رواية في ارض الغرام انت دولتي الفصل التاسع 9 - بقلم ﮼الاميره،الموسويه 👑

بقلمي (هدى الموسوي) الاميره الموسويه 👑

ما احلل لاي احد ياخذ كتاباتي وينشرهم (ذمه)

ام اسيد .. داليااا .. بنتي وينج ؟!!

داليا .. كنت جامده بمكاني من الخوف ومن قربه مني .. الى ان سمعت صوت الحجيه دتصيحني !!
دفعته بكل قوتي عني ، سديت الضوه بسرعه وطلعت  وكفت اباب المطبخ يعني اكدر اشوفه بس الحجيه متشوفه .. اتوقعت حيطلع ورايه ويفضحني ، حيكوللها متواعد اني وياها تجيني بالليل ، خصوصاً هو قبل دقيقه هددني يكوللهم عندي علاقه بي ونايمه بحضنه!!!!!!
وهسه لما نامت امي اجتي عليه !!
بعد منو الي يصدكني ، لو احلفلهم بالانجيل محد يصدك ويشمروني بالشارع !
مجرد الفكره مرت ابالي احس انفاسي اختنكت ، يا الهي بأسم المسيح تخلصني من هذي المصيبه ، بقيت ادعي واتوسل الرب بداخلي كون ميطلع وييسويلي فضيحه فهالليل ، الحجيه كدامي فتحت الضوه مالت الصاله و تباوع عليه بس هي بعيده عني  ونظرها بالليل مو هالكد كولش ضعيف يعني يادوب تميز الي كدامها !

ام اسيد .. شافت داليا واكفه بالباب مالت المطبخ .. هاي انتي هنا بنتي صار ساعه انده عليج ماكو!

داليا .. بصوت متلبك وانفاس مخنوكه ، هـ ..ا .. انـ..ي .. هنـ..ا .. بالـ ..بالمطبـ..خ كنت .

ام اسيد .. اشبيج داليا بنتي ليش هيج وجهج مخطوف شصاير؟!!

داليا .. هاا .. لاا .. ماكـ .. ماك..و شش..ـي بس .. بس اني عطشت ونزلت اجيب مي من المطبخ فأنتي لما صحتيني جفلت.

ام اسيد .. يا اعذريني يمه ترى شفتج ماكو وخفت عفتينا ورحتي من ورا ابني اسيد.

داليا .. لا حجيه وين اروح انتي تدرين اني ماعندي غيركم ، واذا على ابنج فأني مستعده اتحمله واسكت عن كلامه و اطباعه لخاطرج ، اخذت نظره سريعه عليه شفت عيونه نار يريد ينفجر ، الظاهر كلامي معجبه!
اني اعلمك هذي فرصتي ...!

ام اسيد .. الله يرضى عليج بنتي  .. تدرين صارلي كم يوم من اجيتينا واني متونسه عليج وحتى خنكتي راحت ، مونستني ، راده عليه وحشة هذا البيت  و تساعديني اخاف اكلج بناتي  ميتحملني مثلج انتي ، الله يوفقج ويرضى عليج.

داليا .. لا حجيه شمسويه قابل هذا واجبي انتو دتنطوني راتب مو بلاش ، وموفريلي سكن لو ما انتو مااعرف وين اروح الرب يجازيكم عني كل خير.

ام اسيد .. ويجازيج يمه اريدج تدعيلي لابني هذا العقده الكبيره اسيد انتي يتيمه وفقيره بلكي الله يستجاب منج ويهدي ، يلكى بنية الحلال الي يقنع بيها تسعده وافرح بي ، اشوف جهاله قبل ما اموت .

داليا .. درت وجهي عليه  شفته صافن عليه ، بس من سمع كلام امه مبين من شكله انزعج .. رجع راسه للسقف وبقى يزفر نفس طويل .. اكيد اكو سر الي مخلي لهدرجه متعقد من موضوع الزواج!
اني هم مسكتت كلت بصوت ناصي .. هاي يا عوبه والله غاضب عليها الي تاخذه.
هو الطاهر سمعني!!!
التفت عليه بسرعه والشرر يتطافر من عيونه يا ربيييي شنطقني اوووف مني ومن اللساني !!
من صدوك بهذيج اللحظه حسيت بالندم ع كلامي لان الموقف الي بي ابد مو مال احجي هيج.. ما عنده كل مانع يطلع وانفضح!!

أم اسيد .. ها يمه شكلتي ..!

داليا .. هااا .. اا .. حجيه دااكول ان شاء الله يستحاب دعائج .. دااحجي وياها  ما احس الا ايدي انجرت واصابيعي انعصرت بقوه!!!
الالم فضيييييع مااكدر اوصفه ، جعص اصابيعي جعص حسيتهم ديتكسرون بين ايده !!
اني بسرعه ارتكيت ع عتبة الباب لا تشوفني الحجيه ايدي مجروره ، بقيت محافظه على هدوئي كدام امه ، بس احس ايدي انمردت.

ام اسيد .. الله يسمع منج بنيتي ، يلا اني صاعده انام مااكدر بعد اوكف ، وانتي من تكملين اصعدي يمي مو تخليني وحدي اخاف اكوم بالليل والدنيا ظلمه تدرين بيه.

داليا .. اااخ .. اي .. اييي .. صار حجـ .. يه .. هسـ ..سسه اجي .. اجي وراج.
احجي وياها واحس روحي دتطلع من الوجع.

راحت امه .. واني بسرعه دخلت للمطبخ سحبت ايدي منه بكل قوتي ،، احسها انخلعت من كتفي!!
الدموع اتجمعت بعيوني من الالم الي دااحس بي بقيت لازمه ايدي واباوع عليها حمره مثل الدم!!

اسيد .. بصوت جامد وخالي من اي مشاعر .. هذا حتى كلما  تفتحين حلكج مره ثانيه تتذكرين الي يصيرلج.

داليا .. رفعت راسي باوعت بوجهه ودموعي بدت تنزل من الوجع الي بروحي .. انت مستحيل تكون بشر.

اسيد .. من كالت هشكل استفزتني لاقصى حد ، حتى ادموعها ما شفعتلها عندي .. لزمتها من فكها بقوه بحيث اصابعي تركن اثر بخدها من عفتها .. لزمتها حيل وضربتها بالحايط بقوه بحيث حسيت عظامها دتطكطك!!
بصوت حاد من بين انفاسي كلتلها ...
_باعي لج اللسانج هذا اكصه واخليج تاكلي اذا فتحتي حلكج وياي بعد ، لا ع بالج امي تحبج ومااكدر اسويلج شي ، والخلقج اخفيج من الوجود وخلي اشوف منو يطلعلج بلا؟!!

داليا .. لازمني من وجهي كل قوته احس خدودي انزرفت بأصابيعه .. دموعي تجري من الالم وهو ولا ع بالك .. الرجع الي حسيت بي بروحي اكثر من وجع جسمي .. ايدي ، اصابيعي ، خدي ، ظهري الي اتكسر بالحايط .. كل هذا هين مو مثل وجع روحي من كال خلي اشوف منو يطلع وراج!!
اووووووف هاي الكلمه حركت روحي حرك !
محجيت ويا اي كلمه بس بقيت اباوع بعيونه .. هذا كوله الي ديسوي بيه واني الغبيه تايهه بعيونه ، احس نفسي بغير عالم من اصفن بيهن!!
حاولت استجمع نفسي وابعده عني بكل قوتي بس مكدرت لان هو اضخم مني واقوى اكيد .. جمدت بمكاني وسكتت بس ادموعي هي الي تحجي.

اسيد .. ردت ارجع اكوللها تاخذ هدومها وتطلع من البيت ما اريد اشوفها بعد .. بس كلام امي الي سمعته بقى يرن بعقلي!!
امي من مات ابويه وهي كاظيتها حزن وقهر .. ومن كلامها واضح انو هي حيل مرتاحه بوجودها هنا..!
زين اشلون اطردها وامي منو الها؟!!
ومنو يكول اذا طردتها امي راح ترضى عني اصلا لو تحجي وياي بعد؟!!
واني كلشي عندي ميهم الا رضى امي و راحتها عندي بالدنيا كلها ..!
محد تعب عليه وساندني بعد وفاة ابويه و سوانا زلم علينا الاعتماد غير امي .. تاليها احرمها من الراحه الوحيده بالنسبه الها؟!!

بقيت صافن بعيون هاي اباوع بيهم بس اني بالي بغير مكان بالي يم امي اشلون بيها ... ؟!!
لا اكدر اخلي هاي هنا اتخبل من شوفتها ومن وجودها .. ولا اكدر اطردها امي اشلون بيها؟!!
جريت نفس طويل وزيدت الضغط على فكها .. بصوت همس وحاد كلتلها ..

_اسمعيني الي راح احجي وانتبهي لكلامي زين .. راح اسكت عنج وابقيج هنا لخاطر امي ..
فـ خلقتج هاي مااريد اشوفها كدامي طول ما اني بالبيت ولا اريد المحج اصلاً، واذا امي موجوده واضطريت اشوفج ديري بالج  صوتج يطلع كدامي وديري بالج اتلاسنين ولا حتى توجهيلي كلمه وحده ، فهمتي لو لا؟!!

داليا .. عاصر وجهي بكل قوته ويحجي وياي .. احس روحي حتطلع من الوجع والرب روحي حتطلع .. يا ربي بأسمك خلصني  مااتحمل بعد .. كال كلامه وبعدها راد جواب اذا فهمته !!
مااكدر احجي هو لازم فكي بكل قوته وومثبت جسمي ع الحايط حتى راسي مااكدر احركه!!
محجيت شي بس بقيت ابجي بلا صوت عيوني هي الي عبرت عن حالي .. جان يضغط ع جسمي بكل قوته حسيت بطني حتنزرف ورجع همس يم اذني  من بين انفاسه الحاره بصوت حاد فهمتييييييي لو لا؟!!

داليا .. بكل ما عندي من قوه هزيت راسي حيل بمعنى اي فهمت .
جان يدفعني بكل قوته و ابتعد عني!!
اول ما تركني وكعت بالكاع .. حسيت جبل وانزاح من على صدري ، انفاسي كانت مخنوكه ، وحلكي بدا ينزف من كد ما عاصر وجهي من يم الفك احتك الجلد بأسناني وبدا ينزف ...!
عافني وراح بكل برود ولا ع بالم بشر كدامه .. اتمنيت لو ما جايه لهذي الدنيا ، لو عندي اهل ما انذل هاي الذله ، لو عندي بيت اروحله و ما بقى ثانيه وحده هنا .. لو .. و لووو .. و لوووو.. بس التمني شيفيد؟!

بقيت بالمطبخ ع الكاع كاعده وابجي .. اني شورطني ويا هذا ، اشون راح اعيش ويا بنفس البيت حيسوي حياتي جحيم لا محاله!
بجيت .. بجيت .. بعدين اتذكرت الحجيه لا تكعد ومتلكاني ؟!!
كمت غسلت وجهي وحلكي وصعدت ، لكيتها نايمه .. مددت بفراشي بس بيومها منمت للصبح دموعي بللت مخدتي !
اتذكرت سلمى اشون من كانت تنام بالليل واسمع شهكاتها وهي تبجي!!
گلبي انقبض من ذكرتها ، صار شهر مااعرف عنها شي ولا سامعه اخبارها؟!!
بقيت افكر وابجي واسكت وابتسم لما اتذكرها ، اتذكر داني وايامنا بالميتم .. ساعه ابجي وساعه اابتسم ... الى ان طلع الصبح!!
منمت ولا دقيقه .. كمت من الصبح نزلت للمطبخ لكيت الشغاله ام عادل موجوده دتسوي ريوك سلمت عليها .. هي من شافتني حسيت ملامحها تغيرت ونظره غريبه على وجهه!!

ام عادل .. يا هذا وجهج اشبي داليا اشو ازرك منو الي ضاربج وعيونج ليش هيج حمر ومورمات؟!!

داليا .. الدموع اتجمعت بعيوني بسرعه بس ابتسمت .. حاولت ما ابين شي .. لتخافين ام عادل مبيه شي ، البارحه نزلت بالليل اشرب مي والبيت اظلم اتعثرت بالطاوله او وكعت على وجهي.

ام عادل .. يااا .. بس هذا وجهج حيل متأذي شكلها مو مال وكعه!

داليا .. لا وكعه صدكيني ، وهسه خليني احضر الريوك للحجيه قبل لتكعد.

سويت الريوك وصعدت للحجيه .. واني دااصعد سمعت صوت الباب مال غرفته انفتح!!
بسرعه ركضت دخلت للغرفه وسديت الباب !!
شافتني الحجيه ... هم نفس القوانه ونفس سؤال معادل ، بس مع كمية خوف وقلق اكثر ..!!
حجيتلها نفس الفلم الي حجيته لام عادل .. بس صدكتني بصعوبه !

المهم .. حبست روحي بالغرفه ويا الحجيه ، بس للظهر خابر ابنها كرار كال راح نجي ع الغده ، هو ومرته الحقنه وجهاله!!

اووووف يا ربي اشلون راح اتحملها هاي زوجة كرار ، اني روحي طالعه وهي اكبر حقيره بالعائله !!
بأسم المسيح الهي صبرني عليها لا افقد اعصابي واقتلها ..!

كالتلي الحجيه انزلي ويا ام عادل ساعديها اخاف متلحك لان اتصلوا متأخر وما حاسبين احسابهم!
زين اشون انزل وهذا المتوحش اذا شافني اشون؟!
بقيت مترددت واحوص بالغرفه يم الحجيه مااكدر انزل اخاف اشوفه .. لاحظت الحجيه بدت تشك بتصرفاتي .. لازم مااجذب الانتباه عليه ، قررت انزل والي يصير يصير قابل شنو يقتلني؟!
يطبع مرض اني مااشتغل عنده اذا عنده كلام يروح يكوله لامه!
فتحت الباب بارعت الممر فارغ .. ركضت ركض للمطبخ ملكيت بس ام عادل جوه دتطبخ!!
دخلت يمها ساعدتها المره مصدكت ع بالك لكتني لكطه ذبت الطبخ عليه وراحت!!
كالت لازم انظف البيت قبل ليجون!!
بقيت اني وحدي بالمطبخ اشتغل وعيني ع الكدوره لان عافتني يمهم .. كنت لابسه تنوره سوده طويله وقميص بيجي شيفون مبطن !
اني ما البس حجاب ابداً لانو بديني مو لازم حجاب ، فرفعت شعري ليفوك بقراصه ومن جوه بقى مفتوح يسمو (ذيل حصان) مكياج ما اخلي ابد لانو شكلي الحمدلله حلو ومرتب ميحتاج اللوان .
الحجيه كولما تشوفني تكول بوجهي (قل اعوذ برب الفلق)  جملتها الشهيره مااعرفها شنو .. بس بعدين عرفت انو هذي ايه بالقران الكريم اسمها من عدة سور يسموها المعوذات❤️ يكولوها عن الحسد!!
من عرفت معناها بقيت اضحك بيني وبين بفسي كلت هسه اني بجمال ابنج وتقريلي معوذات !
المهم ..
كنت دااطبخ وممنتبها ع الباب .. محسيت غير هو كبالي!!
اول مشفته درت وجهي بسرعه عنه وردت اطلع .. جان يلزمني من ايدي!!

اسيد .. بعد الي صار البارحا عفتها ورحت لغرفتي ، مااعرف ليش الاول مره من 3 سنوات ضميري يأنبني بسبب بنت!!
حسيت نفسي قسيت وياها ، ومن اتذكر ادموعها وشكلها المرعوب كدامي احس گلبي يكوم يرجف !
مااعرف لييييييش ، حاولت بكل الطرق اطردها من بالي مكدرت بقيت اليل كله اتكلب بفراشي منمت للصبح!
بعدين خابرني اخويه كرار كال اليوم غدانه يمكم !!
كمت بدلت وطلعت اركض اشويه لان احس جسمي متكسر وراسي يريد ينفجر من الصداع!!
طلعت من غرفتي لمحتها شايله صينيه ، ركضت لغرفة امي وطبكت الباب بسرعه !!
ارتاحيت من شفتها دتسوي الي كلتلها عليه الظاهر كلام البارحه اثر بيها.
صح حسيت بشعور زين من بطلت صلافتها بس مع ذلك شي بداخلي يأنبني!!
خليت الهتفون بأذني وطلعت .. ركضت المسافه الي معتاد عليها كل مره ورجعت للبيت قبل الغده بساعتين تقريباً !
كنت جوعان لابعد حد وبطني تصوصي صار يومين ، رحت بوجهي للمطبخ لأن مأمن هي مراح تتواجد واني بالبيت حسب ما فهمتها اكيد..!
بس الي شفته من دخلت للمطبخ خلاني اعصب اكثر منها ... الظاهر ضربت كلامي بعرض الحايط!

واكفه بالمطبخ ولا ع بالك حجيت وياها وفهمتها انو مااريد اشوفها ..!
التفت اول ما شافتني دنكت راسها بسرعه حتى مشفت وجهها ورادت تشرد من كدامي .. مرت بصفي لزمتها من ايدها صاحت بصوت ضعيف اااه..!
باوعت على ايدها صايره زركه مثل النيلي!!
تركتها بسرعه ، اتحركت رادت تطلع من المطبخ .. كلتلها اوكفي.

داليا .. من لزم ايدي حسيته ديحرك بگلبي لان ايدي كولش تأذيني ، مردت اطلع صوت كدامه مثل ما طلب بس غصباً عني طلعت اه من كد الوجع!
هو من شاف ايدي تركني .. ردت اطلع بس صوته وكفني !!

اسيد .. اني شكلتلج البارحا؟!!

داليا .. بصوت جامد بس مخنوك .. الحجيه طلبت مني اساعد ام عادل لانو حيجي استاذ كرار وعائلته .

اسيد .. بصوت جامد لما احجي وياج ارفعي راسج ، باعي بوجهي وجاوبي.

داليا .. دااحس بذل فوك طاقتي مااريد ارفع راسي ويشوف الضعف بعيني بس شسوي مجبوره اريد اعيش .. الدموع تجمعت بعيوني ورفعت راسي !!
من شافني ماادري شصار بي حسيت ملامحه المتشدده ارتخت ، ونظره بعيونه مشايفتها من قبل !!

اسيد .. رفعت راسها وشف وجها ازرك و شفتها وارمه!!
گلبي احس واحد عصره كل قوته بحيث دااتنفس بس مختنك .. بدون اي تفكير وبلا اي مقدمات كلتلها ... اني اسف..............!

للحكايه بقيه
وهذا بارت اضافي لعيونكم ، رأيكم بالاحداث وتوقعاتكم للبارت القادم
واريد منكم طلب وليس امر الي ممصوت يا ريت يرجع يصوت لكل البارتات حتى القصه تصعد فدوه ❤️