في صباح يوم جديد
قصر القناوي
الكل موجود في الصالة ماعدا حلا و حياة و د.مصطفي
عشان رايحين المستشفى
الحاج مصطفى : فريدة اطلعي جولي لأمك يلا
نزلت على السلم
حياه : انا نزلت يا بابا.... يلا بينا
خالة حلا : حلا جات من المستشفى قالت هتاخد دش وتغير هدومها وتروح معانا
الحاج محمد : كنتي خليتها تنام اكيد تعبانه من المستشفى
حمزة : اختي دمغها بدل ما قالت هتروح يعني هتروح
الحاجة فاطمة : اكتر خيرها جات من السفر على المستشفى على عمليات وقاعده سهرانه من امبارح
صفية : لو هي مكانتش معانا و كلمت الضكتورة كان زمن قاسم...... وبكت
الحاج محمد : الحمد لله يا بنتي
الكل : الحمد لله
الحاج مصطفى : معلش يا بنتي يا رحاب معرفتش ارحب بيكي امبارح
رحاب ( خالة حلا و حمزة) : محصلش حاجه يا عمي
معاذ بص على التليفزيون بصدمه
وراح عالي الصوت ونزلت حلا وقالت : السلام عليكم
الحاج مصطفى بفخر: وعليكم السلام يا دكتورتنا
الكل بص على التليفزيون لما قال المذيع : لازم نشوف الفيديو ده تاني
واتصدم لما شافوا الدكتورة فيروز بتنقذ حياة بنت في الشارع وفيديو في قسم الاسعافات هي بتعمل عملية
وبعدها المذيع قال : دا حصل امبارح... مع شاهد عيان من الواقع اتفضل
المتصل /انا طالب في كلية تمريض..... الأستاذة الدكتورة كانت ركب تاكسي.... وفجأه صاحب التاكسي خبط البنت.. نزلت الدكتورة و عملت الاسعافات اوليه للبنت و سواق التاكسي هرب واخد معه كل حاجة الدكتورة وبعدها الدكتورة طلبت منا ان احنا نساعدها ونودي البنت المستشفى
المذيع : تمام وبعدين
المتصل : طلعنا على أقرب مستشفى حكومي... وللأسف كان الدكتور نايم في الاستراحة و الدكتورة ساعتها اتخنقت مع الممرضه... الممرضة خافت وجريت تصحي الدكتور... ساعتها الدكتورة طلبت اتنين منا يساعدوها وقتها انا وسواق الميكروباص ساعدنا الدكتورة.. والحمدلله انقذنا حياه البنت.
المذيع : وبعدين
المتصل : الدكتور و الممرضه اتهمونا ان احنا عايزين نقتلها وخدونا على القسم و الدكتورة أصرت تعمل محضر في الدكتور و الممرضه دا كل اللي حصل
المذيع : والدكتوره اللي في الفيديو مين هي ؟
المتصل / ماكناش نعرفها واكتشفنا في القسم انها الخبيرة الألمانية فيروز مصطفى..... وان اصلها مصري.... والدكتوره فيروز طلبت من الظابط انها تمشي لأن كان عندها عمليه خطيرة
المذيع : اه... تمام شكرا
قفل مع المتصل
المذيع : وصلنا خبر دلوقتي إن البنت اللي كانت في الواقع هي مي عز الدين المنياوي بنت المستشار عز الدين المنياوي هنطلع فاصل قصير
حلا بصدمه : معقول كل دا حصل امبارح مع الدكتورة
سميحه : انا لو مكانها... كنت روحت البيت ارتاح بقي حادثه ومستشفى وجسم و اتسرجت
صفية : اتاريها اول ما جات ماكانتش عارفه تاخد نفسها وبعد العمليه طلعت تجري
الحاج مصطفى : احنا لازم نشكرها ونعزمها عندنا في البيت
الحاج محمد : عندك حج يا خوي
حياة : فريدة مش مي دي صاحبتك
فريده بغضب : اه ومش عايزه اعرفها تاني
رحاب بتوتر : عند اذنكم هطلع فوق اجيب التليفون
الحاج مصطفى : ماشي يا بنتي هنطلع احنا جبلك نستناك في العربيه
طلعت رحاب فوق ومسكت التليفون وقالت : ايه دا معقول علياء اتصلت بيا كل دا
اتصل عليها
علياء : من إمبارح بتصل بيكي... كنتي فين؟
رحاب بقلق : حصل حاجه؟
علياء : حاجات
رحاب بقلق : خير
علياء : في فيديو نزل لفيروز
رحاب قطعتها في الكلام وقالت : اه عرفت دلوقتي شوفته على التليفزيون
علياء : وهو اتعرض على التليفزيون
رحاب : اه.... حصل ايه تاني؟
علياء : محمد و لمياء وصلوا مصر انهارده
رحاب : كويس لازم ياخدوا فيروز الألمانية حالا
علياء : حد عندك عرف حاجة عن فيروز؟
رحاب : لحد دلوقتي لا بس.... الحاج مصطفى عايز يعزم فيروز هنا
علياء : تمام انا هتصرف
رحاب : ياريت بس بسرعه
علياء : تمام
وقفلت ونزلت عشان تروح المستشفى
.....................................................................
في فيلا فيروز
استيقظت و فطرت وصلت الفجر وقرات وودها اليومي و خرجت لممارسه رياضه الجري وهي تفكر ازاي هتدخل قصر القناوي وبعدها رجعت على البيت
لبست وناويه تروح على المستشفى وتنفذ خطتها
وخرجت من البيت
زين بابتسامه : صباح الفل
فيروز بهزاز: صباح الرخامه ...ايه اللي جايبك على الصبح؟
زين : تصدقي انا اللي غلطان
وطلع شنطه فيروز اللي كانت في التاكسي و تليفون
وقال : اتفضلي يا ستي
فيروز بابتسامه : شكرا جدا ليك يا زين
زين : شكرا بس.... تصدقي انا غلطان
فيروز باستغراب: اومال عايز ايه؟
زين : اتفضل يا زين معايا البيت..... طب تعال اعزمك في مطعم... عشان تعبتك معايا... كدا يعني
فيروز بخباثه: بس كدا حاضر... بس ممكن توصلني المستشفى
زين : قولي بقى انك طمعانه فيا وعايزاني سواقك
فيروز بابتسامه : الصراحه اه
زين : تعالى ياختي اكسب فيكي ثواب... بس الاول هاخد القسم عشان نقفل المحضر
فيروز : تمام..... يلا
وصلوا العربية
فيروز : فين البوكس
زين بابتسامه : هو انتي استحيتيها؟
فيروز بابتسامه : الصراحه اه
زين : لا يا ستي هوصلك بعربيتي
فيروز : اوعى تكون سرقها؟
زين : فيروز غوري شوفيلك توكتوك يجيبك على القسم
فيروز بحزن مصطنع: يرضيك طب اركب توكتوك؟
زين : قلبي الصغير لا يتحمل اركبي
ركبوا و طلعوا على القسم خلصوا المحضر وبعدها وصلها على مستشفى الشفاء
زين : اول ما تخلصي رني عليا اجي اخدك
فيروز : مش عايزة اتعبك معايا
زين : يا ستي اتعبيني ومالكيش دعوه
فيروز بابتسامه : تمام سلام
...................................................................
مستشفى الشفاء
وصلت عائله القناوي المستشفى
الحاج مصطفى : السلام عليكم
سيرين : وعليكم السلام ورحمة الله وبركاته
اسد : ايه اخبار بابا انهارده؟
سيرين بابتسامه : بخير يا ملك الغابه
اسد : هو انتي قلب اسود؟
سيرين : لا بل وردي
اسد بابتسامة : لا قصدي لسه زعلانه مني؟
سيرين : لا انا اتفهمك ... لقد كان ابك متعب للغايه
اسد : يعني صافي لبن
سيرين : ليس عندي لبن
اسد ضحك
سيرين لحلا : لماذا يضحك؟
حلا : متاخديش في بالك.... المهم انتي عامله ايه ؟
سيرين : انا لم أفعل شيء غير جلوسي في العنايه
الكل ضحك
حلا بابتسامه : لا قصدي ايه اخبارك؟
سيرين : اه لقد فهمت بخير ولكني متعبه بعض الشيء من السفر و عدم النوم
حلا : امشي انتي وانا هقعد مكانك
فيروز وصلت عندهم و سمعت اخر كلام
فيروز : امشوا انتوا ارتاحوا وانا موجودة
سيرين بصدمه حضنت فيروز : هل انتي بخير؟
فيروز بعدت عنها : انا كويسة
سيرين : لقد علمتُ ما حدث معكي
فيروز : اي حاجه بالظبط؟
سيرين : هل حدث معكي اشياء؟
فيروز : انا من ساعة ما جيت مصر.... وانا عايشه في مغامره
سيرين:انا اتحدث عن الذي حدث معك بالامس
فيروز ب استغراب : عرفتي من فين؟
حلا : مصر كلها عرفت
فيروز بصدمه : ازاي؟
حلا : دا انتي بقيت مشهورة
فيروز بصت بصدمة لسيرين
حلا ورتلها الفيديو
فيروز اتصدمت وقالت : عشان كده المستشفى كلها بتبص عليا وانا جايه
الممرضه جريت عليهم: القاسم بيه صحي
جريت فيروز و حلا وسيرين على العناية
ورائهم العيله بعد هم بيبصوا من الشباك
فيروز لقاسم : انت سامعني؟
قاسم بصوت ضعيف : فيروووز
فيروز اتصدمت هل هو عارفها
..................................................................
تحياتي كوكي بهجوري
انتهى الفصل ( التصويت لو سمحتوا)
هتقدر علياء تخلي فيروز ترجع مصر؟
هل قاسم يعرف فيروز؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!