رواية في احضان الذئاب الفصل السادس والعشرون 26 - بقلم الكاتبة قمر الجنابي

لاتنسون التصويت بالضغط على النجمه فضلا وليس امرا⭐

تنويه!!!

شلونكم حبايب مشتاقتلكم هواي واعتذر منكم على الانقطاع المفاجئ وادري بعضكم نسى الاحداث وادري هواي منكم تعلق بالروايه واحداثها بس شسوي ضروفي ما سمحتلي اكمل بهاي الروايه طبعا متابعيني القديمين يعرفون اني شكد ملتزمه وتلاث روايات خلصتهن بوقت قليل بس هل روايه كل ما اجي اكتب ايصير ضرف شكل المهم حبايب ما اريد اطول عليكم انصحكم تقرون البارت 23 حتى تذكرون الاحداث واعتذر منكم مره ثانيه قراءه ممتعه ♡

غربتي وصوت النواعي يلوحني
ويلتم بدية الصوت بي ريحة عيوني
وبي هلي و وحشة مسية

حور♤♤

ما طولت هواي وفزيت ع احلام تخوف كبل فتحت باب غرفتي وباب الشارع وطلعت اصيح وركض بشارع

جان الشارع اضلم وهدوء وناس كلها نايمه حسيت برعب او وحده مو طبيعيه

خفت يطلعولي ولد حرام شو شيسوولي بهل ليل لو احد يخطفني ما جان بيدي غير اروح البيت محمد

توجهت البيتهم و ضليت ادك بالباب مثل المخبله وتلفت لا يجي احد من وراي تقريبا ربع ساعه اني ادك ومحد يفتحها حرت شسوي بس جان عدي استعداد انام بشارع ولا ارجع البيتنه

كلت خلي اروح البيت زينب ونفس الحاله ضليت ادك بالباب ومحد يجاوب لحد ما أيست

ردت ارجع صار كبالي بيت ازهار مجان بيدي غير ادك بالباب والخجل اكلني كلت هسه شيكولون اهلها شوي وفتحلي الباب ابوها استغرب مني ومن منضري وكال.... بابا شتردين بهل ليل فلشتي الباب علينه عبالنه مداهمه

كتله اني ومدنكه ...عمو اني حور صديقه ازهار

رد عليه بستغراب...يي عمو روحي الاهلج هسه وتعاي باجر شوفي ازهار

ما اتحملت كبل بجيت...عمو اني ما عندي اهل وامي ماتت وعافتني وخاف ابقه بالبيت وحدي بس صيحلي ازهار

حسيت الرجال انكسر كلبه عليه كام كلي....تعاي دخلي بس انشالله متطلع وراج بلوه 

والله بوقتها حسيت انذليت ذله ما مذلولتها كل عمري

دخلت للبيت وعيني بالكاع وكل شوي امسح دموعي شوي وسمعت صوت هبده مال باب قويه درت  وجهي شفت ابو ازهار ايشرلي ادخل

حور...لا عمو ما اكدر ادخل بس صيحلي ازهار

رد عليه ...عمو تعاي دخلي بالاول لان دنيا بارده وهسه اروح اكعدلج ازهار دخلي يله انتي مثل بنيتي

رحت طبيت جوه بالاستقبال مالتهم شوي واجتي ازهار متفاجئه وتفرك بعيونها

ازهار....ها ولج اجابج بهل ليل خوما صايرلج شي

حور....خفت ابقه وحدي لان البيت اضلم وفارغ وماكو احد يمي

ازهار...والله عبالنه راح تباتين يم عمج

حور....اسفه ازعجتكم بهل ليل بس رحت ع بيت خطيبي ادك بالباب بس محد فتحها يمكن نايمين

ازهار...سكتي ولج ازعاج شنو تعاي كعدي البيت بيتج احنى الخطار

رحت كعدت ع القنفات شوي واجتي ام ازهار سلمت عليه وكالت.....سوده عليه بعدج طفله وحليوه وتبهذلتي

حور....الحمد الله ع كل حال شاء الله وما قدر فعل

ام ازهار...الحمد الله بنيتي تردين شي اكل ملابس

حور...لا بس اريد انام هل ليله تحملوني لان كلش تعبانه

ام ازهار ....يا اشلعين عيونه تحجين صدك كومي ازهار جيبيلها فراش وبطانيه

راحت ازهار جابت فراش فرشته وحطت مخده وبطانيه وامها بعد ما اطمنت عليه ترخصت وراحت 

ازهار...تحبين انام بصفج

حور....لا اخذي راحتج اني متعوده ع الوحده

ازهار ....اعتبريني اختج او اي شي تحتاجي كليلي وهسه راح اجيب فراش ونام بصفج خاف تخافين وحدج

اشرتلها براسي وهيه راحت واني نمت بالفراش وتغطيت

راسي جوه البطانيه وفاتحه عيوني ورجف ما ادري من البرد ما ادري من الخوف غصبا ما عليه عيوني دمعن وبجيت وتفكيري ساعه يروح يم محمد وساعه يم امي لسه ما مصدكه ماتت

شويه وسمعت صوت ازهار تكول...ها حور نمتي لو بعدج كاعده

غلست ما جاوبتها لهناك كالت...ادري بيج كاعده وجاي تبجين

هم ضليت ساكته رجعت كالت....باجر نسولف راح اعوفج براحتج هسه

تقريبا شوي وبدت الموسيقى خوخ وخيش متوقعت ازهار الكيوت تشخر هيج ههه

اني هم ما حسيت ع روحي الا بعد ثاني يوم ع صوت ام ازهار تكلي ....كعدي ماما حور تريكي جبتلج شلون كيمر طيب بعده جديد

ما ردت افشلها كعدت واني افرك بعيوني التفت لكيت ازهار بعدها نايمه وامها تكعد بيها وتكول....دكعدي شكد تنامين مو هاي حور من اول صوت كعدت

ردت ازهار بصياح....يبووووو عليج متعوفيني منخمده شوكت نمت هواي

انعصر كلبي ردت اكوم ادفرها شنو هيج اصيح ع امها وفوكاها تكلها يبو عليج صدك ميحس بنعمه الا الفاكدها اني لو بيدي هسه ادفع عمري كله في سبيل امي ترجع للدنيا

ام ازهار.....مو صوجج صوجي عود اكول خطيه تتريك....رجعت باوعتلي وكالت ماما الحمام بره اذا تحبين بس فتحي باب الاستقبال يصير كبالج غسلي وتعاي ليبرد الجاي

اشرتلها براسي وكمت عدلت ملابسي وطلعت رحت ع الحمام من كملت طلعت بره غسلت اديه بالمغسله شلت راسي وجهي يخرع والكفشه موضوع ثاني وصايره كلش ضعيفه ونحلانه ض

غسلت وجهي وعدلت شعري بالماي والتفت صار بوجهي سيف عرفته واكف من زمان ويباوع ع جسمي من فوك لجوه كلش خفت منه ومن نضراته فوكاها اني الغبيه نسيت هو عايش هنا ردت ادخل جوه استوقفني صوته يكول ...البقيه بحياتج حور

ما جاوبته كبل دخلت جوه

ام ازهار...تعاي بنيتي صبيتلج جاي

حور...والله خاله ما اشتهي

ام ازهار...دكليلج لكمه يا يمه حتى تتقوين ترى انتي المضرره الوحيده والميت عمره ميرجع بالحزن حتى امج راح تنقهر بقبرها

جريت حسره ورحت كعدت يم الصينيه والمره شكد حبابه اسويلي لفات وتنطيني لحد ما حسيت صدك شبعت كامت شالت الصينيه وطلعت

وضليت هيج لحد الليل ردت اروح بس ما قبلوا ابد كلولي هذه بيتج منا لمن يرجع خطيبج بخير وسلامه بس اني ابد ما ارتاحيت من وره هذه سيف ضليت كاعده بالاستقبال ولا تحركت بس من اريد اروح للحمام اطلع ركض ورجع ركض

ازهار...اكلج لعد محمد وين

حور...اوووف ما ادري كلبي نار عليه وبس افكر بي

ازهار...خاف مات

حور....اسم الله فال الله ولا فالج شنو مات اني كلبي يكول مابي شي

ازهار...يي انشالله بس ترى اختفائه هذه ماله كل مبرر بالخص بهل وقت انتي بأمس الحاجه اله شلون يعوفج هيج

حور...ميدري لو يدري مجان عافني واكيد عده فد ضرف قوي محمد لو ما خوش ادمي ما جان قبلت بي وما انسى وكفاته وياي لا تعد ولا تحصى

حسيتها ضاجت شويه وكامت فرشت فراشها وفراشي وكالت...يله خلي انام بلكي باجر يجيبنه اخبار حلوه

مدري هاي حجايتها احس بثت بداخلي الاطمئنان ضليت افكر زين هذه الاسمه ابويه مكال هاي وين وشلون باقيه وحدها معقوله هيج كلبه قاسي قررت منا ورايح  انسى عدي اهل مثل ما همه دفنوني اني وعايشه اني هم ادفنهم ونساهم

بس جانت عدي ام وراحت الدار حقها غير هيج معندي

ما ادري شوكت غفيت بس كعدت ع واحد يتلمس برجليه وعين مفتحه وثانيه مغمضه كلت....هااا ازهار شكو

شويه وستوعبت طلع سيف من الخرعه طفرت كبل من الفراشي وباوع ازهار ماهيه وبس اني وهذه الوحش والاستقبال اضلم ردت اصيح اجه حط ايده ع حلكي وفوكاها لابس بس شورت

سيف...اششش ديري بالج اصيحين والله اكتلج خلاص

ضليت فاتحه عيوني وادفع بي بأديه بس هو ضخم وطويل ما اكدرله الخوف ورعب اكلني ضليت اكول بكلبي ياربي ارحمني ياربي انقذني مالي غيرك بهل دنيا لتخلي هل ناس تاكلني واني عايشه يارب ساعدني يارب خليني اصرف صح

سيف....شوفي يحلوه راح اشيل ايدي واذا صيحتي لو طلعتي اي صوت اذبحج والله وافضحج بالمنطقه و اكلهم هيه ذبت روحها عليه فا ديري بالج من هسه اكلج

اشرتله براسي بمعنى..... اي

وخر ايده وضل يباوعلي بنضرات صدك مقرفه وكال....هسه تردين بالعيني وغاتي لو غصبا ما عليج

كتله بصوت يرجف...عفيه سيف اطلع برى ليشوفنه احد شيكول علينه والله اني ما أذيتك بشي واتمنالك الخير بس عوفني

سيف....لا يحلوه لتخافين محد يجي بس اخذ الاريده وروح لان هاي فرصه متتعوض غير انشلع كلبي حتى احصلج بس بعدين انتي اجيتي برجليج ايباه والله مبخت اني فا خليني اخذ الاريده حتى مضلين بنفسي

كبل نزلت دمعه من عيني وكتله...بس اني مخطوبه

سيف....لتخافين ما راح اخلي يعرف

حور...ميخالف الي تريده يصيرلك اصلا اني هم من زمان اريدك بس جنت اكابر

حسيته فرح وكال....والله عرفتج

كبل جرني عليه وطخ جسمي بجسمه وقرب شفايفه ع ركبتي

دفعته برعب وكتله....لالا مو هسه خلي من ارجع للبيت مالتنه هو فارغ وانته تعال حتى احضر نفسي وناخذ راحته

ابتسم ابتسامه جانبيه وكال...يي من البدايه صيري هيج يله هم خوش فكره حبيتها بس لتتأخرين باجر من الصبح رجعي البيتكم ويا ويلج وسواد ليلج اذا طلعتي اجذبين

اشرتله براسي بمعنى...اي

مرر ايده ع خدي وكال.....اخخ شكد اريدج وحبج

ابتسمت وكتله...يي يله روح باجر نلتقي

خله وطلع حسيت كلبي راد يوكف الحمد الله من كدرت اقنعه ضليت احوص اريد اطلع من هذه البيت كام يخنكني

اني وبوسط افكاري دخلت ازهار طفرت عليها كتلها بصوت يرجف....ووو وي وين جنتي

ازهار...يا شبيج حور وجهج اصفر اليشوفج يكول راح تموتين

حور...احجييي

ازهار...جنت بالحمام ليش

حور...بعد لطلعين حبابه ابقي يمي

ازهار...اصاير غير افهم

حور...ابقي ومالج غرض وقفلي باب الاستقبال حبابه

ازهار...يا ليش شبيج

حور...ما ادري حلمت حلم يخوف وخاف يجي حرامي شي

ازهار...اني مو طفله وضحكين عليه كولي اشصاير

جمعت انفاسي وكتلها....اخوج سيف اجه لهنا وضل يتحرش بيه

كامت ع حيلها وكالت بنبره حاده....شنووو شجاي تكولين حور انتي تخبلتي رسمي فوك ما منيميج ابيتنه ونشلع اللكمه من حلكنه وننطياجياها وهذه كله ما غزر جايه تتبلين ع اخويه

حور...الله شاهد هذه الصار وروح امي ادري اخوج وحقج مصدكين بس هذه الي صار

ازهار....ولج وبعدج اجذبين هستوني اتعديت عليه ولكيته بسابع نومه اني راح اتغاضه عليج وعتبر نفسي ما سمعت هل كلام بس اذا عتي ميصيرلج خير

بلعت الغصه وسكتت كلت لو اموت ما ابقه بعد بهل بيت بس خلي يصبح الصبح وطلع

رحت تغطيت بالبطانيه وضليت ابجي ورجف من الخوف وعيني ما غمضت ابد

شويه وكمت فتحت الشباج لكيت الشمس طالعه باوعت  للساعه لكيتها بالثمانيه الصبح

عدلت شعري وملابسي وفتحت باب الاستقبال على كيف ردت اطلع بعدين كلت فشله هيج اروح بدون ما انطيهم خبر رحت كعدت ازهار وكتلها....اني رايحه وشكرا لان استقبلتوني ابيتكم واسفه خاف جنت ثكيله عليكم

ردت عليه بصوت مبحوح ...وين رايحه

مجاوبتها كبل طلعت ليشوفني هذه الحقير سيف رحت اركض البيت اهل محمد كلت هيج والكاه راجع والله هموم الدنيا كلها انساها بس اشوفه وصلت البيتهم ضليت ادك بالباب حيل من خوفي شويه وفتحلي الباب اخو محمد الصغير وكال...ها حور تعاي دخلي

دخلت وكتله....محمد وين ما اجه بشرني

دنك وكال بنبره حزن....والله يا خويه لسه ماكو اي اخبار عنه وابويه سافر لدبي حتى يدور عليه

احس كلبي نغزني يربي والله بعد مابيه حيل افكد عزيز ثاني

صحيت من صفنتي ع صوت ريتاج اجتي عليه بوستني وكالت....تعاي عمري دخلي جوه

طبيت جوه ضلينه نسولف بشكل عام وضلت تسئلني وين جنتي او وين نمتي واني اجاوبها بشكل مختصر لان مالي خلك روحي لهناك كتلها...جا وين عمتي

ريتاج...والله عازله روحها بالغرفه ولا تاكل ولا تشرب

حور....ليش هيج اسوي عود ترى محمد مابي شي وهسه اشوفون

ريتاج...الله يسمع مني اكلج متريكه لو لا

حور...لا والله ما اشتهي العسل

ريتاج...لا ميصير راح اروح اسويلج ريوك

كتلها ما اريد بس ما قبلت راحت تقريبا ربع ساعه واجتي جابت صينيه بيها اشكال الاجبان اكلت شويه وعفته وهيج ضليت صفنات للعصر وندكت الباب اني كبل طفرت كلت اي اجه محمد لهناك انفتحت باب الاستقبال ودخلت زينب...كبل حضنيني وكالت وينج يمعوده مختفيه شو

حور...اني لو انتي

زينب...اي والله هم حقج هيج تكولين بس جنت بالديوانيه يم كرايبنه عدهم عرس وصالي يومين بايته يمهم ومن رجعنه رحتلج للبيت فلشت الباب ماكو رحت يم ازهار كالت راحت من الصبح فا عرفتج هنا

حور....يي بتت يمهم يومين تقريبا وحسيت روحي ثكيله صرت عليهم فا خليت ورحت

زينب...تحجي صدك هسه تجين يمي للبيت وتبقين يمي شوكت ما تردين

حور...لا زينب ادري بيج متقصرين بس راح ابقه اهنا بين ميجي محمد

زينب....والله مالي غرض تجين وياي يعني تجين تدرين بس اني وامي وخويه طفل

ضلت اتلح عليه هواي فا قبلت لان حسيت روحي اهل محمد ميردوني حتى محد اجتي من خواته بس ريتاج وامه ولا اجتي ولا سلمت ولا اطمنت عليه عبالك اني غريبه فا ترخصت من ريتاج ورحت البيت زينب والله حسيت روحي تبهذلت كل شوي ابيت

طبينه البيت زينب وامها رحبت بيه احلا ترحيب حسيت براحه يمهم لان ما عدها اخوان كبار وهيج مر اليوم بشكل طبيعي بس ولا حسيت بالوقت لان زينب كلش حبابه وسوالفها تونس

لليل وندكت الباب حيل

زينب...كوم كاظم شوف يا مطي هيج يدك الباب بهل ليل

راح اخوها شويه واجه وكال....اكو ناس ع الباب يردون حور

كمت ارجف كلت بس لا سيف لحكني كتله.....منو

كاظم...ما اعرفهم اول مره اشوفهم

هنا اطمن كلبي كمت ع حيلي وطلعت من الغرفه توجهت للباب بس مدري ليش كلبي كام يدك ع السريع احسه يريد يطلع من مكانه رحت فتحت الباب شفت رجال جبير كبل ذكرته هذه الجان ويانه بنجف من دفنو امي وياه بنيه شابه كلش حلوه او من فريت عيني انتبهت عمي واكف وياهم كبل كتلهم....منو انتوا

احسهم كلهم ارتبكوا واحد معتمد ع الثاني يحجي بس ولا واحد حجه لهناك نطق الرجال الجبير وكال بأرتباك واضح.....ندري الوقت متأخر جدا ع هاي جيتنه مع ذلك خير البر عاجله ومنريد نطول هل موضوع اكثر واني اعرف كلش زين هذ الشي صعب عليج بس لابد منه وحقج من متعرفينه

حور...اي احجي فضها منو انتوا

تاره ....حبيبتي حوري اني اختج الجبيره تاره

كملت جملتها وكبل حضنتني وضلت تبجي وتكول ...اني اسفه اسفه حبيبتي لان عشتي بعيده عنه كل هل سنين بس وترابات امي هستوني دريت بيج عايشه وكبل اجيتج بهل ليل لان ما تحملت

طبعا اني ما بدر مني اي ردت فعل كبل هيه ابتعدت عني وكالت....ادري صعبه عليج يروحي ادري بس بعدين تتعودين وهسه جيبي ملابسج وتعاي البيتج ويانه معززه مكرمه

حور....مجاي اتلاحضون تأخر الوقت كلش ع هل كلام وين جنتوا كل هل سنين هستوكم ذكرتوني بعد ما الدنيا دولبتني منا ومنا واني طفله ولكم طفله والله وما افهم كلشي بس الحمد الله بعد مالي بغازتكم اني كبرت وتعلمت قسوة الوكت هي العلمتي وما اريدكم بعد لتجون ما اريد اشوف خلقتكم لان انتوا ناس غرررربه

احمد...بنيتي ....قبل ميكمل كلمته قاطعته وكتله بصوت عالي...مو بتك اني ماشي عيب عليك تكول هل كلمه لان الي يكولها لازم يكون كدها

تاره...ميخالف حبيبتي تعاي ويانه وخلي نتفاهم بهدوة ونصلح الانكسر

حور...عمره الانكسر ميصلح تأخرتوا هواي تأخرتوا وما اريدكم ماشي اكرهكم اكرهكم

رادت تحجي تاره قاطعها ابوها وكال....هسه الوقت متأخر وانتي تعبانه ومجاي تفكرين صح راح نروح والنه حديث ثاني

تاره....بس بابا

احمد...حور بنتي سواء قبلت او لا مرجعها بالاصل النه ويجي فد يوم تعرف اني ليش هيجي سويت

قبل ميكمل كلامه سديت الباب بوجهه ودخلت جوه احس كلبي يريد يوكف صارت زينب بوجهي فاتحه عيونها بتفاجئ كلتلي...هذول اهلج

حور....لا ماعندي اهل اني ....وبعد محسيت ع روحي

تارة♤♤

من شفت حور احس القشعريره سرت بكل جسمي جان ودي احضنها وابجي اتملكني شعور كلش غريب واني اشوف اختي عايشه وكدام عيوني

طبعا رفضها النه جان جدا متوقع وحقها لو اني منها جان هم هيج سويت انطيت وعد بيني وبين نفسي ما اعوفها بعد للموت لحد ما اقنعها تجي تعيش ويانه وننجمع جوه سكف واحد

لؤي....يا احمد اني مو كتلك جيتنه مالها فائده الابنيه خبله ومتفهم

رفع ابويه اصبعه بتهديد ع عمي وكال....اصلا كل هل طلايب من وراك ولك يا خبله الابنيه بكامل عقلها واعقل منك

لؤي....اذا انته هيج كاتل روحك عليها شكو شمرتها عليه وحملتني كل مسؤوليتها

احمد....ولك اني انيييي لو انته الي لحيت عليه وكتلي خلي كلشي عليه

تاره...يمعودين كافي اصيحون بنص الشارع اكو بيت وتفاهموا بي الخاطر الله

راحوا صعدوا بسياره واحس الاجواء مكهربه واحد يريد ياكل الثاني اما اني جنت كلش ضايجه من عمي ومن ابويه ومن العادات والتقاليد مال قبل الهمجيه لان همه جانو سبب بدمار اختي

كسرت حاجز الصمت ابويه وكال.....الابنيه مخطوبه لؤؤؤؤي ليش ما كتلي منو هذه الولد شنو اصله وفصله واذا كلامك صح وهيه مخبله ومعتدين عليها مجان اجه شخص تقدملها

لؤي...شمدريني احمد لتلح ترى اني علمي علمك المره الربتها هيه جانت هيج تكلي

احمد....انشالله حجيك يطلع صح وميكون عندك علم لان اذا طلع العكس راح يصير شي ميعجبك

تارة....انتوا ثينكم غلطانين او واحد جاي يذبها براس الثاني حتى يخفف شعور الذنب

احمد....منا ورايح كلشي راح يتغير

تارة....اتمنى تنصفها الاختي لان تعذبت هواي ولتنسه هاي بتك والاضفر ميطلع من اللحم

ضلوا الطريق كله عمي وابويه يتعاركون وهذه يرفع والثاني يكبس بس جاي احس عمي يجذب علينه وجذب قوي هم

ما اهتميت الكلامهم لان حاليا كل تفكيري بحور اكول بيني وبين نفسي.... هسه هيه شكد عمرها يمكن 17 او  18 يعني اذا ما راسبه هسه هيه بسادس اعدادي وهاي المرحله مهمه بحياتها لازم احطلها اساتذه خصوصين يدرسوها حتى اطلع معدل زين وتدخل بجامعه زينه واحطها بمدرسه اهليه زينه وشتريلها صداري هواي اكيد كلشي راح يطلع حلو عليها لان جسمها يجنن

صحيت من افكاري ع صوت عمي يكول ...متنزلين شبيج

نزلت بدون ما اكول شي اصلا ما اطيق اشوف حتى وجهه هل جذاب

دخلت ع البيت وصعدت كبل الغرفتي لان مالي خلك احجي ويه اي احد

طبعا والصياج مستمر بي عمي وابويه لهناك جزعت حطيت سماعات بأذاناتي ونمت

تقريبا مرت تلات ايام مثل بعضها الجامعه نفس ماهيه ونفس الروتين والعرك مستمر بين ابويه وعمي

واني كل تفكيري بحور شلون اكدر اقنعها وجيبها تعيش ويانه

وفهد ماكو اخبار عنه مختفي مدري شبي واني هم استحي اسئل او الح

تقريبا بليل الساعه بال11 كاعده اكلب بموبايلي ونصدمت من شفت منشور ناشره فهد وكاتب بي (تمت بحمد الله خطوبتي من ....)

لا تلوم عيوني من تبچي أعله ملكَه

أصفن ألها
شوفها شتسوه دنيتك خاطر نكَضيها فركَه !

أصفن ألها
كَلّي من أحتاجلك وين أنطي وجهي ؟
كَلّي من أشتاكَلك وين أبچي عمري ؟

• يا شهكَتي

آنه متعوّد عليك
لا تخلّي السالفه الما تسوه تاخذني من أديك ،.