في شركة M. F. M
مكتب مالك
بيحاول يتصل على ملك بس ما بتردش
مالك : معقول نايمه؟ ...هحاول اتصل بيها بعدين
وبعدها اتصل على مازن واطمن عليه هو وليلى
...........................َ.....................................
بيت المهندس علي
في غرفة ملك
قاعده وشافت اتصال مالك بس ما ردتش عليه عشان لسه زعلانه انه ما قالهاش على موضوع فيروز.
....................................................................
في القسم
عند فيروز
الدكتور بصدمه : حضرتك فيروز مصطفى الخبيره الألمانية..... أصغر و أمهر جراحه على مستوى العالم؟
فيروز: اه انا..... ثم وجه كلامها للظابط وقالت : لو سمحت انا لازم امشي.... عشان حالة المريض... وبعد العمليه هاجي لحضرتك
الضابط : لا مينفعش طبعا.... انا بنفسي هوصلك للمستشفى .....وبعدين هتاجي معايا تاني عشان نكمل المحضر.... ونقدر نجيبلك حاجتك
فيروز : شكرا جدا ليك.... بس ياريت بسرعه
الضابط قام : يلا بينا.... وقال للعسكري: يا ابني حضر البوكس
فيروز : عادي ممكن نركب عربيه او تاكسي
الضابط : لو عايزه توصلي بدري البوكس افضل حل؟
فيروز : تمام.... يلا بينا
وركبوا البوكس و الضابط سايق البوكس وفيروز قاعده جنبه
الضابط : المستشفى اسمها ايه؟
فيروز : مستشفى الشفاء
الضابط : تمام...... بس غريبه شكلك صغيره اوي على دكتورة؟
فيروز : انا شاطره في الدراسه عشان كده بقيت الدكتورة في السن صغير
الضابط : اه.... لا بجد ماشاء الله عليكي ذكية وقويه اوي اصل محدش يقدر يعمل اللي انتي عملتيه انهاردة
فيروز : شكرا بس ياريت تركز في الطريق مش ناقصه مشكله تاني
الضابط بضحك : ههههههههههه عندك حق بعد اللي حصلك..... انا اسمي النقيب زين
فيروز بعدم تركيز وبتفك شعرها من الضفيره: اتشرفت يا استاذ نقيب
زين بضحك :ههههههههههه لا نقيب رتبتي اسمي زين
فيروز : اه.... فاضل قد ايه على المستشفى؟
زين : ٥ دقائق بكتير
فيروز : ممكن تمشي اسرع بس تخلي بالك؟
زين : عيون يا دكتورة
وصله المستشفى ونزلوا من البوكس ورحوا على ريسبشن
فيروز : لو سمحتي حالة قاسم مصطفى فين؟
الموظف: في العنايه الدور الخامس
فيروز : شكرا
وراحوا علي الاسانسير بس كان مشغول
سمعت ممرضين كانوا واقفين جنبها
الممرض : انت رايح فين؟
الممرض الآخر :على العناية
الممرض : ليه الشيفت بتاعك مش خلص ؟
الممرض الآخر : قاسم بيه قلبه وقف في العنايه فطالع اشوف ايه الدنيا
فيروز سمعت كده وخافت ليموت وتاخد ذنبه بسبب تاخرها
جريت على السلم ومستنتش الاسانسير وزين قعد يجري وراها
لحد ما وصلت للدور الخامس ولقيت ناس ملمومين وعمال يبكوا ويصرخوا عرفت ان دا مكان الحالة
وراحت تبص شافت سيرين و جانبها واحده واحد ودكتوره بتحاول تنقذ المريض ولكنها وقفت مره واحده وسمعتها بتقول : ساعة الوفاء... وقبل ما تكمل فيروز محستش بنفسها الا وهي بتزق الدكتوره وبتقولهم : شغلوا الجهاز تاني
الكل بره منصدم مين الطفله دي؟
زينة : المريض مات
فيروز نظره لسيرين بغضب وقالت بصوت عالي: سيرين
سيرين راحت شغلت جهاز الصدمات
فيروز في سرها : يارب ساعدني انقذ حياته مش هقدر اتحمل ذنبه طول حياتي
فيروز لسيرين : ١ ٢ ٣ يلا
الكل بص على جهاز نبضات القلب وهو يرجع لمؤشره الطبيعي
فيروز في سرها وهي مش قادره تاخد نفسها : الحمدلله
طلعت بره العناية عشان هي جايه من الشارع هدومها مش نضيفه وقعدت على الكرسي وبتحاول تاخد نفسها
الكل طلع وراها عشان يعرف مين دي؟
لكن سيرين جريت على صاحبتها عشان تشوف مالها
سيرين : هل انتي بخير ؟
فيروز مش قادره تتكلم وهزت راسها ب لا
سيرين بصوت عالي : ماء لو سمحتوا ؟
فارس ادالها قزازه لتر ونصف ميه معدنية ممتلئه
فيروز اخدت القزازة شربت نصها وقفت ونزلت شعرها على الارض وسكبت الماء على رأسها لكي تفوق وفجاه رفعت راسها وشعرها كان مبلول والكل تفاجئ من شكلها لانها جميلة جدا و عيونها الزرقاء التي تلفت الانتباه ولكن يظهر التعب على وجهها
سيرين : هل انتي الان بخير؟
فيروز بصوت ضعيف ومتقطع: جهزوا العمليات
سيرين :حسنا..... ثم نظرت خلفها وقالت :جهزوا غرفه العمليات سريعا
زينة : بس مين هيعمل عمليه؟
سيرين لفيروز : هل تستطيعي دخول العمليه يا فيروز؟
الكل اتصدم ان دي الدكتوره فيروز اللي كانوا بيدوروا عليها وبالذات معاذ ودلال لانهم عارفينها وشافوها قبل كده
فيروز قعدت على الكرسي وهزت راسها ب نعم
سيرين جلست جنب فيروز وقالت: دكتوره حلا دكتوره زينه استعدوا للعمليه وجهزوا غرفه العمليات من فضلكم
حلا و زينة ذهبوا
فيروز بتحاول تنظم نفسها عشان تقدر تتكلم وسيرين بتساعدها
والكل مركز معها
بعد فتره
زين جاب عصير لفيروز : اتفضلي اكيد محتاجه
فيروز بصوت ضعيف : شكرا
وشربت العصير عشان تقدر تدخل اوضه العمليات
وبعد فتره
سيرين : انتي بخير الان؟
فيروز : ايوه
سيرين : ماذا حدث معكي؟
فيروز : مش وقته دلوقتي..... عملت الحاجات اللي قلتلك عليها؟
سيرين : نعم.... ومسكت ورق اللي كتبته وقالت : هذا التاريخ المرضي للحاله
فيروز أخدته وقعدت تقرا وبعدها قالت : تمام.... خمس دقائق وهنبدا العمليه روحي اتاكدي ان كل حاجه جاهز
سيرين قامت : حسنا وذهبت
زين لفيروز : بقيتي دلوقتي احسن؟
فيروز بابتسامه : اه شكرا بجد ليك على كل اللي عملتها
زين فرح من كلامها وقال بابتسامه: لا شكر على واجب
د. مصطفى : حضرتك كويسة يا دكتوره فيروز؟
فيروز : مين حضرتك؟
د. مصطفى : عرفك بنفسي الدكتور مصطفى مدير المستشفى
فيروز : اه اهلا وسهلا
د. مصطفى : لو محتاجه ترتاحي قبل العمليه في مكتب مخصص ليكي
فيروز بابتسامه : تمام
فيروز حست إن في ناس بتبص عليها فنظرت اليهم وتفاجئت من وجود معاذ ودلال وجدها الحاج محمد وعمها احمد واخو جدها وجدتها وعمتها صفيه وباقي الاشخاص لا تعرفهم
فيروز بابتسامه : معاذ و دلال بتعملوا ايه هنا؟
عائله القناوي كلها اتفاجات انها تعرف دلال ومعاذ
معاذ بابتسامه : اللي هتعمليله العمليه جوز عمتي قاسم مصطفي القناوي
فيروز في سرها : يبقى اللي جوه قاسم مصطفى القناوي..... دا بيكون جوز عمتي وابن عمي بابا....ازاي مخدتش بالي من شكله..... يبقى معاذ بدل ما هو مش اخويا يبقى ابن عمي أحمد
معاذ : انتي سمعاني .....انتي كويسه؟
فيروز : اه
دلال : شكرا عشان انجذت عمي من الموت
فيروز : الشكر لله وفي سرها : ازاي عمها؟..... بابا قالي اني عمو محمد عنده بنت واحده اسمها حلا وعمو احمد معهوش بنات اومال دلال تبقى مين معقوله اختي؟
وفجاه حسيت انها مش قادره تاخد نفسها
فيروز بصوت مخنوق: دكتور مصطفى فين المكتب بتاعي لو سمحت؟
د. مصطفى : اتفضلي معايا اوريكي المكتب
فيروز وزين ذهبوا خلف الدكتور مصطفى
الحاج محمد ب استغراب لدلال و معاذ : تعرفوا من فين الدكتورة؟
معاذ حكى لهم اللي حصل معاهم في المول
الحاجة فاطمة : باين عليها بنت ناس ومحترمه
فريده لدلال : وانا بقول برضه اللبس اللي انتي لابساه..... اللي زيك ميفهموش فيه
حياة بصوت عالي : فريده عيب
فارس بهمس لاسد : في ايه مالك؟
اسد بتفكير : الدكتوره دي حاسه اني اعرفها
فارس : ازاي انت عمرك ما رحت المانيا و لا هي عمرها ما جات مصر ...... هتعرفها ازاي؟
اسد : عندك حق
فارس : الحمد لله انها جات في وقتها وابوك دلوقتي كويس وهيدخل العمليات وان شاء الله هيبقى احسن
اسد : إن شاء الله
........................................................................
اما عند فيروز
دخلوا مكتب
د. مصطفى : دا مكتبك احنا جهزناه في نفس دور اللي في غرف العمليات والعنايه عشان يبقى مناسب ليكي..... الباب دا واشار على باب داخل المكتب وقال : دي اوضه للبس و دا وأشار على باب اخر وقال: الحمام
فيروز بتعب : تمام شكرا.... ممكن لو سمحتوا تسيبوني قبل العمليه لوحدي عشان اجمع افكاري
د. مصطفى : اه طبعا عن اذنك
وخرج
زين : انا هنزل استناك في كافتيريا لما تخلصي انزلي عشان نروح على القسم
فيروز : تمام
وغادر زين وقفل الباب خلفه
فيروز قعدت على الارض وبتحاول تاخد نفسها وتقول لنفسها: اهدي يا فيروز هم ميعرفكيش...... اعتبري الحاله دي زي اي حاله عملتلها عملية قبل كده.....و بعدها هتخلصي ولا كاني حاجه حصلت..... انتي دكتورة ولازم تقومي بواجبك ......بس انا متاكده اني شفت انكل قاسم قبل كده مش في صوره.... لا..... على الحقيقة وتكلمت معه... فين بس...... افتكري يا فيروز.... مسكت شعرها وشدته من العصبيه عشان مافتكرتش .... ثم قامت وقعدت على كرسي المكتب وغمضت عينيها لكي ترتاح قبل العمليه
وفجاه الباب فتح ودخلت ست في منتهى الشياكه
فيروز بعصبيه : ازاي تدخلي كده من غير متخبطي على الباب
الست قفلت الباب وجلست على كرسي امام فيروز
فيروز : انا مش بكلمك يا أستاذة؟
الست / ازيك يا بنت فيروز ولا هقول بنت مصطفى؟
فيروز بصدمه : انتي مين؟
الست / مش مهم انا مين؟..... المهم عايزاكي في ايه؟
فيروز : قولي اللي عندك بسرعه عشان مش فاضيه؟
الست / لا كدا ازعل منك دا ابوكي وامك كانوا حبايبي
فيروز : يا مدام انا عندي عمليه لو كلامك هيطول ياريت بعد العمليه نتكلم
الست / ماهو انا جايه اقولك علي اللي هيحصل في العمليه
فيروز ب استغراب : مش فاهمه اقصدك ايه؟
الست / انتي هتقتلي قاسم في العمليه؟
فيروز بابتسامه : هو انتي منهم..... اللي بيقول الطالع.... انا مبصدقش الحاجات دي لو سمحتي اطلعي بره خليني ارتاح قبل العمليه
الست بمكر / لا لا انا مش بقول الطالع ولا بقرأ المستقبل.
فيروز ب استهزاء : يبقى اكيد حضرتك مجنونه... لو سمحتي اطلعي بره بدل ما اطلبلك الامن
الست قامت / انتي صح شبه امك في الشكل... لكن انا شايف قدامي مصطفى بعقله
فيروز قامت و نظرت ليها بغضب و شاورت على الباب:اتفضلي
الست / تمام همشي بس قبل ما امشي لازم تشوفي الفيديو دا
فيروز بعصبيه : انا مش فاضيه يا مدام اتفضلي لو سمحتي
الست / الفيديو يدوب دقيقتين ومش همشي الا لما تشوفيه
فيروز : تمام وبعدها تمشي
....................................................................
بيت المهندس علي
في غرفة الطعام
على : اومال مازن فين؟
ملاك : في فيلا انكل محمد
على ب استغراب : ازاي هو مش هيقعد معانا؟.... دي اول مره يعملها
علياء بغضب : عشان بنت المحروسه معاه
وفجأة رن تليفون علياء برقم مش متسجل بس هي عارفه... وتوترت
ملك : ما تردي على تليفوني يا ماما ممكن تكون حاجه مهمه
علياء كنسلت وقالت: لا دا رقم غريب اكيد بيعاكس لو حاجه مهمه هيتصل تاني اكيد
ورن تليفون تاني
على : ردي ممكن يكون حاجه مهمه
ردت
......... / برن عليكي ما بترديش ليه؟
علياء : مين معايا؟
........ / في حد جنبك؟
علياء : اه..... اهلا وسهلا
........ / طب حاولي تبعدي
علياء : لا مش هينفع خالص
......... / خلاص اسمعني بس
علياء : تمام
...... / قاسم عمل حادثه بالعربيه
علياء بصدمه : امتى ازاي حصل؟
.......... / قلتلك اسمعيني بس كده هتخلي اللي جنبك يشك
علياء : ثواني خليكي معايا
بعدت التليفون وقالت : دي صاحبتي في النادي عايزاني في حاجه مهمه عن اذنكم هطلع اكلمها فوق
وطلعت اوضتها
علياء : ازاي عرفتي؟
.......... / انا في مصر
علياء بفرح : بجد حمدلله على السلامه
....... / الله يسلمك.... خلينا في المهم..... فيروز عندي في مستشفى وهي اللي هتعمل العمليه لقاسم
علياء بصدمه : ازاي دا حصل؟...... فيروز كدا حياتها في خطر يا رحاب
رحاب : متخافيش انا موجوده
علياء : ازاي فيروز اكيد عرفت عيلتها.... فيروز لازم تطلع من المستشفى في اقرب وقت... قبل ما أهلها يعرفوا هي مين
رحاب : متخافيش فيروز لو كانت عايز تقول لاهلها انها بنت مصطفى كانت قالت...... ومتقلقيش انا موجوده اول ما تخلص العمليه هتاكد بنفسي انها مش هتشوفهم تاني
علياء : مينفعش نحط النار جنب البنزين..... ونقول هيولع ولا لا.....انا هكلم محمد وقوله وهو يصرف ويخلي فيروز ترجع ألمانيا تاني
رحاب : ولو قالك عارفتي فين هتقوليله ايه؟
علياء : صاحبه فيروز الدكتوره كانت عندنا هنا وطلعت على المستشفى اكيد هي عندك اسمها سيرين
رحاب : اه شوفتها وبعدين
علياء : بنتي ملاك هي اللي وصلتها للمستشفى ... انا هبعت ملاك ومازن المستشفى لسيرين
رحاب : لا اوعي تعملي كده....... كده هيشيكوا فيروز ممكن حد منهم....... اعرف مازن أو ملاك وساعتها....... هيكون عايزين يعرفوا من هي فيروز وايه صلتها بيهم
علياء : اومال هنقعد ساكتين ؟
رحاب : انا هتصرف المهم خلي تليفونك جنبك عشان اتصل في اي لحظه
علياء : تمام
وقفلت وقالت في سرها : ربنا يستر... ويحفظك يا بنت مصطفى وفيروز
اما في الأسفل
رن تليفون ملاك فقالت : عن اذنكم
بعد ما قامت
رن تليفون ملك
علي بعصبيه : قومي قومي هو فاضل غيرك؟
وقام من على السفره وهو متعصب وخرج بره البيت
عند ملاك
مازن : السلام عليكم
ملاك : وعليكم السلام ورحمة الله وبركاته
مازن: برن على سيرين مش بترد هي نامت ولا ايه؟
ملاك : لا هي طلعت
مازن ب استغراب : فين؟
ملاك : قالت اتصلوا بيها من المستشفى لأن كان في حالة خطيره
مازن : يبقى اكيد فيروز معها
ملاك : ليه بتقول كدا؟
مازن : بدل ما الحالة خطيره يبقى اكيد عملية وسيرين لسه متدربه يعني متقدرش تدخل تعمل عمليه لوحدها...... فين المستشفى دي؟
ملاك : لو كلام صح..... يبقى اكيد سيرين وفيروز دلوقتي في العمليات لأن تليفون سيرين مقفول....واللي اعرفوا ان سيرين جراحه قلب... ونوع العمليات دي بتطول.... بص ساعتين وهكون عندك نروح المستشفى مع بعض
مازن : تمام..... بس ياريت متقوليش لحد
ملاك :حاضر
....................................................................
مستشفى الشفاء
في مكتب فيروز
قاعده لوحدها بعد ما شافت الفيديو والست مشيت
منصدمه من اللي شافته
طرق الباب ودخلت سيرين وقالت : فيروز
فيروز مش معاها سرحانه
سيرين بصوت عالي : فيروووووووز
فيروز : في ايه؟
سيرين : انتي بخير ؟
فيروز : اه.... كنت عايزين في حاجة؟
سيرين : كل شيء جاهز
فيروز : ايه هو؟
سيرين : فيروز انتي لست بخير.... انا اتحدث عن غرفة العمليات
فيروز : تمام.... انقلوا الحاله.... وانا هغير هدومي وهاجي
سيرين : حسنا
وخرجت ودخلت فيروز اوضه اللبس وارتدت الملابس المخصصه للعمليات وبعدها خارج من المكتب وهي تفكر في الفيديو وبعدين قالت في سرها : هقتلك يا قاسم
....................................................................
تحياتي كوكي صلاح
انتهى الفصل ( التصويت لو سمحتوا)
ليه فيروز هتقتل قاسم؟ ومين الست ؟وايه اللي في الفيديو؟ لو قتلته اسد والحاج مصطفى هيسيبوها في حالها؟
مين رحاب؟ وليه علياء بتكلمها في السر بدل ما هم مش هياذوا حد؟
أيه هيحصل مع مازن و ملاك لما يروح المستشفى؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!