رواية فتاه بالحجاب زينت الفصل الثالث 3 - بقلم sososamir (الزهرة السوداء)

وعندما همت للرحيل وجدت سمية تفتح الباب وبعينها اثارا للدموع صمتت ليلى ولم تعرف ماذا تقول ، سمية : ازيك يا ليلى خير فى حاجة
ليلى : لا يا طنط مفيش حاجة أنا كنت بطمن على حضرتك هو أنتى كنتى بتعيطى
سمية باستغراب : لا مكنتش بعيط
ليلى : عن اذنك
ذهبت ليلى الى غرفتها ثم اغتسلت وبدلت ملابسها وفتحت مذكراتها وقررت ان تكتب ما حدث لها اليوم !
وفى صباح يوم جديد أستيقظت ليلى بنشاط واغتسلت ثم ارتدت ملابسها المعتادة ووضعت عطرها ثم نزلت لتتناول الفطور مع ابيها وزوجته قبل ذهابها للجامعة
ليلى بابتسامة : صباح الخير
أحمد : صباح النور يا ليلى تعالى علشان تفطرى
ليلى وهى تجلس بجانب سمية : حاضر يا بابا
سمية وهى تشير الى مقعد بجانب احمد : مش هتقعدى جمب باباكى زى كل يوم
ليلى : لا انا عايزة اقعد هنا
سمية باستغراب : ماشى
كانت الاستغراب هو حالة المسيطرة على سمية لانها لم تعتاد على هذه المعاملة من ليلى ولكنها حمدت الله على ذلك ، أنهت ليلى افطارها ثم ودعت سمية وابيها ورحلت ، علق ابيها على تغيرها المفاجئ قائلا: مش ملاحظة انها مش عصبية زى كل يوم
سمية : مش عارفة ده كمان لاقيتها جيالى الاوضة وبتطمن عليا المهم ربنا يهديها ليلى طيبة زى مامتها الله يرحمها ثم اكملت بغموض : بس اكيد الموضوع ده وراه حاجة كبيرة
وصلت ليلى الى جامعتها وصفت سيارتها الحمراء ثم دخلت الى الجامعة وبمجرد ان دخلت ورأت عائشة سلمت عليها قائلة :يلا علشان ندخل المحاضرة
عائشة بابتسامة : يلا علشان نبقى دكاترة حلوين ، ما لا نعرفه ان ليلى وعائشة فى السنة الثالثة فى كلية صيدلة ، بعد مرور وقت ليس بطويل انتهت المحاضرة و خرجت كلا من ليلى وعائشة من المدرج وكان الصمت هو سيد الموقف لكن قطعته عاشة قائلة : ليلى انتى فاضية بكرة
ليلى باستغراب : ايوة فاضية ليه
عائشة بابتسامة :عايزة اجيلك علشان نتعرف على بعض اكتر وكدة ونذاكر مع بعض شوية
ليلى : تنورى يا حبيبتى
عائشة : طيب سلام علشان متاخرش
ليلى : سلام
وصلت ليلى الفيلا وصفت سيارتها وسلمت على سمية وسألتها على ابيها قائلة : ازيك يا طنط هو بابا فين
سمية : نص ساعة وهيجى من الشركة ان شاء الله
وقفت ليلى عدة دقائق صامتة تنظر للسفرة التى تعدها سمية بمساعدة الخادمين للغداء ، تركت سمية ما فى يدها وقالت لليلى : كنتى عيزاه فى حاجة مهمة يا ليلى
ليلى بشرود : اه عائشة صحبتى جايه بكرة وكنت عايزة اعرفه
سمية باستغراب : وسالى مش هت..
قاطعتها ليلى قائلة بحزم بعد ان افاقت من شرودها : انا قطعت علاقتى بسالى
سمية : ليه فى حاجة حصلت
ليلى بحزن : لا يا طنط مفيش حاجة
سمية : احسن حاجة اللى انتى عملتيه هى اصلا بنت مش كويسة بس يارب عائشة متبقاش زيها
ليلى بحماس : لا متخافيش عائشة غير سالى خالص ، ثم اكملت : انا طالعة اغير هدومى ، لم ترد عليها سمية كانت تفكر و تحاول ربط الاحداث ببعضها ففجأة تحسنت طريقة معاملة ليلى لها وفجأة ايضاا وبدون اى مقدمات قطعت ليلى علاقتها بسالى ولكن لما الان فكثيرا ما كانت تنصحتها بقطع علاقتها بسالى فكانت ليلى ترفض وتنهر سمية لقولها ذلك ، لكن يجب ان يكون هناك شئ ما فى هذا الموضوع !