رواية في ارض الغرام انت دولتي الفصل السادس والعشرون 26 - بقلم ﮼الاميره،الموسويه 👑

بقلمي ( هدى الموسوي) الاميره الموسويه 👑

مااحلل لاي شخص ياخذ كتاباتي وينشرهم (ذمه)

اسيد .. كنت تعبان من اليوم كله والي صار بي ، صعدتها غرفتها وذبيت روحي نمت مثل الميت .. ما حسيت غير واحد ديكعد بيه!!
فتحت عيوني بثقل من النعاس .. شفت ملامح واحد واكف ع راسي .. فزيت من مكاني شفتها واكفه كدامي!!!
بأستغراب وصوت جامد ..

_شكو .. شجابج لهنا؟!!

داليا .. انـ..ـي .. ايـ..ـد..ي .. هـذ..اا .. د.. د.. م

اسيد .. كنت نعسان .. والغرفه ظلمه بس ضوه التيبلام .. مشفتها ايدها شصاير ،  بصوت ناعس وهدوء .. شبيها ايدج .. !

داليا .. اني .. دخلت للـ .. للحمام وكامت تنزف!

اسيد .. استغفر الله .. كمت من مكاني فتحت الضوه ودرت وجهي لكيتها واكفه كدامي و ملابسه بس المنشفه لافتها عليها !!!!!!
شعرها مبلل وينكط مي على جسمها .. عيوني طلعت من مكانها .. الغرفه صارت نار ما ادري اني الي صخنت!
بسرعه اجت ابالي صورتها لما وكعت المشفه منها قبل فتره!!
بقيت صافن ع اللوحه الي كدامي مااكدر ابعد نظري عنها .. اتأمل الجمال الي واكف كدامي بكل هدوء بكل براءه .. واني بركان بداخلي ديغلي .. نسيت هي ليش هنا .. وشجابها .. وحتى الكلام الي كالته عن ايدها مااعرف شنو نسيته .. بقيت اتفحصها من فوك ليجوه .. لما اجت عيني ع ايديها شفتهم لافتهم بمنشفه ثانيه ، والمنشفه صايره حمره من الدم!!!!!

هنا اني كل شي اتلاشى كدامي .. مثل الي كان ديحلم وصحى .. بسرعه رحت عليها .. لزمت ايديها و بعدت المنشفه عنها .. لكيت ايديها تنزف من كل مكان!!
اووووف من العناد الي شايلته راح اتخبل .. بصوت حاد ونبرة غضب ..

_شمسويه بأيدج؟!

داليا .. گلبي كام يرجف من الخوف بسبب الطريقه الي يباوع عليه بيها .. عيونه كانت مليانه ظلام ونظراته  ابداً مو طبيعيه .. مجرد نظره بعينه اعرف شنو الي ديدور اباله .. صح كان صافن عليه بس باله شارد مااعرف وين .. حقه هو هذا منظر اجي بي لغرفته نص الليل؟!!
الله يطيح حظج داليا وين ورطتي روحج .. و ويا منو؟!!
اتمنيت الكاع تنشك وتبلعني لحظة ما فتح الضوه وشافني .. والرب من الخوفه والدم الي شفته ينزف من ايدي منتبهت حتى شنو لابسه نزلتله اركض .. بقيت جامده متحركت الى ان لزم ايدي وسألني ..

_مسويت شي بس دخلت للحمام.

اسيد .. رحت جبت علبة الاسعافات وبديت اضمد ايديها من جديد .. اني شنو لغيت وياج ع الحمام؟!!

داليا .. مكدرت اتحمل انت شفت حالي اشونه.

اسيد .. رفعت راسي وصفنت بوجهاا .. راح تموتني هاي ولا مره سمعت الكلام .. بصوت غاضب  .. انتي وتالي ويا عنادج؟!!

داليا .. تحولت نظراته الظلمه الى غضب .. اسفه والرب مو قصدي اعاند .. بس متحملت ابقى بالدم وملابسي المزكه.

اسيد .. اسمعيني زين ايدج مجروحه ومتأذيه و مااكدر اخيط الجروح لانو هواي و وحده بصف الخ ميتخيطون اجروحج .. ع بالج اني دااعاند وياج لو اريد منج شي لو ميت عليج اصلاً .. لج اني امي الي هي أمي ما اطول وياها خلك هشكل ولا لامس بنيه بحياتي هسه انتي تتمننين عليه ترى صبري دينفذ وياج واحذرج تختبري اكثر!

داليا .. اني اسفه اسفه والرب محعيدها بعد ولا حعاندك كلامك ابداً .. هذي اخر مره صدكني .. بس خليني اروح لغرفتي.

اسيد .. امشي ..

داليا .. شنو حتجي وياي؟!

اسيد .. دااكول امشي .. طلع وعافها تمشي ورا .. وصلت للدرج كلتلها اصعدي كدامي..

داليا .. هاا .. لاا .. لا .. انت اصعد اني اصعد وراك!

اسيد .. ليش يعني شكو هالمره؟!

داليا .. هاا .. ماكوو .. ماكو شي .. بس اريد اصعد ع كيف..!

اسيد .. هه .. ع بالج راح اباوع عليج لما تصعدين مو؟!!

داليا .. المنشفه كانت قصيره واني لافتها ع جسمي بالگوه امشي .. اشون اصعد كدامه وهي حصر عليه وقصيره؟!!
كلتله يصعد قبل حتى ليشوفني .. بس ما شاء الله مو عقل شايل كارثه بسرعه عرف قصدي!!
_ اذا تسمح اصعد واني حـ اجي وراك!

اسيد .. التفتت عليها شلتها .. هي اتفاجأت وبقت تصيح .. نزلني .. شدسوي .. نزلني!!
عيونها حسيتهم راح يطلعن من مكانهم .. مهتميت الها ، طبعاً ريحتها مااحجيلكم بقت لاطشه بخشمي كمت اتنفس عطرها .. اخاف اني باقي براسي ذرة عقل طارو .. صعدت بيها لغرفتها نزلتها بالكاع سكتت اباوع ع وجها احمر مثل الطماطه .. هه من تخجل تصير تموت هي بيضه وخدودها وردي .. اووووف!
لكيت الثوب الي طلعته العصر الها بعده بمكانه جبته واجيت وكفت كدامها .. بصوت حاد وعدم اهتمام ..

_ ارفعي ايديج.

داليا .. شنووو .. شكووو .. شدتسوي؟!!

اسيد .. شسوي يعني اساعدج تلبسين ميصير تحركين ايدج

داليا .. لااا .. انت اكيد دتتشاقه .. من كل عقلك اخليك تتقربلي لا وتلبسني هم ههه!!

اسيد .. لتحسسيني راح اشوف شي مشايفه .. شنو نسيتي؟!

داليا .. اشكد وقح وميستحي ع عينه .. من كالي هشكل بدون وعي مني رفعت ايدي ردت اضربه ع صدره .. بس هو لزم ايدي بسرعه !!
بصوت مليان غضب وعصبيه من كلامه ..

_انت متستحي .. جان يعصر ايدي حيل

_اآآآه ايدي ...

اسيد .. ايدج مترفعيها بوجهي .. لتفكرين اتساهل وياج لان مجروحه ومدري شنو ، اذا فكرتي تعيدين هذا التصرف اكسرهم الج .. و من شنو استحي انتي زوجتي .. يعني حلالي واذا اريد اسوي شي وياج ماكو قوه بالارض تكدر تمنعني اسوي .. بس نطيتج وعد مااتقربلج ابد ومااخلف كلمتي فلا تنسين نفسج وتتجاوزين كدامي لا والخلقج تشوفين اسيد ثاني بحياتج متنسي!

داليا .. لااااا يا ربي شورطني اني ورفعت ايدي .. من صدوك نسيت اني منوو وهو منوو .. اكيد انجنيت مو بعقلي بس الي سوا بيه مو قليل حتى اخلي يتقربلي شنو اني لعبه عنده!!
خلص داليا هسه مو وكتج .. اذا اريد اسلم ع روحي لازم ما استفزه اكثر لانو ما عنده كل مانع يسوي الي اباله .. ونظراته اصلاً فاضحته ميحتاج يكول شنو الي ديدور بعقله !!
ايدي حيل أذتني من القوه الي لازمني بيها .. مع ذلك بقيت هادئه ومحجيت ولا كلمه !!

اسيد .. تركت ايدها وجبت الثوب شمرته بوجها .. البسي.
عفتها ونزلت بس اني دمي يغلي مثل البركان من تصرفها !!

داليا .. واضح الغضب عليه لدرجه شمر الملابس بوجهي وراح .. يمكن اني زودتها لانو هو كان خايف عليه ميريد ايدي تتأذه واني شنو فكرت!!
بس نظراته والطريقه الي يتفحصني بيها هي الي خوفتني .. يعني مو ذنبي .. اووووف يا ربي اشكد غبيه اني اخلص نفسي من مصيبه اوكع بالثانيه!!
خليت راسي ع المخده والتفكير موتني .. الى ان تعبت ونمت حتى ملابسي مبدلتهم!
الصبح كعدت راسي يوجعني وايديه بيهم الم فضيييييييع مااكدر احركهم اصلاً .. حتى حجمهم صاير كبير يمكن ورمانات!!
اشون البس ملابسي واني بهالحاله !!
اتحملت الالم والوجع وجريت الثوب لبسته .. اديه موتوني اتكول ابر وتجكك بيه .. شعري مكفش بالكوه لفيته ونزلت !!
قررت اسويله ريوك قبل ليكعد من النوم واعتذر منه ع الي كلته البارحه .. بس اشون واني اديه هذي حالتهم؟!!
نزلت لكيت البيت هدوء بس صوت بالمطبخ .. رحت ع كيف فكرت هو الي بالمطبخ فمردته يحس بيه .. لو يشوفني ويعصب .. باوعت بالمطبخ لكيت ام سعد!!

_صباح الخير ام سعد ..

ام سعد .. هلا يمه .. صباح العافيه بنيتي .. اشلونج شخبارج اعذريني ممريتلج صارلي يومين بس الدكتور كايل لابو سعد انكم ممحتاجيني .. ههه واني كلت بعدكم عرسان وتردون تبقون وحدكم.

داليا .. هه اي عرسان .. اكول ام سعد مشفتي للدكتور؟!!

ام سعد .. اي الدكتور لكيته كاعد من اجيت نازل قبلج وطلع اظنه راح يركض ويجي .. مدري شجاها الولد تركض من الصبح على لحم بطنهم !

داليا .. هههه هذي يسموها رياضه صباحيه حبيبتي ام سعد .

ام سعد .. يااا .. يمه .. رياضتيش من الصبح .

داليا .. خليني احظر الريوك احسنلي انتي يرادلج كعده طويله وشرح ام سعد.
رحت دااريد اسوي الريوك جان صوت ام سعد نبهني ..

ام سعد .. يا يمه شنو هاي ايديج اشبيها .. ليش مضمدتها؟!

داليا .. يبوووو .. تصدكين السوالف وياج نستني حتى الالم .. اديه انحركو البارحا وااني دااسوي جاي '

ام سعد .. ياااا سوده عليه .. لعد شعندج داخله للمطبخ ، روحي ارتاحي واني اسويلج الريوك.

داليا .. لا ام سعد اني اليوم حابه اسوي ريوك لزوجي .. بس مااعرف اديه اشون بيهم!!

ام سعد .. يمه الحب مريضه وتسوين لرجلج اكل .. اووي اشكد تحبي لعد .. لتخافين محلوله انتي اكعدي كوليلي شنو تردين اتسوين واني راح اكون بمكان ايديج.

داليا .. تسلميي ام سعد مااعرف اشون اشكر الرب الي خلاني اتعرف عليج

ام سعد .. هههه وج يمه يلا خلي انبلش رجلج راح يرجع..

داليا .. اي .. اي .. يلا .. كعدت ع ميز الطعام بالمطبخ و كلت لام سعد شنو تحضر وهي بلشت تسوي!!
طبعاً ام سعد شغلها لا يعلى عليه .. بس اني من كنت يم بيتهم ام عادل علمتني ع هواي اكلات تجنن .. فكلتلها ع وحده وهي كعدت اتسويها .. بس هي اشويه ضعيفه بالمقادير فأني كنت اكوم اساعدها .. واني دااساعدها لزمت الطحين .. وبدون ماادري مسحت ع وجهي .. مااعرف اشصار بس ام سعد من شافتني خربت من الضحك .. كالتلي اغسلي وجهج صاير خريطه .. اني نسيت اغسله اصلاً!!
كملنا ودنحظر بالسفره .. جان سمعت صوته بره ، الظاهر ديحجي ويا ابو سعد..!
ام سعد من سمعته كالت يلا اني اروح حتى تبقون وحدكم وتغمزلي!!
هه ع بالها عايشين بالعسل .. متدري الحروب الي دايره بينا ليل ونهار .. راحت ام سعد وبقيت اني وحدي .. رحت غسلت اديه .. ونسيت وجهي لانو من سمعت صوته كل حالي تخربط مااعرف شصارلي .. بقيت افكر شنو احجي .. واشون اتصرف .. واشون اعتذر؟!!
اتلخبطت بين قوسين.
انتظرته ع بالي يجي للمطبخ بس اتأخر سمعته دخل للبيت بس مااجه للمطبخ!
اكيد راح يسبح هذا روتينه اليومي بديت احفظه ، بقيت انتظر .. انتظر ماكو كلت هذا بعد ميجي لانو اني هنا خليني اروح اصيحه اني حيبرد الاكل .. دااريد اطلع من المطبخ جان يدخل هو .. لابس تراك رياضي لاطش ع جسمه و اسود كالعاده .. عضلاته بارزه وطوله الفارع .. شعره مبلل وكم خصله نازله ع گصته تنكط مي !!
مخلي منشفه ع رگبته ويمشي بكل هدوء .. اني من شفته بسرعه درت وجهي گلبي بس شافه بدا يتغابى ومااريد اورط روحي واباوع لعيونه .. !
هو هم من شافني اتجاهلني ولاكأني موجوده .. يا رب سترك واضح الي صار البارحه مأثر كولش!
بقيت واكفه بمكاني انتظرته يحجي .. درت وجهي لكيته ديسوي ريوك؟!!!!!
بصوت هادئ و همس ..

_الريوك ع السفره بالصاله!

اسيد .. ماكو ولا حرف!

داليا .. اوووف يا ربي هذا مبين حيل معصب مني .. شسوي هسه؟!
لازم اتصرف .. بلعت ريگي وكلتله...

_اريد احجي وياك اذا ممكن!

اسيد .. وهو داير وجهه عنها .. وبصوت جامد .. شكو؟!

داليا .. بقيت ابلعم مااعرف شنو احجي .. هـ..ـاا .. انـ..ـي .. اريـ..د .. هـذ..ا .. شـسـمـ..ـه.. اريد احجي .. وياك.. عـ .. الي ... هذا .. شسمه .. صار البارحه!

اسيد .. كنت حيل معصب منها بسبب الي سوته البارحا وايدها الي رفعتها بوجهي .. من شفتها بالمطبخ محجي وياها لبستها .. طبعاً ام سعد من طلعت كالتلي .. (الحمدلله ع سلامة ست داليا )
اني استغربت .. ؟!!
معقوله اتكون كالتلها بألي صار بينا؟!!
بس ام عادل ما شاء الله عليها بسرعه تسطرهن حتى متنطي مجال واحد يحجي وياها .. كالتلي ع اساس محتركه ايدها بالاكل!!
وكالتلي كاعده من الصبح رغم ايدها محروكه ودتسويلك اكل .. خطيه اشكد اتحبك الله يهنيكم ابعض!
اتسويلي ريوك الي؟!!!!
هي بالايام العاديه الي ايدها ما بيها شي اني اكللها يلا تسوي اليوم وبعد كل الي صار اتسويلي مخصوص؟!!
ومن دخلت للصاله شفت الريوك ع الطاوله ، بس عناد بيها سويت نفسي دا اسوي ريوك
كالت اريد احجي وياك .. كلتلها احجي ضلت اتأتأ .. مدرتلها بال سويت نفسي ممهتم من حجت ع الي صار البارحا .. بصوت حاد ..

_ احجي شرايده فضيني راسي يوجعني منج ومن مشاكلج.

داليا .. مرايده شي .. بس ردت اعتذرلك ع الي صار .. و .. مو قصدي ارفع ايدي عليك .. اسفه!!

اسيد .. كنت معصب حيل بس من كالت اسفه .. مااعرف لويش حسيت بهدوء!!
طبعاً مكنت اريد اعتذار ولا بحاجة هذي السخافات .. بس اعتذارها معنى عرفت نفسها غلطانه ودتعتذر .. بالعاده لما تسوي شي غلط تبقى مصره عليه .. بهدوء التفتت عليها كانت واكفه و وجها ينطي اللوان .. حسيتها خايفه مااعرف مستحيه باوعت لوجها كله شي ابيض مااعرف شنو ويخرب ضحك!
كالعاده ضحكت بداخلي بس ملامحي جامده وابتسامه خفيفه غصباً عني انرسمت ع وجهي بسبب شكلها اشلون صاير .. جريت المنشفه ومشيت بتجاها بهدوء وخطوات ثابته .. هي من شافتني اتقربلها ع بالها حسويلها شي غبيه نست وعدي الها ..  كامت ترجع ليورى الى ان اصطدمت بالمغسله مالت المطبخ!!
وصلت يمها ميفصلنا غير كم انش .. هي بقت صافنه بوجهي وجامده متحركت!!
حسيت جسمها يرجف بهدوء مااعرف هي دتحاول تخفي هذا خوفها وارتباكها .. وجها صار احمر طماطه .. اني بقيت مركز ع البياض الي صاير فوك حلكها .. هي ع بالها صافن ع شففايفها .. غمضت عيونها مثل الداخت ، حسيتها استسلمت كل دفاعاتها من تقربتلها ونفسها صار عالي وحار ، كالعاده من اتقربلها تفقد تحكمها بجسمها تصير مثل المسحور ، ولا كأنو البارحا رادت تنتحر بسبب هذا الشي!
المهم ..
ابتسمت بوجها ابتسامه ماكره بسبب تأثيري عليها .. ومديت ايدي الي بيها المنشفه فتحت المي وبللتها .. اخذت المنشفه ومسحت الي فوك حلكها هي هنا فتحت عيونها ع وسعهم مثل المستغربه .. الظاهر عرفت شنو كانت نيتي ومو مثل ممفكره هي .. خلت عينها بعيني بس بصدمه .. بصوت همس يم اذنها كلتلها ..
_لتفرحين معاجبني اتقربلج!
عفتها وطلعت من المطبخ هي بقت بمكانها جامده متحركت بس من النظره الي بعيونها وملامح وجها اكدر اعرف شنو دتفكر وشدتحس!!
رحت للصاله كعدت ع الطاوله بعد ما صار الي ابالي ودريتلها الي سوته بيه البارحه بالليل انفتحت شهيتي فجأه .. داامد ايدي اريد اكل واجتي من المطبخ تركض والخبالات مبيه عليها .. اتجاهلتها وكملت اكلي ..

داليا .. لما كلتله اسفه واعتذرت فجأه اندار عليه باوعلي وابتسم؟!!
هذا اشبي معقوله لهدرجه يهمه الاعتذار وفرحان هشكل لانو اعتذرت؟!!
لا ممعقوله اسيد الي اعرفه مينهز ولا يتأثر بكلمه خصوصاً الاسف هذا ميهمه شي ، زين شكووو شنو الي خلا يبتسم هشكل ويختفي الغضب الي كان بي قبل اشويه!!
محجيت شي بس اتفاجأت بصراحه .. بعدين كام يمشي بتجاهي ويتقربلي .. اني هنا گلبي كام يرجف!!
يا رب ساعدني اعرف اذا اتقرب مني حيصير شي ابداً مو بصالحي گلبي حيفضحني كدام نظراته وجسمي حيخوني بس يلمسني .. يارب ارجوك ساعدني .. يا رب ارجوك .. ارجوك .. بقيت ادعي واوجع للخلف الى ان وكفتني المغسله !!
اتقرب مني كولش وبقى يباوع على حلكي بنظره ظلمه .. وابتسامه ع وجهه حيرتني مااعرف سببها .. لما اتقرب مني كولش اتوقعت حيبوسني .. غمضت عيوني وانفاسي احسها دتنگطع .. محركت ساكن وستسلمت ... كلتلكم كل سيطرتي ع نفسي افقدها من يصير قريب .. كنت بغير عالم وجفأه صحيت ع فشله خلتني اموت واني عايشه الف موته!!
مسح وجهي وتذكرت ضحكه ام سعد وكلامها ع الطحين الي بوجهي!!!!!!!!!!!!
يا ربي دخيلك اخذ روحي مااتحمل هذا الموقف .. هسه شنو يكول مصدكت اتقربتلها .. البارحا تتعارك ورفعت ايدها بوجهي لانو ردت المسها وهسه سلمتني نفسها بسهوله مصدكت!!
مااعرف اشصارلي بس احس اطرافي جمدت .. برد برد اجتاح كل ذره بجسمي ، وألم فضيع بمعدتي!!
بقيت مااعرف اشكد واكفه بمكاني مصدومه من كلامه الي الي خلاني اتمنى اختفي من الوجود!
افترت الدنيا بيه .. لازم ارجع كرامتي الي انسحكت ، شنو مفكرني لعبه عنده؟
طلعت من المطبخ والغضب اتملكني لدرجه كل الفشله والخوف صارت غضب غضب ونار حرگتني حرك!
طلعت لكيته كاعد دياكل بكل هدوء وابتسامه النصر مرسومه ع وجهه .. وكفت كدامه وبصوت حاد ومليان غضب ..

_طلكني.

اسيد .. منتبهتلها بقيت اكل وجاوبتها .. هه شنو مسمعت؟!

داليا .. طلكني وهسه يلا اني مو حيوان ولا لعبه عندك حتى تسوي بيه هشكل

اسيد .. وشنو سويتلج بلا؟!!

داليا .. بلا هذي الحركات ولتسوي نفسك مصاير شي .. انت متريدني ومتعقد من النسوان اوك فهمت .. بس طلكني.

اسيد .. بنبره هادئه وساخره .. ما عندي عقده من اي احد .. ومسويتلج شي مجرد مسحت الي كان ع وجهج وين المشكله؟!
بعدين اذا انزعجتي لان ما لمستج فأنتي الي كلتيلي لتتقرب مني بعد لو نسيتي!!

داليا .. ههه اني اعرف لويش دتسوي هشكل .. اعرف وفاهمتك قصدك تذلني وتهين كرامتي مو اكثر بس لتحلم اخليك تسوي الي ابالك ولا ابقى وياك بعد ..

اسيد .. هه انتي فعلاً غريبه .. اتقربلج مترضين .. ما اتقربلج هم مترضين شتردين بالضبط؟!!

داليا .. ههه لا مو اني الغريبه انت الي مو رجال ومتكدر تسوي شي وتكمله لو نسيت !!
بسرعه خليت ايدي ع حلكي لما حسيت بأبواب الي فتحتها عليه  لاااااااا يا ربييييي مااعرف اشون طلع هذا الكلام من اللساني .. الرعب اتملك گلبي وروحي .. اشوووون كلتله هشكل .. اشووووون نطقت هالكلام ..  يا ربييييي ارجوك بأسم المسيح كون مسمعني...!

اسيد .. تركت الاكل ورفعت عيني عليها ... بصوت حاد ونبرة غضب ... عيدي الي كلتي!

داليا .. مكلت شي .. مو قصدي والرب .. اسفه اسفه .. والرب اسفه .. اعتذر.

اسيد .. اني مو رجال؟!!
لانوو مردت اكسرج  واخذج بذنب غيرج مو رجال؟!
لانوو خفت عليج ومأذيتج مو رجال؟!
لانو وعدتج ما ألمسج الا برضاتج مو رجال؟!!
تردين تشوفين الرجوله موووو؟!!
ماشي هسه اشوفج ... كمت جريتها من شعرها وصعدتها لغرفتي سحل من راسها .. دخلت شمرتها ع السرير وسديت الباب بقوه .. كانت تبجي وتتوسلني وتعتذر بس مكنت اسمع ولا كلمه من الي تكوله الغضب سيطر عليه تماماً .. حتى اني خفت من هذا الغضب الي تملكني .. بدون اي كلام واي مقدمات ... اتقربتلها واخذتها ....!

اخذتها بكل وحشيه بكل قوه بحيث كانت تصرخ بكل قوتها وتترجاني اتركها .. بس موكفت .. ... كنت اخذها واضربها  مثل الي داانتقم من گلبي الي حس بشعور تجاها ورأف بيها .. شي بداخلي كان يصرخ كلهن نفس الشي كلهن متشابهات .. يمكن ما بقى عظم بيها سالم بعد ما تركتها .. جسمها صار ازرك من الضرب والعنف .. كنت بلا وعي ، بلا عقل ، بلا گلب !
مااعرف اشكد استمريت .. .. اتركها دقايق ادخن جكاره وارجع افترسها .. الى ان فقدت وعيها ....!
عفتها وطلعت لكيت الدنيا صايره المغرب .. دخلت للحمام سبحت ونمت .. ما كعدت غير نص الليل .. صعدتلها لكيتها كاعده ع السرير وصافنه ... بصوت حاد واستهزاء ...

منا ورايح راح تصيرين خادمه عندي ولرغباتي .. هاي حياتج منا ورايح استمتعي بالرجوله الي ردتيها .... سديت الباب لبست ملابسي وطلعت من البيت ........
اول مفتحت الباب شفت اهلي كلهم هم وجهالهم وخالتييييي ايناس ورجلها جايين للمزرعه........!!!!!!!!!

للحكايه بقيه ❤️
اسفه ع التأخير رأيكم بالاحداث وتوقعاتكم للبارت القادم 🤗
لتنسووووووووون التصويت