رواية في احضان الذئاب الفصل الثالث عشر 13 - بقلم الكاتبة قمر الجنابي

البارت الاحد عشر🎉🔴

بقلمي الكاتبه قمر💁‍♀️💕

لاتنسون التصووووويت🌟😍

ردتك وي الظلمة سالوفة ضفاير

تنويه مهم!!!!!!
حبايب غيرة خلفية الروايه لتيهوني 💕

تارة◇◇

وردت اسد الموبايل بس شفت شي حيل صدمني (دكتور فهد ارسل لك رساله)

فتحتها ع السريع لكيته كاتب مرحبا ترددت بين ارد لو لا بعدين كلت فشله لان طلع يمه قريتها فا كتبتله ...مراحب استاذ

فهد....اشو خلصت المحاضره ولسه ممبينه شنو مجايه اليوم لو تتعمدين اضربين محاضراتي

تارة....العفو استاذ بس اليوم صار عدي ضرف ونهائيا ما اجيت للجامعة بس شعجب انتبهت الغيابي يعني لا اول وحده ولا اخر وحده متحضر

فهد...بعدين تعرفين

تارة....وليش مو هسه

شاف الرساله وما رد

واني هم تركته براحته احسه ميعرف شيريد بسرعه اجتني الافكار السوده بس لا يطلع يلعب عليه وهدور يطلب اشياء واذا مسويتهن يرسبني

بعدين كلت لا مستحيل دكتور فهد كلها تحلف بأخلاقه واصلا البنات يركضن وراه وهو ما معبرهن ضليت افكر لحد ما غفيت

فزيت الساعه بالثمانيه بليل كمت طفرت مثل المخبله شوكت الحك اقره بعد فتحت موبايلي لكيت الكروب مال قسم محترك رسائل ومرتضى داك عليه هم

بس جسمي كله يرجف من الجوع لذلك نزلت جوه لكيت مرة ابويه جاي اسوي عشه وكالعاده استلمتني بأنواع الرزايل وانتي مساعديني واني وحدي

تارة.....خاله لعد ما كعتيني شمدريني اني اشتم كفه ايدي

ايمان....اي يمه اكعدج حتى ابوج يفضحني ويضل يسويلي دراستها ودراستها وانتي بس نايمه

تارة....ماشي ولا يهمج هدور اوقت المنبه واكعد انطيني عنج خلي اغسل الماعين وانتي كملي العشه

باوعتلي صفح وراحت

شويه وكملنه العشى ولتمينه كلنه نتعشه وماكو شي بس كلام جانبي بين عمي وابويه يكله شوكت تزوج راح اشيب وعمي يكله ما لكيت الاريدها

واني بكلبي اكول ليش هيه منو التريدك بس الامها مدعيه عليها

خلصنه عشه شلت الماعين وغسلتهن شلون مجان حتى الحك اقره وصعدت فوك اول ما جبت ملازمي دك موبايلي شفته مرتضى غلست عنه ما ادري بس مجاي اكدر احبه ابد حاولت بس معندي اي مشاعر اتجاهه
قررت خلص باجر افاتحه بهل موضوع واعتذر منه قابل هو كوه الحب خلي يشوفله وحده ثانيه احسن ما يضل متأمل خير بيه

بعد ما خلصت واجباتي رحت نمت وكعدت ثاني يوم بدلت لبست ثوب ماروني وحذاء بيجي وشال بيجي ومكياج خفيف

ونزلت جوه كلها شالت عينها تفاجئت من شفت عمي اول مره يكعد ويانه ع الريوك

ضل يعاين عليه بعدم رضا لحد ما ذب سمه وكال....اي خويه احمد الدكتور المثقف هاي بتك هيج تخليها تروح للجامعه وهناك شباب عيونهم طايره

تارة....ليش عمو بي شي لبسي

لؤي.....انتي سكتي الكلام ما موجه الج

تارة....عمو ما اسمحلك تحجي وياي بهل طريقه لبسي مابي شي والحمد الله بابا رباني احسن تربيه ومستحيل انزل راسه وهو المسؤول عني مو انته مامن حقك تدخل

لؤي....ولج تكولين العمج مالك حق تدخل وتكليلي متربيه احسن تربيه لا والله واضحه التربيه

احمد.....ها كملتوا لو بعد والله ماعدكم كل احترام للجبير الكاعد ولا النعمة الله

تارة....بابا اني شمسويه ما سمعت الحجي الذبه عليه هسه

احمد....روحي بابا غيري ملابسج

تارة....ما اغيرهن وما امشي بكيف عمي

وردت اطلع لحكني عمي جرني من شالي وراد يضريني ابويه صاح....لؤؤؤي هاي صار ثاني مرة كتلك بتي خط احمر واني اعرف اربيها انته لتدخل بينه عود من اموت بوكتها افرش ريشاتك

اني كبل طلعت واحس روحي اريد انفجر صعدت بسياره واني ساكته حتى ما كلت صباح الخير

هدور استلمني مرتضى رزايل ليش مجاوبيني من ادك عليج واني مو لعبة عندج وامشي وياي عدل ومن هل كلام اليفتح النفس من الصبح

ما اتحملت ابد كبل طكيتها ابجيه وهو ضل صافن وكام يعتذر مني عاد ضليت ساكته هو هم سكت وصلنه ع الجامعه ردت انزل كال....اني اسف خاف ضوجتج وخليتج تبجين ترى عندي تحترك الدنيا ولا اشوف دموعج

تارة....لا عادي مالك غرض انته بس مشاكل بالبيت ولازم اكلك شي ثاني حتى اخلص من همه مرتضى اني اسفه بس ما كدرت احبك ترى والله اعزك وعتبرك صديق عزيز عليه بس مداكدر اشوفك كحبيب اتمنى تتفهمني

هو بقه ساكت بس احس عيونه كامت اطلع نار كتله....ما راح تكول شي

بقه ساكت عفته مالي خلكه نزلت وسديت الباب

اول ما دخلت تعديت ع الكراج مال جامعه الداخلي شفت دكتور فهد وكف سيارته ونزل باوعلي صارت عيني بعينه ضليت بين صراع اسلم لو لا بعدين غلست ومشيت

ما ادري ليش احسه ضل يباوعلي اجاهلت هذه الشعور ورحت ع اللوكرات طلعت الصدريه البيضه لان اليوم عدنه تطبيق بالمختبر لبستها وحسيت بشعور حلو كل ما البسها احس جاي اللبس حلمي وثمرة تعبي بهذيج السنين

شويه وبدت محاضرة دكتور فهد دخلنه ع المختبر ودخل دكتور فهد ضل يشرحنه واحنى صافنين بالكلمات الغريبه يكلك جاي يحضر جن

بس الكل لاحظ عيونه عليه بالخص البنات ضلن يباوعلي صفح ادري اني شعليه قابل

عاد خلصت المحاضره بالكوه واني كلشي ما افتهمت لان اتوترت من ضل تركيزه عليه

طلعت اتمشى وحدي احس روحي صرت منبوذه لان قبل جانت صديقتي الوحيده ميساء وطبعي ما احب اختلط بأحد يعني ميساء كلش كافيه جانت

فا من عافتني بقيت وحدي وحتى من اشوف مجموعه بنات كاعدات واجي اكعد يمهن يسكتن لو يباوعلي صفح احسهن يضايقن مني فا اضطر اكوم وهسه من وره دكتور فهد كامن يكرهني بزايد

شعور ابد مو حلو ضليت اتمشى وحدي صار بوجهي مرتضى كال بأبتسامه.....تعاي عازمج ع كهوه

كلت بكلبي شبي هذه الصبح كتله ما اريدك بس من وره الضوجه كلت اكعد وياه احسن ما اضل افتر وحدي جني خبله

رحت وياه ع النادي كعدنه وهو جاب كهوه الي او اله حسيت اكو كلام يريد يكوله وفعلا طلع احساسي صح شويه وكال.....براحتج تاره اني ما اجبرج تبقين وياي بس ثقي اني حبيتج ونفسي بيج بس اذا هل شي يسعدج راح ابتعد عنج بس عندي شرط

تارة....وشنو شرطك بله

مرتضى....ما اريدج تحبين واحد وبالخص هنا بجامعه لان راح اتخبل خلي منا الفتره بلكي اكدر انساج

بهل اثناء دك موبايلي كتله لحضه ورديت طلعلي ابويه كلي خو ما ضجتي من عمج وهوه يخاف عليج ومن هل كلام كتله لا عادي ومصار شي حطيت موبايلي ع الطاوله ورجعت كتله .....بس هاي حياتي الخاصه ومالك حق تطلب مني هل شي

مرتضى....احسلج سوي الي كتلج بي حتى بعدين متتندمين وتجين تبوسين بالأدين

تارة....شنو قصدك

مرتضى....الحر تكفيه الاشاره

ضل يحجي كلام ممفهوم كلش ضوجني عفته ورحت بعدها خذنه محاضره وبالكوه خلص هذه اليوم الصعب طلعت بره كلت اخابر ابويه يجي عليه ما اريد ارجع ويه هذه الخبل

فتحت جنتي ما لكيت موبايلي وكع كلبي ضليت ادور مثل المخبله ملكيته ابد رجعت امشي بسرعه دخلت جوه فتحت اللوكر هم ماكو رحت ع ابو السنتر سئلته اذا شاف موبايلي كلي لا

رحت ادور ع مرتضى مثل المخبله بلكي شايله هو من جنت اشرب وياه كهوه

رحت للقسم مالته يله لكيته كتله واني وجهي اصفر وشفايفي يرجفن....عفيه مرتضى ما شفت موبايلي

مرتضى....لا مشفته شنو بس لا ضيعتي

تارة....اي كلبت الدنيا ملكيته

مرتضى....تحجين صدك غير تنتبهن

تارة....هسه مو وكت تلومني اتصل عليه بلكي احد يرد

وفعلا اتصل عليه طلع مغلق هنا اتأكدت موبايلي انباك

مرتضى.....زين بي رمز

تاره.....لا لا لا مابي رمز عمي ميقبل احط رمز يكلي شضمين بي ياربي شلوووون فوكاها بي صوري الخاصه

مرتضى.....لتخافين هسه نروح للعماده بلكي يطلعون تسجيل الكامرات

تاره....اي فدوه مرتضى امشينه والله اذا طلعن صوري اهلي يموتوني

مرتضى...لا لتخافين هسه نلكا

وفعلا رحنه ع العماده كلي مرتضى انتضري هنا وراح دخل ربع ساعه وطلع ركضت عليه كتله.....ها بشر

حور◇◇

اني كبل خفت والي خوفني اكثر من شفت محمد جاي بتجاهنه

سيف....اني اخو ازهار ودزتلج هذه الدفتر

حور....ها شكرا

خذته منه بسرعه وهو ضحكلي وضل يعاين بعدين راح صار بوجهه محمد كله....تفضل منو حضرتك

سيف....انته الي منو

محمد.....اني خطيبها وما اقبل تحجي وياها عندك شي تعال كلي الي

اني فتحت عيوني يبو هذه شجاي يحجي هسه يروح يكول سيف الازهار وتعاي لازم اكعد ابررها

سيف....قابل خذت راسها انطيتها الدفتر مال اختي

همزين ما تعاركوا لان سيف مشه او محمد خزرني وراح

اني طبيت كبل للبيت كعدت بالحديقه راسلت محمد كتله....انته شلووون تكول للولد خطيبتي ترى اني مو خطيبتك اني مجرد معجبه بيك حتى ما احبك

محمد....لا تحبيبني وغصبا ما عليج لو عاجبج الولد تسامر وياج بشارع ما حسبتي حساب الناس شتكول عليج

حور....واني شعليييه شبيك انت هو وكفني ونطاني الدفتر

محمد.....احسن الج هل شي ميتكرر لشوفين شي ميعجبج

واني مندمجه وسولف وياه ما احس غير انسحب الموبايل مني شلت راسي شفتها امي كلت بكلبي اجاك الموت يا تارك الصلاة ضلت تأشرلي وعيونها حمر....ميللللج هذه الموووووبايل

توترت كلش حتى ما اعرفت شكلها وهنا خذت نصيبي اول ضربه اجتي ع راسي وضربه الثانيه ع بطني وضلت اتملخ بيه وتأشرلي..... احجي ميلللللج مين جبتي

ضليت حايره بألم بطني خلاني ما اشوف دربي كلش تأذيت وما اكتفت بهل شي شلعت الحبل مال ملابس ولفته ع ركبتي وضلت تسحل بيه بالحديقه والله فحطت احس روحي تصعد للسما وتنزل ضليت اصيح....كاااااافي اختنكت راااااح اموووت

بس شنو الفائده الشيطان ينقهر ولا هاي تنقهر
ع صوت صياحي مدت راسها هاي الابنيه زينب جوارينه الجدد كامت تلطم وصيح ولج عوفيها ماتت البت بيدج بس لاحياة لمن تنادي
صاحت بأخوها طلع بره يصيح الخرسه كتلت بتها

منحس ثواني وندفرت الباب واكيد اجه منقذي محمد جرني من ايدها كوه ووخر الحبل عن ركبتي وعيونه كامت تنط من العصبيه دفع امي وكللها.....ولج حتى اليهود بيهم رحمه اكثر منج ولج شلون هيج اسووين بطفله ادري تايهتلج لو شفتي ما عدها اهل اني اعلمج اذا ما اروح اشتكي عليج بالمركز وكلهم تعنف طفله وخليج تنامين بالحبوووس ادري الله خلاج طرشه وخرسه وبعدج ما تايبه شيسوي بيج بعد وانتي تعاي وياي

حور احجي كوه لان صوتي راح كتله....وين ما خذني

محمد....ابقي هنا هسه اجيج ....وباوع الامي ورفع اصبعه وكال....اذا اتقربتي الها والله ادفنج انتي وعدله

ثواني ورجع شالني وحطني بسياره كتله....... وين رايحين وبعد ما حسيت ع روحي

ثواني وكعدت ع ريحة عطر قويه فتحت عيوني شفته يشميم بيه حتى اكعد او واكفه بصفه اخته وعيونهم تترقبني بسرعه كتله.....عفيه محمد رجعني للبيت امي وحدها

محمد....ولج شنو من كلب شايلته بعد السوته بيج كله وتكليلي وحدها بس اريد افتهم ليش هيج ضربتج

دنكت وكتله....شافت الموبايل

عصر ايده وكال....يعني من وراي الصار

حور....لا انته مالك غرض هيه قاسي وياي من زمان او اقل غلط هيج تعاقبني

محمد.....منا ورايح اوعدج ما خليها توصلج وهسه امشي للدكتورة اطمن عليج

وفعلا سندوني هو واخته ونزلوني من السياره واني كوه امشي بطني موتتني دخلنه ع المستشفى كلوله حولها ع الدكتور الفلاني بس هو ما قبل كال اريد دكتوره ما افتهمت ليش هيج سوه

وفعلا رحنه ع دكتوره وجان سره طويل كام محمد انطه مدري شنو للسكرتير ودخلنه

كالت اريد اشعه وفعلا رحنه سوينه اشعه بس الحمد الله مابيه شي بس انطتني مهدئات ومحمد وخته ضلوا يركضون بيه منا ومنا والله كلش استحيت هذه الماعنده احد هيج ينذل

بعد ما كملنه كلشي واخذنه الدوه صعدنه بسياره كتله....محمد وين رايحين

محمد.....البيتنه بعد ما الج روحه هناك خليها تموت وحدها او اذا ع الناس اجيب شيخ يعقدنه بس ع الورق وبعدين نسوي كلشي رسمي من تكونين مستعده

حور.....لا محمد انته شجاي تحجي ما اريد اكون ثكيله ع احد واني هواي استحي من اهلك

محمد....هذه كلامي الاخير

حور....لا الي تكوله مستحيل ما راح اروح الاهلك لو تنكلب الدنيا

بسرعه فر السياره وغير الطريق رجعت كتله......وين رايحين هدور

محمد....لشقه مالتي وكعدي بيها انتي وختي واني بس اجي اطمن عليكم اذا تستحين من اهلي

مدري شدردمت اخته وهوه خزرها سكتت رجعت كتله....محمد ليش مجاي تفهمني اني ما اكدر اعوف امي وحدها حتلو هيه قاسيه وياي بس ترى ما عدها احد غيري

عصب وكال بصوت عالي.....انتي شبيييج يعني عاجبتج هاي الحياة

حور...اي عاجبتني مالك غرض انت

ضرب الستيرن حيل ورجع ع الطريق الي يودي البيتنه ضلينه ساكتين لحد ما وصلنه

فتحت الباب ونزلت بدون ما اكول شي هو هم نزل دخل وراي ع البيت وضل يعد ويصف الامي وهددها وكال....هاي اخر مره قسم بربي اذا مرة ثانيه مديتي ايدج عليها اخذها منج وعقد عليها واكبر راس ادوسه افتهمتي لو لا وهذه الموبايل اني جبته الها واذا خذتي منها اجيبلها عشره غيره

وامي صافنه ما حجت شي طلع وركع الباب اول ما سدها جرتني عضتني عضه طبعت سنونها بيدي كوه خلصت منها وركضت للسطح ابجي على ما خلصن دموعي ادري شمسويه بحياتي مأذيه احد وداعي عليه بالفكر هيج

عرفت كلام محمد صح هاي امي متنعدل بس اني ما اكدر اروح وياه اخاف من الزواج وكلشي متعلق بي لان اشوف امي وحيده وهيه مرة جبيره اكول مثل ما عافها ابويه اكيد راح يعوفني محمد هم

ما اعرف اني جنت طفلة وهيج تفكيري وما اعرف الصح من الغلط وماكو احد جبير ينصحني ويكلي سوي هيج وسوي هيج

طبعا صار المغرب ودنيا ضلمت واني فوك بسطح ما حس غير سمعت صوت خشن يكول .....ليش تبجين يبعد طوايف هلي

اذا اكلكم شفت جني ارحم بهواي من هل شوفه

ضليت جامده بمكاني من شفته سيف اخو ازهار ولابس فانيله سوده ربع ردن وبرموده وجسمه نصه وشم وحاط كلاده جنها مال بنات وفوكاها عابر ع سطحنه اجه بتجاهي واني ركضت

دموعــــــــــــي،،، لا تعني أني انهزمت ذات يوم و انكسرت ذات لحظة ، او انجرحت ذات ليلة ، بل دليل على اننـــــــي تحملت هذه الدنيـــــــــا اكثر مما تستحق ان اتحملــــــــــها ...... "الصمت عنواني فما عاد الزمـــــان زمانــــــــي.....

يتبع .....