فيروز الفصل السادس وثلاثون 36 - بقلم Koky Bahgoury

مستشفى الشفاء

وصلت فيروز الي أوضة قاسم و دخلت من غير متخبط و لقيت قاسم نايم

فيروز بهدوء : اهدي يا فيروز ده راجل لسه عامل عمليه في القلب ... مش هتحصل حاجة لما اتكلم معه الصبح

وخرجت من الأوضة وهي متعصبة

وراحت علي مكتبها وهي على اعصابها... وقعدت على الكرسي ونامت من غير ما تحس من كتر التعب

......................................................................

في صباح يوم جديد

وصلت عائلة القناوي الي المستشفى وذهبوا الي قاسم
وفجأه طرق الباب ودخلت عليهم طفلة صغيرة جميلة

صفيه: عايزة مين يا حبيبتي؟

ليالي : عايزه ماما

سناء : و هي امك فين؟

ليالي : انا سالت عليها قوليلي هنا

د. مصطفى : اسمها ايه؟

ليالي : هي دكتورة و اسمها فيروز

الكل انصدم

اسد : انتي متأكده ان امك الدكتورة فيروز؟

ليالي بعصبيه : يعني هكدب عليك مثلا؟

حلا بضحك :ههههههه لا فعلا شكلك بنتها من نفس طريقة كلمها....... تعالى معايا يا حبيبتي اوديكي عندها

ليالي : لا شكلك عايزه تخطفيني روحي انتي.. نادي عليها وانا هستناكي هنا

حلا بضحك : هههه حاضر يا ستي
ولسه هتطلع دخلت فيروز

ليالي جريت عليها وقالت بصوت عالي : مامااااا

وحضنت رجل فيروز
فيروز نزلت ليها و حضنتها وقالت : بتعمل ايه هنا يا لي لي؟

ليلي بعدت عن فيروز وقالت : كنت بدور عليكي

فيروز : مين اللي جابك؟

ليلي : السواق انا قلتله عايزه اشوف ماما فيروز ضروري وهو جابني

فيروز : ينفع اللي عملته دا؟

ليالي بحزن : لا انا عارفه انك هتزعلي مني بس بجد انتي وحشتيني اوي اوي اوي قد البحر

قامت فيروز و شافت على وجههم الصدمه

قالت فيروز لحلا : عشر دقايق ومش عايزه حد في الاوضة عشان اكشف على الاستاذ قاسم

حلا: تمام

فيروز لليلى : تعالي معايا

وخرجوا

سميحه : غريبة اللي شوفها يقول صغيره ومعندهش عيال

الحاجة فاطمة : معجول دي بنتها؟

حلا : وانا كمان مش مصدق لأن سمعت ان الدكتورة فيروز مش متجواز اصلا

دلال : تلاجيها جبتها من غير جواز.... عشان لما اجولكم تصدجوا

الحاجة فاطمة : مش جلنا منجيبش في اعراض الناس

حلا : يلا بينا نطلع عشان الدكتوره هتيجي تكشف

فعلا الكل خرج

الحاج مصطفى : نطمنوا على قاسم ونمشي نشوف اللي ورانا

الحاج محمد : تمام

دلال بمكر: مش اللي دي الضكتورة فيروز؟ مين اللي معها دا؟

صفيه : دا زين اللي جه خدها امبارح

سناء : شكله ابو بنتها

اسد بعصبيه : انا هروح اتكلم معها عشان تاجي تكشف ونمشي..... بدل شغل الحب في المستشفى

حلا : بلاش يا ابيه دي ممكن تسيب حالة عمو قاسم... انا هروح اتكلم معها

وذهبت

.....................................................................
عند فيروز بعد ما خرجت من أوضة قاسم

ليلي : انتي زعلان مني؟

فيروز : اه طبعا
وفجأه شافت زين

زين بابتسامه : دي اكيد البرنسيسه ليلي مش كده؟

ليلي بابتسامه : اه انا.... وانت مين؟

فيروز : جيت في وقتك.... اتفضل خد البرنسيسة عشان عندي شغل مهم

زين : ليه اقولك عني شغال في حضانة؟

فيروز : هعزمك على الغداء

زين بابتسامة : اذا كان كده ماشي.... اتفضل معايا يا برنسيسه

ومشيوا

حلا : دكتورة فيروز.... احنا طلعنا من الاوضه عشان تكشفي

فيروز : تمام هروح اجيب حاجه من المكتب بس

حلا: تمام وانا هستناكي عشان ادخل معاكي

فيروز بابتسامه : مفيش داعي انا هدخل لوحدى

وراحت علي مكتبها وشافت سيرين

سيرين : صباح الخير.... اراك اتيت مبكرا اليوم

فيروز فتح شنطتها و طلعت ورق و حطيته في ملف
وقالت : انا هنا من إمبارح

سيرين : لماذا؟

طرق الباب ودخلت ليالي

ليالي بابتسامه : صباح الخير

فيروز لسيرين: فهميها شغلها عشان مش فاضيه ليها

وخرجت من مكتبها الي أوضة قاسم وعدت على عائلة القناوي من غير ما تسلم

حمزه : مالها دي اللي يشوف يقول رايحة تقتل عمي ومش رايحة تكشف عليه

الحاجة فاطمة : واللي يشوفها امبارح عندنا في البيت و هي بتهزر ميجولش هي دي

فريده بسخريه :ممكن يكون عندها انفصال في الشخصية؟

دلال بمكر : او ممكن يكون جوزها زعلها؟

د. مصطفى : حلا انتي مش مفروض تدخلي معها؟

حلا : هي رفضت

الحاج مصطفى باستغراب : رفضت ليه؟

حلا : معرفش

.....................................................................

عند فيروز

دخلت لقاسم

قاسم : ممكن حضرتك تكتبيلي على خروج انا بقيت كويس

فيروز : انا اللي احدد

قاسم بعصبيه : لا انا لو عايز اطلع هطلع مش انتي اللي هتمنعيني
وقام وكان لسه هيفتح الباب

قالت فيروز بهدوء: لو طلعت هقول للحاج مصطفى انك كنت شاهد على جوازه الدكتور مصطفى على مراته الأولى... الدكتورة فيروز

وقف بصدمه من اللي سمعه ولف و بصلها

وقال بتوتر : انتي تعرفي الكلام دا فين؟

فيروز : تعال اقعد مكانك عشان نتكلم

راح قاسم و قاعد على السرير وفيروز قاعده على الكرسي اللي جنب السرير

فيروز : الدكتور مصطفى مين اللي قتله؟

قاسم بصدمه : انتي بتقولي ايه؟..... مصطفى مات مقتول ازاي؟

فيروز : هعتبر انك متعرفش..... فين فريد ابنه؟

قاسم : مات.......انتي مين بالظبط؟

فيروز بابتسامه : عايز تفهمني انك مش عرفيني؟

قاسم : انتي بنت مصطفى و فيروز

فيروز : بالظبط

قاسم : بس ازاي انا سمعت انك موتي؟

فيروز : قدر ربنا بقى..... اني لسه عايشه

قاسم : بس ايه حكاية موت مصطفى وانك بتقولي اتقتل؟

فيروز : مش مهم.... قولي بقي انت ازاي وافقت اني اختك تبقى مراته تانيه وانت عارف ان هو متجوز وبيحب مراته لأنك كنت شاهد على العقد

قاسم : انا زمان كنت بحب واحدة مصريه لكن امها مش مصريه وهي كانت متحرره شويه...المهم وقتها كنت بحبها اوي وعايز اتجوزها بس ابويا وعمي رفضوا واذوها جامد وجوزوني غصب لعمتك صفيه

فيروز : وبعدين

قاسم : ابوكي بعدها حب صاحبتها بس هي كانت اجنبيه وكان عايز يتجوزها بس خاف عليها من ابويا وعمي ليعملوا فيها اللي عملوه لحبيبتي

فيروز : امممم دي امي مش كده

قاسم : ايوه.... وقتها انا وعلي نصحناه ان هو يتجوزها بس مش هنا في بلدها عشان محدش يعرف بجوازهم

فيروز : تمام واتجوزوا....... ليه وافقت ان يتجوز اختك؟

قاسم : امك كان عندها مشكلة في القلب وكان صعب جدا انها تخلف.... وجدك و ابويا زنوا عليه ان هو يتجوز حياه ....بس هو رفض.... وبعدها حياة انتحرت لما عرفت ان ابوكي رفضها... وبعدها ابويا قال لابوكي لو مش هتتجوز بنتي مش هتسافر تاني وقتها ابوكي كان بيحضر الدكتوراه في ألمانيا و امك كانت هتعمل عملية في قلبها و ابوكي كان خايف عليها فوافق عشان يكون جنب امك

فيروز بغضب : ازاي يعملوا كده في ابويا بيخصبوه على الجواز من واحدة مش بيحبها؟

قاسم بحزن : دا قانون عيله القناوي البت لواد عمها

فيروز : دا تخلف..... المهم ايه اللي حصل بعد كده؟

قاسم : ابوكي قال هيكتب كتب كتابه بس ويسافر عشان عنده شغل مهم... وقتها امك عملت العمليه بس دخلت في غيبوبه تلات شهور تقربيا وقتها ابوكي اخد الدكتوراه ونزل مصر لأن جدك كلمه وقاله ان هو تعبان ...بس للاسف ماكانش تعبان وكانوا محضرين فرحه هو وحياة.... وقتها ابوكي اتصدم و تخنق معايا وقال انه هيقول لجدك انه متجواز ...انا رفضت وقالته هتقولهم انك متجواز ومراتك في المستشفى بين الحياه و الموت اكيد هيموتها

فيروز : و اتجوزها وخلف منها

قاسم : لا ابوكي يوم الفرح شرب كتييير و بعدها سافر تاني يوم.... امك ساعتها فاقت من الغيبوبه بس حالتها كانت صعب جدا وخاف يقولها ليحصلها حاجة و بعدها عرفنا ان حياة حامل... جدك كلم ابوكي بس هو رافض ينزل عشان امك كانت تعبانه جامد... بعدها ولدت حياه وجابت فريد.... بس مات بعد شهر من ولادته لان كان عنده حصبه وابوكي ما شافهوش
ولما سمع نزل مصر و ساب امك عند امها في روسيا... وحياة ساعتها جالها انهيار عصبي وفقدت النطق بعد سنتين امك و حياة بقوا كويسين و ابوكي كان شوية في مصر و شويه في ألمانيا

فيروز : امممم وطبعا رفض يطلقها عشان لسه تعبانه؟

قاسم : ابوكي كان حاسس بالذنب تجاه حياة و قرار انه يكمل جوازه منها و جابوا فريده

فيروز بعصبيه : وامي اللي ماتت عشان تجيبله طفل يفرح بيه..... ومتحرمهوش انه يبقى اب....... ايه زنبهم انه يتجوز عليها؟

قاسم : فيروز انا مقدر موقفك

فيروز بعصبيه : لا ياشيخ موقف ايه؟..... انت عارف يعني ايه؟..... ست تضحي بكل حاجه حتى حياتها عشان بس تجيب لجوزها عيل يفرح بيه؟ .... عرف يعني ايه بنت تتحرم انها تشوف امها؟ ...... عرف يعني ايه بنت بعد ما يموت ابوها كل شويه في بيت عشان عيلتها ميعرفوش بيها ويقتلوها؟ ..... عرف يعني ايه بنت متعرفش ان عندها اخت لا بعد ٢٤ سنة؟

عائلة القناوي دخلوا لما سمعوا صوت فيروز عالي وانها اتاخرت عنده

حلا : في ايه؟

فيروز مشيت بغضب من غير ما تتكلم وقفلت الباب وراها بقوه

الحاج مصطفى باستغراب : مالها دي زي ما يكون حد قتلها قتيل؟

قاسم في سره : هو انت بتقول فيها... انتوا بالنسبة ليها قتلتوا امها وابوها

دخلت سيرين وقالت : ماذا حدث؟

حلا : في ايه؟

سيرين :الدكتورة فيروز تركت المستشفي وهي غاضبه للغايه

حلا : معرفش هي قالت هتكشف على انكل قاسم وبعدها رفضت اني ادخل معاها واتاخرت جوه وبعدها سمعنا صوت زعيق واول ما دخلنا مشيت

سيرين : ماذا حدث استاذ قاسم؟

قاسم بكذب : هي كشفت عليا و بعدها انا طلبت منها اخرج من المستشفى وهي رفضت فشدات معها في الكلام بس

سيرين ب استغراب : فيروز ليس من عادتها ان تتحدث مع المريض بعصبيه... بل هناك امر اخر ؟

قاسم بعصبيه : ايش عرفني لما تروح تشوفي صاحبتك

حلا : الدكتورة فيروز كانت متعصبه قبل ما تدخل

سيرين : فيروز حتى و ان كانت عصبيه من المستحيل ان تفعل ذلك أمام مريض قلب

اسد بعصبيه : روحوا شوفوا جوزها زعلها في ايه؟....واحنا مالنا مش من حقها انها تعلي صوتها على ابويا

سيرين باستغراب : هي ليست متزوجه

صفية : اومال زين؟

سيرين : هذا مجرد صديق

سميحه بصدمه : يا لهوي جايبه بنتها في الحرام

سيرين باستغراب : هي ليس لديها اولاد

صفيه : اومال لي لي دي مين؟

سيرين : اختها الصغيره

الحاجة فاطمة : شوفته ظلمتوا البنت ازاي؟

دلال بمكر : بس برضه مش من حقها انها تعلي صوتها على عمي قاسم ....مفروض توقفها عند حدها يا اسد

اسد بسعاده حاول اخفائها : اه طب لما تاجي لينا كلام

قاسم بخوف : انا بقول مفيش داعي ...اكيد تعبانه وانا شديت معاها في الكلام جامد

رن تليفون سيرين شافت رسالة من فيروز ( انا اجازه اسبوع دا و كل حاجه حوليها على ياغيز و متتصليش بيا الا لما يكون في حاجة مهمه )

سيرين بصوت عالي : لقد حدثت مصيبه

حلا بقلق : خير حصل ايه؟

سيرين : فيروز اخدت اسبوع اجازة

حلا بصدمه : ازاي؟.... والحالات والعمليات

سيرين : نقلت كل شي لدكتور ياغيز

حلا : بس هو جراح مخ واعصاب

سيرين : فيروز لا تفعل ذلك من لا شئ لابد أن هناك امر كبير للغاية

حلا : هنعمل ايه دلوقتي؟

سيرين : سوف ابلغ الدكتور ياغيز.... وأيضا سوف احاول الوصول إليها

حلا : ما تكلمي اخوها أو ابوها هي اكيد هتروح البيت ؟

سيرين : فيروز منفصل عن أهلها في منزل منفرد

سناء : يا لهوي عيشه لوحدها؟

حلا : طب هتوصل ليها ازاي؟

سيرين : اتركي هذا الامر لي ...انتي سوف تكوني مسؤوله عن الحالات مؤقتا حتي نصل إليها و ليالي معاكي و أيضا باقي الأطباء انتي سوف تكون مكان الدكتورة فيروز..... واذا كان هناك امر خطير قومي بابلغي....حسنا

حلا بخوف : انا مش هقدر اعمل كده ؟

سيرين : انتي طيبه قومي بعملك

حلا : تمام

ومشيت هي و سيرين

حياة : انا مش عرف الدكتورة دي بتختفي فين كل ما يكونوا عايزينها....زي الزئبق

صفيه : ممكن تكون عندها مشكله... المرة اللي فاتت يوم عمليه قاسم... ظلمناها... وهي كانت في الجسم

دلال : بس المرة دي.... ازاي ظلمناها وهي اخدت اجازه من غير ما تسأل علي الناس التعبانين

سناء : عندك حج يا بنتي

الحاج مصطفى : يلا بينا عشان نجيب الدهب

الحاج محمد : يلا

فعلا خرجوا على محل الذهب ماعدا قاسم

قاسم بعد ما مشيوا:لازم اتكلم مع فيروز بس ياترى هي فين؟..... وازاي هوصلها؟

.......................................................................

بيت المهندس علي

في الصاله

جلس على و علياء و معهم فارس و ابوه

سعد : انا يشرفني اناسبك يا باشمهندس علي

على : أشرف ليا يا سعد بيه... بس طبعا لازم نشوف رأي ملاك

فارس : طبعا يا عمي... بس ممكن انا اللي سالها لو معندكش مانع؟

على : طبعا معندش مانع بس دلوقتي صعب عشان اختها..... اكيد سمعتوا اللي حصل؟

فارس : عمي انا ميهمنيش حد ولا كلام الناس انا عارف ان حضرتك مربي بنات كويس جدا...ولا عمل كده اكيد ميستاهلش بنت حضرتك... وملاك صدقني هتكون جوه عيوني

علياء بابتسامه : انت بتحبها بقى؟

فارس : انا بعشقها من ساعة ما شافتها... عن اذنكم لو ملاك وافقت فرحنا بعد شهر

علي بصدمه : بس دا بدري اوي؟

سعد بضحك : الولد مستعجل وبيحب البنت يا على.... اسمحلي اقولك علي ما احنا هنبقى نسايب؟

علي : إن شاء الله

فجأة دخلت فيروز عليهم

فيروز : السلام عليكم

على : وعليكم السلام ورحمة الله وبركاته تعالي يا بنتي

فارس بصدمه : الدكتورة فيروز؟

فيروز : انا شوفك قبل كدا؟

فارس : ابوه صاحبي قاسم القناوي اللي حضرتك عملتيه العملية

علياء و على اتصدموا

فيروز :اه ما انتوا ورايا ورايا

فارس باستغراب:افندم... مش فاهم؟

فيروز : مش مهم..... انكل على عايزك ضروري

على : طب بعدين......

قطع كلامه : لا دلوقتي

علياء : خير يا بنتي حصل حاجه؟

فيروز : انكل لو سمحت مش هاخد من وقتك اكتر من خمس دقايق

على : بعتذر منكم خمس دقايق بس

ورحوا على المكتب

فارس : هي الدكتورة فيروز قريتكم؟

علياء : اه عن اذنكم دقیقه هنادي على ملاك

سعد : اتفضلي يا مدام

علياء راحت تكلم رحاب و تقولها اللي حصل بس اتفاجئت ان فيروز عارفه ان ابوها اتقتل

علياء لرحاب:يبقى عشان كده جاية تتكلم مع على

رحاب : خلي جوازك يقنعها انها تسافر

علياء : فيروز عنيده جدا زي ابوها.... هاقفل عشان عندي ضيوف وكلامك بعدين

........................................................................

عند علي و فيروز

على : ايوه يا فيروز حصل ايه؟

فيروز : هدخل في الموضوع على طول عشان عندك ضيوف.... مين اللي قتل بابا؟

علي بصدمه : انتي عرفتي؟

فيروز : ايوه.... مين؟

على : صدقيني معرفش

فيروز بعصبيه : اومال مين اللي يعرف؟

على : الوحيد اللي يعرف مات

فيروز : قصدك مين؟

علي : جوز رحاب خالة حمزة و حلا القناوي

فيروز : هي بتقول قاسم

على : مستحيل قاسم يعمل كده.... هو اصلا ميعرفش انهم اتقتلوا في حادثة... الكل فاكرها حادثه عاديه

فيروز : وليه متبقاش حادثه عاديه فعلا؟

على : ابوكي جالي قبل الحادثه بيومين وقالي خلي بالي منك لو حصله حاجه.....سالته ليه؟..... قالي ان فيه ناس عايزين يخلصوا منه ومنك؟

فيروز باستغراب: مقلتش الكلام ده ليه في محضر الحادثة؟

على : وقتها سمعت انك اضربتي بالرصاص ودخلت العمليات ...فروحت عشان انتي امانه من ابوكي... واتفقت انا والدكتور محمد اننا نقول انك موتى.... علشان كنا خايفين عليكي من ناس منعرفهمش هم مين..... وكمان لو رحتي لاهلك كان هيقدر يوصلولك ويقتلوكي

فيروز : شكرا... ثم اكملت في سرها :عرفت هوصل ليهم ازاي؟

ومشيت زي القطار

......................................................................

مستشفى الشفاء

في مكتب الدكتور مصطفى

دخلت زينة

زينة : حضرتك طلبتني يا دكتور؟

د. مصطفى : اقعدي يادكتورة زينة

قعدت و قلب اللاب بتاعه عشان تشوف الفيديو وهي بتعطل الاسانسير بحلا

د.مصطفي : ممكن تفهميني عملتي كدا ليه؟

زينة بدموع : عشانك.... عشان بحبك.... عشان مش عايزه تكون لحد غيري... انت الراجل الوحيد اللي حبيته وهفضل احبه ومش هاحب حد غيره

د.مصطفي بصدمه : انتي بتحبيني؟

زينة : ايوه
وخرجت من مكتبه

د. مصطفى بابتسامه : ما لازم تحبك..... ما انت تحب يا مصطفى ولا ايه؟
ثم ضحك

........................................................................

قصر القناوي

في الصاله

الحاج مصطفى : كنت روحتوا غيرته جوه بعد الشبكه

حمزة : مفيش داعي يا جدو

فريده : فعلا

وفجأه دخل قاسم و ساند على حلا

الحاج محمد : اوه عملت اللي في دماغك وطلعت من المستشفى من غير اذن الدكتوره

حلا ساعدت عمها يقعد على اقرب كرسي وقالت : لا الدكتورة فيروز رجعت على المستشفي وكتبتله على خروج

الحاجة فاطمة ب استغراب : مش هي كانت رافضه ايه اللي حصل؟

حلا : معرفش

قاسم : عادي جات و كشفت عليا تاني وكلمتها بهدوء ووافقت.

اسد : ووافقت على طول

قاسم بتوتر : لا قالت لحلا تخلي بالها مني.... وفيه متابعة ليا .... كل فترة اروح المستشفى......وبعدين انا تعبان من المشوار عايز اطلع ارتاح

حلا : عمي خليك اليومين دول في الاوضه اللي تحت عشان المجهود السلم

دادة جمالات : انا منضفها الصبح

حلا : طب كويس يلا يا عمو عشان ترتاح

اسد وحمزه قاموا يساعده قاسم ودخلوا الاوضة اللي تحت

صفية : انا هروح المطبخ اعملك اكل اكيد ماكلتش؟

قاسم : لا انا عايز انام.... ياريت تسيبوني لوحدي

وطلعوا و سابوه لوحده

قاسم في سره : سامحني يا صاحبي مش هقدر اوصل لحبيبتي من غير فيروز

..................................................................
تحياتي كوكي بهجوري

انتهى الفصل ( التصويت لو سمحتوا)

ياترى قاسم عمل ايه خلي فيروز توافق يطلع من المستشفى؟

و فيروز بتخطط ازاي توصل للي قتلوا ابوها؟وهل دا بس اللي في دمغها؟

انتظروا كل ما هو جديد