رواية في احضان الذئاب الفصل العاشر 10 - بقلم الكاتبة قمر الجنابي

البارت التاسع🎉🔮

بقلمي الكاتبه قمر💁‍♀️❤

لاتنسون التصويت🌟😍

هد عليه اليل بخيول الضلام
منين اجيبن حيل ويرد خيله

تنويه!!!!

حبايب انتوا تعرفون القصه حقيقه بس الاسماء من خيالي لان مقبلوا احط اسمائهم الحقيقه فا اني سميت ابو تاره (محمد) بعدين غيرته (الاحمد) حتى ميصير عدكم اشتباه بينه وبين محمد الي يحب حور

ايمان .....ولج تاره لحكليلي خطفوووووا وليدي

تاره....شنووووو

مرتضى.....شنو تاره اصاير

تاره دموعي نزلت.....خاطفين اخويه

مرتضى.....لتخافين انشالله نرجعه سالم.....راح ع مرة ابويه وكللها.....هسه البجي ما راح يرجعه امشونه نشتكي بالمركز صديقي ضابط هناك وراح يساعدنه

ايمان......يمه وليدي مابيه حيل حتى اكووم

تاره.....خاله كلتي ابويه

ايمان.....لااخاف شكله ضيعت الولد يطلكني غير

تاره....لازم انكله اول وتالي يعرف

كمت طلعت موبايلي اتصلت بأبويه وبلغته عاد ماكو ربع ساعه وبويه فوك راسنه ووجها مطعون دم صاير ضل يدردم ع مرته يكللها....وين وديتي الولد ولج وين شلون طفل صغير ادزي وحده للمحل والله اسودلج عيشتج اذا صار عليه شي

تاره.....بابا الي صار قضاء وقدر خاله ايمان مالها غرض احنى متعودين دائما اندز جاد يشترينه

مرتضى.....دكتور احمد هم عدكم عداوات ويه احد

ضلينه واحد يباوع للثاني واكيد اول واحد خطر ع بالنه عمي لان البارحه ابويه متعارك وياه وطارده كال ابويه.....لا مستحيل هوه يسويها مستحيل وليدي احنى ناس ما عدنه عداوات سادين بابنه وكاعدين

مرتضى....لعد امشينه نتوكل نشتكي بالمركز

عاد راحوا مرتضى وبويه ومرته جلبت بيهم الا تروح وياهم بس ابويه عاط بيها وفعلا ما طولوا ساعه واجوا وبويه وجهه احمر

ايمان.....ها بشر جبتوا وليدي وينه اكيد خاتل وراك يمه جاد اطلع والله بعد ما اصيح عليك

تاره....ها بابا بشر

ابو تاره.....احنى وبطريقنه دك عليه رقم غريب يريد كذا مبلغ حتى يرجع جاد وحذرنه منشتكي بس اني اصريت ورحت اشتكيت وصدمونه من كالوا ميصير هسه تشتكون الا يمر على اختفائه 24 ساعه

ايمان....شنووووو هل حجي يكتلوووو يله يتحركون احمد اطيهم فلوووس ورجعلي وليدي لا احرك نفسي

سمعنه صوت التفتنه كلنه اله شفنا عمي واكف وكال بضحكه.....هاي حوبتي

ما حسينه غير ابويه هجم عليه وكال.....شنو ولك جاي تشمت انته ....اني شفتها راح تعلك بين عمي وابويه رحت ع مرتضى كتله.....شكرا ما قصرت روح ارتاح

مرتضى....شنو السالفه تاره شي بسيط جدا اكدر اقدمه الج وان شاء الله يرجع اخوج بخير وسلامه

اشكرت منه وهوه اترخص بس محد كله مرخوص جانوا حايرين بصياح وصلته للباب ركب سيارته وباوعلي وراح
دخلت جوه سديت الباب ودمعتي ع خدي شويه وهدئ الجو بين عمي وبويه لهناك اسمع بعمي يراضي بأبويه ويتعذر منه وبنفس الوقت يصبر بي اختلف اسلوبه 180 درجه ابويه هم كلبه طيب بسرعه رضه عليه

لهناك دك موبايل ابويه سحبه عمي من ايده وسمعه يكول....عد عيناكم شكد متأمرون احنى حاضرين بس لتأذوا ترى طفل وكلشي ميفهم

احمد....شنو منووو ذوله

لؤي....هذوله الخاطفين جاد ويردون فلان مبلغ

احمد....اي ادري بس ما راح انطيهم احنى خبرنه الشرطه منا الباجر يرجعون ابني

لؤي.....يابه شجاي تحجي انته هذه ابنك قابل تغله عليه هل جم فلس

احمد....متغله وروحي انطيهيا بس لازم القانون ياخذ مجراه ويتحاسبون

لؤي....انته عايش بالعراق احمد يا قانون التحجي عنه انطيني الفلوس واني اجيبلك ابنك سالم غانم لان هذوله ناس يخوفون ليرحون يطلعون يتاجرون بأعضاء البشر وياخذون كليته ويذبوا

ايمان كامت تملخ بروحها....يمه وليدي ولك احمدددد اطي فلووووس ورجعلي ابني لا اكتل رووووحي

كام ابويه راح للكنتور طلع الفلوس كعد يحسب بيهن وحطهن بعلاكه سوده ولفهن وكال العمي....امشينه يله

لؤي....وين رايح كالوا اذا اجيب واحد وياك انكتله ابقه هنا وساعات وبنك بحضنك

احمد....يابه شلون اأمن غير اني ابو وروح اجيبه

لؤي....واني عمه ومثل ابو لتخاف وخليها عليه

وبعد اصرار عمي ورفض ابويه بالاخير اقتنع وراح عمي واحنى ضلينه كاعدين ع نار

للمغرب يله اجه عمي وبيده جاد ركضت عليه امه حضنه وبويه حضنه وشوي ويريد يبجي اني بقيت واكفه ع صفحه ودمعتي ع خدي فرحانه كلش برجعته وبنفس الوقت احس عمي كبر بعيني اول مره يسوي شغله بيها خير

احمد.....ما عرفت منو هذول

لؤي....مبينه ناس ادور فلوس

احمد....ما شفت وجهم خلي نقدم شكوه

لؤي....لا وين ملثمين وشمروا جاد عليه

احمد....وليدي ما شفت وجهه واحد

جاد كام يبجي كالت امه.....دعوفه يا احمد هو طفل وخترع وينه وين هل اسئله

رحت بست جاد وسكته وصعدت فوك تركتهم يحجون حتى مالي نفس اقره فا قررت ما اداوم باجر

جانت الساعه بالثمانيه بليل كعدت اكلب بالموبايل صارت كدامي محادثاتنه اني وميساء ضليت صافنه اوف يميساء وين صفه بيج الدهر هسه حتى بيتهم ما اندله
طبعا ميساء صديقتي المقربه تعرفت عليها بالمرحله الاولى

شحجيلكم عنها انسانه طموحه كلش بحيث هيه سوتلي واهس بالحياة لان اني واهسي انكطع من ماتت امي وابويه قتل اختي

فا جانت دائما تحجيلي عن احلامها وشلون من تتخرج
تفتح عيادتها الخاصه وسافر وهواي احلام لا تعد ولا تحصى واني هم شاركتها بهاي الاحلام

جنه هواي نطلع سوه وناس حاسدتنه ع صداقتنه ولا كانو صارنه سنه صديقات عبالك صارنه فد عشر سنوات
بس بالمرحله الثانيه اختلفت كامت تمشي ويه بنات مو زينات لحد ما اختفت بس معقوله ازوجت جانت اصلا تتخبل من الزلم وزواج وتكولي يصير عمري 40 يله افكر ازوج

وبين فكره اجيبني وثانيه توديني غفيت
كعدت الصبح ع صوت هورن وعين مغمضه وعين مفتحه باوعت من الشباج شفت سيارة مرتضى عزه نسيت اكله ما اداوم كمت اتصلت عليه رد بنبره حاده....الو وينج تاره صالي ساعه بالباب

تاره.....اليوم اني ما اداوم ونسيت اكلك تعذرني

مرتضى....شنو مو بكيفج هيه بدلي وتعاي متانيج حتلو نضرب اول محاضره

تاره....لا عفيه مرتضى ما اكدر لان ما قاريه شي وما مجهزه نفسي

مرتصى....لعد امشي نطلع اني وياج نتونس مو بس دراسه

تاره....شنو لا مستحيل ما اكدر

مرتضى....شبيج ترى ما اعض اني بعدين اعتبريني زميل وياج وطالعين سوه شكو بيها هذوله الي ويانه كل يوم يطلعون سفرات

تاره.....بس انته تدري بيه محافضه وما اطلع ويه احد هيه بس ميساء وراحت بعد

مرتضى...ادري ولذلك حبيتج يله بدلي متانيج

تاره....لا ما اكدر والله اهلي معقدين كلش وبالخص عمي اذا شافني يذبحني ع القبله

مرتضى....اكو واحد يلمس شعرايه من راسج واني عايش يله طلعي واذا ما طلعتي ابقه هنا بالباب وما اروح واذا طلع عمج وكلي شعدك واكف اكله احببببها

تاره....يا يا تخبلت انته

ضحك وكال....يله بدلي كتلج

تاره....اوك بس منتأخر

كمت بدلت لبست ثوب بينصل اسود وفوكاه جاكيته بيجي وكسسوارات وشال ومكياج خفيف وطلعت اول ما صعدت عدل المرايه عليه وبتسم وكال ..... شهل كيك من الصبح

حور◇◇

ومشيت وهوه ضل يمشي وراي بسياره اول ما وصلت لكيت امي واكفه ابابنه وجها احمر اول ما شافتني همجت عليه رادت تضربني اجه محمد علينه يركض جرني حطني وره ضهره وكال ....اني مو كتلج متمدين ايدج عليها بعد حوووور صارت الي

امي اشرتله بمعنى....مو خفت عليها عبالي خطفوها كلتلي اشتري وراحت لا ساعه ولا ثنين غير اني امها وكلبي عليها

هوه كلشي ما فتهم وضل يهدد بيها انو متضربني وهيه اتأشرله تشكي مني وهذه مطفي عباله تغلط عليه عاد كوه فكت ومحمد يوصي بأمي متمد ايدها عليها تالي راح واني طبيت جوه

لحكتني سحلتني من شعري جان الجووو كلش بارد كامت حطتني بالحديقه وكالت ....اذا تتحركين اكسر رجلج

راحت فتحت الماي البارد وذبته عليه وكالت ....نزعي ملابسج

واني اصيح وتوسللها تعوفني كامت رجليه وحده اطك بثانيه من البرد والجو بارد والمي بعد ابرد حتى الحيوان حشاكم ميتحمله

كلشي جان بارد الجوو والماي وكلوب البشر الا دموعي جانن حارات

عاد نزلت بست رجلها حتى اسد الماي وفعلا راحت سدته وطبت جوه قفلت الباب ضليت ادك بيها وبجي بس لا حياة لمن تنادي

ضليت كاعده بالحديقه وطين ع جسمي ومدري شلون اكولها بس بقيت بملابسي الداخليه لان اخذت ملابسي ضليت بساعتين وحدي والله حتى اليهود ارحم من امي

عاد شوي و فتحت الباب طبيت اركض للصوبه ورجف وعضامي يصلن عليه كعدت يم الصوبه لو ودي اشبكها حتى فرحتي ما تمت شوي ونطفت الصوبه لان مابيها نفط رحت لبست ملابسي وتغطيت بالبطانيه ورجف بسرعه وكعت بيها وتمرضت مرضه ردت اموت بيها بس الله جان كاتبلي اعيش وتعذب ضليت سبوع نايمه بالفراش حتى ما كلفت نفسها وجابتلي دوه اذا تريد ادللني اشغلي الصوبه

عاد كوه باليوم السابع فكتني الصخونه والافلونزا

جانت الساعه بال12 بليل وسمع واحد يدك بالباب كلبي وكف كلت اكيد حرامي بس شيبوك شيبات الخلفوني كمت صرت قريبه ع الباب وسمع صوت مئلوف يكووول.....فتحي اني محمد

اجمدت بمكاني وفتحت الباب وكتله....انته تخبلت اجابك هنا

ما احس غير جرني حضني اول مره احس بحنان شخص وخوفه عليه يمكن هل حضنه هيه الحركت مشاعري تجاهه محمد كال بصوت مليان حزن.....ولج شنوو اجابني هنا غير كلبي صاير جمره عليج صالج سبوع مترحين للمدرسه ولا اشوفج بشارع شترديني اضل صافن

ابتعدت عنه وكتله.....اني بخير لتخاف

محمد....احجي الحقيقه حور

حور....اخذت برد وتمرضت وبقيت نايمه بالفراش

محمد...وليش ما كتيلي اجيبلج دوه

حور.....وشلون اكلك ادزلك حمامه وياها رساله مثلا

ضحك وطلع من سترة القمصله مالته كارتونه ونطانيها كتله...شنو هاي

محمد....هذه موبايل حطيتلج بي خط ورصيد وكنكتلج على الراوتر مالتنه ولتكولين لا خلي يمج حتى اطمن عليج

حور....بس ما اعرفله

محمد....تتعلمين وسويتلج واتساب راسليني منه....ادنه يمي ونزل المستواي لان اني كصيره كدامه هو ما شاء الله عمود مال كهرباء وضل يأشرلي ويعلمني شلون اراسل وكتفه يطخ بكتفي ويأشر بالموبايل ويرجع يباوعلي كال...ها عرفتي

حور....اي تعلمت بس ما اكدر اخذه

باوعلي صفح وحطه بيدي وكال....يله راح اروح لتكعد امج اشوفني

وفعلا عبر الباب وراح واني بقيت صافنه شكد غبي خو كلي افتحها الك

طبيت جوه والفرحه ما وسعتني ضليت اكلب بالموبايل للصبح وبعدين ضميته حتى مشوفه امي وتاخذه مني عاد نمت شويه وكعدتني كالت....يله مو صرتي زينه كافي بعد داومي ليبطلوج

فعلا ضجت من البيت جان دوامي ضهري كمت بدلت وكالعاده ماكو غده بس اطتني ربع اشتري بي من الحانوت طلعت اول ما فتحت الباب صار بوجهي محمد اشرلي بمعنى...ليش ما اتصلتي

وهاي جانت اول مره اشوف محمد ويدك بيها كلبي ع السريع ابتسمت وكتله ...من ارجع احاجيك

رحت اتمشه للمدرسه مسافه الطريق او وصلت دخلت جوه صارت بوجهي ازهار انصدمت من شفتها وبنفس الوقت طرت من الفرحه

رحت عليها ركضت حضنتها وهيه هم ما قصرت وضلينه نبجي سوه حتى البنات ضلن صافنات علينه من ابتعدت انتبهت عليها لابسه اسود وعيونها حمر كلتلي .....حور عدموا اخويه

يتبع.....

لا تبعدون
أنه عشگ الگاع
للماي اعشگتكم
لا تبعدون

حبايب هواي يسئلوني شوكت التنزيل وسبق وان كتلكم بين يوم ويوم وشكرا الصبركم احبكم 💕