فيلا الدكتور محمد
في غرفة الطعام
مالك : مازن امتى هتشوف فيروز؟
الكل ركز في الكلام
مازن : كلمتني وقالت عايزه تشوفني انا و ليلي بعد العصر
د. محمد : اوعى تنسى اللي قالتك عليه
مازن : مش ناسي
مالك بحزن : مش عايزة تشوفني مش كده
مازن : فيروز قلبها ابيض وبنسي بسرعة...سابها شويه وقت بس... وهي بنفسها هتكلمك
مالك قام : ماشي يا مازن... قولها اني بسلم عليها
مازن بحزن : حاضر
ليالي : مالك عايزك في حاجة
مالك : مش فاضي ورايا حاجة مهمه
ليالي بعصبيه :وانا كمان ورايا شغل مهم بس اللي هقول اهم
مالك : عايزة ايه؟
ليالي : هطلع استناك في اوضتنا
وطلعت قبله
د. محمد : مالك دي اخر مره تتكلم مع مراتك بطريقة دي قدامنا فاهم
مالك : فاهم
وطلع
......................
في غرفة مالك
مالك : نعم يا ليالي عايزني في ايه؟
ليالي : مالك انا عايزه اطلق
مالك بصدمه : انتي بتتكلمي بجد؟
ليالي : اه
مالك : ليه؟
ليالي : احنا غلطتنا قبل الجواز مع بعض....عشان كده انا وانت اتجوزنا بسرعه
مالك : وبعدين؟
ليالي : انا مش بحبك يا مالك... وعايزه نطلق
مالك : بصي يا ليالي انا وانتي غلطتنا اه... وصلحنا الغلط اه..... لكن نصلح الغلط بغلط لا
ليالي : ايه الغلط في اللي بقوله؟
مالك : كل اللي بتقوليه غلط.... انا اتجوزتك عشان غلطت معاكي...وكمان عشان كلام الناس....نروح نطلق عشان يقول اتطلق بعد اسبوع... اكيد عرف عنها حاجه... اللي مرضاش بيها علي اختي مرضاش به على بنات الناس... اقفلي الموضوع ده
ليالي بمكر : ما انتوا كمان عايزين فيروز تتطلق
مالك : فيروز غيرك
ليالي : ايه الفرق؟
مالك بعصبيه : فيروز ابوها اتقتل وهي حياتها في خطر عشان كده لازم ترجع ألمانيا
ليالي بصدمه : انت بتقول ايه؟
مالك : الحقيقة.... ياريت محدش يعرف بالكلام دا حتى امك
ليالي : تمام
......................................................................
شركة اسد
في مكتب اسد
فارس : ممكن تفهميني مالك؟
اسد ضرب على المكتب وقال بغضب : فيروز بتلعب معايا
فارس :مش فاهم؟
اسد : عارف قالتي ايه؟
فارس : ايه؟
اسد : انها هي فيروز حبيبتي
فارس بصدمه : ازاي؟... انت مش قلت انها ماتت
اسد : هي اضرب عليها رصاص قدامي ...لما سالت عليها في المستشفى قالولي ماتت... لكن انا ما شفتهاش
فارس : انت ما قلتليش كده
اسد بحزن : مكانتش عايزه اتكلم في الموضوع لانه بيضايقني
فارس : ممكن تكون بتقول الصح
اسد : انا لازم اتأكد بنفسي
فارس : ازاي؟
اسد ابتسم وقال بمكر : بيك
فارس : شكلك ناوي على مصيبه
اسد : انت تعرف عني كده
فارس : انت ابوه كده
اسد : انا مش اخدتك معايا تفطر؟
فارس هز راسه
اسد بابتسامة : يبقى تنفذ اللي هقولك عليه
فارس: ربنا يستر
......................................................................
قصر القناوي
في جناح اسد
فيروز طلعت من الحمام بعد ما اخدت دوش ولكنت لبس فوطة
رحاب : فيروز انتي بتعملي ايه هنا؟
فيروز اتخضت وقالت: في ايه؟
رحاب : عايز اتكلم معاكي
فيروز : لازم دلوقتي؟
رحاب : اه
فيروز : دقيقتين هغير هدومي
رحاب : تمام انا هستناك هنا
فيروز دخلت اوضه اللبس لبست فستان ابيض وطلعت
فيروز قعدت في الكرسي مقابل رحاب
فيروز : اتفضلي سمعكي
رحاب : ممكن تفهميني اللي حصل امبارح دا ايه؟
فيروز : انا ورايا حاجات كتيره انهاردة ومش فاضيه فهتكلم فاللي عايزه تسمعيه... عمو قاسم مش هو اللي قتل جوزك
رحاب بصدمه : اومال مين؟
فيروز : معرفش
رحاب بدموع : انا عايشه عشان انتقام لجوزي من قاسم... وفجأه تقولي أن مش هو
فيروز مسحت دموعها وقالت : انتي عارف انا بنت مين؟
رحاب باستغراب: مصطفى
فيروز : مصطفى القناوي... ومش هسيب اللي عمل كده الا لما يتعاقب صدقيني
رحاب مسكت ايد فيروز وقالت : مصدقك.... انتي شبه امك لكن بنت ابوكي
فيروز ابتسمت وقالت : بس محتاجاكي تساعديني في حاجه
رحاب : خير
فيروز حكيتها على موضوع الست والفيديو
رحاب بصدمه : مين دي؟
فيروز : معرفش
رحاب : انا اه كنت عايزة انتقام من قاسم بس مش بموته بأنه يتحاسب على اللي عمله لما كنت مفكره هو اللي قتل
فيروز بابتسامه : عارفه... بصي انا رسمت الست دي عايزكي تقولي تعرفيها أو لا؟
رحاب بصدمه : انتي بترسمي زي امك
فيروز : اه ...وراحت فتحت شنطتها و جابت كراسة الرسم وفتحتها وقعدت مكانها تاني
فيروز : شوفي كده تعرفيها ولا لا؟
رحاب : لا....بس وشها مش غريب عليا
فيروز بيحبط : تمام لو افتكرتي قولي تمام
رحاب : تمام... اسيبك انا عشان شكلك طالعه
فيروز ابتسمت ليها
خرج رحاب
فيروز في سرها : ممكن تكون الست غيرت في شكلها شويه عشان معرفهاش لو شفتها تاني... بس صوتها كان قريب من رحاب لكن ملامحهم مختلف يعني مش رحاب.... حتى لما كلمتها على الفيديو مكانش في رد فعل يبقى مش هي
قامت وجهزت نفسها عشان تطلع ونزلت على السلم شافت الحاج محمد و الحاج مصطفى بيشربوا قهوه في الصاله
فيروز بابتسامه : عايزين حاجه من بره؟
الحاج مصطفى : تعالي عايزك في كلمتين
فيروز قعدت وقالت :عيوني
الحاج مصطفى : بصي يا بنت مصطفى انا اهم حاجه عندي عيلتي... لو فكرتي تاذي حد فيهم صدقيني انا بنفسي اللي هجف ليكي
فيروز ابتسمت ومردتش
الحاج مصطفى رقب منها وقال : وجهزي نفسك عشان هتمشي من البيت قريب
فيروز بابتسامه : هنشوف... وقامت وقالت :عارف كلها شهرين بس... سمع شهرين بس وانت بنفسك اللي هتطلب مني اقعد يا حاج مصطفى
ومشيت وقالت في سرها : لازم اتصرف في أسرع وقت
قبل ما تركب العربية مع رعد شافت عمها قاسم شكله مستعجل
فيروز راحت عليه وقالت بصوت عالي : عمو قاسم
قاسم : في ايه يا فيروز؟
فيروز بابتسامه : شايفك مستعجل رايح فين؟
قاسم بص حوليه وقال بصوت يكاد مسموع : انا و غادة هنروح نشوف الفيلا اللي جبتيها
فيروز : بس انا لسه مدفعتش فلوسها
قاسم : عارف بس هي قالت هتشوفها وبعدها هتقرر إذا كانت موافق عليها ولا لا
فيروز بسخريه : كمان هتتشرط
قاسم : هي خايفه اللي عملته قبل كده يحصل تاني
فيروز : اللي هو؟
قاسم : انا اتجوزتها عرفي قبل كده وطلقتها لما ابويا عرف وهي كانت حامل مني وقتها وسقطت لما ابويا بعتلها ستات تضربها
فيروز بصدمه : ازاي يعمل كده؟
قاسم : انتي من عيلة القناوي... مهما حصل ابويا مستحيل ياذيكي
فيروز افتكرت كلام الحاج مصطفى وقالت : مفتكرش..... اسيبك انا
قاسم بابتسامه : خلي بالك من نفسك ولا محتاجه جاحة كلميني
فيروز بابتسامه : تمام... سلام
وتحرك قاسم
فيروز : رعد امشي ورا عمو قاسم و جيبلي كل حاجه عن الست اللي هيقابلها
رعد :وانتي؟
فيروز : انا هتصرف.... يلا بسرعة عشان تلحقه
رعد هز راسه وقال : تمام
وتحرك
حلا طلعت من البيت
حلا : الدكتورة فيروز محتاجه حاجه؟
فيروز : اولا انا يعتبر بنت عمك يعني طول ما احنا في البيت قولي فيروز من غير ألقاب تمام
حلا بابتسامه : تمام
فيروز بابتسامه : ثانيا بقى رايحه فين؟
حلا : على المستشفى عشان ليا فتره مروحتش
فيروز : اشطا هروح معاكي
حلا : تمام تعالى اركبي معايا العربية
فيروز : تمام
....................................................................
مستشفى الشفاء
في مكتب الدكتور مصطفى
طرق الباب ودخلت زينة
زينة : السلام عليكم يا دكتور
د. مصطفى بصدمه : وعليكم السلام ورحمة الله وبركاته.... كنتي فين؟
زينة : كنت محتاجه اجازه شوية ارتاح وجمع افكري... لاني عارفه اني غلطت مع حلا و بقيت اتصرف بطريقة وحشه مع كل الناس
د.مصطفي قام وراح عندها ومسك ايديها وقال بابتسامه : تتجوزيني يا زينة؟
زينة بصدمه : انت بتقول ايه؟
د. مصطفى بابتسامه : من ساعات ما اخدتي اجازه وانا حاسس ان في حاجه ناقص في حياتي وعرفت ان الحاجه دي انتي يا زينة..... تقابلي تكوني جزء من حياتي؟
زينة بفرح : انت بتكلم جد؟
د. مصطفى : لو وافقتي هكلام بابا انهاردة
زينة بابتسامه : طبعا موافقة
د. مصطفى :يبقي جهزي كل حاجه لان انا عايز اتجوز على طول
زينة هزت راسها
دخلت فيروز مره واحده من غير ما تخبط وقالت : الله الله ايه اللي بيحصل هنا دا ؟
د.مصطفي ساب ايد زينة وقال بعصبيه : الله يخرب بيتك هتفضحينا....ايه اللي دخلك مره واحده كده... مش فيه باب
فيروز : عايزك في موضوع مهمه
زينة بتوتر: اطلع انا
فيروز قعدت وقالت : مش هتمشي اللي لما اعرف ايه اللي كان بيحصل هنا... اتفضلوا اتكلموا
د. مصطفى بعصبيه : وانتي تعرفي بمناسبة ايه؟
فيروز بابتسامه : الله مش بنت عمك يا صاصا
زينة بصدمه : بنت عمك؟
فيروز : اه بنت عمه لزم
د.مصطفي : اطلعي يا زينة هنتكلم بعدين
طلعت زينة
د. مصطفى قعد : خير عايزه ايه؟
فيروز بخبث : قولي الأول انت بتحب.... وغمزتله واكملت ......البنت دي؟
د. مصطفى : ايوه و ماسمهاش بنت اسمها الدكتورة زينة
فيروز بمكر : بس العيله مش هتوافق.
د. مصطفى بحزن : عارف... بس انا بحب زينة ومش هتجوز حلا
فيروز بابتسامه : بدل ما صراحتني بالحقيقه انا هتصرف وهخليك تتجوز زينة وبموافقت كل العيلة ايه رايك؟
د. مصطفى بصدمه : ازاي؟
فيروز : دا بطريقتي المهم محدش يعرف بالعلاقه دي الا ما اقولك اشطا يا ابن عمي
د.مصطفي بابتسامة : اشطا يا بنت عمي
فيروز : اروح انا اشوف ورايا ايه؟
د. مصطفى ب استغراب : مش كنتي عايزيني في حاجة؟
فيروز : لما يجي وقتها بقى اقولك... سلام
د.مصطفي ب استغراب : سلام
طلعت فيروز وعلى وجها الابتسامة وقالت في سرها :كده عمو قاسم و حلا و الحاجة فاطمة و عمتو صفيه و مرات عمي سميحه و مصطفى ابن عمي معايا....فاضل شويه وكل القصر يبقى معايا مهمتك كبيرة بس انتي قدها
وراحت علي مكتبها وشافت سيرين
سيرين قامت وقالت بصدمه : فيرووووز
فيروز قعدت: ايوه انا ومش جايه في شغل تمام
سيرين قعدت سكت مستني كلام فيروز
فيروز : اومال ياغيز فين؟
سيرين : كان بالامس هناك حالة صعبه في قسم الاسعافات تحتاج إلى دكتور نسا ولكنه كان في غرفة العمليات فياغيز تولى الامر
فيروز : حالة ولاده
سيرين : لا لقد سمعت انها كانت تريد انزل الطفل و لأنها غير متزوجة
فيروز بصدمه : ياغيز نزل الطفل؟
سيرين : لا.. بل هي ذهبت إلى طبيب اخر في الخارج فقطع لها الشريان...لان هذة العمليات ممنوع هنا
فيروز بصدمه : والبنت أخبارها ايه؟
سيرين : بخير
فيروز : والبيبي
سيرين : بخير
فيروز : حد معها؟
سيرين: لا... لقد كانت وحيده والناس من اتت بها
فيروز : تمام انا هروحها.... وهاجي اتكلم معاكي عشان مخنوقه و محتاجه حد اتكلم معه
سيرين : حسنا... وانا سوف اذهب للاطمئنان على بعض الحالات
فيروز قامت وقالت : تمام
راحت فيروز وطرقت الباب ودخلت وقالت بصدمه : مي
مي بصدمه : الدكتورة فيروز
فيروز : انتي كويسه؟
مي بحزن : لا
فيروز بالالمانيه : الدكتور ياغيز لو سمحت اتركني معها قليلا
ياغيز قام : حسنا... وقال بصوت ضعيف لفيروز :هي حاولت الانتحار بعد ان فاقت لا تتركيها بمفردها
فيروز : حسنا... انا سوف اتولى الامر شكرا لك
خرج ياغيز
فيروز قعدت : ممكن تفهميني اللي حصل عشان تعملي كده؟
مي نزلت راسها في الأرض وقالت بحزن: من ساعة ما ماما ماتت ومحدش مهتم بيا حتى بابا كل اللي همه الشغل وبس وانا مش مهم.....كنت في الكلية في سنه اولى قابلت مراد وضحك عليا واهمني بالحب و حبيته ووعدني بالجواز
وقعدت تبكي
فيروز بعصبيه: وطبعا صدقتيه وزي الحماره سلمتيله نفسك مش كده؟
مي ببكاء : كان غصب عني
فيروز بسخريه : شربك حاجة صفراء؟
مي بدموع : لا
فيروز بعصبيه : وربنا ما جاش في بالك وانتي بتعملي كده...وان اللي بتعمليه خيانه في حقك وفي حق ابوكي و في حق ربنا
مي بدموع : احنا كنا متجوزين عرفي
فيروز : كان في شهود على الجواز ؟
مي : لا
فيروز بسخريه : يعني زنا مكتوب... دا مش جواز يا أستاذة فين الشهود؟..... فين اشهار الجواز ياهانم ؟
مي بصدمه : يعني ايه؟
فيروز : يعني انتي مش مراته عشان يحصل بيكم حاجة واللي حصل زنا
مي عدلت نفسها وقالت : ابويا لو عرف هيقتلني لازم اموت نفسي
فيروز ببرود : و تموتي كافره
مي : ربنا لما يعرف هيسامحني
فيروز : علي ايه ولا ايه.... على انك شربتي خمار ولا زناتي ولا حاولتي تقتلي نفس كل ذنبها انك غلطتك ولا انتحارك؟
مي بدموع : قوليلي اعمل ايه وانا هعمل؟
فيروز بعصبيه : نغلط وبعدها نسأل... مش نسال قبل ما نعمل الغلط
مي بدموع : انا معنديش حد يساعدني غيرك
فيروز قامت : هتكلمي ابوكي وتقوليله انك مسافر مع اصحابك اسبوع وهتيجي تقعدي عندي لحد ما نشوف حل
مي : مينفعش اجي عندك
فيروز : ليه؟
مي : لان فريده اختك صحابتي ممكن تقول لبابا أو للبنات
فيروز : لا انا ليا بيت غيره هتروحي تقعدي فيه
مي بابتسامه : تمام شكرا اوي يا فيروز
فيروز : جهزي نفسك لانك هتمشي بعد شويه.... لان قعدتك هنا غلط ممكن حد يعرف
مي : تمام
فيروز : ساعة بكتير والداده فاطمة والسواق هاجي ياخدوكي للفيلا
مي : تمام
فيروز : ياريت الفتره دي ترجعي فيها لربنا وتطلبي ان هو يساعدك
مي بحزن : فعلا عندك حق انا غلط كتير..... تفتكري ربنا هيسامحني
فيروز بابتسامه : اعوذ بالله من الشيطان {قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}
مي بدموع : ونعم بالله... فيروز اوعى تسبيني ابدا
فيروز بابتسامه : متخافيش
مي بدموع : فيروز انا مدمن مخدرات
فيروز بصدمه : ايه؟
مي بدموع : مراد خلاني مدمنه غصب عني والله انا مش بكدب.... وما بقتش عارفه ابطلها
فيروز حضنت مي : والله العظيم لاخدك حقك وباست راسها وقالت بابتسامه : انتي من انهارده اختي و محدش هيعرف اللي حصل مفهوم
مي بابتسامه : مفهوم... بس الدكتور اللي كان هنا عارف
فيروز : ياغيز انا هتكلم معه وبعدين هو مستحيل يطلع اسرار المرضى بره
مي : بجد
فيروز بابتسامه : بجد... المهمه انتي من انهاردة مسؤوله مني انتي والبيبي
مي : مش عارف اشكرك ازاي... فريده بجد محظوظ ان عندها اخت زيك
فيروز بابتسامه حزينة : تشكريني لما تنسي موضوع الانتحار ده وتحافظي على البيبي اللي في بطنك وترجعي لربنا وما تعمليش كده تاني
مي بحزن: صدقيني انا بجد ندمانة مش هعمل كده تاني
فيروز : هتروحي مع الداده وانا هجيبلك دكتور يعالجك من الادمان في البيت عشان محدش يعرف
مي : تمام
فيروز بابتسامه : عايز حاجة؟
مي بابتسامه : عايزه سلامتك
فيروز : همشي عشان ورايا شغل وبكره هشوفك في البيت
مي : ربنا معاكي
طلعت فيروز وقالت في سرها : يا رب ساعدني عديها لبر الأمان
.....................................................................
في النادي
بنت ١ : مش دا حمزه يا فريده؟
بنت ٢ : اه هو.... مين البنت اللي وقف معه؟
فريده : ممكن تكون واحده بتسالوا على حاجة؟
بنت ٢ بمكر : دي بتدلع عليه شايفه لابسه ايه؟
بنت ١ بمكر: انا لو مكان كنت رحت وقفتها عند حدها دا مهما كان خطيبك ومكتوب كتب كتابكم
فريده بغرور من غير ما تبص : يا بنتي حمزه بيحبني مستحيل يبص البنت غيري
بنت ١ بمكر : بس انا شايفه غير كده
بنت ٢ : اوبا ايه اللي شايفه ده؟
نظرت فريده و صدمت مما شافت البنت بتبوس حمزه من خده
بنت ١: انا لو منك اروح اجبها من شعرها
قامت فريده وراحت عند حمزه
بنت١ : تستاهل انا مش عارفه شايفه نفسها علينا علي ايه ؟
بنت ٢ : عندك حق
...............................
عند حمزة
حمزه لبنت بعصبيه : انتي اتجنتي ازاي تعملي كده؟
بنت : حمزه انا معجب بيك وانت مش حاسس بيا فريده متستاهلكش صدقني
فريده بعصبيه : وايه كمان؟
حمزه : اهدي يا فريده بلاش مشاكل في النادي الناس بتفرج علينا
فريده بعصبيه : دلوقتي اللي عرفت ان الناس بتفرج علينا
حمزه مسك فريدة من ايديها وشدها وراه و رماها في العربيه وركب ومشي
حمزه : ايه الفضايح اللي عملتيها دي ياهانم اقول ايه ما انتي متعوده على الفضايح
فريده بعصبيه : لا يا بابا حضرتك اللي غلطان...... حضرتك اللي رايح تبوس في واحدة فين اقدم الناس
حمزه بصدمه : انتي غيران؟
فريده : لا طبعا اغير عليك على ايه؟...... انا يهمني الشكل بتاعي اقدم الناس
حمزه بسخريه : وانا بقول برضه اصل الأستاذة فريده حصلها ايه مش معقول حبتيني
فريده بسخريه : انا قلتك قبل كده انت لو اخر رجل في الدنيا احبه
حمزه حزن
....................................................................
مستشفى الشفاء
مكتب ياغيز
طرق الباب ودخلت فيروز
فيروز : ممكن ادخل؟
ياغيز بابتسامه حزينه : انتي بالفعل في الداخل
فيروز بابتسامه : ياغيز اريد التحدث معك
ياغيز : اجلسي
فيروز قعدت : انت لديك معرفه عما حدث مع مي؟
ياغيز : نعم
فيروز : ياغيز هنا غير ألمانيا..... هناك من طبيعي إن يحدث هذا.... لأنك هنا يوجد عادات وتقاليد
قطعها ياغيز : فيروز انا مسلم اعرف هذا
فيروز : لا اريد حد يعلم ما حدث مع مي
ياغيز : انا طبيب وهذا من واجبي
فيروز بابتسامه : اعلم.... ولكن ارادت تأكيد الأمر
ياغيز : فيروز هل من الممكن أن أسألك سؤال؟
فيروز : نعم
ياغيز : هل تحبي زوجك؟
فيروز : لا أعلم ياغيز....ولكن انا لن اقوم بخيانة زوجي حتى وان كانت بمشاعر
ياغيز ابتسم وقال : زوجك محظوظ للغاية لانك ملكه.... اتمنى لكم السعاده
قامت فيروز وقالت : بل انا المحظوظة لأنني لدي زميل عمل مثلك
ياغيز قام : اذا احتجتي شيء فانا موجود
فيروز : شكرا لك
وخرجت فيروز
.....................................................................
بيت المهندس علي
في الصاله
نزلت ملك من على السلم
ملك : انا هطلع اغير جو في النادي
على : روحي يا حبيبتي
طلعت ملك
علياء : يا على كنت خليت ملاك تطلع معها احسن تعمل حاجه في نفسها
على : متخافيش لازم تطلع تغير جو لوحدها عشان متعملش كده تاني
...........................
عند ملك
طلعت ولسه هتركب عربيتها شافت مالك
مالك : ملك انتي كويسه؟
ملك :انت شايف ايه؟
مالك بحزن : والله كان غصب عني
ملك بعصبيه : ايه هو اللي كان غصب عنك؟.... انت اتجوزت واحده غيري فاضل ٣ أسابيع على فرحنا انت عارف الناس بتقول عليا ايه؟
مالك بحزن : خمس دقايق بس هقولك كل اللي حصل
ملك : تمام هطلع وراك بالعربيه
مالك : شكرا يا ملك
وركب عربيته وملك وراه عربيتها
......................................................................
نرجع مستشفى الشفاء
في مكتب فيروز
فيروز حكيت كل حاجه لسيرين
سيرين بصدمه: كل هذا حدث معاك؟
فيروز : ايوه
سيرين بابتسامه : اسد ماذا فعل عندما علم بانك فيروز حبيته
فيروز : دا حب طفولي يا سيرين
سيرين بابتسامه : ألم تشتاق لحبه؟
فيروز ابتسمت وقالت : اسد كان دايما هو صغير يقولي لما اكبر هتجوزك.... وفجأه في يومين بقيت مراته
سيرين بابتسامه : حب الطفولة سوف يعود إلى لمجده اليس كذلك؟ ....وغمزتلها
فيروز بجديه : انا معنديش وقت احب...لا اسد ولا فهد
سيرين بابتسامه : نعم هؤلاء لهم حديقة الحيوان
فيروز ضحكت
سيرين : وماذا عن زين؟
فيروز بابتسامه : دي بقي اللي مش فاهم هو مين تعرفي انا بشوف في فهد جديه بابا و زين حنيته و اسد رجولته
سيرين : حالتك عصب للغايه
فيروز : بقول ما تعملي كوكتيل منهم وانا احبه
سيرين : و ياغيز
فيروز : تعرفي انهاردة ياغيز كبر في نظري اوي بعد اللي عمله مع مي و كمان بعد ما اتكلم معايا
سيرين :اعلم تحسي معه بمشاعر
فيروز : تصدقي ولا واحد....لا ياغيز..... ولا اسد.... ولا فهد... ولا زين
سيرين : لابد أن فهد علم بخبر جوازك
فيروز : حاولت اكلمه بس مش بيرد عليا.. وبصراحه عنده حق بعد اللي عملته.... وراحت اتجوزت وهو كان لسه مكلمني على الجواز.... دا غير اني محتاجه معايا في اللي جايه اوي
سيرين : ماذا سوف تفعلي؟
فيروز : انهاردة هروح اسلم على زين وبعدها هاطلع مع ليلى ومازن وبعدها هروح على البيت.... كده مش هعرف اشوف فهد الا بكره
طرق الباب
فيروز : ادخل
دخل اللواء إبراهيم
فيروز قامت وقالت بصدمه : عمو ابراهیم اتفضل
ابراهیم قاعد وقال : عايزك في حاجة مهم
فيروز لسيرين : اللواء ابراهیم هو ابو زين
سيرين:اهلا بيك
فيروز ل اللواء ابراهيم : الدكتورة سيرين صديقة وهي عرف عني كل حاجه ممكن تتكلم عادي
إبراهيم:عايزك لوحدك؟
سيرين قامت : عن اذنكم لدي عمل؟
فيروز:اتفضلي
خرجت سيرين
قعدت فيروز : خير يا عمو ابراهيم
إبراهيم : انا جاي اساعدك واطلب منك طلب
فيروز : اتفضل
إبراهيم : الطلب الأول... تبعدي عن زين
فيروز : حضرتك بتكلم جد ازاي ابعد عنه هو كبير وعارف بيعمل ايه؟
قام اللواء ابراهيم وقال : يبقي حكايه موت ابوكي مش مهمه عندك
فيروز : هو اللي جاي عشانه ليه علاقه بموت ابويا؟
ابراهيم : اه
فيروز : تمام هنفذ طلبك
ابرهيم: انا عندي دليلين ان ابوك مات مقتول
فيروز بصدمه : ايه؟
إبراهيم اديلها ظرف وقال: استخدمي في وقته؟ واوعي تستخدميه في الوقت مش وقته
وخرج
فيروز فتح الظرف واتصدمت من اللي شفته وحطيته في شنطتها ونزلت ولسه هتطلع من المستشفى سمعت صوت رصاص طلعت بره المستشفى تشوف اللي حصل
اتصدمت لما لقيت اللواء ابراهيم مضروب برصاص ونايم على الأرض
..................................................................
تحياتي كوكي بهجوري
انتهى الفصل ( التصويت لو سمحتوا)
ياترى ايه اللي هيحصل مع فيروز ؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!