رواية جعلتني عاشقاً (حقيقه مكتمله) 🔞 الفصل الخامس 5 - بقلم Sosa.K. Ali

لمِني عله كِيفج خل اعِيش بخَير ،
هضِيمة المثليِ عالمآ يسوه يطَشر ،💔

بصدرك شلت رمان مو چنهن نهود
نضوگ شوكت مو خاف ياكلهن الدود.. ♥️

جد اسيل : ام كيان حضروها حتى تطب تسلم ويشوفها اسر

ام كيان : تدلل عمو هسه راح احضرها

اسيل : بعد مراح جدو كومتني ماما ولبستني عبايه اسلاميه وشال وفتنا اني وياها كلت السلام عليكم الكل رد بس هو ضل فهي عليه وصافن ماما كالت اكعد هناك واشرت على كورسي يمه رحت يمه وكال

اسر : (ولكم لحضه يعني هاي مالتي هاي الحلوه مريتي الي ام بيتي هاي اخذها واضمها بالبوفيه من عين الناس اني شلون وافقت تبقه بالوظيفه مالتها ) فزيت من صفتني هيه كبالي ومدنكة كتلها سلام عليكم شلونج

اسيل : رديت وعليكم السلام عمو انته  شلونك

اسر : كلها كوم وكلمة عمو كوم ثاني شلعت كلبي بيها لحضه لحضه خلي اوصفلكم شكلها وبعدين نكمل هيه طبت مدنكة راسها اول مرفعت راسها ضربت كلبي بشامه الفوك شفتها والله تمنيت الكل يختفي واكمش شفتها اورمها واشلع الشامه لي شلعت كلبي بيها ولا  طوله يمه قزمتي والا لفت شالها لو جسمها عباره عن خصر وفيع كولش عبالك عرضة ازياء تمنيت احضنها يابويه فهيت عليها عمري محسيت بهيج شي تجاه مره بالكون واكفه كبالي وتسلم وتكلي عمو شيضل بحالي زين اذا طلعت مجبوره عليه هم اهدم حياتي من جديد لو هاي الملاك توفق عليه معقوله  كعدت يمي واني صافن عليها اريد احفظ كولشي بيها اريد ادك ملامحها وشم بكلبي حجيت وياها وفهمت منها انو هيه ماعده لا موبايل ولا خط واني جنت ناوي اكض ليل اسمع بصوته اوذب شكو ضيم بروحي حجيت وياها وكتلها الله يقدرني واخليج اسعد مره بالكون وكتلها اني محبيت قبل خليني احبج اني معشت قبل عيشيني بيج كونيلي ام واخت وحبيبه وصديقه وبنيه ومريتي اريدج تملين كل مكان بحياتي اريدج تحتليني اريدج تكونين نسواني الاربعه اريدج بداية ونهاية حياتي اريدج تكونين مسك الختام ضليت احجي وهيه منزله راسها وساكته ذبحتني (طبعاً حجينه كله همس ) هنا اخويه كال يله نروح كمت وكتله مع السلامه وديري بالج على روحج باجر دوامج مو كالت اي عمو هنا اخويه مسكت وكال الها مثل (هههه سوري المثل مااكدر اكول عيب ) واني عصبت وطلعنه شلون يحجي هيج ويه طفلتي شلون شنو تخبل طلعنه بره وضليت الوب ليل منمته بس اريد اسمع صوته اريد احجي وياها تدرون شنو عيونها النعسانه والشامه الفوك شفتها متروح من بالي ( هيه مو كل شامه شامه الشامه الفوك شفتج جنها طير ونايمه بصفه الحمامه )

اسيل : بعد مسلمت وهو عصب من كلمت عمو بس مجنت اعرف شكوله لا هو لي بكدي واكول اسمه ولا هو قريب الي اخر شي وبعد تعب استنتجب انو افضل شي اسلم واكوله عمو مجنت ادري راح يضوج كعدت يمه وضل يهمس بكلام كولش خجلني متت من الفشله ضليت ساكته الى ان كال اخو نروح واني مثل الهم ونشال عني وصاني على نفسي وحجي وياي واني كتله مع السلامه عمو هنا اخو حجه شي بس مفهمته ابد بس لي عرفته مو حلو لا هو عصب وكور ايده حيل واوردته برزت وطلع هو راح واني رحت يم تاره اختي حبيبتي وهيه استلمتني اساله وشحجيتو وشكلتو وشسويتي وشكالج حجيتلها كولشي وهيه ضحكت كومه  راحو كلهم وضلينه نرتب وبالبيت ونضف الى ان رحت لفراشي نمت من التعب والفكير (بشنو فكرتي ست الحسن ) كعدت من النوم سبحت وبدلت وكمت ويه ماما تنضيف وشغل للضهر تغدينه وكملنه غسل المواعين ساعه ب٣ الظهر اندك الباب مجان احد موجود بس اني وماما وبابا كمت افتح الباب صحت اجيت وطلعت اركض وصلت للباب بالكوا اتنفس وقبل لا افتح الباب صحت منو كال اني فتحت الباب شوي شفت اسر يمممه كتله لحضه وافلت رحت البابا كتله بابا أسر اجه شيريد مو البارحه اجه اشو يوميه 😂

ابو كيان : عيب بابا اول شي ابن خالي ثاني شي هذا خطيبج خلي شي على راسج و روحي فتحيله الباب وفوتي للاستقبال لبين مالبس واجي

اسيل : ماشي بابا رحت خليت الشال وفتحتله الباب كلي

اسر : ابوج موجود

اسيل : اي موجود وكال خلي يفوت وراح يجيك هسه

اسر : ماشي امشي كدامي

اسيل : استغربت طلبه بس عادي مشيت وفتحت الباب وكتله تفضل

اسر : ساعة السوده لي كتله امشي كدامي شلون طول شلون جسم رجفتني واني رجال طول بعرض مهزتني مره كبل تهزني طفله اوف

فتت وكعدت رادت تروح كتلها وين

اسيل : اروح اشوف بابا شو مااجه

اسر : اكعد شوي خلي احجي وياج واني جايبلج هديه ويايه

اسيل : شكراً ماريد هديه واحجي وياك من يجي بابا

اسر : اني جبتلج موبايل و سيم كرت حتى اكدر احجي وياج براحتي

اسيل : شنو بابا يذبحني اصلاً ماريده

اسر : هاي شبيج اني خطيبج مو واحد متعرفي ثاني شي هسه يجي ابوج واحجي ويا ومااعتقد يرفض

اسيل 🥺: مادري بكيف بابا

اسر : جبتلج جهاز بعد محد شايله انتي اول وحده تشيلي ولونه مميز هم وانشالله يعجبج

ابو كيان : احم الضاهر كطعت حجيكم شلونك اسر شو جياتك كثرانه خير بس لا ندليت الدرب

اسر : هههه مو هيج السالفه بس البارحه عرفت انو اسيل ماعدها موبايل واني اخذت الها واحد ويا سيم كرت وبعد اذنك اريد اطي الها

ابو كيان : بس عمو اعقدو اول وبعد جيب الها فون و اطبون و تطلعون محد يكلكم ليش مو صح لو اني غلطان

اسر : لا عمو حشاك من الغلط بس صارت مالتي مو صح وثاني شي لاتخلي بي نت ولا اي برامج حتى اني مااقبل فقط اتصال

ابو كيان : والله بكيفك عمو بعد

اسر : اسيل هاي العلبه بيها الكارتون والموبايل بي كفر ومداليه وسيم كرت ورصيد هم وانشالله يعجبج وها سجلت اسمي أسر واذا تردين عاد انتي غيري

اسيل : نطاني علبه بيها الفون اخذتها وطلعت هذا ولا يستحي رحت للغرفه فتحت العلبه وطلع الكاتون مال موبايل

مخليه كفر احمر والمداليه اول حرف من اسمه اجيت فتحته وكلبت بي حلو مسجل نفسه اسر عفت الاسم رحت للكوكل سحبت صوره مكتوب عليها اسر وخليتها خلفيه

رتبته وعفته وكمت اكمل شغل لليل اجاني مسج منه كاتب بس

أسر 💌
اذا قاضي العشك خلوني فديوم❤️
اخلي اهل العشك ماااا تعرف الاه
قوانين بمزاجي واكتب اااالشوك
يحب حتى الصخر والطير تلكاه
شرعآ مايجوز العاشك ينام
حرام ينام اذا مو ولفه وياااااا،،،$

اسيل : قريت بس مرديت او بالاحرى مااعرف شرد فتت للكوكل ابحث عن شعر 😂 دزيتله هذا: الواحد فرد مايقبل التقسِّيم
بس اني أنقسِّم، وبدونك أتعدَّد
اتقسَّم بدونك وأنجمع ويَّاك
لان كليِّ ويه كلك بيك يتوحَّد
چنت جاهل وأجيك أتشرَّد من الناس
هسذَه أتعلمِّت من نفسي أتشرَّد
عشگتك ذرَّه ذرَّه وصرت أغار إعليك
إذا محَّد يبوسك أذبح المحَّد
ولك لاتنطرح يم ناس تعبانبن
مو طولك حصاد اشلون تتمدَّد

اسيل : بعد مدزيت الرساله اله مدز شي توقعت معجبته جنت كامشه الفون بيدي واتصل شفت المتصل أسر فتحت خط

المكالمه

أسر : ............

بنات حبابيات سروش كلبي انتو كولش اسفه وادري مقصره هواي بس ضروف وانشالله منا ورايح يكون يومي واذا كدرت اكثر بعد الله كريم

سروش

❤️❤️❤️

‏إنها من الطراز شديد البراءة والجراءة معاً . ♥️