بعد يومين عدوا بدون احداث كثيره الا من
محاولات مالك بالكلام مع ملك ورفض عائلتها
موافقه ملاك على الجواز من فارس
معرفة فيروز ان مالك كان عرف ان عندها اخت وان ابوها كان متجواز و محاولاته عشان يكلمها ويفهمها بس هي رفضه تسمعه حتي
اسد حاول اكتر من مره التواصل مع فيروز بس هي دايما مش فاضية
عائلة القناوي بيجهزوا لحفلة كتب كتاب دلال و اسد..... و حمزة و فريده
فارس اخد ملاك و راحوا نقوا الشبكه واتفقوا ان خطوبتهم بعد اسبوع
على كلم الدكتور محمد قالوا على حصل مع فيروز و انها عرفت كل حاجه
محاولات د. مصطفى بالتواصل مع زينه ولكن هي اخدت اجازه ومحدش يعرف هي فين
محاولات مراد اني يخلي فريده تسمحوا
ياغيز علم بعد محاولاته انه من المستحيل ان يكسب قلب فيروز
معرفة الحاج مصطفي بوجود الدكتور محمد المهدي صديق مصطفى ابن اخوه في مصر
رفض فيروز التام بالكلام مع أي حد او بمقابلة اي شخص غير حلا و سيرين وبعض الأطباء و بقت في المستشفى طول هذه المده لا تذهب إلى بيتها و تطمئن على الداده من التليفون
.....................................................................
مستشفى الشفاء
في مكتب فيروز
طرق الباب و دخلت ممرضة وقالت : في واحد بره بيقول انه تباع قاسم القناوي
فيروز : خليه يدخل ومتدخليش حد عليا لحد ما يمشي
الممرضه : حاضر
خرجت الممرضه و دخلت الراجل
الراجل : السلام عليكم... يادكتورة
فيروز : وعليكم السلام ورحمة الله وبركاته... اتفضل اقعد
جلس الرجل وقال : الظرف دا بعتني بيه قاسم باشا ليكي
ومد ايده بالظرف
فيروز اخدت الظرف و فتحته واتأكدت منه وقالت : تمام
فقامت و دخلت اوضه اللبس وطلعت ومعاها شنطه
وقالت : الشنطه دي اديها لقاسم بيه
الراجل قام : تمام...في حاجه تاني
فيروز : لا........ تقدر تتفضل
مشي الراجل و قعدت فيروز على الكرسي و فتحت الظرف تاني و طلعت الورقه وقالت : انتي اللي بيكي هدخل قصر القناوي من أوسع أبوابه
وافتكرت اللي حصل من يومين بعد ما طلعت من عند بيت المهندس علي
رجعت تاني على المستشفى
سيرين بصدمه : فيروووووز
فيروز : جهزي كل الحالات اللي محتاجه عمليات ضروري
سيرين : حسنا
فيروز لحلا : حد ما عمك في اوضته؟
حلا : لا.... الممرضه بس
فيروز : تمام.... انا هروح اكشف عليه وانتوا جهزوا اللي قلتلكم عليه
ومشيت علي اوضة قاسم ودخلت من غير ما تطرق الباب وقالت للممرضه: ممكن تطلعي لو سمحتي؟
الممرضه : بس المحلول
فيروز : لما يخلص انا هقفله....اتفضلي
وخرجت الممرضة
قاسم : كنت فين؟
فيروز : عايزه حاجه خليني ادخل قصر القناوي واقعد فيه والكل يعرف اني بنت مصطفى القناوي
قاسم : ليه؟
فيروز : مش مهم...... اي حاجه هتطلبها هتكون عندك
لمعت عين قاسم وقال : فيلا
فيروز : تمام
قاسم : ٥ مليون
فيروز : تمام
قاسم بصدمه : انتي بتتكلمي جد
فيروز : اه....... عايز ايه تاني؟
قاسم : انا عايز دول بس عشان اتجوز حبيبتي
فيروز بصدمه : عايز تتجواز على عمتي؟
قاسم : عمتك ان عمري ما حبتها
فيروز : تفتكر عشان ادخل قصر القناوي هخليك تتجوز على عمتي؟
قاسم :اه.... لأنك مش هتعرفي تدخلي من غيري
فيروز بابتسامه : يا سلام... ما انا ممكن اقول انا مين وادخله عادي
قاسم بمكر : بس مش هتقعدي فيه لان ابويا اول ما يعرف انتي مين هيطردك بره القصر انت ناسيه انك بنت ضرت بنته
فيروز بحزن لأنها هتكون سبب حزن عمتها بس هي لازم تدخل القصر : تمام....ايه الحاجه اللي هتخليني ادخل قصر القناوي؟
قاسم : ورقة
فيروز : ورقة ههههههههههه انت بتضحك عليا؟
قاسم : لا.... ممكن تجيبلي تليفوني اللي على ترابيزه هناك ده؟
وشاور عليه.... فيروز جابت التليفون وقالت : اتفضل
قاسم مسك التليفون و اقعد يقلب فيه لحد ما جاب صورة لورقه مكتوبه وقال : شوفي بنفسك
مسكت التليفون منه و شافت الصورة بصدمه : الكلام دا صح؟
قاسم : ايوه
فيروز : ازاي؟!
قاسم : دي الحاجه الوحيد اللي تقدري تدخل بيه قصر القناوي من أوسع أبوابه
فيروز : بابا معقول يعمل كده؟
قاسم : عمل كده عشان كان خايف عليكي
فيروز : اصل الورقة فين؟
قاسم : في المكتب بتاعي في الشركة
فيروز : وازاي هتجيبهالي ؟
قاسم : دي بشطارتك بقى؟
فيروز : الفلوس موجوده.... وممكن اديك فلوس اكتر عشان تشتري الفيلا اللي انت عايزها
قاسم : مش عايزة منك فلوس دلوقتي.... انا واثق فيكي
فيروز : اومال؟
قاسم : عشان اجيبلك الورقة لازم اطلع من المستشفى
فيروز : انت لسه تعبان.... صعب جدا اخليك تطلع دلوقتي
قاسم : تقدري تتصرفي
فيروز : تمام..... لو طلعت تقدري تجيبلي الورقه في قد ايه؟
قاسم : قبل الكتب كتاب يعني خلال يومين
فيروز : تمام انا هتصرف
وطلعت و بلغت حلا ان شغلها مع قاسم في بيته
رجعت للواقع على صوت طرق الباب
وضعت الورقة في الظرف ثم في حقيبة الظهر بتاعتها و اذنت بالدخول
دخل زين بابتسامه وقال : مسا مسا يا فيروز
فيروز بابتسامه : مسا مسا يا زين.... كنت فين يا استاذ؟
زين بحزن : اسكتي يا بت يا فيروز مش انا اتنقلت
فيروز : من شقتك؟
زين بحزن : من شقتي و من شغلي
فيروز : وايه يعني؟
زين بصدمه : وايه يعني؟....... و هو انا بقولك هنقل الدور الثاني
فيروز : اومال؟
زين بصدمه: هو انتي فكره كده؟
فيروز : اه
زين بضحك : تصدقي طلعتي غبيه ههههههههههه
فيروز : لا يا شيخ.... اومال ايه الصح يا ابو الذكاء
زين : بصي يا حبيبتي.... اتنقلت بنسب لشغلي كظابط اني اسافر بلد تاني
فيروز : اه..... فين؟
زين : قنا
فيروز بابتسامه : بجد
زين : ومالك فرحنا كده؟
فيروز : دي بلد بابا
زين : اه
فيروز : زين ممكن تاخدي معاك؟
زين : بت هو انا طلع رحلة؟
فيروز بحزن: كده يا زين؟
زين : خلاص متزعليش.... بكرة انا نزل قنا هاخدك معايا تمام
فيروز :لا بكرة صعب..... انت هتفضل كام يوم هناك؟
زين : شهر أو أقل
فيروز : خلاص اروح معاك المرة الجاية..... تعرف هتوحشيني اوي يا زين... انا بجد اتعودت على وجودك في حياتي مش عارفه هاعيش من غيرك ازاي؟...... الحياة مش هيبقى ليها طعم من غيرك
زين بابتسامه : ايوه بقى هو دا اللي جاي اسمعه
فيروز : لا يا شيخ
دخلت سيرين
زين بغضب طفولي: يعني سيرين بس اللي مسموحلها تخش من غير ما تخبط وانا لما اعمل كده تزعلي مني وتطرديني بره
فيروز : عشان سيرو مش زي اي حد
سيرين بابتسامه قعدت قصاد زين: نعم انا مميزة عنك
زين بابتسامه : طبعا يا مزه
سيرين بغضب : انا ليست موزه
فيروز ضحكت
زين بابتسامه : قصدي انك جميلة
سيرين بخجل : شكرا
فيروز بسخرية : اجيبلكم ليموندى
زين بهايم: ياريت
فيروز : طب اطلعوا بره
زين : دي اخر تربيتي فيكي بتطرديني بره
فيروز بابتسامه : اه.... هتسمعوني زي ناس ولا لا؟
زين : اتفضلي ياختي
فيروز : اطلع بره ياض
زين : انا النقيب زين يتقول ياض.... يرضيكي يا سيرو
سيرين: اسكت قليلا... دعنا نسمعها
زين : عشان خاطرك يا مزتي
فيروز : انا هعمل مصيبه ومحتاجاكم جنبي
زين : انا قلت دخلتك دي مش وراها غير المصايب
فيروز : لا يا شيخ
سيرين : ماذا سوف تفعلي؟
زين : بتقولك مصيبه انتي مش معانا يا حاجة ولا ايه؟
فيروز : قاسم القناوي مش هو اللي قتل بابا
سيرين : كيف؟
فيروز حكيتلهم كلام علي وكلام قاسم.. و الورق اللي في الخزنه
سيرين : ماذا سوف تفعلي؟
فيروز : لازم ادخل قصر القناوي و الكل لازم يعرف إني فيروز مصطفى محمد القناوي
زين : لا يا شيخة انتي ناسيه ان مرات ابوكي تبقى بنت مصطفى القناوي يعني مستحيل تدخلي القصر لما يعرفوا انك بنت مصطفى
فيروز طلعت الجواب من شنطتها وقالت : دا اللي هيدخلني قصر القناوي
زين مسك الجواب و طلع الورقة و قرا بصدمه : دا بجد؟
فيروز : اه بابا اللي عمل كده قبل ما يموت
زين : بس دا مش قانوني
فيروز بابتسامه : وانت بتعمل ايه خليه قانوني
زين : انتي متأكد من الخطوه دي؟
فيروز : ايوه.... لازم اعرف مين اللي قتل بابا؟.............واللي عمل كده يتحاسب مهما كان
زين : بس دا خطر على حياتك
فيروز : عارفة بس انت و سيرين جنبي مش كده؟
سيرين : انا معك.
زين : انا معاكي
فيروز بابتسامه : شكرا لانكم جنبي
سيرين : فيروز تحدثي مع فهد في الموضوع من المؤكد انه سيساعدك
فيروز : لو عارف انا هعمل ايه؟..... هيرفض
زين :مين فهد ده؟
فيروز : صديق الطفولة... وهو ظابط في المخابرات
زين : فعلا دا ممكن يقدر يسعدنا بمركزه
فيروز : ممكن هحاول اتكلم معه... المهم يا زين الورقه دي لازم تبقى قانونيه انهاردة قبل الحفلة مفهوم
زين : اعتبريه حصل يا فيروزتي
فيروز لسيرين : انا خلصت كل العمليات الصعبة اللي جاتنا بس فيه عملية واحدة هتدخل بعد ساعه......وبعدها هاخد اجازه اسبوع وانتي هنا هتستلمي بمكاني لو حصل اي حاجه كلميني تمام
سيرين : تمام
زين : هروح انا اخلصلك الورقه
فيروز : تمام
ومشي
سيرين : سوف اذهب لتجهيز غرفة العمليات
فيروز : تمام
ذهبت سيرين
...................................................................
قصر القناوي
في مكتب الحاج مصطفى
الحاج مصطفى : كل حاجة تمام يا حمزه؟
حمزه : خلصت كل حاجه متقلقش وكلها ساعتين بكتير و تكون الجنينه جاهزه لكتب الكتاب واستقبال الناس
الحاج مصطفى : زين..... وعزمت الضكتور محمد المهدي وعيلته؟
حمزة : اه
الحاج محمد : الباشمهندس علي وعيلته
حمزة : حصل
الحاج مصطفى : اوعى تكون نسيت الضكتوره فيروز والجافله الطبيه
حمزة : بعتلهم دعوه و مصطفى عزم الدكتورة فيروز
الحاج مصطفى : و رجال الأعمال و الصحافه
حمزة : متخافيش كل حاجه تمام.... عن اذنكم اطلع اشوف العمال بره
الحاج محمد : روح يا ولدي وكمان عشان تجهز نفسك..... والف مبروك ربنا يتمملك على الف خير
حمزه بابتسامه : الله يبارك في يا جدو
وخرج
الحاج محمد : اومال فين اسد؟....مش بيساعد حمزة ليه؟
الحاج مصطفى : عشان لسه رافض الجواز.... وكمان خدت بالي ان عينه من الضكتورة فيروز
الحاج محمد بصدمه: وليه عزمتها بدل ما انت عارف كده؟
الحاج مصطفى : فيروز من اللي شفته منها..... يجول انها مستحيل تعرف راجل متجوز مهما حصل
الحاج محمد : فهمت.... عايز تبعدها هي عن اسد؟
الحاج مصطفى : بالظبط
.........................
في غرفة دلال
دلال : ماليش دعوه عايزه اللي عندي فريده يجي يمكيجني زيها..... انا هبجي مرات اسد... انا مش اجل منها
سناء : حاضر
...........................
في غرفة فريدة
دخلت سناء
سناء : ازيك يا بنتي؟
فريده : خير... في حاجة؟
سناء اضيقت من اسلوبها اقدم أصحابها فقالت بخجل : كنت عايزه الاستاذه اللي بتمكيجك تساعد دلال في اوضتها
فريده بسخريه : وهي اصلا تفهم في الميكاب دي اخرها قلم روج
أصحابها قعدوا يضحكوا
سناء بحزن : كتير خيرك يا بنتي
وطلعت وهي حزينه
فريده بعد ما طلعت قالت : عارفين اسد هيتجوز واحده بتحلب الجاموسه
بنت ١ بصدمه : بجد عايزة اشوفها
بنت ٢ بصدمه : معقول واحد زي اسد يتجوز واحده زي كده؟
فريده : جدو غصب عليه
بنت ١ بمكر : وانتي غصب عليكي حمزه؟
فريده بغرور وبكدب : لا طبعا انا كنت معجب بحمزه اكتر من اسد .... لانه هادئ جدا و مش بتاع بنات زي اسد و غير كده بيموت فيا
بنت ٢ بكره : اه طبعا ما انتي الرجال بتموت عليكي
فريده : اه طبعا.... ما انا فريده مصطفى القناوي
.....................................................................
شركة اسد
في مكتبه
دخل فارس وقال بصدمه : معقول انت لسه مروحتش؟
اسد : فارس انا بحب فيروز
فارس : الله يرحمها
اسد : الدكتورة فيروز يا فارس
فارس بصدمه : يا نهار اسود.... انت عارف لو جدك عرف ممكن يعمل ايه؟
اسد بغضب : مش هسمح بحد ياذيها
فارس : اسد انسى الموضوع دا....... انت ناسي ان النهارده كتب كتابك على دلال
اسد بحزن : انا مش عايز ابقى زي ابويا
فارس : يبقى انسى الموضوع ده..... دلال ذنبها ايه يا صاحبي؟..... انت وافقت على كده من الاول يبقى تكمل للآخر
اسد بحزن : عندك حق لازم انسى فيروز
فارس بحزن على صاحبه : يلا بينا على بيتك عشان تجهز قبل الحفلة
اسد قام : انا روح الجيم الأول
فارس : تمام.... وانا هخلص الشغل واجيلك على الفيلا
اسد : تمام
.....................................................................
في النادي
مراد بعصبيه :يعني ايه فرحها انهارده؟
ولد : مش فرحها كتب كتابها على ابن خالها
مراد : اسد؟
ولد : لا.... بيقول حمزه
مراد بغضب : مش هتكون لحد غيري
مي جات عليهم وقالت للولد : لو سمحت سيبنا لوحدنا
قام الولد وقعدت مي
مراد بعصبيه : خير؟
مي : مراد انا حامل
مراد ببرود : من مين؟
مي بصدمه : ايه هو اللي من مين؟...... منك طبعا هو في حد لمسني غيرك
مراد : اثبتي
مي بعصبيه : انت اتجنت؟
مراد ضربها بالقلم: انا مجنون يا بنت *********
مي قامت : صدقيني هتندم على اللي عملته ده
......................................................................
في المساء
في قصر القناوي
الحاج محمد : ازيك يا ولدي؟
د. محمد : الحمد لله..... ايه اخبارك انت؟
الحاج محمد : زين.... دول عيالك؟
د. محمد : اه...مالك الكبير و مازن الصغير و ليلي آخر العنقود بس سابنها في البيت عشان لسه صغيره
الحاج مصطفى : ماشاء الله.... ربنا يخلي.... بس متهيالي شفت ولدك الصغير قبل كده بس فين مش فاكر ؟
د. محمد بتوتر : هو بينزل مصر كتير ممكن تكون شافته لكن مالك على طول في ألمانيا
الحاج مصطفى : يمكن... عن اذنكم نشوف الضيوف
بعد ما مشي الحاج محمد و الحاج مصطفى
د. محمد : هو شافك فين؟
مازن : مع فيروز
د. محمد : محدش يقرب من فيروز مش عايزين نبين ان احنا نعرفها عشانها مفهوم
لمياء بغضب : ازاي متقوليش اني مراتك؟
د. محمد بسخريه : المره جاي إن شاء الله
ليالي بتبص على القصر : هم دول عيله فيروز؟
لمياء : اه
ليالي: هم اغنياء للدرجه دي؟
لمياء بكره : واكتر كمان
مازن بهمس لمالك : القصر شكله هيتهد من عين مرات ابوك وبنتها
مالك بابتسامه : عند حق... ربنا يستر
............................
على ناحيه تانيه من الحفله
عند عائله المهندس علي
فارس : ازيك يا عمي؟
على : الحمد لله يابني
سعد : ازيك يامدام ؟
علياء بابتسامه : الحمد لله يا سعد بيه
فارس : ازيك يا ملك؟
ملك مردتش بتبص على مالك و ليالي
على حط ايده على كتفها : ميستاهلكيش يا حبيبتي
ملاك : فعلا ملك تستاهل واحد احسن منه
فارس : عن اذنك يا عمي اخد ملاك و ملك
على بابتسامه : طبعا.... انتوا شباب مالكم بينا
سعد بهزر : اتكلم عن نفسك انا لسه شباب حتى هاخد ملك ونروح نرقص مع بعض يلا يا ملك
وفعلا اخدها ورحوا يرقصوا سلو مع بعض
فارس : ملاك تعالي نروح نرقص احنا كمان
ملاك : ماليش نفس ولو عايز تروح ترقص روح
فارس بعصبيه : و هرقص مع مين؟
ملاك : انشاء الله ترقص مع نفسك انا مالي؟
فارس : انتي مش خطيبتي
ملاك : لا لسه..... لما ابقى خطيبتك
فارس : ماشي كلها ٤ ايام.... بس اعملي حساب خطوبه و كتب كتاب
ملاك : لا مش موافقة
فارس : هتشوفي هيحصل ولا لا
....................................
عند عائلة الدكتور محمد
ليالي : مين اللي بيرقص مع ملك؟
مالك : معرفش
مازن : هروح انا اسلم عليهم
د. محمد : مش ناقصين كلام خليك مكانك
وفجأه وقفت الاغنيه اللي كانت شغاله واشتغلت اغنيه استقبال العرسان
نزل اول من على السلم
حمزة و فريدة
وهي مشي بغرور بفستانها الاوف وايت
وبعدهم دلال و اسد
ودلال لابسه فستان ابيض
وطلعوا علي المنصه عشان يكتبوا كتب الكتاب
قاسم بتوتر: نكتب اول حمزه و فريده
اسد بحزن : مش هتفرق
الحاج مصطفى للماذون : اكتب يا شيخ لفريده وحمزه
الماذون: اسم العروسة و اسم العريس ووكيل العروس
فريده : وكيلي جدو مصطفى
مشي قاسم بعيد عنهم وراح عند سيرين وقال : فين فيروز؟
سيرين : لا أعلم
قاسم : حاولي تتصلي بيها بسرعه
سيرين : حسنا
قال الماذون بصوت : بارك الله لكم و جمع بينكما في خير
دخل مراد هو سكران وقال بصوت عالي : فريده دي بتاعتي انا
حمزه قام وكان لسه هيروحوا مسكه اسد وقال : اقعد مش وقته
وشاور للحراس بدماغه اني ياخدوه
.................................
عند عائلة الدكتور محمد
ليالي بهمس لأمها : من المز دا؟
وشاورت على اسد
لمياء بهمس : دا اسد ابن عمة فيروز و واكبر رجل اعمال في مصر
ليالي بهمس : مقلتليش ليه قبل كده؟......مش دا احسن من مالك؟
لمياء بهمس :عندهم البنت لولد عمها
ليالي بهمس : بس انكل مصطفى اتجوز من بره
لمياء بهمس : عشان اتجوزها في السر لأنك هو متجواز بنت عمه.... شايفه العروسه اللي كتبوا كتابها
ليالي بهمس : مالها؟
لمياء بهمس : اخت فيروز..... واللي جنبها امها
ليالي بهمس : بصراحه هي حلوه بس فيروز احل و امها أجمل من دي
لمياء بهمس : عشان كده مصطفى حب أم فيروز
د. محمد : بتقول ايه؟
لمياء : بنت وامها في ايه؟
...............................
على المنصه
الحاج مصطفى : مبروك يا حمزة..... مبروك يا فريده
حمزه وفريدة : الله يبارك فيك يا جدو
الحاج مصطفى : يلا يا أسد اجعد و دلال وكيلها اخويا الحاج محمد
وفجأه الصوت عالي
الحاج مصطفى : في ايه؟
الحاج محمد : عربية مين دي؟
ظهرت عربيه ليموزيه طويله جدا وبعدها عربيات كتير نزل منهم بودي جاردات وراحوا عشان يفتحوا الباب لصاحب السيارة
والكل يتسال من صاحب السيارة الفخمه
وفجأه فتح الباب ونزلت فيروز من العربية وعيون الصحافه توجهت عليها لكن البودي جاردات لم تعطيهم فرصه لاخذ حديث صحفي معها
كانت فيروز لبس فستان اسود طويل و ترك شعرها
صوت الناس عالي
مين دي؟
الدكتورة فيروز جميلة اوي
معقول دي الخبيرة الألمانية؟
شكلها صغير اوي على دكتورة
وصلت فيروز واخيرا الي المنصة و طلبت الميكرفون
والكل صمت ومنتظر ماذا ستقول؟
فيروز : السلام عليكم اولا
الكل : وعليكم السلام
فيروز :ثانيا احب اقدم هديه للعروسه فريدة مصطفى محمد القناوي
عائلة القناوي اتصدمت انها عارفه اسم فريده بكامل
وشاورت فيروز الي احد البودي جاردات وجابلها علبة مجوهرات فتحتها فيروز وكان بها طقم الألماس الكل انصدم
فيروز راحت لفريده وقالت : تسمحيلي البسهلك؟
فريده باعجاب من العقد: اه طبعا
ولبست فيروز العقد لفريده والكل مبهور من شكل العقد
فريده بابتسامه : شكرا جدا على الهديه
فيروز بابتسامه : بس الهديه دي مش مني
الكل انصدم مره آخر
فريده بابتسامه : اومال من مين؟
فيروز بابتسامه : من الدكتور مصطفى
الكل بص لمصطفى
د. مصطفى بصدمه : انا ماجبتش حاجه
فيروز بابتسامه : انا مش قصدي مصطفى دا
الحاج مصطفى : اومال مين يا بنتي؟
فيروز بابتسامه : الدكتور مصطفى محمد القناوي....ابويا
الكل بصلها بصدمه
فيروز بابتسامه : انا عارفه ان في ناس كتير متعرفنيش ....او تعرف اني الخبيرة الألمانية فيروز مصطفى بس ميعرفوش اني فيروز مصطفى محمد القناوي بنت البروفيسور مصطفى محمد القناوي
وبص على دلال وقالت في سرها : سامحيني على اللي هعمله دلوقتي
قربت من اسد ومسكت ايديه
اسد انصدم من اللي عملته
فيروز : وانا كمان ابقى مرات اسد قاسم محمد القناوي
الكل انصدم حتى اسد
فيروز في سرها : دي الطريقة الوحيدة عشان اوصل للي قتلوا ابويا و خطفوا اخويا للي متاكده ان هو عايش.....
غمضت عينها وقالت في سرها : فريد انا خبيتك عن الدنيا كلها عشان اوصلك
فتح عينها وقالت في سرها : و هوصلك حتى لو اخر يوم في حياتي
......................................................................
تحياتي كوكي بهجوري
انتهى الفصل ( التصويت لو سمحتوا)
ايه هيكون رد فعل عائلة القناوي؟
فيروز ليه ان اخوها عايش؟
على و د. محمد و علياء و رحاب ايه هيكون رد فعلهم؟
اسد هيعمل ايه بعد ما عرف ان فيروز مراته؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!