رواية في ارض الغرام انت دولتي الفصل السابع والعشرون 27 - بقلم ﮼الاميره،الموسويه 👑

بقلمي (هدى الموسوي) الاميره الموسويه 👑

ما احلل لاي شخص ياخذ كتاباتي وينشرهم (ذمه)

اسيد .. فتحت الباب وشفت العائله الكريمه كلهم كدامي!!
والطامه الكبرى ساره زوجة كرار هم وياهم .. اخاف اني عايز هسه كملت .. شافوني بالبيت استغربوا .. اشلون كلتلهم عندي واجب شهر .. واشلون لكوني بالمزرعه؟!
راح يبدي الاستجواب واني ما الي خلك احد حتى نفسي مو طايقها .. ومااكدر اطلع من المزرعه واعوف بلوة حياتي الي نايمه جوه لتطلع وتسويلي كارثه .. بلحظتها يمكن الكون ضاق عليه ..
طلعت استقبلتهم سلمت عليهم ما عدى الحقيره ساره رادت تسلم عليه بس لبستها .. دخلو جوه .. مثل متوقعت امي فتحت تحقيقاتها ..!
اشوكت اجيت ، اشعندك هنا ، وليش مااجيت للبيت ، ليش منطيتنا خبر ... اكلت راسي!
كلتلهم الواجب يطول وحتاجيت كم شغله اجيت اخذهم وراجع .. ومكدرت اجي للبيت لان بعيد الطريق يصير وما عندي مجال لازم بسرعه ارجع للدوام!
بعد شد وجر .. وكلام واثباتات سكتت امي عني .. !
بقينا كاعدين نسولف وسوو  عشه كعدو يتعشون .. بس اني عقلي وبالي كلهم يم البلوه الي فوك .. خفت تنزل وتسويلي فضيحه ما لها اول من تالي .. استغليت جمعتهم ع الاكل عفتهم يتعشون وصعدت الها .. فتحت باب الغرفه لكيتها كاعده ع السرير لافه نفسها بالغطى ، شعرها منفوش  .. مدنگه ومخليه راسها بي رجليها .. لأول مره گلبي ميتأثر بمنظرها وهي بهالحاله .. يمكن الي صار اليوم قتل الانسانيه الي بداخلي نهائياً لان حتى مدااحس بندم ع الي صار .. بالعكس احس استمتعت وعقلي يصرخ منتصر!!
لو ما فقدت وعيها مكنت اتركها نهائي .. لانو الشعور الي حسيته وعشته وياها مو طبيعي كل صرخه منها  كل توسلاتها .. حتى دموعها كانت تثيرني اكثر وتخليني اقسى عليها اكثر واكثر لحد ما وصلت لدرجه فقدت السيطره ع نفسي اكيد الكل حيكول علاقه وحشيه وكذا .. مو مهم المهم الشعور الي عشته وياها رغم كل اعتراضاتها بس كانت فعلاً كتلة انوثه طاغيه لما توصل لمرحله انو ترفض الي ديصير بس تفقد التحكم بجسمك وتنصاع لرغبتك والشعور الي يعتريك بلحظتها .. هي بلحظات كانت تنصاع غصباً عنها..!
اتخيل شخص رافضك وبنفس اللحظه يعيشك شعور متريده ينتهي؟!!
مااعرف اذا كل نساء العالم مثلها ..  واذا كل العلاقات هيج شعورها لانو اني مو صاحب تجارب ولا عندي باع طويل بهذي الاشياء مثل اصدقائي .. بس الي واثق ومتأكد منه انو ماكوووو وحده لا بجمالها ولا بأنوثتها مستحيل .. بحيث خلتني انهار كدامها .. اني الي ما أمد ايدي ع مره خلتني اتوحش وياها بس حتى اخذها ...  كنت مفكر انو دااعاقبها ع الي كالته .. بس الحقيقه مكنت اعرف بشنو دااورط نفسي .. مكنت اعرف انو الي صار حيتملكني و راح تصير ادمان بالنسبه الي ..  ادمان حيدمر كل تفكيري ويخليني اخضع الها!!
كنت متوقع مقاومتها بس اول مره وتنتهي  .. بس كالعاده فاجئتني بكل مره كل ما اتركها واكول خلص حتخضع للي صار .. ارجع الكاها كدامي اشرس من الي عفتها .. وهذا الشي يزيد جنوني بيها اكثر.

سديت الباب ومشيت بتجاها .. بصوت جامد

_كومي دااحجي وياج

داليا .. ماكو لا حس ولا نفس .. ساكته

اسيد .. اعرف دتسمعيني ومبيج شي .. لتعصبيني وتعرفين الي يصير لما اعصب.

داليا .. ههه مااعرف شنوو احجي ولا اعرف شنو اكول .. حتى مااعرف اذا المفروض ابجي لو اضحك!!
كل مصيبه توكع ع راسي وكولما اكول خلصت صدمات الحياة و بعد ماكو اسوء من هذي واتفاجأ بالاسوء والاسوء .. بس الي صار هالمره دمر كولشي واتخطى كل توقعاتي .. لاول مره بحياتي بعد كل هالسنين  اتمنيت اركض لحظن ابويه .. احتمي بحضنه اختل بي وابقى هناك كنت محتاجه ابويه مااعرف لويش مفكرت غير بي!
بس شنو يفيد التمني .. وبيا حظن احتمي اذا ابويه عافنه وراح .. احتمي بحظن التراب ؟!
كنت متوقعه حيخوفني بسبب الي كلته واقصى شي يسوي يضربني .. عادي كلت اتحمل لان اني فعلاً اتجاوزت حدي .. شخص مثل اسيد اقتله ولا تطعن برجولته .. كرامته ورجولته خطوط حمراء .. اي شخص عايش ويا ومعاشره راح يفهم هذا الشي .. بس اني من غبائي مسيطرت ع اللساني .. لانو حسيت كرامتي انخدشت هه!!
لو عايفتها ع الخدش وساكته كان بقى شي منها بداخلي .. بعد الي صار حتى انسانيتي انعدمت ، لدرجة حتى على نفسي ما شفقت ابداً كل الي فكرت بي انو اني لازم اموت ومااستحق الحياه .. صرت احس نفسي قذره .. قذره .. اتلوثت بي !
صح كنت ادري بي قاسي وعصبي وميتفاهم بس مو لهدرجه .. مكنت مفكره ولا مخليه ابالي انو ممكن يسوي بيه او بأي وحده غيري شي وحشي مثل هذا .. الي شفته وقتها مو اسيد ، والي انتهك كل ذره برائه بيه مو اسيد .. والي كسر كل عظمه بجسمي مو اسيد .. مو اسيد .. مو اسيد!
هه .. ع منو تضحكين داليا ..؟!
كافي اصحي .. هي هذي الحقيقه المره الي تتهربين منها صارت واضحه كدامج .. هو هذا فارس الاحلام الي عشكتي من اول نظره .. بعد شنو هو الي مو اسيد هياته واكف كدامج!
اعرف .. والله اعرف .. والرب اعرف .. والمسيح اعرف .. اعرف هذا هو الي دياخذ روحي .. بس گلبي مو راضي يصدك!
مو راضي يقتنع انو هذا الوحش .. الحيوان .. المخلوق همجي .. الي ميخطر ع البال ابد .. هو نفسه اسيد حُب گلبي!
بكل ما املك من قوه وجرئه حاولت امنعه يتفربلي قاومته بكل ذره قوه املكها .. بس اني وين هو وين؟!
اخذ الي يريده واكثر بكل وحشيه وكل همجيه .. وشمرني مثل الخرده الباليه !
اني لو احجي الالم الي بداخلي والشعور الي دااحسه محد راح يفهمني ولا اكدر اوصل الشعور الي عايشته!
المهم ..
عافني وطلع كلت خلص انتهى الكابوس .. دقايق ورجعلي بنفس الوحشيه و نفس الطريقه مره بعد مره بعد مره .. لحد ما انهد حيلي ومبقت عنده اي قوه اقاومه بيها .. استسلمت محسيت بشي غير ظلام ...!
كعدت كل ذره بيه توجعني .. جسمي كوله ازرك ويأذيني .. بس مو بكد الاذيه الي دااحسها بگلبي!
مااعرف الدنيا صبح لو ليل .. باوعت ع الساعه ب6 pm بقيت جامده بمكاني بصدمه مدااصدك الي صار عقلي مدايستوعب والاحداث تفتر ابالي موتتني
فجأه انفتح الباب ودخل .. من شفته گلبي انقبض خفت لا يتقربلي بعد مااتحمل جسمي رجعتله الرجفه وگلبي احسه حيطلع من مكانه .. بصوته المتوحش ونظراته الي دتفترسني بغضب .. بكل صلافه واكف كدامي ولا كأنه مسوي شي حتى نظرة ندم ماكو بعيونه .. ماكو غير الظلام .. ظلام حالك وملامح مليانه غضب .. كالي حتبقين خدامه هنا مركزت شنو كال بعد لانو عقلي كان يرجف من الخوف كل ظنه حيتقربلي .. عافني وراح حمدت الرب وشكرته !
رجعت لصفنتي وبقيت بمكاني مااكدر اتحرك كل جسمي يوجعني ونفسي لعبانه وقرفانه من الي صار !
اريد اكوم انظف روحي ابعد عني هذي القذاره الي دااحس بيها .. مااكدر جسمي ميساعدني كعدت وهموم الدنيا كلها بداخلي  .. بجيت لحد ما عيوني خلص دمعها .. كمت احس بيهم من ابجي نار وتحركهم .. مااعرف اشكد بقيت ع هالوضع
محسيت غير الباب انفتح .. مرفعت راسي لانو الوجع الي دااحس بي فضيع بحيث حتى لو موتني مااحرك ساكن جسمي احسه خدران .. صوته فززني من الدوامه الي دتدور ابراسي ..
حجه وياي مدرتله بال لانو من صدوك ماعندي قدره حتى احجي نفسيتي وجسمي وروحي وگلبي متدمرين.
كالي لتخليني اعصب وتعرفين شيصير اذا عصبت!!
هنا اني كل ذره بيه فزعت ورجفت .. اعرف شنو يقصد واخر شي اتحمله بحياتي انو يتقربلي .. استجمعت نفسي و بلعت ريگي حتى اطلع الكلام .. بصوت همس مااعرف اذا سمعه اصلا او لا ..

_عوفني بحالي.

اسيد .. اني الدنيا حتنكلب فوك راسي وهاي كاعده تتمزعط عليه ولا كأنو دااحجي وياها .. مديت ايدي بكل قوه لزمتها من شعرها ورفعت راسها خليت وجهي كبال وجها .. وبصوت حاد من بين اسناني ..

_ لما احجي وياج ترفعين راسج وتجاوبيني .. فهمتي لو لا؟!

داليا .. حسيت فروة شعري حتنقلع بأيده من كد القوه الي لازمني بيها .. محجيت شي بس الدموع اتجمعت بعيني من جديد .. كان يباوعلي بنظرات غضب وعيونه تريد تاكلني مااعرف شنو الي صار .. هو الي اغتصبني .. وهو الي كسر جسمي .. وهو الي هاني وخلاني اسوي اشياء فضيعه بحياتي مراح انساها .. اعتقد بعد هذا كوله المفروض اني الي انهار واعصب مو هو ..!
بقيت صافنه بوجهه محجيت شي بس ارجف .. ضغط بأيده ع شعري اكثر وكالي
اسيد .. فهمتيييييي؟!!

داليا .. الالم الي حسيته فضييييع جبرني احرك راسي بمعنى اي فهمت .

اسيد .. وهسه ركزي وياي واسمعيني زين اهلي اجوي وكلهم جوه .. مااريد اسمعلج نفس واحد ولا تخطين خطوه وحده بره الغرفه هاي مفهوم؟!

داليا .. من كال اهلي هنا حسيت الروح دبت بيه من حديد .. امل راح يخلصني منه .. حتى لو اهله عرفو بزواجنا وحتى لو كرهوني وطردوني ميخالف بس المهم اطلع منا اكيد الحجيه مراح تخلي يحبسني هنا ويعذبني .. راح تخلي يطلكني و اروح لحال سبيلي واتحرر منه .. الحمد الك يا رب خلصتني منه .. بسرعه هزيت راسي اله بمعنى مفهوم.

اسيد .. ها .. ونسيت اكلج منو اجه وياهم بعد .. امج المصون هي و زوجها وساره هم هنا ، يعني اذا تفكرين تلعبين بذيلج وتسوين وحده من حركاتج السخيف براحتج ما عندي مانع خلي امج تشوفج بس اشك راح تتعرف عليج بسبب ملامحج الجديده الحلوه ، ساره بس الي راح تفرح بشوفتج .

داليا .. هه مو أكللكم السعاده متدوملي .. السماء كولها حسيتها وكعت ع راسي .. اخر شي اريده انو اشوفها اصلاً وانوب بهذي الحاله؟!!
راح الامل واتبخر وحل بمكانه ألم حرك روحي حرك!

سكتت وبقيت بس صافنه بعيونه .. عيونه الي خدعتني وخلتني افقد عقلي بي .. عيونه الي كولما اشوفهم انسحر .. بس هالمره لااااا .. مااضعف بعد .. داليا الغبيه ماتت بفضل هذي النظرات.

اسيد .. من كلتلها امج هنا ملامح وجها كلها اتغيرت .. وسيطرت عليها نظره غريبه اتخطت الحزن الي كان مرسوم بيهم.
تبقين هنا وتسوين الي كلتلج عليه .. وخلي ابالج خطوه غبيه منج مو بس حياتج الي تدمر .. صدكيني حتى صديقتج اخلي علي يطلكها ويشمرها بالشارع وبسهوله هم .. فكري زين قبل لتتغابين.

داليا .. سلمى!!
لااااا كولشي ولا سلمى .. اني حياتي اتدمرت خلص بعد مبقالي شي ، بس سلمى هسه يلا شافت السعاده !
مستحييييل اخلي يأذيها او يدمر سعادتها حتى لو اموت .. اسوي كل الي يريده ماعندي شي اخسره بس سلمى لااا ... زاد النار الي مشتعله بداخلي و عافني وطلع !
بقيت جامده بمكاني من الرعبه وكلامه يرن بأذني .. بكل مااملك من قوه سحبت نفسي وارتكيت ع اي شي كدامي وصلت للحمام .. فتحت المي و وكفت جوا جسمي هو الي موجود بس روحي بغير عالم .. عالم مليان ألم و عذاب !
نظفت نفسي بقوه كنت انتقم من جسمي ع الي صار .. زاد الألم بعد اكثر عليه .. وكفت كدام المرايه .. شفت جسمي كوله ازرك ، خدي ، رگبتي ، اديه ، صدري ، كوله عباره عن بقع زركه ، شفتي مجروحه .. عيوني ورمانات وحمر دم!
نفس الي صار قبل كم يوم بس هالمره اسوء واسوء واسوء .. هالمره كنت عباره عن صوره مشوهه .. معرفت الانسانه الي معكوسه صورتها كدامي!
احس روحي حتطلع من الشعور الي حسيته والصور الي مرت ابالي .. اتذكرت الي صار .. خليت اديه ع حلكي وصحت بكل قوتي .. صرخه هزت الكون بس بلا صوت كتمتها بأديه!!
كعدت بالكاع وبجيت شهكت وبجيت .. بجيت .. بجيت .. لحد ما أذتني دموعي!
لفيت نفسي بالمنشفه وطلعت .. من التعب خليت راسي ع المخده ونمت .. كعدت ثاني يوم الساعه ب 10 الصبح اريد هدمه البسها ماكو اني بغرفته؟!
زين اذا دخل عليه واحد وشافني بالمنشفه شكول شحجي؟!
فتحت الكنتور مالته لكيت ملابسه كلهم سود يا ستار .. جريت واحد من تشيرتاته ردت البسه اول ما قربته مني ريحة عطره ترست خشمي!!!!
اتذكرته .. فجأه كل الي صار والي سوا بيه اجه ابالي !!
لزمته شمرته وسديت الكنتور .. لو اعرف اموت ما اخلي شي بي ريحته ع جسمي .. بقيت لافه نفسي بالمشفه ومحبوسه بالغرفه مطلعت منها ابد مااعرف الليل من النهار بس من الساعه .. بقيت ع هالوضع 4 ايام مشايفته ولا اجاني بس لما اكعد الكى صينيه مالت اكل يمي مااتقربلها و يرجع يجيب غيرها وهم تبقى ع حطتها !
بالغرفه مالته كان اكو ثلاجه مليانه اشكال واللوان بس اني ما الي خلك حتى اتنفس مو اكل انوب!
كل الي كان يدخل لمعدتي مي وبس .. لحد ما حيلي كوله راح صرت مااكدر ارفع راسي من المخده .. خامس يوم كنت داانازع روحي حتى متطلع .. سحبت نفسي اريد اشرب مي من الثلاجه مكدرت خطوتين و وكعت!
بقيت بالكاع مااكدر اتحرك .. فجأه شفت ضوه بعيني والباب انفتح!
غمضت عيوني احس روحي خاويه حتطلع .. فتح ضوه الغرفه مكدرت اشوف شيي سديت عيوني ورحت لغير عالم.

اسيد .. اهلي بقو بالمزرعه هم متعودين كل فتره يجون هنا يخلصون العطله ويرحون بس هالمره طولو خلصت العطله وبعدهم لاطشين .. اني مااكدر اطلع من البيت اخاف تطلع من الغرفه لو احد يدخللها لان كرار عنده مفتاح حتياطي لكل غرف بيت المزرعه!
المهم ..
انحبست بالبيت وكلت الاهلي الواجب اجلو كم يوم .. كل يوم لمده 5 ايام كنت اخذلها اكل بدون مااحد يشوفه واودي الها بس كالعاده الكاها مجايسته اصلاً!
مع ذلك ابقى اوديلها كلت لما يدكها الجوع غصباً عليها تاكل .. 5 ايام حالي انشل مثل الحرامي ابوك الاكل واخذه الها .. لحد ما راحو اهلي طلعت روحي .. كالت امي تعال ويانا للبيت كلتلها لا من اطلع اقرب الي!
ودعتهم وامي بقت تبجي رجعت اتذكرت اتودعني مره ثانيه الظاهر!
راحو واني گبل صعدت للغرفه اريد اشوفها عدله ميته!
فتحت الباب كانت لكيتها امدده كدامي بالكاع!!!!
وملابسه شي بطرك المنشفه!!
دنكت عليها بسرعه فتحت عينها ضربتها ع خدها متجاوبت وياي بس هزت راسها هزه خفيفه وبصوت همس كوه سمعته كالت ..

_لتتقربلي!

شلتها ونزلت بيها بسرعه جوه خليتها ع التخم ورحت للمطبخ اجيب مي وجهاز الضغط .. اجيت لكيت ايناس واكفه يمها...!!!!!!!
ما احجيلكم الصدمه الي كانت مرسومه ع وجها حتى اني انصدمت وگلبي انقبض مو لان شافتها وياي .. لااااا بس خفت لا تعرف داليا واني وعدتها مااخليها تعرف بيها عايشه!!
بسرعه ركضت جبت الجاكيت مالتي خليته عليها وغطيت وجها وصدرها لان كانت بس بالمنشفه!

بصوت جامد وحاد .. ام احمد خير شرجعج؟!!

ايناس .. منو هذي اسيد؟!!

اسيد .. بصوت غاضب .. اعتقد ميخصج منو هذي وسألتج سؤال مجاوبتيني عليه

ايناس .. شنو ميخصني ابني متشوف المسكينه شصاير بيها .. هي عايشه اصلاً؟!!

اسيد .. اخر مره شرجعج لهنا؟!!

ايناس .. من شافت الغضب واضح عليه عرفت انو هي تجاوزت حدودها .. ابو احمد نسه المحفظه مالته ورجعت اخذها .. وهسه كولي هذي منوو وشتسوي هنا؟!

اسيد.. معناها ابو احمد دينتظرج؟!!

ايناس .. اي دينتظرني بالسياره .

اسيد .. مشيت للميز اخذت المحفظه خليتها بأيدها .. وبصوت جامد .. هذي المحفظه و لكيناها الله وياج.

ايناس .. اسيد ابني دااحجي وياك جاوبني هذي منووو؟!
معقوله انت الي مسوي بيها هيج؟!
يا ابني خطيه ع الاقل اخذها للمستشفى لتموت وتتورط بيها .. مدااصدك انت تسوي هيج شي .. مستحيل.

اسيد .. طبعاً ممجبور اوضحلج منو هذي بس اعرف اذا مكلتلج راح تكولين الامي وتسويلي قصه مالها نهايه .. هذي اتكون زوجتي  متزوجها ع سنة الله ورسوله .

ايناس .. شنوووووو ؟!
زوجتك؟!!
معقوله انت تتزوج؟!!
زين ليش اتزوجت بدون علم اهلك .. ومنو هي البنيه وليش مزوركه هيج؟!!

اسيد .. ام احمد لحد الان مطول بالي وياج لانج بمقام امي .. بس مو معناها اسمحلج تتدخلين بخصوصياتي .. منو هذي وليش اتزوجتها وشصاير بيها .. شي ميخصج!
فأخذي الغرض الي اجيتي بي وروحي احسن ما ينزل زوجج وتصير غير سالفه.

ايناس .. ماشي اسيد رايحه بس كلامنا منتهى ولتتصور راح اسكت ع هذا الشي حتى لو اضطريت اكول الامك وهي تتفاهم وياك.. انت الظاهر تريد تضيع نفسك.
اخذت ايناس المحفظه وطلعت!!

اسيد .. ركضت بسرعه رفعت راسها غسلت وجها وشربتها مي ..!
قست ضغطها شبه مصفر!!
ركض جبتلها خياره وملح اكلتها بالكوه وعصير برتقال .. شربته بالكوه كانت مثل النايمه شبه فاقده الوعي!
رفعت رجليها .. واتصلت على ابو سعد كلتله تروح للسوك تجيب معلاك و اتدزلي ام سعد بسرعه !
طبعاً اني متفق ويا هو ومرته ميجيبون سيرة زواجي كدام اي مخلوق .. وام سعد طول الفتره الي اجوي اهلي مااجت للبيت!
المهم..
صعدت داليا لغرفتها .. طلعت ملابس لبستها لكيت عدها ملابس نوم نسائيه ؟!!
غريبه من وين هاي الملابس وهي اصلاً متطلع؟!
اكيد ام سعد الي جابتهم لان هي مره كالتلي ام سعد  اشتريتلي ملابس انطيها فلوسهم!
المهم اخذت واحد منهم لونه كان خمري وقماشته بارده كعدتها ولبستها الثوب  .. جسمها كان مليان رزاك!!
للحظه حسيت شي بداخلي وجعني .. رجعتها ع السرير ونزلت لكيت ام سعد جايه اجتي ومسويه الاكل اخذته منها وكلتلها روحي من احتاجج اخابر !
صعدت لكيتها نايمه .. بصوت هادئ كعدتها ..

_داليا .. داليا ..

داليا .. كنت نايمه مااعرف شنو الي صار اسمع صوت و واحد ديحركني .. مااعرف شديسوي .. كنت بغير عالم  ما حسيت غير واحد ديصحي بيه ويضرب ع خدي!!
فتحت عيوني لكيته كدامي .. من شفته گلبي انقبض .. گلبي الي كان من يشوفه يطير من مكانه هسه كان يرجف من الخوف!
بكل قوتي رفعت نفسي وكعدت .. وبصوت بالكوه طلع من حنجرتي

_لتتقربلي .

اسيد .. اووووف لما كعدت وشفت نظرات الكره بعيونها حسيت شي بداخلي اشتعل وديحركني!
بس بنفس الوقت ارتاحيت من شفتها كلشي ما بيها .. بصوت حاد

_اكلي.

داليا .. مااريد منك شي ابتعد عني.

اسيد .. اكلي دااكول.

داليا .. نظراته الظلمه وملامحه الغاضبه زادت خوفي اكثر .. بس كرهي اتغلب ع خوفي .. مااريد اشوف وجهه كولما اباوعله اتذكر الي صار.
بصوت حاد طلعت كل قهري ..

_ما اريد .. انت تفهم لو شنوو .. مااااا اريييييد .. وخر عني عوفني بحالي .

اسيد .. الج خيارين لو تمدين ايدج وتاكلين.. لوو اني اوكلج بطريقتي!
وبلا دراما

داليا .. نبرة صوته كانت كافيه حتى اعرف كمية الغضب الي كاتمه .. مردت العب بعدادات عمري ع كولته .. ولا اريد يتقربلي لو يلمسني اصلاً .. بهدوء مديت ايدي واكلت !
هو كان كاعد بعيد عني ع الكرسي ويدخن جكاره بس نظراته اكلتني اكل!
كملت وبعدت الصينيه عني ..
اجه هو باوع ع الاكل وبصوته المخيف ..

اسيد .. كملي.

داليا .. شبـعـ..

اسيد .. ك .. م .. ل .. ي.

داليا .. رجعت اكلت غصباً عليه .. مبقيت شي هالمره حتى معدتي وجعتني!

اسيد .. اخذت الصينيه ونزلت .. اخذت العصير صعدته الها .. لكيتها ماكو بالغرفه!
سمعت صوت بالحمام .. اشويه وطلعت من شافتني دارت وجها بسرعه ومشت بتجاه السرير.
بصوت حاد ..

_اشون صرتي؟!

داليا .. معليك.

اسيد .. استغفر الله اكثر من هذا شسوي بيها بعد؟!
ضبي اللسانج وجاوبي عدل.

داليا .. وخر وجهك عني واصير زينه.

اسيد .. كمت من مكاني مشيت ناحيتها .. وكفت وراها هي من حست بيه جمدت بمكانها .. اتقربت منها حيل بحيث ظهرها احتك بصدري .. بصوت همس ..
_لتفقديني اعصابي اذا متردين ينعاد الي صار .. صدكيني بالموت لازم نفسي عنج !

داليا .. بالكوه سندت ع الحايط ورحت للحمام انتبهت ع نفسي لابسه هذا الثوب!!
گلبي احترك منو غيره ممكن يلبسني؟
فكرة انو رجع لمسني حركت روحي حرك .. لما رجعت شفته كدامي اتجاهلتها .. بعدين  وكف ورايه كل جسمي قشعر .. رعشه صارت بجسمي
من كال هذا الكلام!
سكتت محجيت شي لان اعرف اذا اعانده اني الي انظر !

اسيد .. وهسه جاوبي ع سؤالي

داليا .. ميفيد ويا اللساني كل الي صار كالعاده خلاني بورطه  .. انت مستحيل تكون بشر.

اسيد .. اتوقعتها تخاف تنرد .. بس كالعاده فاجأتني .. اول مكالت هذا الكلام لزمتها من ايدها صارت مواجهه الي .. دفعتها ع السرير انحنيت عليها ولزمت اديها رفعتهم ليفوك وجها ميفصل عن وجهي غير كم انش وعيوني بعيونها .. بصوت حاد ..

_شكلج تردين ينعاد الي صار مو؟!
الظاهر استمتعتي وتردين تكررين الاحداث مره ثانيه!

داليا .. سكتت بس اني كل ذره بيه ترجف وانفاسي صارت سريعه حسيتها حتنكطع .. بقيت صافنه بوجهه ودموعي اتجمعت بعيني

اسيد .. بصوت عالي وحاد .. جاوبيني تردين اعيد الي صار؟!

داليا .. العبره كانت خانكتني ومااكدر انطق بالموت طلع الكلام من بين شهكاتي .. اا..سـ..فـه.

اسيد .. نظرات الضعف والانكسار بعيونها هزمتني .. رغم انو كان يفصلني عنها كم انش ورغم كل الي سويته بيها بقت لوحه فنيه .. جمال يسطر اصلاً زاد جمالها مااعرف اني الي انسحرت خلص .. كنت حتقربلها اخذ بوسه ع الاقل .. بس شكلها المكسور منعني .. !
عفتها وطلعت صحت ام سعد يمها وكلتلها متعوفيها ابد ولا تخليها تطلع باب البيت واذا صار شي متلومين الا نفسج!
اخذت ملابسي رحت لدوامي كبل .. بقيت هناك 15 ايام .. ليل ونهار هي بعقلي ..
الي صار ميفارگني ولا لحظه .. لدرجه كمت افقد السيطره ع نفسي بس اريد اشوفها .. اشمها .. اسمع صوتها .. نفسيتي اتدمرت والكوه صبرت روحي بالدوام شغلت نفسي بأي شي في سبيل ماافكر بيها !

داليا .. من عافني وراح بهذا اليوم مشفته بعد ابد!
اجتي ام سعد من شافتني اتخبلت .. رغم انو طلعتلها الف عذر وعذر بس مصدكتني!
عرفت انو هذا الي بيه فعل الدكتور المثالي .. اتعاطفت وياي بس حاولت متبين انو هي عرفت شي من الي ديصير بينا!
مرت الايام بسرعه واني بديت اتشافى .. والورم الي بجسمي والوجع يختفي .. هو معرفت عنه شي ولا ادري بي وين كنت مرتاحه لانو مااشوف خلقته .. فد يوم كنت كاعده بالصاله الصبح وام سعد دتسوي ريوك ..!
اندك الباب كلتلها اني افتحه ام سعد .. كمت فتحت الباب وجااااااااان اشوف اكبر وجع بحياتي واكفه كدامي.........!

للحكايه بقيه ❤️
رأيكم بالاحداث وتوقعاتكم للبارت القادم 🤗
البارت كولش طويييل و لتنسوووووووووون التصويت 😘