تحميل رواية «فتاة العناق» PDF

ء

اسكريبت فتاة العناق

~العناق هو ان تأتي بعطر وترحل بعطرين~

_ايوه موقع فضفضة مع بيت للفضفضة ليه لاء .

لمعت عينيها بحماس وهي بتهمس لنفسها الكلمات دي

بدأت تشتغل على فكرتها وصل وقت الغدا خرجت من اوضتها وهي مبهورة بلي عملته قعدت قصاد اهلها

كملت اكلها فانتبهت لصوت باباها :

_لسه مش لاقية شغل يا اروى .

ابتسمت امها بتريقة :

_وهي من امتى بتنجح في حاجة يا حج .

ضغطت اروى على الشوكة لي بين ايديها بتحاول تمسك نفسها طول عمرها فاشلة فنظرهم

_انا جاتلي فكرة .

ركزو كلهم مع صوتها الهادي فشربت من كاسة المية لي قصادها وكملت :

_جاتلي فكرة انا هفتح موقع اسميه فضفضة ومحتاجة

المخزن لي تحت تدهوني هفتح محل

انتو عارفين اننا عايشين قصاد البحر وكل لي يجيلو بيبقى مخنوق ونفسو يتكلم احنا في مجتمع مليان عقد هخصص مكان للبنات ويجو يفضفضولي مقابل مبالغ رمزية ووحدة وحدة هطور المشروع والشباب

سكتت وكملت :

_هسمعلهم بس هنجح صدقني هما هيلاقو غريب يفضفضولو وانا هكسب فلوس .

فجأة ضحكات اخواتها عليت نزلت راسها بخنقة

_عن اذنكم .

قالتها بعياط وكانت هتمشي دخل اخوها الكبير فسكتو كلهم لانهم عارفين انه صعب واروى بالنسبالو ايه

مسك ايدها بحنية مد ايده بيمسح دموعها بالراحة وابتسملها :

_مالها بنتي مخنوقة .

شالت ايدها من بين كفوفه ومشيت لاوضتها بتبرطم ودموعها بدأت تنزل :

_غبية كنتي فاكرة هتنجحي طول عمرك فاشلة انتي خدتي على كده خلاص ماتتعشميش يقدروكي .

اتنهدت تطلع الغصة لي خانقاها ولبست عشان تخرج

قابلت اخوها الكبير هادي جمب بااب اوضتها ابتسمتله بهدوء وقالت:

_انا نازلة شوية للمكتبة لي جمبنا ممكن .

قرب منها وعدلها طرحتها بيقول بهدوء :

_تعالي انا رايح المعمل تحت تعالي نقعد جمب البحر شوية وقوليلي كنتي بتعيطي ليه الصبح .

رفعت عينيها لي بدأت تلمع بالدموع لفوق وهزت راسها بلاء وهي بتبتسم

_لاء ماتشغلش بالك يا هادي انا كويسة .

مسك كفها ونزل معاها لتحت وقف عند بياع غزل البنات وجابلها واحده واختار كرسي بعيد عن الناس شوية وقال بصوت واطي :

_ها مالك يا اروى وايه الفكرة لي اقترحتيها المرادي انا فظهرك

سندت على الكرسي وجاوبت بفتور وهي بتستلذ غزل البنات

_سيبك كده كده مش هنجح ما انا ف.

مقدرتش تكمل وخبت وشها بين ايديها بتعيط بحرقة كتمت جواها سنين من لما فشلت في الثانوية العامة

وهي متحملة تريقة اي حد من عيلتها سواء افراد اسرتها او في اي تجمع بص ليها هادي بأسف هو الوحيد لي عارف انها كانت بتتعالج عند دكتور نفسي بسبب فوبيا الفشل لي بقتلها عقدة .

هادي اتنهد وقرب منها مسكها من كتافها بيبص لعينيها جامد وقال بصوت ثابت :

_بطلي عياط يا اروى انتي عارفة انو اي حد حاول يقلل من قيمتك يا اما بيغير منك يا اما مش قادر يوصل للي انتي وصلتيلو او مقدرش يملك حاجة غالية عندك ده وقتك الفرصة جاتلك اعملي لي انتي عايزاه من غير ماتبصي الحد كملي فطريقك هيكون مليان شوك بس في الاخر هيصفى وتوصلي لمرادك طريق النجاح صعب محدش بيشوف جراحنا لي اتصبنا بيها عشان نحقق حلمنا كلهم بيشوفه الظاهر وبس انه ده نجح مش انتي لي بتستسلمي

فاهمة .

قال كلمته الاخيرة بزعيق رفعت نظرها ليه مهما عملت مش هتوفيه حقه دايما كان طوق نجاة ليها من غرقها فبحر الاستسلام .

مسحت دموعها وهو ابتسم برضا بعد مااتحولت نظرات الضعف لي فعينيها لاصرار وهمسلها

_ايوه هي دي اروى لي مربيها على ايدي .

بدأت تشرحله فكرتها فالاول حس بٱنها غريبة بس دعمها وقال :

_حطي رقمك فاخر الموقع لو حد محتاجلك هيتصل .

وكمل بحزن وهو بيبص للبحر وبيهرب بنظراته منها :

_في ناس كتير كان نفسها فلحظة ضعفها تلاقي لي يطبطب عليها وملقتش .

روحها عالبيت وهي جواها كتلة حماس وفتحت الموقع بعد ماتعذبت فيه وطلع زي ما هي عايزة بالضبط بعد ما هادي اتواصل مع خبير انترنت .

كانت قاعدة قصاد البحر في مخزن باباها لي اتعدل كله

وبقا راقي وعليه طرابيزات زرقة بلون السما وموسيقى هادية والشبابيك مفتوحة بصت لتلفونها بفرحة وهي بتستقبل اول مكالمة جالها صوت بنت بيرجف

_الو معايا موقع فضفضة .

حمحمت اروى وجاوبت بهدوء عشان تطمن البنت:

_ايوه حضرتك قوليلي نفسك في ايه.

البنت في الطرف التاني خدت نفس وفتحت الباب بعد ماقرت القواعد لي متعلقة بره بطريقة شيك .

وفصلت الخط وقالت وهي قصاد اروى :

_عايزة حضن .

وانفجرت بالعياط راحت اروى ناحيتها بتحاول تتحكم في دموعها بعد ماسمعت صوت البنت لي مليان وجع

فتاة العناق 2

ضمتها ليها بقوة وهي بتطبطب عليها محاولتش تسكتها او تقاطعها وتسألها مالك خلتها على راحتها بعدت البنت بحرج وقالت :

_انا اسفة كنت مخنوقة شكرا ليكي بجد انا كنت فاكرة انه مجرد بوست او ترويج وفكرة هبل بس ارتاحت .

قعدتها عالطرابيزة بعيدة شوية عن التانيين وقدمتلها شاي بالنعناع وورقة شكلها شييك وقلم وقالت :

_طب مالك فضفضيلي ايه لي يخلي بنت صغيرة في السن زيك ملامحها باهتة ومطفية بالشكل ده .

شافت البنت وهي بتضغط على المج وبتهرب بعينيها فحبت تغير الموضوع

_مش مهم تحكيلي المهم طلعي لي جواكي اتفضلي اكتبي كل لي بيوجعك واحرقيه وافضلي بصاله لغاية اما يتحرق كله مفيش حاجة تستاهل وجعك نفسك اهم من كل حاجة صحتك وراحة بالك وبس وانا موجودة فأي وقت .

قامت اروى وسابت البنت على راحتها رن تليفونها فردت جالها صوت حد بيتريق :

_انا هنتحر يا فتاة العناق تقدري تنقذيني ولا شغلك كلام وبس .بق عالفاضي .

سمعت صوت شب بس خالي من الحياة كان بارد لابعد حد

وبعد لحظات صوت حاجة بتوقع بلعت ريقها ووشها اصفر

وفلت التلفون من ايدها وفكرة واحده جاتلها

_انا فشلت .

فضلت تبص عالمكان بكره لفت راسها للبنت فلقتها مشييت قفلت كل حاجة وهي مش قادرة تشوف طريقها من كتر الدموع مكنتش عارفة تروح فين مشيت بتقل لغاية اما وصلت لباب البيت مدت ايدها لي بترجف لشنطتها مكنتش شايفة المفتاح بقا تنفسها سريع سندت عالحيطة وقعدت جمب الباب وهي بتدق بالراحة مابقاش عندها طاقة تحرك ايدها كان ابوها معدي سمع خبط خفيف عالباب مشي ناحية الباب واول مافتحه اتفاجأ بوش اروى لي بقا احمر راح ليها بسرعة بيسندها ودخلها لجوا بيسأل بقلق

_مالك يا بنتي حد عملك حاجة ايه لي حصل .

ماكنتش قادرة تجاوب حطت راسها على كتفه ولفت اديها

حواليه وغمضت عينيها وهمست:

_عايزة اوضتي وديني لاوضتي .

حاول يتحكم في اعصابه وخدها لغاية سريرها وحطها عليه وغطاها وطلع اول ما الباب اتقفل عليها غمضت عينيها وهي بتستسلم للنوم .

تحت البيت روح هادي بعد ما قفل المعمل عدا على

بيت الفضفضة بس كان مقفول حس بقلبه مقبوض هما متفقين يعدي عليها رجع للبيت بسرعه

_اروى انتي فين .

خرجت مامته من المطبخ بتنشف ايديها وجاوبت:

_روح شوف مالها من لما جت وهي قافلة على نفسها

ومش راضية تكلم حد ودخلت مش قادرة تصلب طولها ووالدك هو لي سندها لباب الاوضة عقل اختك وحاول تفهم منها ايه لي حصل انا قلبي مش مطمن .

سمع كلام والدته من هنا راح لاوضتها جري من هنا

دق الباب بالراحة عشان ماتتخضش وقال بصوت حاول يخليه هادي :

_اروى افتحي الباب وقوليلي مالك ايه لي حصل .

استنى ردها بس مفيش ضغط على ايده وقال بنفس الصوت :

_لو انتي مفتحتيش انا هضطر اكسر الباب .

استنى شوية وسمع اوكرة الباب وده معناه انها بتدور المفتاح رجع لورا وبدا الباب يتفتح رفع راسه ليها

_انا كويسة .

نطقت بصوت مبحوح وهي بترجع لسريرها وقعدت

دخل وقفل الباب وراه وقرب منها وقعد ع ركبه قصادها

هو مش فاهم حاجة بس بيعرف انه اخته مش بخير ابدا

عينيها الوارمه من العياط وشها البهتان انعزالها كل ده اكدله انها بتهرب من حاجة

_مالك يا اروى مش اتكلمنا امبارح وكل حاجة تمام .

رفعت راسها ليه وقالت :

_ليه .

عقد حواجبه بحيرة :

_ليه ايه .

بدا صوتها يعلى :

_ليه دايما بتديني امل وتطلعني لسابع سما وبعدها افشل

واوقع لتحت ليه بتعمل كده كل فشل حصلي كان بسبب

دعمك ليا على حاجات انا مش قدها ليه انت السبب في فشلي ايوه مش انا .

مسح على وشه بخنقة وجاوب بجمود:

_اما تعرفي ازاي بتتكلمي معايا هتعرفي تلاقيني فين.

سابها ومشي وهي بتبص لطيفه

يتبع......

فتاة العناق 3

قاطع سرحانها صوت فونها لي رن :

_حضرتك احنا مستشفى ***حد من قرايبك في المشفى قبل مايرمي نفسه وينتحر ده اخر رقم اتصل عليه ممكن تيجي وتشوفيه.

فضلت باصة للتليفون مترددة وطلعت تتسحب بالراحه من غير ما حد يعرف لغاية اما وصلت للمشفى وراحت للمرضة لي فريسبشن:

_جالي اتصال من عندكم ممكن رقم اوضة الشب لي جه بعد تجربة انتحار .

دورت في الكمبيوتر وقالت :

_هو في الاوضة رقم ١٢ في دور لي فوق .

راحت بتردد لغاية اما وصلت للاوضة وفتحت الباب :

_ايه لي انا بعمله ده .

همستها لنفسها وهي بتقرب ناحيته دققض١ت في ملامحه

وشه كان مليان جروح وايده مكسورة بصت للساعة

بفزع وهو بدأ يفتح عينيه فضلت متخشبة فمكانها

ومنزلة راسها لايديها لي فحجرها

_انتي مين .

صوته البارد خلاها تخاف وجاوبت بلجلجه:

_انا انا .

_ هتفضلي تهتهتي ماتخلصي .

صوت زعيقه بيوترها اكتر

_معرفش .

بصلها بعصبية وعلا صوته اكتر :

_احنا هنهزر ولا ايه جاية تفقدي الذاكرة عندي لحظة لحظة.

رجعت لورا بالكرسي لما بدأ يقوم قرب منها ومن غير تفكير حط ايده على رقبتها وكان شكله بيخوف وهو بيصرخ :

_انتي لي انقذتيني صح انطقي عملتي كده ليه بتحشري نفسك في حاجات ملكيش فيها ليه انقذتيني ليه

جسمها بدا يترعش كانت خايفة جدا اول مرة حد بيعاملها كده حاولت تبعد ايده عنها وهي بتترجاه يسيبها لغاية اما نجحت بدات تكح جا وتحاول تاخد نفس وهربت من قدامه فضل متصلب مكانه

بيبص لايديه قبل لحظات كان هيقتل بجد يعني هيدخل السجن من تاني دخلت الممرضة مرحبا

_مين لي كانت برا دي .

جاوبته :

_تليفونها كان اخر رقم اتصلت عليه فطلبو منها تيجي .؟

غمض عينيه بندم ونظرة الرجاء لي جوا عيونها مع الخوف ورعشة جسمها جت في باله .

فضلت تجري وبتبص وراها وصلت لبيتها ودخلت من الجنينة وفضلت متخبية هناك ودخلت بتتسحب واول ماجت تفتح اوضتها حست بحد بيحط ايده على كتفها

رواية فتاة العناق الفصل الرابع قلم شيماء

اسكريبت فتاة العناق 4

بصت وراها وقلبها بيدق شافت والدتها وعينيها لي بطلع شرار وهمست بعصبية :

_كنتي فين انطقي انتي هتشليني

بلعت ريقها ودخلت وقفلت اوضتها من غير ماترد وغيرت لبسها وطلعتلها قعدت قصادها عالكنبة اتنهدت ورفعت راسها تبص لوالدتها :

_انا ولا مرة كدبت عليكي فهحكيلك .

حكتلها لي حصل وهي خايفه من رد فعل مامتها لي بدأت تقرب منها رجعت لورا خايفة اتفاجأت بوالدتها حضنتها وطبطبت على ظهرها

يمكن دي اول مرة من لما كبرت والدتها تحضنها حست نفسها عايزة تعيط مسحت على شعرها وابتسمت :

_خليكي دايما قوية انتي ناجحة بس اختاري الطريق الصح .

_ماما .

قالتها بخنقة وهي بتكبح دموعها بصت عليها مامتها

_انتي ليه بتعامليني كده .

قعدت مامتها قصادها بتتنهد واروى كملت :

_ليه ولا مرة سمعتيني ولا مرة نصحتيني دايما بتشوفيني فاشلة مانفعش لحاجة .

لمعت عينيها وماادتلهاش فرصة تتكلم :

_انا هنجح هثبتلكم اني ليا نفع في الكون ده وهتشوفه.

وقامت سايباها فضلت الليل كله بتفكر وتخطط هتحسن مشروعها ازاي لغاية اما استسلمت للنوم .

خرج من المستشفى بعد محاولات الدكاترة في انه يفضل لبكرا فضل يدور في الشوارع بيحاول يلاقي مكان يروحله

لمعت في راسه فكرة فضل ماشي ماشي بص للورشة وقرأ اعلان بأنهم محتاجين حارس كمل مشي لغاية اما وصل خد نفس وسحب كرسي لقاه برة وقعد واول ماحط راسه النوم غلبه .

صحيت الصبح بنشاط مش طبيعي وخرجت لقت الكل بيفطر دورت بعينيها وشافت هادي لي مادهاش اي اهتمام

قعدت فطرت حاولت تتكلم معاه:

_هادي انا نازلة للمحل ممكن توصلني .

_انا هتأخر انهاردة في الورشة ياماما ماتستنونيش ع الغدا مع السلامة.

نزل من غير ما يرد عليها حتى بصت لاخوانها وابوها لي قال بنزق :

_ده لي فالحة فيه تزعلي لي حواليكي وبس .

بصتله بنظرة مكنش قادر يفسرها وقامت طلعت

وقفت قدام البحر تاخد نفسها لازم تكون قوية عشان تسند لي محتاجينها فاقت على صوت مسدج تيليفونها وقرأت

"انا وصلت للمحل بتاعتكم بس هو مقفول "

خدت نفس ومشيت بتردد لغاية اما وصلت لقتها نفس البنت بتاع المرة لي فاتت مشيت ناحيتها وطبطبت على ظهرها وقالت :

_حقك عليا اتأخرت الا اسمك ايه

فركت البنت ايديها جامد وجاوبت

_ولا يهمك ممكن ندخل جوا قمر اسمي قمر

مشيت واول ماوصلت لقت هادي قاعد برا مع حد مديها ظهره قربت منهم و اول ماظهر وشه اتجمدت مكانها شدت على ايد البنت من غير ماتحس ولمس رقبتها لي لسه ايديه معلمه عليها مشيت ناحيتهم وقالت :

_ده اخويا لي عاليمين بس مين التاني .

همست البنت بينها وبين نفسها

"لقيتها "

_خير يا هادي في حاجة .

مردش عليها مد ايده وسلم على لي كان واقف قدامه بابتسامه :

_فرصة سعيدة زي ما اتفقنا تيجي بكرا وتستلم شغلك .

بصت لاخوها بحزن وفتحت الباب من غير ماتديه اهتمام دخلت البنت وقعدت قصادها قالت البنت بحرج :

_ممكن اتعبك وتجيبيلي مشروب النعناع بتاع المرة لي فاتت.

ابتسمتلها وهي كلها فضول نعرف قصتها تعرف سر الحزن لي جوا عينيها :

_اتفضلي ياستي .

_هو انا ممكن اتكلم معاكي شوية .

ضربت عالطاولة بايديها وهي بتزعق لما سمعت صوته :

_انت لسه مزروع هنا عايز ايه .

كانت بتتنفس بانفعال هي مدايقة من الصبح حاس بضغط جامد وهطلعه عليه رفع حاجبه منزعج من طريقتها وقال وهو بيرفع العقد بتاع المحل قصادها :

_عايز حضن .

نعم !

نطقتها اروى والنبت لي معاها بنفس الوقت

وهي ضرب الطاولة بعصبية :

_واضح انك اعمى خدمة الحضن للبنات وبس .

قلب العقد بين ايديه وقال بتريقة:

_وفايدتها ايه انك تسمعيني وبس هستفاد ايه انتي وحده نصابة عايزة تلهفي فلوس الناس وعاملة نفسك الدكتورة النفسية لي مافيش منها اتنين .

طلع بيديها ظهره :

_مش عايز من وشك حاجة اصلا .

مشي وهي بتبص عليه بغضب مدت ايدها وشربت الميه دفعه وحدة خدت نفس

_هو انا ممكن اطلب منك حاجة .

انتبهت اروى على صوت البنت قعدت تاني طبطبت على ل بحنية وجاوبت:

_اسفة انفعلت شوية اه اكيد .

ضغطت البنت على شفايفها وهي بتهرب بعينيها

_ممكن تخلي اخوكي يتجوزني انتي كاتبة فالعقد هتعملي لي تقدري عليه وتحلي مشاكلنا.

بعد ما طلع من عندها هو كان عايز يعتذرلها بس اول مايشوفها عفاريت الدنيا بتتنطط في وشه.

_واضح انو هنتقابل كتير .

_بردو لسه مكملتيش دراستك يا زهرة لامته هتهربي مني

قالها هادي بتريقة وهو بيبص لحبيبته موجوع منها اوي

بقالها فترة بتهرب منه وتتحجج بأي حاجه لما يطلب يكلم باباها عشان يتقدم .

بصت ليه بهدوء :

_من الاخر كده يا هادي انا مش هينفع اكمل معاك وفي ناس جاية تخطبني بكره لانو بابا مش موافق عليك انت مش هتقدر تجهز لي بيطلبوه وانا من زمان ضد فكرة اني اعيش مع اهلك ولغاية اما تجهز نفسك انا هكون عجزت

ضحك بصوت عالي ومكنش قادر يسيطر على نفسه قالت له بضيق :

_قلت نكته فايق تتريق حضرتك .

رفع ايديه وهو لسه بيضحك:

_لاء حقك اكيد الواد سيف دلول مامته هيجهزلك كل لي نفسك فيه .

ضرب الطاولة بايده بعنف وهو بيقول بعصبية:

_انتي فاكراني نايمة على وداني مانا فاتح كل حساباتك عندي قريت وشوفت كل حاجه حتى اهاناتك ليا واني واد منتف وفقير ومقابلاتك ليه من ورايا انتي لي ماتنفعينيش يا زهرة سلام .

سابها ومشي وهو فقمة عصبيته عند اروى اتصدمت بقمر اول ما شافت ملامحها :

_مفيش فايدة صح .

هزت قمر راسها بلا قعدو عالكافيه بيفكروا وفجأة اروى

نطقت :

_هو ليه احنا شايفين انه خلاصنا في الجواز ؟

بصت ليها قمر بحيرة وجاوبت بتوتر :

_لو مااتجوزتش هخرج ازاي من البيت لي انا كرهاه ده

هكمل حياتي ازاي وانا لا شغل ولا ليا دخل اعيش منه

و

طبطبت اروى عليها بابتسامة وهي تقول بتأكيد:

_احنا غلطنا ورخصنا نفسنا انتي طلبتي الجواز من اخويا وانا كمان طلبت من صاحبه مش عارفة عقلي كان فين

بس كل لي كنت عايزاه اني اخلص من العيشة لي انا عايشاها بس انا لما فكرت فهمت اني عايشة احسن من بنات كتير عندي نعمه محمدتش ربي عليها .

_وانا

قالتها قمر بخنقة وهي بتحاول تسيطر على رغبتها في العياط وقالت بخوف :

_هو انا اقدر ابات عندك انهاردة .

اتكسفت منها اروى ومعرفتش تجاوبها بإيه مسحت قمر دموعها وهي بتقوم :

_اسفة لو تقلت عليكي بس هطلب منك اخر طلب اتصلي بيا المسا لو ماردتش عليكي اتصلي بالبوليس .

مشيت وسابها وكل وحدة فيهم راحت لهمها

_ياريت كنت اقدر اساعدك يا قمر .

رجعت البيت وهي مقررة غيرت هدومها وقالت بصوت عالي من اوضتها

_ماما ماتتعبيش نفسك انهاردة انا هعمل العشا .

سمعت ضحك اخوها واختها الصغيرين وقال :

_هاكل ديليفري من دلوقتي مش مستغني عن روحي.

مااهتمتش وراحت ناحية المطبخ هي ولا مرة بحياتها دخلت المطبخ تعمل اكل فضلت تحاول بصت على الصينية لي قربت تحترق بس لحقتها جه الميعاد وجهزت

الطاولة قعدت تستنا ردة فعلهم بحماس بص ليها باباها بانفعال وهو بيتف من بقه :

_حتا الاكل مش فالحه فيه يا فاشلة .

طبطبت مامتها عليه وهي لاوية بوزها :

_مانا كنت عاملة حسابي بردو ومجهزة قلت جايز تنجح وتخالف توقعاتي .

رايحه فين بكره تفضيلي لمحل مش فايق لتفاهاتك محتاجه ضروري .

_حاضر .

همست بيها وقامت بهدوء لبست هدومها ونزلت ومحدش خد باله منها

وصلت المحل وفجأة بدأت تكسر في كل حاجه وتصرخ

_مفيش فايدة خلاص هفضل كده

ماسابتش اي حاجه سليمة كانت بتتنفس بانفعال لغاية اما حست بحد حضنها من ورا وبيهمس:

_اهدي اهدي

في بيت قمر لي اول مرة نشوفه كانت بتنضف البيت وهي بتعيط من الوجع لي فجسمها رمت قزايز الب*يرة بقرف

سمعت صوت الباب اتفتح واستغربت بصت للساعه ده مش وقت رجوعه

_انت بتعمل ايه هنا .

قالتها برعب وهي بترجع لورا قرب منها بيبتسم بخبث:

_الصراحه يا حلوة اخوكي كان عليه ايجار متراكم فدفع بطريقة تانية

فضلت ترجع لورا وتقول برجفه :

_لاء عز ماتوصلش بيه لدرجة دي مستحيل .

_بصراحه كده اخوكي اتسجن بسبب المخدر*ات وانا قلتله هخلي بالي منك هنقضي الوقت كله في الرغي ولا ايه

شافت سك**ن وراها فمدت ايدها من غير ماياخد باله ونطقت :

_انت اتجننت هصرخ والم الناس ع

سكتت مرة وحدة وهي بتفتكر كلام اخوها

"كويس انو الابواب عازلة عشان السهرة تحلو اكثر "

قلبها ضرباته بتزيد وهي بتفكر في المصيبة لي هي فيها

ء

فتاة العناق 7

حاولت تبعد لغاية اما اتخبطت في سيراميك المطبخ بصت وراها وهي بتحاول تسيطر على اعصابها لي سابت مش وقت انهيار ابدا وقالت بهدوء :

_مستعجل على ايه يا محمد انا حتى كنت بعمل قهوة و دايما عز كان بيقولي اني بعمل قهوة حلوة وبتعدل المزاج

تحب اعملك معايا .؟

رمى جسمه عالكرسي وهو عاجبه الوضع وجاوب:

_الله ماانتي عارفة اسمي اهو ده انا احب واحب كمان واهو القهوة هتخليني مصحصح

ورانا ليلة طويلة .

اتجاهلت تلميحاته وحاولت تفكر وهي بتعمل القهوة بكل بطئ وفجأة قالت برقة:

_علبة السكر عز سابها عالطاولة بره ممكن لو مش هتعبك تساعدني وتجبهالي.

قرب منها وهمس ليها وهي بتحاول تتحكم في نفسها ومتغرسش السك**ين في نص قلبه

_اوي اوي بس متتأخريش عليا صبري بدأ ينفذ الحقيني

اتنهدت براحه واول ما طلع بعتت مسدج وشالت علبة المن*وم بتاع مامتها زمان وحطت نصها في القهوة وفضلت تقلب مسكت الصينية وايديها بتترعش لقته فارد جسمه عالكنبة خدت نفس وقعدت قدامه وقالت :

_تعرف يا محمد انا زمان كنت معجبة بيك بس لاسف

اعجابي اختفى اول ماعز عرف وعصب جامد.

مااهتمش لكلامها بدأت ايدها ترجف وهي بتشرب من قهوتها لغاية اما هو كملها وقال :

_اول مرة اشرب قهوة لذيذة بالشكل ده واضح انو ايدين صاحبة القهوة عسل كمان مسك ايدها فجأة وهي سحبتها بخوف واتنفضت من مكانها صوت ضحكاته علي وهو بيقرب

_خليك مكانك والا هق

لقته وقف قدامها فجأة ومسك ايديها لي بتشاور بالسك*ين وهي عمال بتترعش وثبتهم :

_انتي نملة ماتقدريش تقتلي يا قمرايه .

كانت بتحاول تكسب تكبر وقت زقته فمسكها من وسطها

ورفعها وهي خلاص انهارت وبتحاول تقاوم على اد ماتقدر

_ابعد عني يا حيو**ان.

رماها عالارض وهي بترجع لورا حاولت تهرب سحبها من رجلها اتجمدت مكانها هي دايما كده لما توصل لاعلى درجة من الخوف بتجمد اطرافها وماتقدرش تتحرك من مكانها حست بيه شق التيشيرت بتاعها وهي بتحاول تتحرك تدافع حررت ايدها وادته قلم قوي خلا وشه يدور الناحية التانية اترعبت من شكله وعينيه لي احمره فجاة

نزل فيها ض**رب وبقا كل جسمها جايب د**م وهي بتحاول تحمي نفسها حست بيه بيدفن وشه فرقبتها كل حركة منه بتخنقها

_ابعد عني ابعد.

قال وهو بيتطاوح :

_ده انا هقرب واقرب واقرب .

فجأة وقع عليها زقته بقرف وهي بتبكي بحرقة وهربت تجري وبتبص وراها كل مرة

عند اروى حركتها اتشلت اول ماحست بحد حاضنها مسكت فيه وعيطت بحرقة وهي بتفكر من لما كبرت محدش خدها فحضنه

_مكنتش عارف اني حضني حلو ومريح كده .

ماكنتش سامعاه مسكت فيه جامد وهي بتخبي وشها فيه

وعياطها بيزيد

_اهدي يا بنتي في ايه كل ده عشان ماوافقتش اتجوزتك مانا فكرت بيني وبين نفسي وقلت وافق يا واد يا هيثم

رفعت راسها ليه ومكنتش شايفاه بسبب دموعها بعدت عنه

وهي بتمسح دموعها

_انسى الهبل لي قلتهولك امبارح مكنتش في وعيي و دلوقتي كمان مش في وعيي

غمزها مبتسم وهو بيسأل بوشوشة:

_بيني وبينك نوع الصنف ايه .

نطقت بانفعال وهي بتزعق :

_يا قليل الادب انت.

حط ايديه في جيبه وهو مبتسم ابتسامه عريضة

_الا قوليلي ايه سر الحضن معانا احنا الاتنين

رفع صباعه بيكمل

_انتي بخيلة على فكرة لما انا كنت محتاجه انتي رفضتي تديهوني وانا منحتك حضن فأكثر وقت محتاجاه

_ماتستفزنيش يا شئ انت

سكتت فجأة وبصت للمحل بحزن خربت حلمها باديها

جلست على اقرب كرسي وفضلت تلعب بالفون بايدها وبعدين شغلته و اول ماقرت الرسالة

"الحقيني يا اروى هيدبحني"

اتنفضت من مكانها :

_ازاي نسيتها طلبت مني ارن عليها .

حاولت تتصل بس مفيش حد بيرد قرب منها وهو بيشوف وشها لي بقا اصفر فجأة وقال بقلق:

_في حاجه .

رفعت عينيها ليه وهي بتحاول تمسك دموعها :

_صحبتي هتموت .

نطقت بالجملة دي وجريت

_طب استني اوصلك طيب .

وهمس لنفسه :

_ايه البنت الغريبة دي.

وفي الطريق كانت قمر وصلت لبيت اروى وبدأت تخبط الباب جامد وهي بتزعق ودموعها عمال تجري وبتبص وراها بخوف

‏_افتحيلي يا اروى ابوس ايدك هيدبحني افتحيلي.

‏مكنتش حاسة على نفسها ولا جسمها لي بيجيب دم

‏اتفتح الباب وهي ماصدقت دخلت البيت فجأة وهي بتترعش وعينيها بتهرب في المكان من نظرات لي بيبصولها

‏_اروى فين خلوها تخبيني هيدمرني هي وعدتني تحميني

‏اتخبت ورا هادي لي انصدم من فعلتها وحس بايديها بيشدو على الجاكت بتاعه وراسها لي عمال تغرسه فظهره

‏وهي بتهمس:

‏_احموني منهم .

‏اتحرج من نظرات اهلوا وحاول يبعدها عنو ووقعت هي مغمى عليها بين ايديه .

‏دخلت اروى بتنهج واول ماشافتها كده صرخت مرة وحده

‏_قمممممر .

‏

ء

فتاة العناق المشهد 8

_انت مبحلق كده ليه البنت هتموت .

فاق هادي من سرحانه على صوت اروى العالي فحملها بسرعه فأروى قالت بلهفه:

_خلينا نوديها المستشفى بسرعه ارجوك .

لكن وقفه ابوه وهو بيزعق :

_انت رايح فين مستشفى ايه لي توديها انتي اتجننتي هيفتحوا تحقيق وجايز يتهموا اخوكي .

وقف هادي قدام والده وهو بيجاوب بهدوء :

_ماتقلقش هي اول ماتفوق هتحكيلهم الحقيقة .

بعد فترة وصلوا المستشفى واستلموها الممرضات قعدت

اروى على اقرب كرسي وهي بتعيط ومخبية وشها بين ايديها قعد هادي قدامها بيسأل :

_بتعرفي البنت دي منين و ايه لي عمل فيها كده .

شال ايديها من على وشها بحنية وقال بهدوء وهو بيحاوطها :

_كفاية عياط يا اروى صحبتك هتبقى كويسة صدقيني.

فضل يمسح على ظهرها بالراحة عدت ساعة محدش طلع

شافت باباها جاي ناحيتها فمسكت في هادي

_هي البنت لسه ماطلعتش ادي اخرة معارفك بتعرفي الاشكال دي منين .

مردتش عليه ووقفت بسرعة اول ما الباب اتفتح

_طمنا يا دكتور .

_البنت في رضوض في جسمها نتيجه تعرضها لضرب عنيف ده غير اثار عنف وضرب قديمه بس باين كمان انها اتعرضت لمحاولة اعتداء احنا عملنا لي علينا وهنستنا تفوق وعلى اساس كلامها هنعمل بلاغ بأكد عليكم البنت محتاجه رعاية عشان نفسيتها الفترة دي هتكون تعبانه بلاش ضغط.

مشي الدكتور واروى دخلت جري عالاوضة قعدت قدامها

وهي بتبص على حالتها مدت ايدها مسحت دمعه نزلت من قمر مشت ناحية هادي هي بتمسح دموعها وبتستند عليه:

_عليها اثار حزام على دراعها انا السبب هي استنجدت بيا وانا رفضت خوفت من بابا و

حضنها هادي وهو بيطبطب عليها :

_كفاية يا اروى ماتلوميش نفسك و تعالي فهميني حوار البنت دي

حكتله لي تعرفه عن قمر قطعت كلامهم همهمات وقفت قدامها مكنتش لسه فاقت

_غطوني بردانه غطوني .

مرت ربع ساعه وهي لسه بتقول نفس الجملة

_كده مش هينفع عمال نغطي فيها وهي لسه بتقول بردانه مع انه حرارتها عالية جدا.

مسك هادي اروى من كتافها وقعدها عالكرسي مسح وشه بتعب :

_يا اروى اهدي مش كده ده طبيعي فحالتها هي بس خايفه عشان كده بس اهدي.

مر اكتر من يومين طلعت فيهم قمر بس حالها مكنش احسن حال دخلت ليها اروى الاوضة :

_ايه رأيك ننزل البحر انهاردة الجو حلو جدا ومريح .

كعادتها مردتش فضلت سرحانه وبس بتجاوب على قد السؤال ووقتها كله تقضيه نايمة اتنهدت بحزن وطلعت

قابلتها مامتها بتقول :

_هي صحبتك هتفضل هنا لحد امتى انا حايشة ابوكي بالعافية بيقول مينفعش واخوكي شب معانا ميصحش كده الناس هتتكلم

_كتب كتابي عليها بكرا ارتاحوا بقى .

قالها هادي لي كان طالع من اوضته وخارج برا

فضل يلف في الشوارع لغاية اما الوقت اتأخر بيفكر في قراره هو محتاج العلاقة دي اكتر منها عشان ينسى زهرة

وبعدها رجع البيت لقاهم على طاولة العشا الا هي مبتطلعش من الاوضه قعد ياكل فوالدته سألت:

_انت جد لي بتقوله ده ولا مجرد كلام .

شرب كاسه المية لي قدامه وهو بياكل بهدوء:

_انا عارف انا بعمل ايه كويس شوفوا انتوا رأي البنت الاول.

مرت عليهم ايام هادية طلبت فيهم مهلة تفكر كويس

عند اروى كانت تتمشى في الشارع بتفكر اهي قمر هتستقر وهي امتى حالها هيتعدل اتنهدت بخنقه وفجأة لقته في وشها وبعصبية زعقت :

_هو انت هتفضل ناططلي فكل حته كده .

_ايه رأيك نخلي فرحنا واحد انا واخوكي .

فركت ايديها بتوتر بتهمس:

_وانا مالي ماتتجوز او تتنيل ابعد عني .

حط ايديه في جيبه وهو بيمشي معاها :

_امم واضح انو اخوكي نسي يبلغك اني اتقدمت من يومين وهو قال هيفاتحك بالموضوع .

لسه مااستوعبتش لقته اختفى من قدامها رجعت اوضتها

بدور بتوتر تتكلم مع نفسها :

"انا اتجوز الكائن ده لا لا لا عقلي كان فين بس يوم ما طلبت اتجوزه اهو ماصدق يستغل الفرص .

في البلكونه كانت قمر قاعدة ومتغطية بتبص لسما بشروود ومحستش بلي قعد قصادها فضل يتأملها بهدوء

لغاية اما قطع سرحانها

_عايز اسمع ردك .

عقدت حواجبها بحيرة وبعدين جاوبت :

_ردي باين كده كده مليش مكان اروحله فالاحسن اوافق

معنديش حرية الاختيار صعبت عليك صح قول ماتتكسفش ما انا طلبت منك قبل كده وانت فكرتني مجنونة ايه لي غير رأيك

طريقه كلامها السريعه انفعالها دموعها وضحله انها لسه تعبانه فسابها من غير مايجاوب .!

ء

فتاة العناق 9 الجزء الاول :

مر الوقت بسرعه كانت واقفه بتضغط على فستان فرحها وعينيها بتزيغ في المكان خدت نفس اول ما سمعت الباب

اتقفل زادت من شدتها على الفستان وهي بتسمع في صوت خطواته لغاية اما وقف قصادها حطت ايدها على قلبها لي حسته هيخرج من مكانه من كتر الخوف

قدرت اخيرا تحرك راسها وبصت ليه لقته اتجاوزها ورمى نفسه عالسرير وغمض عينيه اتفزعت من صوته

_هتفضلي واقفه عندك كتير؟

بلعت ريقها وحركت راسها وراحت ناحية الحمام وهو متابعها من غير ماتاخد بالها طلعت تاني وراحت فتحت

حقيبة هدومها وهمست لنفسها :

_الله يحرقك يا اروى هي دي هدوم اصلا.

اختار واحد من غير تفكير وخدت شاور وهي بتفكر ياترى حياتها هتكون ازاي معاه

عند هادي حمل تليفونه وفضل يقلب فيه وفجأة ملامحه

اتقلبت وهو بيشوف صفحة زهرة وانه هي كمان انهاردة فرحها وقد ايه مبسوطة ضغط على ايده جامد بيحاول يهدى لانو عارف نفسه لو عصب مش هيشوف قدامه

كل لحظة معاها كان بيفتكرها وده خلاه يعصب اكتر

وقفت قصاده وهي بتحاول تشد الروب لتحت وبتفرك في ايديها مستنية يقول حاحة انتفضت اول مازعق :

_ايه ده .

رجعت لورا وهي بتشوف عينيه لي كانت بلون الدم وعروق رقبته بدأت ترجع لورا وهي بتهمس :

_معرفش .

حست بإيده لي مسكت دراعها جامد بتضغط عليه بيهز فيها :

_ايه المسخرة لي انتي لابساها دي فاكرة نفسك عروس بجد .

غمضت عينيها وهي بتحاول تهدا وبعدت ايده بصعوبة

وجاوبت بهدوء:

_انا معرفش حاجة اختك جهزت كل حاجة مفيش هدوم اصلا وانا معرفش طبيعه علاقتنا هتكون ازاي فمعرفش حاجة .

خد نفس ومسح على وشه وهو بيرمي تيليفونه بعصبية

وبيدور حوالين نفسه دلوقتي خافت منه بجد كان بيكلم نفسه بعصبية بيشد فشعره بغضب مقدرتش تتكلم فتعصبه اكتر فجأة وقف قدامها وقال بجمود :

_يلا خلينا نخلص من ام الليلة دي .

حضنت نفسها ورجعت لورا وهزت راسها وجاوبت بصوت يرجف :

_لاء مش دلوقتي انا مش مستعده و معرفكش و.

هز راسها من غير مايبصلها وسابها من غير مايسمعها وراح خد شاور وطلع رما نفسه عالسرير

_اخلصي فيومك ده وشوفي اذا هتتخمدي اطفي نور عايز انام .

اختارت ابعد طرف فالسرير ونامت عليه وهي بتبصله

غمضت عينيها وسمحت لدموعها تنزل اخيرا بصمت

هي خايفه لاء مرعوبة ضمت نفسها وعينيها مثبتين عليه

نزلت اروى الصبح تتمشى وبتفكر في قمر ياترى عاملة ايه

مع هادي هي عارفة اخوها عصبي وملوش فالكلام الحلو

ومابيعرفش يتعامل مع البنات كويس الا معاها هي

قعدت عالطرابيزة وطلبت عصير وحطت الهاند فري وغمضت عينيها حست بحد بيقعد قصادها وسحب منها الهاند فري بصتله بغضب وطفت التيليفون ودورت وشها لناحية التانية

_عاملة ايه انهاردة باين المزاج عال العال .

نفخت بضيق ومسكت الكاسة بين ايديها وقالت بتهديد:

_بص يامستفز انت انا اسهل ما عندي اني اسي*ح د*م فإختفي من وشي والا الكاسة دي هتلبس في وشك.

رفع ايديه باستسلام وهو بيقول :

_ياساتر ليه كده يا مفترية .

ملامحه اتحولت للجد وشبك ايديه وهو بيقول :

_هتكلم جد المرادي بصيلي وسيبينا من الهزار .

خدت نفس وهي بتبصله مستنية هيقول ايه :

_انا هاجي بكره واتقدملك وافقتي اللهم بارك رفضتي حقك بردو وهختفي من حياتك سلاموز دلوقتي .

رفعت حاجبها وقالت بتريقة:

_بدأتها جدي وكنت هتأثر يعني ورجعت لسماجتك .

قرب منها فجأة فرجعت براسها لورا بخضة فهمس:

_قبل ما امشي لازم تعرفي حاجه مهمة انا رد سجون يعني اديتك سبب مهم عشان ترفضيني .

مابقتش فهماه ابدا حست بوجع في صوته لما قالها رغم انو كان بيقولها بهزار خدت نفس وهمست لنفسها:

_هصلي استخارة وهشوف .

استنى قالتها من غير تفكير قبل مايختفي ورجع ليها

قعد وكل حد شارد في تفكيره من غير مايكلم التاني

_انا سرقت .

بلعت ريقها بتوتر وفنفسها بتقول مش عايزة اعرف حاجه

قربت تسمعه بتركيز وهو كمل بهدوء:

_سرقت عربية وبعتها وبعدين سلمت نفسي فنفس اللحظة

سندت على الطرابيزة ونطقت بخفوت:

_ليه عملت كده مش باين عليك ابدا .

ده مش مكرر انما نزل وحذفته بالغلط❤

ء

فتاة العناق 10

اول ماخدها في حضنه هديت وبقا صوت عياطها بينقص بالتدريج

حس انها هديت فبص عليها لقاها نايمه وماسكه فيه قرب منها بالراحة وهي بين ايديه وباس جبينها بالراحة .

صحيت الصبح لقت نفسها في السرير اتنهدت بتعب وهي بتحس بإرهاق شديد حست بنغزات فقلبها ضغطت عليه بإيدها ومدت ايدها لدرج وسحبت البرش*ام وشربته قبل ما هادي يرجع رجعت اتأكدت لقت انه دي اخر حبة من البرش*ام

_يارب هعمل ايه دلوقتي .

خدت نفس وقامت بالراحه جهزت الفطور وقعدت مستنياه واول ماشافته

_انا اسفه .

مسح وشه بكفه وهو بيفطر وجاوبها بهدوء:

_ماتتأسفيش انتي لسه تعبانة من لما طلعتي من المشفى

وكل حاجه جت ورا بعض وماارتحتيش وانا كنت متلخبط و جيت وكملت عليكي جايز مش قادر افهمك بس كل لي اقدر اوعدك بيه اني هقف جمبك دايما انا حابب ندي لبعض فرصة ونبدأ من جديد ايه رأيك .

طبطبت على كفه لي ممدود ليها وجاوبته :

_الي تشوفه جايز انا كمان محتاجة لده .

ابتسمت ابتسامه هادية وكملوا فطارهم جهزتله تيابه ومشيت معاه لحد الباب :

_ربنا يوفقك تحب اعملك حاجة نفسك فيها للغدا .

قرب منها وهو حاسس براحة من الطريق لي بدأت تمشي فيه علاقتهم وباس جبينها بيهمس :

_اي حاجة منك حلوة يا قمر جهزي نفسك ماما عزمانا مع بيت عمي المسا اول ما ارجع من الشغل هنمشي ماشي .

قرب ابهامه وداعب انفها بابتسامة ومشي قفلت الباب وكان قلبها بيدق جامد

كملت اروى فطارها ولفت انتباهها رسالة وصلت لتليفونها

_كنتي احلى وحدة في الفرح بجد .

عقدت حواجبها باستغراب وهي بتشوف الرقم غريب

_انت هيثم صح !

كانت مستنية رده بس ماجاوبش رمت تيليفونها ودخلت المطبخ

_تحبي اساعدك في حاجه يا ما ما .

لوت بوزها وجاوبت بنزق :

_مالوش لزوم هتبوضي شغلي ما انا عارفة .

نزلت راسها بحزن وهمست:

_ربنا يسامحك يا امي .

طلعت مخنوقة وقعدت في البلكونه مسكت تيليفونها وكتبت:

_هو انت بجد عايز تتقدملي يعني ولا بتتسلى يا بتيجي بعد يومين تتقدم يا تنسى الموضوع فاهم.

فضل هيثم بيقرأ هي بتبعت ايه وكتب :

_انتي كويسة .

اول ماقرأت رسالته عينيها امتلأت دموع ومدت ايدها لي بتترعش وكتبت :

_معرفش معرفش بس فكر فلي قلتلك عليه.

قفلت ودخلت لاوضتها واترمت على سريرها ونامت كل اما تحب تهرب من تعبها بتنام كتيير .

ضغط على تيليفونه بضيق وشد شعره لورا

_حددلي ميعاد مع والدك بعد بكرا يا هادي عشان اتقدم لاروى .

وقف قصاده بجمود ونطق :

_انت بتحبها بجد ولا عايز تخليها وسيلة تهرب بيها من ماضيك وتبين للناس انه تجربتك في السجن ماأثرتش عليك واول ما طلعت حبيت واتحبيت .

ضغط على ايده جامد وجاوب بصلابة :

_انا حبيتها من اول مرة شوفتها وكلام ناس مايهمنيش

وجواه بيأنب نفسه وبيقول :

_كداب يا هيثم عايز تجمل بيها صورتك قصاد عيلتك والناس .

رجع هادي للبيت ورمى نفسه عالسرير بتعب بصت ليه بشفقة قربت منه بحذر حس بيها بتقلعه الشوز فقام بسرعه ومسك ايديها وحاوط كتافها :

_بتعملي ايه يا قمر مايصحش كده .

فركت ايديها بتوتر :

_شفتك تعبان فقلت اريحك انا جهزتلك الحمام ومية سخنه لرجليك انت راجع اكيد تعبان والاكل كمان جاهز .

شكلها المتوتر ورعشتها بين ايديه وهي واقفه قصاده خلته يقرب منها من غير مايحس كانت بتتكلم وتبرر وهو مش معاها رفعت راسها بتستنى يجاوبها اتفاجأت بيه قريب منها غمضت عينيها وقلبها بيدق بسرعه كان بيحرق المسافات بينهم كان اول تقارب ليهم بعد عنها بسرعه بعد مده ماقدرش يحددها وحمحم

_انا هاخد شاور وانتي جهزي نفسك نروح لبيت اهلي .

مشي بسرعه و اول ما بعد ابتسمت وهي حاطه صباعها على شفايفها ووشها احمر دخل الحمام وقفل الباب بسرعه

بص للمراية وتحديدا لعينيه لي بتلمع

_الحب ولع في الدرة يا هادي والله ووقعت .

همس بيها وهو بيبتسم بعد مده طلعوا ومسك كفها بين ايديه ووصله لبيت اهله التفت ليها وعدلها حجابها .

فتحت مامته الباب وهي بترحب بيهم بفرحه

_بيت عمك وصله من زمان اتفضلوا .

دخلت منزلة راسها وهي ماسكة فإيده بس رفعت راسها بصدمه اول ماجاها صوته :

_مبروك يا ابن عمي كده ماتأجلش فرحك عشان اخوك وابن عمك مسافر مبروك مش تعرفنا دي المدام باين .

حست الدنيا بتلف بيها وضغطت جامد على ايد هادي

وماحستش بعدها بأي حاجة غير بالظلام لي بدأت تستسلم ليه .

_قمررر .

ء

فتحت عينيها بالراحة وحست انها ثقيلة جدا حاولت تاني فقدرت تفتحها همست بصوت خافت:

_انا كويسة ماتقلقوش جايز لاني مافطرتش الصبح .

قالتها لما شافت انه كلهم متجمعين في الصالون عدلت قعدتها وقعدت و اول ماعينها جات على محمد مسكت ايد هادي جامد

_الف سلامة عليكي يا بنتي كده تقلقينا عليكي .

قالتها مرات عمه فابتسمتلها بهدوء وقامت بالراحة ومشيت مع اروى للمطبخ وشربت مية باردة وقلبها بيدق بسبب الخوف

_قمر انتي كويسة .

سألتها اروى فطبطبت على ايدها وهزت راسها بآه وجهزوا كل حاجة وقعدوا عشان الغدا

_هو احنا هنروح امتى .

قالتها قمر بوشوشة لهادي لي بص ليها بهدوء :

_انتي لسه تعبانة ؟

كملت اكلها وجاوبت :

_لاء بس سكتت شويية وبعدين كملت:

_ماتشغلش بالك .

حمل هادي ازازة المية فلقاها فاضية كانت قمر قاعدة فحست حاجة بتمشى على طول رجلها فانتفضت ورفعت راسها بصدمه للي قصادها

_انا هجبلك مية يا هادي .

قالتها بتوتر وهي بتقوم ومسكت ازازة المية وراحت المطبخ ضغطت على الازازة جامد وهي بتحاول تمسك دموعها ازاي محمد طلع ابن عمه وهي متأكدة انه مش هيسيبها فحالها جت تخرج لقته قصادها رجعت لورا لا اراديا بدأ جسمها يرجف اول مارفع تيليفونه بيوريها الرسالة

"عز انا لقيت مكان اختك هي ف*** .

"هقت**لها واشرب من د**م'ها

قالت وشفايفها بتترعش :

_هو طلع من السج*ن .؟

_مالك يا حلوة بتترعشي كده ليه شفتي الدنيا صغيرة ازاي بقيتي مرات ابن عمي .

قرب منها اكتر بيهمس :

_قدر يطلع منها ولبسها حد تاني بداله هو في الطريق دلوقتي وفهمته انك هربتي من البيت ومشيتي على حل شعرك بمجرد ماانحب*س وهدفع تمن الليلة لي قضتها في المشفى بسبب التسمم لي حالي بسبب قهوتك .

سابها ومشي وفضلت هي متصنمة مكانها حست بنغزات في قلبها طلعت بتحاول ترسم ابتسامة على وشها

_اسفة اتأخرت عليك .

بص ليها هادي بقلق ومسك ايدها بيقعدها قدامه:

_ارتاحي .

همست بصوت مخنوق وهي حاسة نفسها هتنفجر عياط :

_خلينا نمشي انا تعبانة يا هادي .

قال بحدة وهو حاسس انو بيبصه عليهم :

_اهدي كده اول ما بيت عمي يمشوا هنمشي .

قعدت مكانها ونزلت راسها وبقت بتجاوب على قد السؤال

ومتمنية الزيارة دي تخلص .

_اسمحولنا دلوقتي لازم نمشي .

والد هادي مسك اخوه بيقول وهو مبتسم :

_رايح على فين يا اوخيا انتوا بايتين انهاردة وتحضروا

بكرة لخطوبة بنتي اروى .

فركت ايدها بتوتر ووالدها بيكمل :

_في حد عايز يتقدملها وادتله معاد بكره وانت لازم تكون معايا ولا ايه .

مسك ايد اخوه :

_بكره نرجع و اكيد هاجي دي بنتي لي ماخلفتهاش بس مينفعش انهاردة صدقني.

قام بيحضن اخوه :

_عارف دماغك ناشفة وهتغلبني فمش هعاندك هنزل معاكم

قرب محمد من هادي وحضنه بيهزر معاه وقمر قاعدة مكانها سرحانه مشيو واتنهدت براحة

_مالك يا قمر فيكي ايه من الصبح وانتي مش على بعضك

كانت سرحانه وماجاوبتهوش رفعت راسها لساعه جريت على اوضة هادي وقفلت الباب .

فضل هادي مكانه مستغرب تصرفاتها جه يلحقها بس وقفه صوت خبط جامد على الباب وزعيق كأنه هيكسره.

اتأكدت قمر انها قفلت الباب بالمفتاح وكل حياتها مع اخوها بتمر قدام عينها قعدت على السرير وحطت كفوفها على اذنيها تمنع صوت الباب يوصلها .

فتح هادي الباب واتفاجأ ببو"كس على وشه رجع لورا بألم ودخل عز وعروقه بارزة من العصبية

_الحقي*رة فين خليها تطلعلي بدل مااطرب*ق الدنيا فوق دماغكوا .

مامت اروى دخلت اروى الاوضة وقفلت الباب ومشيت ناحيته بعد ماعدلت طرحتها

_انت اتجننت ازاي تدخل كده .

دفعها بايده وهو بيدور:

_بقولك اطلعي عارف انك هنا .

وقف هادي بسرعه وهو شايفه رايح يفتح الاوضة لي اروى فيها ومسكه وفضلوا يتخانقه وقعوا لاتنين بتعب وقال وهو بينهج وقرب من هادي على غفلة خنقه بقوة :

_خليها تطلع اغسل عاري بإيدي هقتلك واقتلها الفاج*رة

صرخت مامت هادي :

_سيب ابني هتموته سيبه.

_اختي فين

دفعه هادي بقوة وفضل يزق فيه يطلعه من البيت قمر اول ما سمعت الجملة دي فتحت الباب بسرعة وفضلت ماسكة الباب وواقفة قدامه :

_كفااية ياعز كفاية .

انتفض واقف اول ماشافها بلعت ريقها بتضغط على اوكرة الباب وهي بتشوف وشه لي ملامحه ماتبشرش بالخير ابدا

عند اروى في الاوضة التانية كانت ماسك هم تيليفونها واتصلت عليه وقالت بعياط اول ما رد :

_الحق هادي مش عارفة مين لي اتهجم على بيتنا وعايز يقتله.

اول ماسمع كلامها رما التيليفون وطلع يجرري لفوق بعد ماكان في الورشة فوق كان عز بيقرب منها بسرعه ومسكها من شعرها مسكت ايده برجاء ودموعها على خدها :

_هروح معاك بس ارجوك ماتأذيهمش ارجوك.

فضل يسحب فيها من شعرها وحاولت مامت هادي توقفه

جرا هادي عليه بيزعق:

_شيل ايدك عن مراتي يا حيوان انت

زاد من شده لشعرها بيهزها :

_اتجوزتي لي كنتي ماشية معاه يا رخ*صة .

سحب هادي قمر وحطها وراه وزق عز:

_كلامك معايا انا انت فاه

قطع كلامه لما قمر طلعت من وراه من غير ماتبصله ومسكت دراع عز ومشيت معاه لغاية اما وصله الباب

_تعالي هنا انتي رايحه فين اتجننتي لو رجلك عتبت الباب انسي ترجعي هنا فاهمة اختاري

غمضت عينيها بألم وطلعت مع عز من غير تفكير او من غير ماتتلفت وراها

دخل هيثم ووقف عند الباب بيدقه :

_هادي انت كويس .

مشي هادي وقفل الباب وطلع مع هيثم ووصله لورشة

_شغل ايه دلوقتي وانت متشلفط كده ارتاح وفهمني

مردش عليه وفضل يشتغل لاخر الليل ورجع بيته

دخل لاوضته وغمض عينيه بارهاق

_هنت عليكي لدرجه دي يا قمر ماعملتيش خاطر لايام لي بينا حتى .

قفل تيليفونه ورمى نفسه عالسرير بص لطرف لي كانت بتنام عليه مد ايده وفضل يتلمس فيه بحسرة قرب راسه من مخدتها سحب نفس طويل وريحتها عليها وغمض عينيه ينام

_اتعودت على وجودك في حياتي .

ابتسمت بوجع وهي مرمية فالارض نايمه على بطنها باستسلام فأوضتها القديمه وكل جسمها جايب د*م ومناخيرها وبقها كمان .