فيروز الفصل السادس والعشرون 26 - بقلم Koky Bahgoury

شركة M. F. M

في مكتب مالك

بيحاول يتصل بملك قبل ما يروح بس مبتردش
مالك : معقول مبتردش عليا اكيد مش نايمه في الوقت ده .... ممكن تكون زعلان مني في حاجه ؟...... بس محصلش مني حاجه

بقرر يبعتلها رساله ( مش بتردي ليه يا أستاذة..... معتقدش زعلتك في حاجة.... صدقني يا ملك لو ماتصلتيش بيا النهارده مش هيحصل كويس)

وروح على بيته

....................................................................

على الهاتف

مجهول ١ : نعم عايزه ايه؟

مجهول ٢ بضحك : ههههههههههه فيروز

مجهول ١ : الله يرحمها مالها

مجهول ٢ :لا مش مرات مصطفى... بنته

مجهول ١ : الله يرحمها برضه

مجهول ٢ : لا ما انا شوفتها

مجهول ١ بصدمه : ازاي؟

مجهول ٢ : انا عارفه انك كنت تعرف انها لسه عايشه؟

مجهول ١: هتعملي ايه؟

مجهول ٢ بضحك : لا انا عملت ولسه هعمل في عيله القناوي؟

مجهول ١ : عملتي ايه؟

مجهول ٢ : كلها ساعات وتسمع خبر وفاه قاسم مصطفى القناوي

مجهول ١ : ليه بتعملي كدا مش كفايه اللي عملتيه قبل كده؟......... مش قلنا منفتحش موضوع عيله القناوي تاني

مجهول ٢ : اه طبعا بس دا كان قبل ما فيروز تظهر

مجهول ١ : ودا هيفرق ايه؟

مجهول ٢ : هيفرق في حاجات كتير......اني هدمر عيله القناوي بيها .... واولهم موت قاسم القناوي

مجهول ١ :ازاي؟

مجهول ٢ ب استهزاء : هو انا ما قلتلكش ان قاسم عمل حادثه والدكتوره اللي هتعمله العمليه فيروز....قصدي اللي هتقتله

مجهول ١ : مستحيل فيروز تعمل كدا

مجهول ٢ : لا... هي دلوقتي في اوضه العمليات بتقتله

مجهول ١: ازاي هتخليها تعمل كده؟

مجهول ٢ : وريتها الفيديو بتاع قاسم

مجهول ١ : انتي مش انسانه

مجهول ٢: انت بالذات متتكلمش عن الانسانيه؟....... ده غير ان الباشا الكبير هو اللي طلب كده و ومساعده هو اللي قالي...لما شاف فيروز

مجهول ١ بصدمه : هو شافها؟

مجهول ٢ :معرفش.... بس هو اتصل بيا وقالي اني اروح اقابل فيروز واخليها تشوف الفيديو عشان تقتل قاسم....وبعدها اعرف اسد ان فيروز قتلت ابوه

مجهول ١: وتخلصوا من فيروز مش كده؟

مجهول ٢: انا عن نفسي عايزه اخلص منها ...لكن ده كله متوقف على اسد... لو افتكرها

مجهول ١ : هو اسد يعرف فيروز؟

مجهول ٢ : اه يعرفها لكن ميعرفش انها بنت خاله مصطفى.....المهم الباشا عايزك في مهمة جديده

مجهول ١ : انا بطلت من زمان ....ومش عايزه ارجع للشغل ده تاني

مجهول ٢ : قول الكلام ده للباشا مش ليا انا بس بلغتك ....سلام

وانتهت المكالمه

...................................................................

على مواقع التواصل الاجتماعي

انتشر فيديوهات لفيروز وهي بتنقذ البنت في الشارع و كمان وهي بتعمل عمليه جراحيه في قسم الاسعافات في احد المستشفيات الحكومية لعدم وجود الطبيب ولحظه القبض عليها من المستشفى

وانهلت التعليقات وكلها تضامنا مع فيروز.... مع عدم ذكر اسمها لأن محدش يعرفها

......................................................................

في غرفة العمليات

دخلت فيروز غرفه العمليات وهي تشاهد وجه قاسم

سيرين لفيروز : تم تخديره

هزت راسها وبدات في العمليه

.....................................................................
بيت الدكتور محمد في ألمانيا

الكل في الصاله ماعدا الدكتور محمد

دخل الدكتور محمد وجلس على اول كرسي

مالك : في ايه يا بابا اتصلت بيا قلتلي تعال ضروري؟

ليالي بقلق: في ايه حصل حاجه؟

لمياء : ليلي بنتي كويسه؟

د. محمد : لازم ننزل مصر حالا

مالك بقلق : حد حصله حاجه؟

د. محمد : فيروز حياتها في خطر

مالك بقلق : ازاي؟

ليالي : اكيد عشان الفيديو بتاع فيروز

مالك: فيديو ايه؟

ليالي : في فيديو على الانترنت..... فيروز كانت بتنقذ بنت في الشارع.... وعملت مشكله في المستشفى وقبضوا عليها

مالك بصدمه : ازاي؟

ليالي : معرفش دا اللي حصل

مالك : بابا قلت لمازن على الفيديو؟

د. محمد : مازن متهور ممكن يعمل حاجه.... ده غير اني ليلى معه ....عشان كده هنزل مصر انهاردة... قبل ما اهلها يعرفوا بوجودها..لان الكل اكيد عايز يعرف مين دي

ليالي : انا عندي شغل مهم عشان البعثة لأن سيرين و فيروز سافروا ومفيش حد يعمله غيري.... غير كدا انا هسافر مصر بعد بكره

مالك : وانا كمان الشركة فيها شغل مهم جدا بكره
...عشان كده حجزت تذكره بعد بكره... وكنت هبلغك

د. محمد : خلاص انا كده كده مش محتاجكم مش هتفرق علي يوم..... لمياء هتنزل معايا انهارده ولا معهم؟

لمياء بعد تفكير : لا معاك

د. محمد : تمام حضري الشنط لأن الطياره بالليل

لمياء : تمام

مالك : انا هروح بيتي واعدي عليكم على بالليل عشان اوديكم المطار

د. محمد : تمام

...................................................................

في سيارة ملاك

ملاك : فين ليلي معقول سبتها لوحدها

مازن : لا انا اتصلت بناس اللي كانوا شغالين في الفيلا قبل كده نظفوها.... وليلى قاعده معهم

ملاك : تمام
و اتحركت بالعربيه على المستشفى
......................................................................
امام غرفه العمليات

الكل منتظر بقلق

فجأه فتح باب العمليات وخرجت فيروز بوجه شاحب

الحاج محمد : خير يادكتورة

صفيه : جوزي عامل ايه؟

ولكن هي مش بترد

اسد بعصبيه : ما تقولي ابويا عامل ايه؟

فيروز مردتش عليهم وزقيتهم وقاعده تجري كاني حد بيجري وراها

فريده ب استغراب :هي مالها؟

صفية بدموع : اكيد قاسم حصله حاجه

طلعت سيرين و حلا من العمليات وعلى وجههم التعب

الحاجة فاطمة : يابنتي عمك عامل ايه؟

حلا بفرح : الحمد لله العمليه نجحت

سيرين : ولكن سيظل في العنايه خلال ٤٨ ساعه

الكل : الحمد لله

معاذ ب استغراب : امال الدكتوره كانت بتجري ليه؟

حلا : العملية كانت صعب جدا وقلبه وقف اكتر من مره ....دا غير ان كنا محتاجين دم وللأسف هو - o
والدكتوره سألتني حد من عيلته ممكن يتبرعله
قالتها لا لاني عارفة اني مفيش غير بابا و انكل مصطفى الله يرحمهم و جدو للاسف مينفعش عشان السن.

فارس : انا نفس الفصيل

حلا بفرح : ما خلاص اتحلت الدكتوره اتبرعتله

اسد : الدكتورة مين؟

حلا : الدكتورة فيروز

الحاج مصطفى : اوه وهي بتعمل العملية؟

حلا : ايوه.... اكيد عشان كدا ممكن كانت بتجري لأنها اتبرعت بدم كتير ....عن اذنكم هنروح نشوفها؟

الحاج محمد :روحوا يا بنتي اطمنوا عليها

سيرين : لا داعي لوجودكم

حلا : فعلا ممكن تروحوا انا موجوده غير كدا هو مش هيصح دلوقتي والزيارة مش قبل ٤٨ ساعة

ومشيوا

الحاجة فاطمة : اوه معجول حد يعمل اللي هي عملته عشان كده مشهورة تستحج والله

صفية : عندك حج ياما

د. مصطفى : الافضل تروحوا البيت ترتاحوا شويه ولو في حاجه انا هتصل عليكم

الحاج مصطفى : يلا بينا....بدل ما جعدتنا مفيهش فايده.... ثم وجه كلامه الي الدكتور مصطفى وقال : خليكي بالك من عمك

صفيه : مش هوصيك يا ولدي؟

د. مصطفى : متقلقوش

وغادروا المستشفي وبيركبوا العربيات

اسد لفارس : مالك يا فارس واقف كده ليه؟.... ما تركب خلينا نمشي

فارس ينظر إلى مكان ما : امشي انت انا نسيت حاجة فوق

اسد : نسيت ايه؟

فارس : حاجة مهمة

اسد : تمام روح جيبها وانا هستناك في العربية؟

فارس : تمام
ودخل المستشفى تاني

فارس في سره :من اللي كان معها؟ ... انا متأكد ان دي ملاك

.....................................................................
على الهاتف

مجهول ٣ : قاسم لسه عايش

مجهول ٢ : ازاي فيروز شافت الفيديو... اكيد لازم تقتله

مجهول ٣ : فيروز لازم تموت واللي يلبس الليل اسد مفهوم دا

مجهول ٢ : بس...

مجهول ٣ : اللي قلته يحصل مفهوم

وقفل المكالمه من غير ما يسمع الرد

...................................................................
عند فيروز

قاعده تجري في الشوارع وبين العربيات لحد ما تعبت وصلت كورنيش النيل وقعدت على الارض بتحاول تاخد نفسها

فيروز : يارب تعبت من الدنيا خدني عندك؟

واحدة سمعتها وقالت/ حرام عليكي يا بنتي.... استغفرالله

فيروز بدموع : الدنيا جات عليا اوي مش قادره اعيش

الست : ايه اللي حصلك؟

فيروز بدموع: في يومين حياتي اتقلبت... عرفت ان امي ماتت بسبب بابا..... عرفت ان بابا متجواز على امي...عرفت اني عندي اخت.... عرفت ان بابا مش مات حادثه زي ما كنت عارفه لا دا مات مقتول واللي قتلوا صاحبه وجوز عمتي... وكان في أيدي اقتله بس مقدرتش... لا انا انقذت حياته للموت ومش مره واحده

الست : تعرفي ان ربنا بيحبك اوي

فيروز ب استغراب : ازاي؟

الست : ربنا لما بيحب حد بيبتلي... اصبري يا بنتي واعرفي دايما ان الصبر على البلاء ليه جزاء كبير...تعرفي سيدنا محمد صلى الله عليه وسلم

فيروز : صلى الله علیه وسلم

الست : ربنا ابتلاه

فيروز : ازاي هو نبي؟

الست : ربنا ابتلى سيدنا محمد صلى الله عليه سلم، بتكذيب قومه ليه قال تعالى: أعوذ بالله من الشيطان الرجيم {وَعَجِبُوا أَن جَاءَهُم مُّنذِرٌ مِّنْهُمْ وَقَالَ الْكَافِرُونَ هَذَا سَاحِرٌ كَذَّابٌ}
وكمان ابتلى صلى الله عليه وسلم بإيذاء قومه ليه وبعد ما صبر على ابتلاه ....بقي سيد الامه وكان في ايده يؤذيهم زي ماذوه... بس عفا عنهم
ادعي ربنا يا بنتي ان يرفع عنك البلاء اوعى تدعي بالموت دا حرام واستغفري عشان دعيتي

فيروز : استغفرالله العظيم واتوب اليه

الست : تعالى معايا

فيروز : فين؟

الست : مكان هترتاحي فيها

فيروز : تمام

ورحت معها

الست اخدتها الي مسجد

فيروز قبل ما تدخل : انا مش معايا لبس

الست بابتسامه : خدي البسي اللبس ده
وكان اسدال

لبست ودخل المسجد

يلا صلي وادعي ربنا ان يدلك على الطريق الصحيح

فيروز صلت وقعدت تبكي و اشتكي لربنا وبعدين بعد ما تخلص الصلاه سجدت وقالت:اللهم رحمتك وسعت كل شيء، فلا تكلني إلى نفسي طرفة عين، وأصلح لي شأني كله، لا إله إلا أنت... استغفرك واتوب اليك
يارب دلني على الطريق الصح

و محسيتش بنفسها ونامت وحلمت ب ابوها وامها وصحيت على صوت الاذان قامت صليت وخرجت من المسجد وناويه على حاجه

...................................................................

تحياتي كوكي بهجوري

انتهى الفصل ( التصويت لو سمحتوا)

فيروز ناويه على ايه؟

مين اللي عايز يقتل فيروز؟

فارس عايز ايه من ملاك؟

د. محمد هل يقدر ينقذ فيروز؟

انتظروا كل ما هو جديد