رواية فيروز الفصل السادس 6 - بقلم Koky Bahgoury

في ألمانيا

بيت د. محمد المهدي

في غرفة الطعام

د. محمد : خلاص يا فيروز خديها معاكي عشان ابقى مطمن عليكم وفرصة عشان تتعلم....... المهم هتسافري فين المره دي؟

فيروز في سرها هو دي اللي خايفة منه بهدوء و بصوت يكاد مسموع: مصر

د. محمد : نعم! لا طبعا مش موافق.

فيروز بهدوء : بس دا شغل ولازم انفذه تحت اي ظرف....... مش حضرتك قلت ان الدكتور لازم ينفذ واجباته دايما

د. محمد بغضب : اعملي اللي تعمليه بس انا مش موافقه ثم قام وذهب الى المكتب

لمياء فرحانه عشان محمد اتخنق مع فيروز

مازن : انتي صح هتسافري مصر.

فيروز : اكيد مش هسافر الا لما بابا يوافق
وقامت خلف اباها الى المكتب

ليلي قعدت تبكي بعد ما فيروز غادرت
ليالي : حبيبتي ليلي ..... ليه بتبكي؟

ليلي : عشان كلكم هتسيبوني ابيه مالك هيسافر مصر وكمان فيروز وانتي معاها ومازن بيسافر على طول وانا هقعد لوحدي

وسباتهم ومشيت على غرفتها وهي تبكي

ليالي : انا هطلع اتكلم معها ماما تعالي معايا.
و خرجت هي و امها

مالك:  اخيرا طلعوا..... انا مش عارف انت عايش معاهم ازاي؟

مازن بحزن : اعمل ايه يعني ما كله عشان ليلى وبابا

مالك : المهم ايه اخبار المشروع الجديد اللي شغال عليه...... خلصت التصميم؟

مازن : لا لسه فاضل شويه حاجات واخلصه ....يعني بالكتير اسبوع

مالك : طب كويس عشان اشوفه قبل ما امشي.

مازن : تفتكر بابا هيوافق فيروز تنزل مصر.

مالك : اكيد انت مش عارف فيروز بتنفذ اللي في دماغها ومش هتسيب بابا الا لما تقنعه.

مازن : ههههههههه على رايك هو في حاجه بتقف قدام فيروز .

...................................................................

عند ليالي و لمياء
في غرفة ليالي

لمياء : ليه قومتيني من الاكل ؟

ليالي : لازم تخلي انكل محمد يوافق فيروز تسافر مصر

لمياء باستغراب : ليه بس؟ ...... ده انا فرحانه انهم اتخانقوا مع بعض عشان اخلص من فيروز دي

ليالي بمكر عشان تقنع امها : بالعكس ده مش في صالحنا

لمياء : ليه ؟

ليالي : لاني ببساطه هسافر مع فيروز مصر ودي فرصه عشان افركش الجوازه.

لمياء : وتتجوزي مالك عندك حق.

ليالي : تمام هروح انا اشوف ليلى وانت انزلي وحاولي تقنعي انكل .

ثم غادرت الغرفه وجلست لمياء تفكر كيف ستقنع محمد وهي عارفه اني الموضوع دا بذات صعب
........................................................................
في المكتب

جالس الدكتور محمد يفكر في نزول فيروز مصر وهو الامر الذي يخاف منه بشده.

ثم سمع صوت طرق الباب وهو يعلم انها فيروز
د. محمد : ادخل

فيروز دخلت وقالت : حبيبي يا ابو صلاح ياغالي

د. محمد :..................................

جلست فيروز باحباط وهي تعلم ان الامر صعب جدا اذا لم يكن مستحيل

فيروز بهدوء : بابا حضرتك غالي عليا جدا واكيد مش هسافر في مصر الا لما توافق

د. محمد بغضب : تمام وانا مش موافق.

فيروز فرحت انه رد عليها ثم قالت بمكر : طبعا يا بابا اللي تشوفه انا مش هسافر مصر

استغرب الدكتور محمد من كلامها وانها وافقت على طول من غير ما يناقشوا زي كل مره

فيروز : انا كنت جايه عشان اقولك حاجه تاني

د. محمد : ايه؟

فيروز : داده فاطمه هتيجي تعيش معايا

د.محمد : انتي اللي قلتلها ولا هي اللي عايزه؟

فيروز : الاتنين

د. محمد سكت ثم فكر  هذا هو الأفضل : تمام

فيروز : تمام عايز حاجه قبل ما امشي.

د. محمد : لا.

وقفت فيروز وقالت : طب مش هتحضني قبل ما امشي

د.محمد متفاجئ من كلام فيروز وانها لم تفتح موضوع السفر تاني
ثم وقف  واخدها في حضنه
...............................................................

في الصعيد

وصل الحاج مصطفى القناوي الي بيت العمده اخو
ثم نزل من السيارة بعد أن فتح له السائق

فسمع صوت اخيه يهلل: نورت بيتك يا اخوي

الحاج مصطفى بعد ان حضن اخاه: منور باصحابه

الحاج محمد : يلا يا احمد روح جول لامك تحضر الوكل  واحنا هنروح على المندره

احمد : حاضر يا ابوي حمدلله على السلامه يا عمي

الحاج مصطفى : الله يسلمك يا ولدي.

وذهبوا إلى المندره

الحاج محمد : ايه اخباركم في مصر واخبار اسد سمعت انه عمل مشروع جديد وطلع في التلفزيون من كام يوم

الحاج مصطفى : كلهم كويسين اما اسد فهو الموضوع ده اللي كنت جاي عشانه البلد

الحاج محمد بقلق : خير يا خوي؟

الحاج مصطفي : خير انت خابر اني اسد رافض الجواز

الحاج محمد : ايه خابر

الحاج مصطفى : وانا جاي هنا عشان احطه جدام الامر الواقع

الحاج محمد :  برده مش فاهم يا اخويا ايه علاجته جيتك هنا بجوازه ولا تكونش عايز تجوز فريده منيه .

الحاج مصطفي : لع هو بيحب فريدة كخيته

الحاج محمد : اومال هتجوزوا من فاطنه ياك....... وانت عارف اني ما عنديش بنات غير فريده.

الحاج مصطفى بضحك : ههههههههههه  الله على شيطانك يا اخوي فاطمة دي سته ثم قال بمكر:  انا عيني على دلال

الحاج محمد بفرح  : يا زين ما اخترت يا اخوي

الحاج مصطفي : هي جد ايه دلوجتي؟

الحاج محمد بفخر  : اخر سنه في كليه التجاره

الحاج مصطفى : زين

طرق الباب ودخل احمد : الوكل جاهز يا ابوي

الحاج محمد : يلا بينا يا اخوي
...................................................................
في المستشفى

مكتب ياغيز

جالس حزين فسمع طرق الباب فاذن بالدخول

......./ مساء الخير يا دكتور ياغيز

ياغيز : اهلا يا سيرين

سيرين :اهلا يا سيرين... ماذا حدث اراك حزين؟

ياغيز بحزن :  فيروز لا تعطي لي فرصه لعبر عن حبي لها.... لماذا صديقتك كذلك؟

سيرين بحزن : انت من تفعل ذلك بنفسك لانك تعلم انها لا تريد الارتباط.

ياغيز : نعم! ولكن ساحاول مره اخرى بعد ان  نسافر معا

سيرين بتساؤل: اين ؟

ياغيز : الم تقل لك فيروز؟

سيرين : لا لقد قالت لي انها ستذهب الى بيت ابيها وعندما ترجع إلى بيتها  سوف تتصل بي؟

ياغيز : اممممم لقد اخبرني مدير مستشفى اليوم ان هذه البعثه سوف اسافر انا وفيروز الى مصر

سيرين بفرح : ولكن فيروز لن تذهب معك

ياغيز برعب : لماذا ؟

سيرين : لان اباها سيرفض نزولها الى مصر وهي لن تفعل شيء بدون موافقه اباها

ياغيز بغضب : *****

سيرين بعصبيه : لا تسب

ياغيز :  كانت هذه فرصه جميلة لعبر لها عن حبي وقد ذهبت في الرياح

سيرين بحزن : الى اللقاء لدي مناوبه اليوم
وغادرت وهي حزين لان حبيبها لا يشعر بها
..................................................................

في مصر

في مكان به نساء

يجلس رجلان

.........../ سمعت ان جدك نزل البلد يا أسد

أسد وهو يشرب : ايوه

......... / انا حاسس اني ريحته البلد مره واحده كده وبالليل فيها مصيبه كبيرة

أسد : اممممم عارف

........ /  وقاعد كده ساكت

أسد بغموض :  لان اللي في دماغه مش هيحصل يا فارس

فارس : وايه اللي في دماغ جدك؟

أسد بسخريه : عايزني اتجوز

فارس بضحك لانه عارف صاحبه مش عايز يتجوز : هههههههههههههه جدك ده مسخره هو عارف ان انت مش هتوافق وبرده راح البلد اوعى يكون هيخطبلك فريده

أسد : انا قلتله قبل كده اكتر من مره  انها زي اختي...... ثم انت مالك بفريدة؟

فارس : وانا مالي بيها اساسا هي ماتشبهكش يا صاحبي ولا تنفع تكون مراتك

أسد بسخريه : وانت بقى عارف اللي هتنفع تكون مراتي ثم ضحك بشده

فارس : بتضحك عليا يا صاحبي طب انا عندي وعدي هتتجوز واحدة  هتحبها لا هتعشقها وهتطلع عينك زي ما انت مطلع عينينا وهاتيجي تشتكيلي

أسد بسخريه : لما تشوف حلمه ودنك

فارس : هنشوف..... و بعدين احنا جايين نقعد ما تقوم  نشوف لينا حتتين نقضي معاهم الليله دي

أسد : ماليش مزاج النهارده يلا بينا.
واخذ مفاتيح السياره ودفع الحساب وطلع

فارس بحزن وهو يمشي خلفه : ليه كده يا اخي قطع الرزاق دا..... حتي انهارده الدنيا هايصه خالص ومليانه مزز

........................................................................

تحياتي كوكي بهجوري

انتهى الفصل(التصويت لو سمحتوا)

هل فيروز مش هتسافر مصر بعد ما رفض ابوها ولا هتحاول تاني؟

هل اسد هيوافق على العروسه اللي جايبها له جدو؟

هل ياغيز هيئس من حبه لفيروز؟

وليالي بتخطط ليه؟