رواية في احضان الذئاب الفصل الحادي عشر 11 - بقلم الكاتبة قمر الجنابي

البارت العاشر🎉🔴

بقلمي الكاتبه قمر💁‍♀️❤

لاتنسون التصويت🌟💕

دك الباب ..
احل يمك ضفايرنه وي كل غبشه

دك الباب اعرفنك گبل
لتكول هاذ انته

اول ما صعدت عدل المرايه عليه وبتسم وكال ..... شهل كيك من الصبح

ابتسمت ودنكت رجع كال....تدرين اموت عليج من تخجلين اعشك خجلج

تاره....وين رايحين

مرتضى....نتريك بشي مكان

تاره....ها اوك

مرتضى....ما ناويه تجي تكعدين بصفي

تاره....وشراح يفرق

مرتضى..... يفرق هووواي حتى مضل عيوني طايره ع المرايه وروح سوي حادث

ضحكت وهوه وكف السياره ع صفحه واني نزلت حولت يمه بس شنو بقيت لاطشه بالباب مدنيه عنه هواي وحتى هو انتبه وضحك وكال....شلون افهمج اني ما اعض

تاره...لا مو قصدي بس هيج مرتاحه ....ردت اغير الموضوع كتله ....اي شكد طلعت معدل بسادس

مرتضى....94ونقبلت تحليلات

تاره....بصراحه لتزعل مني بس وجهك ابد مو مال واحد شاطر

ضحك وكال....ومنو كلج اني شاطر

تاره....لعد شلون نجحت

مرتضى....خلي احجيلج اصار وياي اني جنت طول السنه اسخت وريد خمسينات حتى اروح قانون بس قريب الامتحانات اجاني صديقي وكلي اكو سماعات نازله جديد مال غش وشغلتها توب حطها واحنى نردلك بلكي اصير دكتور وصيرنه واسطه بالمستشفى حتى منكص وصل بخمسميه بعد

عاد اني كيفت كتله تعال خوي عد عيناك وصدك جابلي السماعات وتوكلت ع الله وكلت لو بالهدف لو بنجف
حطيت السماعات بأذاني وكعدت واني متوتر متانين يوزعونه الدفاتر عاد ثواني وكمزت كمزه ردت اركع السكف

طلعوا الكواويد مشغلين اغنيه ساجده عميد وبأذاني نص ساعه تغني اريد ابجي على جويسم ابو الغيره شراب العرك وبطالت البيره

واني احوص بمكاني يكلك واحد محصور لان الصوت عالي بأذاني وما اكدر اوخر السماعات انفضح عاد من وزعونه الاسئله يله راحت الاغنيه وبدوا يردولي وهيج لحد اخر يوم امتحانات

تاره ضحكت وكتله....والله زين واني عيوني راحن بدراسه وناس ع الهين تجي تنجح

مرتضى.....ديله دكتوره لتبسمرين

ضلينه نسولف ساعه يتغزل بيه ساعه يحجي بشكل عام ولاحضت كل ما يصيرون شباب بسياره يمنه هو يعصب ويمشي سريع حتى محد يباوعلي ولا يستقر روميو
عاد هيه ثواني وشفت عزرائيل كبالي وصحت......مرتضى عممممي عممممي

مرتضى باوعلي وكال....علكيفج هدئي وينه عمج

تاره....بالسياره التعدت هسه

مرتصى....متأكده

تاره.....اي اي متأكده كتلك ما اريد اطلع هسه يذبحني اذا شافني

مرتضى....ولج ياهو اليجرئ يكمش شعرايه من راسج اكسر ايده والله يله دنكي راسج كلش حتى اعبره وروح بغير شارع

صدك دنكت وغطيت وجهي بشال وهوه مشه سريع واني كمت اتخيل عمي شافني وجاي يلحكني
عاد صدك ضيعنا ورحنا بغير شارع

تاره.....عفيه مرتضى رجعني ع البيت

مرتضى....اششش بابا هسه نروح مكان بس عوائل لصيرين جبانه

كتله بكلبي شكد بطران هذه ميدري بتخلف اهل ابويه وشيسوون بالابنيه اذا دروا عدها شي

شويه او وكف يم مطعم مبين كلش راقي نزلنه دخلنه جوه صار بوجهنه واحد اول ما شافنه اجه سلم ع مرتضى وستقبله احلا استقبال وكعدنه ع طاوله
كتله منو هذه كلي صديقي شويه وضل يلح عليه شأطلب اكل اني من وره الخرعه الاكلتها حتى نفسي انسدت بس استحيت ارده فا طلبت بيتزا بزعتر وجبن
شويه واجه الاكل ضلينه نسولف ومرتضى سوالفه كلش حلوه وضحك بس عيبه الوحيد بسرعه يعصب ومن يعصب يذبله سم مو حجايه

عاد شوي وطلع موبايل وكلي باوعي ع الكامره بسرعه حطيت ايدي ع وجهي كتله.....شدسوي

مرتضى....شنو نطك صوره سوه شمسوي قابل غير احبج وريدها تبقى ذكرى

تاره.....لا اسفه ما اكدر

عصب وكال....ادري شوكت اثقين بيه

تاره....اني ما اثق بأحد

مرتضى.....بس اني ابد مو نيتي أذيج ترى نيتي بيضه وياج مثل الثلج وروح امي

تاره....ما اعرف مرتضى انطيني وقت الايام والمواقف هيه التصنع الثقه بين الطرفين

حسيته زعل وكال....اي براحتج

شويه وطلعنه وصديق مرتضى ما قبل ياخذ الحساب بس اصر عليه مرتضى حسيتهم كلش اصدقاء بس الي فاجئني شو هذه صديقه ما شال عينه عني كلت بكلبي اكيد صار عده فضول لان طالعه ويه صديقه عاد خلينه وطلعنه

مرتضى....وين حابه نروح بعد

تاره....ع البيت احسن لان راسي كلش دا يأذيني ما نمت زين البارحه

مرتصى....تحبين نروح للمستشفى

تاره....لا مو مستاهله بس انام يصير زين

وفعلا اتجهنه للبيت وطريق كله ضلينه ساكتين وهو مشغل اغنيه مال هيثم يوسف (اضعف كدامك بس انت وتمالك نفسي بهل سكته نضراته تحرجني وانسى مدري توديني اليامرسه)

واني ضليت سرحانه بكلمات الاغنيه لان كلش احب هيثم يوسف عاد قريب منوصل نزلت كعدت وره وبعدها وصلت ع البيت كتله مع السلامه ونزلت دخلت جوه تلكتني مرة ابويه كالت....ها شو من وكت اليوم

تاره....اي مدري شبيه راسي يوجعني ورجعت ع البيت ...شنو وين ابويه او عمي

ايمان....ابوج بالمستشفى وعمج طلع والتؤام نايمين يخافون يرحون للمدرسه

تاره.....يله هيه كم يوم وينسون

لهناك صفنت كلت ليش ما استشير واحد جبير بخصوص مرتضى وبعدين الشغله مبيها شي هو زميل وياي بجامعه واي بنيه ممكن يصير وياها هيج

تاره....خاله اكلج شي بس يبقه بينه

ايمان....اي كولي

تاره.....هذه الولد ابو الخط الشفتي البارحه بصراحه هو معجب بيه وما ادري حايره اوافق لو لا

ايمان.....يا هذه الولد الحلو والله مبين رجال من ضهر رجال ليش متوافقين اشو طالب وياج وعده سياره وحلو ومبينين حالتهم الماديه زينه

تاره....بس هو ما فتح وياي موضوع زواج بس كلي معجب بيج

ايمان.....دسكتي ماما جيل هل وكت يردون يحبون ويتمعشكون وبعدين يزوجون لحكين ع شلاع كلب

تاره....والله ما ادري الله كريم يله اني اروح انام وخاله مثل ما وصيتج ما اريد احد يعرف حتى ميفهموني غلط

ايمان....دروحي ماما سرج ابير قابل شمسويه انتي

تاره....بس البير تشرب منه كل الناس

ايمان....يا شوف الخبال دروحي لا اضربج بالجدر

ضحكت وصعدت فوك غسلت وبدلت وذبيت روحي ع السرير وضليت اسئل نفسي الي سويته اليوم صح لو غلط اكيد غلط لان اني ما عندي مشاعل تجاهه وخاف بهل طريقه جاي اللعب بشاعرهه بعدين طردت هاي الافكار السوده من راسي عادي شنو اصلا رحنه تريكنه وحسبه حاله حال اي طلاب وياي شويه ولفتني صوت رسالة من موبايلي فتحته لكيت مرتضى كاتب.... احبج

دزيتله ملصق ابو الكلوب وردت اسد الموبايل بس شفت شي حيل صدمني (دكتور فهد ارسل لك رساله)

حور◇◇

من ابتعدت عن ازهار انتبهت عليها لابسه اسود وعيونها حمر كلتلي .....عدموا اخويه

حور....شنووو وليش

ازهار.....ابويه كال ما افرط ابنتي علمود ذنب ما ارتكبته خلي القانون ياخذ مجراه وجوا الشرطه اخذوا وراها بجم يوم جابونه جثته

حور....يا الله يرحمه ويصبرج حبيبتي ما ادري شكلج والله بس اخوج راح الارحم الراحمين

ازهار....حووووور امي كرهتني تكلي من وراج ابني مات لو قابله ترحين فصليه والله يا حور اني خفت خاف يكتلوني بس ما اتوقعت يعدمون اخويه لو هيج الشغله والله اقبل واني الممنونه

حور....منكدر نغير الي صار قدر ومكتوب هسه البجي ميفيدج وما راح يرجع اخوج واذا ع امج مستحيل اكو ام تكرهه بتها

عاد كوه سكتتها شويه وبده الدرس واني كل بالي يم ازهار وساعه يم الموبايل وساعه يم محمد والف فكره براسي

شويه واجتي بنيه صاحتنه اني وزهار تفاجئت من كالت يردوجن بالاداره فعلا اترخصنه من المدرسه وطلعنه دخلنه الغرفة المعاونه وستلمتنه رزايل ونطتنه ورق اندار لان غياباتنه كثرت

عاد خلينه وطلعنه واحنى ساكتين وزهار كل شوي تبجي وسكتها بالكوه بالكوه خلص هذه اليوم الصعب ورجعنه اني وزهار نتمشى للبيت من وصلت البيتنه تفاجئت بالبيت الي بصفنه مفتوحه بابهم وجاي يدخلون بي غراض

حور....شنو هذه البيت هم اجروا ناس جان متروك

ازهار.....اي مبين ناس راح يكعدون بي بعدين نعرفهم

حور....يله حبيبتي ديري بالج ع نفسج واي شي تحتاجي تعرفين وين تكليني

باستني وراحت واني عيوني ادور ع محمد بس ما لكيته دخلت للبيت لكيت امي كاعده تعزل بالبيت ردت ادخل ضربتني بالمكسنه ع رجلي عود رجليج وصخه
باوعت الرجليه كلشي مابيهن كلت امري لله رحت غسلت بالحمام الخارجي ودخلت جوه انتبهت عليه ملتهيه بالتنضيف ركضت طلعت الموبايل من نص الملابس وضميته وصعدت للسطح لكيت رسائل كوام من محمد نصهن احبج ونص الثاني يرزل بيه الابتسامه شكت حلكي

حسيت بشعور كلش غريب اول مره بعمري احس بي وما اكدر اوصفه ابد او اعبر عنه بالكلمات

رديت عليه بس ما جاوب كلت خاف مشغول سمعت خطوات ع الدرج كبل ضميت الموبايل وسويت روحي اعزل بسطح انصدمت من شفته محمد فتحت عيوني وكتله .....شسووووي هنا وشلون طبيت متستحي انته

محمد....شبيج اكلتيني وشربتيني امج شافتني وكالت تعال سوي الصحن ماكو اشاره واني كلت من الله اجتني حتى اشوفج بعد هيلكه ولسان طويل بطلي

حور...خوش اخذ راحتك لعد اني انزل عيب شيكولون علينه الجوارين ....وكلت بكلبي والله هاي امي اعرف سوالفها اسوي هيج حتى محمد يتقرب مني ويزوجني شكد اكرهه هل شي لان احسها تفشلني

ردت انزل جرني من ايدي وكال....ليش ما راسلتيني

حور....هستوني جاي اكتبلك وطلعت بخلقتي

ضحك وكلي.... يله بس ارجع ارد عليه ونزلي جوه عيني اميره حور لا اكلج

وفعلا نزلت جوه شويه وهوه نزل وراي وكال الامي سويته وهيه ضلت تشكر منه وهوه طلع وعينه عليه

مرة الايام واني ومحمد علاقتنه كبرت وصارت احلا صرت اموت عليه رغم ما كتله بهل شي كتمته بكلبي بس يمه كمت احس بحنان الاب الفقته وهوه خوفه وغيرته وحنانه خلتني اتعلق بي اكثر

جنت كاعده بالحديقه احل الواجبات ودجاج يفتر يمي امي اشترته قبل فتره تكلي حتى يبيضنه ليش نشتري بيض شويه وخترعت من شفت بنيه ماده راسها وتباوعلي كمت ع حيلي وكتلها....منو انتي

....اني زينب انتي بت الخرسه

حور....اي شرايده

زينب....امي تكول عدكم بصل

حور.....هسه اشوف

رحت طبيت جوه لكيت امي متمدده تباوع تلفزون كلت خلي اخذ بصلايه وحده انطيها للابنيه قابل شماخذه
رحت اخذت وحده ونطيتها للبنيه اشكرت مني وضلت اسولف وياي عرفت عمرها 17 ومبطله من المدرسه وعايشه هيه ومها وخوها الصغير بهذه البيت مبينه حبابه بس شكلها لفتني حافه حواجبها وحاطه مكياج يكلك عروس شويه ونزلت واني رجعت احل بدروس

طبعا الموبايل حاطته بصدري وصوته عالي عادي لان امي متسمع سمعت صوت رساله عرفتها من محمد لان بس هو يراسلني كمت رحت للحمام لكيته كاتب....فتحي الباب

عدلت شعري او وجهي ورحت فتحت الباب لكيت علاكه سوده خذتها ودخلت جون بالحمام لكيت بيها نساتل هووواي واشياء طيبه وجايب عشه هم فرحت لان امي صايره ابوس رجليها يله تنطيني لكمتين
كعدت اكل بيهن اليشوفني يكلك مماكله عمرها كله والباقي ضميته شويه وامي طلعت قفلت الباب وشرتلي....اني طالعه

كتلها....وين

خزرتني وراحت ما ادري ليش خذاني الفضول الحكها
وفعلا من طلعت لبست نعالي ومشيت وراها وتمشي واني امشي لحد ما طبت بفرع وضلت تتلفت
شويه واجه ولد يطلع عمره بالعشرين اطاها علاكه سوده فتحت العلاكه وطلعت بيها فلوس حمر شلون الشفتهن بكنتورها ذيج المره وهسه عرفت مين اجيب هاي الفلوس

بس السؤال هنا منو هذه وليش ينطيها فلوس رجعت اركض خفت اشوفني ويصير قتلي عمل شعبي
قريب ما اوصل للبيت شفت محمد جاي يغسل بسيارته هو شافني وجه عليه ومبين معصب.....شبيج تركضين بنص الشارع جنج طفله ثكلي شويه صح عمرج صغير بس اليشوفج ويشوف جسمج يكول عمرها بالعشرين فا خلي تصرفاتج رزنه لان عيييب وانتي بنيه وبعدين الف مره كايلج لطلعين بهل تراكات ومن اطلعين كليلي

ردت ارد عليه وطول لساني بس اذكرت الاكل الجابه اليوم كلت خطيه ضحكت وكتله.....اسفه والله ما عيدها بعد بس امي طلعت ونست غراضها وركضت حتى الحك انطيهيا

محمد....ها وهسه انتي وحدج بالبيت

حور....اي

محمد.....امشي كدامي يله وقفلي الباب

باوعتله بعيون يلمعن ودي احضنه ع الجمال والحنيه والخوف الشايله كتله....حاضر

رحت ع البيت اريد ادخل سمعت صوت رجال يكول حور

التفت شفته ولد جبير كتله....تفضل

سيف.....هاي اختي عدها هيج صديقه حلوه وما ادري

اني كبل خفت والي خوفني اكثر من شفت محمد جاي بتجاهنه

مشيت وياك
متعوب ويحب متعوب

يتبع.....