في الصعيدي
في جناح دلال
دلال : جولي يا معاذ ده احلى ولا ده ؟
معاذ : ليه؟
دلال : عشان اجابل بيه اسد؟
معاذ : كل حاجه حلوه عليكي.... المهم مش اللبس
دلال : اومال ايه ؟
معاذ : الجبول و التفاهم و الاحترام
دلال : وايه دخل ده في اني اسد يحبني و يعجب بيا؟
معاذ : الاعجاب ممكن....... لكن الحب مش بايد الانسان؟....... بصي الواحد ممكن يشوف لبس معين يعجبه ويشتريه واول ما اجي يلبسوا ما يحبهوش على نفسه...... هو دا الحب
دلال بحزن : يعني انا و اسد مش هنتجوز؟
معاذ: جوازك من الاسد ملوش دعوه باللي جلته
دلال : اومال بتجولوا ليه؟
معاذ : عشان افهمك انك ما تنتظريش من اسد انه يحبك لان ده مش بايده..... وانتي اللي وافجتي تتجوزي بالطريجه دي...... فهمتني؟
دلال بحزن : فهمت.
دخلت سميحه عليهم: بتعملوا ايه؟
معاذ : بنتكلم
سميحه : وانت ملجيتش غير دي تتكلم معاها
دلال : ومالها دي ياختي.... اللي مش عاجباكي دي هتبجى مرات اكبر رجل الأعمال في مصر
سميحه بيغيظ: عارفين ياختي..... بس يا ترى اسد لما يشوفك هيوافج بيكي؟
دلال : وما يوافجش ليه هو انا اي حد؟
سميحه : لا بس هو متعود على الممثلين اللي بيطلعوا في التلفزيون.... وبنات الزوات الي بيشوفهم في الحفلات مش واحده آخرها تطبخ ليه....... اللي زي دا عايز اللي تدلعه وتبجى مش اقل منهم فهمتي..... يلا يا معاذ جدك بينادي عليك عشان العشاء
ومشيت فرحنا انها عصبت دلال
معاذ : متزعليش من امي......ونصيحه مني خليكي زي ما انتي..... اسد لو كان عايز يتجوز من البنات دول كان اتجوز من بدري
وسابها ونزل
دلال في سرها : صح هو دايما بيشوف بنات الزوات .... لازم ابجى زيهم و احسن منهم
وقاعده تدور في هدومها بس ملقيتش اللي عايزاه
فنزلت علي غرفه الطعام وهي ناويه على شئ
على العشاء
دلال : يا جدي
الحاج محمد : نعم يا دلال
دلال : كنت عايز انزل اشتري شويه حاجات بكره قبل ما نسافر
الحاج محمد : خلاص خدي سناء وانزلوا بس ماتعوجوش
دلال : حاضر
الحاج محمد لابنه : كلمت ولدك مصطفى؟
احمد : لع..... بس انت كلم عمي ولا ومالكش دعوه انا هكلمه
الحاج محمد : مش عايزك تكسفني جدام عمك
احمد : ما تجلجش
الحاجة فاطمة : خير في ايه مالكم... بتتكلموا بالالغاز كدا ليه؟
الحاج محمد : ولدك عايزني اكلم اخوي علي جواز فريده لمصطفى
الحاجة فاطمة بفرح : وتاجي تجعد معانا....... يا زين ما اخترت يا ولدي...... احنا اولى ببنت اخوك... وخلينا نلم الشمل
احمد : شفت يا حاج عشان تعرف مش انا بس اللي بجول كدا
الحاج محمد : اللي فيه خير يجدمه ربنا
سناء : بس مصطفى وافج؟
احمد : وانت مالك يوافج ولا ما يوافجش
الحاجة فاطمة : مالك يا سناء انت اتجنيتي ياك ...... وهو هيلاجي زي بنت ولدي فين مؤدبه ومتعلمه
سناء : مش جصدي يا عمه.... بس انت عارفه مصطفى مش بيطيجها عشان هي متدلع
احمد :سناء ما تدخليش في الموضوع ده تاني
...............................................................
في قصر القناوي
على الطعام
الحاج مصطفى : فين بنتك يا حياة؟
حياة : قالت هتطلع مع اصحابها شويه
الحاج مصطفى : اممممم تمام بس كلميها قوليها ما تتاخرش.
حياه : تمام.... بابا كنت عايزاك في موضوع بس بعد ما تخلص اكل
الحاج مصطفى : خير؟
حياه : خير إن شاء الله
الحاج مصطفي : اومال فين اسد وقاسم يا صفيه؟
صفيه : اسد جال عنده عشاء عمل و قاسم مخبراش جالوا تليفون ومشي
الحاج مصطفى في سرها : ناوي على ايه يا قاسم ربنا يستر
ودخل اسد عليهم
اسد : جدي عايزك في موضوع هستناك في المكتب
الحاج مصطفى قام وهو عارف اسد عايزه في ايه
صفيه في سرها من شكل ولدها : ربنا يستر
.....................................................................
في المكتب
اسد عامل زي الاسد الهايج
دخل الحاج مصطفي : خير يا أسد
اسد بعصيبه : بتعمل معايا كده ليه؟
الحاج مصطفي ببرود : في ايه؟
اسد بعصبيه : انت عارف
الحاج مصطفى بانفعال : ما انت اللي رافض الجواز وانا عايز ليا حفيد جبل ما اموت
اسد بهدوء: بعد الشر عليك يا جدي..... بس مش بالطريقه دي
الحاج مصطفى : شاور على اي واحده من البنات القناوي وانا هوافج..... عندك فريده و حلا و دلال
اسد : يا جدي انت عارف ان فريده وحلا زي اخواتي
الحاج مصطفي : يبجى مفيش غيرها دلال
اسد : يا جدي انا مش عايزه اظلم حد معايا..... كفايه امي
الحاج مصطفى : ما امك بخير اهي....... وبعدين تظلمها ليه انا بجولك اجتلها..... دا انا بجول اتجوزها ثم انا عايز حفيد.... وهي دي حاجه صعبه وبعدين البنت موافجه
اسد : ماشي يا جدي هجيبلك حفيد.... بس ماتزعلش من اللي هعمله
وسابه ومشي الحاج مصطفى: ربنا يستر شكلك مش ناوي على خير يا اسد
وطرق الباب ودخلت حياه : خير يا بابا حصل حاجه
الحاج مصطفى : يعني انتي مش خابر اسد وانه مش موافج على الجواز
حياه : يا بابا انا معاه..... دي واحده من الصعيد مش هتفهم اسد........ انت كدا بتظلمها
الحاج مصطفى: واحنا من فين مش من الصعيد وبعدين دي احسن واحدة وجميله كيف البدر..... وهاظلمها ليه دي هتاخد كبر رجل اعمال في مصر واللي اي بنت تتمناه
حياه: اللي تشوفه يا بابا المهم كنت عايزاك في موضوع ثاني
الحاج مصطفى : خير
حياه :🙃
....................................................................
في بيت المهندس علي
غرفة الطعام
علياء بعصبيه : ملااااااك مين اللي في مصر؟
ملاك : فيروز
علياء بصدمه : ازاي.... هي امتا جات مصر؟
ملاك : انهاردة
على باهتمام : ومحمد وافق ان فيروز تنزل مصر؟
ملاك : معتقدش لان مازن قال انهم اتخانقوا مع بعض ؟
علياء بتفكير : يبقى عشان كدا محمد كان بيتصل بيا
علياء تليفونها رن تاني باسم الدكتور محمد
على : مين؟
علياء : محمد
على : ردي عليه و شوفي ايه اللي حصل وافتحي السبيكر
ردت علياء وفتح مكبر الصوت
د. محمد : اخيرا يا علياء ردتي
علياء : في ايه يا محمد؟
د. محمد : فيروز عندك في مصر
علياء : مازن قال لملاك..... ايه اللي حصل؟
د. محمد : فيروز عرفت الحقيقة
علياء بصدمه : عرفت من فين؟........ مين قالها؟
د.محمد : انا
علياء : ليه..... ايه اللي حصل؟
د. محمد : كانت عايزه تنزل مصر في شغل وانا رفضت
علياء : وبعدين
د. محمد : وافقت لانها كانت ناويه تنزل حتي لو رفضت
علياء : تمام...... وليه قلتلها....... ما كانت خلصت شغلها ومشيت وماحصلش حاجه
د. محمد : فيروز كانت نازله مصر عشان تعرف اهلها مش عشان الشغل..... وخفت انا لا تعرف الحقيقه وهي هناك...... وتعرف ان احنا كدبنا عليها
علياء : وهي عرفت كل حاجه؟
د. محمد : لا ...هي ما تعرفش غير ان امها جالها انهيار عصبي لما عرفت ان مصطفى متجواز غيرها وماتت
علي: واختها
د. محمد : لا متعرفش يا على
علياء : يا حبيبتي يا بنتي........ واول ما عرفت عملت ايه؟
د. محمد بحزن : زعلت مني ومارضيتش تتكلم معايا ......ونزلت مصر من غير ما تقول لحد
ملاك : ما هي اكيد زعلانه يا انكل انا لو مكانها كنت هزعل برده...... ياريت تعذرها اللي عرفته مش سهل علي اي حد
د. محمد بحزن : عارف يا بنتي
علي : هي فين في مصر؟
د. محمد بغضب : ما انا لو كنت عارف كنت قلت
علي: ما انت و صاحبك اللي خبيته عليها ذنبنا احنا ايه؟
د.محمد : عندك حق انا الغلطان...... مع السلامة
علياء بسرعه : استنى يا محمد متزعلش من كلام علي........ما انت عارف ان هو بيحب فيروز زي بناته بالظبط
د. محمد بحزن : عارف
على بهدوء : هي في حد معها؟
د. محمد : اه الداده فاطمة
على : عارف عنوانها في مصر؟
د. محمد : اه.......... بس ليه؟
على : ما هي ما تعرفش حد في مصر فممكن يكونوا راحوا على بيت الداده فاطمه
د. محمد : اه صح ازاي ماجتش في بالي
علياء : خلاص قول لعلي وبكره الصبح يروح يشوف اذا كانوا هناك ولا لا؟
د. محمد : في ********
على : تمام
د. محمد : مع السلامة
وقفل
ملاك : ماما انتوا كنتوا عارفين ؟
علياء : اه
ملاك : بس ازاي تخبوا حاجه زي كده عن فيروز؟
على : ابوها كان خايف عليها ومارضيش يقولها وبعد وفاته محمد مارضيش يقولها
ملاك : بس كان لازم تعرف وخصوصا ان عندها اخت.... انكل مصطفي اناني قوي
علياء : ابوها كان خايف عليها من اهله
ملاك : ليه؟
علياء عشان تقفل الموضوع : أهلها صعبين اوي يا ملاك..... ربنا يستر
ملاك : انا طلع اوضتي عن اذنكم
وطلعت
علياء : لازم العيال مايعرفوش اكتر من كده عشان مايقولوش لفيروز
علي : تمام يلا بينا ننام
علياء : وهو الواحد هيجيله نوم بعد اللي حصل اطلع انت وانا هستنى ملك
علي : تمام
وبعد ان تاكدت من طلوعه
اتصلت على حد
.......... / السلام عليكم
علياء : وعليكم السلام ورحمة الله وبركاته
.......... / في ايه يا علياء باتتصلي ليه في الوقت ده؟
علياء : فيروز عارفة ان ابوها متجوز على امها
......... بانفعال / ايه ازاي؟
علياء : محمد قالها... المشكله مش في كدا؟
........ / اومال؟
علياء : فيروز نزلت مصر عشان تعرف الحقيقة كلها
......... / وهي فين دلوقتى؟
علياء : محدش يعرف
......... / خلاص اقفلي انتي وانا هتصرف
.................................................................
ياترى مصطفى هيوافق على جوازه من فريدة؟
والحاج مصطفى هيكون ايه الرد بتاعه؟
قاسم مين اللي كلمه وعايزه في ايه؟
اسد ناوي علي ايه ؟
حياه عايز ايه من ابوها؟
وفيروز فين في مصر؟
ومين الشخص اللي كلمته علياء؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!