الفصل الرابع

– أنا جوزتك ومضيتك
– ازاي ده جواز باطل ده من غير موافقتي
– اسكتييي ، أنا كلامي بس اللي هيتسمع
حسيت إن الدنيا بتلف بيا معرفش ف ايه وايه الكلام اللي بيحصل ده كان بيتكلم وبيزعق مش عارفه كان بيقول ايه بس واحده واحدة الدنيا اسودت ف وشي
…..
فتحت عيني لقيتني ف مكان غريب مش اوضتي ولا بيتنا حاولت اقوم ، كنت حاسة بصداع جامد متركبلي كانولا ف ايدي ومتوصلة بمحاليل، مش عارفه حصلي ايه وانا فين دلوقتي ..
– اخيرا صحيتي قلقتيني عليكِ ، الصوت ده مش غريب عليا بس الدنيا ضلمة ومش باين ملامحه
– انت مين ، وانا فين
النور اتفتح بدأت الرؤية تبان كنت مصدومة
….
– مكنش ينفع اللي عملناه ده
– هو ده الصح ، بنتك غلطت وكل أما نسكت بتتمادى ف الغلط
-بس ياهادي دي مهما كانت بنتنا ، يعني مفروض كنا نحتويها
– قصدك ايه يعني اني ظالم
– ياهادي مقولتش انك ظالم بس لما نغلط لازم نفوق لنفسنا قبل فوات الأوان ، لو فيروز فاقت ف اي لحظة ولقت نفسها عند جوزها عند الشخص اللي متعرفوش ، ملقتناش حواليها هتحس ب ايه ؟ اكيد كل اللي هيجي ف بالها ان احنا مبنحبهاش احنا عمرنا مابينالها حبنا ، قولي مرة واحدة حسسناها ب اهتمامنا غير بس عشان تذاكر ونطلب منها تجيب درجات وبس ، هي عندها حق لما سافرت من ورانا احنا ظلمناها أنا عمري ما هسامح نفسي ابدا
– أنا كنت بعمل كل ده لمصلحتها
-مش لمصلحتها ، كله كان لمصلحتنا احنا ، لازم تفهم إن كل اللي عملناه غلط احنا ظلمناها ويانا كان كل حياتها مقارنات هي صح احنا غلط لازم تفهم
كنت بعيط وبزعق وجع قلبي ع بنتي أنا اللي غلطانة أنا اللي سكت مدفعتش عنها كنت بضغطها معاه موقفتش ف صفها هو مش بس اللي غلطان أنا كمان غلطانة
مشي وسابني وسط انهياري وزعيقي وعياطي مكنتش متخيلة أنها هتصحا ومتلاقيناش جنبها
…..
– أنا جوزك يافيروز
قرب مني وشوفته كان هو
– م مراد !!
قلقتيني عليكِ انتِ عارفة بقالك قد ايه نايمة بقالك اسبوع ع السرير مابتتحركيش عايشة ومش عايشة ، ايه وصلك ل كده
– ماما وبابا فين ؟
– ثواني هرن عليهم اقولهم انك فوقتي دول هيفرحو اوي
– هما سابوني؟ مفضلوش جنبي طول الفترة اللي كنت فيها مش ف وعيي
دموعي بدأت تنزل دلوقتي اتأكدت اني مش غالية عليهم ، عمرهم مافكروا فيا ، مراد قرب مني وحضني
– اهدي انا جنبك ، بتعيطي ليه دلوقتي
– انت اتجوزتني من غير علمي ؟ ازاي وافقت تعمل كده
– ايه ؟ ازاي لا في سوء تفاهم أنا متجوزك ع أساس انك موافقة
– ازاي ، ازاي وانا قايلالك اني بكره ابن عمي هوافق ازاي ، انت وافقت تتجوزني من غير ماتعرف شكلي ، أنا كنت رافضة عشان، عشان حبيتك بس اتحطيت قدام الأمر الواقع ، طب انت ايه وافقت ليه؟ اجبروك تتجوز ؟، مستحيل يجبروك مفيش راجل بينجبر ع الجواز
– ممكن تهدي وهحكيلك ع كل حاجة
سكت وبصتله أنه يحكيلي
لما روحت بابا دخلي الاوضة و
_العودة_للماضي_
– صاحي يامراد
– ايوا يابابا اتفضل
جه قعد ع السرير
– أصل كنت عايزك ف موضوع كده
– خير يابابا ف ايه
– خير ان شاء الله ، أنا عايزك تتجوز بنت عمك
بصتله بصدمة
– بس
– اسمعني للآخر ، انا وعمك اتفقنا من زمان انكم لبعض وده قرار مني ومنه ولازم يتنفذ
قومت من مكاني بعصبية
– ازاي يعني هو انت هتجبرني ع الجواز ، هو أنا عيل صغير
– انت بتعلي صوتك عليا يامراد الظاهر أن عيشتك برا نستك الأصول
– يابابا افهمني ، أنا مينفعش اتجوزها أنا عمري ما شوفتها ولا اتعاملت معاها
– بكرة تشوفها وتحبها كمان دي قمر متقلقش
– مينفعش مينفعش خالص ، أنا بحب واحدة وكنت ناوي اتقدملها
– انساها ، واسمع كلامي أنا عارف مصلحتك كويس
– مستحيل ، أنا مش هقدر اعمل كده هظلم بنت عمي مقدرش يابابا
مشيت بعصبية من الاوضة وكنت خارج بصيت ع ماما وتالا لقيتهم ماسكين صورة اول ما تالا شافتني جرت عليا
– بص ياميمي فيروز حلوة اوي ازاي أنا عمري ما شوفتها
مسكت الصورة بسرعة اول ما قالت الاسم لقيتك انتِ
عودة_من_الماضي
– لما لقيتك انتِ فرحت اوي وهديت وغيرت رأي ووافقت بابا فرح لما فهم أنك انتِ اللي بحبها ، كنت بحسبك عرفاني عشان كده وافقتي محدش قالي انك مش موافقة
– مجاش ف بالك ليه مقبلتنيش ولو لمرة واحدة ازاي انكتب كتابنا من غير حتى مانتقابل
– أنا فعلا طلبت من بابا وعمي ان احنا نتكلم قبل كتب الكتاب ، بس هما قالولي دي عادات وكده كده كلها يومين وهتاخدها البيت واما سألت مش هنعمل فرح ، عمي قال إن دي رغبتك وانك مش حابة جو الافراح
دموعي نزلت غصب عني معرفش المرة الكام اللي بابا ياخد عني القرار من غير مايرجعلي
– أنا آسف ، مكنتش عارف انك مش موافقة
– ذنبك ايه
– انتِ برضو لسه بتكرهي ابن عمك ؟
بصيتله شوية لقيته بيبصلي بحزن وابتسمت
– عايزه انام
ضحك
-هحاول معاكِ من تاني اتمنا تبطلي تكرهيني يازوجتي العزيزة
سابني ورجعت تاني لأفكاري اللي هتموتني
أنا بالنسبالهم ايه ، بنتهم وسعادتي من سعادتهم ولا مجرد بنت جابوها ع الدنيا تحقق أحلامهم ورأيهم يمشي ممنوع الاعتراض ، لو كده مااكانوا جابوا انسان آلي هيعملهم اللي عايزينه من غير اي اعتراض
فضلت ع الحال ده معرفش قد ايه بس قطع تفكير خبطات ع الباب
مسحت دموعي اللي نزلت من عيوني
وسمحت للي بيخبط بالدخول وكانت مرات عمي وتالا
– عاملة ايه يافيري دلوقتي ، كده تخضينا عليكي ياحبيبتي
ابتسمت لها بهدوء
– الحمدلله ياطنط
تالا جرت عليا حضنتني
– أنا حاليا بقا عندي اخت وجميلة ومقطقطة زيك كده
ضحكت ع كلامها
– ليا الشرف ياحبيبتي
فضلنا نهزر احنا التلاتة سوا خدت عليهم بسرعة
طنط قطعت هزارنا
– يلا يافيروز قومي عشان ناكل ده هتلاقيكِ ميتة من الجوع
– لا أنا مش جعانة خالص أنا محتاجة انام
– نوم ايه بس يابنتي ، مشبعتيش نوم انتِ بقالك اسبوع نايمة جسمك هيوجعك يلا قومي
– يلا بقا يافيروزة كده ماما تحلف ماهناكل كلنا زيك وانا بطني ملهاش ذنب بحوراتكم دي
ضحكت عليها ماشي ياستي عشان خاطر طنط بس
– ايه طنط دي انتِ كمان ، من هنا ورايح تقوليلي ماما حنان زي تالا ومراد ابتسمت بهدوء ع حنانها اسم ع مسمى بجد ، متجمعتش بيهم من زمان ، مكنتش اعرف انهم لذاذ اوي كده قومت معاهم ولقيت عمي ومراد برا ،سلمت ع عمي ، مراد بصلي ببسمة لذيذة زيه روحنا اكلنا وسط هزار تالا

ومراد ونكش تالا فينا كلنا
خلصنا اكل ، عمي جاله تليفون وماما حنان قامت تعملنا شاي وتالا راحت تذاكر عشان معتش حاجة ع امتحاناتها
واتفضل أنا ومراد بس فضلنا ساكتين معرفش قد ايه بس مش كتير
وقطع سكوتنا مراد
– تيجي نقعد ف البلكونة
هزيت راسي بموافقة مع بسمة صغيرة ، روحنا البلكونة وفضلت ابص للنجوم وكلام بابا ليا مش مفارقني ، وأنه سابني هو وماما وقت تعبي متأثروش بتعبي ، ماصدقو خلصوا مني بعتوني ل جوزي ، هو أنا كنت عبء عليهم سؤال ديما بيجي ف بالي ، لو مش بيحبوني ماقتلونيش وخلاص ليه بدل العذاب اللي انا فيه ده ، بحمد ربنا ديما إن معنديش اخوات ، حرام يتظلموا ويعيشوا نفس اللي انا عايشاه كفاية أنا، قطع تفكيري مراد
– بتفكري ف ايه
– هما ليه محبونيش
– اهلك؟
هزيت راسي بهدوء
– مين قالك ، هما بس معرفوش يوصلولك حبهم
– هما مفكروش فيا ، نفسي ف ايه ،حلمي ايه ،عمري ماكان نفسي ادخل طب بس عشانهم دخلت ، كان نفسي اعيش طفولتي زي اي حد منعوني منها عشان محدش يبقا احسن مني
– انتِ فهماهم غلط
– أنا ديما كنت بدلهم تبريرات ، بس مفيش مرة نصفوني عشان اصدق التبريرات دي
-ممكن تبصيلي
بصيتله وعيوني مليانة دموع
– هما بيحبوكِ ، كانوا عايزينك تبقي اشطر حد ف الكون هما ديما فخورين بيكِ ، بس طريقتهم كانت غلط
– بيحبوني ازاي ؟ أنا وقعت قدامهم ف بيتنا ، أصحا اللاقيني هنا
– ايه هنا دي ،مش عاجبينك ولا ايه يا دكتورة منشبهش ولا منشبهش!
ضحكت ع طريقته ، كان بيهزر بيحاول يطلعني من اللي انا فيه
– انت ازاي مستحملني كده
– لو مستحملتكيش ،استحمل مين ياسكر
– تسلملي يامسكر
ضحك ويصلي بهدوء
– ممكن تسمعيني ، اهلك ع طول كانوا معاكِ ، وديما بيرنوا عليا يطمنوا عليكِ ، واه بابا زمانه بيكلم بباكِ وهتلاقيهم جايين بسرعة عشان يشوفوكِ ، مامتك كانت كل يوم تيجي تتكلم معاكِ وتعيط كنت بسمعها وهي بتتأسفلك كتير بس انتِ مكنتيش حاسة بيها ، بباكِ كان باين ع عيونه الكسرة والندم
– بس هما مستنوش لما افوق وبعتوني ليك
– أنا اللي اصريت تيجي من المستشفى لهنا مردتش اسيبك ف المستشفى وكانت في ممرضة ودكتور كل فترة بيطمنوا عليكِ ، وبباكِ كان رافض وعايزك ترجعي معاهم بس انا فضلت مصمم بما انك مراتي
قال كلمة مراتي بغمزة وضحك اتكسفت وبصيت ع الأرض
– اهلك بيحبوكِ ياروزة ومفيش أهل بيكرهوا عيالهم ،هما غلطوا عارف وحقك تزعلي بس متقسيش عليهم
– انا بحبهم بس موجوعة اوي
– سلامتك من الوجع ياحبيبي ، أنا معاكِ للأخر وهحاول اعوضك ع اللي فات بس توعديني تديهم فرصة
هزيت راسي ولقيته قام وحضني ، كنت مكسوفة بس كنت مرتاحة وحاسة بالأمان
سمعت صوت ماما وبابا ، دخلنا جوا
ماما جرت عليا وحضنتني جامد ، كانت بتعيط وبتتأسفلي وكانت بتقول كلام كتير مش مفهوم من عياطها من بين كلامها قالتلي
– هعملك اللي أنتِ عايزاه ، لو عايزه تطلقي هقف معاكِ مش هجبرك ع حاجة ابدا حقك عليا يانور عيني
مراد كان واقف مذهول
– ف ايه ياحماتي خليكِ محضر خير طلاق ايه بس صلي ع النبي كده
ابتسمت ع كلامه وكله ضحك
بصيت ع بابا لقيته واقف حزين مكسوف مقدرتش اشوفه كده ، جريت عليه حضنته بادلني الحضن وفضل يبوس راسي ويتأسفلي كتير
……..
عدا ع الموضوع ده ست سنين وانا ومراد واقفين قدام البحر حاضني بكل حب ويونس ورقية عيالنا توأم بيجروا من تالا
– مامي ، بابي الحقونا عمتو هتاكلنا
– مش هسيبكم غير لما اكل العيال الحلوين دول
– فضلت تزغزغ فيهم واحنا بنبصلهم بكل حب
قعدنا ف مكان هادي ، ومراد اتكلم
– ها عايزين تروحوا فين بليل
أنا وتالا ويونس ورقية ف صوت واحد
– الملاهي
– والله متفقين بقا
هزينا راسنا بحماس
مراد عوضني عن كل حاجة ، كل اجازة ياخدني يفسحني ف اي مكان حتى لو بنتمشا ف الشارع وبنشرب قصب مكنش بيسيبني يوم زعلانة ، كان بيعاملني زي بنته مش مراته بس كان حنين لابعد حد ، علاقتي مع بابا وماما اتحسنت وعوضوني عن السنين وبابا بقا بيتخانق مع مراد عشان غيران منه عليا …
_بعد 10سنين_
لقيت رقية بنتي جاية عندي بحماس
– ماما تيجي نخرج ، أنا زهقت من المذاكرة وضغط الدروس
– ممم ، زهقتي اوي يعني ؟
بصتلي بعيون بريئة
– اوي اوي ياماما
– النهاردة ايه ؟
– الخميس ، قالتها بسرعة
– يعني اجازة بابا ، ليه لا يلا بسرعة نقوله
جرينا أنا وهي بحماس ل مراد
– مراااد ، باباااا
– خير خير ، حصل ايه ، انتوا كويسين
هزينا راسنا بكل هدوء وبرائة
ف اتكلمت
– الست رقية زهقان وعايزه تخرج عشان اتخنقت من المذاكرة ، وانا بصراحة عايزه اخرج كمان
مراد بص ل رقية ف بربشت بعيونها بكل برائة ف رد علينا ب
– لا
بصينا ليه بخيبة أمل
– ليه لا؟
-مفيش خروج ببلاش كده ، هاتوا بوسة الاول
بصينا لبعض أنا ورقية وجرينا عليه نبوسه ونحضنه كمان هو احنا عندنا كام مراد يعني
– اه قلبي، كنت عارف اني مش ابنكم
شديته لحضني وبوسته ولعبتله ف شعره
– واحنا نقدر يااستاذ يونس
مراد بصلي وبصله
– وبعدين بقا، ابعد عن مراتي يالا
– مراد!!!
– استني بس
– يابابا دي مامتي بتغير مني عليها
– مليش دعوة هي مراتي ياحلو
– ومامتي ع فكرة
الاتنين بيغيرو عليا من بعض بس مراد بيحب يونس جدا ومصاحبه وعارفة أنهم بيهزروا وانا ورقية واقفين بنبصلهم ونضحك ف جو أسري لطيف ، قدرت اتخطى اللي حصلي بفضل مراد ومكررتش غلطت ماما وبابا معايا ، مضغطتهمش ف المذاكرة
عرفتهم أنها مهمة ودي مستقبلهم بس يعملوا اللي عليهم وكل اسبوع كنا بنخرجهم عشان ميزهقوش وكل يوم بليل نقعد ف سهرة لذيذة ف البلكونة كل واحد بيشارك يومه …
“في قلب العائلة، نجد الدفء الذي يعانق الروح ويُشعرنا بالأمان والانتماء.”
تمت….