في كافيه
ملك : ايوه يا مالك عايز ايه؟
مالك : ملك انا.....
ملك : انت ايه؟
مالك بحزن : انا اتجوزت ليالي غصب عني
ملك بسخريه : لا يا شيخ اخدتك غصب عند الماذون عشان تتجوزها
مالك : لا... مش كده؟
ملك بعصبيه : اومال؟
مالك: انا غلطت
ملك بسخريه : ما اكيد غلطت بجوازك منها
مالك : ملك افهمي انا غلطت مع ليالي
ملك بصدمه : اكيد مش اللي في بالي مش كده؟
مالك نزل راسه
ملك قامت وقالت بعصبيه : خنتيني معاها؟
مالك مردش
ملك بصوت عالي : رد عليا خنتيني معاها؟
الناس بصوا عليهم
مالك : ملك اقعدي فضحتني اقدام الناس
ملك بسخريه : لا يا شيخ دا انا هفضحكم قدام اللي يسوى واللي ما يسواش... وقالت بصوت عالي : شايفين يا جماعه ده خطيبي كان فاضل تلات اسابيع على فرحنا راح خني مع بنت مرات ابوه..... يا ترى استحق اني اكمل معه
بنت بغضب : كل الرجاله تندب في عينهم رصاص
ست قالت : متزعليش عليه يا حبيبتي ده ما يستحقكيش
بنت حبيبها سابها قالت بصوت عالي : واحنا هنفضل ساكتين للرجال لحد امتى؟..... لازم ناخذ موقف
ست : هنعمل ايه؟
بنت بعصبيه : لازم نعملهم الأدب
بنت تاني بصت على مالك وقالت : عند حق.... هجوم
ملك اتفاجئت من اللي حصل كل الستات اللي قاعدين في المحل راحوا يضربوا مالك بالجزم و والشنط
مالك بصوت عالي : الحقيني يا ملك
ملك ضحتك وقالت : تعيش وتاخد غيرها دي اقل حاجة تستحقها
وسابته ومشيت
......................................................................
مستشفى الشفاء
فيروز وقفه على باب العمليات ومعها سيرين و حلا و الدكتور مصطفى
د.مصطفي : ايه اللي حصل؟
حلا : انا كنت بجيب حاجه من بره المستشفى و فجأة في عربيه كان فيها ناس مسلحين ضربوا عليه نار
د. مصطفى : مين دول؟
حلا : معرفش
د. مصطفى : فاكره رقم العربيه
حلا : لا ملحقتش
ممرضه جات عليهم : الشرطة بتسال عليك يا دكتور مصطفى
د.مصطفي : تمام.... حلا لما تطلع الحالة ابعتي حد يبلغني
حلا : تمام يا دكتور مصطفى
مشي مصطفى
سيرين : فيروز هل انتي بخير؟
فيروز مش بترد
سيرين راحت مسكت ايديها وقالت : فيروووز
فيروز بصتلها من غير ما تتكلم
وفجأه اتفتح باب العمليات وطلعت زينه
حلا : ايه الاخبار؟
زينة : للأسف دخل غيبوبه
فيروز طلعت من المستشفى و ركبت تاكسي
سواق التاكسي : على فين يا هانم؟
فيروز : مبنى المخابرات
سواق التاكسي بخوف : مش بروح الأماكن دي انزلي يا ست.... ربنا يهديكم علينا
فيروز نزلت ومشيت على رجلها لحد مبنى المخابرات
رجل الامن: حضرتك عايزه مين؟
فيروز : الرائد فهد خالد
رجل الأمن : ابلغه مين؟
فيروز : الدكتور فيروز مصطفى
رجل الأمن : ثواني
فيروز هزت راسها
ومشي عشان يبلغ
بعد دقيقتين
رجل الأمن : اتفضلي معايا يا دكتورة
ومشيت فيروز وراه الي إن وصلت مكتب فهد
رجل الأمن شاورها على المكتب : اتفضلي
فيروز بابتسامه : شكرا
وطرقت الباب و دخلت لما اذنها بدخول
فيروز بابتسامه : السلام عليكم
فهد مردش عليها
فيروز قعدت : فهد انا محتاجك جنبي
فهد بيص علي الملف اللي قدامه وقال بسخريه : محتاجاني في ايه؟.... عايزه فلوس
فيروز : فهد انت عارف اني مبحبش الطريقة دي
فهد بعصبيه : وانا مش فاضيلك
فيروز بابتسامه قامت : شكرا... اسفه اني عطلتك عن شغلك...وصدقني مش هتشوفني تاني
ولسه هتطلع قال : بس انا هشوفك قريب اوي
فيروز بصتله: ازاي؟
فهد بابتسامه: هتفهمي بعدين
فيروز بابتسامه : مفتكرش هشوفك تاني لاني ساعتها هتبقى بالنسبه ليا مجرد شخص عادي
فهد قام وقرب ليها وقال : قلبك اللي بيدق دا
فيروز بعدم فهم : ماله؟
فهد قال بهمس : مش هيدق تاني... لانك للأسف مش بني ادمه يا فيروز.... انتي شيطانه بتاذي لكل اللي حواليك زي ابوك بالظبط
فيروز بعصبيه : انت بتقول ايه؟
فهد مسك الملف اللي كان بيقرأ فيه ورمى الملف على فيروز
فيروز بعصبيه : انت اتجنيت ازاي تعمل كده؟
فهد مسك درع فيروز وقعد يهز فيها: اه اتجنيت ما انتي وابوكي السبب
فيروز بصدمه : فهد اهدى انا مش فاهمه حاجه
فهد سابها و بابتسم بمكر وقال : افهمك
ومسك ورقه من الملف اللي كان واقع علي الأرض بعد ما رماه على فيروز وقال : اقري ولا مبتعرفيش عربي
فيروز مسكت الورقة وتصدمت من اللي فيها : مستحيل بابا يعمل كده... دا اكيد مش صح يا فهد صدقيني بابا مي.........
قطعها قبل ما تكمل كلامها وقال بعصبيه : لا ابوكي يعمل كده ... دا دكتور كبير اوي في تجارة الاعضاء و قتل ابويا لما كشفه
فيروز بدموع : الكلام ده مش صح يا فهد بابا كان دكتور بيحب مهنته مستحيل يعمل كده
فهد بسخريه : اه طبعا مهنته في تجاره الأعضاء... ابوكي مش عايش عشان انتقم منه....وابتسم وقال: لكن انتي عايشه مش كده
فيروز بخوف : فهد انت بتهزر مش كده؟
فهد ابتسم و هز راسه بالنفي
فيروز بخوف : طب لو كنت اللي بتقولوا صح انا ذنبي ايه؟
فهد : بنته
فيروز بصدمه : انت عارف انا مين؟.....انا فيروز صديقة طفولتك... اللي كنت بتقولها دايما اني اخوكي... انا اللي هحميك من اي حد يفكر ياذيكي حتى بكلمة.. مش دا كلامك؟
فهد : دا لما مكانتش اعرف الحقيقة
فيروز بابتسامه راحت علي مكتبه و مسكت المسدس بتاعه
فهد بصدمه : فيروز انتي اتجنيتي؟
فيروز بابتسامه : اه اتجنيت انتوا خليتوا فيا عقل
فهد : فيروز دا مسدس حقيقي ياريت تعقلي وتسيبيها
فيروز بسخريه :لا يا شيخ كنت مفكره مسدس ميه
فهد : هتعملي ايه؟
فيروز بابتسامه : هقتل نفسي عشان ارتاح منكم كلهم
فهد بصدمه : وتموتي كافره
فيروز بابتسامه : احسن يا شيخ... هاستني الموت ليه؟.... بدل ما كده كده جاي ... انت مش عايز تنتقم مني انا بخلصك من نفسي... عشان تبقى مرتاح
فهد بصدمه : فيروز سيبي المسدس وبطلي جنان....انا اه عايزه انتقم منك لابويا .. بس مش بموتك
فيروز سابت المسدس وقالت بابتسامه : عايز تنتقم ازاي؟
فهد بصدمه : انتي اكيد مجنونة..... طلعي بره
فيروز قربت عليه وضربته على صدره وقالت بعصبيه : انتوا خليته في عقل.... انا مش عارفه الاقيها من فين ولا من فين؟.... وكل ما اقول خلاص هانت..... تطلعلي مصيبه تانيه
وفجأه اغمى عليها
فهد سندها وحطها على الكرسي وقال بهمس ضعيف لا يسمعه احد : سامحيني لازم اعمل كده عشان حياتك في خطر...انا عارف انك مش هتسامحيني على اللي عملته دلوقتي وعلى اللي لسه هعملها بعدين ...بس كل دا عشان مصلحتك وباس راسها وقام
.......................................................................
في فيلا مجهول ٤ ( رئيسهم)
مجهول ٢ : ابراهیم البسيوني دخل غيبوبه
مجهول ٤ : قال لفيروز ايه؟
مجهول ٢ : هعرفكم قريب متقلقوش
احمد : انا رايي نخلص من فيروز هي بقيت خطر علينا
مجهول ٢ : وانا كمان من رأى احمد
مجهول ٤ بعصبيه : محدش هيقرب من فيروز حاليا مفهوم؟
احمد : مفهوم
مجهول ٢ : طب على الاقل نبعتلها رساله تهديد عشان تتلمي شويه
مجهول ٤ : لا انتوا بتقول انها زي ابوها مش كده
هزوا رأسهم
مجهول ٤ : يبقى رسالة التهديد هتقويها اكتر علينا
احمد : طب الحل ايه؟
مجهول ٤ : انتوا مش قلته اللي احنا لينا عيون عليها ومراقبينها ٢٤ ساعه
مجهول ٢ : حصل يا فندم..... هي دلوقتي عند فهد
احمد بقلق : فهد؟.... اكيد بلغت علينا لفهد
مجهول ٤ بابتسامه : هي تعرفنا
احمد : لا... بس تعرف غادة لأنها هي اللي وراتها الفيديو
غادة (مجهول ٢) ضحكت : انا رحتلها متنكره يعني هي لو شافتني علي الحقيقه مش هتعرفني
احمد : بس لازم نعمل حسابنا
مجهول ٤ بعصبيه : فين البيه التاني؟
غاده : هو رافض يشتغل معانا تاني
مجهول ٤ : انا هتصرف معه و فين الأستاذة؟
غادة : خليتها ترقب فيروز عشان نعرف ايه اللي في دماغها... وهي اللي قلتي انها عند فهد
مجهول ٤ بابتسامة :متقلقوش فهد مستحيل يسمعها بعد اللي عرفه
غاده : عرف ايه؟
مجهول ٤ : عرف ان اللي قتل ابوه.... ابوها
احمد بصدمه : انت عملت كده؟
مجهول ٤ بابتسامه : وفي حد يقدر يعمل كده غيري؟
غادة : ههههههههههه كدا هقدر ادخل قصر القناوي وانا مطمنه
احمد بصدمه : انتي مش قلتي اني قاسم هيشتريلك فيلا... ايه اللي هيخليك تدخلي قصر القناوي؟
غادة ابتسمت و بصت على مجهول ٤
مجهول ٤ : انا اللي طلبت منها كده
احمد : بس كده بنحط البنزين جنب النار
غادة بسخريه : شكلك مستخف بيا
احمد : مش كده وهو............
قطع كلام أحمد وقال مجهول ٤: فيروز لازم كلنا نظهرها بشخصياتنا الحقيقيه.. ونحسسها ان احنا معاها..... فاللي عايزه وبعد كده نبينلها انها حادثه طبيعيه جدا ومفيهاش حاجة
احمد : فيروز مش زي ابوها... فيروز أخطر... ومش هتصدج الكلام دا
مجهول ٤ : دا بقى مهمتي انا
احمد بصدمه : انت هتخلي فيروز تشوفك؟
مجهول ٤ ضحك وقال : هي شافتني اساسا
غادة بصدمه : ازاي؟
مجهول ٤ : انا شوفتها تلات مرات لكن هي شافتني مره واحده
احمد : فين؟
مجهول ٤ : مش مهم المهم ان فيروز تكون متراقبه ٢٤ ساعه واي حاجه تعملها تكون عندي
غادة : تمام
.....................................................................
فيلا الدكتور محمد
في الصاله
مازن بعصبيه : يلا يا ليلي هتتاخر على فيروز
ليلي : حاضر
دخل مالك من على الباب و هو شكله يموت من الضحك
مازن و ليلي و لمياء و د. محمد ضحكوا
مازن بابتسامه : ايه اللي حصلك؟
وضحك
مالك بعصبيه : مش ناقصك... منك لله يا فيروز كله بسبب نصحتك
مازن ب استغراب : مالها فيروز؟
مالك بكذب : لا مالهش
مازن : لا يا شيخ انا لسه سمعك قلت فيروز
ليلي : وانا كمان
د. محمد : فهمني حصل ايه ؟
مالك : ابدا مفيش حاجه
مازن بابتسامه : شكلك كده بيوحي انك اتخنقت مع ستات مش ست
مالك بعصبيه : مش عايز اسمع كلمه ستات تاني... انا كرهت الستات كلهم
مازن بسخريه : هم افتكروك متحرش ولا ايه؟..اصلك قميصك كله روج
مالك بحزن : لا انا اتعضيت
الكل ضحك
مازن : ههههههههههه تعيش وتأخد غيرها
مالك بعصبيه : مازن ابعدي عني الساعة دي
مازن بابتسامه : هو انا اللي عضيتك... دا الستات
مالك بعصبيه : قلت مش عايز اسمع كلمة ستات... الكلمة دي بتعصبني
مازن بابتسامه : ستات.... ستات.... ستات.. ستات
وجرى بعدي قليلا لما شاف وش مالك
د. محمد : والستات وضربتك ليه؟
مالك بكذب : ابدا كان في واحد سرق شنطة من ست وهرب وافتكروه انا
مازن بابتسامه : انا قلت من الاول شكلك ايه يوحي لا حرامي لا متحرش
مالك جري واره وقال بعصبيه : انا هوريك المتحرش هيعمل ايه؟
مازن بسخريه وقف ورا ابوه وقال : انت معندكش اخوات ولاد.... ولا ايه؟..... كله الا الشرف سمع كله الا الشرف احنا مش حيلتنا غير شرفنا مش كده يا بابا
د. محمد بضحك : كده يهبل
مازن بصدمه : انا هبل.... ماشي يا بابا هروح انا اقابل هبلتي.... ومش هخليها تسافر المانيا عشان بتقول عليا اهبل
د. محمد بعصبيه : عرف لو قلتها كده... انا بنفسي الا هرميك في بيت الدعاره... فاهم
مازن بخوف مصطنع : فاهم
دخلت ليالي وقالت : في ايه؟
لمياء بسخريه :مفيش جوزك بس ضربوا الستات
ليالي بصدمه : ايه... مالك انت كويس؟
مالك : اه
مازن : يلا يا ليلي
ليالي : رايحين فين؟
مازن: هنروح لفيروز في المستشفى وبعدها هنطلع بره
ليالي بمكر : مفيش داعي لكده
مازن ب استغراب : ليه فيروز هتاجي هنا؟
ليالي : لا... مش كده
مازن : اومال ايه؟
ليالي : ليلي ممكن تطلعي فوق؟
ليلي بحزن : انا مش صغيره انا عندي ٥ سنين وبعدين انا هروح اشوف ماما فيروز عشان وحشتيني اوي
د. محمد : طبعا يا حبيبتي انتي مش صغيره.. وبعدين انتي هتشوفي ماما فيروز.. بس انتي شاطره مش كده
ليلي هزت راسها وقالت : انا شاطره
د. محمد : والشاطر دا مش بيسمع كلام اللي اكبر منه
ليلي : ايوه
د. محمد : تمام اسمعي كلام ليالي وطلعي فوق وبعدها انا هنادي عليكي عشان تروحي لفيروز
ليلي : وعد
د. محمد بابتسامه : وعد
طلعت ليلي
د. محمد : في ايه يا ليالي.. مش عايزهم يروح ليه لفيروز؟
ليالي بمكر : مش قصدي يا انكل.... بس هم مينفعش يروح المستشفى
مالك : ليه؟
ليالي بمكر : عشان حصل حادثه؟
لمياء : حادثة ايه؟
ليالي : في واحد اضرب بالرصاص قدام المستشفى
مازن بصدمه : امتى دا حصل؟
ليالي : من ساعات
لمياء بقلق : وانتي كويسه يا حبيبتي؟
ليالي : انا كويسة
مالك بقلق : وفيروز كويسة؟
ليالي بمكر : كويسة بس
د. محمد بخوف : بس ايه؟
ليالي بمكر : بيقول الرجل اللي اتضرب بالرصاص كان معها وقت الحادثة... و طلبناها في الشرطه
مازن بصدمه : ازاي دا حصل؟
ليالي بمكر : معرفش ممكن يكونوا اللي قتلوا ابوها
مازن بصدمه : هو أبو فيروز مات مقتول
د. محمد بص لمالك بغضب وقال : مازن احنا خبيني عشان خاطر فيروز ولو عرفت هتقعد تدور في الموضوع وممكن تخسر حياتي
مازن بسخريه : وياريت مخبيين ايه تاني عليا؟
د.محمد : مفيش حاجة تاني
مازن لليالي: فين فيروز؟
ليالي بمكر : معرفش اكيد روحت على بيت جوزها
د. محمد بصدمه : جوزها هي فيروز قعد في قصر القناوي؟
ليالي بابتسامه : ايوه... اومال هتعقد فين؟
مالك بعصبيه : انا هطلع اغير هدومي يامازن وهروح معاك قصر القناوي عشان نجيب فيروز
مازن : تمام
د. محمد : وانا هروح معكم
ليالي : وانا وماما هنروح معاكم عشان قلقانين على فيروز
مازن بسخريه : اه طبعا انتي هتقوليلي
مالك : وليلى هنسيبها لوحدها؟
د. محمد : لا هناخدها معانا عشان تقنع فيروز
مازن :تمام... اطلع يا مالك غير هدومك بسرعة عشان نروح
مالك : تمام
ليالي : وانا كمان هطلع اغير هدومي مش معقول هروح بالهدوم اللي روحت بيها المستشفى
......................................................................
في عربية اسد قدام قصر القناوي
اسد لفارس : عرفت هتقولهم ايه؟
فارس بابتسامه : اه طبعا
اسد بعصبيه : عرف لو غلط في الكلام هعمل فيك ايه؟
فارس بخوف : عارف
اسد : يلا انزل و افتحي الباب
فارس : ليه هو انا السواق بتاعك؟
اسد بعصبيه : يا حيوان... انا مش المفروض عامل حادثة ازاي هنزل لوحدي
فارس : اه صح
ونزل و فتح الباب لاسد
فارس : يلا انزل فتحتلك الباب
اسد : انا عايز اعرف انت طلع غبي لمين؟
فارس : هو انا غبي
اسد بسخريه : هو انت مش حاسس بنفسك ولا ايه؟
فارس بمكر : طب طالما انا غبي... يبقى انزل لوحدك وروحهم وقول انك عملت حادثة و هتقعد معهم في القصر
اسد بسخريه : لا يا شيخ...وهم هيصدقوني مش كده ؟
فارس بابتسامة : مهما عملت هيتفهم انك جاي عشان فيروز....يبقي ليه نعمل كل من الاخر؟
اسد : انا مش عايز احسس حد اني بحب فيروز؟
فارس بسخريه : يا بني البلد كلها عارفة انك بتحب فيروز حتى دلال نفسها
اسد : هو انا مكشوف قدامكم لدرجة دي؟
فارس : واكتر كمان
اسد : بص حتى لو كده انا عايز ابين لفيروز اني تعبان عشان تهتمي بيا
فارس بسخريه: بصراحه البنت.... انت ولا في دمغها
اسد : انا مش عارف دي طلع برده لمين؟
فارس بسخريه : لابن عمتها
اسد بعدم تركيز : عندك حق..... بعد انا ركز قال : اه يا ابن **********
فارس بابتسامه : الشتيمه بتلف تلف وترجع لصاحبها
اسد قال بمكر : هتساعدني ولا...... اقول لملاك على موضوع الفيديو اللي بينك وبين ملك
فارس : انت استغلالي وابن....
اسد : ايه؟
فارس بابتسامه : و ابن حبيبي قاسم باشا
اسد : ايوه كده
فارس ساعد اسد في النزول لأن رجله..... كده كده
اول ما دخل القصر على الصاله
الداده جمالات بصوت عالي : ايه اللي حصل؟
فارس بصوت عالي من الداده قال: اسد بس عمل حادثه صغيرة
الكل سمع صوت فارس اصل كان ولا الميكروفون
صفيه بخوف : حصل ايه يابني؟
اسد بتعب مصطنع : الله يسلمك يا أمي... دي حادثة بسيط
الحاج مصطفى بقلق : بسيط ازاي ورجلك دي؟
فارس : لا دا شوية جبس
الحاج مصطفى : ازاي يعني؟
اسد بعصبيه : قصده مجرد كسر
الحاج مصطفى بشك : اه
صفيه : تعال يا حبيبي اطلع ارتاح في اوضتك
اسد : طب......
الحاجة فاطمة بمكر : لا هو رجله متجبس هيطلع كيف..... خليه في الاوضة اللي تحت
الحاج محمد : صوح
فارس ضحك وقال بهمس لاسد : شوفت ربنا عمل فيك ايه؟....عشان تاجي عليا تاني
اسد بهمس : بس لما نكون لوحدنا شوف عمل فيك ايه؟
......................................................................
عند فيروز
صحت لقيت انها في مكتب فهد ورعد جنبها
فيروز : حصل ايه؟
رعد : واحد اسمه فهد كلمني وقالي اجي اخذك من تليفونك؟
وادلها تليفونها
فيروز قامت وقالت بصدمه : التليفون مقفول
رعد : ايوه فصل شحن
فيروز : هي الساعة كام؟
رعد: ٦ ونص
فيروز بصدمه: لازم اكلم مازن اكيد اقلق عليا لما راح المستشفى
رعد : يلا عشان اروحك وبعدها تكلميه في التليفون لأن العشاء الساعة ٨ في قصر القناوي
فيروز : عندك حق يلا بينا
وقامت وركبت العربية
ومش مركز مع رعد ولا انه بيسوق بسرعة دمغها مع كلام فهد
بعد فتره
رعد : وصلنا
فيروز بقلق : احنا فين؟
وشافت الدنيا ضلمه
رعد شاور على رجل وقل:الباشا عايزك
فيروز بقلق : رعد انت معهم.؟
رعد : ايوه.... انزلي
فيروز نزلت لأنها لازم تعرف مين رئيسهم وليه قتل ابوها وفين اخوها وهو عايز منها ايه؟
فيروز تصنعت القوه وذهبت الي الرجل اللي كان مديها ظهره وقالت : ايوه عايزني في ايه؟
............./ ايه اخبارك يا فيروز بعد اللي حصل؟
فيروز في سرها : الصوت ده مش غريب عليا
لف ليها وقال : معقول مش عارف صوتي
فيروز بصدمه : انت رئيس العصابه انت يا😲
.....................................................................
تحياتي كوكي بهجوري
انتهى الفصل ( التصويت لو سمحتوا)
ياريت مين اللي قابلته فيروز؟ وهل هو فعلا رئيس العصابه؟
ليه فهد عمل كده في فيروز؟ وليه كل خوفه عليها؟
زين ايه هيكون رد فعله لما يعرف اللي حصل لابوه وانه ده بسبب فيروز؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!