مستشفى الشفاء
في مكتب الدكتور مصطفى
زينة : مصطفى انت كويس؟
د. مصطفى بحزن : لا مش كويس
زينة : ليه؟
د. مصطفى بحزن: اهلي عايزين يجوزوني
زينة بفرح: طب فيها ايه؟... ما انت لازم هتتجوز في يوم من الايام
د. مصطفى : انا معاكي..... لكن هم عايزين أوافق على واحده انا معرفش حاجه عنها.... غير انها دكتورة و بنت عمي
زينه بصدمه : ازاي هي فريده دكتورة؟
د. مصطفى : لا مش فريدة.... الدكتورة حلا اللي كانت في العمليه عمي قاسم
زينة بعصبيه : لازم ترفض على الجواز دي ؟
د. مصطفى ب استغراب : ليه؟
زينة بتوتر : انت زي ما بتقول مينفعش تتجوز واحده انت مش عارف عنها حاجه.... وكمان انا بسمع اني جواز القرايب بيجيب مشاكل كتير ... دا غير أن حلا كانت عايشه بره ومتعرفش ايه أخلاقها؟
د.مصطفي بعصبيه : انتي بتقولي ايه؟... انا ماسمحلكيش انك غلطتي في بنت عمي
زينة : انا مش قصدي حاجه واسفه لو فهمت غلط
د.مصطفي : لو سمحتي يا زينه سيبيني لوحدي
زينة قامت : انا طالعه بس يا ريت متكونش زعلت مني بجد انا خايفه على مصلحتك ؟
وقالت في سرها : مش هتكون غير ليا يا مصطفى
وغادرت وقعد يفكر في حلا وانها جميله وهادية جدا عكس فريدة بس هو مايقدرش يتجوز واحده هو ميعرفش عنها حاجه بس اخذ قرار انه يتعرف عليها وقتها يحدد هيعمل ايه
.......................................................................
في بيت فارس
على الهاتف
فارس : ازيك يا بوب...... ايه اخبارك؟
؟
ابو فارس : عايز ايه المره دي؟
فارس : سلامتك يا حبيبي
ابو فارس : عليا انا الكلام ده انت مش بتكلمي الا لما تكون عايز حاجه
فارس : حبيبي يا بوب يلا فاهمني دايما
ابو فارس بضحك : و يا تري ايه المصيبه المره دي؟
فارس بفرح : عايز اتجوز
ابو فارس ب استغراب : انت كويس ياحبيبي ؟
فارس : اه... ليه؟
ابو فارس : اصلك اتجنيت خالص
فارس : كل دا عشان قلتلك عايز اتجوز
ابو فارس : بتتكلم جد ولا بتهزري زي عادتك ؟
فارس : لا المرة دي جد الجد يا بوب..... ابنك واقع لششته
ابوفارس بضحك : ههههههههههه والله جه اليوم اللي هفرح فيك... وياتري حد نعرفه؟
فارس : لما تاجي يا بوب.... المهم كلم الحاج مصطفى واقوله الف سلامه على قاسم
ابو فارس : ليه حصل حاجه؟
فارس : عمل حادثه بالعربيه
ابوفارس : هو كويس؟
فارس : اه..... سلام بقى يا بوب عشان اليوم كله كنت في المستشفى
ابو فارس : سلام
.....................................................................
فيلا فيروز
دخلت الفيلا
الداده فاطمة : حمدلله على السلامه يا بنتي قلقتيني عليكي ومش بتردي على تليفونك ليه ؟
فهد قام : كنتي فين؟..... داده لما قلتي روحتك المستشفى بس قالولي مشيت من بدري
فيروز : كنت عندي عملية وبعد ما خلصتها روحت المسجد قعدت شويه.... معلش انا تعبانة اوي عن اذنكم هطلع انام... ونتكلم بكره
فهد : تمام.... سلام دلوقتي لحد بكره
ومشي
الداده : يا بنتي عيب اللي عملتيه ده قلقان عليكي وما رضيش يمشي الا لما يطمن عليكي..ينفع انك تكلميه كده
فيروز بتعب : انا تعبانه شويه مش قادره اتكلم.... فهد مش هزعل اكيد هو فاهم اني تعبانه من العمليه .... عن اذنك هروح انام
الداده فاطمة : طب اتعشي قبل ما تنامي
فيروز : مليش نفس عن اذنك هطلع فوق انام في اوضتي
الداده بصدمه : بس انتي بتنامي تحت
فيروز : انا طلع اوضتي اللي فوق عايزه اشوف الاوضه اللي عاملها بابا
الداده : بس انتي دلوقتي تعبانه خليها في يوم تاني
أكد هتتعبي اكتر
فيروز بابتسامه : بابا وحشيني اوي محتاجه احس بوجوده جنبي عن اذنك
طلعت فيروز وقفت على باب الاوضه وافتكرت باباها
فيروز : طب الفيلا فيها ايه؟
د. مصطفى : فيها جناحين واحد ليكي و احد ليا و حمامين سباحه واحد جوه الفيلا والثاني بره و أوضة للرسم فيها لوح رسمتها امك وكمان أوضة لرياضة و مكتب فيه كتب كتير عشان انا وبنتي حبيبتي بنحب القراءه
فيروز بابتسامه : طب اوضتي لونها ايه؟
د.مصطفي بحب : ابيض زي قلب صاحبتها
فيروز حضنته : بحبك اوي اوي قد البحر
د.مصطفي بحزن مصطنع: البحر بس.... انا بحبك اوي اوي قد المحيط
رجعت فيروز للواقع وهي بتبكي : وحشتيني اوي يا بابا زي قتلوك صدقني هاخد حقك حتى لو كان اخر يوم في عمري
ودخلت الأوضة كانت مليئه بالتراب بس جميله جدا كل حاجه بتحبها فيروز موجوده سرير كبير أوضة لبس و شاسلونج و مكتب صغيره فيها كتب عن الطب وبلكونه كبيرة بابها من القزاز
قامت تنظف الاوضه وهي بتفتكر اللي حصل في القسم
بعد ما حكتلهم قصتها
زين بصدمه : دا ولا المسلسلات.... كل دا حصلك ؟
فيروز بحزن : اه
زين عشان يضحكها : المصايب مش بتحبك
فيروز بصيتله باستغراب
زين بابتسامه : دي بتعشقك
فيروز ضحتك
رئيس المباحث بابتسامه : على فكرة إنتي قويه اوي.. لان لو حد مكانك وفي ايده اللي قتل ابوه مش هيسيبه الا لما يقاتله
فيروز بابتسامه : شكرا
زين : انتي بتفكري تعملي ايه دلوقتي؟
فيروز بابتسامه : اخد حق بابا بس في سريه تامه
رئيس المباحث ركز في كلامها
زين : مش فاهم انتي عايزه تفتحي محضر؟
رئيس المباحث : مينفعش لاني مفيش دليل
فيروز : و كلامي والفيديو ؟
رئيس المباحث : للأسف كلامك مش دليل عشان نفتح محضر و الفيديو زي ما بتقول مع الست
زين : يعني لازم نعرف الست ونجيب منها الفيديو؟
رئيس المباحث : اه لن كلامك يا دكتورة ممكن بس نفتح محضر و نستدعي قاسم للتحقيق وبعدها هيطلع ولا كاني حاجه حصلت
فيروز بابتسامه : انا بقولكم في سريه.... انا مش عايزة محضر دلوقتى
الاتنين بصولها باستغراب
زين : اومال
فيروز : انا عايزة اتاكد اني الفيديو ده صح
رئيس المباحث : انتي عندك شك في الفيديو؟
فيروز : مش بالظبط بس الست........ ايه مصلحتها انها تاجي دلوقتي في الوقت اللي قاسم بين الحياه والموت ..... وعايزاني انا اقتله اكيد ليها مصلحة من موته.......وممكن يكون الفيديو قديم ومحصلش الكلام اللي فيه
رئيس المباحث : عندك حق؟
فيروز : انا محتاجكم جدا في اللي عايزه اعمله
زين : اللي هو؟
فيروز : اولا عايزه اتاكد ان بابا مات مقتول أو لا؟
رئيس المباحث : هو مات ازاي؟
فيروز : الدكتور محمد قالي ان بابا مات في حادثة
عربية
زين : لو زي ما قال يبقى اكيد في محضر بالحادثه
رئيس المباحث : صح ابوكي عمل الحادثه من قد ايه؟
فيروز : من ١٥ سنه
زين : دا من زمان اوي اكيد صعب نلاقيه بسهوله
رئيس المباحث : بس مش هنخسر حاجه لما ندور نحاول
فيروز بحزن : طب لو ملقيناش المحضر... ايه الخطة اللي بعدها؟
زين : اكيد ساعتها لازم نوصل للست والفيديو و نستجوبها
فيروز ابتسمت بسخريه : ده لو ما كانتش هربت بعد ما عرفت ان قاسم القناوي لسه عايش
رئيس المباحث : فعلا اكيد هربت
زين : يبقى ساعتها مش قدمنا حاجة نعملها للأسف
فيروز بحزن : يبقى القاتل يستمتع بحياته وحريته
قامت
زين : اهدي يا فيروز ان شاء الله هنوصل للمحضر والست كمان
فيروز بابتسامه : إن شاء الله... معلش هتعبكم معايا
رئيس المباحث : مفيش تعب دا شغلنا
فيروز : ياريت محدش يعرف على الموضوع.
رئيس المباحث : متخافيش الموضوع بينا محدش هيعرف عنه حاجه
فيروز بابتسامه : شكرا جدا ليكم... عن اذنكم همشي
زين قام: مينفعش اسيبك في الوقت المتأخر دا و انتي بالحالة دي؟
رئيس المباحث : فعلا روح وصلها يا زين الوقت اتأخر وانا مشي على البيت
فيروز : بس...
زين لرئيس المباحث : سلام يا ابو ملك سلميلي على خطيبتي لوكا
رئيس المباحث : حاضر... غمزة لزين وقال : ربنا معك
زين بص على فيروز وقال : يارب
ومشي رئيس المباحث
زين : يلا بينا يا بنتي قبل ما تقعي في مصيبه تانيه
فيروز بسخرية : ليه هو انت ملاك حارس وانا معرفش؟
زين بغرور : مبحبش اتكلم عن نفسي كتير
فيروز بابتسامه : طب خاف على نفسك مني
ومشيت خارج القسم وزين وراها
رجعت للواقع بعد ما خلصت الأوضة وخدت دش وغيرت هدومها قعدت على السرير وقالت : لازم يكون عندي حل تاني غير محضر الحادثه و الفيديو
وقامت من على السرير وطلعت على البلكونه وهي بتفكر غمضت عيونها واستمتعت بنسمه الهواء وفتحت عينها مره واحده وقالت : لازم ادخل قصر القناوي من غير ما يعرفوا انا مين.... بس ازاي؟
.....................................................................
تحياتي كوكي صلاح
انتهى الفصل ( التصويت لو سمحتوا)
زينة هتعمل ايه؟
فيروز هتقدر تدخل قصر القناوي ولا لا ؟
فارس هيقدر يخلي ملاك توافق على الجواز منه؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!