رواية فيروز الفصل السابع 7 - بقلم Koky Bahgoury

في منزل د. محمد المهدي

بعد ان خرجت من مكتب ابيها ذهبت الى اخيها مالك في الصاله

لمياء بسرعه : حصل ايه محمد وافق تنزلي مصر؟

فيروز بابتسامه : لا

مالك و مازن منصدمين ازاي فيروز بتضحك وابوهم مش موافق

لمياء : ماتقلقيش انا هتكلم معاه واقنعه.

مالك ومازن من الصدمه مش عارفين يتكلموا
ازاي لمياء بتساعد فيروز دي من ثامن المستحيلات

فيروز بنفس الابتسامة : تسلميلي يا لولو

( فيروز مش ده كان اسم كلب من شويه ايه اللي اتغير)
ثم اكملت فيروز: فين لي لي

لمياء : بعد ما عرفت ان انتي هتسافري وكمان هتاخدي معاكي ليالي زعلت وحبسه نفسها في الاوضه

فيروز بحزن على ليلى اللي بتعتبرها بنتها : خلاص هطلع انا اتكلم معها

لمياء : براحتك يا حبيبتي البيت بيتك هروح انا اتكلم مع محمد

بعد ان غادرت نظرت فيروز الى مالك ومازن : مالكم في ايه؟

مالك و مازن 😲😳

فيروز : طب وانتوا كويسين

مالك ومازن على نفس الحال

فيروز ضحكت على شكلهم بعد ان فهمت حالهم ثم قالت : هاطلع انا اشوف ليلى

وسباتهم ومشيت و طلعت على السلم بعد وقت قال مازن لمالك : هو انا كنت بحلم؟

مالك : وانا معاك في الحلم ازاي!

مازن : انا مش فاهم حاجة؟

مالك : ولا انا؟

مازن : هو الاكل اللي اكلنا كان في حاجه؟

مالك : يمكن!

مازن: لا دا اكيد اصل مرات ابوك اتجنت خالص دي بتقول لفيروز يا حبيبتي...... والبيت بيتك

مالك : ربنا يستر انا مش متفائل.

مازن : ولا انا
........................................................................
بعد ان وصلت فيروز الي غرفه ليلى وجدت ليالي على الباب

فيروز : ليه واقفه كده على الباب؟

ليالي : ليلى قافله على نفسها مش راضي تفتح الباب

فيروز : تمام روحي انتي وانا هتكلم معها

ليالي : تمام

لكن قبل أن تغادر قالت :وافق انكل على السفر؟

فيروز بابتسامه تعرف مغزاها: لا

ليالي بصدمه : ليه انتي غيرتي رايك ؟

فيروز بابتسامه : اه... اصل مش هسافر الا لما يوافق بابا وهو مش موافق مش مشكله البعثة دي تتعوض في غيرها ........ غير كدا انا على طول بسافر

ليالي وهي تحاول اقنع فيروز : بس البعثه دي هتنقلك نقله تانيه.... لانك اول مره تروحي بلد عربيه

فيروز : مش مشكلة خيرها في غيرها

ليالي : لو انكل وافق هتسافري؟

فيروز بمكر : اه طبعا واخدك معايا

ليالي بفرح : خلاص سيبي موضوع انكل عليا واستعدي انتي بس وشوفي هتاخدي مين معانا

فيروز : يعني اعتمد عليكي عشان مدير المستشفى عايزني ارد عليه بكره

ليالي : اه طبعا اعتبري الموضوع خلص

فيروز بابتسامه وحضنت ليالي وبمكر قالت : انتي احسن اخت في الدنيا بجد من غيرك ماكنتش هعرف اعمل ايه؟

ليالي بعدت عن فيروز : شوفي انتي ليلى وانا نازله معايا مكالمه مهمه

ومشيت

فيروز ضحكتك بصوت عالي وقالت في سرها: هسافر مصر من غير ما اتعب نفسي في اقناع بابا واخيرا استفدت من لمياء وليالي في حاجة..... ده انتوا حبايبي وكارتي اللي كسبان دايما و فاكريني غبيه مش عارفه مخططكم بس يا ترى هتعرفوا تنفذوا وانا موجودة........... 😁

وطرقت باب غرفة ليلي

فيروز : لي لي افتحي الباب دا انا فيروز

ليلي من داخل الغرفه : لا

فيروز : كده يا لي لي يعني مش بتحبيني

ليلي : انا بحبك بس انتي لا

فيروز : انا مش بحبك ازاي........ ده انتي اغلى حاجه عندي في الدنيا اختي و حبيبتى و بنتي وصاحبتي

ليلي بدموع : اومال عايزه تسافر ليه مش كفايه سبت البيت

فيروز : يا لي لي دا شغل وفتره صغيره وهاجي تاني ده غير انك هتروحي مصر

ليلي فتحت الباب: بجد يعني هتاخديني معاكي؟

فيروز : مش بالظبط.

ليلي بحزن : اومال ايه؟

فيروز : انتي ناسيه انك هتسافري مصر عشان فرح مالك وملك

ليلي بفرح : اه صح نسيت

فيروز رفعت ليلى وحضنتها وقالت : انا بقى هنزل واخد ليالي معايا عشان اجهزلكم البيت اللي هنقعد فيه

ليلي : بجد

فيروز : بجد ودي فرصه كمان عشان افسحك في مصر ونطلع لوحدنا زي زمان.

ليلي : انت احسن فيرو في الدنيا

فيروز : وانتي احلا لي لي في الدنيا

ونزلت فيروز ليلي على الأرض قالت عايزه حاجه قبل ما امشي؟

ليلي : لا خلي بالك من نفسك وتعالي سلمي عليا قبل ما تسافري

فيروز باست ليالي من خدها: حاضر يا حبيبتي سلام

و نزلت فيروز من على السلم وشافت الداده فاطمه مجهزه شنطتها وطالعه من المطبخ

داداه فاطمة : ايه يا حبيبتي مش يلا بينا الوقت اتأخر.

مالك : رايحه فين يا دادة؟

فيروز بابتسامه : هتعيش معايا.

مازن بحزن : وهتسيبيني لوحدي يا داده.

دادة فاطمة حضنت مازن: انت كبرت دلوقتي مش محتاجني.... لكن فيروز قاعده لوحدها وده مينفعش.

مازن بعد ان تفهم الامر: هتوحشيني اوي يا داده.

وبعد عنها

وحضن فيروز هو حزين

فيروز : مازن مالك في ايه؟

مازن بحزن : مفيش

فيروز كلمته بصوت واطي مايسمعهوش غيره : مش عليا ........ بكره انا مش رايحه الشغل تعال عندي البيت عشان ناخد راحتنا في الكلام

مازن : تمام بعد الشغل.

فيروز بعدت عنه: سلام يا حبيبي خلي بالك من نفسك ومن ليلى

مازن : سلام

ومشي كلا من فيروز ومالك والداده فاطمه
...............................................................

في السيارة

مالك : بتخططي ليه؟

فيروز : انا ولا حاجة

مالك : عليا برده

فيروز ضحكتك جامد

الداده فاطمة : ضحكوني معاكم في ايه؟

فيروز : ولا حاجة يا داده .

مالك سكت عشان حس ان فيروز مش عايزه تقول للدادة دلوقتي

وصلوا عندي عماره شاهقه الارتفاع

مالك : حمد لله على السلامه.

الداده فاطمة : دا بيتك

فيروز : اه شقتي هنا

الداده فاطمة بخوف : الدور الكام؟

فيروز : الاخير

الداده فاطمة : يا لهوي لا ده انا ارجع عند لمياء تاني

فيروز بضحك :ههههه ما تخافيش يا داده انا معاكي.

الداده : وانتي من قلت الشقق مالقيتيش غير الدور الاخير

فيروز : دي اغلى شقه في العماره وغير كدا الفيو بتاعها تحفه ثم احنا مش هنقعد نتكلم كتير و انا تعبانه وعايزه انام يلا بينا...........سلام يا مالك اول ما توصل فيلتك كلمني

مالك : تمام سلام
وركب سيارته وغارد
.......................................................................

في مصر

في بيت علي (ابو ملاك و ملك)

غرفة ملك

قاعدة حزينه من كلام باباها وبتحاول تكلم مالك بس هو مش بيرد فافتكرت انه لسه زعلان

دخلت اختها ملاك وقالت : مالك قاعده زي المطلقين كدا ليه؟

ملك بعصبيه: بنت انتي مش ناقصاكي وايه المطلقين دي احسني الفاظك.

ملاك : ما هي قعدتك يا اختي اللي جايبه الكلام...... حصل ايه؟

ملك بحزن : يعني مش عارفه........ بابا

ملاك بعد ان فهمت : وايه الجديد ما بابا على طول كدا

ملك : ما هو انا مش عارفه بابا بيعامل مالك كده ليه؟
انتي عارفه؟

ملاك بخوف : وانا هعرف من فين؟
وتدعي الله في سرها ان ملك تصدقها

ملك : اممممم لا بس قلت ممكن تكوني عارفه لان انتي على طول مع بابا

ملاك بتحاول تغير الموضوع : ليه ماسكه التليفون كده حصل حاجه؟

ملك بدموع : مالك من ساعة ما كلمني من شوية هو مش راضي يرد على التليفون اكيد زعلان مني

ملاك : وليه هيزعل؟

ملك : انتي غبيه اكيد عشان كلام بابا

ملاك : ما هو على طول بيسمع من ابوك كلام

ملك بدموع : انا خايفه يسيبني

ملاك : ما هو لو كان هيسيبك كان سابك من الاول يوم في الخطوبة لكن هو مستحمل كلام ابوكي وده دليل على انه بيحبك

ملك وهي بتمسح دموعها : بجد يعني مش
هيسيبني

ملاك : تصدقي انا مش عارفه مالك خدك على ايه؟

ملك ضربت ملاك بالمخده: اطلعي بره يا حي**وانه

ملاك : تصدقي انا اللي غلطانه وعايزه ضرب بالجزمه عشان اجي اسال عليكي
ومشيت

ملك بصوت عالي : يا بت خدي خلاص ما تزعليش
لكن ملاك مشيت

ملك بتفكر في مالك وقالت : اكيد تعب من الشغل و هنام و اكلمه الصبح

...................................................................
اما عند ملاك

دخلت غرفتها حزينه و فتحت الوتساب وشاهدت رسالة مازن

مازن : وانا مش مهم

فكرت ازاي ترد عليه من غير ما تجرح مشاعره لانها عارفه ان هو بيحبها وكتبت : لا ازاي مش مهم دا انت اخويا

وقفلت التليفون وقعدت تبكي بانهيار
................................................................
في مصر

قصر مصطفى القناوي

في جناح قاسم مصطفى القناوي

جلسه سيدة تنتظر زوجها وهي سرحانه وفتح الباب ولكن لم تشعر بيه

............ / انتي لسه صاحيه
لم ترد عليه السيدة فهي مازلت سرحانه
.........../ صفييييييه

صفيه : في ايه ياقاسم مالك بتزعق؟

قاسم : بكلمك ومش بتردي عليا

صفيه : كنت سرحانه شوية........ ايه اللي اخرك بره لحد دلوقتي؟

قاسم : وانتي مالك هتحققي معايا

صفيه :اه احقق معك لما دخلي بعد نص الليل..... كنت فين لحد دلوقتي؟

قاسم مسك صفيه من شعرها: انتي ايه مش بتعلمي ابدا قالتك اكتر من مرة ملكيش دعوه بيا..... انتي لو حم**** كنت فهمتي بدري

صفيه ببكاء : خلاص سيب شعري حرم عليك

قاسم ترك شعرها و ضربها بالقلم وقال : حرمت عليكي عشتك يا بت الك**لب

وقعد يضرب فيها وهو سكران ويقول: انتي ابوكي وعمك غصبوني عليكي ولسه ليكي عين تتكلمي

صفيه اغمى عليها من كتر الضرب تركتها قاسم و وقعد في الارض وقال: انتي فين يا حبيبتي ............ انتي فين........ يا ترى لسه فاكرني ولا....... ونام مكانه

...............................................................
في قنا

بيت العمدة / محمد القناوي

في غرفة الطعام

الحاج مصطفى بعد ان انهى الطعام قال : تسلم ايدك يا حاجه طعم الحمام المحشي فكرني باكل فيروز الله يرحمها

الحاجة فاطمة : الله يرحمها............ هو كان في حد زيها ولا في نفسها........ ثم مش انا اللي عامله الحمام دي دلال.

الحاج مصطفى ابتسامه بمكر ثم انظر علي دلال وقال : تسلم ايدك يا دلال و ياترى بتعرفي تعملي حاجه تانيه غير الحمام

دلال بخجل : اه طبعا

الحاج مصطفى بنفس الابتسامة : طب كويس عشان اسد بيحب الاكل من ايد مراته.

دلال بعد ان فهمت جريت على اوضتها

وفرح احمد بمكر لانه عرف سبب زيارة عمه المفاجأة
ودا كله بيسهل مهمته

الحاج محمد و الحاج مصطفى و الحاجة فاطمة ضحكوا على خجل دلال

..............................................................

تحياتي كوكي بهجوري

انتهي الفصل ( التصويت لو سمحتوا)

هل لمياء وليالي هيقدروا يقنعوا د.محمد بسفر فيروز؟

هل احمد هينجح في مخططه انه يتجوز مصطفى ابنه لفريده؟

أيه سبب حزن ملاك؟

وقاسم لحد امتى هيفضل كده وهل هيلاقي حبيبته ؟

وايه رد فعل اسد لما يعرف اللي عملوا ابوه؟

هل اسد و دلال هيتجوزوا؟

وهل هيتم فرح مالك وملك؟

انتظروا