الفصل السابع

رواية في قلب القريه الجزء السابع 7 بقلم نوسة حمد في قلب القريهرواية في قلب القريه الحلقة السابعة

مشينا مع الولد وكنت زهجانه وبطني طامه وقلبي ما مطاوعني بس كل م اتزكر امي خاطرت دا كلو عشاني وعشان ما ادمر مستقبلي بقول الحمد لله وبتوكل وصلنا البيت مع الولد والبيت كان سمح الولد رحب بينا وقال لينا دقيقه اجيب ليكم المفتاح دخل جوه وجات طالعه معاهو امو اللفت نظري امو تشبه نسيبتي الخالق الناطق لدرجه لمن شفناها انا وامي انخلعنا وانا هبطتا عديل والمره شكلها ظريفه شديد رحبت بينا ترحيب شديد وقالت لينا الدار ترحب بيكم وحبابكم

في اي وقت انا بيتي مفتوح ليكم قالت لينا انا اسمي سعاد امي قالت ليها انا امال وبتي نسيبه قالت لينا نورتونا والله وبركه يا ولدي الما جبتا العذابه اخير لي امال دي تونسني. طبعا انا وامي مهجومين في البتشبه نسيبتي دي وامي ما قادره تفتح خشمها ولا انا قالت لي م شاءالله بتقري وين متزوجه ولا م متزوجه دايره ارد امي لفحت مني الكلام قالت ليها بتي دي شاطره وكانت بتقرا في جامعه تعبانه جيت معاها مخصوص هنا عشان تقرا جامعه سمحه وما

عندي غيرا وما متزوجه ولا دايراها تتزوج دايراها تقرا وتنفع نفسها الزمن دا البت سلاحها تعليما قالت ليها اي والله انا الحمد لله عندي تلاته بنات اتخرجن واستلمن شهاداتهن وعرسن واحده في اوربا وواحده في بريطانيا وواحده في السعودية متزوجها ولد اخوي العاوزين تقعدو في بيتو دا الناس قالو ليهو اجرو قال لا عندو غرفه وصاله بي مطبخهم فتحن قال لي البقعد فيهو ماعايز يأجرهم قال عشان لو جا في اي وقت يقعدو فيهو امي قالت ليها والله نحافظ

ليهو عليهن وفي اي زمن جا يجي نازل فيهن ونحنا بناجر قالت لينا بقول ساي بجي لكن ما بجي كتير ولو جا اسبوع بس بقعد وبمشي

دخلنا البيت والبيت نظيف ومرتب انا طبعا م مستوعبه اي شي وامي بس شغاله تونس في المره وانا نهاي قلبي اباها رغم انها كل دقيقه تقبل علي وترحب بي بس انا عشان بتشبه نسيبتي ما قدرت اعاين ليها كتير ورقدتا واتغطيت بطرحتي هي استاذنت مننا وولدها جا لاحقا بالاكل وشكلها عاملاهو هي كل ما لذ وطاب المره دي كريمه وولدها اكرم منها امي اتكيفت كيف لمن فاتت قالت لي شفتي لمن تتوكلي علي الله كل الطرق بتتسهل ليك ودا اول درس علمتني ليهو

الظروف واتعلمتو من امي قلت ليها فعلا يمه انا تاني نهاي ما بتشأم بتوكل علي ربنا والبحصل كلو خير قلت ليها يمه شفتيها تشبه نسيبتي كيف قالت لي عاد اسكتي ساي انا غلبني البقولو وغلبني اعلق قلت ليها يمه ما صاح تكذبي لكن قالت لي الله عالم بالنيه الجواي يابتي اقول ليها عندي اولاد وطلعت خليت ليهم البيت تبقا شينه في حقي وفي وشي ولا اقول ليها انتي مطلقه عشان تبقي مطمع للرجال قلت ليها يمه ما لي الدرجه دي قالت لي بري انا بعمل حزري

تماما وفي النهايه مصيرها تعرف قلت ليها لو عرفت في نظرها ح نكون كذابين قالت لي لا انا هسي بدرسهم بشوف موجتهم كيف لو لقيتهم ناس مافيهم كلام براي بحكي ليها والشي التاني الخايفه منو خايفه تكون بتبقا لي نسابتك لانو بتشبه نسيبتك شديد قلت ليها دا المخوفني قالت لي بس انا م خايفه المره دي لو بتبقا ليهم شكلهم متعلمين وناس فاهمين ما زي الغجر الوقعتي فيهم قلت ليها نفسي انساهم قالت لي بتنسيهم انتي بس ركزي في قرايتك وانا بشتغل اي

شيء بعمل اكل مناسبات بعمل طعميه في الشارع المهم

سرحت كده وقلت دا الهم التاني امي عاينت لي قالت لي حاسه بيك عايزه تقولي شنو وبقول ليك تاني وتالت ورابع ربنا كريم والبتبلبل بعوم ونحنا غرقنا اها نعمل شنو قلت ليها فعلا يمه ربنا كريم مشيت استحميت وغيرت ملابسي وسبحان الله البيت النزلنا فيهو فيهو قبول م طبيعي لدرجه اني حاسه نفسي ما خايفه وممكن انوم واغرق في النوم وفعلا نومنا لمن غرقنا في النوم وصحينا بالباب بضرب شديد امي قامت مخلوعه لقيناها خالتو سعاد شايله الشاي والصحن

الكبير ملان زلابيه قالت ليها النبي كان تتعبي لينا تاني قالت ليها مافي تعب والله زيد ولدي من بليل لقيتو جهز لي عجين الزلابيه وقومتا الصبح عملتهن واشيل واعاين ليكم بالحيطه كان اشوف لي نور فتح لمن م فتحتو جيتكم بالدرب امي شكرتها وقالت لينا اخدو راحتكم والليله انتو ضيوفي فطوركم علي وغداكم علي امي قالت ليها كتر خيرك والله ما تخربي طبعنا قالت ليها الحاله واحده والليله انتو ضيوفي وتاني اشتغلو شغلتكم لو احتجتو اي شي انا

موجوده طبعا انا نهاي م قادره اعاين في عيونها لانها بتزكرني نسيبتي ولمن اتزكر نسيبتي بطني بتطم والمره دي ظريفه معانا ما عاوزه اكرها قالت لي امي البت دي بتخجل مني قولي ليها انا امك الزمن م معروف احتمال احتاجها كبت امي قالت ليها من هسي اعتبريها بتك هسي هي عشان ما بتعرفك واول مره تشوفك

انا جاتني عقده عديل كل م عيني تجي تقع فيها بدنقر والشي المطمني ليها الزوله دي لو اتونست مع امي غير ونسه في روحها وربنا قال والرسول قال ما عندها ونسه ولا تحكي لينا بي بناتها وكيف قدرت علمتهم بعد زوجها اتوفي وزوجها كان رتبه كبيره في الجيش ومشا حرب اليمن وجاها خبرو انو اتوفي وشكلو كان غالي عليهم شديد لانها بتحكي بتفاصيل وفاتو والحزن الدخلهم والاهل والجيران انا في خشمي يمشي ويجي اسالها اقول ليها انتي من وين بس غلبني لكن امي يقصر الملح سألتها بس قالت لينا انها من مواليد الخرطوم امي قربت تقول ليها الحمد لله حسيت نفسي اطمنتا شويه

مرت الايام وبدت المرمطه خالتو سعاد م قصرت مننا قامت بي ضيافتنا علي اكمل وجهه وولدها ساعدني سجلت في جامعه قريبه للسكن الانحنا فيهو وامي اشتغلت تعمل اكل مناسبات هي وخالتو سعاد رغم انو اولادها رافضين بس ختتهم امام الامر الواقع وما شاء الله كانو مرزقين شديد وامورهم ماشه تمام مرت الشهور وامي فجاه موجتها قلبت و يوميا تبكي لمن تنوم لدرجه اني عرضتها لطبيب نفسي قلت ليها نرجع قالت لي نهاي م برجع انا عايزه مصلحتك ما بجدعك لراجل يعذبك حسيت نفسي مرتاحه انو هم محمد اتشال مني بس ما عارفه القدر ح يوقعني فيهو ولا لا

يوم غيبتا لانو وديت امي الدكتور لمن جيت صاحباتي قالن لي في دكتور جا جديد واي زول غايب شال اسمو وشكلو صعب انا خوفت خوف م طبيعي قلت دا خلاص شكلو الحا يقيف في 1 2الصفحة التالية مدونة كامومنذ 12 ساعة 0 4 دقائق