قبل ما ابدا في ناس طلبت مني صورة فيروز هي اللي على صورة الغلاف
..................................................................
بسم الله
نبدأ الفصل في صعيد مصر
قنا قلب الصعيد
في بيت العمده
في المندرة
يجلس رجل يظهر عليه السن ولم لا فهو جد و ابنه معه
......... / يا واد كلمت عمك شفته وصل فين؟
........../ ايوه ايوه يا بوي فاضل نص ساعة ويكون هنا ؟
.......... / روح عاد جول لامك عشان يخلصوا الوكل هي والحريم؟
......... / حاضر يا حاج
قبل أن يخرج
دخلت عليهم واحدة كبيرة في السن وبوجه جميل و بملابس صعيدي بعض الشي
وقالت : يا حاج محمد احنا خلصنا الوكل نجهز ولا نستنى ؟
الحاج محمد : لا استنوا هبابه يا فاطنه هم فاضلهم نص ساعة و اول مايوصلوا جهزوا الوكل عشان يبجى سخن انتي عارف اني اخوي بيحب الوكل سخن
الحاجة فاطمة ( مرات الحاج محمد) : حاضر يا حاج يا واد ي احمد اول ما يوصل عمك شيعلي حد من العيال
احمد : حاضر ياما
ودخلت الحاجة فاطمة الي دخل البيت
احمد لأبيه : يابا في موضوع عايز اكلمك فيه.
الحاج محمد بقلق : خير يا ولدي
احمد : خير يابوي ولدي مصطفى عايز يتجوز
الحاج محمد بفرح : ومالوا يتجواز بس نتكلم في الموضوع دا بعد ما عمك يمشي
احمد : لا ماهو مش هينفع
الحاج محمد : ليه؟
احمد : اصل عايزك تكلم عمي
الحاج محمد : ليه هو اللي عايز يتجوازها من احفاده؟
احمد : مش بالظبط.
الحاج محمد بشي من العصبيه : اباي عليك عمال تلف في الموضوع كيف النحلة متجول على طول
احمد : هو عايز يتجوز بنت اخوي مصطفي الله يرحمه
الحاج محمد بمكر : هو اللي عايز ولا انت؟
احمد : مش هتفرج
الحاج محمد : لع هتفرج انا لو عليا موافج و هفرح كمان..... لكن عارف ولدك مش عايز البت ولا البت هتوافج و انت عينك على فلوسها
احمد بغصب : احنا من ميتا بنخلي للبنات راي بعد كلام الرجال
الحاج محمد بغضب : انت كيف تتحدد معيا كدا و تعالي صوتك عليا
احمد باسف : اسف يا بوي بس ولدي أولى ببنت اخوي من الغريب
الحاج محمد : تعرف انا ندمان اني ماخلتكش تتعلم زي اخوك مخك كيف حجر........ العلام بيفتح المخ ياحم**** ما انت عارف ان عمك مش هيوافج الا لما البت توافج.... و هتعمل ايه في ولدك دا مش بيطيق سيرتها....... هيتجوزها كيف؟
احمد بهدوء : يا بوي ملكش دعوه بولدي انا هكلمه لكن عمي مصطفى هو اصلا مفروض اول واحد يوافج على الجواز.
الحاج محمد : لع هو في الموضوع دا هيجول نشوف رأي البت ودي ياولدي متعلمة ومش هترضي تعيش في الصعيد.
احمد: ما ولدي دكتور جد الدنيا وهي هتلجي زي ولدي فين... وغير كدا هو على طول مصر في المستشفى بتاعته
الحاج محمد عشان يقفل الموضوع دا : ايوه انت ناسي ان امها بنت اخوي مصطفى القناوي اللي معه اكبر مصانع لملابس فيكي يامصر و واد ولده رجل اعمال كبير على مستوى العالم..... بص يا ولدي من الاخر ولدك مخه ناشف ومش رايد البت... اتكلم مع ولدك واقنعه يتكلم مع البت و يقنعها كمان ......وقتها اتكلم انا مع عمك
سكت احمد يفكر كيف سيقنع ابنه
......................................................................
في مكان آخر
في مصر
في حي الزمالك هناك فيلا بل قصر
(قصر مصطفى القناوي)
في غرفة الطعام
دخلت بنت في منتهى الجمال ووجدت امها قاعدة لوحدها
.......... / جدو فين يا ماما ؟
........... / راح البلد يا حبيبتي
.......... / و أسد؟
دخل شخص بعد أن استمع كلامها وقال / وهو مفيش غير اسد اللي تسالي عليه ثم وجه كلامه الي السيدة التي تجلس: صباح الخير يا عمتو يا حبيبتي قلبي
........ / صباح الخير يا بكاش هتاكل بعقلي حلاوه يا حمزه
حمزه و هو يجلس على المائدة : حبيبتي ياعمتو برضه في يقدر ياكل عقلك حلاوه ......... ادا انتي ست الستات بعقلك و جمالك...........ثم انا مش عارف جيب بنتك دي من فين اكيد مش بنتك ؟
......... / انت ازاي تغلط فيا يا حي**وان...... انا بس ياجي جدو و هقوله.
......../ عيب يا حمزة........ وخلاص يا فريدة محصلش حاجه هو بيهزر معاكي يا حبيبتي
فريدة بعصبيه : هو يهزر معايا ليه؟
حمزة : خلاص يا ستي مش هتكلم معاكي تاني
وقام من على الكرسي
فريدة : احسن بردة
ام فريدة بغضب : فريدة عيب كدا اعتذاري لابن خالك و انت يا حمزه اقعد كمل اكلك يا حبيبي
حمزة راح باس راس عمته : لا يا حبيبتي انا مش عايزة منها حاجه....... وانا اصلا كنت ماشي عشان عندي عشاء عمل مهم... مع السلامة
وغارد حمزة غرفة الطعام بل المنزل كله وهو غضبان من كلام فريدة معه
ام فريدة بعصبيه : انتي ازاي تتكلم مع حمزة كدا؟
فريدة قعدت وبتاكل : هو اللي هزار معايا وانا ردت عليه
ام فريدة غاردت الغرفة لأنها عارفة الكلام مع بنتها مش هيجيب نتيجه ودا بسبب دلع جدها و ابن خال أسد ليها
......................................................................
نرجع ألمانيا في فيلا الدكتور محمد
في المطبخ
فيروز بحزن لأنها عارفه مرات ابوها : خلاص يا دادة متزعلش نفسك وهي تمسح دموعها و بتحاول تخليها تضحك و قالت : احسن
الدادة فاطمة بصدمه : عايزها تطردني بعد العمر دا كله يا فيروز مكانش العشم
ولسه هتسيبها مسكتها فيروز و قالت : ياحبيبتي احسن عشان تاجي تعيش معايا ثم قالت بحزن: انا عيش لوحدي ومحتاجك جنبي.
الداده فاطمة بعد ما فهمت : على رأيك انا مكانتش عايزة اسيب البيت عشان مازن هو دلوقتي بقي كبير مش محتاجين......... لكن انتي بنت و سكن لوحدك انا مش عارفه ليه مش اقعدت مع اخوكي مالك في بيته
فيروز : هقولك بعدين المهم حضري هدومك وجواز السفر عشان هتمشي انهارده معايا اوكيه
الدادة فاطمه باستغراب : ليه جواز السفر؟
فيروز : هقولك بعدين يا بطه المهم اعملي اللي قلتلك عليه و انا هروحهم الصالة
وسبتها ومشيت على الصالة عشان تشوف المنظر دا ليالي حضن اخيها
فيروز بصوت عالي : ايه دا؟
اتخض الكل من صوتها
لمياء : ايه...... في ايه ازاي تعالي صوتك في بيتي بطريقة دي؟
فيروز : والله يا طنط لمياء يا مرات ابويا.... حضرتك ما فاضية تربى بنتك و تعليمها الصح من الغلط و انت يا استاذ مالك ايه عجبك الحضن اوي.... اتصالك على ملك
بعد مالك عن ليالي
ليالي بدلع : لا يا حبيبتي حضرتك اللي مقفله عادي جدا نحضن بعض خليكي اوبن ماينت ( متحرره)
فيروز بستهزئ من كلامها : لا الحمد لله بنام بدري وبتغطى كويس.... انا اوبن في بيتي
مازن و ليلي ومالك و الدكتور محمد ضحكوا على كلام فيروز اما ليالي وامها متغاظين منها
راح مازن حضن اخته وقال : وحشتيني يا روحى
فيروز بحب : وانت اكتر وبعدت عنه و نظرت الي ليلي وهي بتاكل الشكولاته : ههههههههههه ايه اللي عاملاه ده يا لي لي
ليلي : باكل شكولاتة
فيروز بخوف عليها : مينفعش يا حبيبتي تاكليها كلها كدا تتعبي ثم حضنت ليلي و مسحت و جهها من الشكولاته
لمياء بعصبيه : وانتي مالك هتخافي على بنتي اكتر مني
(على الرغم من انها منع عنها الحلويات لان ليلي عندها السكر)
محمد عشان ينهي الموضوع : يلا يا جماعه الاكل هيبرد ووجه كلامه الي ليلي مينفعش يا حبيبتي تاكلي الشكولاته دي كلها كدا الدكتور هيديكي حقنه
ليلي لأنها بتخاف من الحقنه : خلاص يا بابا هخلي شوية لبكرة.
ثم ذهبوا الي غرفة الطعام
د. محمد : ايه يا مالك هتنزل مصر أمتي... دا فرحك فاضل عليه شهر
مالك هو ياكل : اسبوع و نزل إن شاء الله عشان حاجات الفرح و مازن هيمسك بدالي الشغل
لمياء : انا مش عارفه ملك دي عايز تتجوزها ليه؟.... دي حتى مش حلوه خلاص ولوكل اوي
فيروز : هو حضرتك اللي هتتجوازي وانا معرفش
هو حر يتجوز اللي عايزها يا طنط
لمياء : ايه طنط دي قولي يا لولو أو يا ميمي
فيروز : واد يا مازن مش لولو دا اسم كلب
ضحك الكل ماعدا ليالي و لمياء
مازن هو يضحك : اه
لمياء بعصبيه : ايه اقل الأدب دي انتي بنت مش محترمه ولا امك ولا ابوكي عرفوا يربوكي ما انت اصلا يتيمه
مالك بغضب شديد : لحد هنا وكفاية ازاي تسمح لنفسك تغلطي في فيروز...... لو في حد مش متربي هنا هو انتي
مازن لسه هيتكلم
فيروز ردت عليها بسرعة لأنها عارفه أخواتها مش هيسكتولها وقالت بهدوء تحسد عليه : اولا انا محترمه غصب عنك وابويا وامي ماتوا عشان ما يشوفوش الشياطين اللي عايشين معانا....... اما بالنسبه للتربيه..... انا عشان تربيه الدكتور محمد المهدي اللي انت قاعده في بيته مش هرد عليك عشان الرد على السفهاء الصمت
لمياء : انتي......
وقبل ما تكمل كلام
د. محمد : خلاص نقفل الموضوع دا وحاول يفتح حوار تاني عشان فيروز متزعلش :اه صح بالمناسبه يا فيروز مدير المستشفى كان عايز منك ايه؟
فيروز نظرت الى مالك ثم نظرت إلى ابيها : لابد يا بابا موضوع علي البعثة الجاية
ركزت ليالي في الموضوع لانها تريد الذهاب في البعثة القادمة
د.محمد : اه هو انتي المره دي اللي هتسافري ؟
فيروز : اه يا بابا
د. محمد : وهتاخدي مين معاكي في البعثه دي؟
فيروز : لسه ما حددتش بس غالبا سيرين و كام دكتور تاني
ليالي : ممكن انا اروح معاها يا انكل ؟
د. محمد : ممكن بس على حسب الدكاترة..... اللي هتختارهم فيروز.
لمياء بمكر : ما تخليها تروح يا محمد حتى تبقى مطمن على فيروز مش لوحدها
فيروز باستهزاء من كلامها : هو انا اول مرة اسافر ولا قالولك عني طفله محتاج اللي يخلوا باله مني.
د. محمد : خلاص يا فيروز خديها معاكي عشان ابقى مطمن عليكم وفرصة عشان تتعلم....... المهم هتسافري فين المره دي؟
فيروز في سرها: هو دي اللي خايفة منه وقالت بهدوء و بصوت يكاد مسموع: مصر
د. محمد : نعم! لا طبعا مش موافق
فيروز : 😲
.....................................................................
تحياتي كوكي بهجوري
انتهى الفصل (التصويت لو سمحتوا)
يا ترى فيروز هتقدر تقنع باباها بسافرها الي مصر؟
وهل هتاخد ليالي معها مصر وهي عارفه انها ممكن تعمل مشكله عشان تبوظ فرح مالك ؟
ايه دور الحاج محمد والحاج مصطفى في القصه؟
وهل هيوافق الحاج مصطفى انه يتجوز بنت بنته لحفيد الحاج محمد؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!