فيروز الفصل الرابع والعشرون 24 - بقلم Koky Bahgoury

في الطريق إلى المستشفى كانت فيروز في التاكسي بتقرأ تقرير الحالة بتركيز

فيروز في سرها : فعلا الحالة صعبه جدا ربنا يقدرني عليها...... ثم قالت بغضب :ايه دا؟ ..... فين بيانات المريض؟.... ازاي ينسوا حاجة زي كدا؟..... طب اسمه مش مهم كاتبين قاسم مصطفى بس.... لكن السن و تاريخه المرضى لا..... بعتت رسالة لسيرين (التقرير دا ناقص محتاجه بيانات المريض كامله و تاريخه المرضى) ... وفجأة العربية وقفت

فيروز ب استغراب : في ايه يا عم محمود وقفت ليه مره واحده ؟

العم محمود بخوف : فيه بنت طلعت فجأه قدامي

فيروز بقلق نزلت من التاكسي

وجريت على البنت.. بتشوف نبضها

العم محمود نزل من العربيه وقال : هي كويسه؟

الناس جريت على العم محمود مسكته من هدومه وقالوا :ليه مشي بسرعه دي..... حرم عليك البت لسه شابه.... اطلبوا الشرطة الإسعاف

فيروز بصوت عالي : هي لسه عايشه....بسرعة حد يجيب خشبه عشان نقلها للمستشفى

شخص / احنا طلبنا الإسعاف

فيروز بعصيبة : البنت نبضها ضعيفه و بتنزف من كل حته.... لو سمعنا كلام حضرتك ممكن تموت... انا دكتورة وعارفه بقول ايه؟

شخص اخر / انا عندي لوح خشب في المحل ينفع؟

فيروز : اه يلا بسرعة من فضلك

جري الرجل على محله والكل ساب العم محمود ومركزين مع فيروز وهي بتعمل للبنت بعض الاسعافات الأولية وبتوقف النزيف بمنتهى الاحترافيه ولما لا فهي من أكبر جراحين القلب.... العم محمود انتهز الفرصه وهرب

واحده ست قالت / الحقوا السواق

فيروز نظرت إلى التاكسي بصدمه وفي سرها قالت : معقول يعمل كده

واحد عجوز قال لفيروز / انتي تعرفيه يا بنتي؟

فيروز مصدوم : لا.... كل اللي اعرفه ان اسمه محمود

جه الراجل ومعه لوح الخشب

فيروز : حطه على الارض جنبها لو سمحت

الرجل حطه

فيروز: ياريت حد يشيل معايا

الكل : احنا معاكي يا دكتورة

فيروز فرحت وقالت في سرها : فعلا مصر بلد الجدعنه زي ما قال بابا ثم قالت بصوت مسموع: لا انا محتاجه كم واحد بس......

اتى بعض الشباب لمساعده فيروز

فيروز ليهم : هنشيل مع بعض..... هعد ١ ٢ ٣ ونحطها علي لوح الخشب براحه تمام

الشباب : تمام

فيروز: ١ ٢ ٣ يلا

وفعلا حملوا البنت على اللوح الخشبي

فيروز : دلوقتي محتاجين عربيه

رجل صاحب ميكروباص : العربية بتاعي اهي يا دكتورة وشاور عليها

فيروز : تمام اوي يلا بينا.... لو سمحتوا حد يجيب الشنطه بتاعتها
.................................................................

في المستشفى الشفاء

حياة : هي الدكتورة اتاخرت ليه؟

صفية : ما تروح يا مصطفى تشوف صاحبتها ترن عليها تاني

د. مصطفى : اهي جات

سيرين : للأسف يا دكتور مصطفى..... الدكتورة فيروز بعثت رسالة بأن تقرير الحاله يوجد به نقص

د.مصطفي ب استغرب : ازاي؟....... كل حاجه موجوده في التقرير

سيرين : لا.... غير موجود الا بعض التحليل والأشعة فقط

اسد بعصبيه : اومال هي عايزه بدل ما التحاليل والأشعة موجوده؟

سيرين : هل انت طبيب؟

اسد : لا

سيرين بغضب : اذن لما تتدخل في عملنا؟

د. مصطفى : هي عايزه ايه بالظبط؟

سيرين : التاريخ المرضى وسن المريض

اسد : ما كمان تقول عايزه اعرف متجواز وعنده عيال ولا لا؟

سيرين شتمت بالالماني: انه حقا ابله( غبي)

حلا و مصطفى فاهموا وضحكوا

اسد : بتضحكوا على ايه..... هي قالت ايه؟

حلا : الحاجات دي يا ابيه مهم جدا نعرفها عشان ممكن تحصل حاجة في العمليه.... نروح نديله حاجه غلط....

الحاج مصطفى : شوفوا يا بنتي شغلكم... وانت يا أسد اهدي شويه

سيرين بخوف : هل هناك اسد في المشفى؟

الكل ضحك عليها

اسد : اه..... خلي بالك من نفسك

سيرين بدموع :اريد الذهاب من هنا

حلا بضحك : لا مفيش اسد... هو بيضحك عليكي..هو اسمه اسد

سيرين وهي تمسح دموعها: نعم فهمت.... هناك اسئله اريد ان أسألكم عنها؟

الحاج محمد : اتفضلي يا بنتي

سيرين ماسكه ملف: هل المريض عنده ضغط أو سكر أو أي مرض مزمن؟

وقاعده تسال وهم يجاوب... لحد ما خلصت اللي هي عايزه

سيرين : حسنا لقد انتهيت

اسد لسيرين : هي فين اللي ما تتسمى؟

سيرين ب استغراب : من هذه؟

حلا : قصده علي الدكتورة فيروز؟

سيرين : ولكن هي لديها اسمه.... لما يقول... وبتحاول تنطقها... اللي ما تتت... هذه؟

فارس بضحك :ههههههههههه الدكتورة دي زي العسل والله

اسد نظر اليه بغضب فسكت

سيرين ردت علي فارس : لكن انا لست نحله؟

فارس بص على اسد وقال : سامحني
وقعد يضحك بصوت ثم سكت و قال : اسف يا جماعه بس بجد معرفتش امسك نفسي

د.مصطفي بجديه : الدكتورة وصلت فين؟

سيرين : هي قالت إنها في الطريق وانه مزدحم

د. مصطفى : ممکن تتصلي بيها تاني؟

سيرين : حسنا

ورنت على فيروز ولكنها لاترد... فاحاولت مره اخرى وكان الهاتف مغلق

د. مصطفى : ايه حصل؟

سيرين : الهاتف في أول مره كان يرن... وفي المره الثانيه كان مغلق

حلا بقلق : دلوقتي هنعمل ايه؟

سيرين : هي كانت في الطريق..... لابد أن هاتفها فصل شحن.....

الحاجة فاطمة : يارب توصل بالسلامة

صفية : يارب

......................................................................

عند فيروز

وصلوا إلى مستشفى حكومية ونزلوا البنت في قسم الإسعافات

فيروز للممرضة : بنت لازم تدخل العمليات بسرعة ونبضها ضعيف جدا

الممرضة وهي بتنضغ العلكه وقالت ببرود : استنوا لما نبعت للدكتور من الاستراحة عشان هو نايم..... وهو اللي يحدد هنعمل ايه؟

فيروز بعصبيه : نعم ياختي..... بقولك البنت بتموت

الممرضه بصوت عالي : احترمي نفسك بدل ما اطلبلك الشرطه

فيروز ب استهزاء : تطلبي الشرطه؟

الممرضه هزت راسها

فيروز بصوت عالي : دا انا اللي هوديكم في ستين داهيه انتي والدكتور اللي سايب شغله وراح ينام

الممرضه خافت من فيروز وكلامها وجريت عشان تصحى الدكتور قبل ما يعرف مدير المستشفى

فيروز قالت لشباب اللي جايين معاها: محتاج تاني فيكم يساعدوني بس يكون قلبهم يستحمل

واحد : انا طالب في كليه تمريض

وسائق الميكروباص: انا قلبي جامد معاكي يا دكتورة

فيروز : تمام يلا بينا

وعملت العملية في قسم الاسعافات و أنقذت حياة البنت

والكل سقفلها
و دا كله كان بيتصور ونزل على النت

واتى الممرضة والدكتور

الدكتور هو لابس البالطو: ايه اللي بيحصل هنا هوديكم في داهيه..... وقال للممرضه: اطلب أمن المستشفى

الممرضه : حاضر

وطلعت تجيب أمن المستشفى

فيروز ب استهزاء : هو انت الدكتور اللي نايم صباح الفل وتاعب نفسك ليه كنت خليك نايم....ثم قالت بغضب: وجاي و لابس البالطو اللي متستحقهوش يا دكتووووووووور

ضابط الأمن في المستشفى : حصل ايه يا دكتور؟

الدكتور بصوت عالي : الانسه و الناس دول عايزين يقتلوا البنت اللي تعبانه دي..... ياريت تاخدهم على القسم

فيروز بصدمه : انت بتقول ايه؟

الناس : محصلش

الضابط : كلهم مقبوض عليكم ؟

فيروز بصدمه : انت هتصدقوا من غير ما تسمعنا؟

الضابط : الكلام في القسم.... اتفضلوا معايا

فيروز : تمام بس... ياريت الدكتور دا يبقى معانا

الكل : ايوه

الدكتور بتوتر: لا طبعا مينفعش مفيش دكتور هنا غيري

فيروز بسخريه : لا يا شيخ قول حاجه غير كدا

الضابط للدكتور : هاخدهم على القسم وشوف حد يقعد مكانك وتعالى ورانا

الدكتور بخوف : حاضر

فيروز : اه و الممرضة كمان

الممرضه بخوف : وانا مالي؟

الضابط : زي ما قلت شوفوا حد يقعد مكانكم وتعالوا على القسم....ثم قال لفيروز و الناس :اتفضلوا معايا على القسم

ومشيوا على القسم

.....................................................................

في ألمانيا

بيت الدكتور محمد

في غرفة الطعام

د. محمد : ليلى ومازن وسيرين وصلوا مصر

ليالي : هي سيرين سافرت معاهم؟

د.محمد : اه

لمياء : روح الفيلا بتاعك مش كدا؟

د. محمد : متخافيش... كلمته ونبهت عليه ميروحش عند علياء بليلي استريحتي دلوقتي

علياء : اه

..................................................................
في قسم الشرطه

الضابط : في ايه؟ ..... ليه الناس دي كلها؟

ضابط امن المستشفى: دول كانوا عايزين يموت بنت في المستشفى

سواق الميكروباص: محصلش يا باشا

الناس : فعلا محصلش

الضابط : اومال ايه اللي حصل؟..... ونظر الي فيروز وقال: ومين الطفله دي؟

( فيروز كانت لابسه سلوبت جينز وعامله شعرها ضفيرتين ...كان اللي يشوفها يقول طفلة عندها ١٦ سنه)

فيروز بعصبيه : انا مش طفلة

طالب كليه تمريض: يا فندم اللي حصل ان البنت اللي في المستشفى سواق تاكسي خبطها والدكتوره وشاور على فيروز وقال: كانت راكبه معه التاكسي ونزلت عشان تساعد البنت واحنا بنساعد الدكتورة سواق التاكسي خاف و هرب

ودخل الدكتور و الممرضة

الضابط: وبعدين ايه اللي حصل؟

سواق الميكروباص: ركبنا للبنت الميكروباص بتاعي يا باشا ..... واخذناها على المستشفى

فيروز شاورت على الدكتور و الممرضه وقالت بعصبيه : والأستاذة قالت الدكتور نايم في الاستراحة

الممرضه بكذب : محصلش

الناس : حصل

الضابط : وبعدين؟

طالب كليه تمريض : الدكتوره طلبت منا نسعدها في العمليه عشان البنت كانت هتموت

الدكتور بكذب : يا فندم انا ماكنتش نايم..... انا كنت رايح اشرب قهوه في الاستراحة..... والممرضه اول ما جات قالتلي روحت على قسم الاسعافات

فيروز بعصبيه لأنها بتكره الكذب: محصلش الاستاذ كان جاي نايم على نفسه واتهمنا ان احنا كنا عايزين نقتلها..... والدليل على كلامي احنا قعدنا ساعة في قسم الاسعافات عشان ننقذ البنت واحنا بنحاول نوقف النزيف.... وعندك كاميرات المستشفى ممكن تتأكد بنفسك

الضابط اتفاجئ من ذكائها وابتسم ليها ثم قال :حد عنده اقوال تانيه؟

سائق ميكروباص : لا يا فندم

الدكتور بخوف : يا فندم دول اتهجموا على قسم الاسعافات لازم تعملهم محضر

فيروز بغضب : تصدق عندك حق ثم وجهت كلامها للظابط : ياريت حضرتك تعمل محضر وتحاسب الدكتور والممرضة على اهمالهم

الضابط : حاضر ثم وجه كلامه اللي المحضر وقال : افتح محضر يا بني

وقعد الظابط يستجوب الناس والدكتور والممرضة لحد ما وصل لفيروز

الضابط بابتسامه : س/ اسم حضرتك؟

فيروز : فيروز مصطفى محمد القناوي

الضابط : السن

فيروز : ٢٤ سنه

الضابط اتفاجئ من سنها وسأل : الوظيفه؟

فيروز : طبيبه جراحه

الضابط اتفاجئ لانه كان فاكرها دكتوره اطفال من شكلها: الجنسيه؟

فيروز : المانيه من اصل مصر روسي

الكل اتصدم ولكن صدقوها لاني ملامحها مش مصريه

الضابط : س/ هل تعرفي السائق الذي قام بالحادث؟

فيروز : لا كل اللي اعرفه اسمه محمود و كان معايا رقمه على التليفون؟

الضابط : فين تليفونك؟

فيروز : في التاكسي.

الضابط : س / لماذا رقم السائق عندك على الهاتف؟

فيروز : انا اول مره انزل مصر ومعرفش حاجة هنا.. والسواق ده وصلني من المطار لبيتي.... فطلبت رقمه عشان لو عايزه حاجه يوصلني

الضابط : سبب زيارتك لمصر؟

فيروز : انا ابويا مصري فطبيعي اني اجي هنا لان اهلي عايشين هنا....بس المره دي انا جايه شغل

الضابط : اللي هو؟

فيروز بعصبيه : ما قلت لحضرتك انا دكتوره جراحة.

الضابط : ممكن جواز السفر؟

فيروز : مش معايا كل حاجه كانت في التاكسي......ارجوك انا لازم امشي ياريت تخلص بسرعه

الضابط بغضب : هو أنا بلعب

فيروز بهدوء بتحاول تفهمه : في مريض بين الحياه والموت لازم يدخل العمليات قبل ساعتين

الدكتور ب استهزاء : ما اي حد يعملوا العمليه هتقف عليك يعني؟

فيروز بغضب منه : للأسف اه هتقف عليا

الضابط : ليه؟

فيروز : المريض محتاج عمليه خطيره جدا في القلب متصلين بيا مخصوص من المستشفى عشان اعملها

الدكتور ب استهزاء : ليه كنتي مين حضرتك؟

فيروز بغضب :انا الدكتورة فيروز مصطفى الخبيره الالمانيه في جراحه القلب

الكل انصدم لانهم شايفينها صغيره

الدكتور بصدمه : حضرتك فيروز مصطفى الخبيره الألمانية..... أصغر و أمهر جراحه على مستوى العالم؟

فيروز: اه انا..... ثم وجه كلامها للظابط وقالت : لو سمحت انا لازم امشي.... عشان حالة المريض... وبعد العمليه هاجي لحضرتك

الضابط : لا مينفعش طبعا........

.....................................................................
في مستشفى الشفاء

اسد بغضب : معقول كل دا في الطريق؟

الحاج محمد : الغايب حجته معه

اسد بعصبيه: دي شكلها عرفت ان العمليه صعبه وهربت

سيرين : فيروز لا تفعل ذلك

ممرضه بتجري عليهم : دكتور مصطفى قاسم بيه قلبه وقف؟

كلهم جريوا على العناية ويبصوا من الشباك الشفاف

ودخلوا كلنا من سيران و حلا و زينه و د. مصطفى

زينة بتعمل انعاش للقلب بالكهرباء لكن القلب متوقف
قالت بحزن: ساعه الوفاه😢😢

....................................................................
العبره من الفصل
(الاهمال)
في ناس كثيره تهمل في عملها مش شرط في الطب لكن في مجالات كثيره، وهذا يؤدي الى كارثه حقيقيه، وهذا ليس في بلد معينه مثل مصر، الاهمال في جميع أنحاء العالم، ودائما المهمل يخاف من مديره فقط وليس من الرب، اذا اردنا التقدم فعلينا ان نراعي ضميرنا في كل شئ

عايز اسمع رأيكم في الإهمال؟

تحياتي كوكي بهجوري

انتهى الفصل (التصويت لو سمحتوا)