : انطيني حجابج بسرعه
كتله :شبيج تخبلتي شلون انطيجياه
كالت : لج ماما متشوفين الدم الي يم بطنه لازم نوكف الدم ويصير عنده سند
بدون ماجاوبه وخرت العبايه على السريع نزعت
الحجاب كتلهه : هاج هاج بسرعه
باوعتلي وكالت : ركضي سدي باب الغرفه لا يكعد احد ويحس يمعوده
رحت بسرعه سديت باب الغرفه ورجعتله لكيته يم الولد لكيتهه ماسحه الدم
مال البطن وشادته على الجرح بشكل كلش قوي •
كالت : اريد شال بعد يربي شلون هسه
رجعت باوعت للولد وضربته راشدي علكيفهه وهزت راسه
وصاحت بي : لازم تركز ويايه انت حاليا صح متوجع بس راح ينتهي كلشي اريدك تصير كدهه
وكدود مابقه شي وتطلع حاول ترجع لوعيك •
اباوع للولد منتهي كلش مو يمهه اصلا باوعتلي وبعيونهه نظرات الحيره
كالت :روحي لزاوية الغرفه راح تلكين كونيه مروتج ركضي لتضلين فاهيه يمعوده
اني رئسا رحت ركض اني واركض
كتلهه: شجيب منهه
صاحت : فتحيه طلعي الملابس الي بيهه شوفي اكو شال تشيرت اي شي جيبي
وصلت لزاوية الغرفه لكيت گونيتين جريت اول وحده فتحته ذبيت كل الملابس بيهه
جانت عباره عن ملابس داخليه كلت بكلبي ربي مروتك مساعدتك باوعت على الثانيه
بنظرات امل عسى ولعل يطلع الي بيهه يفيدنه مديت ايدي عليهه كاعده افتحهه
وصاحت ثريه : لج استعجلي راح يجون مروتج مروتج يالكعبه
بسرعه جريته لكيتهه معكوده عكده كلش قويه ضليت افتح بيهه ماتنفتح وكعت خصله من
شعري على خدي وخرته من خدي بسرعه ودنكت على الكونيه كعدت افتحهه بسنوني
بكل قوه عندي حسيت اكو طعم غريب صار بحلكي استغربت من هذا الطعم حطيت
ايدي على حلكي لكيت دم من حلكي رجعت دنكت على الكونيه وفتحته
رئسا نكثتهه و طلعت الملابس الي بيهه لكيتهن كلهن ملابس شتويه اخذت
بلوزين وبسرعه رحت لثريه لكيتهه تحاول تصحصح بي بس ماكو اي فائده
كالت : لج بسرعه انطيني خلي نلحك يمعوده
مياده : هاج عيوني , شمرتهن عليهه بسرعه
اباوعله اخذتهن بسرعه حطت اردان البلوز وشكته ولزمت جرحه وكعدت تشد بالجرح
اباوعله للولد بس يصيح اخ ويون من الوجع خطيه
كالت : ركضي دوري شال او ستيان شتلكين من ذني الاثنين جيبي
بدون ماجاوبهه درت وجهي ورحت ركض للكونيه فتشت بين الملابس الشتويه لكيت شلون المشمر
اخذته بسرعه اجتي عيني على ستيان هم اخذته وثريه اسمعه تصيح
ثريه : لج يمعوده وينج استعجلي ماريد فهاوه كلما نستعجل لصالحنه بسرعه بسرعه
رحت ركض عليهه كتلهه : ذني ذني
شمرتهن عليه اباوعله اخذتهن بسرعه شالت ايده وشدت الشال بيده وسوت دائره كالتله
بصوت عالي : يلا هسه اريد همتك حاليا راح اكوم اني واسندك على ركبتي
حاول تساعدني بأكبر قوه عندك •
اباوعله للولد يسويلهه براسهه بمعنى اي كامت من الكاع باوعتلي
كالت : شبيج واكفه يلا تعاي ساعديني
تقربت عليهه واني ابلع بريكي دنكنه على الولد لزمته من ايده وهي شالت الفتحه مال الشال
وحطته بركبتهه كومته من ايده الي لافه بيهه الشال وهو خطيه يون من الوجع
كتله : حباب حاول تتحمل ولا أطلع اي صوت تره والله نروح بالرجلين ,
هز براسه ليجوه بمعنى اي كالت ثريه : يلا ولج هدي من ايده امشي فتحي الباب كدامنه
ركضت على الكاع لبست عبايتي وفتحت الباب مال الغرفه كدامهم وثريه ساندته
من ايده وبالكوه تمشي بي وهو بالكوه واكف وبالكوه يمشي طلعنه من الغرفه وكفت كدام
الغرفه وكالت : قفلي الباب يلا بسرعه وحطيلي المفتاح يم ذيج الطابوكه
على السريع بدون جواب رحت طبقت كلامهه باوعتله
كالت: وهسه بدون صوت لازم تمشين ورايه علمود نطلع من باب البستان
باوعت منا ومنا ماكو احد مشت ثريه وهي بالكوه سانده الولد واني وراهه اتلفت منا ومنا
خايفه خاف احد يشوفنه ونتورط وصلنه لباب البستان ستونه ردنه نطلع والولد
زوع رئسا ركضت عليهم وصحت : اسم الله لج يمعوده وين رايحات بالولد وهو بهاي الحاله
ماشوف اله وثريه شالت دشداشته من الطارف ومسحت حلكه
وتسويله : يوم لعدوك عيوني سبع لا تخاف من هيج امور تصيرلك يلا يلا اريد همتك
مابقه شي •
درت وجهي بسرعه خفت من الموقف زواعه اختلط بدم وجهه ومعانيه كلهن مختفيات
صاحت ثريه : لج يلا يمعوده وين دايره وجهج ساعديني مروتج وداعتج راح ننلزم
درت وجهي عليهه وكتله : متكليلي شساعدج يمعوده دشوفي الولد شصاير بحاله
وانتي تكليلي ساعديني يربي •
تفلت عليه وصاحت : لج بت الفكر قابل اني راضيه بس غير لازم نساير الوضع
علمود الحك على نفسنه اخ يربي •
تقربت يم الولد لزمته من ايده و طلعنه من البستان علكيف واحنه خايفات نباوع منا ومنا
كتلهه : ولج ثريه شو كلشي ماكو لاسياره ولا ش
باوعتلي وكالت : هو حتى لو اكو سيارات وين متفقين ترحون
حطيت ايدي على حلكي وكتلهه : غير هو الولد كال لازم نشرد ومادري شنو
صاحت : لج انتي غبيه ثوله مصخمه وملطمه غير تجين قبل يوم تفتهمين من عنده السالفه شلون
راح تشردين وين راح ترحون •
كتلهه واني دمعتي بطرف عيني : يعني هو اكيد نروح لابويه غير
باوعت للولد ورجعت باوعت عليه
وصاحت : لج ماما وابوج وين تندلي
هزيت راسي بمعنى لا كالت : اغبى بنيه شفته بحياتهه كلهه
لا هاهي هواي الامانه مالتي راح توصل لمكانهه اذا ضلت عليج بنص الطريق ويطيرهه منج الهوى
كتله : وهسه شنسوي يعني شنو نرجع
كالت : ماما وين نرجع تخبلتي بعد الي سوينا شو امشي يمعوده ورايه نروح لرفيق المخبل
صفنت عليهه وكتله : منو هذا رفيق المخبل
كالت : بدال ماحايره لهاي الاسئله الغبيه تعاي ساعديني نحمل هذا البليه الي صار عليه
من طاحظ حظي اي والله اذا اساعد احد بهاي الدنيا الغبره
كتلهه : يلا عاد هسه انتي شمسويه هو نقلتي منا لهنا
كالت : تره والله اذبه عليج وارجع لغرفتي
ولفراشي اشرفلي هواي وخليج انتي هنا مثل الجلاب حايره
ردت احجي وهذا الولد
كال بصوت بالكوه ينسمع : خيتي مروتج بطني راح تموتني من الوجع وين ماتردين تودينه ودينه
كالت : لج تعاي يمي يلا بسرعه شيلي ويايه
تقدمت عليهه وسندته للولد من ايده نفس مامسويه هي ضلينه نمشي بالطريق
واني ماعرف وين رايحه ووين ذابه نفسي عبرنه البستان بمسافه كلش بعيده
وثريه صاحت : مابقه شي وصلنه وكلشي ينحل لازم تبقون يم رفيق المخبل
الى ان هذا الولد يصير زين •
جاوبتهه واني بالكوه احجي من وره ثكله لهذا الولد
كتلهه : منو هذا رفيق المخبل اول مره اسمع بي حتى ياسمين ماحاجيتلي عنه
كالت : ليش هو منو يدري بي غير بس اني
عقجت حواجبي وكتلهه : شمعنى بس انتي اكو شي يعني مخفي بالسالفه
كالت : عيوني ولو هو مو وكت حجي بس لازم انطيج نبذه عنه خطيه هذا ابو يخدم بالمواكب
بأيام عاشوراء و انفجرت عليه القنينه مال الموكب ويكولون الرجال صار دمار كلش
والام عيوني كرايبه علساس داخليلهه وكاتليه موت كدام رفيق ورفيق من هذا اليوم
ومن هاي المواقف تخبل وصار مايكدر يعيش اله بهاي الخرابه
وأشرت براسهه ليكدام •
استغربت وكتلهه : وين الخرابه تره ماكاعده اشوف اي شي هو عباره عن طريق
كالت : هسه راح ندخل بهذا الفرع وتشوفي
كتلهه : انتي شلون عرفتي قصته
كالت : وداعتج عيوني اني عرفتهه عن طريق النسوان منا ومنا
لميتلي جم خبر الى ان صارت قصته عندي كامله •
كتلهه : زين هو مخبل يعني كلش وتصيحوله مخبل
كالت : اي مخبل انتي شنو هذا الغباء العندج كاعده اكلج رفيق المخبل
يعني شنو يعني مخبل •
كتلهه : زين عفيه شنو رايحتله اني وهذا الولد فوكاهه بخرابه
وكفت بنص الطريق وصاحت : والله عاد حبيبتي هذا الموجود تشكرين ربج وانتي الممنونه
مفروض تفكرين بهذا الشي قبل لتسوين هاي الدكه الناقصه
كتلهه : زين هو خاف يأذي يعني هو خبل عاد كلشي نتوقع منه
باوعت عليه وكالت : صح هو خبل بس احسن وانظف من هواي ناس شفتهم حياتي
تعاي تعاي ندخل للفرع •
كاعده اجاوبهه وصاح الولد : اخ يابه خيتي شكد تحجين مروتج وصلينه لأي مكان
لان راح اوكع بالزايد وماكدر اسوي اي شي
ضجت من كلامه وتصرفه
صحت بي : اكلك اني كايلتلك سوي صلافه واشبع كتل على كولة ياسمين لو مادايسين
على ثوب الحجي جان انتو هسه بنعيم •
باوعتلي ثريه وكالت : خليهه ياسمين انتي اصلا كل الي تعرفي عنه شي بسيط هاي
داهيه جبيره محد يعرفه غير بس اني •
رجع صاح الولد : نعله روحي اي والله
صدك النسوان لغويات مروتجن امشن مو تكطعت بطني •
صاحت ثريه : اوكف انت تره تعبتني صارلي ساعه اسحل بيك وصلنه هسه
دخلنه الفرع ومشينه بي علكيف
الشارع مال الفرع عالي بالكوه الواحد يكدر يمشي بي احس روحي كاعده امشي على شي عالي
اباوع على البيوت كلهه متهدمه وبيهه اضويه
استغربت من الموضوع ليش هيج هاي البيوت
مهدمه وبيهه اضويه كتلهه : ثريه عيوني احنه وين كاعدين نمشي
شوفي البيوت مهدمه وبيهه ضوه
كالت : ماما هاي الفقير الشريف الي مثلج عايش هنا بهاي الخرابه لعد وين ينطي وجهه ماتكليلي
كتلهه : معقوله ناس تكدر تعيش بهيج بيوت وهي عباره عن انقاذ من الطابوك
كالت : ماما الفقير ماعنده شي اسمه معقوله ومادري شنو تلكي حاطله جينكو وحديد
ومسويله سكف مرتب يحمي من شعيط ومعيط•
كتلهه: اي اي بعد وين راح نوصل بهاي يالدنيا
كالت : امشي يمه امشي
باوعت على الولد •
وكالت : انت احلى شي تطلع ناصب علينه الله حرام اسويك وصلت مسح عند رفيق
ضحكت وهو ضحك كال : كون رفيق يطلع خوش انسان يمعوده مو من جماعة
الحجي تره بسهوله يطلع النه •
كالت : لتخافون ابد رفيق رفيقي القديم يا ماوكفلي بشدات تكسر الضهر
سكتنه كلنه واني اباوع على البيوت والولد يون من الوجع مدري من الضيم والقهر الي مر بي
وصلنه لنص الفرع يم بيت واكع وبنصه زباله
وكله مهدم
صاحت ثريه: رفيق رفيق موجود انت
اني استغربت كتلهه : هاي شبيج ثريه ماتشوفين الشوارع فارغه يارفيق
كالت : ولج يمه على الغباء لج غير عايش هنا بهاي الخرابه
رجعت باوعت للمكان حطيت ايدي على خدي وشهكت معقوله اكو انسان داخل هاي الزباله
والهوسه كلهه رجعت صاحت : رفيق رفيق اني ثريه ام كصايب ام الكمل اطلع اطلع
الولد يون من الوجع واني بين الحايره على المكان وبين المبتسمه على تصرفات ثريه
كالت : تعالو ندخل خاف نايم خطيه
كتلهه : اوكفي يمعوده صدك تحجين مدخلتنه بهاي الزباله طلعنه جلب شي
كالت :اكلج لاتضلين كلساع وتكليلي يمعوده ويمعوده كتلج هذا الموجود
شنو حلج تردين ترجعين للحجي وتخلي يلعب بيج ويغركج تغرك بضربه
اكلي تبن وتحملي كلشي •
سكتت لان كلامهه فعلا صحيح لازم اتحمل كلشي الحلو والمر علمود اطلع من هاي الدوامه الداخله
بيهه اني دخلت ثريه ليجوه وهي وتصيح واني سانده الولد بالكوه
ثريه : يمعود رفيق اني صديقتك ثريه ام كصايب ام الكمل وينك
اباوعلهه راحت لنهاية الزباله وصلت يم شجره وخرت منهه وصله شلون البرده اني استغربت
كلت بكلبي هاي وين داخله شدتسوي شويه وصار صياح انوبه اريد افتهم شي ماكاعده
اركز صار خبط صوت ثريه بصوت رجال خشن ردت اخذ الولد واروح للبرده بس لزمني من ايدي
كال : اوكفي لا ترحين خاف صار شي
كتله: تعال نرجع ليوره خاف صدك صار شي
كاعده ارجع ليوره اني والولد وجان يجينه صوت فزز كلبي تفزز
: منو منو منو انتم هيي هيي خطار خطار الفرح
درت وجهي عليه لكيت ولد سمين شعره طويل وعنده لحيه طويله ومخربطه ووجهه دائري
ولابس قاط ماروني كله تراب وطكع واكف يم ثريه يكمز ويفرك بعينه ويصيح
ثريه : لك رفيق عيوني اهده اي اي خطار الفرح ذوله
يجاوبه وهو يكمز : هيي هيي خطار خطار الفرح اني اني احبهم حيل
ثريه كلتله : شكد تحبهم الخطار
اباوعله وكف بنص الزباله وشال ايده يأشر بيهن ويصيح : اني اني حيل حيل احبهم
بكد القطار الي يسوي جك جك جك جك
وكام يكمز ويصيح : جك جك جك جك
راحتله ثريه وكلتله : يلا يلا تعال ويايه نروح نستقبلهم راح يبقون يمك
تونس وياهم وديربالك عليهم هواي هم َ همْ يحبوك •
باوع علينه يمه اني رئساً خفت يربي شلون راح تمشي بيه الدنيا ماعرف رفع ايده
وركض باتجاهنه ويصيح : قطار قطار خطار خطار الفرح هيي هيي
وصل يمنه واني اطكطك من الخوف لا يروح يأذيني
النوبه هو شكله يخوف كلش لحيته وشعره وملابسه •
ثريه اجتي علينه بسرعه
وكالت : اني لازم ارجع راح اتأخر بالسلامه ياحلوين ومحمين بجاه محمد وال محمد
ورفيق خوش ولد وحباب لا تخافون من عنده مو صح رفيق
رئسا حط ايده على جتفي
وكال وهو يكمز : اي اي رفيق رفيق خ خووش وو ولد
كتله واني شويه خايفه : عفيه رفيق خوش ولد
اباوعله كام يكمز داير مدايرنه ويحرك اصابعه بشكل مستمر ويسوي
علكيفه بصوت مسموع : جك جك جك جك قطار حديد اي اي نعلك ص صص صواني ش شموع
باوعت لثريه كالت: حاطتكم بيد الله مع السلامه يروحي مياده حبيبتي ان شاء الله ماقصرت وياج
دمعتي نزلت لاارادياً شكد صعبه ناس جابوك للدنيا يذبوك بالميتم وهاي الغريبه الي مسويته مهره
ساقطه ساعدتني ووخلصتني من هل شله •
كالت: لتبجين انتي قويه وانتي شريفه توصلين بالسلامه لابوج
كتلهه : ماعرف شنو اكول شنو احجي ماراح انسه معروفج ابد وامانتج الي صارت يمي لو اعرف
اني بأيام حياتي بين الحياة والموت اوصله اوصله •
ابتسمت بوجهي وضربت جتف الولد
وكالتله : ابو الشباب عيوني يلا اريدك باجر تصير نشيط الصبحيه
وتشوف دربك وكلما اطلعون منا من وكت من البصره يكون الافضل
كلهه : خيتي مع الاسف انتي هنانه بين هذني الساقطات تعالي ويانه واني اتكفل بيج
ضربته على جتفه وكالتله : تسلم عيوني ماتقصر والنعم من الزلم
اترخص اني بامان الله •
صاح رفيق : امان امان امان ياليل
ثريه ضحكت وكلتله : لا لا رفيق معناهه كاعده اروح ماكاعده اغني
ضحكنه اني والولد على رفيق و راحت ثريه ركض للبيت
ثريه انسانه طيبه بأدق التفاصيل ولاتوقعت بيوم من الايام ان واحد من هاي الشله التعبانه
مال الحجي بيهه خير
صاح رفيق: فرح فرح تت تبق تبقون هنا هنا
وضل يكمز : هي هي هي الفرح يبقون هنا هنا هنا
لزمني من ايدي رادني اكمز ويا
كتله : لا لا رفيق لازم ندخل هسه يمك جوه نرتاح وباجر نلعب
رفيق: و ووو وعد وعد مو مو
ضحكت وكتله : اي اي وعد معليك
كال : هي هي هي جك جك جك جك فرح فرح
راح دخل كدامنه واني كتله للولد : يلا هسه تمدد شويه
كال : تعبتج خيتي مياده
ابتسمت على طريقة كلامه مليانه دفو رغم الوجع الي بي هو حاليا
كتله : مو بس وياك اكون هيج اكيد ويه كل واحد
صاح : اخ يابه اخ
كتله : ها شكو شبيك شنو الي يوجعك تعال تعال ندخل يم رفيق
اخذته صعدنه الزباله واني اتعوذ الشيطان والعن بأهلي بسببهم وصلت لهاي المواصيل
وصلت للشجره وخرت البرده لكيت فانوس معلوك وضوه هم معلوك وبطاطين
اكو كومه واكل مطشر وريحه قويه لا تطاق اكثر من البيره اباوع لرفيق يباوع
على الحايط و يحجي مادري ويامن ويكمز
رفيق : اا انت ووخر ووخر مشكلجي كلاوجي اي اي اي كلاوجي هييي انت انت كلاوجي
وصار يكمز بنص الغرفه ويصيح : هييي هذا كلاوجي
الولد لزم ايدي وكال : مروتج حطيني بالكاع انتي شنو ماتحسين بالوجع الي اني بي
باوعتله وكتله: ها اي اي تعال مدد
وخرت ايده من ركبتي وشويه شويه حطيته على الكاع اول ماكعد على
الكاع صاح : اخ يابه ضهري اويلي يمه , كلب ابن سطعش كلب حجي مطلك
ورفيق كام يكمز : طعش طعش طط ططط طعش اي اي طعش كلب هيي هو طعش كلب
ضحكت اني من كل كلبي والولد كال : شوف هذا مايدري بالدنيا شكو ماكو عاشت ماتت
كتله : خطيه من ضيمه وقهره الله يعلم بشنو مر وشنو صار ويا
كال : هدي شويه شويه بالكلام الى ان يجي وياج لان هيج حالات بالتعامل الحلو يجون
عقجت حواجبي و استغربت من كلامه مادرت بال اله نزعت عبايتي بسرعه لان اختنكت
رحت لرفيق لزمته من ايده و كتله : رفيق رفيق حاول تصير حباب تره نزعل
صاح بوجهي وهو يفتر : الفرح الفرح يزعلون هييي هييي يزعلون
كتله : اي اي نزعل هسه انت وين فراشك ارجع عليه نام واحنه هسه هماتين ننام وياك
اباوعله رئسا بدون مايجاوب راح لفراشه ونام على السريع دار وجهه على الطابوك الي مفلش
ونام اباوع للولد حاير بالوجع مالته رحت للبطاطين اخذت اثنين انطيتهه للولد
كتله : هاك بلكت تفيدك بشي تغطه او سوي اي شي بيهه
كال : اي خوش سويتي يلا نامي انتي هم علمود نرتاح شويه
كتله : هو هم هيج لان هذا اليوم من اكثر المغامرات بحياتي الي سويتهه
ابتسم بوجهي وتقشط الدم اليابس الي موجود على خشمه فرشت البطانيه بالكاع
واخذت وحده ثانيه نمت على الي فرشته وتغطيت بهاي الثانيه درت وجهي على الولد
كتله : صدك قبل لا نام انت شنو اسمك
كال : حنظل , وابتسم
عقجت حواجبي وكتله: حنظل شنو هذا صدك تحجي
ضحك وكال : وشبي يابه اسمي اصلا دوله وعلم
شال راسه وباوع صفح على جتفه علساس كاعد يتكبر رئسا
صاح : اخ اخ يابه يابه ضهري
ضحكت وكتله : اشور تره ديربالك
باوعلي صفح بنظره تخبل مليانه رجوليه : نامي نامي يصير خير
انطيته ضهري ونمت نومه عميقه واني مبتسمه ومتأمله كل الخير لليوم الثاني
كعدت على بسبسه قويه استغربت شنو هاي رفعت راسي لكيت رفيق جامع الجهال
ومكعدهم كدامنه بهدوء ويتبسبسون علينه
كمت على حيلي وكتله : لك رفيق يمصخم شنو مسوي
باوعت على مكان حنظل نايم بسابع حلم ابتسمت على نومته شلون نايم وعضلاته بارزه وشراينه
من الركبه تخبل رفيق صاح : الفرح الفرح ذذ ذذوله يصيحولي رر رررفيق ال المخبل
ابتسمت على طريقة كلامه تقربت على الجهال وكتلهم : يلا ماما روحوا لاهلكم تره اجويكم
ماعندي مانع تره •
صاح رفيق: اهلكم هلكم اي اي اهلكم اجويكم نار نار جك جك جك جك
كتله : رفيق عفيه مايصير احد يعرف ان ُ احنه هنا موجودين اذا دره احد احنه هنا تره نروح منك
كام يكمز ويصيح : لا لا رروو رووحه منا منا ماكو اي اي منا ماكو
رحت يم حنظل وكتله : عفيه اكعد كوم صار
الصبح وراح يخلص الوكت بينه •
وخر ايده من وجه فرك وجهه حيل وكال: صباح الخير بيش الساعه
كاعده احجي وصاح واحد من الجهال : عزه عزه كعد الجني الي كله دم
اني عقجت حواجبي وحنظل كعد على حيله درت وجهي على الجهال بس يكمزون ويصيحون : ولكم ولكم شردو الجني كعد
ورفيق وياهم يصيح : جني جني اي اي جك جك جك جك هيييي شردو شردو
صحت بيهم : ولكم ياجني شبيكم باوعت على حنظل
وكتله : مروتك كوم نشرد صدك جذب تاليهه يسونه جني الله يستر شراح نصير بعد شويه
حنظل : بويه دتعاي كوميني خلي اغسل واني اشوفهم الج
رحت تقربت عليه واني مبتسمه شويه وخرت خصله من شعري ليوره ومديت ايدي
اله كتله : يلا حط ايدك بأيدي ونكوم
مده اليه واني بالكوه متحمله ملسمه حيل خشن وبنفس الوكت حلو اجه رفيق يصيح : الفرح الفرح بيت سس ام سعدي راح راح يجيبون
اليه كك ككيمر اي اي كيمر •
ضحكنه اني وحنظل
وكتله : واحنه مالنه كيمر يلا ناكل وياك عود
كام يكمز ويصيح : ناكل ناكل ناكل ها ها شناكل اي اي ناكل عميه عميه هيي عميه ناكل
ضحكت من كل كلبي وبالكوه وكفت حنظل على رجليه ,كله : دخيل جدك رفيق شكد تكمز
يمعود حاول تهدأ مكعدنه من الصبح •
اباوع رفيق رفع ايده على عيونه وكعد يفرك بيهن كال : لا لا شنو الفرح يصيح عليه
باوعت على حنظل
وكتله : مروتك عوف رفيق خلي لامنه هنا بخير وسلامه ,
رحت لرفيق لزمته من جتفه
وكتله : يلا رفيق رفيق سبع ما يبجي يلا يلا شو وخر ايدك وسوي صوت القطار
وخر ايده بسرعه ولزم ايدي كال : تسويهه ويايه يلا يلا
ضحكت وكتله : يمعود شلون اسويهه وياك مايصير
جرني من ايدي بنص الزباله وكام يدبج وايديه يارايحه ويا ونازله ويا
ويصيح : قطار قق ططار قطار سريع جك جك جك جك جك جك
واني هم كمت اكمز ويا واصيح : جك جك جك جك
والجهال داير مدايرنه يصيحون ويهوسون اجه حنظل
كال : بويه شبيج انتي عود هاي الصاحيه
رحتله ركض وافتريت داير مدايره واني اسويله جك جك جك جك
ضحك وهز ايده ,اباوع لرفيق المخبل يلعب ويا الجهال بالزباله انقهرت عليه شلون لابس القاط
وكله طكع وشلون يكمز بالزباله كلش انقهرت عليه صاحني حنظل
كال : مياده جبتي الفلوس لو لا
باوعتله وكتله : اي اي جبتهن بس ماحسبتهن شكد وثريه البنيه الي شردتنه
البارحه خطيه انطتني راتبهه •
كال : تعاي ندخل جوه وره البرده وانطيناهن لازم نشرد باسرع وكت لان مابقه اي وكت
كتله : عفيه ابويه شنو السالفه شبي وليش هاي الفتره ماهو أحجيلي شبيك
باوع منا ومنا كال : بالطريق احاول احجيلج جزء من الصار بس هسه لازم اعالج
روحي لان ماكدر اجازف بيج بالعماره بهيج وضع اني
عقجت حواجبي وكتله : ليش ابويه حاليا بالعماره ؟
كال : اي مياده بالعماره ويحتاج دعائج حاولي تدعيله تره ابوج مسكين ومن انظف
واطهر الزلم الي شفتهم بحياتي •
تقربت عليه وكتله : واضح من انظف واطهر الزلم وهو يتقرب على امي بالحرام
ويجيبني للدنيا بالحرام •
كال : ماعرف اني شنو السمعتي وشنو الفهمتي من ذوله الجلاب بس لازم تعرفين
كله جذب بجذب وماكو هيج من الي سمعتي
لزمته من جتفه
وكتله : حنظل انت شايفه لابويه حاجي ويا
شنو السبب الي مخليك هيج ثاق من روحك ومن اجابتك
وخر ايدي من جتفه وكال : لان ابوج اشهر هو يمي يدكون بي ويعذبون بي
ويلعنون بي شكاعده تحجين انتي •
اتذكرت كلام ياسمين من كالت هم اكيد داسو على ثوب الحجي وهو كاعد ياخذ بثاره
كلت بكلبي معقوله ابويه متورط ويه الحجي, شويه ودخل رفيق يكمز ويوخر الذبان
من على وجهه
حتى مالحكت انطي الفلوس لحنظل شويه ودخلت وراه مره لابسه عبايه
مكرضه تكرض وتصير سمره كالت : شلونكم خاله
حنظل نزل راسه استغربت من تصرفه ,
كتلهه : هلو خاله
كالت : خاله عيوني جبتلكم كيمر من حلالنه طيب ويخبل اذا ماعجبكم كلولي اسويلكم غيره
رحت يمه بوسته وكتله : خاله شكرا هواي ليش هاي الزحمه متكليلي
ابتسمت بوجهي وراحت عني بالكاع حطت الصينيه يم رجلين حنظل باوعت ألنه
وكالت : الف عافيه حبايبي و شنو تحتاجون اني موجوده بس كولو
وين ام سعدي ورفيق المخبل هم يندلي •
اباوع لرفيق يكمز ويوخر الذبان الي على راسه اترخصت ام سعدي من عدنه ودارت وجهه
وراحت كعد حنظل بالكاع يم الصينيه واني هم وصحت
لرفيق : يلا رفيق يلا شو أكعد كدامنه مثل الحلوين
رجع شعره ليوره وكعد على الصينيه باوعت لايده سود من وصخ الزباله
و القميص الي لابسه جوه القاط صاير بيجي من كثر ماوصخ حنظل بلش ياكل بالريوك
واني كتله لرفيق: رفيق امك وابوك وين شنو ماهم
رئسا كمز وشهك ماعرف ليش حسيت ان الوجع والضيم الي بكلبه جبير والدوامه الي بيهه
هو اكثر واخطر من الدوامه مالتي رجعت
كتله : رفيق تره اني اعتبرني نفس صديقتك ثريه ام كصايب
ضحك وشال ايده كام يصفك بيهه : ثث ثريه ثريه ام كك كصايب اي اي حلوه حلوه واحبهه
كتله : اي هم تحبك واني هم
رفع راسه حنظل وكال : تريكوا كافي تحجون
باوعتله وكتله : بله انتَ حط راسك بالاكل واكل غير اريد اعرف شي
على الولد الله ومحمد ميقبلون على هذا وضعه خطيه •
كال : يوكل الجوارين وعياله كاتلهم الجوع شوفي روحج انتبهي لروحج كعدي فكري
بهمومج بضيمج مو على رفيق وعلى الناس•
باوعتله صفح شفت كلامه صحيح سكتت مديت ايدي للصينيه وبديت آكل
صار هدوء كلش بسيط شويه
وكال رفيق : من من ماتت فف ففله اي اي فله من ماتت فله ما ما ماتت حياتي وياهه وياهه
باوعت على حنظل لكيت علامات الصدمه على وجه مثلي رجعت باوعت
لرفيق وكتله : منيه فله رفيق وليش ماتت حياتك وياهه
جر رشح خشمه ليفوك و رفع ايده ليفوك وصفك حيل ورجع فتحه النه
وصاح : هي هي كتلت ذ ذبانه
ابتسمت على حركته
ورجعت كتله : ماجاوبتني رفيق
صفن بوجهي وهو رافع ايده اليسرى يحك بيهه شعره
صاح وهو يهز راسه : ما ما ماتت ف فله بيوم عع عع عرسي اي اي عرسي راحت
بعي بعي بعيد اي اي بعيد •
حطيت ايدي على حلكي اباوع على حنظل ذب الخبزه من ايده وصفن على رفيق ورفيق
يلعب بيده ويهز بروحه منا ومنا
كتله : الله يرحمه بس فله شتصير منك •
هز راسه على السريع ومسح رشح خشمه الي نزل على شاربه الثخين
كال : ززوجت ززوجتي اي اي زوجتي فله فف فله اني اني حح حيل احب احبهه
اي احبه بك بكد طط طول القطار جك جك جك جك
لزمته من ايده وكتله : اهده اهده رفيق احنه يمك زين خطيه شلون ماتت
كال : دم دم بحر بحر باوع
بوجهنا اني وحنظل وصفك بيده
وصاح : بحر بحر دم •
باوعت على حنظل مافتهمت من عنده شي رجع
حنظل كله : قصدك صار بحر مال دم
صفك بيده وكام يهز بروحه : اي اي بحر دم دم دم جك جك جك جك
كتله : شلون صار بحر تكدر تحجي
باوعلي مسح وجهه وطلع السانه سوه : اررر اررر فف فله فف فله اح احبج
مياده : حاول تركز وتجاوبني
حنظل : دتشوفي خطيه مايكدر عوفي هو شابع ضيم بقهر انوبه تجين انتي تكابلي
مياده : مو ثريه كالت شي وهو كال شي
شو شي مايشبه شي غير نتعرف على الولد
واذا متريد تعرف شي رجاءا كوم اكعد بالزباله •
اسمع نفسه صار سريع وشريان ايده بين حيل وتفاحة ادم طلعت يم ركبته
بلعت ريكي وسكتت باوعت على رفيق
وكتله : رفيق اني اساعدك اعتبرني اني فله
باوعلي زين مد ايده على وجهي وبده يتلمس المنطقه الداير مداير حلكي
كال : شش شش شم اي شامه ما ما هي اي اي الشامه ماهي فف فله عد عدهه
شامه جج جبيره هواي اي اي هواي •
نزلت دمعتي بسرعه مسحته شنو المسوي هذا الولد وصار بحياته هيج ليش ربي ليش
كتله : هذا القاط حلو مال عرسك مو اختارته فله الك
كام على حيله وكام يكمز ويصيح : حح حلو القاط مو مو هاي هاي اختارته فف فله وكا وكالتلي
اي اي كالتلي هذا حح حلو عل عليك يطلعك
ابيض هييي هيييي ابيض ابيض جك جك جك جك
سمعت حنظل يكول : الك الله يالعراقي شصار بحالك ماتكلي شصار بيك
وانت ابو الخير كله تاليهه هيج يصير بالعايش بيك
كتله : حسبي الله ونعم الوكيل على كل مخرب وقاتل وداعتك شكد مالعبو لعب
يم الله يصيرون مثل الجريذي كلهه تطلع من عيونهم
صاح رفيق وفزيت على صوته بسرعه : طا طا فف فله فله ,
يصيح طا ويرفع ايده يسويهه بشكل مسدس •
ويصيح : طا طا فله فف فله باوعيلي طا طا
حنظل : استغفرالله ربي لج شنو هذا الضيم
ماتكليلي من انعل ابو هيج عيشه مرته حلاله بيوم عرسه تنكتل
نزلت دمعتي لااراديا مسحته بسرعه وكتله : منو سوالهه طا منو ضربهه
راح للجذع مال الشجره وكام يضرب بيه ويصيح : ع عم عمهه اي اي عمهه ابن ابن عمهه هييي هييي
ابن عمهه طا طا ففله فله طا دم بحر بحر اي اي بحر دم
انهاريت رئسا من البجي عليه وعلى حظي حطيت ايدي على وجهي ودكيتهه بجي بكل قوه عندي
ليش مكتوبلي قهر وضيم وليش مكتوب لكل انسان اعرفه واصادفه بحياتي هو عباره
عن ضيم وقهر ليش ليش •
اجه اتقرب عليه رفع راسي على السريع بلعت ريكي همزين ماخلعه خلع
كال وهو يكمز : دموع دموع تت تشبه دد دموع ال الفرح اي الفرح بب يوم
بيوم عع عرسي اي عرسي •
نززلت نزلت من من الدرج هيي هيي اي اي من الدرج وا مي اي امي تسويلي عر عرسك
مبا مبا •
ساعدته بالكلام رئسا كتله " مبارك مو
كال : اي اي مبارك هييي هيي
واخواني اخو اخو اخويه اي اخويه الصغير واكف يم يم امي ينطيهه الججج الجكك
الجكليت وهي وهي اطط اطش عع عليه وتسوي مبا مبا رك •
مسحت دمعتي الي ماوكفت ابد كتله : وامك وين هسه
راح للشجره حط راسه عليهه
وكال : اا ام امي
سكت شويه وكام شلون الي يحاول يلحن كلام
يا اامي ام يا امي يا يا ام ام الوو فه اي اي الووفه
سكت ورجع باوع وكال: يا يا طط طيب من من الجنه اي اي من الجنه
شال ايده ضمهه لصدره ورجع رفعهه للسمه ضل يعيد هاي الحركه يكمز ويكول : طط طبا طبا طبا
دم دم •
ططلعت بيومهه اا اني و ام مي اي اي امي وو وره عع عرسي بسوك الص الصد ريه اي الصدريه
عجبني اي عجبني اشتري اشتري مصاصات للاخويه مصاصه هييي هييي
مصاصه كتلهه ام امي امي انطيني
رر ربع ربع اي ربع •
اخذته منهه و ررحت اشتري اي اشتري مصاصات بس بس ابو المصا المصاصات اي بعيد حيل
بطول القطار جك جك جك جك •
مسحت دمعتي وكتله : كمل فدوه شصار
كعد يم الشجره والذبان مكوم عليه •
كال : ش شو شويه اي شويه وسس وسمعت صص صوت طبا طبا
دخان دخان بحر دم دم اي اي بحر دم
حط ايده على راسه وصار يصيح : بحر دم طبا صياح عياط جج جهال
رحت يمه وحطيت ايدي على جتفه
وكتله : ماعرف شنو اكول رفيق الله يكون بعونك
اباوع على حنظل دموعه تنزل على خده
رجع كال : ابو ابو المحل اي اي المحل كال ابب ابني تت تعال هنا خخ خفت منه فتحت
فتحت فتحت الباب اي اي الباب وطلعت بسس بسرعه
رككضت على مكك مكان ام امي وكك وكفت بسس بسرعه بمك بمكاني اي بمكاني
و عيوني ششا شافت دم بحر بحر دم دم هييي هيي دم
حطيت ايدي على جتفه وهزيته حيل
كتله : وامك رفيق شصار شصار بيهه
حط ايده على اذنه وهو يرجف كال : ان اني اي اني ام امشي بين بين نا ناس و واكعه بالكاع
والدم بحر بحر جبير جج جبير والنا النار ملتهبه البسط البسطيات اي اي البسطيات صحت
ام امي وو وينج اسمع ناس تون تون تون ونين قوي قوي
اي اي قوي ناس تون من الوجع حرت حح حرت كمت اركض على البحر سس سريع
اد ادور على على امي امي اي امي
اريد اذكر شك شكل البسطيه الي ال الي جانت موجوده يمهه ام امي
بس بس ماكو ماكو ضض ضليت امش امشي وكعن المصاصات
واني اني امشي لمحت بسطيه نايمه عليهه مره
نايمه واكعه ماجنت اعرف اي اي ماجنت اعرف
سكت شويه وهز راسه حيل وصفك بيده وكال : رحت رحتله ركض ركض اي اي ركض وخخ وخرته
عن البسطيه و الن النار اي اي النار تا تاخذ بالمكان
وخرته وجان الوجه دم دم دم بحر بحر
بحر لمسته اي اي لمسته بي بيدي اي بيدي
اباوعله راح اتمدد بالكاع ودك بيهه حيل : لمسته لمسته بيدي مسحته اريد اريد اشوف ملامحهه
اي اي ملامحهه وجانت اام امي اي ام امي امي امي امي هزيت هزيته حيل حيل بس
ماجاوبت عرفت عرفت اي اي عرفت امي
ماتت حضنتهه يم صدري وضليت
اسوي يم اذانهه ام امي امي يا يا ام الوفه يا طط طيب من من الجنه اي اي الجنه
شهكت رئسا من البجي حنظل كام كومه من الكاع وحظنه حيل واثنينهم صارو يبجون
واني اباوع للسمه وابجي اسمع حنظل يكله : اني اعتبرني امك وابوك واخوانك
وزوجتك وكلشي اعتبرني ماراح اعوفك رفيق
رحت يمه وكتله : رفيق اذا عافوك احبابك اني ماعوفك
مشى بينه الوكت بين نواسي رفيق وبين نواسي نفسنه
راح حنظل ويه رفيق لبيت ام سعدي يجيبون ملابس لحنظل علمود يلبسهن لان
ملابسه ماتسمح بيهن ابد يطلع بيهن للشارع او بالسيطره بين مايجون كمت على حيلي ولميت
فراش رفيق وكنسة المكان الي ينام بي ورتبته ترتيب حلو صح هو المكان بالزباله
بس نحمد الله ونشكره ان رفيق طول هاي المده كله وكل هاي التفاصيل صايره ويا وهو مامد ايده
على الحرام ولا سوه السوته تماره ولا مهره وشلة الحجي
شويه واجتي بنيه لابسه بس دشداشه لونهه ازرك وياهه طفل بالكماط وعليه الذبان
ذبيت البيدي وكتلهه : حبيبتي هذا طفل ميصير هيج روحي هناك لا يتمرض
جاوبتني من ورهه خشمهه : لا عادي احنه جهالنه يلعبون بالخيسه و بالتراب
لعنت الشيطان وكتلهه : خلي يلعبون بس هذا كماط شيلعب شبيج خيتي
باوعت على طفلهه وكالت: معليج انتي المهم شعندج يم رفيق المخبل ,
حطيت ايدي على خصري وكتلهه : اولا هو مابي شي لتكولين عليه مخبل
واحترمي نفسج ومن اجي يمج بذيج الساعه تعاي احجي ويايه •
باوعتلي من فوك ليجوه هزت ايدهه وراحت كلت بكلبي هاي صدك اكو ناس منحطه متعوده على
الغلط والعين الحمره كبور اي والله شويه واجه حنظل نظيف ومرتب ماكو دم وملابسه
بنطرون وقميص حلو طالع رغم الشخطات الي بوجهه
كتله : مابقه وكت لازم نعوف البصره بهذا الوكت ياحنظل لان الحجي تره قريب علينه
رفيق رئسا صاح : لا لا الفرح الفرح مايروح
مايروح اي اي مايروح انتو انتو تبقون يمي هنا هنا
ضحكت وكتله : بس احنه لازم نروح ورايه ضيم ابويه يرفيق سالفتي اعوج منك
راحله حنظل وكله : انت عندك ملابس لو بس هذا القاط
كله : لا ما ما عندي اي ماعندي
حنظل : يلا لعد تروح ويانه انت
عقجت حواجبي كلت بكلبي : هذا شكاعد يحجي يربي
باوعلي وكال : سكتي معليج يروح ويانه شلون نعوفه هنا وهو هيج حاله
قنعنه رفيق يروح ويانه وعدلنه ملابسه ورتبنا •
شويه واخذت عبايتي ورفيق كاعد على غرفته يبجي عليهه
رحت يمه وكتله:
يله يله رفيق امشينه راح تخلص من هذا الضيم والفكر الي انت بي
مسح دموعه وكال : اي اي اي واشوف القطار جك جك جك جك جك جك
مشينه اني ورفيق طلعنه من الغرفه الي كضه كل عمره بيهه باوعت ليكدام لكيت حنظل
واكف ويتلفت منا ومنا كال : استعجلوا بالمشي لازم نروح باسرع مايمكن
كتله : اوكف هاك الفلوس
كال : لا خليهن عندج معليج اني اعرف شسوي
سكتت ومشيت ضلينه نمشي بنص الفرع
واجوي جهال المنطقه يمشون ورانه ويقلدون صوت السيارات
مال الشرطه : وي وي وي رفيق المخبل
وذاك الثاني يسوي : رفيق الوصخ وين وين رايح
والي وراه يسوي : مخبل مخبل مخبل
اباوعله خطيه يكمز وياهم واني اجر بي علمود نمشي على السريع ,
حنظل رئسا اجر تكسي
كله : خويه من الاخير للعماره تروح لو لا
كله : لازم عندك خير من الله فلوس
حنظل : كتلك تروح لو لا
كله : اي يابه اصعدو
باوعلنه وكال : رفيق يلا اصعد بالصدر
كتله : صدك تحجي مصعد رفيق بالصدر
كال : معليج ببالي خطه
صعدنه اني وحنظل ليوره ورفيق بالصدر ويصفك بيديه
ابو التكسي كله : لازم افول بانزين تره هاي تخلص عليه هسه
حنظل جاوبه من وره خشمه : فول شتريد تسوي سوي
ضلت السياره تمشي بينه الى ان طبكنه على بانزين خانه دخلنه
بيهه وفول السياره بانزين والريحه اكلتنه اكل
صعد بالسياره
وكال : نتوكل على الله
قريت بكلبي آية الكرسي والفاتحه طالبه العون والمساعده من الله نوصل بالسلامه مشى بينه
الوكت والسياره مو ذيج السرعه الى ان وصلنه لسيطره مكتوب كدامهه قف ,
وكفت السياره وكدامهه سيارتين واباوع للشرطي يفتر على سياره سياره وصل السره للسياره
الي قبلنه الشرطي باوع على الصاعدين وسمعته صاح للسايق : حرك خويه حرك
درت وجهي على الجهه الثانيه من الجامه الي يمي ولكيت صورتي معلكه ويه المفقودين
على العامود
شهكت بسرعه
باوعت على الشرطي لكيته كاعد يتقرب على سيارتنه
يتبع ....
اعتذر عن التأخير بسبب ضعف الانترنيت،
خالص مودتي لكم
تحسين لقمان
رواية فستان أحمر الفصل الثالث عشر 13 - بقلم tahsin_luqman
عزيزي القارئ فضلاً وليس امراً اضغط تصويت لنشر المزيد من احداث الروايه،
ملاحظه: كونوا بالقرب بعد ساعه ونصف يتم نشر بارت ايضا جديد
فستان أحمر
تحسين لقمان
وَكفني واحد بنص الطريق لابس نظارات سود ودشداشه بيجي بيهه دم
بلعت ريكي وكال : منهو انتي ؟
ضليت جامده بمكاني
مد ايده بجيب الدشداشه وطلع سلاحه
شاله وحطه براسي سحب
اقسام وكال : اتشاهدي على روحج يبت الزنه •
مياده : والله مامسويه شي بس انطيني مجال افهمك والله معليه
صاح بيه : لج جلبه ساقطه منو وراج
استغربت شنو يعني منو ورايه كتله : هو بس اني وياك واكفين يعني منو ورايه
متكلي مروتك بس نزل السلاح خلي نحجي •
صاح : لج ساقطه انتي شنو ناصبه عليه لج اليوم
اخليج تهلهلين بالفرنسي بت الجلب •
تقرب عليه بسرعه لزمني من شعري وسحلني سحل من الدرج ليجوه واني اصيح بي وهو ماكو
ولا يمه السالفه •
مياده : والله معليه والله مامسويه شي بس شعري اخ اخ يمعود راح
صاح : لج اني سعد حبايه تنصب عليه بنيه لانعل ابو ابوج
مياده : اي اتركني وين ماخذني يمعود بس هدني والله اجيت جديده هنا
علمود اشتغل بس اسمعني شويه °
سعد: اليوم ماعوفج اذا ماخليج ترجفين جوه ايدي ساقطه
اضاهر جلدج يحكج حك مو لانعلج نعل اليوم °
مياده : بس شعري اتركه اخ اخ يمعود علكيفك
وكفني يم باب الهول وضربني راشدي وصاح : تحجين انتي منو لو اراويج نجوم الصبح
حطيت ايديه على وجهي من الخوف وكتله : بس علكيفك ارجع ليوره خلي
احجيلك يعني حتى حلكي نشف من وره صياحك
ماحس اله وهو شايل سلاحه يرمي طلق ليفوك ويصيح : لج اخ احجي لج منو جابج منو انتي
لزمني من وجهي وصار يهزني بكل قوه : احجي لتخبليني لج يلكعبه احجي
كاعده اجاوبه جان تجي ام اموري الساقطه صاحت : يا يا عزه شنو هاي الطلق يا عيني سعد تخبلت عوف البنيه
سعد : جانت تريد تصعد للسطح وانتي تعرفين كل شغلنه بالسطح شعدهه
ها شعده احجي لج اكيد دازج مالك الاعور •
رحت وره ام اموري الساقطه وصحت بصوت عالي : يامالك الاعور هو اني شعرف بيكم اني
جايه افجر واولي لجهنم •
فدوه فدوه ام اموري اخذيني وياج °
ام اموري : هسه انتي شوصلج فوك لهل درجه تردين تاكلين من وكت
مياده : والله ردت اصعد ادور عليج
اباوعله باوع عليه وعلى ام اموري ومشه ليكدام بنص الطريق ووكف وصاح : ام اموري حضريهه اليه الليله ماكو
تفجير والغي عملية كريم كاسيته •
حطيت ايدي على صدري وصحت : ماريد كلشي بطلت رايحه هسه
باوعلي وراح دارت وجهه عليه ام اموي وكالت : يمعوده هي بس ليله شلون ماجان
وبعدين اكلج حبيبه زين اذا دبرهه هو دتعاي تعاي وياي •
صحت بيهه : احترمي نفسج اذا انتي ساقطه ومتعلمه على هذا الشي
اني مو مثلج ترديني بعمليه اي غير العمليه عذريني
لزمتني من شعري وجرتني عليهه وكالت : لج قبل شويه جنتي فقيره ومابيج شي
شو هسه طلعلج السان هاي بعدج ما اكلتي عيوني
مياده : هدي هدي شعري وخري
ام اموري: سمعيني لج خلي اكلج شي الي يطب البيت ميطلع من عنده نفس ماطب تاكلين تبن
وتنجبين وهي ليله وحده ونسي وباجر ولي لجهنم واحتركي بيهه افتهمتي لو لا •
مياده : لج انتي متخافين الله لهل درجه شايله مخافت الله من عندج
ام اموري : عفت المخافه لاصحابه يلا يلا كدامي شو
نزلت ايدهه من شعري وجرتني من ايدي جر للهول واني اصيح عليهه وهي تغلط عليه دخلنه جوه اباوعله راحت لباب
الهول وصاحت : منير عيني منير بطحه
منير بطحه : ها ها عيناي تردين واحد
ضحكت ضحكه عاليه وكالت: نزول عليك اي والله لك اشمرلي شريط مال حبوب حبيب
منير بطحه: مو تدللين هسه اجيبلج
اباوع لصدري يصعد وينزل من الخوف بلعت ريكي ودعيت بكلبي ان الله يخلصني منهم ومن شرهم
اباوعله من وره ام اموري يمشي بأتجاه البيت وصل الهه وكال : هاج عيناي واحلى شريط لام اموري داريني شويه
ليله تلث ليالي شبيج عليه هاي الايام '
ام اموري : لك عيني شلحك حتى تعبت حجوزات كومه والنوبه ابلع بيهم بهاي الحبوب
وارد ليوره اريدهم ينجبون ويكعدون ماكو والنوبه عيني هذا حسين مطلك مروتك
خاف يجي من الباب وطرده شكد ثكيل يلكعبه اوي اوي
منير بطحه ضحك بصوت عالي وكال : اها كولي شنو شالعج شلع اضاهر
ام اموري : لك عيني مورمني تورم مادري من ياطينه مخلوق
يضرب بيه ويتقرب عليه •
منير بطحه : دخذيلج حبايه هسه وانسي ابو الدنيا كلهه
ضحكت ضحكه عاليه وكالت : لك الله يلعنك عاد هو بتفله مني اوكعه بالكاع
بس ابو يحضي وين اكدرله •
منير بطحه : اذا مابيج حيل اليوم اريدج اطلعيلي وحده من البنات لان مورم كلش
ضحكت وهزتله صدرهه شويه وكالت : مو تدلل ولا يهمك ابو الشباب عيوني
اخذت شريط الحبوب وسدت الباب قفلته كالت : عيناي علمود ناخذ راحتنه شويه
نركص نبلع •
باوعت عليه وكالت : جسمج نظيف لو لا فضيني يمعوده ورايه ناس مهمه
مياده : لتتوقعين مني اشتغل شغلج الجايف
حطت ايدهه على صدرهه وصاحت : لج اني ام
اموري الساقطه ينحلف بصدري بس بالصدك •
تجين انتي الي منتفه تكولين على شغلي جايف , لج ماكو جايف غير بس انتي
مياده : شنو اضاهر عبالج شغلج خير وبركة وقمة النظافه والطهاره
تقربت عليه وصاحت : لج ماما من توكفين كدامي اختاري كلماتج واحجي عدل لا
اخلي شحاطتي تلعب على شفايفج وحق الخلقج اسويهن الج براطم المطي افتهمتي لو اعيد •
اجتي بنيه اول مره اشوفه ناعمه وحلوه كلش لابسه فستان وردي مفتوح من الخصر ليجوه
كالت : لج عيني ام اموري شنو هاي الاصياح يمه جسمي يكسرني
لج منين جايبته لزبون البارحه لعب بيه لعب •
راحتله و كالت: لج ماما تحملي شلون ماجان خلي نجمعنه جم فلس براسهم
ونطلع اني وياج والبنات منا ,
اباوعله هزت ايدهه وباوعتلي حطت ايدهه على خصرهه وكالت : اوي عيني منو هاي النوبه
بس لا هم جبتينه وحده وتكعد تزاودنه على السم
هسه هم سم وهم يوميه وحده جايه •
مياده : ستوب عيوني السم خليته الج ولأمثالج اكلي شربي براحتج جهنم تكرفج انتي والي وياج
بس غير حضي الاغبر الي دكلي الدكه الناقصه وجابني يمكم ياعيني
صاحت ام اموري : لج انتي عاد كلش مصختيه اوع اي والله شهل القرف الي انتي بي
دارت وجهه على البنيه وصاحت : انتي عيني طيبه روحي كعدي البنات خلي يغسلن
ورانه شغل ورانه ناس يلا يلا ماريد كسل يمعوده
اباوع للبنيه راحت للغرف ادك بيهن وام اموري تقربت بأتجاهي طلعت حبايه من الشريط
وكالت: يلا يحلوه عيني بدون صياح وبجية اليتيم فتحي حلكج بسرعه
استغربت من طلبه كتله : ليش شتردين تسوين
ام اموري : اتفل بي يعني شسوي غير انطيج
الحبايه علمود نحسج مثلنه بشر يلا يلا شو •
رجعت ليوره وصحت : لا عفيه لا لا عيني ماريد وخري عني الله ينطيج فدوه
ام اموري : شوفي لج احنة جنه كلنه نفس الدرب ونفس الهوسه نبجي ونتوسل تاليهه
هاي شوفة عينج نبلع ونشرب ونضرب سجاجين يلا ماماتي فدوه شو شو اجتي الطياره
وصارت تتقرب عليه وهي تقرب الحبايه عليه بحركة الطياره واني اصيح عليهه
مياده : انتي شنو لزكه شبيج ماريد شو وخري
ام اموري : تبلعيهه يعني تبلعيهه تره تلحكين الي قبلج زيان صفر واشمرج بالشارع
وخلي الجلاب تاكل بيج وتسحل بيج بالشوارع •
ماعرف ليش اجه كلام حنظل ببالي ان ُ لازم اثبت ولائي الهم واسويلهم كلشي
صح هذا الشي غلط بس الموقف يخليني اكسبهم اكثر دفعتهه عني على السريع
وصحت بيهه : انطيني انطيني اني ابلعهه
باوعتلي من فوك ليجوه وكالت : شنو الي غير رئيج يوم العلم ماريد وماريد ووخري
وهل تنعثل مال المثقفين •
هاج يمه هاج بلعي وانسي الدنيا ياحرام يابطيخ •
مدت ايدهه اليه شلت ايدي اليمنى وهي ترجف قربتهه على ايدهه واخذته منهه واني خايفه
معقوله اني مياده بديت انجرف للغلط بگت بيت ابو سالم ونمت يم الحجي وهسه
كاعده اخذ حبايه شكاعد يصير بيه , اخذته بسرعه وحطيته بحلكي وصاحت
ام اموري : عوافي امي عوافي هسه تشوفين الحياة شحلاتهه ياحرام يادنيا
ناس كاعده تسوي اشكال •
بلعت ريكي ونزلت الحبايه بلعومي غمضت عيوني بسرعه دمعتي خانتني ونزلت على خدي
كتلهه بصوت عالي : رايحه للحمام
صاحت : اكلج عيني شنو تكضيهه حمام ومادري شنو هسه اني شاربه بطلين
ومادخلت حمام لحد الان انتي شنو سالفتج •
باوعتله وبدون ماجاوبهه رحت للحمام وسديته عليه بسرعه كعدت على الغربي وحطيت ايدي
على وجهي وكمت ابجي بكل قوتي معقوله صرت منهم وبيهم يعني
الدنيا انجرفت واني انجرفت وياهه لو شصار شنو شنو •
مديت ايدي بالدشداشه طلعت الموبايل فتحته على السريع وايدي ترجف من الخوف ودموعي
مستمره تنزل طلعت رقم حنظل و دست اتصال بسرعه
شويه وجاوب
حنظل : لج مياده وينج وينج شصارلج يمعوده
شهكت شهكه عاليه ردت اجاوبه بس صاحت ام
اموري : لج ماما استعجلي هاي ملاك تريد تدخل وراج
مياده : اي اي هسه طالعه راح اخلص بس دقايق
مادري شنو ادردم وحنظل يصيح بعلو صوته
جاوبته بسرعه : شبيك شبيك خبصتني
صاح بصوت اعلى : لج اني كلبي هنا واكع ميت الولج ارد اجيج وانتي تكليلي شبيك خبصتني
لج ابوج وين انتي وين شنو صوت الطلقه الي صارت قبل شويه •
جاوبته بسرعه : ماعرف ماعرف حنظل
حنظل : لج يالله احجي عدل لج يابه اني كاعد اكمز هنا حجي ناصح لازمني
وانتي متعرفين تسولفين
مياده : شجاوبك شنو اكلك اكلك لزمني سعد حبايه ويريدني يمه الليله
لو من ام اموري الساقطه الي جبرتني ابلع الحبايه
صاح بصوت : لج جلبه انتي رايحه تعرفين مكان ابوج لو رايحه تشتغلين شغل بنات الليل
ردت اجاوبه بس حسيت يمه حركه رئسا طلعلي صوت رجال جبير عرفته صوت
حجي ناصح كال : بنتي شنو صار احجيلي بسرعه
مياده : حجي انلعب بيه لعب وبديت احجيله كلشي على السريع اني والهث
لان ام اموري خبصتني خبص بصياحه , كال : بنتي حاولي تمنعين كلشي وكلساع خبرينه
بكلشي وديربالج تخلين هذا النكس يتقرب عليج
جاوبته واني اتمشى بالحمام : فدوه عمو شوكت
تجون اطلعوني منا شلون نطَلع ابويه تره هنا مو مثل جماعة حجي مطلك ايدهم والسلاح
حجي ناصح : قابل تعلميني بيهم بنيتي معليج احنه قريبين عليج كلش بس مانكدر نفوت هيج
لان نشكل خطر على حياتج كل الاريده منج كل ربع ساعه خبرينه عن كلشي يصير
مياده : هسه لازم اسده سديته رئسا بدون ماأسمع جوابه او انتظره شنو يحجي
رتبت روحي بسرعه وغسلت وجهي بالمغسله و ضميت الموبايل بجيب الدشداشه
رحت فتحت الباب وطلعت من المهجوم •
لكيت بنيه ناعمه وحلوه ووجهه يصير احمراني كالت : منو عيني انتي
باوعتله من فوك ليجوه وكتلهه : انتي الي منو
كامت على حيلهه و تقربت مني كالت : اني اسمي ملاك ولازيدج من الشعر بيت بنفس الوكت
يصيحولي ملاك البيت او ملاك الشغل
هزيت ايدي •
مياده : والنعم منج عيوني عاد مكيفه بروحج ملاك ألبيت
ملاك : اي ليش ما أكيف الشغل مو عيب ماما
مياده : الشغل اذا بالحرام شلون مو عيب انتو ليش فاهمين العيب والحرام غلط
وفاهمين الدين اصلا غلط •
ملاك : ماما هسه احنه بهذا الزلك يا دين يادنيا شو دوخري عني خلي اروح للحمام اشرفلي •
راحت عني وصاحت : نسيت اعرف اسمج
بلعت ريكي وكتلهه : زكيه
ضحكت ضحكه عاليه وكالت : انشالله يارب اطلعين زكيه وذكيه ومخلصه بشغلج
مياده : ياشغل هذا ماتكليلي هو بس اليوم هنا
رادت تحجي جان تجي ام اموري هزت صدرهه
وصاحت : تعاي لج ورايه للمطبخ نحظر للغده شي شياتين مو متنه جوع حتى زلمه هسه ماكو
راحت للمطبخ واني رحت وراهه
امشي واباوع على اركان البيت اريد اعرف شنو صاير هنا منو سعد حبايه شنو
تاريخ ذوله •
دخلنه للمطبخ صحت رئسا : ام اموري
باوعتلي وكالت : يالله مفعول الحبايه بده يشتغل كولي عيني شتردين ادكلج على الميز
وتركصين لو اخابرلج على واحد من الشباب •
كلت بكلبي : شكد طايحة حظ وذرة مستحه ماعندج
كتلهه : لا عيني مشكوره بس انتي كعدي هنا على الميز واني اشتغل شغل الغده
وسولفيلي عنج شويه
ضحكت ضحكه عاليه وكالت : لتخافين ماما متوصلين لمستوايه الراقي
ولاتكدرين تصيرين مسؤلة المكان مثلي •
ضحكت وكتلهه : اني ماريد اصير مثلج ابد ومستحيل افكر بيج بس مادري شو خطر
على بالي ان اشتغل وياكم وكلت خلي اعرف عنكم تفاصيل شويه
ضحكت وكال : يلا اذا هيج بلكت الله يهديج وتعوفين سوالف المثقفين الي عباره عن فگر
رحت دخلت بالمطبخ ليجوه وكتلهه : شسوي شنو من غده
ام اموري مو مهم هسه الغده بكد ما أنتي مهمه لان جسمج يمه بي شغل راحه
مال سنين تعاي كعدي كدامي تعاي
رحت كعدت كدامهه وحطيت ايدي جوه حنجي وكتلهه : سولفي بس اذا السالفه طلعت بيهه جبر
ومادري شنو من هسه اكلج ماكدر اشتغل لان كلكم ماشالله مجبورين
عقجت حواجبهه وكالت : منو كلنه ؟
بلعت ريكي وخرت ايدي من جوه حنجي ورجعت شعري ليوره كتلهه :ماكو بس اقصد ان اكيد
اطلعون مجبورين كلكم •
ام اموري : امي حبيبتي يعني هسه راح اسئلج سؤال
مياده : سألي
ام اموري : الحقيقه تزعل؟
مياده : عمرهه الحقيقه ماجانت طريق مبهم او وسيله للزعل
ام اموري : اثر الحبايه وداعت منير بطحه المهم عيوني فهاي الحقيقه لازم تتقبليهه
بأنما انتي فاهمه معنى الحقيقه •
مياده : ويا حقيقه هاي
ام اموري : عن نفسي جنت من اني وصغيره اطلع بره بالشارع العصريه اني وجهال المنطقه نلعب
بالطين بالتراب وهوستنه على هوسة ساجده عبيد
و هذا لعبنه ولا تكول أستهتار •
ضحكت وكتلهه : ماشالله خوش لعب يعني ماكو بنات وياج بالمنطقه
ام اموري : ماما هسه بنات ولد المهم العب بالشارع تروح ايام وتجي ايام الى ان كبرت
وصرت بالمتوسطه اعتقد بصف الاول او الثاني صرت بنيه مراهقه ومنفتحه نوعا ما وهرموناتي
متقلبه مامستقره ابد
وتعرفين سوالف البنات غيره وهيج شي •
جانت بنيه بصفي اسمهه فاطمه جانت تلبس احلى اللبس واطيب العطور ترش
عطرهه يوصل لغرفة المديره وكله تعزم صديقاتهه بحانوت المدرسه وفلوسه خير وبركه
وطبعا هي مو تبوك وهذا لا اكيد فلوس اهله ابوهه وامهه •
وعيني تمر ايام وتروح ايام وفاطمه كدام عيني تحركني حرك بتصرفاته واكول بكلبي ليش مو اني
نفسه ليش ماعندي فلوس مثلهه
ليش مو يوميتي مثلهه •
مياده : بس جوز امج وابوج خطيه حالتهم الماديه ضعيفه يعني منين يجيبون فلوس الج
وبالنسبه لاهل صديقتج فاطمه فجوز حالتهم متمكنه وعدهم الامكانيه العاليه والحلوه
ام اموري : دسمعي عيني وكتلج ضليت اسئل نفسي ليش يوميتي مو مثلهه او اكثر
وللعلم اكللجياها امي موظفه وابويه موظف للاضافه اخويه موظف ,يعني حالتنه
فوك العالي تلث رواتب بالبيت بعد شنو نريد •
رجعت من المدرسه للبيت بين قوسين كاتلتني الغيره واني طفله ماعرف شي
كتلهه : يمه اريد تزودون يوميتي شنو صديقاتي هلكد يجيبن وياهن
واني لا ويطلعن يتونسن واني لا •
باوعتلي صفح وحطت ايدهه على خصرهه
وكالت : خير ياطير شلج بالفلوس خمسميه كلش كافيه عليج شتردين
تسوين بعد ها شتردين احجي شو اخرسيتي
صحت بيهه وجانت اول مره بحياتي اصيح بوجه امي : شنو شسوي بيهه صديقاتي يسون اشكال وانواع يايمه واني محرومه تره
اني بنيه واحتاج •
كالت : اني جنت بكدج يماما يوميتي بس ربع دينار واحمد الله واشكره
هسه انتي خمسميه وتتبطرين حمدي ربج وشكري عيوني
كتلهه : ماما زمنكم يختلف عن زمنه
صاحت بيه : بشنو تغير نفس الساعه ونفس الجو شنو الي اتغير
شنو الي اتغير صديقاتج اضاهر بدن يحشن راسج بأكلان التبن بعد منعا باتا تمشين وياهن •
جاوبتهه : الي يطالب بحقه صار مو زين يعني اني شرايده غير بس يوميتي
تصير اعلى من قبل علمود اتباهى بيهه كدام صديقاتي
كالت : بعدج صغيره وطفله وكلشي ماتفتهمين
شنو نزيد اليوميه مالتج ولي لغرفتج لاكسر راسج تكسر
ورحت لغرفتي ودمعتي بعيني والخنكه صاعده عندي والغصه صاعده بصدري وماعرف شنو اسوي
لشوكت اضل اشوف هيج صديقاتي واضل اتحسر وبعدين منين اجيب فلوس اذا امي وابويه
مينطوني يعني صدك منين اجيب •
مياده :وشسويتي يحضي بس لا تكليلي مديتي أيدج للحرام في سبيل تتباهين كدام
صديقاتج بجم فلس تره هذا مو منطق
ضحكت وكالت : اكلج عيوني كتلج جنت طفله وياخذني كلشي بالدنيا لان مراهقه
وكتلج بهيج عمر البنيه تكون متقلبه شسوي متكليلي ومفروض امي وابويه يتفهمون الوضع
اكثر ويصرفون عليه وينطوني فلوس •
مياده: الصراحه انتي واهلج غلطانين
اثنينكم غلطتوا المفروض اهلج ميخلوج تحتاجين شي
ام اموري : وحاولت مره ثانيه ويه ابويه وطلع نفس الشي تدرين شنو يكلي؟
عقجت حواجبي وكتلهه : شكلج بله ؟
يكلي : ليش تردين ازود يوميتج بشنو مقصر وياج شو اكل ونوم واحسن ملابس وكهرباء
ومجاري هذني كلهن متحسبيهن زين اني طفله وتحجين ويايه هيج شيصير بيه
اموت واني عايشه اصلا •
مفروض يفهمني ويحتويني ويضمني لصدره مو يكلي هيج
مياده : راح اتخبل هسه هو اب يعني من واجبه ان يصرف عليج واذا هو مو كد الامكانيه
شكو يخلف مادري •
ضحكت وكالت : لو رايحه بالمجاري احسن
صفنت عليهه وكتلهه : شنيه مافتهمت
ام اموري : هيج سلامتج عيوني عاد المهم رجعت اداوم بالمدرسه واني نفس روتيني ماكو اي شي
والغيره يوم عن يوم تزداد عندي ويوميتي نفسهه خمسميه الى ان اجتي صديقتي كوثر
كالت : شنو رأيج نطلع اني وياج لبيت ابو نهى يكولن البنات عنده فلوس كومه
وليش اجذب عليج جنت بيومه معتازه فلوس كومه علمود ابرز روحي كدام
صديقاتي كتلهه : وشنو نسوي اذا رحنه وبعدين احنه بالمدرسه شلون نروح وخاف بيته بعيد
كوثر: لتخافين لج جبانه معليج ويايه جم بنيه هماتين نروح نبوك من عنده
جم خمسه جم عشره •
كتلهه : ميصير نسوي هيج تره حرام
كوثر: لتخافين جبانه ملنزم بته ويانه ونفوت وياهه للبيت بحجة صديقاته
ونخمط الاكو ونطلع •
جاوبتهه : اي اكيد راح ننلزم يغبيه يعني بگنه وطلعنه بعدهه شنو راح يصير
غير تحسبين حساب لذني السوالف
جاوبتني وهي تضرب جتفي : تبقين غبيه طول عمرج يغبره لعد المن ماخذه ويايه جم بنيه
علمود تلهنه واني اروح لغرفة اهله وعليه الحساب اني اعرف شلون اخمط
جاوبتهه : واهله شنو دورهم يعني امهه ابوهه اكيد موجودين
جمعت ايديه غمتني وكالت : لج شبيج اهله يحلون ساعه تلاثه ونص
واحنه دوامنه صبحي من نحل نروح وياهه بهاي الفتره بس هي هاي الغبره بالبيت
ليش اجذب عليج بوكتهه عجبتني الفكره وشفت نفسي مانكشف منهه ومرتبهه ومابيه اي نقوصات
مجرد اروح ويا كوثر, عاد كولي يمر شويه من الوكت وتصير الحله احنه وحلينه من المدرسه
رئسا جلبنه بثوب نهى وضلينه نمشي وياهه وطول الطريق سمعناهه كلام يمكن لو تضل العمر
كله متسمعه وهي غبيه وفاهيه كلشي ماكو , عاد وصلنه لبيتهم باوعت علينه وكالت
نهى : يلا بنات مع الف سلامه سلملي على امهاتجن ومشكورات عيوني
على التوصيله •
جاوبتهه كوثر : مو تدللين جم نهى عدنه ولج عاد وصلناج للبيت فوتينه شربينه مي
شربينه عصير شجاج عابت
ولاكأنه احنه صديقاتج وحبيباتج
عاد هي باوعتله من فوك ليجوه وكالت : يلا شو تعالن دخلن هم صدك شو بابا وماما
ماهم بالدوام تعالن نلعب لعب بلبيت •
احنه عاد حسينه رحمة الله كلهه نزلت علينه رحت يم كوثر وكتلهه : فدوه استعجلي لان ورايه اهلي فدوه خاف يحسون
غمزتلي وضحكت نهى فتحتلنه الباب واحنه مثل الدود وحده وره الثانيه دخلنه ليجوه واحنه نباوع
على البيت واثاثه وتصميمه شلون حلو ومرتب دخلتنه كعدتنه بالمطبخ على ميز الطعام
وهي كاعده كدامنه تسوي عصير برتقال بملابس المدرسه والبنات ملتمات داير مدايرهه
يسولفن ويلهنه وكوثر وحيدهه انسحبت من المطبخ بكل هدوء بدون متحس نهى
اني هم جنت ماحس عليهه من تطلع بس شلون الي نكول جانت عيوني عليهه ابد ماشلتهه
وفعلا يعني كوثر تتميز بخفه مو طبيعيه خفيفه وسريعه كلش
ضحكت وكتلهه : اكلج هاي مو كوثر علاء الدين عوزهه
بس ضوه وفانوس وتصير نفس علاء الدين •
ضحكت وكالت: اي عيوني عاد راحت كوثر على كولته تخمط الاكو واحنه ملتمات على نهى داير
مدايرهه ابد ماخليناهه تحس على غياب كوثر وهي قمة الفهاوه كلشي ماكو شويه عاد
ودخلت علينه كوثر ورجعت كعدت بمكانهه والابتسامه الحلوه على وجهه رئسا أشرتلهه
بحاجبي يعني شنو وين الفلوس
غمزتلي يعني معناهه كلشي تمام
مر شويه من الوكت وشربنه عصير يم نهى وطلعنه وبدون متحس ابد اول ماطلعنه
من البيت رئسا لزمناه ركض على السريع نركض باسرع قوه عدنه دخلنه بدربونه
كوثر طلعت الفلوس وانطتنه اذكر خمسه وعشرين كل وحده كلماً أخذت حصته وراحت للبيت
عاد اني وصارت عندي خمسه وعشرين حسيت روحي ملكه ومالكه الدنيا كلهه ماهتميت لأي شي
اهم شي احقق رغبتي معليه بعد كمت اروح لمدرستي واني فخوره بنفسي عندي هلكد
فلوس اشتري لفات واعزم صديقاتي صدك جان شعور حلو
مياده : شلون وصلتي لهنا لعد
ام اموري : عن طريق ولد وصلت لهنا جرجرني جر ثقيت بي وجابني لهنا ولهاي المواصيل
مياده : شلون يعني جرجرج تجرجر
ام اموري : مو بگنه مره وحده اجتي كوثر وكالت بعد ماكدر بنات كلما تروح تشوف شي الهه
خاف يرحون يحسون بينه عاد تمر ايام عليه واني نفس الحاله الى ان بالحله مال المدرسه اكو ولد كام
يتقرب عليه ويغمزلي ومن هاي السوالف الى ان اطورت الشغله ودخلنه بعلاقة حب
هنا نسيت شي اسمه فلوس ومادري شنو ركزت على علاقتي او بالاحرى علاقة الحب
كتلت فكرة الفلوس وصارت السالفه من صدك وعيوني كمنه نختل وره الشجر ينطيني خمسه
ويشبع بوس بيه •
يبوس بيه ويرد ليوره من ضيمه الولد •
مياده : كبر لفج على خمسه وصختي روحج •
ام اموري :تره كتلج جنت مراهقه وسهله البنيه بهذا العمر ان ينضحك عليه الى ان فد يوم
كال اجيج للبيت و نتونس اني وياج شويه
وهماتين اوخر منج تعب المدرسه كله
وانطيج مية الف •
هنا حسيت اجه العيد عليه رئسا اتفقت ويا صبحت بيومهه عنفصت الوجه على اهلي
بحجة مريضه وماكدر اداوم رئسا هم دارو وجهم وصوني ان اقفل البوب وراهم وراحوا للدوام
ساعه او ساعتين واجه حبيب الكلب والروح والريه دخل للبيت انطاني الميه وبده يشتغل
حطيت ايدي على حلكي وكتلهه : عزه العزاج لج مافكرتي باهلج بالناس بالله
ام اموري : يمعوده يا اهل الي هم اصلا ماحضنوني ومافهموني
مياده : وعاد شصار يحضي
ضحكت وكالت : شصار يعني ضليت اشهر ويا كل خميس يجيني على كولته نتبادل الحب
وكل خميس احصلي ميه وهو يبدي يشتغل بيه الى ان مشت الاشهر وبدت اعراض تبدي عليه
مستغربه منهه اني شنو السالفه شكاعد يصير بيه بلغت صديقتي كوثر بكلشي
كالت : خلي اخذج لقابله يصيحوله ام نبيل سرانيه بشكل مرتب انطيهه
عشره وتسكت •
عاد اني هم رئسا اول ماحليت رحت ركض اني وكوثر لام نبيل وصلنه الهه جانت مره جبيره
وحبابه بالكوه قبلت تفحصني وماجذب عليج عيوني الخوف بوكته ماكلني أكل كملت
فحص وخرت عني باوعتلي
وكالت : انتي حامل يمه •
هي وكالت حامل كبل طفرت كمت ادك على وجهي شنو حامل زين شسوي هسه شلون
ارجع للبيت و كوثر تهدء بيه والقابله مستغربه رئسا انطيته عشره وطلعنه
اني وكوثر طول الطريق ابجي وبيومه تندمت فعلا على كلشي سويته بحياتي عفت كوثر
ودخلت بيتنه واني شبه ميته كعدت ايام بالبيت انتظر الخميس يجي علمود اشوف
ليث وابلغه
مياده : ليث الولد مو
ام اموري : اي اي هو نفسه , عاد عيني اجه
الخميس وبلغته كال : اني ماكدر اتحمل
مسؤليتج وهذا الطفل ترحين تسقطي لان اني ماجبرتج
لا انطيتج فلوس وانتي فتحتيلي نفسج معليه اني •
وضليت اتوسل بي تواسيل علمود ميتركني وصدك بيومهه كرهت نفسي كلش الى ان
كال : اخذج للعماره واذبج يم ولد اسمه سعد حبايه هو يتكفل بيج
وماطول عليج عيوني تركت اهلي وتركت مدرستي وتركت كلشي في سبيل افتخر كدام
صديقاتي تاليهه طاح حظي وطاحت حياتي كلهه وخسرت كلشي وصلت لهنا يم سعد حبايه
وبطلت من المدرسه و هو الي احتواني ولمني واعتنه بيه اعتناء الله وكيلج اهلي ماسو بيه
وولدتني بنيه قابله ام ابراهيم هنا بيتهه قريب علينه وطلع امير للدنيا وصار ايده اليمنى لسعد حبايه
مياده : مادري شكلج والله بس الي سويتي كلش غلط
ام اموري : شسوي لعد جنت مراهقه ومالكيت حضن اليه بهذا العمر
مياده : وهسه متندمه لو لا
ام اموري : اكيد متندمه وهواي
مياده : وهسه ابنج وين امير
ام اموري : ماريد احجيلج شي هسه لان تعبت من الكعده وداعتج كومي عيوني كومي
والقرار قرارج تردين تصيرين مثلي ميت هلا متردين بكيفج
مياده : الله كريم عيناي وكمت من الميز وهي هم كامت
كالت : روحي لملاك خلي تعدلج شويه سعد اليوم يخبصني بيج خبص
ابتسمت بوجهه ورحت ادور على ملاك وبنفس الوكت بلكت المح شي عن ابويه فتحت
اول باب لكيتهه كدامي كلت بكلبي : من امده حضي اي والله
ملاك : اكيد الجلبه ام اموري زهراء دزتج عليه
مياده : ومنو هاي زهراء
ضحكت ضحكه عاليه وكالت : عيني نفسهه ام اموري الساقطه تعاي عيوني تعاي
خلي اعدلج شو فضيني
دخلت يمهه وكعدت على الكرسي مال ميز التواليت وبدت تشتغل بيه علكيفهه
كتلهه :انتي شو كلش حلوه شعدج جايه هنا
ملاك: حضي وخالي اجتمعوا عليه النتيجه وصلت لهنا
ضحكت ضحكه من كل كلبي : شبي خالج يربي
ملاك : تعارك ويه امي على فلوس السلفه وصارو مثل الديوجه واحد يكبس واحد يرفع
اختي شغلهه يم غير ولد واني جابني هنا •
عقجت حواجبي حطيت ايدي على صدري وكمت على حيلي باوعتله زين
كالت : شبيج يا أسم الله شبيج عيوني
تقربت عليهه وكتلهه: اختج شنو أسمهه
ملاك: كبر خرعتيني كمتي علمود اسم اختي
اسمهه يحضي ثريه بس شلون ثريه طيب واخلاق •
ضربت وجهي حيل بكل قوتي وكتلهه : عزه العزاج لج يملاك
كالت :يمعوده شبيج انتي
رحت لباب الغرفه قفلته علينه مديت ايدي بجيب الدشداشه طلعت الورقه امانة ثريه
كتلهه اقري المكتوب بالورقه بدون صوت
اخذته من عندي وهي مستغربه من السالفه كلهه بدت تقره بيهه ودموعه تنزل رفعت راسه
وباوعتلي بعصبيه كالت : منو انتي
بلعت ريكي وكتلهه : اني مياده صديقة اختج بيت الحجي وساعدتني ان اشرد
مناك وكلتلي هاي الورقه لازم توصل الج ولامج
شبكتني حيل وكالت
ملاك : شكرا الج هواي ياعيوني
مكتوب بنهاية الورقه ان لازم اساعدج اكثر بس فدوه ثريه شلونهه
كتلهه :كلش زينه
ملاك: ماشي ماشي بشنو اساعدج كولي
مياده : اي عفيه ياريت فدوه ابويه اسمه كريم كاسيته وعلساس راح يفجرو
ضربت على وجهه وكالت : لج هذا خطيه عذبو صارله تلث ايام اعتقد من يمنه
واليوم يفجرو بس اجلو لباجر
مياده :فدوه فدوه ساعديني لازم اخلصه منا اني عندي ولد ومتفقه ويا بكلشي
باوعتلي وكالت : عندج تلفون
مياده :اي اي عندي
ملاك : انطيناه اني اتواصل ويا بعد الي اريده منج
تسايرين الوضع نفس ماهو بدون ماتبينين اي شي
مياده: تمام ماشي بس فدوه شو راسي راح ينفجر بلعت حبايه من وره هاي الجلبه ام اموري
ضحكت وكالت : يمعوده هاي هيج هسه تنسيهه
مر الوكت بيني وبين اخت ثريه ملاك وطلعت
انسانه بمعنى الكلمه بس خالهه البومه اوف يادنيا شمسويه بنات العالم
, صار وكت الغده وتغدينه سويه بس البنات ماكو ولد
اجه الضهر وصاحتني ام اموري ان لازم اتحضر لسعد حبايه يريدني هسه
بلعت ريكي واني خايفه رجعت لغرفة ملاك وكتلهه
كالت ملاك : لتخافين اني تواصلت ويه الولد الي اسمه حنظل مو
مياده : اي اي حنظل
ملاك: اتفقت على كلشي وشلون اطلعين كل الي عليج من تسمعين طلق يصير
اطلعين بره توكفين •
ابتسمت بوجهه وجان تدخل علينه ام اموري
صاحت :لج فضيني ماما
كتلهه: اني جاهزه معندي شي امشينه
مشيت باتجاهه جان اتأشرلي اوكف وكفت بمكاني وكالت لملاك لبسيهه سيت النوم مالتج بسرعه
وعلى السريع لبسته واني خايفه من سعد حبايه خاف يصيرلي شي وراسي بده يدوخ من هاي
الحبايه ماعرف شنو اسوي رحت وره ام اموري للصاله الى ان وصلت لسعد حبايه
سعد حبايه: لج ساقطه شهل الجسم لج انتي توكفين كدامي
كام على حيله و تقرب عليه
يمشي اعوج مايكدر سكران شويه ويوصل اليه رئسا وكع على وجهه
تقربت من عنده وكومته على علكيفي
كتله : ها شو وكعت يحضي
كوم كوم اونسك •
واني اقلد ضحكت صابرين العبده
كعدته على التخم وكمت اركص كدامه لان مارده يسويلي اي شي مرت ساعه واني على نفس الحاله
تعبت ومحد بين نزلت دمعتي بسرعه شسوي يربي
كام على حيله لزمني من حمالة السيت وقربني عليه دفن راسه بركبتي
واني شهكت على السريع ماحس اله و صار رمي عشوائي وصياح بنات خبصه خبصه
كأنما انفجار صار •
رئسا دفعت سعد حبايه ووكع بالكاع طلعت ركض لبره لكيت ام اموري ادخل البنات للغرفه تحميهن
توجهت لباب الهول لكيت عبايه ع درج حطيته على راسي
وفتحت باب الهول وطلعت بالحديقه والرمي متستمر بكل قوه
اباوع لمنير بطحه منجطل بالكاع متصوب
رحت تقربت عليه واني ادنك براسي خاف تجي طلقه تايهه بيه
دخل رئسا حنظل وويا زلم كومه ردت اتقرب عليه
رئسا اجه صوت عالي من ورايه مال مره
كالت: خطوه وحده تخطيهه اكتلج بمكانج ,
درت وجهي لكيتهه ام اموري لازمه السلاح
موجهته عليه ولازمه ملاك من راسهه
يتبع ...
لاتنسوا التصويت والتعليق •
كونوا بالقرب بعد ساعه ونصف يتم نشر بارت جديد
خالص مودتي لكم
تحسين لقمان
رواية فستان أحمر الفصل الرابع عشر 14 - بقلم tahsin_luqman
عزيزي القارئ فضلاً وليس أمراً اضغط تصويت لنشر المزيد من احداث الروايه،
فستان أحمر
تحسين لقمان
رئسا اجه صوت من ورايه مال مره،
كالت : خطوه وحده تخطيهه اكتلج بمكانج
درت وجهي لكيتهه ام اموري لازمه السلاح موجهته عليه ولازمه ملاك من راسهه
ملاك : مروتج خاله عوفيني والله معليه
ركضت عليهه رفعت سلاحهه للسمه
وضربت طلقه صاحت : كاعده اكلج بمكانج والله والله خطوه وحده ثنينجن اكتلجن ’
وكفت بمكاني وصحت بيهه : عوفيهه شعليهه هي انتو ناس مجرمين ومتخافون الله
ولجهنم ترحون •
ام اموري : غبره ساقطه لج اول ماجيتي مارتاحيتلج بت المطكطك لج تضحكين عليه
اجه حنظل وكف ورايه وصاح : ذبي سلاحج ولا حق الخلقج اسوي طشار بيد ملاك
صاحت بيه،
ام أموري:لج وخري عني خلي اشوفه لهذا الصاير رجال يجي يوكف كدامي
ويحجي ويا ام اموري هيج لك ماما جنك روح تأكد من نفسك رجال لو لا
حنظل : تنجبين وتاكلين تبن رجال وغصبن على الي خلفج
كتلج نزلي سلاحج ماكفاج الي سويتو بالعالم ليش هيج ليش الناس تحب تعيش بخير وبركه
وانتو تجون تفجرون عليهم كل النعم
فوك ضيم الي يحكومنه ضيمكم ماشبعتوا فلوس•
رجعت صاحت : لك شوف عيني ذني سوالف المثقفين نكعهن بخل تفاح واكعد اشرب بيهن منا
لباجر الصبح وتولي عن خلقتي انت وجماعتك لا أخلي شحاطتي تلعب عليك لعب افتهمت لو
بسرعه بسرعه منا يلا •
اباوع لحنظل صم جف ايده بكل قوه والعرك ينزل على جبينه جر سلاحه وجر اقسام وصاح : لج كلبه انتي تغلطين عليه وتسبيني
ماعاش لج الي يغلط على حنظل •
حطيت ايدي على وجهي لان شفته خلاص راح يخلص عليهه
صحت بصوت عالي:فدوه حنظل
اهدء لتنكس ايدك بيهه •
رئسا اجه صوت رجال جبير وخرت ايدي من وجهي لكيته حجي ناصح كال : حنظل افه اني موجود وواحد يغلط عليك
هاي الا اذا جان مارايد حياته ،
اباوع لام اموري جاوبته: حجي ناصح
حجي ناصح: اي حجي ناصح من تشوفيني كدامج تنزلين سلاحج باسرع سرعه عندج
لان تنبتر ايده الي بس يحاول يرفعهه بأتجاهي
رئسا هدت ملاك ودفعتهه على الكاع ونزلت سلاحهه وكالت : امرك امرك حجينه الغالي اعذرني عيناي
ركضت بأتجاه ملاك كومتهه من الكاع حضنتهه وحجي ناصح تقرب بأتجاه ام اموري : اني ماعندي حجايه وياج صيحيلي زلمتج
الي علساس زلمه ،
ضحك وكال : سعد حبايه •
ام اموري : نا نايم اي نايم خطيه مايدري
تقرب عليهه اكثر وكلهه : يحمد ربه ويشكره ان ماصار شي لبتنه مياده واله جان هو بالكبر
وانتي واكفه عليه تبجين •
ام اموري : اعذرنه حجي اعذرنه مانكدر نوكف كدامك العفو يابه شتريد انطيك
بس البنات الي جوه عوفهن ولا تاخذهن مروتك والله نروح بالرجلين
صاح بيهه حجي ناصح : تردين العفو بسرعه تحجيلي مكان كريم كاسيته وين
اباوعله بلعت ريكهه وحطت ايدهه على صدرهه وكالت : شلك بكريم كاسيته اعذرني حجي
باجر عدنه شغل بي ومتواعدين ويه ناس اعتذر هوايه
ماحس اله حجي ناصح يلف عليهه لفه كامله ويضربه راشدي بكل قوه عنده صاح : لج عاهره
احذرج اخر حذر مني لا تنسين الواكف جدامج شنو يكدر يسوي اكدر اهدم البيت
هذا على روسكم من دون مايرفلي جفن
كريم كاسيته اريده وينه
ملاك حاضنتني بكل قوه وحنظل واكف يم حجي ناصح يعصر بيده بس يريد يكمز على ام اموري
يكتلهه اباوعلهه فركت بيدهه وباوعت على الدرج الي يودي للسطح كالت : هناك
رئسا صاح حجي ناصح : عبدلله و زيد وحنظل بسرعه روحو نزلو عمكم يلا
راحوا الولد ركض ليفوك وحجي ناصح واكف كدام ام اموري وهي خايفه اسمع ونات بالكاع
باوعت لكيت منير بطحه يون من الوجع
ويكول : انعل يومج ساقطه شلون خليتج تفوتين للبيت,
ردت اجاوبه بس حجي ناصح باوع عليه وتقرب باتجاهه : منير اضاهر ناسيني لتخليني ادوس عليك بقندرتي وأهينك
منير بطحه : عمرك راح يصير بالتسعين وبعدك مامتت
ماحس اله حجي ناصح شال رجله وداس على رجله وين ماهو متصوب
وكله : اياك وبالك تفكر تكمل كلامك وابد لاتنسى تاريخ حجي ناصح
تفل عليه وتوجه بأتجاهنه كال : محتاجين شي بابا
جاوبته واني ابلل شفايفي : فدوه لطولك حجي بس عادي ناخذ ملاك
باوعلهه من فوك ليجوه : وشنو منين تعرفيهه ومنهي هاي البت
صاحت ام اموري: لا عيني كريم كاسيته وانطيته الكم مال ملاك تطلع منا
لاعيني حجي صدقه لربك افركش عليك الشغل واسويه وياك بحر مال دم
حجي ناصح صاح بيهه : انجبي لج غبره تسويهه بحر مال دم ويايه
لج اطيح حظج وحظ الي يطلع وراج سافله
رجع باوعلي وكال : تعرفيهه بتي
كتله : اي اعرفهه وهي ساعدتكم واختهه هناك هي ساعدتني
ملاك : بس فدوه اخاف على امي خاف خالي يأذيهه
مياده : لتخافين حجي ناصح يمج وتخافين على امج ,
حجي ناصح باوعلهه شويه وكال : اخذيهه للسياره امشي بويه امشي كعدن بالسياره
هسه الشباب ينزلون كريم كاسيته ونجي ,
رحنه باتجاه الباب نريد نروح للسياره علمود نركب بيهه مانحس اله صيحات قويه مال رجال جبير
درت وجهي لكيت حنظل والولد الي ويا ينزلون من الدرج ولازمين بيدهم رجال جبير
الدم يجري من جسمه ويصيح ويون وينخي بالله ,
افترت بيه الدنيا اريد اركز ماكدر نفس الكلمات تكررت بالي : ابوج اغتصبني وجبتج للدنيا
بالحرام , ابوج راح يموت مابقه شي "
هزيت راسي وركضت بأتجاهه بسرعه بسرعه واني اصيح : ليش ليش هيج سويت بيه
يابه ليش اني بنتك مياده تسوي بيه هيج •
اسمع ام اموري تشهك وادردم
حنظل صاح: مياده روحي للسياره كاعد اكلج
الرجال بالكوه عايش مروتج
صحت بي : لك اني متت سنين حياتي اندفنت بالميتم وهو مافكر بيه من وره شهوته
اباوعله يريد يحجي يريد يحرك السانه بس مايكدر وجهه ابيض لحيته عاليه الدم يابس
على كصته الشخطات من كل مكان رجليه ذابلات يسحلن بالكاع عرفت ابويه بي شي
نزلو من الدرج واني ابجي بكل حرگه وادك على راسي رحت يمه وفقدت بالصياح لزمته من ياخته
وهو بحضن حنظل " ليش ليش يابه دفنتني هيج دفنه ليش ليش يابه
خليت الي يسوه ومايسوه يصيحولي ساقطه •
بويه اني مياده الي لعبت بيه الدنيا لعب تسمعني لو لا ,
ماسامحك ابد ابد خربت حياتي من وره شهوتك
اجت ملاك تركض باتجاهي تريد تكومني من عنده بس ماكو ماوخرت صحت بيهه : عوفيني عندي
عتاب ويا اريد اعاتبه اريد احجي ويا •
رجعت باوعت عليه وجريته من ياخته ودفنت راسي يم ركبته واني ابجي واجتافي تهتز من اثر
الانهيار الي صار بيه , ماحسيت اله وهو يكول : سامحيني وسكت
شلت راسي من عنده لكيت دم يوكع من حلكه على لحيته وينكط بالكاع صحت
بصوت عالي : لا لا بويه بويه تسمعني
هزيته حيل مايكعد كمت اعيط بعلو صوتي حسيت عيوني ثكلن باوعت على حنظل
ودموعي تنزل حاره على وجناتي لكيته يبجي رجعت عيوني على ابويه واني مثل الخبله احرك
جسمه بكل مكان منا ومنا بس ماكو اي رد
باوعت على ملاك صحت بيهه : ابويه ابويه شبي ليش مايكعد
حجي ناصح : كومي بنتي كومي اذكري الله تعالو شباب اخذو كريم كاسيته للبيت
اجوي ياخذو من الكاع واني منهاره عليه اركض وياهم واهز بي ماكو ميحجي ابد
كعدت بالكاع يم باب البيت اشيل بالتراب الداير مدايري واطشه على راسي واصيح بعلو صوتي
حسيت الحياة كأنما خلصت واني اريد اخلص وياهه •
كمت على حيلي واني منهاره توجهت بأتجاه منيبر بطحه صحت بي : وين وين سلاحك لك احجي وين سلاحك
ماحس اله واحد دارني عليه وضربني راشدي بكل قوته باوعتله زين لكيته حنظل تفل بالكاع
وصاح : انتي شبيج تخبلتي الرجال مابي شي انطي صبر خليني صابر وعاقل وياج
لا ومحمد اراويج وجهي الثاني اني اشكال شفت وضليت ساكت •
ضربته بصدره وكتله: هو انت شنو شفت بحياتك ها شنو شفت شفت امك تذبك بالميتم وتطلع منه
وتجي لبيت دعاره وتطلع المسؤله عليك امك ها ها شفت بحياتك من ضيم وقهر اكثر منن عندي
شفت كمية الوجع من تنجبر تركص كدام حجي مطلك وهو يتقرب عليه ويمسعني انواع الكلام
ها ها احجي اخرسيت مو •
بعدني مامكمله كلامي ضربني راشدي و كال : ان فكيتي حلكج بحرف واحد افر راسج فر
اجتي ملاك شبكتني وكالت بصوت ناصي : مروتج سكتي كلشي ماكو
وداعتج هسه يصير زين وتشبعين من عنده ياعيوني انتي ,
اخذتني من ايدي للسياره واسمع ام امور تصيح : يلا حجي ناصح اخذ زعاطيطك واشطح
حجي ناصح وحنظل مادري شنو يتراددون وياهه ويحجون وياهه انسانه ماعدهه ذرة احترام لا
للجبير ولا للصغير وصلنه للسياره اني وملاك حرنه نصعد لو نبقه لان سيارات كومه اكو
اجاني صوت من وره خشن كال : خيتي صعدي هنا بهاي السياره بسرعه
اني بلعت ريكي وباوعتله لكيته نفسه الي جان بيت حجي ناصح لابس دشداشه سوده , شفته
عصبي وكالب خلقته فتحت باب السياره وصعدت بيهه بكل هدوء اني وملاك لان البيه كافي بعد
مابيه حيل ان اكعد واتناقش شوفة ابويه اليوم بهذا المنظر هدت حيلي وركصي كدام سعد حبايه
كرهني بالحياة كلهه حطيت راسي على الجامه ودمعتي تنزل على خدي وملاك تهدء بيه وتفرك
بجتفي وتواسيني بس يامواساة تفيد بعد حركت السيارات الكدامنه واحنه بعدنه شويه وانفتحت
باب السايق وصعد بيهه ابو الدشداشه السوده استغربت ان هو شعده هنا صاعد بس الي عرفته
اكيد هاي سيارته مابيه حيل اناقشه واكعد انزل من سيارته حركت السياره واني نمت على الجامه
اريد انسى كلش ماريد لا اب ولا ام اتمنى ارجع لماما منى ولحياتي العاديه بدون مشاكل وبدون
هاي الهوسه كلهه وبدون معرفة الحقيقه لان مرات معرفة الحقيقه تكون قويه ومو اي بشر
يتحملهه من المحتمل اذا عرف الحقيقه راح يدخل بدوامه جديده وهي محاربة الامور النفسيه
الي راح تصير بجسمه نفس ماكاعد يصير بيه
حسيت على ملاك تصيحني تكلي : كومي كومي وصلنه عيوني
فتحت عيوني ووخرت راسي من الجامه مقدمة راسي توجعني حيل صاح هذا الولد : خيتي نزلي
انتي وهاي البت العاريه دخلو ليجوه بسرعه
ولاطلعن جدام الزلم تره هنا مش دبي
باوعتله صفح وكتله : ليش بدبي يطلعون صلوخ وبعدين انت شو متعرف تسولف
ياهي العاريه مو هاي البنيه لابسه ومحتشمه مابقه عليه بس انت
باوعت على ملاك كتلهه : نزلي عيني نزلي دبي طلعت عباره عن صلوخ واني مادري
نزلت ملاك واني وراهه نزلت باوعتله وطبكت الباب بكل قوه عندي اباوعله ضرب الاستيرن
مال السياره ومادري شنو يدردم كلت بكلبي عشتو اي والله هم عاجبته روحه درت وجهي على
البيت ودخلت ليجوه لاكتني رقيه صاحت : هلا وميت هلا بخطار حجي ناصح
عبير عبير لحكي بالميه بسرعه لخطارنه •
دخلت لغرفة عبير وملاك ورايه تتلفت منا ومنا كالت : مياده هنا ثريه
كعدت بالكاع وكتله : تعاي عيوني تعاي كعدي اختج بيت حجي مطلك شابعه
ضيم وقهر تعاي عيوني تعاي تكول زينه بس اني حاسه بيهه •
اجتي كعدت بصفي وخطيه مبين عليهه الخوف والقلق من الي راح يصير بيهه شويه ودخلت
علينه عبير والدولكه ترن رنات ناعمه مال الثلج الي يتحرك بيهه كالت : ياهلا وميت هلا بخطارنه الجديد
اني ابتسمت وكتلهه : واني شلون صرت قديمه لو شنو السالفه
عبير: لايعني اعرفج بس هذا الجمال الي بصفج ماعرفه منو منو
باوعت على ملاك وابتسمت بوجهه : ها ها هاي ملوكه حبيبتي تصير اخت بنيه خطيه
هم تشتغل عند الحجي ومجبوره مثلي •
عبير : اوف اوف على العموم عيوني يارب تنجمعن سوه
ملاك : تسلمين حبيبتي ويجمعج بالنبي انشالله
ابتسمت بوجهه وراحت كعدت عنه شويه
مر الوكت بالقليل والباب اندكت كامت عبير فتحته طلع حنظل شافني
كاعده بصف ملاك كال : مياده تعاي بسرعه
كمت على حيلي واني صدري موجر من التعب والحرگه البيه جبيره
خايفه من الي راح يصير طلعت من الغرفه
علكيفي وتمشيت وراه دخل لباب الصاله و دخلت وراه لكيت ابويه منومي بالفراش ومنزعي هدومه
وباقي بس بالشورت ضليت اباوع عليه وعلى الجروح وعلى الشخطات والتجليخ معقوله هذا
حالك يبويه يصير هيج واشوفك كدامي وماكدر اسوي شي بس يلا حس بالعذاب الصار بيه
رحت كعدت على التخم كدامه
ودمعتي تنزل على خدي خلص كلشي عندي الصبر والقوه والاصرار مابقن غير بس دموعي
دخلت رقيه وبيدهه طاسه متروسه معقم وشايله بيدهه الثانيه علاكه متروسه كطن
اني استغربت منهه راحت باتجاه ابويه بدت اطلع بالكطن وتنكعهه بالمعقم وتمسح بجرحه
شويه شويه وهو يون من الوجع كسر خاطري ويه كل ونه دمعه تنزل
حرك لسانه وكال :اي اي يادنيه يادنيه جنتي شلون حلوه شغيرج عليه
حنظل : ارتاح عمي ارتاح وبعدين تكعد واطيب وتكعد تحجيلنه
كريم كاسيته : لا بويه خليني احجي هسه اخاف اموت ومالحك على كلشي ,
ابويه المرحوم يصحاق كبوز جان يجتمع بيه اني وجارنه اليهودي إلياس يحجيلنه شلون تعرف على
والدتي المسلمه ريحانه يكول حبنه بنيناه علكيف وبكل سلام اي الله يرحمك يابه ويذكرلنه شويه
من المواقف من تعرف عليهه ومن جابلهه وردة جوري وهي تكله : اريد ورد بعطرك معطر "
وابويه المرحوم جان يخلط بين اليهودي العبري وبين حجينه احنه العادي لان سنواته كلهه
جانت خارج العراق متنقل بين الدول فلسطين والسعوديه
وبالمناطق اليهوديه جان يحجي مشكل •
ضحك وكال :رغم الديانات المختلفه بيناتهم جان حبهم حسب اقوال امي وابويه والمحيطين بيهم
جان حب بي رساله ومعنى للي يعرفوهم اقترحت عليه امي ان يتزوجهه لان جانت
تكله : هنا بالعراق مايصير نضل نطب ونطلع
براحتنه لازم نكون متزووجين
ويابه ولدي تروح ايام وتجي ايام و يتقدم الهه بس يولدي تعرفون بالحياة اكو عارض يطلع كدام
البشر وجان العارض مال ابويه هو ابوهه ماقبل ينطيهه لابويه وحتى اذكر ابويه
كال : يقلد على اسمي يكلي هم يهودي وهم اسمك يصحاق
وضل ابويه يولدي يلولي شلون ياخذ ريحانه لحضنه شلون شلون
يكول كعدت ليالي وايام ابجي علمود احصل ريحانه بعد يهودي وحب مسلمه شنو تتوقعون•
حب مخابيل على كولت جارنه إلياس •
يكول ضليت ليالي وين اروح ماعندي احد جبت امي وابويه هم تقدموا عليهه وهم رفض والدهه
يكول اخر شي جنت اتمشى بمحافظه اسمهه كربلاء الي عرفته ان هاي مراقد دينيه الناس
تزورهم اني دخلت زرت ويه الناس على الواهس بس كلشي ماعرف اشوف هذا الي يدنك بالباب
يبوس مقدمة الباب مال المرقد وهذا الي اشوفه واكف يم شباج المرقد وبيده ملابس يزورهن
بالشباج ويشمرهن فوك على الشباج يكول اني استغربت ليش هيج هاي العالم
كاعد اطلع من المكان جان يوكفني صوت عياط مال نسوان يصيحين بأسماء المراقد
وشفت بعيوني حب جبير بين هاي الناس لهاي المراقد •
يكول اني تفاجأت شنو سبب هذا الحب يكول رجعت لبيتي وكعدت ابحث عن ألاسامي وعن
الاسلام بصوره واضحه الى ان اقتنعت برسالة خاتم الانبياء ودخلت الدين الاسلامي بكل
احترام , وبيومهه صرت فرحان ورحت بلغت ريحانه وهي نفس الحاله فرحتلي
رحت تقدمت عليهه مره ثانيه بس حسيت ابوهه نوعا ما مقتنع اكثر من السابق ضليت اتردد عليه
مره ومرتين الى ان تعاركت ويا اخوهه الجبير وصارت اقتلك ومادري شنو الى ان الحمدلله
الله كتبهه اليه وصارت ريحانه زوجتي
هنا اني وجارنه إلياس مبتسمين على قصة حبهم شلون صارت وشلون بدت وشلون انتهت سئله
جارنه الياس كله : من وره الزواج هم تغير حبكم عن السابق
جان جواب المرحوم لا بالعكس زاد يكول جنه ليل ونهار نتبادل كلام الحب وماحسينه بأي ملل الى ان اجانه كريم كرومي
وهنا يقصدني اني الله رزقهم بس اني
الوحيد الهم كبروني بيدهم بكل خير وبركه وماعتازيت أحد بأي شي جان كل يوميه يعتنون
بيه مثل الورد يوميه يزكوني شويه بمعلومات ثقافيه
كبرت اني وكبرت حياتي وصرت شاب افتهم وواعي على الحياة وطلعوا عليه لقب اصدقائي
واقاربي كريم كاسيته لان يوميه كاسيت جديد مشتري بس للاسف كلهن تكسرن وراحن هيج،
وتمر الايام بيه واني اشوف الحروب تصير هنا واشوف العالم شلون تأذت واسمع صياح الام
من تجيهه جنازة ابنهه ماجان عندي غير بس الدعاء ادعي لله
يولدي مشت الايام بيه الى ان وصولي للتسعينات بدت مغامرات الحب عندي
قاطعته بعصبيه وكتله : وجانت نتيجة مغامرتك يبويه اني
كال : لا يبنتي انتي نتيجة حب من طرف واحد خلي اكملج بويه اصبري واسمعيني ياعيني
سكتت ورجع يكمل , جنت بأيام الجامعه اني وطلعت شفت بنيه تبيع جامد جنهه طيره بيضه
تخبل قفلت عليهه لازم هاي الطيره توكع بالقفص مالتي ولازم تكون الي وبس جنت اني بالحب
ماتفاهم ابد شلون ما نكول اناني كلش , والله عاد ضليت الحكهه اول ماحل من الجامعه وين متروح
وراهه اني •
ووكعته بالقفص مالتي وكعتهه اي وكعتهه يولدي وهماتين اندليت بيتهه واتعرفت على اهله خوش
عائله طيبه واخلاقهم حلوه وجانت مسيطره عليه بسوالف الحب واني جنت ارهيف مصدكهه بكلشي
الى ان كالت : كريم احنه لازم نتزوج لان اني ماكدر اهلي مايقبلون هيج اطب واطلع وياك
اني جنت نوعا ما مسيطر لان اهلي ناس مثقفه واعيه والله عاد فتحت الموضوع وياهم و راحو
خطبوهه اليه وتم كلشي بخير ماكو اي عارض اهلهه كلش فرحوا ان خطبتهه وراح نتزوج
وكالعاده يولدي من واحد يتزوج تنفخ بطنه بكلمات التهاني والتبريكات جنت فرحان حيل
بيوم عرسي اني واشوف ابويه يروح يجيب الدجاجه علمود يحبسهه بالحمام البره علمود من
تجي هضيمه تدخل يذبحهه جوه رجلهه واني اشوف والدتي تحظر طاسة المي وتحط بيهه تمن
ومن هاي الحبشكلات علمود اول ماتدخل ادوس عليه مدري شنو سوالف الام تعرفوهه بعد يولدي ,
وإلياس جارنه يلبس قميصه المشجر ويجي يوكف كدامي يرتبلي القاط ويهز جتف ويغني
شلونك عيني شلونك
جان يوم حلو ماينسي ابد بس كتلكم بابا الحياة لازم بيهه عارض والعارض مالتي طلعلي بليلة
عرسي رحت لبيت اهل هضيمه جبتهه بموسيقة فرقة ابو عبيسان جان عنده فرقه
يدكون بالتنك وهوساتهم جانت حلوه مو مثل هسه يولدي ,
عاد هي فرحانه واني فرحان اكثر بعد طيرتي وصارت عندي ودخلنه للبيت
وتعرفون سوالف النسوان اطلع الروح
واني روحي طالعه قبل كلشي •
جر حسره وكعت دمعته ومسحه كال دخلت عليهه للغرفه علمود يتم كلشي بخير
اي اي يولدي شويه و تطلع هضيمه مو عذراء شايفين من تمشون بالشارع ويجي واحد يضربكم
سجينه من وره وانتو ماتعرفو منو ورئسا توكعون بالكاع تونون من الوجع هيج صار بيه
بيومهه كعدت يمهه واحجي وياهه : ليش هيج ليش هضيمه بشنو قصرت وياج
اني حبيتج وداريتج على ايدي هيج تسوين بيه ليش شنو ذنبي يهضيمه سولفيلي
كالت : مروتك لا تكول للناس الي بره اروح بالرجلين استر عليه الله يستر عليك
جر حسره وكال : يولدي الحب يعور اي يعور يذبح باوع على
حنظل وكله : يولد حنظل ديربالك تحب اها تره يكتلك انت وعايش
كلنه ضحكنه رجع كال :وشسوي من حبي الهه واني فطير رجال على حالي شسوي
سترت عليهه وضليت اداري بيهه ويوميه يزيد حبي الهه الى ان صارت حامل و اول بطن جنتي انتي يبنتي مياده
شسولفلج ماعرف شنو أكلج بويه بس الله يسامح امج
اني بنفسي لحد الان ماعرف انتي بنتي من دمي ولحمي لو بت الي اغتصب امج
لحد هذا اليوم لاعرفه ولايعرفني ليومي هذا
حطيت ايدي على حلكي دمعتي بسرعه نزلت لان كلماته جانت تجرح وكتله : ابشع منكم ماشفت
ليش هيج وهسه اني شنو ذنبي ها شنو ذنبي ماكلتوا هاي خطيه مافكرتوا بيه
كال : حقج بويه شتحجين حقج بس هاي كل قصتي حجيتهه الج شبيدي اني رجال على حالي
اروح بدربي واجي بدربي وامشي بصف الحايط شسوي ماتكليلي شسوي , اول ماجيتي للدنيا
كالت امج هي وبالمستشفى : هاي نحطهه كدام الحسينيه مال المختار ونخلص منهه والي يسألك
كلهم ماتت اول ماطلعت للدنيا •
واني جنت مثل المحبس بيدهه واعترف بنفسي كدامج اني غبي ومافتهم بس شنو اسوي يابويه
كتلج لاحول ولاقوه وحب امج جان محتل جسمي بحيث
اذا تكلي اكتل نفسك اكتل نفسي •
عبالي نفس امي ريحانه
بس للاسف من شردت عرفتهه على حقيقته
مرت اشهر من ولادتج واحنه ذبيناج كدام الميتم ماذبيتج كدام الحسينيه وضليت على تواصل ويا
مره اسمهه منى تصير صديقة امج تشتغل هناك وحتى أمج جانت على تواصل وياهه
وره فتره الله زرعلي طفل بطن هضيمه هم بنيه بس للاسف من انولدت للدنيا طلعت منغوليه
بسبب اهمالهه لامج لاتاخذ حبوب مال تشويه ولا اي شي جانت امج حامل بيهه وتشرب بالبسكوت
عني ماريد اشوه سمعة امج كدام العالم الكاعده بس علمود تعرفين الحقيقه
هم رادت تذبهه وتخلص منهه بس اني ماقبلت ووكفته عن حدهه و شردت من عندي
وخلت عليه البنيه •
مياده : شنو اسم اختي
كريم : هيماء اسمهه حليوه وحبابه بس للاسف انخطفت مني منو خطفهه حجي مطلك وامج
وماعرف لحد هذا اليوم شنو يسون بيهه يجدون بيهه او يطلعوه ويه بنات الليل استغفرالله
كمل كلامه وضرب الكاع بأيده رجع كال : شفت الويل يابنيتي تعذبت تعذبت هسه
صدكتو بيه من كتلكم الحب يكتل هذا كتلني وحطمني وكسرني كسر طالبت ببنتي هيماء
بس شصار عود انطوهه لا خطفوني يمهم أشهر وطول هاي الاشهر كتل بكتل عذاب بعذاب
امج تجي تدخل عليه تتفل وتروح وهذا الوليد حنظل شاهد على كلشي ينبتي شسوي
ماتكليلي شسوي •
كاعده اجاوبه بس الباب اندكت حيل بكل قوه
او بالاحرى اندفرت
دخلو زلم كومه من ضمنهم حجي مطلك ورجال لابس دشداشه نيلي وكف حنظل
ووكف حجي ناصح على حيله وابو الدشداشه السوده صاح بيهم : شلون ادخلون أنتو هيج
كمت على حيلي صرت وره حجي ناصح وحطيت ايدي على صدري بلعت ريكي
وقريت سورة الفاتحه بكلبي واني خايفه
حجي مطلك : ان اخذتج تموتين جوه ايدي هل مره
بلعت ريكي وتقدم ابو الدشداشه النيلي
وكال : حجي ناصح انطيني مياده
جاوبه ابويه : وشنو ماوراهه زلم هيج هي تايهه وانطيهه الك منو انت
دار وجه عليه وكال : اها اضاهر انت كريم
اني ابوهه ثائر
حطيت ايدي على وجهي حسيت الدنيا رجعت تفتر بيه شراح يصير بعد شوكت ترحميني
واخلص من كلشي
جاوبه حجي ناصح : مياده ابوهه واحد وهو كريم كاسيته ماكو غيره
جاوبه ثائر : اني مايهمني شصاير بس اني امام الكل وامام القانون مياده مسجله بأسمي
يعني امام الكل اني ابوهه رسميا
وهسه اني جاي آخذهه •
يتبع .....
لاتنسوا التصويت والتعليق •
تفاعلكم ضعيف اشوفه من ناحية التصويت! !
نلتقي الاثنين ببارت جديد وبأحداث قويه،
للمتابعه في الانستكرام: tahsin_luqman
خالص مودتي لكم
تحسين لقمان
رواية فستان أحمر الفصل الخامس عشر 15 - بقلم tahsin_luqman
عزيزي القارئ فضلاً وليس امراً اضغط تصويت لنشر المزيد من احداث الروايه
ملاحظه: كونوا بالقرب بعد ساعه يتم نشر بارت جديد
فستان أحمر
تحسين لقمان
جاوبه ثائر : اني مايهمني شصاير بس اني امام الكل وامام القانون مياده مسجله بأسمي
يعني امام الكل اني ابوهه رسمياً •
وهسه اني اجيت اخذهه '
اني وسمعت هيج حسيت راسي اختل توازنه شنو كاعد يصير شوكت ارتاح ماعرف ,
رجعت كعدت على التخم اني ولازمه راسي حجي ناصح دار وجهه عليه وصاح : شبيج بنيتي
حنظل اركض يابه جيبله مي •
ثائر : هاي العرامه مال الساقطات كلش زين أعرفهه
يلا كومي كدامي مصختيهه عاد •
حجي ناصح :ثائر تاكل تبن احسلك الواكف كدامك حجي ناصح برمشة عين مني ارجعك بطن امك
فاهم لو لا احترم نفسك زين •
ثائر : اني محترم نفسي كلش زين بس انت الي لازم تحترم نفسك تحط بنات يمك والله يعلم
بعده مامكمل كلامه رئسا حجي ناصح لف ايده وضربه راشدي بكل قوته،
حجي مطلك : ها ها يمعودين تره حجي ناصح كلش مصخته ثائر اله
الحق لتخلينه نسويه وياك محاكم وشرطه وقانون •
حجي ناصح : لك باوعو منو يحجي بالقانون والشرطه والانضباط كوم لك تافه
انعللك نعل تاليهه تجي انت
تحجيلي بالقانون والانضباط •
جاوبهم ابويه : خصم الحجي لحجي مطلك وثائر بنتي مانطيهه واذا تردون قانون ومحاكم روحوا
اشتكو وحطوا محامين من جيبكم لا راح تأخرون ولاراح تقدمون شي بالنسبه اليه
بنتي مانطيهه لا الكم ولا للقانون •
ثائر : مو بكيفك اخذهه اخذهه وانت عجوز البوم حجي ناصح هذا الراشدي مالتك اعرف شلون احله
وياك اذا انت عندك زلم تهين شوارب
اني عندي زلم تكص روس •
واذا تريد بعيني رمشة عين اسويه وياك بحر مال دم فاهم لو لا •
اباوع لحجي ناصح صم جف ايده عرفته راح يضربه رئسا صاح بي ابويه
كريم : لا حجينه لخاطري عوفه لتنكس ايدك بهذا الوصخ , واسمعني انت الي سواه بيه حجي مطلك
كلش كافي عوفونا بحالنه الله يعوفكم بحالكم وبتنه المنغوليه رجعوهه النه
ثائر : لا بتكم المنغوليه ولابطيخ ولا هاي
الحبشكلات على طاري بتكم المنغوليه اكدر
اسويلهه اي شي اذا متروح ويايه مياده وبقت السالفه يمكم عيوني ,
مياده : اني شنو لعبه بيدكم ليش كاعدين تحسسوني ان اني سلعه بيناتكم
واحد يشمرني على الثاني ماروح لا ويا ثائر ولا ويا مطلك ولا هم يحزنون اني ابقى
يم ابويه وين متردون ترحون روحوا ,
ثائر : معناهه بهذا حجيج كاعده تكليلي اكتلهه او اغتصبهه او موتهه من الدنيا كلهه
هيج تقصدين ؟
حجي مطلك : ترحين ويايه وتصيرين زوجتي معززه مكرمه وها تره هسه انتي مفروض
تسجدين لربج هواي لان حجي مطلك طلبج. •
كمت على حيلي وصحت بي : شوف عيوني اضاهر انتو ميفيد وياكم غير بس هذا التعامل
باوع حجينه لو تزين روحك بالذهب من فوك ليجوه ولو يطلع يصحاق جدي الي ابو ابويه
من الكبر ويكلي شلونج جدو اكلك ماقبل بيك •
وازيدك من الشعر لو تبقى اخر رجال بالعالم مازوجك ،
حجي مطلك : لج احترمي نفسج اضاهر نسيتي الواكف كدامج مو
مياده : حجي انت شكاعد تحجي تره انت بعيون البنات لاشيئ عيوني
صاح بعلو صوته : لج اليوم مارحمج اذا ماطلعت روحج للسمه اطلع فلا حجي مطلك بت الجلب
صاح ابويه : لك احترم نفسك اني كريم الكل تحلف بأسمي وبأخلاقي مو تجي انت تغلط عليه
كاعده اجاوبه جان تدخل مره لابسه بوشيه وخرت البوشيه باوعتله لكيته مهره غمضت عينهه
وصاحت : اوي اوي عيني
دخلت بالنص وكامت تسوي حركة السجاجين وصاحت : ولكم عيني كلماً صار رجال وكلما نفخ صدره علكيفكم ماما
برمشة عين امسحكم مسح دطيرو يمه •
ثائر : طلعي منهه مهره سالفة زلم واحنه شلون ناخذ حكنه بيدنه
حجي ناصح : ولكم انتم يازلم ماتكلولي عار على الزلم اذا انتو زلم ولكم مره واكفه بصفكم تهينكم
وانتو مثل مطاية ابو سميه •
كريم : انتو هسه تردون مياده مو واذا مانطيناهه الكم راح تلعبون لعب بهيماء مو يابه •
ثائر : بالضبط هذا الي ردتكم تفهموا عدل
مهره : هسه هي شلونهه كله خلك منغوليه
كريم : انتي من تصيرين زلمه احجي وياج
راد يحجي ابويه يكمل كلامه رئسا صحت : واني هاهي اروح وياكم بس بشرط اشوف اختي
وابويه يبقى هنا ومحد يوصله •
مهره : اوي عيني اوي شوفو الوصخه ام الاسيان كامت تحجي وتتشرط دكلي تبن امي
ترحين و انتي الممنونه وبالنسبه لابوج عسى يروح لجهنم مايهمني •
حجي ناصح : بنتي انتي شنو تحجين شنو ترحين وياهم تخبلتي
حنظل :باوعي مياده هاي السالفه تمسحيهه من بالج ماكو شي اسمه اروح وياهم
شنو كاعدين نلعب احنه •
كريم : اني اشوف قرار مياده صح
صاح حجي ناصح : كريم تالي ماتالي تفكر ادز بنتك ويا ناس دعاره ومنحرفين .,
استغربت من كلام ابويه ليش وافق عليه معقوله بعد كل هاي الامور هو ميريدني خلاص
كال : لان محد يعرف هيماء بس اني
وهيماء رايدله متابعه وعنايه منغوليه ياناس منغوليه تعرفون شنو منغوليه يعني كلشي ماكو
وهذوله يمهم الله يعلم الله يعلم شمسوين بيهه
صفكت مهره
وكالت : شمسوين بيهه عين احلى سيتات نوم كاعدين نجيبلهه وكل هذا ويحجون
علينه والله يالله •
جاوبتهه : اني رايحه وياكم بس مو اليوم لا باجر تجون تاخذوني
حجي مطلك : وشنو مثلا باجر نشتغل عندج احنه تحترمين نفسج وكدامنه
ماعرف شلون اجت عيني على حنظل كاعد على التخم وحاط ايده على وجهه حسيته ميت قهر
بس قراري لازم اخذه لان اختي ماعرف عنه شي صح روحتي مره ثانيه لهناك مجازفه جبيره
بس الكاتبه الله يصير عسى ولعل نفس ماكتبلي ان اطلع مناك جوز ينكتبلي مره ثانيه
رجعت باوعت على ابويه شفته يون من الوجع مادري من وجع الجروح من وجع الدنيا الي لعبت
بي لعب , اكو شغلات عن ابويه اريد اعرفهن اريد اعاتبه ويعاتبني اريد اريد •
رفعت راسي على حجي مطلك وجريت حسره جبيره وصحت : حجي مطلك تريدني اجي وياك ماعندي اي اشكال بس شرطي الوحيد
اكون معززه مكرمه وها باجر تجي تاخذني غير هذا الحجي ماعندي وانت يابه هه ثائر افندي
رايحه وياك بس بالاسم لا ابويه ولا هم يحزنون تكعد وتسكت •
ثائر : لتفكين حلكج زايد ارضي بمقدارج وبس لان مرات الواحد من يطلب هوايه يكوم يمشخت
وهاهي احنه هم ماعدنه اشكال يمياده باجر باجر سهله هاي
باوع على حجي مطلك ومهره وكال : امشونه باجر النه جيه ثانيه ,
مهره :لج الزمج هناك مو مالزمج واني اعرف شصرف وياج سهله يمياده
ثار : عوفيهه عيوني الساقطات انواع
كام حنظل وصاح : لك تاكل تبن وتنجب صارلي ساعه كاعد وساكت محترمكم ماريد اهينكم
بس اضاهر انتو ابد مو مال احترام سفله •
حجي مطلك : وانت ياهو مالتك اضاهر نسيت الكتل والضرب الي اكلته
مني خليهه ترجيه باذنك من اجي اخذ مياده انت هم وياهه ياحلو •
حجي ناصح : خسه اي والله حجي ناصح موجود وانت تريد تاخذ حنظل اني انطيتك مياده او
سمحت الهه لاجل اختهه ولاجل قرار ابوهه اما حنظل خط احمر وها هاي المره اذا ناقشتني
بسالفة حنظل راح تصير سالفة طلق وقد احذر من انذر
مهره : عيني حجينه شو دمشي ورايه
حجوزات مروتك
ذوله براس بصل يابس ماشتريهم
بس نعثله •
جرتهم من الصاله وطلعت ضليت جامده من مكاني شنو من مره هاي ماعرف شلون عدهه هيج
قوه تقود زلم وتتحرك بيهم منا ومنا ماعرف معقوله اذا صرت مثلهه راح اكدر اعيش بالحياة
لو اضل هيج ضيم وقهر وعذاب •
حجي ناصح : روحي بنتي ارتاحي
بويه رقيه تعاي رجعي كملي شغلج يم عمج كريم كاسيته يلا بويه
وانت كريم اكرمنه بسكوتك مو وكت السوالف ارتاح يازلمه وانت بويه حنظل كوم روح لابو
سميه يلا يلا شوف اوضاع الكاع يلا ماريد زلمه ومره كاعدين وساكتين يلا يابه
ردت اتقرب اروح لابويه اكعد ويه رقيه اداوي
صاح حجي ناصح : مياده بنتي كومي للبنات بسرعه يلا عوفي ابيج يرتاح يلا بويه يلا
باوعت لحجي ناصح ورجعت باوعت لابويه شفت كلام حجي ناصح صح ولازم اعوف ابويه
براحته يرتاح شويه والوكت طويل والليل طويل اكتله ويا , طلعت منهم لكيت الدنيا كاعده تغيم
وتغرب رحت لغرفة عبير دكيته ماطلع احد كاعده ادخل جان تجي من وره
صاحت : تعاي حبيبه ويايه كاعده اخبز بالتنور
عقجت حواجبي
وكتلهه : وين تخبزين خو مو بالزويه وكلش مضلمته
باوعتلي ضحكت وكالت : لا عيوني لا امشي امشي ويايه هسه اعلمج شلو تسوين العجين
دوائر وتكعدين تحطي بالتنور من عيوني ,
مشيت وياهه وكتلهه : مابيه حيل اخبز ومادري شنو خليني هيج
كالت : اي عيوني وزلمتج حزام ضهرج عكبه من تزوجين شتحطين كدامه بس
لا تحطين كدامه هوى •
ضحكت وكتلهه : تره اكو شي اسمه مخبز خارجي اطلعه يجيب بالف على كدنه ونكعد ناكل
وكفت بنص الطريق باوعتلي وغمتني كالت : كبر لفج ماما الزلمه يحب المره الي اداري
واداري بيته بحيث يجي من الشغل يلكه مريته واكفه على التنور اطلعله الخبزه الحاره بس تخيلي
الموقف مو يجي تعبان وروحه مسلوكه من شمس تموز وانتي من الباب تكليله جيبلنه خبز بالف
لا هيج انتي راح تقللين من قيمتج كدامه راح تكليلي شلون او جوز عيوني تكليلي على حجيج
هذا المره اذا متخبز لرجلهه يكوم مايحبهه او تقل قيمتهه عنده
اني اكلج ليش تدرين ليش اي ؟
مياده : طربيني عيوني ليش اي
عبير : لان ياعيوني الزلمه يطلع ويه زلم واكو زلم من النوع الي تمدح بنسوانهم من الاكل والملبس
والشرب والنزاكه عاد هنا رجلج راح يضل ياكل بروحه ليش مو هيج مرتي
مياده : والله انج ملعونه طلعتي مو قليله ولج شلون فكرتي بيهه ماعرف
عبير : تره اني مو شويه عندي هواي شغلات اسويهن لاتغرج كعدتي بالغرفه
بس شسوي مالحك
وصلنه لمكان التنور وكتلهه : ليش ماتلحكين لاشغل ولا اي شي وماعندج جهال
كالت : وابو سميه خطيه غراضه عليه كلهن اني كايمه بيهن
حطيت ايدي على حنجي وكتلهه : اكلج هذا ابو سميه منو قبل شويه حجي
ناصح جاب اسمه وهسه انتي جبتي •
كالت : باوعي ليغاد على الركن باليمين كاعده تشوفين هذا الزلمه الي لابس دشداشه سوده
هذا هو ابو سميه •
باوعت وين ماوصفلتي المكان ولكيته نفسه ابو الدشداشه السوده
, هم لكيته عصبي ويروح بمكانه ويجي منا ومنا اتفاجات من حركاته رجعت باوعت على عبير
لكيتهه تلم بالسعف علمود تشغل التنور رحت افتر وراهه وكتلهه : هو ليش هيج دائما اشوفه عصبي ونار وابد مابي مجال للتفاهم
عبير : ابو سميه خطيه المكرود لعبت بي الدنيا لحد ماكال الله بس وطيحت حظ حظهه
كتلهه : خطيه شمسوي ومشت ويا بالمكلوب
عبير : يمعوده لاشارب ولا بالع بس نكدر نكول هاي الناس الي مو زينه عيني الي طلعتنه هسه
بهذا الوكت فردهوا بيتونه تفرده اريد جاهل مايبجي ماكو اريد شاب مايبجي ماكو
مياده : مافتهمت قصدج
عبير : عيوني من الاخير هذا ابو سميه خطيه رجال على كد حاله فاتو عليه بالبيت مثلمين اي
شي ماطالع من وجوهم منو انتو شتردون لاحس ولانفس منهم بس يصيحون •
الكم مهله اربع ساعات
اطلعون من البيت
والمنطقه مانشوفكم هنا •
وهو رجال على كد حاله يعني من كاعده اكلج على كد حاله كلش يعني خطيه صاحب عربانه يدفع
بيهه بالسوك شيسوي لعد عنده سميه ومريته شلون خو مو يموتون من الجوع
مياده : زين ذوله الملثمين شنو ماتكليلي يعني
شنو شغلهم يفوتون يشيلون العالم ويطلعون
عبير : بضبط هذا شغلهم واكو بيهم لا عيوني يكتلوج بمكانج
مياده : زين ارد اعرف ليش يشيلون العالم يعني شنو من اجل البيت لو شنو غايتهم
شالت السعف من الكاع حطتهن على ضهره وتوجهت بيهن للتنور كالت : من اعلم اني اعلمج
انتي والله ياداده لاعرف ولا هم يحزنون منهو ذوله ماعرف بس ناس تكول
متعاونه ويه الدوله وناس تكول متعاونه ويه الارهاب وتاهت علينه السالفه •
علمي من علمج •
مياده : شوكت نرتاح ماعرف نكضي حياتنه هيج قابل , زين من شالو هو ومرته وين راحوا
عبير : المكرود ماشال بالوكت المطلوب وجانت الضحيه مرته وبنته راحو من عنده
وانلعب بيهم لعب وتبهذل تبهذل خطيه ,
مياده : لحظه عبير شنو يعني راحوا من عنده يعني وين راحوا شنو شصار
عبير : انكتلوا كدام عينه البينه والمره دخلوا عليه بعد اربع ساعات بدون نفس ولا تفاهم ولاهم
يحزنون كبل جروا سلاحهم ورموهم •
حطيت ايدي على حلكي ورجعت باوعتله شفته يروح ويرجع ,
رجعت كتلهه : زين خطيه شلون وصل لحجي ناصح وليش هيج يروح ويرجع اريد
افتهم السالفه عدل ,
عبير : عيني هذا ابو سميه نوعا ما اتخبل وخطيه من الصدمه يروح ويجي مايكعد ابد من انكتلت
زوجته وبنته كدامه دخل بدوامه كلش جبيره صار مايدخل للبيت ويكعد بي
مثل العالم ويرتاح بي
لا خطيه سكن الشرع شهور شهور وعيني اجه رجال من بغداد لحجي ناصح كال هذا رجال ابو
سميه هيج وهيج سالفته وانتي تعرفين حجي ناصح رجال يخاف الله وحاج بيت الله هواي
اول ماسمع السالفه كبل اجر سياره واخذ جم زلمه من الزلم الي يمه وراحو لبغداد جابو ابو سميه
وخطيه ذيج غرفته ابد مايدخل ويكعد بيهه بس يفتر بالبستان تصير ساعه تلاثه او الاربعه
اطلع احلب البقر مال الديره الكاه يفتر على هاي الفره ويحجي وحده ويأشر وحده
حسب كلام حجي ناصح ان هو خطيه بعده متاثر بموت زوجته وبنته ويسوي تأشيرات يرفع ايده
ليفوك على راسه كانما واحد كدامه يكله ارفع ايدك ليفوك , وهذا عين عينج
رحت يمهه باوعتلهه جابت الشخاطه وشخطت وحدهه وشعلت سعفه من السعفات
كتلهه : مادري شكلج ياعبير حسبي الله ونعم الوكيل على كل واحد ياذي يكتل ويخطف
عبير : خلينه بهمومنه وضيمنه احسللنه ياخيتي
مياده : اي والله ياعبير همومنه كلش كافيه ,
صفنت شويه واني اباوعله شلون تشغل التنور وشلون تتحرك وتجيب صينية العجين وتبدي
تحط العجين بالتنور شويه شويه وتوخر وجهه عن التنور بسرعه تخاف على وجهه
لا يروح يحترك ,
كتلهه : زين خطيه بنته جانت شكد عمرهه الله يرحمهه يارب
باوعتلي وكالت : خطيه يطلع عمرهه 13 سنه بس بعدهه طفله بس انت يلي ملثم الي تفوت
على بيوت العالم شلون انطاك كلبك ترفع سلاحك وتحطه براسهه وتكتله ولكم طفله
طفله شنو من بشر شنو من كلب عدكم ماعرف •
رجعت باوعتله لكيته خطيه يروح ويجي ويأشر بيده ويحجي وي الهوى جريت حسره
من كل كلبي وذبيتهه ,
درت وجهي على عبير كاعده احاجيهه على ابو سميه اريد اعرف ليش هيج هو عصبي اريد
اتعمق بقصته بعد جان اسمع واحد من بعيد يحاول يصيح بأسمي بس ماكاعد يكدر
درت وجهي بسرعه لكيته رفيق
يركض باتجاهي اني استغربت شبي رفيق هيج يركض خوماكو شي ,
وصل يمي وهو يلهث ووجهه كله تراب
كال : م ميا مياده اي اي مياده ح حنظ حنظل اي حنظل
عبير اجتي يمنه بسرعع اباوعلهه خايفه لزمت ايده وكتله : رفيق شنو حاول تفهمني
رفع ايده عصرهه وكام يهز راسه مافتهمت شنو شبي وشنو يريد كتله واني
خايفه: وين حنظل هسه
رفيق : بال بالغر اي اي بالغرفه
عافني بمكاني وركض بأتجاه الغرف مال البستان ركضت وراه اني وعبير وصلنه الغرفه واني صدري
يصعد وينزل من وره الخوف دخل للغرفه رئسا دخلت وراه لكيت حنظل
واكع بالكاع وجسمه كله يرجف كأنما واحد كاعد يهزه ورافع ايده عاصرهن حيل
ويأشر بوجهه منا ومنا ويون مادري بشنو
عبير صاحت بعلو صوتهه : لك حجي يابه
حجي ناصح الحك
حنظل جايته الحاله •
يتبع ....
لاتنسوا التصويت والتعليق لنشر المزيد،
كونوا بالقرب بعد ساعه يتم نشر بارت جديد
دمتم سالمين،
تحسين لقمان
رواية فستان أحمر الفصل السادس عشر 16 - بقلم tahsin_luqman
عزيزي القارئ فضلاً وليس امراً أضغط تصويت لنشر المزيد من احداث الروايه،
فستان أحمر
تحسين لقمان
واكع بالكاع وجسمه كله يرجف كأنما واحد كاعد يهزه ورافع ايده عاصرهن حيل
ويروح بوجهه منا ومنا ويون مادري بشنو
عبير صاحت بعلو صوتهه : لك حجي يابه
حجي ناصح الحك حنظل جايته الحاله •
استغربت من كلام عبير باوعتلهه
كلتله : ياحاله هاي شبيج عبير
تركتني وراحت ركض وهذا حنظل ماعرف شنو بي شكله كلش يخوف ويصيح بعلو صوته بكلمات
مامفهومه رحت يم رفيق اخذته من ايده وطلعنه من الغرفه واني اقره سورة الفاتحه بكلبي
من الخوف، اول ماطلعت اجه حجي ناصح كبل دخل للغرفه وكفت بالباب اباوع لكيت حجي
ناصح يلزم بأيده ويضرب بوجهه
ويكله : حنظل ابني حنظل صحصح ابني حنظل يمك اني بسم الله بسم الله
عبير عبير بويه صيحيلي رقيه
اباوع لعبير ركضت ركض وتصيح :رقيه قيه لحكي لحكي الزلمه
واكع بالكاع يرعش •
وحجي ناصح : يفتح بيدين حنظل ويضرب بوجهه علكيفه علمود يصحصح ويفك
اخر شي لوه ايده وفرهه فر على حنظل رئسا هدء ورجع لوضعه الطبيعي , اني واكفه ولازمه ايد
رفيق متسغربه وخايفه وقلقه ومتوتره من الموقف الي كاعد يصير كدامي
معقوله حنظل مريض او بي شي •
اباوعله رفع راسه باوع يمنى ويسرى رئسا زوع بمكانه ذب كل الي ماكله وحجي ناصح يدك على
ضهره ويكله : ماصار شي ماصار شي أبني
اهدء هسه اطيب
سمعت الجامع بده يأذن والدنيا غربت , حجي ناصح كوم حنظل من الكاع اباوعله بالكوه واكف
مايكدر يمشي ولا يتحرك واحس باله كلش بعيد كتلني الفضول اريد اعرف شنو
شبي حنضل ليش هيج صار ويا •
باوعت لرفيق خطيه خايف بس يرجف ويسوي بصوت ناصي : جك جك جك
اخذت حسره ودرت وجهي اتمشى لغرفة عبير اشوف ملاك وين
اجتي رقيه هي وعبير يركضن ركض دخلن للغرفه وكفت اني بمكاني شفت رقيه
واكفه بصف حنظل ومادري شنو تحجي ويا
معقوله اكو شي مخفي ومامعلوم بي
عفت ايد رفيق وكتله : رفيق روح يمهم اني رايحه اكمل شغلي
مادري شنو كام يحجي تركته بمكانه ورحت لان تعبانه كلش اذا احط راسي على مخده اعتقد
مااكعد اله يمر عليه اسبوع كامل من وره التعب والهم والقهر والضيم
تمشيت بأتجاه الغرفه دخلت لكيت ملاك ممده بالكاع وصافنه على السكف والدمعه
تنزل من عيونهه ,
كلت بكلبي : ربي شوكت تفرجهه علينه لشوكت تضل دموعنه تنزل مو اختنكنه مو تعبنه
رحت تربعت يمهه بالكاع مديت ايدي علكيفي ومسحت دمعتهه حسيتهه حاره
ماكو داعي اسئلهه ليش كاعده تبجين لان كلشي واضح خالهه والدنيا لفو عليهه ووصلوهه لهنا
شحجي شكول ماعرف حتى كلمات المواساة
خلصن عندي بعد ماعندي اي شي ومابيه حيل
شوكت ينتهي كلشي ماعرف •
ملاك : اختي يمياده
مياده : اوف ياثريه شتسوي البنيه اختج لو ماخالج جان انتن بخير ونعمه
شتسون ماتكليلي حسبي الله ونعم الوكيل ,
ملاك : ليش هو السبب الاكبر من خالي لا يمياده سبب طشارنه
ابويه اذا اريد اعتب اعتب بس على ابويه والدنيا الغبره
خالي ماطلب غير بس حقه راد فليساته الرجال علمود يطلع للخارج بس ابويه شسوه اخذ نفس
وصاح بينه لبسن ملابسجن وروحن وره امجن ليش هيج مياده ليش معقوله صرنه ثكال
على ابويه واحنه بعمر الورد مافكر بينه ماكال وين راح يرحن بناتي
حتى لو عندي ام وامي عدهه راتب بس
اوف مياده اني تعبت اريد انتحر واموت والله •
مياده : لا لا ملاك تموتين خاف عبالج
ترتاحين تره وراج عذاب شكده شكبره
ملاك : مياده الله غفور رحيم يرحمني ويغفرلي وداعتج تعبت يمياده اريد شي منج
استغربت من طلبهه كتلهه : كولي عيوني شنو شتردين انشالله
اذا كدرتله اكيد ماقصر وياج ياعيوني انتي •
ملاك : اريد حبايه فدوه فدوه لطولج اريد بس وحده ماتحمل ماكدر ماكدر اذا ماخذ وحده
حطيت ايدي على حلكي وكتلهه : ملاك انتي شنو كاعده تحجين شنو تردين حبايه
تخبلتي لو شنو السالفه ,
ملاك : ماتخبلت ومابيه شي بس اريد حبايه ماكدر ماكدر اني مدمنه مدمنه
اذا ماخذ وحده اموت وداعت ثريه •
مياده : يعني قبل شويه ردتي تموتين مو لان بس الدنيا غبره وياج لا لان ماماخذه حبايه لحد ألان
ملاك :الاثنين ياعيوني الاثنين راح انجن فدوه
مياده : انتي شنو كاعده تحجين وتردين اني مياده اطلبين مني اجيبلج حبايه كلش متوهمه
ملاك ماكدر اشارك بهيج شي نكس ولازم تعرفين نفسج ان الكاعده تسوي كلش غلط واختج ثريه
ماتقبل عليه واذا تسمع هذا حجيج كلش تتأذه •
ملاك : لج ماكدر تعرفين شنو كلمة مدمنه ماكدر اتخبل ,
مياده : لج ماما صحصحي اضاهر لاعبه بيج ام اموري لعب
ملاك : هاي الجلبه خلصت على حياتي كلهه
ماكدر مروتج ماعرف •
مياده : عذريني عذريني ماكدر لو تطلع نخله
براسج ماجيبلج اي شي
اباوعله دفنت راسهه بالمخده وكامت تبجي وتصيح : اني شنو ذنبي يمعودين ليش هيج
مياده اني كلشي خسرت بحياتي ماريد اعيش حبابه
مياده : كومي ملاك كومي كاعد يأذن كومي اجددي واوكفي بيد ربج يلا يلا ويايه لا تستلمين
ليش هيج ملاك ياعيوني
يلا لا تذبين روحج بضلمه يلا ويايه •
كمت على حيلي بسرعه رفعت اردان دشداشتي وكومته من مكانهه بالكوه ماقبلت
مشيت بيهه للمغسله الي موجوده بره وكفتهه على المغسله وكتلهه : يلا حاولي تصحصحين
يلا حبابه انتي •
غسلت وجهه حسيته شويه صحصحت
اباوعله لكيته بدت تجدد واني واكفه بصفهه لزمت راسي حسيته بده يوجعني
وضهري موتني احسه خلاص
راح يوكع من وره الالم ,
كملت تجديد وهي دموعهه تنزل
كتلهه : يلا اريدج توكفين على المصلايه وتبدين حياة جديده ماريدج تضلين بالتهلكه مالتج
ملاك : معقوله مياده راح اكدر استمر عليهه والله يغفرلي كلشي صار بيه
مياده : قبل شويه انتي كلتي الله غفور رحيم اكيد يغفرلج ويرحمج يلا ياعيوني انتي
اباوعلهه دخلت الغرفه وهي تمسح بدموعهه علكيفهه وتشهك وياهن رحت وراهه واني شبه
ميته شفتهه طلعت المصلايه وفرشتهه بالكاع
كاعده اكعد علمود امدد بس دخلت
رقيه وكالت : مياده تكدرين تجين تساعديني بالعشه
باوعت على نفسي وكلت : فوك مالاميني اني وابويه وما أساعدهم شفتهه كلش عيب وزحمه
اذا ماكوم وما أقوم بالواجب
كمت على حيلي وكتلهه : جايه وراج عيوني
راحت هي واني وراهه اتمشى دخلت للهول
وبعدين للمطبخ لكيت بنات يطلع عددهن خمسه والمطبخ صاير بوخه شنو هاي معقوله كلهن
شاردات وصايره وياهن سوالف يابه سوالف
والله مادري شكول ,
رقيه : لتصفنين شغلي ايدج ماصحتج علمود توكفين وتستكتين
باوعتله من فوك ليجوه وكلتلهه : اي شنو اسوي هو انتي كلتيلي وين اروح
رقيه : عشتو هم عدهه السان
ضحكت وكتلهه : ليكون الله خلق ألالسان بس الج انطيني عيوني وين شنو اشتغل
رقيه : روحي هاي اللهانه ثرميهه وحطيهه بالخل
رحت لميز الكاونتر اخذت راس اللهانه
غسلته بالسنك غسل زين ورجعت اخذت التخته والسجينه وكعدت اسويهه بشكل اصابع
واني مدنكه عليهه ومندمجه بيهه بشكل سريع مر شويه من الوكت واني كاعده عليهه
سمعت صوت حجي ناصح بالهول
صاح : رقيه بويه العشه وين يلا بويه عمج كريم تعبان
جاوبته رقيه : اي اي يعيوني بويه هسه شويه واصبلكم , حنظل شلون صار
ماعرف ليش اول ماسمعت اسمه رفعت راسي اريد اعرف شنو صار بي وشلون صار
جاوبهه حجي ناصح :عزليله عشاه ميتعشه هسه يتعشه بليل بين مايرتاح بويه
سمعت صوت الباب انطبك عرفت ان حجي ناصح طلع , اكو بنيه بصف رقيه
واكفه كالت : شبي الولد رقيه خاف مريض تره
عادي هسه اداوي مجرد اعشاب •
رقيه : لا ولج ياأعشاب الولد
مريض بصرع خطيه •
والله يستر من عنده والله يشافي •
ذبيت السجينه من ايدي وكمت على حيلي شنو بي صرع وشنو من مرض هذا ؟
ضليت بحيره جبيره
توجهت للسنك واني ساكته غسلت اللهانه بسرعه علمود اكمل شغلي من وكت كملت غسلهه
جريت سطلة الخل جانت ريحته طيبه ومبين طعمه طيب من ريحته
جبت اللهانه وحطيتهه بالسطله •
مياده : عيني رقيه كملت كلشي وين احطهه
رقيه : هاهي حبيبه ماكو داعي بعد بس كليلي تتعشين لو لا
مياده : اتعشه ويه عبير وملاك
اتعشوا انتو الف عافيه على كلبكم ,
ضليت شويه واكفه يمهن خاف يحتاجن شي شفت الوضع تمام جريت حسره
وطلعت من المطبخ رايحه لغرفة عبير اشوفهه وين
طلعت من الهول وكبل رحت لغرفه عبير فتحته رئسا لكيت ملاك واكعه بطولهه على المصلايه
والازواع واكع من حلكهه رئسا شهكت
دخلت بسرعه واني خايفه من وضيعتهه
الله يستر شنو شكاعد يصير اليوم
باوعت منا ومنا مالكيت احد لعد هاي شبيهه واكعه يربي ضربت وجهه علكيفي
ماكو ماتكعد بلعت ريكي عفتهه بمكانهه وركض طلعت من الغرفه علمود اصيح احد يجي
يشوفهه يربي خاف تموت وتصير براسي•
دخيلك ربي هسه اني اول تالي ادلي واحد
مخلص وبايع على الصلاه•
كاعده اروح لغرفة حنظل لاكتني عبير
عبير : ها ها وين ياستار
وكفت على السريع كتلهه : فدوه فدوه لحكي بسرعه هاي ملاك واكعه وماعرف شبيهه
اباوعلهه نزلت الصينيه مال الخبز بالكاع وركضت على الغرفه وهي تصيح يامحمد يامحمد
رحت وراهه وصلنه للغرفه دخلت عليهه
باوعتلي وكالت : البنيه شنو تبلع
عقجت حواجبي وصفنت عليهه شلون عرفت تبلع حبوب كتلهه : شنو شلون عرفتي
صاحت : سئلتج سؤال تبلع لو لا جاوبيني بسرعه
مياده : اي اي تبلع وكلتلي اريد حبايه لان اموت ماكدر بلياهه واني مانطيتهه لان شي غلط وحرام
باوعتلي بعصبيه رجعت باوعت عليهه وكالت : مابيهه شي بس شويه ارهاق صاير عدهه
ومره ثانيه حبابه من تصير هيج سوالف تعالي بلغيني هنا البنات كلهن مسؤليه مو هيج هيته
مياده : شمدريني اني متكليلي من عيوني اول مايصير شي بعد
رئسا اجي اكلج وافض السالفه •
وكفت اباوعلهه لكيتهه تجر حرام الصلاه وتمسح زواعهه و سحلتهه من مكانهه لمكان الدوشك
ونومته عليهه كالت : هسه شويه وتكعد وهمزين مانطيتيهه شي هسه اسويلهه زنجبيل وتصحصح
عقجت حواجبي و بلعت ريكي تقربت منهه كتله وكتلهه : انتي شنو دكتوره عبير
يعني شمدريج انتي بهاي المعلومات ,
عبير : احنه هنا يايمه عباره عن كل واحد دكتور يعالج مريض
عقجت حواجبي مافتهمت كلامهه كتلهه : شنو كل واحد دكتور يعني غير تكملين دراسه وهيج شي
ضحكت وكالت : عيني اقصد نختص بالاعشاب يعني نعالج العالم بالاعشاب
تعلمنه هذا الشغل من حجي ناصح الله ينطي الصحه والعافيه والحمدلله والشكر
هسه هماتين اكو بنيه اسمهه ايمان تضرب ابر حجي ناصح علمه والبقيات تعلمن
طب الاعشاب نسوي خبطات للعالم ونبيع ومن غير شغل الكاع والحلال
مياده: زين ليش هيج حجي ناصح مسوي بيجن شنو يعني استغلال يعني هاي الفلوس كلهه اله
كالت : لا لا عيوني بس فلوس الحلال اله اما الكاع والاعشاب لا كلما يشتغل ويبيع ويعتمد
على نفسه سواء ان جان مره او زلمه وابد حجي ناصح مستحيل يفكر بشغلة الاستغلال
رجال خير ومامعتاز وحده بينه تجيبله ربع دينار •
تقربت عليهه وكتلهه : لنفرض بقيت هنا يمجن شنو اول شي اتعلمه يعني منين ابلش
عبير : اكيد من الكاع تبدين
مياده : وليش من الكاع ؟
عبير : علمود تتقوه عضمتج وتصيرين سباعيه
وبعدهه تتعلمين اعشاب لو انتي بكيفج تردين تلزمين مكينه وتبيعين لو تردين
تلزمين الحلال لو تردين تندفين مخاد براحتج •
مياده : زين هاي وين ابيعهن لحد الان مافتهمت
عبير : عيوني زلمنه ياخذوهن للسوك من
صباحيات الله ويه طكة البريك يتحركون يبيعون على المحلات الي متفقين وياهم
واكثرهم ابو الجمله •
مياده : كل وحده بيجن معتمده على نفسهه كلش زين
عبير : اي اكيد كلش زين وخاف انتي مترغبين لشي
حجي ناصح مايقبل لان يكلي انتي لاب ولام واني عكبه ميت هاي شغلهه حطيهه بيدج
مو طول اني يمج •
علمود للمستقبل هيج يفكر الزلمه ,
مياده : الله يوفقه ويخلي خيمه على روسكم بحق الحبيب محمد
عبير : اجيب العشه واجي لو ماتردين
مياده : لا لا جيبي لان ميته جوع
راحت بسرعه عني واني توجهت لمصلاية ملاك لميهه بسرعه من الكاع ورحت على الدوشك
حطيت راسي عليه ومددت ورخيت ضهري علكيفي حسيت كل تعبي راح وخلص
حسيت بهدوء كلش حلو كلت بكلبي : يارب كون الحياة تبقى هيج ويايه واخلص من كلشي
شويه ودخلت للغرفه عبير وبيدهه صينيه : يلا تعاي تعشي ويايه
باوعت على ملاك لكيتهه ماكو نايمه كمت على حيلي وبديت اكل على السريع
لان كلش تعبانه اريد ارتاح مابيه حيل بعد
عبير: علكيفج يمعوده شبيج مستعجله
مياده : يمعوده خلي اكمل علمود انام ورايه باجر روحه لحجي
مطلك ومهره و لعبان النفس مالتهم ,
عبير : حسبي الله ونعم الوكيل عليهم شتسوين
ياحبيبتي اتحمليهم شلون ماجان الله الي يحميج ويخلصج منهم ,
بلعت اللكمه وشربت كلاص مي كامل
, كتلهه : شبعت الحمدلله الف عافيه
عبير : يمعوده هو انتي شنو اكلتي ماتكليلي
مياده : لا الحمدلله كايمه اغسل شويه لان لازم انام ارتاح ,
كمت بسرعه منهه بدون ماسمعهه شنو كالت لان بعد ماريد اسمع شي طلعت من الغرفه تمشيت
بأتجاه المغسله البره غسلت بسرعه
شلون ماجان وعيوني مغوشه ,
درت وجهي ردت ارجع لغرفة عبير سمعت واحد يبجي بس هذا البجي مال رجال مو مال مره
اتبعت الصوت وين ماهو وصلت ليجوه بالبستان لكيت حنظل كاعد على الثيل ومدنك راسه ويبجي
باوعت للسمه جريت حسره وذبيتهه بكل قوه رحت يمه علكيفي
كتله : اي احنه العراقيين شخلينه للحزن
والبجي ياحنظل
حنظل : تعبنه مياده تعبنه
مياده : اذكر ماما منى تجتمع بينه احنه بنات الميتم تكول من تشوفن رجال كاعد
وحده ويبجي معناهه لازم تعرفن ان هموم الدنيا ثكلن بي ومستعد يموت علمود يخلص من كلشي ,
حنظل : كون امج منى كدامي وابوس راسهه والله صدك يامياده تعرفين انتي كل الضرب الي اكلته
من حجي مطلك حاطه بجف وحده
بس بس يامياده امي ابويه وين وين وين•
استغربت من كلامه كتله : وين هم حاليا اهلك ؟
حنظل : لو اعرف يابه جان مابجيت جان ماكعدت هاي الكعده ليش هيج ربي اخذت مني كلشي
بس مروتك ربي امي امي مره جبيره ابويه رجال كاتله الشيب مروتك
ربي بس ذوله خليهم اليه مروتك الهي ,
حط وجهه بنص ايديه وبجه وشهك شهكه عاليه ,
حطيت ايدي على جتفه
وكتله : علكيفك حنظل اهدء الله اكيد يستجيب دعائك اهدء هسه واكيد الله وياهم هسه
حنظل : ماعتقد مياده ماعتقد امي راحت وابويه راح اني افتريت بين البيوت الواكعه والفارغه
اصيح بأساميهم ماكو اريد واحد يكلي تعال هاي امك تعال هذ ابوك بس ماكو
مياده ماكو ماهم مالكيتهم
مياده : حنظل اهدء وكافي تبجي ربك كريم
بس شنو وين راحوا يعني ضيعتهم
من ايدك لو شنو الموضوع
اباوعله وخر ايده وكال : ايام القصف الامريكي على العراق ابويه اجانه يركض حنظل
حنظل انت وامك بسرعه بويه نروح لحسينية الخالدي بسرعه يولدي صار القصف قوي
ومن المحتمل نتأذه يلا بويه ألحك،
ضليت اتلفت منا ومنا معقوله راح نموت معقوله راح نتاذه شنو كاعد يصير مياده جانت اوقات
صعبه وقويه علينه ورعب
بس هذا رعب بالواقع من اسمع صياح النسوان و صوت الاطفال شلون يبجون وشلون
يركضون متوجهين لحسينية الخالدي
اخذنه امي وطفرنه للحسينيه ادخل للحسينيه ماكو مكان الحسينيه عباره عن خنكه وناس تون
من الوجع وناس تون من الخوف وناس تصلي على النبي اريد افتهم شي مااكدر بس كل الي
اعرفه ان كل الموجودين هنا جوه رحمة الله ماعرف اي شي امي وابويه كعدوني يم رجال
جبير مشيب يون من وجع ضهره وكالو : راح نروح للبيت نجيب الاكل الي عدنه ناس هنا كومه
ضل هنا ولا تتحرك مهما يصير *
ضليت بمكاني جسمي كله يعرك ومحتر وابلل بشفايفي من الخوف لان حسيت راح يصير
شي ماعرف ماعرف مياده •
هم وطلعوا مرت دقايق قليله على طلعتهم وصار قصف كلش كلش قريب يبعد عن الحسينيه هيج
بكيلو على ماعتقد الناس الي بالحسينيه صاروا طشار كلهه كامت تصيح نص طلع ونص بقه
ماكاعد افتهم شي من اي واحد بس
صياح وبجي ونار بالشوارع مشتعله شعل
بالي يم امي وابويه وين وين ضليت اباوع منا
ومنا ماهم ماهم وينهم رحت طلعت من
الحسينيه ضليت اتمشى بالشارع ويه الناس ساعه امشي وساعه اركض واوكع
ماعرف ماعرف وين اروح بس اريد اعرف اهلي وين امي ابويه وين من كثر الدخان من كثر
الفوضى من كثر البجي والصياح
تاهت عليه كلشي كمت ماعرف طريقي منين
ضليت كاعد بالشارع لفجر الصبح بلكت تمر امي بلكت يمر ابويه ويشبكني
بلكت يمر احد يعرفني بس ماكو ماكو مياده
جر حسره وحط ايده على وجهه وكام يبجي بكل حركه
كلت بكلبي : شنو بيج بعد يادنيا ماتكليلي شنو بيج شمسويه بالعالم انتي ,
حطيت ايدي على جتفه كتله: الله كريم بلكت يطلعون عايشين
رفع راسه ضحك رغم الدموع الي تنزل على وجناته كال : بعد هاي السنين يامياده يطلعون
عايشين ماعتقد ماعتقد محد يحس اي اي محد يحس بالوجع والضيم غير راعيه يامياده
الي شافته عيوني جانت كفيله ان تحطمني وتخليني اعتقد ماتو اي ماتو
مياده :ماعرف شكول يحنظل لان تعرف بعد اني ماكدر اسوي اي شي تعبت بس لتفقد الامل
لتخاف بس شلون كملت حياتك بعدهه ؟
ضحك وكال : المرحوم
ابو كرار هو الي اتكفل بيه
الي فقد ابنه بنفس الحادثه ••
نزلت دمعتي بسرعه كاعده احاجي
رئسا سمعنه صوت رفيق باوعتله
لكيته شايل مسدس حاطه على راسه
باوعلنه وصاح : اي بحر بحر بحر دم دم اي دد دم
دم لا لازم اي اي لازم نم نموت
بحر بحر فف فله طبا طبا
كمت على حيلي وصحت
بصوت عالي : لا رفيق لا رفيق اوكف
يتبع ...
لاتنسوا التصويت والتعليق لنشر المزيد •
نلتقي في بارت جديد،
للمتابعه في الانستكرام: tahsin_luqman
خالص مودتي لكم
تحسين لقمان
رواية فستان أحمر الفصل السابع عشر 17 - بقلم tahsin_luqman
عزيزي القارئ فضلاً وَ ليس أمراً أضغط تصويت لنشر المزيد من أحداث الروايه،
فستان أحمر
تحسين لقمان
كمت على حيلي وصحت : لارفيق لا رفيق اوكف
حنظل : رفيق اهدء اهدء وگول يالله،
رفيق : لا لا لازم اي اي لازم نموت لان تعب تعبنه
اي اي تعبنه من الدنيا الدنيا
وما اي اي مابيها •
تقربت علكيفي بأتجاهه وكتله : اوكف باوع حاول تسمعني وتركز بكلامي تره اذا متنه
مو معناهه انُ احنه خلاص راح نرتاح بحياتنه ونخلص من كل الضيم والقهر وبعدين يارفيق
شفته رجع ليوره والمسدس حاطه على راسه صحت بي مره ثانيه : باوع باوع حاول حاول
تستمع اليه زين لازم تعرف يارفيق كل حياة بيهه متاعب ومشاغل وامور غيرهه بغيرهه
ليش هيج تفكيرك رفيق رفيق ركز ويايه حاول
حنظل : رفيق رفيق باوع مهما صار وياك لازم ماتستلم ابد حاول
حاول تتمسك بأرادتك واني الصار بيه اكثر منك•
رفيق رفيق اني خسرت امي وابويه بعمر الورد وماعرف لهذا اليوم وينهم هم شنو يسون شنو
ياكلون ميتين عايشين ماعرف
ماعرف اي شي يارفيق •
رفيق : اني اني اي اي اني خسرت امي امي اي اي امي طبا طبا
طبا فله له فله اي اي فله طا طا ,
حنظل كعد بالكاع منهار واني واكفه ومنهاره جسمي كله تعب وراسي راح ينفجر من
الضغط ماريد اخسر شي بعد , رفيق رفيق اسمعني وداعتك هسه امك وفله عايشين بالجنه
وبالنعيم لاتسوي بروحك هيج واذا جانت امك موجوده اني متأكده ماراح تقبل بلي كاعد تسوي
حاول تهدء وتترك الي بيدك ,
كاعده اتقدم عليه رئساً تحرك رفع المسدس ليفوك وكام يفتر داير مدايره ويصيح : جك جك جك
جك قطار قطار قطار روح
روح روح قطار جك جك
تقربت عليه بسرعه ولزمت السلاح من ايده وجريته عليه كتله : اي اي قطار جك جك جك
وضليت اكمز ويا علمود ينسى السلاح والسالفه كلهه
باوعت على حنظل منهار بالكاع ،رجعت باوعت على رفيق يگمز ودموعه تنزل على وجناته
أحس بطني فرغت بالكوه واكفه من الهبطه،
رحت لغرفة عبير ركض اريد اخلص من كلشي مابيه بعد لاهموم ولا اي شي ,
دخلت للغرفه لكيتهه كاعده تشيل الصينيه مال العشه باوعتلي وهي خايفه من السلاح الي بيدي
عبير : شبيج مياده خو ماكو شي يمعوده
شنو هذا السلاح ألي بيدج •
سكتت ماجاوبتهه اي شي رحت وين ماجنت كاعده بللت شفايفي وكتلهه بصوت مبوح
بالكوه طلعت مني الكلمه : فدوه فدوه عبير كلاص مي
اباوعلهه تركت الصينيه بالكاع وراحت ركض للباب جابت من وراهه دولكة مي صبتلي كلاص
وكالت : شو خلي اشوف السلاح هذا شيسوي عندج يمعوده انتي شنو من مصيبه
ماتكليلي
اخذت كلاص المي وانطيتهه السلاح رئسا
صاحت : لج يمعزايه هذا سلاح ابو سميه شيسوي عندج
لج عزه عزه بعينج بس لا داخله لغرفة ابو سميه •
شربتلي كمع من الكلاص وخرته عن حلكي وكتلهه : انطيني مجال اسولفلج جنت كاعده يم
حنظل وفجأه اجه خطيه هذا رفيق المخبل الي اجه ويانه شايل بيده السلاح
وهمزين ماضرب نفسه •
عبير : وهسه شلون يمعزايه شلون ارجع السلاح لغرفة ابو سميه انتي تدرين باجر
اذا مالكه سلاحه يلعب بينه لعب يمعوده •
مياده : اوي والله خبصتيني ابو سميه وابو سميه شسويله يعني قابل اني جايبته ولمن هو حريص
على سلعته وشغلته شكو ذابه منا ومنا
عبير : شنو ذابه منا ومنا غير هو رفيق داخل على غرفة الزلمه وماخذه من عنده
مياده : وانتي شمدريج رفيق داخل للغرفه
وماخذ السلاح جوز هو منطي السلاح •
كاعده تجاوبني جان ملاك ترفع راسهه
كالت : هاي شكو شصاير هنا ,
من شفت ملاك كعدت شويه حسيت براحه جبيره لان كلبي وكع عليهه
صاحت عبير :اسمعي ملاك مياده سولفتلي كلشي أياج وبالج ان تفكرين تعيدين الحجي سواء
على مياده او عليه وعلي وعلي الزمج واحطج بيد حجي ناصح وخلي هو يلعب بيج لعب
ملاك : انتي لا تدخلين بيني وبين مياده لعد اذا هيج انتو عيشتكم اني ماريد ابقه هنا
رجعوني لبيت سعد حبايه ماريد كلشي منكم ,
رئسا صحت بيهه : ملاك اصحي عاد شنو ترجعين لسعد حبايه انتي شلون قابله لنفسج تعيشين يم
هيج حيوان ومستفزز ومستغلج استغلال معدل اصحي اصحي ملاك الي كاعده تسوي اكبر غلط
خطيه اختج هناك تفكر شلون ترجعلكم وشلون تلم وضعكم وتخلص من حجي مطلك
انتي تسوين هيج بأختج بغيابهه •
اباوعله حطت ايدهه على وجهه وكالت : انتن تعرفن شي اسمه أدمان لو لا
اني مدمنه مو شغلة اختي ولا شغلة احد اني اني مدمنه اذا ماخذ حبايه اتخبل شسوي ماتكلولي
لعبت بيه لعب ام اموري
وخلتني ماكوم وماكعد اذا مابلع حبايه •
عبير : اني سامعه هواي ناس مدمنين على الحبوب تعالجوا وصاروا ناس طبيعين وماكو
اي شي تكدرين تتعالجن وها احنه من نصيح عليج اني ومياده مو كرهاً بيج ومو مانحبج لا
بالعكس نحبج ونريدج بس لازم تصحين
مو ترجعين لسعد حبايه
الي هو ناقص شرف وماعنده غيره •
ملاك : وليش تعتبرين الي يشتغل شغله
مو خوش انسان وطايح حظه وماعنده غيره
صحت بيهه : لج خبله غبيه كاعده
ادافعين لهيج انسان وصخ
ملاك : اني ماشفته سوه شي غلط علمود
اكعد مثلج انتي وياهه واغلط عليه ,
مياده : لج ملاك هذا راد يفجر ابويه لج ملاك يعني الله الله الوحيد يعلم ان سعد حبايه جم
عملية تفجير قبل ابويه مسوي وبمعنى اخر اوضحه الج يعني الله يعلم جم واحد مات
من وره عمليات سعد حبايه
لتصيرين انانينه وتفكرين بنفسج ,
ملاك : وانتي ليش تعتبرين هذا الشي غلط غير ذوله الناس يندكون بي طبهم مرض لجهنم يولون
لطمت على وجهي وصحت بعلو صوتي : لج يمعزايه انتي غاسلين عقلج غسل بحيث
ماكاعده تتقبلين فكرة ان ذوله ناس اكثر المجرمين
ملاك : وبعدين اذا مافجرو
منين يعيش ومنين احنه نعيش •
صاحت عبير : لج لعد احنه مو كتلنه الجوع يمه اقسم بالنبي محمد اجتي ليالي نمت ميته جوع
لعد ليش ماسويت مثل سعد حبايه
ورحت فجرت العالم •
ملاك : فاهيه انتي ماتكدرين ادبريهه ,
كمت على حيلي و تقربت يمهه لزمت ايدهه وكتلهه : مع الاسف انتي اخت ثريه والله العظيم مع الاسف لج اختج طيب واخلاق
رغم تشتغل دنبكجيه بس ما راضيه على اي شي لج ملاك اصحي ملاك اختج
بالضيم وانتي هنا تردين ترجعين •
ملاك : ماجاوبتيني منين يعيش
اذا مايفجر اكو راتب اكو صخام
او لطام كلشي ماكو ها ها منين يعيش ,
صحت بيهه : لج ماما اكعد اجدي ولا أفجر اكعد ابيع كلنيس ابيع ورد ابيع كلاصات ابيع نفاخ ابيع
ابيع ابيع اي شي بس ولا افجر شنو ذنبه ابن الخايبه يموت في سبيل اني اشبع بطني
يعني اكتل غيري علمود اعيش روحي وبعدين تعالي شنو راح يربح سعد حبايه من يفجر
وين الربح بالموضوع معقوله ربحه الارواح
الي راح تموت وتتطشر بالشوارع ,
ملاك : ربحه من المسؤل الاكبر
يورقله دولارات على كل تفجير •
مياده : ماعرف شنو أكلج الله يهيدج ويبعدج عنهم ويبعدج عنهم بحق حبيبنه محمد
وحاولي تصحين واتركي هاي سوالفهم
تره توديج لطريق مسدود ومحكم واني بلغتج ,
ملاك : المهم هسه مايهمني حجيكم
اذا متنطوني حبايه ارجع لسعد حبايه
وتخلصون مني واخلص منكم
والي يكول حلال وحرام هذا شي راجع
اله معليه اني ,
اباوع لعبير درات وجهه من عدنه وراحت شالت الصينيه من الكاع وتوجهت بناحية الباب قبل لا
تطلع دارت وجهه وكالت : حبايه ماكو
وطلعه منا ماكو
ملاك : انتي مو تحجين بالحلال والحرام
الي تسوي بيه حرام ومامقبول
عبير : صح مامقبول بس مو اكثر من ما اعمالكم القذره الي تسوهه بعموم الناس
اخر كلام عندي هذا
واذا تكولين اموت وماتحمل اي موتي عادي
موت جلاب السود •
استغربت من كلام عبير هاي شبيهه الثانيه ,
كمت من يم ملاك رجعت للدوشك مالتي
كلت بكلبي : جهنم الي تكرفكم كرف بحق النبي محمد وساعه السوده الي تعرفت والي اجيت بيهه
الكم وشافتكم عيوني كدامهه •
حطيت ضهري على الدوشك ومصرت روحي شويه حسيت عضامي اطكطكن وتكسرن كلت بصوت
مسموع : افيش افيش يابويه ربي ساعدني وخلصني من هذا التعب كله
ملاك : انتي ترتاحين وغيرج يموت
جاوبتهه رئسا : اذا يموت على الغلط
والحرام طبه مرض شسويله •
درت وجهي على حايط وغمضت عيني بلكت انام اريد انام شهور شهور طويله علمود
مارجع على هاي الدنيا كلهه •
نمت نومه عميقه ورحت لعالم معزول كلياً عن المحيط مالتي
فزيت على طكطكه قريبه عليه وعاليه رفعت راسي لكيت الغرفه ضلمه وعبير وملاك نايمات
مادري منو تشوخر بيهن لعد منو هذا الي يطكطك هيج وجماله بهيج وكت كمت على حيلي
وتوجهت بأتجاه الباب علمود اعرف منو فتحت الباب علكيفي مديت راسي شويه باوعت يمين
يسار مالكيت احد رئسا طلعت كل جسمي هم ماكو احد كلت بكلبي : اعوذ بالله من الشيطان
منو هذا لعد الجان هنا , رحت للمغسله علمود اغسل وجهي بلكت شويه اصحصح واشوف دربي
سمعت واحد يتحرك منا ومنا باوعت زين تقربت ليكدام لكيت واحد لابس دشداشه سوده عرفته
ابو سميه رئسا رحت باتجاهه جريت حسره وذبيتهه بالهوى
مياده : ابو سميه شنو مانايم
اباوعله وكف بمكانه رفع راسه بأتجاهي وباوعلي من فوك ليجوه واني واكفه كدامه
بلعت بريكي من الخوف خاف يصير شي شفت وجهه انكلب كلت بكلبي هاهيَ راح يكب عليه
كال : مره ثانيه من توكفين كدامي تلبسين عبايه وتجين مو هيج عاريه مفرعه تفرع فاهمه لو اعيد
استغربت من تصرفه شعليه هو ويتحكم بيه : عيني ابو سميه بس انت شكو
هاي العصبيه والحده تكدر تكلي بكل هدوء
صاح بصوت مسموع : واي شتردين اسويلج انگلبلج صباح فخري لو انگلبلج سيد مكاوي
شو انتي ماتعرفين تحجين ستري روحج وتعاي اوكف كدامي اني زلمه غريب عليج
مايصير هيج روحي يبت كريم •
كمل كلامه و دار وجهه على الجهه الثانيه وبده يكمل مشيه كلت بكلبي : عشتو اي والله كون انت
يم مهره اله تسويك علج بسته والله يالله ,
اني هم درت وجهي وكلت ارجع لغرفة عبير احسلي بس باوعت لباقي الغرف كتلني الفضول
انُ هسه اروح لابويه واكعد ويا مو طول هدوء وشويه اني اخذت راحه واكيد ابويه هسه مرتاح ,
رحت تمشيت بأتجاه الغرفه دكيتهه علكيفي محد فتح دكيتهه مره ثانيه ماكو صوت كلت خاف نايم
خطيه فتحته على علكيفي ودخلت ليجوه لكيت ابويه وحنظل نايمين سويه ,
وابويه متغطي بجرجف علمود ما تتلوث الجروح رحت كعدت يم راسه علكيفي مديت ايدي اليمنى
وبديت العب براسه شويه و صافنه على وجهه اتامل بي اشوف شلون التجاعيد ماكله وجهه اكل
وشلون الجروح مقتحمه وجه اقتحام قوي ,
جريت حسره وذبيتهه على راسهه ردت اكوم جان يجيني صوت من عنده : بنتي مياده مو
جاوبته واني مبتسمه : اي اي بنتك مياده
يابه ارتاح ارتاح
كريم : اريدج تسامحيني بنتي وتبريني الذمه تره اني فقير ومسكين وهاي شوفة عينج لا ايد
ولا رجل مكسر تكسر شسوي ماتكليلي ,
نزلت دمعتي على كلامه مرات الكلام مانكدر نتحمله من كثر ماهو قوي ومن كثر ماهو معبر
وبي احاسيس, جاوبته رئسا : يبويه المن اسامح ماتكلي اسامحك الك لو امي لو اسامح الدنيا
الي مشت ويايه بالمگلوب ماتكلي شسامح
تعبت تعبت يابويه ,
كريم : وداعتج بنتي كل انسان تطلعله متاعب ومادام انتي عراقيه خلاص لازم تعيشين
وتشوفين انواع العذاب كدامج •
مياده : وبويه شنو ذنبي يعني مو طول اني عراقيه لازم اعيش واتحمل شنو يطلع كدامي
هذا مو منطق يابويه
كريم : بويه مياده باجر دازج لحجي مطلك مو تكولين لو تفكرين ان ابوج مارادج وميريدج بعد
بس يبويه يبويه اختج هيماء بحاجتج تره ذوله وحوش ذوله عذاب حقيقي الله يعلم هسه اختج
شنو حالهه انتي تكدرين ترديهم اما اختج منغوليه يبويه مثل ابوج لاحول ولا قوه ,
ولا تتوقعين طول العمر راح تبقين هناك لا بويه بس تقوه عظامي راح اسوي المستحيل
والمستحيل في سبيل اطلعج انتي وهيماء مناك واني متاكد راح أكدر مو طول ربي
كتبلي اعيش مره ثانيه •
مياده : ليش انت ميت قبل علمود
تعيش مره ثانيه
جر حسره وكال : حياتي يابويه الي عشتهه يم حجي مطلك ومهره جانت كلهه
عذاب بموت ماتكليلي شنو اسوي
مياده : زين بابا اني حايره بشي واحد
امك ابوك وين
ضحك بسرعه وويا ضحكته نزلت دمعته كال : امي و ابويه يمياده ماتو ماتو وراحوا لدارهم
الثاني مابيدي بعد شي بس ها ها صح ماتو بس قصة حبهم ابد ماماتت ولا راح تموت واني متاكد
القريب من عدنه كاعد هسه يردده
للبعيد لان قصة حبهم عضيمه ,
مياده : الله يرحمهم يابه بس ماكتلي
شلون ماتو المكاريد ,
جر حسره وكال : اخ يابه اخ
عقجت حواجبي وكتله : بويه شنو الي يوجعك كول
كريم : تاهه عليه ألوجع يبنيتي وجع جسمي وجع كلبي ,
اجدادج ماتو بأنفجار حالهم حال باقي
العراقيين المكاريد الي راحوا بالانفجارات •
مياده : بويه لشوكت تضل هيج الناس تروح
ماعرف ولشوكت سلسلة الانفجارات
تضل مستمره بيناتنه هم ما أعرف •
كريم : بويه مياده اني هسه من كثر مامشتهي الموت كمت اكولن بكلبي : نياله المات من وكت ,
مياده : ليش هيج تفكر وليش هيج تكول
كريم : لان يبنتي مرات الموت يكون رحمه ونعمه على بشر اي نعمه مو شرط بويه
الموت يكون حزن ولطم وعويل وغيرهه °
مياده : والله مادري شنو اكلك
شال ايده اليمنى وحطهه على جتفي وكال : كومي بنتي كومي نامي باجر وراج روحه منا
وبيج وماصبرتي بنتي بالصبر ثقي بالله ينحل كلشي مو بالهوسه والاستعجال
مياده : بويه انت ماشايف البنات الي هناك شلون نصهن بايعات نفسهن بربع دينار ونصهن لا والله
شريفات وطيبات وانجبربن اجن لهذا الطريق
كريم : بنتي لتحاولين تقتنعيني بذني السوالف مال ان انجبرت وهيج شي تره الانسان عنده عقل
وهذا العقل هو الي يمشي الانسان من ناحية الافكار واخذ القرارات اذا هنه جانن بعازة شغل
ومالكن شغل غير بس هذا فهذني مايستحقن ان اكعد وياهن
مياده : لعد وين يولن اذا وحدتهن مريضه لو ابوهه ميت لو ابوهه عايش وطارده من البيت
وين يولن ماتكلي ,
كريم : انام بالشارع واجدي وماامد ايدي على الحرام لحد مالله يفرجهه عليه مو منطقي كلامج
ان اني اذا دارت عليه الدنيا ومالكيت شي بعد لا خلاص لازم امد ايدي للحرام ابدا ابدا
مو صحيح يابتتي •
مياده : جوز انت وحنظل تكدر لان زلم بس ذني بنات شلون يكدرن ينامن بالشارع
وانت تعرف الشارع شبي مابي
وبعدين صعبه يابويه البنيه تكون بالشارع
باوعلي صفح بالكوه وكال : يعني تنام يوميه بحضن واحد وتشربله كلاص ويسكي هذا الشي
عندج عادي ومابي اي اشكال بس نومة الشارع والشين الي بي
ب اشكال كلش جبير •
مياده : اي بي اشكال كلش جبير على الاقل هنا وحدتهن محفوظه جوه سكف صح
نفس الطينه سواء بالشارع او بالبيت
كاعده اكمل كلامي جان يقاطعني : اذا جنتي بالشارع وحافظه نفسج حفظ محد يوصلج
ومحد يتحرش بيج ومحد يتقرب عليج بس اذا جنتي انتي انسانه منحطه وعلى
الاخير فشنو تتوقعين من المار يسويلج ؟
مياده : وليش ماهذا الي يمر من عندي يتغاظى البصر ويسكت لو اله يتحرش
كريم : بنتي الشارع بي اصناف اصناف من الناس بي الواعي وبي الاديب وبي الي مستوى خريطي
وكلشي ماكو هذا كلامج يتقبله الواعي المثقف بس اذا يسمعه انسان مستواه صفر
فشنو تتوقعين راح يتقبله اكيد لا ,
مياده : ماشوف الثقافه اله دور هنا برأي
هذا الشي يعتمد على غريزة الانسان •
كريم : اها اها ومنو يكدر يسيطر على غريزته يابنتي اني ابوج واكللجياها من جنت شاب شنو
وين ماكو بنيه لابسه تنوره حصر ماتشوفين اله ابوج يركض وراهه وبس التراب يطاير وراه
ضحكت وكتله : محد يلحكك بويه
ضحك وكال : اي غير هاي الحقيقه يابنتي كل انسان بشبابه عنده سوالف ماتنحجي جنه
اني وحجي ناصح نركض وره بتول ونرد ليوره
عقجت حواجبي وكتله : ومنو هاي بتول يابه ؟
كريم: بنيه مجديه جانت يمنه بالمنطقه بس شنو بويه مياده جمالهه طيح حظ عمج حجي ناصح
جان يحبهه يموت عليهه هسه
لو انزعه تشيرته تلكين اسمهه
مدكوك على الصدر ,
مياده : والله عاد يگولون علساس بشبابك
باتمان مايلحكك •
ضحك ضحكه قويه وكال : بويه مهما صار ويصير سامحيني هاي حياتي كلهه كدامج شنو بيدي اني,
مياده : الله كريم يابه الله كريم , اترخص اني
كمت على حيلي باوعتله اخر نظره نزلت دمعتي بسرعه ماعرف شنو افسر هاي النظره وماعرف
شنو افسر هاي الدمعه , طلعت من الغرفه واني مهزوزه ماعرف وين اروح باوعت للسمه وكلت
بصوت مسموع : الهي اني جوه رحمتك ارحمني
تمشيت ليكدام لكيت ابو سميه يروح ويجي ويسوي تأشيرات مال سلاح
اي انت شراح يصير بيك بعد ياأبو سميه ماعرف ,
رحت للغرفه ودخلت جوه اللحاف ونمت نومه عميقه ماريد افكر بأي شي او اذكر اي شي ,
كعدت على صوت صياح رفعت راسي لكيت ملاك تبجي كمزت على حيلي و
كتلهه : ها ملاك شنو شبيج ولج ,
ملاك : سعد حبايه والجماعه هنا ,
عقجت حواجبي وصحت : و ياجماعه أحجي فضيني
ملاك : حجي مطلك ومهره وبعد زلم ماعرفهم ,
كمت على حيلي لكيت شال بالكاع اخذته بسرعه وطلعت , اول ماطلعت لكيتهم كدامي صاحت
مهره : اي اي عيني صلوات عيناي على نبي طلعت الجوهره يلا لج ام الجعج كدامي
حجي ناصح : بنتي مياده اذا ماتردين ترحين بس كولي والله اسويهه دم وياهم لاتسوين
شي انتي ماراغبه اله ,
كتله : لا حجي لازم اروح وابويه
وملاك امانه يمك
دخلت لغرفة عبير بسرعه بوست ملاك وكتلهه : حافظي على روحج ولاتسوين شي بنفسج
وضلي هنا احسلج تره اختج ثريه هناك متحمله كلشي في سبيل توصلج , مع السلامه يعيوني
عفتهه وطلعت بسرعه وصلت للباب الخارجيه باوعت منا ومنا مالكيت لارفيق ولا ابويه ولا
حنظل ماعرف ليش صارت غصه بكلبي طلعت من البيت ورحت بأتجاه السياره لكيت حجي مطلك
واكف يم الباب كال : ها يبت كلبي كتلج انتي الي وبس
ماصدكتي وشردتج بنصاص الليالي •
اطلعهه من عيونج كدامي يلا
بلعت ريكي وفتحت الباب لكيت مهره كاعده بالسياره وبيدهه قوطيه كاعده تشر
كالت : والله تتفنكحين تكمزين منا ومنا شلون زلم عدنه ينكرطون بس اضاهر
تحبين زلم العرب •
سكتت لان الي بيه مكفيني
كالت : بيره بيره هاج كمع اخذيلج
كتلهه : انتي من الصباحيات شلون الج هيج نفسج تشربين ,
هزت ايدهه وباوعتلي صفح اني هم ماهتميت الهه , صعد حجي مطلك وحركت السياره واني
عيني على البيت ودموعي متجمعه بطارف عيني ,
ضلت السياره تمشي بينه مسافات بعيده حطيت راسي على الجامه كلت بلكت انام
بس رئسا الطخ راسي بيهه لان وكفت السياره بسرعه ,
شلت راسي باوعت اريد اعرف شكو
لكيت حنظل واكف بنص الشارع
وموجه السلاح علينه ,
حجي مطلك صاح : لك ابن الكلب اليوم امردك مرد
اخليك ترفس جوايه
جر السلاح ونزل واني فتحت الباب بسرعه
حجي حجي أوكف
يتبع ...
لاتنسوا التصويت وَ التعليق •
للمتابعه في ألانستكرام:tahsin_luqman
خالص مودتي لكم
تحسين لقمان
رواية فستان أحمر الفصل الثامن عشر 18 - بقلم tahsin_luqman
عزيزي القارئ فضلاً وَليس أمراً أضغط تصويت لنشر المزيد من احداث الروايه،
فستان أحمر
تحسين لقمان
جر السلاح ونزل واني فتحت الباب بسرعه
مياده : حجي حجي اوكف اوكف •
صاح حنظل : مياده رجعي رجعي للسياره خليني اتصافه ويه هذا النگس
صاح حجي مطلك : لك اني نكس اليوم اخلي حليب امك يطشر من خشمك
كلب أبن سطعش كلب ,
مياده : اتعوذو من الشيطان لج مهره مهره نزلي يمعوده واحد راح يكتل الثاني
اباوعله فتحت الباب ونزلت بالكوه تمشي شمرت القوطيه بالكاع
وصاحت : لك حنظولي صاير سبع وتشيل
سلاحك على حجي مطلك لك ياما و رمتك بيدي لك شنو نسيت الوشم واثر الجويات الي صارن
على بطنك نسيت لو لا لك أكدر أسوي اكثر منهن وداعتك وحق الي خلقكك ذب سلاحك وأكل تبن
حنظل : اذيتونه بما فيه الكفايه كوثر البنيه اغتصبتوهه كدام عيني ونعلتوا سلفه سلفاهه
وهسه وين وين كوثر حالياً هي بين الحياة والموت بسبب تعذبيكم وانانيتكم النكسه و زكي
الولد الولد الي اتوسل بيكم تواسيل علمود تعوفو ماتكتلوا كلكم اريد اكبر اريد ادرس اريد اتعلم اريد
اصير طيار وانتو شسويتو ها شسويتوا بكل سهوله ولكم بدون مايرفلكم جفن جريتوا
سلاحكم وانواع الطلقات ذبيتوهن عليه ووينه وينه هسه زكي صار طيار لو وين لا هسه زكي
اندفن ومحد يعرف وين •
واندفن حلمه ويا •
وليش ليش اروح بعيد ولكم اني اني يمكم شسويتوا بيه ها مهره تكولين بطنك لا لا يمهره
مانسيت شسويتي اي مانسيت لج تجبيبن صياخه مال كباب تحمين واحد توجريهن على
النار وتجين تمشين صيخ صيخ على بطني واني اصيح واتوسل بيج وانتي تضحكين واتفلين
ولكم ذنبي ذنبي ان ُ بس ضيعت اهلي من ايدي هذا ذنبي ولكم لو ماضياع اهلي وانتو
جان اني هسه مزوج مزوج وعندي اطفال ومكون عائله بأكملهه كلولي كلولي شكد تستلمون فلوس
ملايين شكد شكد بس وكفوا الكتل والدم ولكم شباب شباب بعمر الورد اندفنت وانتو بعدكم
مستمرين ولكم شنو ذنبه ذنبه شنو ها ها وهسه
ماخذين مياده علمود تندفن
ويه الي اندفنوا قبلهه •
صاح حجي مطلك : ذنبكم انتو تحبون الحياة اما احنه نحب ونعشك الموت ونعشك الدم
حطيت ايدي على خدي مسحت دموعي وصحت بصوت عالي : حبو وتمعشكوا براحتكم
شعلينه احنه الي كاعد يصير بينه •
سعد حبايه راد يفجر ابويه ابويه يروح خلي يروح والناس والناس الي غيرنه شنو ذنبهه
ولكم انتو شنو من تفكير عدكم •
مهره : متردون تخسرون ارواحكم صيروا ويانه
صاح حنظل : طز بروحي تردين هسه هسه اضرب روحي واروح منكم بس اني مو مثلكم جبان جبان
استسلم بسهوله متهمني روحي اني الي يهمني حياة غيري ولكم اذا احجي جرايمكم وحده وحده
الشعر ينط يوگف على حيله •
ما تنحجي ماتنحجي ماتنحجي يامسلمين ياعالم ياكفار يايهود اصيح بعد
حجي مطلك : مياده تروح ويايه والزلمه والي يكول اني ابن ضهر ابوي خلي
يجي ياخذهه مني ,
مياده : حنظل روح روح وداعتك
ارجع اكيد ربك يفرجها
صاح حجي مطلك : امشي صعدي للسياره لا اگرم رجليج تگرم بسرعه يلا
حنظل : باوعلي زين كاعد تشوف الشمس الي فوكاك اقسم بيهه وحق رب العباد اله اجي واخذ
مياده منك وكدامك اخذهه وبذيج الساعه اتفل على هاي لحيتك الي جنهه طفار خيسه
ابن الكلب •
طبكت سياره علينه انفتحت الجامه طلع رجال جبير كال : ها بويه خو مامحتاجين
مساعده شني سيارتكم عطلانه
صاح حجي مطلك : توكل حجي هذ مو شغلك
اباوع للحجي بلع ريكه صعد جامته وراح , صحت بحنظل : باوع حنظل روح وصدك واعتقد
الله ويايه لتخاف عليه روح اني بأمان ,
روح يلا يلا روح ,
اباوعله مركز على حجي مطلك وعيونه تجدح نار والشريان الي بركبته مبين حيل
شويه ونزل سلاحه دار وجهه على السياره وصعد بيهه ,
صاحت مهره : حجي فدوه لطولك هذا
ماريده يتنفس يشكل خطر علينه
باوعلهه وكال : لتخافين هذا جنه فرخ مال دجاج
بس يوصوص معليج امشينه,
باوعلي وصاح : انتي هسه شمي هوى وارتاحي طول الطريق لان بس راح نوصل
حسابي وياج غير حساب بت النگس
صحت بي : ابويه لتغلط عليه واحترم نفسك افتهمت لو لا
ابويه انظف واحس منك •
بعدني مامكمله كلامي اجاني على السريع ولطمني راشدي بكل قوته على حلكي جرني من شعري
وكال : هين هين يبت كريم ان ماجلدتج عدل وراويتج جهنم كدام عيونج
اطلع فلا مطلك •
مياده : اخ اخ شعري شعري بس هده وخر
حجي مطلك : وكرص اي والله
سحلني من شعري سحل للسياره يسب ويلعن بيه فتح باب السياره وشمرني جوه وطبك الباب بكل
قوه , انفتحت الباب الي بصفي صعدت مهره وكالت : يلا يلا الله يساعدك زلمتنه
ذني الساقطات رايدلهن كلب جبير
عاقل ويحب ساقطه رايدلك كلبين حجينه,
كلت بكلبي : جهنم تلمج انتي والحجي مالتج ادبسزز ,
صعد زلمتهه حجي مطلك وتحركت السياره بكل سرعه عبرنه سيارة حنظل وهو بعده واكف
ماعرف شنو منتظر حطيت راسي على الجامه ودمعتي نزلت على خدي لشوكت اضل هيج
ماعرف على الاقل اني جنت مكضيه سنوات حياتي كلهه بالميتم بس بس اختي المنغوليه الي
صارلهه سنين يمهم شنو صاير بيهه وشنو حالهه هسه وشمسوين بيهه هسه
دعيت بكلبي ان يحميهه الي
بالرغم ماشايفته اني بس احسهه مضلومه هواي
مر هواي من الوكت و اني على نفس الحطه ماغيرت اي شي من عندي التعب الي بيه صار
هواي لو غيري ماتتحمله
صدمات كومه عثرات كومه شنو الموضوع ماعرف معقوله اني اول مانخلقت من طين الله كتبلي
هيج وهيج تكون حياتي وبس ,
هم راح ارجع للبصره وهم راح ارجع لياسمين صدك شنو صار بيهه بله شسوت من كعدت الصبح
ومالكتني يمهه بالبيت , صابرين نوكيا شنو صار بيهن ثريه الانسانه الطيبه ,
اني شكد مو مريحه كلساع شكل ثاني ساعه ماريد اروح وساعه اريد اروح
من باب الاشتياق لهذوله الناس , مرات نتعرف على انسان سواء جان زين او شين بسرعه يترك
النه اثر وصعب اي صعب ننسى هذا الاثر ,
بس سؤالي هنا
هم راح يرجعني هذا الاشتياق لرفيق
ولحنظل ولأبويه ؟
تذكرت كلام رفيق من يكول بحر بحر دم لازم كلنه نموت معقوله احنه ألي بهاي الدنيا لازم نموت
ونستسلم بسرعه ولازم مانقاوم
معقوله حجاية رفيق صحيحه ماعرف ماعرف ,
ردت اغمض عيني علمود انام لان الضاهر الطريق مستمر بطوله وبعد وبعد بي , بس حجي مطلك
كال : تنزلون للمطعم تشربون عصير او اي شي
اباوع لمهره رئسا جاوبته
وريحة حلكهه كلهه بيره : حجي عيناي ميبيعون هنا بيره من صدقه لربك
ضحك وكال : لج ام حلك منين اجيبلج بيره منا نوصل هناك واشبعج انواع من البيره مو تدللين
وغمزلهه بسرعه كلت بكلبي: الله يلعنكم يارب ,
حجي مطلك : تردين عصير مياده او اي شي
مياده : لا ماريد خلينه نوصل وبس لان مابيه حيل اصلا
حجي مطلك : هسه اوصل واسويلج الحيل على اصوله بت الكلب
باوعت على الجامه واني ضايجه من كلشي وضايجه من ريحة البيره الي تكفخ بخشمي شكد
تشرب بيهه وترد ليوره من كبر لهيج ناس اي والله , حركت السياره وبدت مره ثانيه تمشي
ساعه علكيفهه وساعه على السريع بين المراوس وسيارات ازدحام وكومه ,
ضلينه نمشي لحد ماكال : دخلنه البصره ,
مهره : حجي دوسلهه فضني مابيه حيل بعد ,
هسه جايبني من البصره للعماره
علمود هاي الجلبه اي والله
مياده : محد كلج تجين
صاح الحجي : انجبي رعنه لا تراددين
تاج راسج فاهمه لو لا ,
باوعت لمهره تبتستم رجعت راسي ليوره واني تعبانه ماعرف شنو مسويتله مهره ومخليته هيج
يصير بيدهه محبس ,
ضلت السياره تمشي بحدود الساعه او الاقل و وصلنه لمنطقه كلهه شجر وخضار عرفت ان احنه
وصلنه للبيت اباوع لحجي مطلك لكيته يباوعلي من المرايا و يبتسم ,
شلون راح تخلص وياهم ماعرف ماعرف دخلت السياره للبستان باوعت للغرف نفس حطتهن ,
وكفت السياره كدام الباب فتحت الباب ونزلت اول مانزلت طلعت كدامي صابرين
صاحت : ملعونه ساقطه حبيبتي
هلا وميت هلا لج شنو حليانه تعاي تعاي
رحت عليهه بسرعه حضنته وبوسته وخرتني عنهه وكالت : لج عيني شصار وراج
صارت وراج سوالف جبيره جبيره عيناي
ضحكت وكتلهه :شو بس انتي ولج
وين البنات البقيه ,
ضحكت وكالت : رزق ماما كلهن برزق طالعات طلعتهن البارحه بدالي
ضحكت وكتلهه : ولج ولاتوبين من سوالفج ,
دكعدي راحه عاد
كالت : لج مهره وينهه شو ماهي
كاعده ادور راسي علمود اشوفهم وين جان تصيح مهره من السياره : لج بت الجلب تعاي
كوديني خلي انزل •
صاحت صابرين : هاي شنو شاربه ,
ضحكت وكتلهه : يمعوده ريحتهه محد يتحملهه فدوه روحي انتي ,
دفعتني عنهه وراحت عليهه
اباوع للحجي يخابر مدري منو ويتمشى بالبستان وكفت على صفحه انتظر صابرين هي ومهره
اباوعلهه نزلت مهره من السياره بسرعه وتمشت بأتجاهي اسمع مهره ادردم
بصوت ناصي : حبيب امك متقبل من أحاجيك
من سم بكلبك وبكلب امك اي والله , وضحكت ضحكه عاليه
وصابرين ترادده تضحك عليهه : شبي عيني ليش متقبل تحاجي
اباوع لمهره ترفع ايدهه وتضرب راسه
مو بوعيهه ابد تروح منا وتجي منا كالت :
ماتقبل لان ساقطه
وهو كام مايحاجيني ، وهو مايحاجيني مو
اله اعيد طهوره
وطهور الخلفو ابن الزنه •
صابرين ضحكت وكلتلهه : والنعم والله
والنعم منج عيوناتي انتي •
كلت بكلبي : عشتو اي والله لجهنم كلكم ,
دخلن ليجوه ردت ادخل وراهن جان يجي
حجي مطلك صاحني ,
حجي مطلك : مياده تعالي ورايه بسرعه ,
باوعتله شكله عصبي وما ينحمل ابد بلعت ريكي ورحت وراه واني خايفه
اذكرت كلام ياسمين من طالعه للسوبر ماركت من دون علمه وكاتلهه كتله معدله معقوله راح يسوي
ويايه نفس ماسوه ويه ياسمين وصلنه غرفه من الغرف باوعت منا ومنا لكيت كدامي شجرة
الصفاف رجعت باوعت على باب الغرفه رئسا عرفتهه هاي باب غرفة حنظل الي جان بيهه
بلعت ريكي شكو جايبني لهنا يربي
دخل هو قبلي وصاح : دخلي دخلي مياده
حطيت رجلي اليمنى ودخلت علكيفي باوعت لگيت الزوالي مكلوبه واكو دم كومه اجت عيني
على الكرسي الي جان كاعد عليه حنظل رئسا أجتي بالي المواقف شلون اجينه اني وثريه طلعنا
وشلون لكينا يون من الوجع نزلت دمعتي بسرعه
هو رئسا صاح : جيبي الكرسي وكعدي عليه بساع
مياده : حجي بس خليني افهمك مو كلشي صياح وعياط وضرب
جاوبني وهو صاك على سنانه : مياده كلمتي مره وحده ماتصير اثنين بالعجل جيبي
الكرسي وكعدي عليه ,
رحت للكرسي لكيته بي اثار من الدم يابس وجم ذبانه تحوم عليه ,
جريته وكعدت عليه بسرعه كال : اني عمري وحياتي ماحبيت بنيه بكد ماحبيتج ومافد يوم
ضليت ليله كامله افتر وادور على بنيه
بس عليج سويتهه •
صاح بصوت عالي : كاعده تسمعيني مو مو؟
مياده : اي اي كاعده كاعده اسمعك بس فدوه لتصيح صوتك ,
صاح : لج انتي شنو صنم هامج صوتي مايصير عالي وماهامج كلبي الي محترك جد جده
لج بت الكلبي تضحكين عليه لو على روحج ؟
مياده : باوع حجي اذا نريد نحط النقاط على الحروف بس هذا الي اكوله الك
انت عذبتني والله يعلم شسويت بغيري •
صاح : اني اني عذبتج شوكت ولج لج شسويتلج احجيلي اذيتج جرحتج ,
لج اخذتج مناك من امج كلت خطيه ماريد هضيمه تسب وتلعن بيهه بس انتي شنو ألسويتي
ها ها شنو ألسويتي شردتي مني ويه واحد
مايسوه اضفر لج فضلتي عليه ورحتي ويا ,
مياده : رحت ويا لان جنت ادري انُ هو ماسوه الي سويته انت وبعدين اني شردت منك بس لا
عبالك لان مامأذيني لا متوهم شردت منك لان انت انسان ضالم اي ضالم ابويه حابسه يمك
ادك بي ليل ونهار شنو من بشر انت •
اجه وكف على راسي وصاح : اني ضالم اني ابن كلب اني ابن زنه مو لان اغتصبت اشكال من البنات و لا لان عذبت
ابوج لا وانما اني لان حبيتج وخليتج بكلبي
كمت على حيلي
وصحت يي : لتتوقع مني احب حيوان انت حيوان تعرف شنو
بعدني مامكمله كلامي رئساً ضربني راشدي
وصاح : اني حيوان اي لأن حبيتج من كل كلبي
رفعت راسي وصحت بي : ياحب ياحب هذا التحجي عليه وانت تضرب بيه وتهيني وتريد
تنام ويايه بالحرام وحابس ابويه يمك شهور وتشرب وتبلع ياحب ياحب هذا
رحمه لوالديك عوفني عوفني بحالي ,
حجي مطلك : سمعيني زين شغلة اعوفج مسحيهه من بالج وانتي الي وبس
وها ها خاف طلعلج حنظل وانعجبتي بي
وحق الي خلقج طلقه براسه احط •
مياده : انت مخبل انت مخبل مو صاحي
عوفني ماريدك ماحبك لزگه شنو
ضربني راشدي على حلكي وصاح : اسمع كل جلمات الكون اله هاي الجلمه
اذا اسمعهه منج مره ثانيه اشك حلكج شك •
صحت بي : وتحجي عن الحب وانت الفاظك بس كتل وصلخ وذبح عفيه زلم تموت على شك
الحلوك وصلخ الجلود وكص الركب ,•
شال ايده راد يضربني جان يجينه صوت بنيه ناعم
صاحت : لا حجي اوكف اوكف لخاطري
رئسا نزل ايده باوعتله لكيته ياسمين رحت ركض
عليهه ذبيت كل جسمي عليهه ابجي بكل حركه
كالت : اهدي اهدي حبيبتي تعالي تعالي ويايه
صحت : ياسمين اخذيني منا حبابه ماريد ابقه هنا مروتج اخذيني وخلصيني منه
جرتني من الغرفه واني مجلبه بحضنهه مثل الطفل الي مجلب بأمه علمود متروح لمكان او
للسوك جرتني من الغرفه وطلعنه اسمعه
يدردم بالغرفه ويصيح
تمشينه شويه واني ارجف دخلنه الهول وخرتني عن حضنه وكالت : كافي كافي عيوني انتي
كافي هاي الدموع
وخرت عنهه باوعت الهه مسحت دموعي وابتسمت بوجهه اجه صوت
صياح من ورانه
" لج هاي منو هاي مياده عيناي
لج وين جنتبي يمعوده
باوعت الهه لكيتهه نوكيا السمره ضحكت
وجاوبتهه : شويه حبيت اسوي مغامره واطفر منا
حطت التفاحه بحلكهه وكالت : خسران الي يعوف الرزق ويطلع منا كلشي مايفتهم هذا
ردت اجاوبه دارتني ياسمين عليهه وكالت : شلون تسوين هاي السوايه تعوفيني وترحين
مياده : جنت مجبوره ياسمين ابويه ابويه راد يموت
ياسمين : هسه مو وكت اعتاب
واتمزعل عليج بس اكو بنيه
اريدج تتعرفين عليهه •
عقجت حواجبي استغربت منيه كتلهه : منو هاي بس لا هم مجبوره ومشعول جد جدهه
ضحكت وصاحت : هيماء هيماء تعالي ماما حبيبتي
مجرد اسم هيماء انذكر كدامي حسيت كلبي وكع بالكاع ,
طلعت الساني بسرعه بللت شفايفي باوعت منا ومنا لگيت البنات واكفات يمي وياسمين لازمتني
من ايدي اليسرى لزمت مقدمة راسي شويه خايفه
دخلت هيماء لابسه عبايه ومبوشه تبوش ,
استغربت ليش هيج
صاحت ياسمين : ارفعي البوشيه هيماء الكدامج اختج مياده مو غريبه
صحت بياسمين : ليش ليش مبوشه
ووين جانت اختي
ياسمين : تذكرين سالفة الكاميره وبيومهه لكفج الحجي من دخل ودخلت وراه بنيه مبوشه ولابسه
عبايه نفسهه هسه هاي الكدامج
هي اختج هيماء •
حطيت ايدي على وجهي وتقدمت بأتجاهه
صدري يصعد وينزل من الخوف ,
حطيت ايدي على البوشيه مالتهه
ردت ارفعهه جان تضرب ايدي بسرعه
صاحت ياسمين من يمهه : ارفعي البوشيه هيماء هاي اختج حبيبتي يلا يلا ماكو غريب
مارفعتهه ابد وتهز براسه بمعنى لا استغربت ليش اختي هيج اجتي عيني بعين نوكيا لكيتهه تبجي
بهدوء ماعرف ليش اجاني شعور خيبة امل
اجتي ياسمين لزمت هيماء
من جتفهه وكالت: يلا حبيبتي يلا ارفعي البوشيه هاي اختج ماراح تأذيج خطيه حبابه
اباوع لهيماء ترجف رفعت ايدهه ورفعت البوشيه اول مارفعتهه شهكت بوجهه ورجعت ليوره
حطيت ايدي على حلكي ودموعي وحيدهن نزلن
وجه هيماء مشوهه كله محروك ماعرف ماعرف شنو بيهه تبجي وتحاول تصيح تحاول تحجي
بس ماكاعده اعرف شنو تريد
رفعت ايدهه اليمنى تسويلي بيهه حركه مافتهمت منهه
بس لمت اصابعهه وسوت حركه لمهره معناهه نعله ابوج
صاحت ياسمين : كاعده تكلج مهره البارحه
ضربتني وتغلط على ابويه
صحت بصوت عالي بكل قوتي : ولكم انتو شنو من بشر حطوا الله بعينكم ولكم منغوليه منغوليه
تضربوهه وهاي شمسوين بوجهه
صاحت مهره : جهنم تكرفج انتي وياهه
لغوه زايده ماريد اخلي صدري
يلعب على حلكج يصمه صم •
اكلي تبن وسكتي
و حضري روحج العصر اطلعن ويايه نجدي
انتي واختج هاي هه المنغوليه
صحت بصوت عالي : شنو
يتبع .....
لاتنسوا التصويت والتعليق لنشر المزيد،
للمتابعه في الانستكرام: tahsin_luqman
خالص مودتي لكم
تحسين لقمان
رواية فستان أحمر الفصل التاسع عشر 19 - بقلم tahsin_luqman
عزيزي القارئ فضلاً وَليس أمراً أضغط تصويت لنشر المزيد من احداث الروايه،
فستان أحمر
تحسين لقمان
صاحت مهره : جهنم تكرفج انتي وياهه ,
لغوه زايده ماريد اخلي صدري
يلعب على حلكج يصمه صم
اكلي تبن وسكتي
و حضري روحج العصر اطلعن ويايه نجدي
انتي واختج هاي هه المنغوليه
صحت بصوت عالي : شنو
مهره : نفس ماسمعتي
وانتي هيو منغوليه غطي وجهج لعبتي نفسي
هم محروكه وهم شكلج يلعب النفس ,
مياده : احترمي نفسج لا تشوفين نفسج شربتيلج قوطية بيره صرتي نجره براسي
ولا تشوفيني ساكته تره اكدر اسوي كلشي
تقربت عليه و جرتني من شعري بكل قوتهه
وصاحت بوجهي : تدرين اكثر شي شنو اضوج منه ذوله الي يتلفسفون ويذبون نعل من حلكهم
اكلي تبن ماماتي خاف مكيفه بأبوج الي منتف اهل ماكو طلعه منا ماكو واذا اطلعين تصفين
بالشارع معليج بالحجي الي سمعتي
من ابوج هذا كله نفخ يسمو نفخ الحبايب ,
وهاي أختج حرگة وجهه علمود يصيرله درس معدل،
صحت بيهه: لج حطي عينج بين الله لج فوك ماهي مريضه منغوليه تكومين تحركين وجهه
ليش ليش هيج لج علمود الفلوس معقوله الفلوس تطغى على الانسانيه الي بداخل الانسان
تقبلين واحد يحرك وجهج ويتشوه هيج تشوه
لج شمسويتلج المكروده ,
ياسمين : اهدي اهدي مياده شيفيد العتاب بعد صار الي صار
صحت بيهه : ياسمين هاي اختي
هاي اختي ياناس يامسلمين ولكم محد يحس بالوجع غير راعيه ولكم حاولو تحسون بيه
وبالوجع الي بداخلي
طلع عندي اخت بكل هاي السنين واني مادري مادري كل الي اعرفه لكتني ماما منى كدام
حسينيه وجسمي مشخط مدمه بعدين جابتني لبيت اشتغل بي خدامه وتاليهه يطلع بيت امي وكله
دعاره وشرب وعرك ولكم اخويه اخويه من نفس الام راد يعتدي عليه وهو مايدري اني اخته
ولكم حسو شويه حسو لخاطر الاسلام •
ذني كلهن اكدر استغني عنهن واتغاضى عنهن تمر الفتره بيه والگه ابويه مشخط ومجرح ومكسر
ليش هيج شنو ذنبي اني فهموني شنو ذنبي وبعدهه يصير الحجي منا ومنا وتطلع عندي اخت
منغوليه فهموني فهموني اريد افتهم شنو ذنبي
ذنبي ان عندي ام بت زنه لو لأن عندي اب فطير
لو لان اجيت لعالكم الوصخ •
ارحموني وكتلكم اكدر اتغاظى وانسى كلشي جوز بس مال اجي والكه اختي المكروده الي ماعرف
كلشي عنهه الكاهه بهذا الشكل حاركيها ومفحيمهه
ماكدر أتحمل والنبي ماكدر
الله الله الله واكبر عليكم •
فوك ضيمهه ومرضهه وقهرهه
انتو النوبه شنو من بشر فهموني ,
اباوع لمهره كعدت على التخم ومددت ولا كأنما كاعده احجي شي
اباوع لنوكيا وياسمين يبجن باوعت لهيماء خطيه ترجف وتبجي بهدوء وبسكوت رحت عليهه
علكيفي جريتهه من ايديهه وحضنتهه بكل قوتي دفنت راسي بحضنهه حيل
يمكن الانسان يكدر يلتقي بالكل بسلام وكلام معبر بس فعلا لقاء الاخت يكون مملوئ بالمشاعر
والاحاسيس , اكو حب داخلي جبير بين الطرفين
صح حضنت ابويه بس من حضنت اختي ماعرف
اجاني شعور رباني كلش حلو واخيرا بعد كل هاي السنين ان كدرت انجمع بشي بسيط
بريئ مضلوم من عائلتي ,
بعدتهه عني علكيفي لكيتهه أدمع اخذتهه من ايدهه وصعدت ليفوك لغرفتي القديمه فتحته
مالكيت صابرين العبده , اذكرت ان هي اصلا جوه
دخلت هيماء علكيفي واني اهدء بيهه
ماعرف شنو احاجيهه شنو اكلهه منين اسولف اكلهه امج وابوج ذبوني بالميتم لو سوالف امج
هيج وهيج ماعرف ماعرف اي شي اي ماعرف ,
كعدته على الجربايه اخذت نفس وكتلهه : اني اصير اختج مياده
ورفعت ايدي اليمنى اشرلهه بيدي عليه واسويلهه حركه دائريه اريد اوضحلهه علمود تفتهم ,
كالت : ختي ختي سمج
ابتسمت بوجهه عرفتهه كاعده تكول اختي انتي شنو اسمج جاوبتهه : مياده مياده اني
هيماء: جن ختي ختي
مياده : اسمج هم جنه وهم حلو ,
اباوعله تبتسم رغم الحرك والتشوه الي صاير بوجهه شكد انقهرت عليهه شنو ذنبهه هاي البنيه
ينحرك وجهه ويصير بحالهه هيج حسبي الله ونعم الوكيل على واحد اذانه اني واختي
اجت عيني على عينهه لگيته كاعده ادمع
مياده :ليش تبجين حبيبتي اني يمج ماراح اعوفج بعد
هيماء :خي ريرا طلعت عع عند ختي
عقجت حواجبي اريد افتهمهه هي تحجي بس كلمات متقطعه بس مامفهوم منهه شي
نزلت دمعتي وياهه رئسا مدت ايدهه ومسحتهه كامت تأشرلي وتحجي : ختي هيي هيي
فرح اني هو واي واي فرحا
مياده : ها ها قصدج انتي فرحانه هواي مو
هيماء : ااي اي اي هو واي واي لي شش ها هاي اول مر مره اشو اشوف
دنكت راسي أتهجىء وياهه شنو تحجي : ليش اول مره تشوفيني
هيماء : اي اي
مسحت دمعتي وكتلهه : ناس ميخافون الله بعدوني عنج لو ماهم
جان اني يمج من زمان وماصار بيج هذا كله ,
هيماء : نف سهم اذوي حح حيل هو واي واي
مياده : حبيبتي اني هم مثلج اذوني هواي بس كل هذا و نصبر ونكول حسبي الله ونعم الوكيل
عليهم واكيد واكيد الله ماراح يتركهم هيج بحالهم اكيد وراهم عقاب ويتحاسبون
وأبويه كريم يسلم عليج ويكول مابقه شي ونلتقي
حطت ايدهه على وجهه وكالت : ما هو مايد ري ري بسا فة وجي
مياده : ماعرف جوز يدري بسالفة وجهج او لا بس هو حيل قلق عليج وخايف عليج ودزني عليج
علمود ابقه يمج واني ابد ماراح اتركج
كالت : جت يم يم انتي من مط مط ضرج
نزلت دمعتي ومسحتهه بسرعه : حسبي الله ونعم الوكيل عليه ماجنت ادري انتي اختي لان جنتي
مبوشه بس انتي ليش تلبسين بوشيه تكدرين تحجيلي شنو سوولج ذوله الجلاب ,
اباوعلهه كامت تباوع منا ومنا وتفر براسهه يمين ويسار كأنما ادور على شي باوعتلي
وكالت : كلا كلام اي كلام ما ما
مياده : ها ها قصدج كلام ماتكدرين تحجين صعب عليج
هيماء : اي اي وقه وقه
واشرتلي بيدهه تكتب بيدهه عرفتهه شتريد
كتلهه : ها ورقه تردين علمود تكتبين بيهه
رفعت ايدهه وسوتلي حركة اوكي , باوعت منا ومنا مالكيت اي ورقه ولا قلم منين اجيب هسه
نزلت جوه الجربايه لان هم كل شغلاتهم جو الجرابي ينضمن ,
لكيت صناديك كومه جريت الاول مالكيت بي شي عباره عن زعابيل جريت الثاني طلعلي عباره عن
اوراق كومه جريت صفطه كامله منه مال اوراق حطيتهن على الجربايه ,
دورت على قلم او اي شي اكو , كمت رحت لميز التواليت فتحت الجرار الاول مالكيت بي شي
فتحت الثاني لكيت مجموعه مال اقلام اخذتهن على السريع ورحت على الجربايه جريت الاوراق
وكعدت على الجربايه كتله : يلا تعاي كتبي علكيفج حبيبتي لتستعجلين
واذا ماتردين تكتبين هم براحتج
اشرتلي براسهه بمعنى جيبي الاوراق حطيتهن يمهه عليكفي وهي جرت القلم فتحت القبق وبدت
تكتب:أني اختج حبيبتج هيماء ماعرف شنو صارلج بس اني متأكده الصار وياج شي
بسيط مقارنتاً بلي صار ويايه ,
باوعتلهه لكيته تكتب باليسرى أشرتلي بعيونهه بمعنى اقري الي اكتبه ويايه ,
رجعت دنكت على الورقه وكتبت : هسه اكلج شلون بسيط مقارنتا بلي صار بيه وجوز الله اعلم
الي صار وياج اقوى واكثر وجع من الصار بيه بس ماعتقد اكو وجع اكثر من
وجع الحرك والاغتصاب والتعذيب ,•
نزلت دمعتهه على الورقه وكتبت : هيماء نولدت للدنيا احس بنفسي نقوصات بس
ماجنت واعيه واكدر أعرف شنو صاير ويايه ,
رحت للهول واني شايله صينية الجاي , جاي مهيل ريحته تفوح
لكيت ابويه كريم كاعد على الكاع ومتمدد وكدامه التلفزيون يباوع عادل الامام تمنيت اكعد ويا
واحجي ويا بس للاسف ماجنت اكدر والسبب ثكل بالساني مو طبيعي ,
بس رغم هذا جان ينطيني كل الحنان ماحسسني ان اني مريضه وماكدر اسوي اي شي , الى ان
كبرت وعرفت شنو اني و شنو مرضي وعرفت نفسي منغوليه
اوكف كدام المرايا اباوع على نفسي اشوف خدي ذايب واحس عمري يوصل التلاثين
واني مواليد الفين وواحد •
اريد اكعد ويه ابويه وافهمه واحجي ويا اريد اكله امي وين ليش ماتجيني معقوله ماتحبني ماعرف
ماعرف اي شي عنهه , ابويه هو الي حضني وكبرني على ايده بالرغم ان اني مريضه
واعترف بنفسي مرضي صعب ومتعب •
يوميه ادعي لله يفرجهه عليه ويساعدني بحياتي اليوميه ويشافيني من كل مرض لان تعبت واني
اشوف الي يشوفني ينبذ من عندي او يبتعد عني رئسا او يكرهني او يضل متخوف مني
وللعلم اني ابد ما أذي وما أسوي شي بس بسبب شكلي كمنغوليه انحكم عليه هيج بين الناس ,
اني انسانه طيبه وعلى نياتي مو امدحلج بنفسي واكبر نفسي يمج بس الحقيقه تنگال
كبرت شويه وسولفلي ابويه ان امي هملتني بفترة الحمل وما اعتنت بيه مثل ما اعتنت بأختي
الي ماتت , واقصد بأختي الماتت هو انتي لان جنت كل الي اعرفه ان اختي ماتت وراحت لغير
دنيا وكملي ابويه على سوالفه ان اكو من اقارب امي عدهم منغوليين فهي صايره طفره
ماعرف ماعرف اي شي
بس بيومهه انقهرت وزاد حزني على نفسي وكرهت نفسي وكرهت امي واقاربهم
اني بسببه ماكدر اطلع ويه بنات المنطقه لان منغوليه يخافن مني , وبسببه ماكدرت اداوم ابد
وبسببه انحرمت وانحرمت من كومة شغلات
بس كل هذا واكول كلشي يصير وكلشي يرهم
اصبري هيماء عسى ولعل اتشافى بأسرع وقت , بس الحمدلله والشكر على كلشي
شسوي بعد ماتكليلي ,
الى ان دارت بيه الدنيا دوران كلش جبير وطويل اجتي امي وطالبت بيه جان لقاء صعب ومر بعد
كل هاي السنين الي مرت بيه تجي وحده بملابس عاريه اطالب بيه وتريدني صعبه صعبه ,
وبس اني وابويه شنو نسوي ابويه الرجال مكرود مابي حيل احد ولاحول ولاقوه ومايكدر يسوي
اي شي محتار بضيمه وبشغله ,
جابت زلم مادري مادري منين فاتو لبيتنه واخذونه اني وابويه تحت وجود السلاح والتهديد
, وعلى راسهم واكفه امي تصيح
اني بيومهه اصيح احاول احاول اصيح احجي اردد بس ماكو ميفيد صوتي مايطلع الساني
احس بي ثكل كلش قوي ابويه الرجال المسكين يصيح بس ماكو شيفيد شيفيد الصياح ,
اخذونه سحل من بيتنه واختفت اخبارنه من المنطقه بمرور الايام
من شفت اصرار امي ان لازم تاخذني مادري ليش حسيته ان هي تحبني وتريدني وتريد تلمني يمهه
بس بنفس الوكت اسأل نفسي ليش عدمت حياتي وماسوتلي شي ,
كبل اجينه لهنا للبصره وجان الطريق متعب من بغداد للصبره , وابويه اعتدو عليه وهو رجال
جبير يون من الوجع طول الطريق
كرهته اكثر لامي معقوله امي تسوي بيه هيج
معقوله حبهه اليه خلاهه ان توصل بيهه المواصيل ان تجيب زلم وتدخل للبيت وتهجم علينه هيج
هجمه وتلعب بينه لعب وتفردهه حالنه تفردهه ,
بس من وصلنه لهناك تغير كلشي بسرعه عزلو ابويه بغرفه وماعرف شنو صار بيه واني لزموني
بدايتاً من الحبوب وبعدين البيره والشرب وطيحان الحظ •
مافد يوم سويت شي برضاتي كله جبر واذا ماسوي يلعبون بيه لعب وكدام امي هضيمه
انواع الكتل والتعذيب شسوي ماتكليلي جنت كلشي اسوي الى ان وصلت المواصيل بليله من
الليالي جبروني انام ويه واحد اسمه مامون اعتقد واخذ شرفي بكل وحشيه
وبكل جرأه ولا كأنوا اني منغوليه •
اون من الوجع اريد اصيح اريد احجي بس
ماكدر ماكدر مابيدي شي
استغلو مرضي وشافوني ماكدر اسوي شي ,
نزلت دمعه منهه وكالت : وجع وجع عني حيل
مسحت دمعتي وكتلهه : ها قصدج بديتي تتوجعين من الكتابه ,’
هيماء : اي اي ه هذا اقصد ,
مياده : ارتاحي شويه
هزتلي راسهه بمعنى لا , جرت القلم وبدت تكتب ودمعته تنزل على الورقه : شفت بعيني الشين و الزين بس شسوي وين اودي وجهي ,
الحمد لله على كلشي ,
دخلت ياسمين وصاحت : الحلوات هنا كاعدات عيني وبدون ماتكولن اليه ليش
هيج ليش خاينات ,
ردت اجاوبهه بس هيماء كالت : ختي ختي سا فنه شو ويه
ياسمين : ها تقصدين انتي واختج سولفتن شويه
بالعافيه عيوني براحتجن مياده لج شلون
تسوين سوايتج وتعوفيني وترحين تشردين بليله ضلمه ماخفتي ماكلتي هاي الفقيره
ياسمين وين تنطي وجهه من انتي ماكو
مياده : يمعوده مو بيدي ابويه راد يموت ويروح من ايدي لازم الحك عليه
ياسمين : وعيني شردتي ويه حنظل الله عليج گولي غمزلج سوالج شي اويلي عليه
جسم يشافي المبتلي •
ضحكت وكتلهه : الولد بيا حال رحمه لربج كافي عليه ضيمه وقهره بحال
جسم بحال صخام ,
هيماء : حح حنظ هو اي ضرب
ياسمين : قصدهه هواي ضربو
مياده : صدك ياسمين اني لحد الان صافنه شلون انطاج كلبج تشاركين وياهم بهيج جرائم
وتحطين ايدج بيدهم بهاي الجرائم كلهه •
ياسمين : اكولج اني سابقا كتلج مو بيدي هذا شغلي ركص ورزق الليل ماكدر استغني عليه
هيماء : كص كص صر هو واي
ياسمين ضحكت ضحكه عاليه وكالت : تكول ترگص الخصر هواي
ضحكت وباوعت على هيماء كتلهه : يمعوده هاي كل البلاوي بيهه هاي ياسمينو مو شويه
باوعت على ياسمين ضحكت وهزت جتف
رئسا كتله : ها ها بعدج تهزين جتف
كالت : لج عيني غير رزقنه عليه ويذبلنه فلوس هواي ماكدر استغني عنه ,
مياده : شوكت تفضين امرج و تستچنين
تقربت على الجربايه وكالت : شنو هاي عيني الاوراق
باوعت لهيماء رئسا سحبت الاوراق الي جانت تكتب بيهن وحطتهن وره ضهره اني استغربت
ليش سوت هاي البنيه هيج ,
ياسمين : شنو مخططين تحتلون الكويت وضميتي الاوراق عليه
ضحكت بسرعه وكالت هيماء : وقه وقه مقري
ياسمين : ها خطيه ورقه مهمه ميصير تنقري يلا عيني براحتجن ,
صدك مياده نسيت اكلج
هاي مهره تكول خلي ينزلن من هسه
لان عدهه خطه تلم بيهه فلوس عباد الله كلهه
كمت على حيلي وكتلهه : نازلات عيني نازلات هو شبقه بيه من طاحظ روحي اي والله
طلعت ياسمين من الغرفه وكامت هيماء
كالت : وقه ها يه حطي هه يم جج
رفعت ايدهه اليمنى وقدمتهه اليه بأيد ترجف اخذتهه منهه وضميتهه جوه المخده
مال جربايتي ,
نزلت البوشيه على راسهه
كتله : ليش تحطين بوشيه على وجهج
كالت : مه مهره زع تز وع
مياده : تقصدين مهره تزوع من تشوفج
نزلت راسهه وهزته بمعنى اي
انقهرت عليهه وعلى حضهه من المصخم
تقربت عليهه وحضنتهه بسرعه كتلهه : لتخافين اني يمج بعد محد يحجي عليج
اريدج سباعيه مو طول اني يمج
ابتسمت بوجهي ونزلت البوشيه كتلهه : انتي تره زينه من ناحية المرض شنو رأيج اعرضج
على طبيب اختصاص
كالت : طبيب علا يعا لجوني
عقجت حواجبي وكتلهه : قصدج هنا اكو طبيب يعالجج
اشرتلي براسهه بمعنى اي , كتلهه : مادري شنو اكول وشنو احجي زين ليش عالجوج
وهم حركوا وجهج وفحموا تفحم
هيماء : لا ن ا ي مه عد عد
مياده : انتي مهمه عدهم
اشرتلي براسهه اي رجعت كتلهه : لعد ليش حركوا وجهج
هيماء : لا ن اك اك و زبون ما ما قب وجي
مياده : حسبي الله ونعم الوكيل عليهم وواكيد مهره حركتج لان اشتكى عليج
هزت براسهه بمعنى اي
مسحت دمعتي وكدت ايدهه ونزلت من الدرج شيصير بعد بينه
ماعرف شوكت نضوك طعم الراحه ماعرف ماعرف
نزلنه الدرج واني اباوع منا ومنا لكيت مهره تلبس عبايتهه وتلف البوشيه بسرعه
مهره : ها عيني ساقطتنه فضيني يلا يلا بسرعه خلي نطلع راح يجينه ياسر شعله
عقجت حواجبي وكتلهه : عيني منو هذا ياسر شعله ووين نولي
غمتني وصاحت : لج بت الجلب اني شاربه بيره بحدود قوطيتين ومصحصحه
انتي شنو شبيج ماتكليلي لخاطر الله,
كتلهه : هسه اني شكتلج
نوكيا السمره : اكلج مهراوي اليوم مابيه حيل
واحد البارحه توجعت حيل ماريد
لا رجال ولا هم يحزنون
باوعتلهه وغمتهه باوعت عليه وكالت : بسرعه وره باب الهول عبايه وبوشيه بسرعه لبسيهن
يلا ياسر بالطريق
رحت على باب اخذت من وراهه البوشيه والعبايه رحت لمهره كتلهه سويلي البوشيه ماعرف
جرتني من راسي ولبستنياهه بسرعه , اخذت العبايه لبستهه شلون ماجان
سمعنه هورن بالباب صاحت : اجه اجه زلمتنه
هلا وميت هلا يلا يلا ولجن ساقطات ,
كدت ايد هيماء وطلعنه من بالباب بالطريق وكتلهه لمهره : هسه اكو واحد يجدي هسه ويه وكت الاذان
صاحت : لج ماما الرزق يكثر هسه بهيج وكت لان يحضي حلة طلاب المثقفين طلاب العلم
عيوني كليات ومدارس نربح خير من الله
وانتي تعرفيهم خطيه
ينبعون حنان عيوني
كلت بكلبي خرب يومج شكد استغلاليه يعني شلون مخططه للوكت بشكل كلش دقيق ,
طلعنه من البيت وماشفت حجي مطلك كلت بصوت ناصي وينه العاشق الولهان شو ماهو
عشتو يحبني تهي بهي ,
صعدنه بالسياره وحده وره الثانيه ومهره صعدت بالصدر كالتله : عيني الله بالخير صدقه لربك
تعال ليله ليلتين شو بنات وموجودات حضرتك تروح على دلال الساقطه
هي اصلا سوده مفحمه الله
يخلصني من اعداء الشغل •
ضحك ضحكه عاليه وكال : اي والله تعبان دايخ اريدلي وحده من الوره تذوبني ذوبان السكر
ضحكت علكيفي وكلت بكلبي عشتو يكول سكر من كبر لهيج حلك
مشت بينه السياره وهذا ياسر شعله مطلع اغنيه مكطنه مثله وهاي بصفه رافعه
البوشيه وادخن بالجكاير وترد ليوره •
وكفت بينه السياره وكال ياسر شعله : مهراوي الخطه تكول التقاطع ذاك عليه اربع خطوط
مرتبه مال كليات حكوميه واهليه وخمس خطوط مال مدارس اهليه شوفي شغلج يعيوني انتي
مهره : بوساتي الك ونورني بالليل ماما
يلا بنات نزلن ماما
وفدوه تعال بعد ساعه
ونص بين مالم جم فلس
فتحنه الباب ونزلنه
حرك ياسر شعله سيارته بسرعه
واحنه كاعدات نعبر الشارع
جان تطبك علينه دوريه مال شرطه لونه اخضر
واحد منهم
صاح بالسماعه مالته : اوكفن بمكانجن أنتن مطَوقات حالياً
مهره صاحت : الي تفتح حلكهه منچن اترسه اتفال
اني أحجي وبس •
وكفت بمكاني وصدري يصعد وينزل من الخوف
اول مانزل الشرطي رئسا
صاح : كدامي بسرعه بسرعه للسياره
يتبع ...
لاتنسوا التصويت والتعليق •
وتفاعلكم من ناحية التصويت كلش ضعيف؟ !
للمتابعه في الانستكرام: tahsin_luqman
خالص مودتي لكم
تحسين لقمان
رواية فستان أحمر الفصل العشرون 20 - بقلم tahsin_luqman
عزيزي القارئ فضلاً وَ ليس أمراً أضغط تصويت لنشر المزيد من احداث الروايه •
ملاحظه: الرجاء من كل القراء قراءة الكلام المكتوب في نهاية البارت
فستان أحمر
تحسين لقمان
أجه حجي مطلك رفع سلاحه عليهم
ماشوف اله حنظل يجي من وره الشرطه
ويصيح : حجي مطلك نزل سلاحك
أجه اليوم الكتلك عليه •
شرطي من الشرطه صاح بعلو صوته : نزل نزل سلاحك ,
اخوان بسرعه بسرعه توزعوا على البيت
حجي مطلك : سلاحي مانزله انتو من كل عقلكم واكفين كدام وجهي هاي اله اذا جنتوا تردون
تنهون حياتكم وتخلصون من دنياكم الگشره •
صاح واحد من الشرطه مبين واحد جبير بالشرطه : لك باوعلي زين الكدامك ضابط
استخبارات الزمك احركك واحرك روحك فاهم لو لا نزل سلاحك
بعده مامكمل كلامه الضابط والبنات نزلن من فوك ياسمين وثريه كلهن يصيحين بعلو صوتهن
ياسمين : يمه يمه لحگيني وخر وخر ايدك عني وخر وخر
وتدفع بأيد الشرطي بكل قوته كل صياحهن بجف واختفاء مهره هنا بنص هاي الهوسه بجف
اجتي وكفت بصفي هي وثريه اباوع لوجه ثريه ستوني شفتهه كله مدمه وكله مورم ماعرف شنو
شبيه ولا هسه الوكت المناسب مال اكعد واسئلهه شبي وجهج حنظل واكف يم الدرج لگيت حجي
ناصح بصفه والشرطه تفتر بالبيت كله .
والصياح مال الشرطه عباره عن رعب خلاني ميته من الخوف خايفه اتقدم وخايفه ارجع ليوره
البنات البقيه وين وهيماء اختي وين والاهم مهره مهره ستوهه جانت هنا وين راحت .
ردت احجي ردت اكول بس بقيت ساكته لان ميته خوف وميته وجع من اعتداء الحجي عليه
حياتي احسهه خلصت مابيهه لا طعم ولالون وحتى ريحه ما بيهه كل الاريده اموت واخلص
من كلشي حجي مطلك يصيح ويترادد ويه الشرطه والشرطه نفس الحاله ثريه وياسمين
واكفات شويه عني ميتات من البجي مابيدهن غير بس هذا الشي
نزلو شرطه اثنين من الدرج واحد منهم أسمراني ومعضل صاح : سيدي سيدي صناديك مال كريستال
هواي أكو وابطالة ويسكي درزن كامل متوفر ومن غير وجود الرمانات اليدويه
ومن غير المعدات الثانيه الاسلحه •
ضربت وجهي حيل وكلت بكلبي عزه عزه بعينج مياده وين جنتي عايشه يحضي يمصخمه
شيطلعج من هاي الهوسه هسه عزه فدوه ربي الحلكلي اباوع للبنات خايفات كلش وهذا مطلك
بس يكمز وذوله لازمين عليه السلاح صاح ضابط الاستخبارات : عوفوهن بمكانهن محد يلزمهن
تجي القوات المختصه هسه ينادون عليهم علمود هم يسجلوهن وياخذون فحص كامل
تقرب بأتجاهي وكال : شسمج بنتي
من كثر رجوليته وصياحه وصوته الخشن ماكدرت ارفع عيني بعينه واكله شسمي رئسا دنكت راسي
وكتله : ميا مياده سي سيدي
صاح : اها انتي اضاهر مياده كليلي بويه بعد جم وحده من البنات هنا حسب المعلومات
الي عدنه هواي وينهن .
بلعت ريكي وكلت بكلبي شجاوبك ماتكلي هو اني لو ادري بيهن جان كلت رئسا
كتله : سيدي مادري مادري
صاح الثاني : ساقطات أحجن وين جماعتكم لا احرك البيت على روسكم وروس الخلفكم
حنظل صاح : ذني ساقطات بس مياده لا تشملهه طبق القانون الصح من دون غلط وسب ولعنه
صاح الشرطي الي هو نفسه صاح قبل شويه : امي امي امي ياناس خسرتهه بسبب ذوله رادت
تلبسني بدلة الشرطه بيدهه وتهلهل يم راسي وتسويلي حنه بالبيت ونلتم احنه وكرايبنه
شسويتوا انتو ها شسويتوا
فجرتونه ولعبتوا بينه لعب من ضيمي ضيمي من قهري من قهري اصيح واحجي واغلط واسب
واكسر ليش لان امي امي انتو محد رايحله ام منكم محد ضايك طعم من واحد يخابرك يكلك
تعال امك ماتت •
ماسامعين هاي الكلمه ماشايفين جسمكم شلون يصير بذاك الوكت ماشايفين روحكم شلون
راح تجمدون بمكانكم تخافون تتقدمون وتخافون ترجعون ليوره خلوني خلوني احجي
اغلط احرك اسب لحد يدخل
رئسا صاح بي هذا الي يمي ضابط الاستخبارات : محمد محمد حقك وثار امك مايروح هدر والناس
الي ماتت اني اخذ بثارهم معليك معليك محمد يمي بعد .
اباوع لعدد الشرطه هواي وهذا الجهاز مالتهم جنه راديوا بس يحجي ابد ماسكت ماعرف شيحجون
وهذا حجي مطلك لازم سلاحه وخايف كمية الكره الي مزروعه بداخلي بأتجاهه جبيره جبيره
دمرني ودمر حياتي ودمر هواي بنات مثلي
تقرب ضابط الاستخبارات على حجي مطلك رئسا
تلاوه هو ويا علمود ياخذ من عنده السلاح انوبه حجي مطلك شسمنه وكرشه طالع ليكدام اجوي
جم واحد من الشرطه الي واكفين طاحوا ضرب عليه اسمع ونينه وصياحه ماعرف ابجي على
حضي لو اوكف اتشمت بصياحه وونينيه بس حرفيا يستحق كل الضرب خلي يون خلي يحس
بونين ذني المكرودات الي خطيه يوميه يونن ويبجن اي يادنيا فريتينه فر
شسويتي بيه .
وهم يكتلون بي رحت تمشيت بأتجاه ياسمين و الشرطه الي واكفين يم حنظل ماخذين كل نظرات
الخوف والقلق من عندي حقهم اذا هم عبالهم اني الفجرت واني التاجرت واني الكتلت واني الي
هجمت بيوت شيعتبروني حقهم حقهم . وصلت لياسمين لزمته من ايدهه رئسا جرتني من اللحاف
الي لافه بي روحي وحضنتني بكل قوه وثريه ادك على ضهره خطيه وجهه مورم تورم .
وخرت ياسمين عني وجريت ثريه عليه حضنتهه بكل قوتي كالت بهمس صوت ناصي : تهون تهون اهم شي شردتج ووصلتج لابوج
وخرتهه عني وابتسمت بوجهه رغم الالم والوجع الي نحس بي بداخلنه بس شنو نسوي
صياح حجي مطلك ابد ماوكف ولا دقيقه واكفه بصف البنات واشوفه شلون يصيح ويعيط ويرد
ليوره اذكرت كلام ماما منى من جانت تجتمع بينه بصف الميتم نكعد كلنه على لمه حلو وبنصنه
العصير والكيك وهي يم الصينيه تحجيلنه وعينهه على الصينيه او على الكلاصات خاف
وحده من عدنه توكع عصيرهه او تسوي خباثه . جانت تكللنه من تشوفن واحد بس يصيح ويغلط
ويسب ويتلاوه ويرادد ويه غيره معناهه هذا الشخص ضعيف كلش ومايملك غير بس صوته
كمت اني وكتلهه : معقوله هسه كل العالم الي عصبيه وتصيح وتغلط هم ناس ضعفاء
كالتلي : اي ضعفاء ماماتي يحاولون ان يعبرون عن قوتهم بطريقة الصياح والغلط بس اذا ترجعين للاصل هم ناس كلش ضعفاء .
اباوع لحجي مطلك اكول معقوله هو هيج فعلا . فزيت على صوت سيارة شرطه ثانيه رئسا دخلو
البيت زلم كومه ماعرف شنو كاعد يصير ابدا , ضابط الاستخبارات مادري شنو حجه وياهم
درت وجهي بأتجاه الدرج لكيت حنظل تعبان وعيونه بيهن سوالف هواي كلهن وجع وضيم
كون هسه اروحله واحط ايدي على ضهره واكعد اسحب همه لهمي .
خرعني صوت ضابط الاستخبارات وهو يكول لشرطي : اخذ البنات بالسياره السادسه كبل على التوقيف وهذا الزباله تاخذلياه لمركز مكافحة
الجرائم راح انادي هسه عليه وهم مناك يستقبلوكم
حطيت ايدي على صدري كلش خايفه ياتوقيف يامركز مكافحه شجابني لهذا الدرب دخيلك ربي
ساعدني محتاجتك كلش هواي .
صاح حنظل : بس انت تعرف هاي السالفه ان مياده وثريه معليهن بالقضيه
مفروض يرجعن ويايه
صاح واحد من ذوله الي اجوي قبل شويه : احنه بغض النظر عن حالته وقضيته لكن ابني وجوده
هنا هو جريمه يعاقب عليها القانون فناخذ وياها كافة الاجراءات القانونيه
باوع على الثاني وصاح : شوف شغلك بسرعه .
اجه علينه الشرطي يريد ياخذنه وحنظل من مكانه يصيح وحجي ناصح يهدء بي ويسكت بي
وحجي مطلك كاعد على التخم والدم يسيل من حلكه من كثر الضرب الي اكله .
ياسمين صاحت من يمه : سيدي سيدي والله والله مجبورات قابل بيدنه
جاوبه الضابط بصياح : وهذا شنو الي يجبرج تشتغلين بيت دعاره ماستحيتي على نفسج
اخ يلساني المصيبه انتي بكد بتي وعراقيه ماكدر اهينج
صاحت بي : اشتغل بيت دعاره لان مالكيتك ولا لكيت الي يحضني ويلمني امي باعتني لهذا
الحجي واني صرت الضحيه مال رغبة امي علمود الفلوس ولو لاكيتك بذاك الوكت ولو لاكيه القانون
الحقيقي هم بذاك الوكت جان ماوصلت لهاي المواصيل معليه اني
جاوبهه ذاك الثاني : احنه لو ندري بقضيتكم ومنو الي يسندكم جان مالكيتي روحج هنا
وبهيج مكان مامليق بيج •
ياسمين : يوم العلم بخدمة الشعب وينكم لعد بخدمة الشعب لو خدمتكم مطبقيهه صح جان
ماوصلت لا اني ولا ثريه ولاغيرهه •
جاوبهه ذاك : خيتي رحمه لربج منو كلج اني اخطبوط عندي ثمن رجلين
شصيرلج متكليلي انتو هو واحد اثنين •
رادت تحجي ياسمين رئسا صحت اني : سيدي اني ماتحرك اي اي ماتحرك منا اذا مو اختي وين
تقرب الضابط وصاح : اي مو كاعد احجي واصيح وين البقيه انتي تفرين براسج
احجي الوكت ينفذ من عدنه بنتي .
مياده : مادري مادري كل الي اعرفه هي بغرفته والبقيه هم بغرفتهن
رجع راسه ليوره عدل البيريه مالته وصاح بالشرطه : فتشتوا البيت عدل لو لا
كلهم جابو بمعنى اي سيدي فتشنا ومالكينه اي شخص غير بس المتواجدين
لطمت على وجهي وصحت بعلو صوتي : صخام صخام الصخمج مياده اختي اختي وين اختي
وين ولكم مهره اها اها من اجيتوا صاحت كبسه وصعدت
رحت لايد الضابط جريته رئسا وصحت بأعلى صوتي : فدوه فدوه سيدي اختي اختي منغوليه
وكلشي ماكو مروتك مروتك سيدي والله منغوليه اريد اختي فدوه هاي مهره ما راح تتركهه وحيدهه
صاح بيه : وخري وخري بنتي
حجي ناصح : مياده ماعاش الي يمس شعره من اخيتج لاتنسين عمج موجود وارد اشوف
ياهو الي يدنه •
صحت بي من ضيمي وقهري : مو وكت عضلات ولا وكت صياح ولا وكت عرض جتاف
صاح حنظل بيه : هيي مياده طلعتيه من ماعونه احترمي نفسج عاد
صحت بي : هذا الواقع حاليا مطلوب فعل جاد مو بس كلمات نطلعهن من حلكنه ونشمرهن بالهوى
هم نفس الكلمات سمعتهن قبل شهر نجيج وناخذج ونطلعلج وهسه اجيتوا بعد مادمرت
حياتي بالكامل شرفي راح تعرفون شنو شرفي راح
اني وكلت هيج ماحس اله حنظل يكمز كمزه قويه من الدرج ركض بأتجاه حجي مطلك
لزمه من ياخته دك بوكسيات والشرطه عليهم يفاككون بيهم وثريه تصيح : يمه يمه لحگي
حجي ناصح يحاول يلزم حنظل ويجره عليه : حنظل حنظل بس عاد شو تعال
حاطه ايدي على حلكي من الخوف اباوع لحنظل فاقد على حجي مطلك بالضرب الشرطه يجرون
بي وماكو ماحس اله ضابط الاستخبارات اجه بكل قوته ضربه برجله .
رئسا وكع بالكاع اباوع لحجي مطلك خشمه وجلده وحلكه يخرن دم رجعت ليوره يم ياسمين
حضنتني من الخوف خطيه لا بيدي اكعد اهدئهه ولا بيدي اكعد اهدء حنظل
البيت صار عباره عن جهنم حقيقيه دم وصياح وبجي وخوف وقلق وارتجال محد يعرف شنو
صاير اجانه شرطي من الشرطه دفعنه مدافع كتله اوكف خلي البس اي شي شلون اطلع هيج
رئسا دخلت للغرفه فتحت الكنتور لكيت دشداشه كدامي لبستهه بالكوه واني أصبر روحي على الوجع
طلعنه لبره البستان و ياسمين تبجي وتصيح : مو اني معليه معليه اني عوفوني
وثريه تبجي المره مابيدهه اي شي شنو تحجي شنو تسوي ماتعرف المكروده
واني دموعي تنزل واصيح بعلو صوتي :هيماء هيماء وينج ولكم اختي اختي فدوه اريد اختي
واحد من الشرطه : الله والقانون موجودين اختج بيدي ارجعهه الج سالمه ومن عيوني
صحت بي : الله موجود اما انتو وين وين وين ها وين اختي ياناس ياعالم ماهي وين ولكم منغوليه
منغوليه تعرفون شنو يعني منغوليه مروتك سيدي احسبهه اختك خالتك صديقتك زوجتك مروتك
رجعهه اليه منغوليه مريضه
صاح بيه ذاك الثاني صوت خلاني انخلس بمكاني : احنه مافارغيلج كلجن نفس الطينه اذا هي مريضه انتي
امرض منهه صعدي صعدي يلا بت الكلب
فتح الباب ودفع ياسمين من ايدهه كبل دخلت ليجوه بسرعه وثريه تبجي رئسا صعدت خطيه
شنو تحجي وشنو تكول ماعرف واني اتماطل ويا اصيح واجر بي
مياده : اريد اختي اختي اختي هاي اختي يامسلمين ياعالم ياناس اختي هاي شنو محد
يحس بالوجع محد يحس بالفراك مو خالتي هاي اختي خويه مروتك مروتك خليني يمكم اختي
واالله مريضه ماتكدر •
رئسا اجه واحد واكف من بعيد جرني من شعري وكبل دفعني على ايدي جوه بالسياره وكعت
بحضن ثريه من كثر ما الدفعه قويه وتوجع ,
طبك الباب بكل قوته رفعت راسي وصحت بعلو
صوتي : كسر كسر بيدك ان شاء لله ولكم هاي اختي اختي
ثريه حطت ايدهه على جتفي تحاول تهديني او تواسيني رئسا صحت بيهه : ثريه ثريه تعرفين
شنو منغوليه وتعرفين مهره شلون وحده ساقطه وذرة اخلاق ماعدهه
اباوع لعيونهه تنزل منهه الدموع وويه كل دمعه سالفه بيهه هم وضيم بس ياريت اكدر امد ايدي
وامسحهن واكعد اواسيهه بس ماكدر رئسا جاوبتني : حبيبتي بهيج وكت نحتاج الدعاء
ادعيلهه واني متاكده مهره ماتكدر تأذيهه
كمزت
كمزت ياسمين من يمهه وكالت : اي صح ماتكدر تأذيهه لان رزقهم اكثر شي عليهه
كافي ترعشين اهدي واستهدي بالرحمن .
جاوبتهه : يارحمن يارحمن استهدي بي ولكم اختي هاي لا اني الي لحكت عليهه من اني
وصغيره ولعبت الختيلان وياهه ولا من اني وجبيره كعدت وياهه وسولفت سوالف حلوه
وياهه شلون شلون ويه حضي
أنفتحت باب الصدر رئسا صعد بيهه واحد من الشرطه ووجهه مورم تورم ويتنفس
بعصبيه بنفس الوكت انفتحت الباب مال السايق وصعد بيهه شرطي يسب ويلعن بينه كأنما احنه
المجرمات واحنه الي كتلنه ونهبنه خيرات الوطن
صاح: ساقطات اهلكم يخلفون ويذبون بالشوارع
امي امي تلومني تكلي ليش ما تزوج شزوج وانتن وحدتجن ساقطه شغلهه شغل الليل
صاحت بي ياسمين بكل عرامه :
تعلمنه من امك عيناي •
الله يلعنك ويلعن السانك والفاظك
اباوعله ضرب الاستيرن بسرعه وصاح : بت الكلب هاي الفاظج اله اطلعه من عيونج , امي اشرف
منج ومن الجابتج ياكلب بت سطعش كلب
صحت بي : مو كلهه تشتغل شغل الليل لتحكم على البنيه من المظهر والمكان الي لكيتهه بي
لان اكو ضروف اكو ناس اكو اكو اكو شغلات جبرتهه تكون بهذا المكان الي
حظرتك وحضرت امثالك ماعاجبهم العجب ’
صاح الي بصفه : تنجبن وتاكلن تبن خلصن روحجن من القضيه القانونيه وخاف عبالجن
يطلعلجن راس من ذولي الروس القديمه الي اطلعكم لا يابه لا خططنه تخطيط الكم من هذا التوب
صاحت بي ثريه: والبريئ شنو شنو ذنبه ينحبس وينسجن ويكضي طول حياته بالسجن
كال : خيتي البريئ والمظلوم اكيد الله يبينه ويكشف امره ويفرجهه عليه بس ليش تكولين
مظلومه وانتي ملزومه ببيت مشبوه وتجارة مخدرات وشرب ومن غير المرقص الي مسوي ,
مياده : بس خويه ليش ماتصدكون احنه مظلومات ومجبورات
باوع على الجامه نزلهه علكيفه تفل بره واخذ حسره ذبهه بالجو وكال : خيتي منو كلج مامصدكج ومجذبج بس القانون ما يعرف شي
اسمه مظلوم ومجبور انلزمتي بمكان تواجدج بي خطأ
هاهي لعد تتحملين كافة الاجراءات القانونيه هذا الي عدنه احنه ما نشاقه وياج ولا نلعب وياج
ردت احجي بس اجه صوت بالسماعه مالته بالكوه فهمت منه ان حرك السياره بسرعه
شال السماعه وكال بصوت عالي علمود ذاك الثاني يسمعه : استعمت سيدي لبيت لبيت حول
ذب السماعه ووجه كلامه للي بصفه حرك
السياره بسرعه
وفعلا بسرعة البرق تحركت السياره
ثريه وياسمين يبجن بهدوء واني حايره وصافنه بزماني باوعت للجامه مال السياره لكيت الشرطه
الي بلبستان يجرون بحجي مطلك وحنظل يكمز ويتعارك وياهم
السياره رئسا حركت ليكدام ماشفتهم عدل ضل بالي يلعب ليش هيج صار وشبي حنظل شبي هيج
يكمز ويتعارك وياهم , طلعت السياره على الشارع العام ومشت بكل سرعه عدهه , البنات يبجن واني
اباوع على الجامه وعلى الشوارع وشلون صايره صفنه بوكت الليل ,
سمعت ياسمين ادندن بصوت ناصي مامفهوم باوعتلهه لكيتهه تبجي وتكول : هذوله العذبوني وهذوله المروموني
وثريه تجاوبهه وهي دموعه تنزل : اه وعلى جسر المسيب سيبوني
حطت ايدهه على وجهه وبجت بكل حركه وقوه , رجعت باوعت على الجامه وكلت بكلبي اليوم
لازم يعرف الانسان ان احلى شي يمر بي او يصير ويا ان يحس بندمه ويحس بخطائه معقوله
ياسمين وثريه تندمن اليوم على كل شي صار وياهن , اذا ترجع السالفه اليه فاني
متندمه انُ نخلقت وعشت ببيئه حيوانيه تفكر بجمالية الشرب والكبسله والقتل والخراب والدمار
وماتفكر ابد بجمالية الخالق بالمحيط مالتنه ,
ضلت السياره تمشي بينه طريق طويل ومتعب سئلت نفسي على صوت شهكات ياسمين وثريه
معقوله حياتي بالمستقبل راح تكون اطول واتعب من هذا الطريق لو راح تنفتح كل البوب بوجهي
واكون انسانه الي كياني الخاص واتخلص من كل هذا الاستغلال الي يصير بيه وبغيري ,
وكفت السياره بينه كدام بنايه جبيره باوعتله زين لكيته مركز الشرطه نزل الشرطي من السياره
وفتح الباب الي يمي رئسا مد ايده وجرني جر , نزلت بسرعه وورايه ثريه وياسمين كطعن البجي
وتقبلن الواقع مالتهن ,
اباوع للشرطي رفع الجهاز مالته وراح شويه من عدنه ماعرف شنو نادى بالسماعه واجه يمنه
سمعت صوت من وره درت وجهي لكيت زلم كومه من الشرطه طلعوا من وره الباب
تقرب علينه واحد مبين رتبه جبيره اول ماوصل كال : صدك جذب تالي الليل تجن على المراكز
من صخونه مال حصونه ماتستحن على نفسجن
رادت تحجي ياسمين رئسا صاح بيهه : شش لج بت الكلب
الكدامج ضابط استخبارات كلمه وحده ماسمع اذا هناك على الفراش يهزوج هز اني
هنا انتفج تنتف بت المنتف •
باوع على الشرطي الي بصفنه وصاح : من ياقطاع تحولو
جاوبه الي بصفنه : سيدي قطاع سته لوحدة الاستخبارات وقوات الامن الوطني
باوعله صفح وكاله : شنو بس نسوان ماكو مخانثيث منا منا
ضحك الي بصفنه وكله : لا سيدي شلون ماكو اكو وخطيه اكتشفه سيدي الضابط
جوعان وراح يعشوا عشه مرتب ويجيبو هنا •
اباوعله راح اتمشى على الشرطي حط ايده على جتفه وطبطب عليه علكيفه : عفيه عفيه بالابطال
بالزلم الحوك اريدكم هيج يابه
جاوبه ذاك : أبطال بوجودك سيدي
رجع باوعلنه وكال : شباب اخذو اخواتكم
للتوقيف وزيد زيد وينك ياولد
جاوبه هذا الي اسمه زيد : وياك وياك سيدي كول
كله : بويه لانروح ننساهم سجلهم على الوحده السادسه
صاح : حاضر حاضر سيدي
اجوي اربع ولد بيهم السمين والضعيف مشوربين كلهم وماعرف ليش نصهم صلعان ماعدهم شعر
وخزراتهم تخليني ابلع بريكي وارد ليوره شكلهم كلش يخوف مشينه لداخل المركز واحنه نتلفت
منا ومنا واني ساكته لان خايفه •
اجه هذا الولد زيد صاح الولد : يوسف يوسف دخلهم لغرفة المدير بس نسجلهن
جاوبه يوسف : صار صار
اخذنه يوسف للغرفه واحنه ميتات من الخوف اباوع لياسمين تبجي كلت بكلبي والله ياياسمين
مادري شكول الج ولا اعرف شنو اوصفج
دخلنه ليجوه صاح يوسف : وحده وره الثانيه توكف وبدون نفس واحد
بلعت ريكي ووكفت اول وحده وورايه
ياسمي و ثريه كلبي يدك من كمية الخوف والتوتر الي بيه
دخل رجال جبير مبين رتبه قويه كعد على الميز وصاح بصوته الخشن : اي بويه بناتي شنو
صايرات حنينات علينه ومسويات البيت دعاره وشرب وكبسله
ياسمين : احنه وجودنه هناك جان جبر علينه منو الي تقبل تكون بهيج مكان يهين الهه
صاح بعلو صوته : بنتي الملفات الي وصلت وراكم الي هي بأسمكم تحتوي على ادلة الجنايات
المختصه وتحقيق الكادر الامني تبين الملفات وجود مخدرات وبطالة عرك ومن غير المواد
المسلحه الله يخليج يامجبورات بابا هذا الحجي نكعي بطاسة مي وشربي مجبورات تهي بهي
باوعلي وكال انتي هيو اسمج يول فضيني
ردت اجاوبه بس ما اعرف ليش حسيت ان الغرفه تفتر وميز هذا الرجال يفتر فر كامل ووجع قوي
فضيع بمنطقة الرحم رئسا وكعت بالكاع اشوف بعيون مغوشه ياسمين فوك راسي تضرب بوجهي
وتصيح بأسمي مياده مياده . غمضت عيوني ورحت لعالم بعيد
مابي اي وجود من البشريه , صحيت على نفسي لكيت مره جبيره بالعمر تمسح بوجهي وملابسي
شبه نازعتهن وكطن وريحة ديتول ومنطقة الرحم احس بيهه وجع فضيع
رفعت راسي كتله واني خايفه : شنو اني اني وين خاله فدوه شنو وين ياسمين ثريه
جاوبتني وهي تحط ايدهه على وجهي تريد ترجعني على الجربايه انام كالت : اهدي اهدي
استهدي بالرحمان وكولي يالله انتي حاليا
بالمستشفى واني ام مراجعه هنا وياج بالغرفه شفتج تتحركين خطيه كلت اكيد تحلم
رجعت رفعت راسي كتلهه : خاله فدوه شسوي بالمستشفى اخ خاله خاله وجع وجع وجع
خاله اخ فدوه فدوه خاله وجع •
رئسا كامت مني وطلعت من الغرفه صاحت دكتوره دكتوره لحگي هاي البنيه مادري شبيهه
اباوع اكو شرطه واكفين بالباب بلعت ريكي يربي شنو اني وين شنو هذا الالم
اجتي الدكتوره ركض كالت : اهدي اهدي
هذا وجع الخياط •
صحت بيهه : دكتوره ياخياط يمعوده اني بالسجن وهذا الوجع شنو شنو ياسمين ثريه
وين •
كالت : ماما اهدي انتي اجيتينه من مركز الشرطه والشرطه هنا يمج بالباب واكفين انتي شنو
سالفتج ماتكليلي منو مغتصبج هيج ياحيوان
رجعت راسي ليوره وانهاريت بالبجي اجتي حضنتني وكالت : شش علكيفج علكيفج حبيبتي
يمج اني والقانون وياج علكيفج اهدي
جاوبته واني اشهك : ماعرف ماعرف عليمن ابجي على حضي لو على الدنيا الغبره الي دارت بيه
لو على الضيم الي شفته لو على
انتهاك شرفي ماعرف ماعرف •
المره الي جانت تمسح بوجهي كالت : خطيه يالله البنيه اضاهر شابعه ضيم وقهر اهدي يوم وداعتج
ربج مايعوف عبده بيج وماصحتي بأسمه لا تنسي ابد
الدكتوره باوعتله وكالت : عزيزتي ميصير توصلين لهذا السرير هذا مخصص لهاي السجينه رجاءا
رجعي لمكانج لا ابلغ عليج الشرطه الي بره تفضلي رجعي لمكانج
رئسا لزمت عبايتهه وراحت لباقي الغرفه وخرت اديه من وجهي فركت خشمي على السريع احس
بي حراراه قويه كتلهه : دكتوره فدوه اني كلشي مامفتهمه شلون اجيت هنا وشنو صارلي ومن
شوكت هنا اني وشلون اني جنت بالمركز مال الشرطه
كالت : ماما انتي اجيتي ويه الضابط يوسف واذكر اربعه من الشرطه
مغمي عليج ومنطقة الرحم عندج فايضه بالدم تكفلناج بعد ما عرفنه ان ُ انتي سجينه تابعه لمركز
الشرطه كشفت عليج دكتوره رباب وجزاهه الله الف الجزاء شافتج مغتصبه وصايره عندج
فتوحات اطلب الامر من عدنه الخياط بأسرع مايمكن والحمدلله امي احمدي ربج وشكري
انتي هسه مثل الورده
اجيتينه شبه ميته •
فركت خشمي وكتلهه : دكتوره فدوه شكد اني صارلي هنا وشنو وين راح اروح
كالت : ماما انتي سجلتي اسمج يمنه من ساعه عشره ونص وهسه ساعه ثنتين ونص
وشنو وين راح ترحين هسه بس تجيكج دكتوره رباب ترجعين للمركز
بس يا أمي ليش هيج انتي بعمر الورد معرضه نفسج للاغتصاب شلون سمحتيله يمد ايده عليج
معقوله ضحك عليج مثل ما اسمع من ذني البنات الي يجن للدكتوره
نزلن دموعي شجاوبهه شكلهه شسولفله كتلهه : الي مايعرف شي خلي يسكت دكتوره
بس فدوه وجع فضيع ماكاعده اكدر احرك رجلي براحتي
كالت : اي شي طبيعي هسه كايمه اصيح دكتوره رباب تشوف وضعج
بعدني اريد اعرف اي شي عن ياسمين وثريه وشنو صار بس ماكو مانطتني اي مجال رئسا
كامت مني وراحت طلعت , باوعت على الكطن كله دم لعنت روحي ولعنت روح حجي مطلك الف
لعنه ليش هيج اني ادمرت حياتي وخسرت كلشي بسبب منو ماعرف ماعرف
ضليت اصبر بروحي على الوجع مال الخياط كلش يوجع احس روحي هيج تنوكل اكل , انفتحت
الباب باوعت لكيت بنيه شويه سمينه اجتي عليه وكالت : وياج دكتوره رباب الحمدلله على سلامتج
همزين اليوم اني خفر جان رحتي بالرجلين
مياده : فدوه الج دكتوره بس الوجع وجع فضيع ماكاعده اتحمل
كالت : قابل بيدي ياعيوني شسويلج المثل شيكول
باوعتلهه واني اعقج حواجبي من الوجع :
شيكول
رباب : الي يسوك المطي يتحمل صخامه حسب الي سمعته من الشرطه انتي
سجلج كله خطوط حمر اتحملي الي جنيتي بأيديج
مياده : اني كاعده اكلج وجع عندي من واجبج كدكتوره تخلصيني من هذا البوجع مو تكعدين
تحاسبيني وتعاتبيني بت خال بت عم
كالت : ومنو كلج اني شريان علمود اهدء الوجع الي بيج سويتلج خياط عشرة ايام تجين وتفكي
راح اكتبلج كلشي بورقه خاصه وها رغم الي مسويته راح ازود ملفج الصحي بكافة الفحوصات
والاشعه مالتج •
هاي مساعده مني الج نظرا لحالتج ,
ابتسمت وكتلهه : دكتوره والله لا تحكمين عليه هيج بنظره وداعتج اني هم اتمنى اكبر وادرس
واصير دكتوره واعالج الناس مثلج بس يدكتوره غير الدنيا غبره ماترحم لا فقير ولاغني
شسوي قابل بيدي
كالت: على العموم الحمدلله على سلامتج اريدج ترجعين راسج على المخده وترخين كل جسمج
علكيفج وشويه فتحي رجليج بس شويه اذا تحسين بألم رجعي طبكيهن بسرعه
اباوعلهه حطت نظارات ولبست جفوف رئسا رجعت راسي على المخده ورخيت جسمي
وسويت الي كلتلي عليه
فتحت شويه من رجلي , اباوعلهه رفعت الجرجف شويه وزعت نظراتهه على الاماكن الي كلش
توجعني جابت عصارة دهن
ودهنت المنطقه كله سدت العصاره ورجعت الجرجف كالت : لتسدين رجلج خليهه بهذا
المستوى بين ما الجلد يمتص المرهم
شويه راح تمر عليج ايام صعبه حاليا من ناحية الوجع حاولي تتحملين لان شي طبيعي انتي
متعرضه لأغتصاب بطريقه اكثر من بشعه مال واحد ماشايف كدامه مره بحياته كلهه .
نزلت دمعتي
رئسا مدت ايدهه ومسحت الدمعه بطارف اصبعهه وكالت : اريدج قويه عيوني وراج محكمه وراج سوالف ولا تنسين ربج اذكري هواي ,
اباوعلهه بنظرات متروسه ضيم وقهر شنو اكول ماعرف , نزعت النظارات وكالت : تصبحين على خير نامي وارتاحي والي يصير
الصبح حياه الله
كتلهه : شكرا دكتوره
ابتسمت بوجهي دارت وجهه وراحت , اما اني حسيت نفسي لازم استسلم لان طفح الكيل بيه
عيوني خلاص ادمرن صارت ساعة الصفر لازم انام لان كل طاقتي خلصت
غمضت عيني رغم الوجع الي كاعد يصير بيه , ورحت بنومه عميقه كعدت على صوت بنيه
تصيح صياح وادغني بعوده من ايدي فتحت عيوني فركتهن حيل
لكيت بنيه لابسه ملابس مثل الشرطي الي شفتهم البارحه وحاطه البيريه عدل كالت : كومي كومي عاد كافي عرامة نسوان
دخلت دكتوره رباب وكالت : عيني حضرتج لو سمحتي
المريضه بعدهه بحاله حرجه والملفات كملن عند الضابط يوسف
كالت : تعاي اوكفي بمكاني ومارسي مهنة الامن بدالي وشعليه اني ,
باوعتلي وكالت : شوفي ماماتي ذني السوالف ودموع التماسيح مشيهن على مامي وبابي
اني مره لاليلي ليل ولا نهاري نهار اركض بمهنتي جني وحده ارمله كومي فضيني وراج مركز
تحقيق انتي والحبشكلات الي وياج •
مياده : بس وجع وجع اتوجع ولله شلون امشي
دكتوره رباب : هذا الي كاعده اوصله الهه وتره احنه شغلنه كله عذاب وضيم وقهر
جاوبتهه : شو انتي تراددين ماما الي كدامج برتبة ضابط من توكفين كدامي توكفين وعينج بالكاع
باوعتلي وكالت : تكومين لو استخدم وياج كافة القوى الامنيه
كمت على حيلي كعدت على الجربايه كتلهه : والله ماكدر امشي وجع قوي
باوعت لدكتوره رباب وكالت : جيبيلي عربانه بسرعه واي ملابس دبريلهه
صاحت دكتوره رباب : تره انتي بمستشفى مو باله وتردين ملابس حتى وان جنتي بمهنة الامن
احترمي الفئه الي دتحجين وياهه
كالت : مهنتج على عيني وعلى راسي بس انتي حاليا لازم تسايرين الامور علمود نمشي الوضع
لان الي كدامج على الجربايه من الممكن يأذوج ويأذون باقي المرضى طبقي كلامي بسرعه رجاءا
راحت دكتوره رباب بسرعه طلعت اباوعلهه جرت كرسي من الغرفه وكعدت كدامي كالت : جنت
بعمرج احلم واكول هم يجي يوم والبس هاي البدله واكون احد ضباط الدوله وادافع عن بلدي
بكل ما أملك من قوه ليش هيج عدمتي حياتج ويه مجرمين وقتله وويه مجموعات مسلحه
جاوبتهه : اني قصتي اذا اسولفهه تبجين وتبجي الحايط وياج
كالت:معقوله ماما الي صار وياج وصلج تشتركين بعملية التجاره بالمخدرات
كتلهه : اني عمري وحياتي مامديت ايدي على الحرام لو مالدنيا مشت بالمعكوس ويايه
كامت على حلهه وكالت : الله يساعدج ويطلعج من كل شر اذا جنتي حسب كلامج
مضلومه ومالج اي علاقه
ضلت تمشي بالغرفه تروح وتجي الى ان دخلن اربع ممرضات ودكتوره رباب تدفع بالكرسي
اجتي دكتوره رباب لبستني دشداشه كلهه ريحه ماعرف شنو اكول عليهه
جابت الكرسي و صعدني علكيفهن عليه واني اون بعلو صوتي من كمية الوجع الجبيره
طلعنه من الغرفه بسرعه وهاي الي جنهه رجال تمشي بصفي تدفع بالعربانه لكينه كومه شرطه بالباب
كلهم يمشون ويانه ويتلفتون منزله راسي واحاول اغطي بديه لأن بيا وجه اقابل
الي يمشون كدامي بيا وجه •
ومشت بيه الاجراءات القانونيه بأسرع مايمكن من رحنه للمحكمه علمود غرض التحقيق تكفل بيه
محامي وبعدين عرفت ان هو من طرف حنظل وحجي ناصح وهو راح يدافع عن قضيتي
اما ياسمين وثريه متكفل بيهن حجي ناصح وموكللهن محامي رجال جبير من دخلت للغرفه
على العربانه بده المحامي يسئل بيه عدة اسئله عن حياتي وعن ايامي ومنو اني وشلون
وصلت لهنا
كتله : تريد وجع راس لو لا
كال : اكيد اريد
بديت احجيله على كل دقيقه مرت عليه بالبجي والفرح ولو هو يافرح مر عليه ,
و بعد ماكملن كافة ملفاتي ومرفقاتي ويه ياسمين و ثريه بقه يوم واحد عن محكمتي بعد ماضلينه اسبوع كامل احنه بالتوقيف ,
مشى هذا اليوم حاله حال الباقي واجاني الصبح واحنه التلاثه كل وحده تفكر بهمهه وضيمه
وقهرهه اليوم هو يوم المحكمه شنو راح يكون مصيرهه وعقابهه بعد مامشت بكل مجابر الحياة
تحولنه على محكمة بغداد حسب اوامر المحكمه الي بالبصره ماعرف ليش اتخذو هيج اجراءات
تحفظا على العمليه الامنيه ماعرف اي شي
وكالعاده الطريق من البصره لبغداد طويل ومتعب واحنه بعد تعبنه كلش والوجع الي بيه بده يخف
شويه شويه ومنتظره عشرة ايام تمر عليه علمود ابلغ المحامي مالتي على قضيتي الصحيه
وصلنه بغداد بعد عناء طويل كلش وسيطرات وغيرهه وجانن هواي سجينات ويانه بالسياره
بس تمنيت تكون عندي طاقه واكعد اسمع وحده وحده واتعرف عليهن بس حرفيا تعبت كلش
مابيه صبر بعد
نزلنه من السياره وجانوا هواي شرطه كدامنه متحضرين النه توزعنه على عدة فرق امنيه
وكل الي افتهمته من الهوسه الي صارت ان محكمتنه احنه ساعه عشره
دخلنه المحكمه وكعدنه على المصطبات وويه وجود الشرطه والضابط يوسف
شويه ودخل المحامي مالتي ومال ياسمين وثريه ووراهم حنظل وحجي ناصح
ردت اكوم اروحلهم رئسا صاح واحد من الشرطه : بمكانج بمكانج اي حركه ماكو
راد يجينه حنظل بس الشرطه ماقبلوا سمحوا بس للمحامي فقط يحجي ويانه
اجه المحامي مالتي وكال : كل الاريده منج تكونين هادئه وشنو يجي من قرار الحكم حمدي
ربج وشكري لان المكان الي انلزمتي بي مو شويه
كاعد يكمل كلامه رئسا انفتحت الباب مال
المحكمه وصاح واحد من الشرطه : المتهمه مياده ثائر كاظم , ياسمين علاء خلف , ثريه عباس عبد
المحامي رئسا كال : يلا يلا كومي وتوكلي على الله وياج اني
كمت على حيلي وكلبي يدك حيل من وره الخوف والقلق والتوتر شنو راح يصير ماعرف اي شي
اباوع على ياسمين وثريه خايفات اكثر مني بس شنسوي بعد طاح الفاس بالراس
دخلنه للقاعه ووجهنه الشرطي على المصطبات الي مخصصه النه
باوعت للقاعه فارغه وبيهه صدى قوي باوعت للباب شفت المحاميين يردون يدخلون
بس الشرطه متقبل يكلولهم بعد مو هسه ادخلون
ضلينه كاعدات وحيدنه واحنه خايفات ياسمين
كالت : يمه كون تجين وتشوفين حال بتج شنو صار بيهه وشلون ادمرت
كاعده اجاوبهه جان يصيح الشرطي بأسماء المحامين ان يدخلون وبعدهه سمحوا بالدخول للمرافقين النه
دخل حنظل وحجي ناصح كعدوا ورانه التفتت الهم كال واحد من الموجودين عدم الالتفات
وعدم الكلام داخل القاعه الرجاء
ان الحفاظ على الهدوء •
نزلت راسي بالكاع واني افرك بأيديه لحظات قويه وصادمه تخلي الواحد لاراديا يشعر بالخوف
والقلق والتوتر
صار هدوء كلش رئسا هذا الي يم الباب صاح :
المتهم مطلك حسون ميثم
لاأراديا كلبي راد يطلع من مكانه حجي مطلك هنا وشيسوي ومو علساس بس احنه
اني والبنات وحده تباوع على الثانيه رئسا دخل من الباب نباوعله وجه متروم تورم من وره الكتل
ولحيته وشعره مزيني صفر اكرع كلش
كعد على المصطبه وواكف يم شرطي •
رئسا الي على الباب صاح : سيادة القاضي المحترم واعضاء الهيئه القضائيه
الشرطي الي يمنه كال اوكفوا القاضي اجه
كلنا الي بالقاعه وكفنه على حيلنه
دخل القاضي وويا اثنين يمشون بكل فخر وهم رافعين راسهم ليفوك وصل للكرسي مالته
وكال : تفضلو
رجعنه كعدنه
كمية الوجع والخوف ماعتقد اي واحد يكدر يحس بيهه
احس اكو لويه بطني وضهري احسه صار كله مي من وره العرك ومن وره الخوف الي لازمني لزوم
اباوعله شال جاكوج من خشب جان يمه ضرب بي الميز وصاح : بدأت الجلسه
المتهمه مياده ثائر كاظم وينج بابا
اشرلي الشرطي اوكف على حيلي
وكفت على حيلي وكتله : نعم اني
باوعلي ورجع باوع على الاوراق الي كدامه باوع عليهن وضل يكلب بيهن كال : يامواليد بابا
مياده : 1998
القاضي : ومكيفه ها بهيج عمر ومتواجده بأماكن مشبوهه ومنافيه للاخلاق العامه
بابا أنتي الي بكدج طالبات علم ومعرفه وثقافه وانتي اليوم متواجده هنا
نزلت دمعتي بسرعه لأن ماعرف شنو أكول وشيحجي حقه
كام المحامي وكال : سيدي ارجوا الاطلاع على كافة الملفات وكل المذكور والمرفقات تثبت ان هي
مجبوره واضافه الى ذلك الادله الطيبه تثبت وجود جريمة اغتصاب من قبل المتهم مطلك حسون
صاح بي القاضي : وانت منو شو كلبتنه حاصل فاصل
ضحك وجاوبه : سيدي المحامي زكي عطيه محامي آلانسه مياده ثائر كاظم
صاح بعلو صوته : مو تدلل يابه
نباوعله جر ورقه وكال : محامي زكي منفي من حضور الجلسه القضائيه وذلك لعدم احترام
ضوابط قاعة المحكمه
انطه الورقه للي بصفه واشرله بأيده معناهه طلعو بره ,
رئسا كام يصيح المحامي بالكوه طلعوا من القاعه النوبه القاضي صار عصبي واني الخوف صعد عندي
رجع باوعلي وكال : عندج شي تضيفي فوك كل المرفقات الي عدنه
مياده : لا سيدي بس شي قليل اني مضلومه واتمنى من القضاء العراقي ان يحكمني ويعاقبني
بكل عداله وبكل انصاف واريدك من تحكمني تعتبرني بنتك وصار وياهه المكتوب يمك بالاوراق
واختي منغوليه سيدي محلفتك بالله تلكاهه اليه
كال : من هذا الشارب ايام قليله و الامن يقضبون القاء القبض على الباقي
سكتت وكعدت رئسا رجع صاح
القاضي : المتهمه ثريه عباس عبد
كامت ثريه على حيلهه ونفس ماسويت اني لان حرفيا جان الخوف مركز علينه
اما من صاح ياسمين كامت وهزت القاعه هز وماهتمت للي راح يصيرلهه الي عدهه الاهم ان ادافع عن حقهه ووحقنه
ومن كثر صياحه العالي الي صار بالقاعه ضرب الميز بالجاكوج وكال : رفعت الجلسه
لعشرة دقائق ثم ننطق قرار الحكم
وكفنه على حيلنه الى ان طلع من القاعه هو والي ويا
رجعنه كعدنه واحنه بالكوه نتنفس صاحت ياسمين على حجي مطلك
الله يكرفك ويخلصنه من جحيمك ياكلب ابن كلب يا ابن الزنه دمرتونه وخربتونه
ماركزت بكلام ياسمين اجاني صوت من ورايه صاح : مياده مياده اني وياج
باوعت ليوره لكيت حنظل يبتسم ويسويلي علامة الانتصار
ابتسمت بوجهه لاراديا رغم الضيم والقهر •
مرت علينه عشر دقائق بلمح البصر ودخل القاضي رجعنه وكفنه الى ان كعد كعدنه ضرب الميز
بالجاكوج وكال : بدأت الجلسه
نظراً لكل الملفات المرفقه لدينا لكل من المتهمات الحاضرات مياده ثائر كاظم, وياسمين علاء خلف , وثريه عباس عبد
ونظراً لكل الادله القليله المتواجده لدينا التي تثبت ان مشاركة المتهمات بالجرائم التي فعلها المتهم مطلك حسون لم يشاركن بها ,
ونظراً للسلطه التي منحتها لنا السلطات العليا وبموجب القانون المعنون لدينا قررت المحكمه لكل من المتهمات مايلي
نستمع لقرار المحكمه وقوفاً
كلنه وكفنه على حيلنه واحنه خايفات حيل واني العرك يمشي بجسمي مشي
كال : قررت المحكمه لكل من المتهمات ياسمين علاء خلف , ثريه عباس عبد , مياده ثائر كاظم
بالحكم لمدة سبعة شهور •
و قررت المحكمه بشأن المتهم مطلك حسون بأقرار نطق الحكم بحقه في
الاسبوع القادم بتاريخ 21/7/2016
ضرب الميز بالجاكوج وكال : انتهت الجلسه •
خله وطلع ياسمين صاحت : مضلومات مضلومات ياناس معلينه ارحمونه
ثريه : مضلومات سيدي والله معلينه مجبورات
حطيت ايدي على وجهي وانهاريت بالبجي معقوله وصل بيه الحال للحبس بمدة سبعة أشهر
شلون شلون اني مياده ام الضحكه الحلوه واللعبه الحلوه هيج توصل بيه الدنيا
وخرت ايدي وشفت حجي مطلك يردون يطلعو رئسا صحت
الله لايوفقك الله يراويك جهنم وانت عايش حسبي الله حسبي الله ونعم الوكيل عليك
ياكلب يانكس الله يشوه حياتك نفس ماسويت بينه ياكلب
حنظل يصيح ويعيط بكل قوته وحجي ناصح يهدء بي تقربوا الشرطه من عدنه كلبجو ايدينه
واخذونه من القاعه مشينه بممرات المحكمه واحنه شبه ميتات
طلعنه من المحكمه وكبل بالسياره الي خلاص راح تودينه لسجن متكون من حيطان مليانه قصص
وكل قصه بيهه هم جبير بس معقوله اكو هم اكبر من قصتي مادري مادري
صعدنه بالسياره واحنه مابينه اي نفس بس الدموع تنزل على وجناتنه ونباوع للسمه
بلكت تنزل رحمة الله علينه ,
حركت السياره ومشت بينه للمهجوم •
ماعرف شكد مشينه من وكت بس جانت ساعات طويله وجان الطريق صحراوي اكثر شي
وكفت السياره اول مانزلنه منهه باوعت ليوره لكيت هواي سيارات ويانه مال شرطه
مشينه وره الضابط يوسف واني متفاجأه بالسالفه هذا ليش بكل مكان ووين ما اروح الكاه
كدامي الله يستر منه ,
اباوع للسجن كلش جبير وبي هواي مساحه فارغه
دخلنه وره الضابط ودخلنه گرفان التفتيش
وبعدهه دخلنه ليجوه تكفلتنه مفتشه سجلت
اسامينه واخذت كافة الاوراق الرسميه من ضابط يوسف واخذت توقيعنه ومشت بينه لغرفة السجن
ماجانت عباره عن حديد لا هاي المره غرفه جبيره وبيهه باب
فتحت الباب ودخلنه وحده وره الثانيه اباوع لعدد السجينات يعبرن العشره
كل وحده تصيح شكل : بالفرج انشالله
والثانيه : هلا والله حلت لمتنه
والثالثه : هلا عيوني هلا
ومشت ايامي هنا بين السجينات استلمت وجبة الريوك من منظمة السجن ام فاروق
وابد ماحسيت بنقص
حياة كلش حلوه بس ها مو كلشي نريده نحصله
مشه بيه الوكت اسبوع كامل اني بين السجينات
الى ان اجه هذا اليوم •
دخلت المفتشه وكالت : مياده ثائر وينج ماماتي
اجيتهه كالت : الج زياره ويه حنظل تردين لو لا
عقجت حواجبي وكلت بكلبي : حنظل شعده
كتلهه : اي اي اجي
كبل رحت لجربايتي اخذت شال من صديقتي ام أنس ورحت وره المفتشه سدت الباب ومشيت
وراهه طلعنه من قاعة السجينات وصلنه لغرفه كالت ادخلي خمس دقايق وبس
دخلت بسرعه لكيت حنظل كاعد ومتوتر عيونه بيهن سوالف
كام على حيله وكال : مياده شلونج كولي محتاجه شي
استغربت شفت حنظل مو طبيعي ابد
كتله :حنظل شنو صاير شو مو طبيعي شبيك
حنظل : مياده انتي تؤمنين بحكمة ربج مو
عقجت حواجبي وكتله : اكيد حنظل شنو هذا السؤال شصاير
كعد على الميز رحت وراه و كعدت كدامه بسرعه حط ايده على راسه وكال : مياده اختج للأسف
ضربت وجهي وكتله : شنو شنو
شبيهه أختي
يتبع .....
لاتنسوا التصويت والتعليق •
نلتقي بعد رمضان •
الحقيقه لم أستطيع نهاية الروايه وذلك لاحداثها الطويله المملوئه بالمغامرات والتشويق
لذلك نلتقي بعد شهر رمضان المبارك في احداث جديده ومشوقه
رمضان كريم للجميع وعساكم من عواده •
للمتابعه في الانستكرام: tahsin_luqman
خالص مودتي لكم
تحسين لقمان