الفصل الثامن

رواية في قلب القريه الجزء الثامن 8 بقلم نوسة حمد في قلب القريهرواية في قلب القريه الحلقة الثامنة

مشيت الجامعه وكنت تعبانه لانو امي الليل كلو تعزي علي اولادها جابت لي روحا نفسيات وجابت لي معاها ولمن غبتا وديتا الدكتور زميلاتي قالن لي جا دكتور صعب وشال الحضور وقال الما حضر المحاضره الاولي ما بخليهو احضر تاني وقالن لي اليوم عندو محاضره لو جا بطردك ختيت يدي في قلبي وقلت ليهن دا الكلام الما دايراهو انا دخلت القاعه ورقدتا في الدرج وشكلي نومتا عديل لانو بقيت م واعيه وصوت زملائي اختفي بديت اصحصح بعقلي بس م قادره افتح

عيوني ولا ارفع راسي كاني في عالم تاني سمعت زول خبط الدرج قومتا مرعوبه وعيوني شرار من النومه الكنت نايماها فتحتهن وعيني تقع في الدكتور هو انخلع وانا انخلعت قلت ليهو وليد قال لي نوسه انتي الجابك هنا شنو انا عاوزه اشرح ليهو قال لي هوس ولا كلمه وطبعا انا قلبي دقاتو بقت في السماء ودايره ابكي عديل معقوله الدنيا ضيقه كده وتلاقيني بي وليد طبعا وليد دا ولد خالت محمد ما بعرف عني كتير وانا كمان مابعرف غير اسمو لانو كنت بسمع انو

زول شاطر وشغال في كم مكان في الخرطوم بس م اتوقعت انو يجي يشتغل في الجامعه البختارها بعيد من الناس ودموعي بقت جاريه وهو شغال يكورك قال انا اي استهتار ما بنفع معاي وتاخير ونوم في المحاضره وغياب م عندك عندي أعمال سنه وانتي اول واحده ح ابدا بيك وكان صوتو عالي الطلاب كلهم خافو وسكتو اول مره اشوف استاذ اهرشهم كانو بهرشو الاساتذه عديل بس دا قدر عليهم وانا اول واحده وقعت ضحيه عندو قال لي اقعدي بس م تطمني لي وبدت المحاضره

الشي الملفت بسيق المعلومات بصوره محببه للطلاب كل الطلاب حسيتهم متجاوبين معاهو الا انا وما بلاده مني خوف منو وخلعه قال لي ممكن افهمك انتي ما فاهمه ولا مالك قلت ليهو لافاهمه وبقا يسأل فيني وانا اجاوب قال لي اقعدي وبعد تخلص المحاضره قابليني قلت ليهو تمام صاحباتي قالن لي شكلو مركز معاك ما رديت عليهن عشان هن ما عارفات المصيبه الانا فيها ما مركز معاي حب فيني انا مرت ولد اهلو الهاربه منو المحاضره انتهت بهنا لحقتو بهنا سلمت

وعليهو وقلبي بضرب قال لي بعيدا عن اي شي محاضره لي تاني ما تغيبيها الا وانتي مريضه علي فراش الموت حسيتو جادي شديد قلت ليهو حاضر قال لي ممكن افهم انتي بتقري هنا ولا الحصل شنو ومحمد عارفك هنا قلت ليهو عليك ليك يا استاذ م تكلمو انا ما نفسي ارجع ليهو محمد ظلمني وما رحمني وبقيت ابكي قال لي اسمعيني ما تبكي قشّي دموعك وهنا م ينفع نتكلم لانو معاي اساتذه دا رقمي رني علي عشان افهم الحاصل وما تخافي كاني م شفتك بس لازم افهم قلت

ليهو طيب يا دكتور ومشيت منو وقلبي داير يطير الزول دا شكلو صعب جنني جن في راسي دا والفي القاعه كلهم عاملين ليهو الف حساب وبطني طمت عديل كنت مفتكره اني هربتا بس السودان ضيق الحمد لله بس الشي المطمني وليد دا ما شفتو في الحله كتير يعني الله اعلم اكون عندو علاقه شديده بيهم بس كيف وهو ود خالتو الله يستر وتفكير ناس حلتهم دا انا حافظاهو حفظ ناس غجر بمعني الكلمه رجعت البيت وبطني طامه قلت ليها يمه حبل الكذب قصير قالت لي كذب

شنو خالتك سعاد انا وريتا الحقيقه تاني كذب شنو كمان قلت ليها يمه وليد دكتور في الجامعه وبدرسنا قالت لي اها ومالو دا كمان قلت ليها دا ولد خالت محمد امي لمن شهقت ودقت سدرها قالت لي سجمي قلت ليها وما كده انا لمن غيبتا شال الحضور وختاني في راسو وقبيل جا لقاني نايمه كورك فيني ووقع قلبي وناداني في المكتب قالت لي اوعك توصفي ليهو مكانا قلت ليها يمه ما دايره ليها وصف لو داير يكلم محمد ممكن محمد اجيني في الجامعه امي خلاص قلقت

وبقت تتشهد وتستغفر قالت لي انا لازم الاقيهو بمش معاك الجامعه قلت ليها يمه جامعه شنو استهدي بالله لكن اداني رقمو قالت لي دقي لي ليهو هسي قلت ليها يمه الزول دا صعب لا لا قالت لي يا بت دقي لي ليهو اتصلت ليهو وفتحت ليهادالاسبيكر سلمت عليهو وقالت ليهو انا ام نسيبه وقعدت تحكي ليهو في القصه من اولها لي اخرها وهو شغال يقول ليها لا حول ولا قوه الا بالله العلي العظيم قالت ليهو اعتبرها اختك وما ترضا ليها الشين انا والله خليت

اولادي وهسي مكاني وين ما عارفنو وليل نهار ابكي لمن بقيت اتعالج عند طبيب نفسي اداني مهدأت قال ليها يا خاله محمد م من حقو يغصبها وانتو ليه تستسلمو ليه واخوانها غلطانين مفترض يقيفو معاها ويعرفو مستقبلها قالت ليهو اخوانا خايفين من كلمه مطلقه واختهم تقعد في البيت قال ليها نسيببه زوله متعلمه ما النوع البقولو مطلقه وقاعده ممكن تتخرج تشتغل في اي مكان وممكن تتزوج ما يحكمو عليها بالاعدام ويغصبوها علي حاجه هي م عايزاها قالت

ليهو بتي صبرت واستحملت وما شكت لي ولا جاتني تبكي لو زعلانه م بتحكي لي بس بارت نسوان الحله وقلنا وقالو لغايه م وقعنها وقتلن الفي بطنها قال ليها سمعت اي بس ما بالصوره دي وناس الحله بعرفو للتأليف علي العموم يمه انا والله كاني م شفتها انا متفهم خوفك ومن حقك بس كمان ما تنكسرو لمحمد وتخافوا منو وتعملو ليهو حساب حتي لو عرف مكانا ما عندو معاها كلام زوله ما عايزاهو الزواج ماغصب وطالما اتزوج يكتفي بي زوجتو واساسا زواجو غلط بس

محمد ما بسمع الكلام وخالتي طاوعتو قالت ليهو خالتك شالت ذنب بتي ربنا يسامحها قال ليها نخلي الخلق للخالق هو البحاسبهم ربنا يهدي الجميع ويخليك لي بتك وتفرحي بي تخريجها وما تشيلو هم احتجتو لي اي شي انا موجود قالت ليهو سلامتك وبخلي نسيبة توصف ليك بيتنا الحمد لله لقينا لينا اسره احتوتنا قال ليها لو فضيت بزوركم انا شغال في كم جامعه والله الحله م بمشي الا العيد بمش بليل وتاني يوم بجي راجع ساكين الدنيا دي الحمد لله قالت ليهو

ربنا يوفقك يا ولدي وما اوصيك اعتبرها اختك قال ليها م يحتاج وصيه ابشري يمه وقفل الخط قالت لي بري د ما من حلتهم ولا بشبهم قلت ليها يمه والعجب لو شفتي الناس بتخاف منو قدر شنو والبليد في محاضرتو مصحصح زول جادي شديد قالت لي اها عينه دا اختار العلم وطريقو ما قعد شال الاخبار قلت ليها يمه محمد زاتو

1 2الصفحة التالية مدونة كامومنذ 3 ساعات 0 5 دقائق