رواية جعلتني عاشقاً (حقيقه مكتمله) 🔞 الفصل الرابع 4 - بقلم Sosa.K. Ali

أعشق رجولتةه .. حين تنظر إليه جميع النساء وهو ينظر اليّ وحدي ..
و يشد ؏ـِلى يدي مبتسماً ويقول لي : اُحبكِ يا جميع النساء فيۧ عيني♥️

قـال لـها : أنـتي كـلي
سألت : مـا كـُلك !!
قـال : أرفـعي أصـابعك الـعشرة وسأحـاول عـدك فـيها
- أنــتِ حـبيبتي وقـلبي وعـمري ومـلجأي وطـبيبتي وكـتاباتي
أمـا الأربعة الباقية تـركتها لـتكوني "زوجـتي" الاولـى والـثانية والـثالثة والـرابعة☹️♥️"

أسر : بعد مااجب الممرضه وطمنتني عن صحت الطفله ورحت شفتها واذنت باذنها وسميتها رحت الامها اشوفها وابارك الها رحت لكيتها كالبه الخلقه كتلها الحمدالله على سلامتج شبيج كالبه الخلقه خيررر

سوزان : ليش تسمي بنتي بكيفك هو شنو قابل بس بنتك

أسر : هستوج والده الناس تفرح لو تكلب خلقتها جري عدل يبت الناس وهاي كدام امج دا احجي وياج وللمره الالف اكلج اني مماد ايدي على مره قبل لاتخليني امد ايدي عليج

سوزان : اوي عشتو تمد ايدك عليه شنو اني تايهتلك

ام سوزان : يمه هدو شبيكم لاتسون هيج وانتي سوزان شنو الفرق اذا رجلج سمه بته ماكو فرق بين المره والرجال

أسر : اي عمه علميه احسن ما اعلمها بطريقتي ومراح تعجبكم

ام سوزان : يمه شسميت الطفله

أسر : سميتها رفل

سوزان : بالله هذا اسم يع باع الذوق

أسر : اني عرفت ذوقي زباله من ساعة لي اخذتج بيها

سوزان : شقصدك انته ليش هيج تحجي شبيك نحيس

أسر : اذا اني نحيس مااسكت عنج بس مقدر ضروفج عمه شوكت تطلعوها شكالت الدكتوره الكم

ام سوزان : بعد ساعه عمه وراح اخذها يمنه لان انته بيت وحد ومنو عدك يداريها

أسر : اي تخذيها ومن تصير زينه خلي تجي للبيت والطفله اني يوميه اجي اشوفها واجيب الهم الوازم لي يحتاجوها

ام سوزان : ابن شيوخ ونتقصر الله يزيدك

اسر : اشكرج عمه اني رايح اكمل الاجرائات حتى نطلعها طلعتها وراحت الاهلها وضلت اربعين يوم هناك وبهل الاربعين يوم اني بتت يم اهلها مره لان رفل جان بيها ابو صفار وطبعاً صار بينه مثل اي مره ورجال بعد ٤٠ يوم من رجعت عرفت انو هيه شاكة بروحها حامل وفعلاً وهم رجعنه النفس المعانات لغاوي ومشاكل وراحت الاهلها وهنا بده صبري يخلص وبعدها ولدت وهم جابت بنت وسميتها قمر وتعاركت وياي علمو د الاسم لان الخانم معجبها الاسم وهل المره كتلها تجين للبيت وامج وخواتج يجون يداروج وفعلاً اجو وره فتره زادت المشاكل اكثر اطب للبيت كله وسخ واكل ماكو سوزان شداتسوين دا احجي ويه امي دا احجي ويه اختي مره كالتلي شعليك وهنا نفذ صبر فوتت الجهال الغرفتنا وجريتها بصاله وكتلها احجي عدل لا اموتج كالت هذا العدي طعجبك او لا بكيفك هنا فقدت اخر ذرة عقل عدي و نزعت حزامي وضربتها بكل مكان زوركت جسمها وعفتها وطلعت من البيت اني رجال مو مره تلوي ذراعي اتزوج عليها وماانزل نفسي الى متو نضل هيج رحت البيت اهلي وراها طلعت ويع جماعتي لليل رجعت للبيت فتت البيت هدوء مابي احد فارغ دورت وردت ماكو عرفت رايحه الاهلها وماخذه هدومها وهدوم جهال وياها اجيت فتحت الكتنور لكيت ماخذها الفلوس والذهب العدي كلها تخبلت اكو منها غراض امي من ورثهم واكو فلوس مالاتي كلهن ماكو تخبلت وخابرتها وكتلها لا ذهب امي ولا ذهبي من جنت طفل ولا فلوسي ولا كلشي ردت عليه بكل بردو

سوزان : هاي حق بناتك واني خلص بعد مارجعلك

أسر : مذابح نفسي عليج البنات حرام هيج تشرديهم بينه اني متحملج علمودهم ترى اعقلي يبت الناس

سوزان : ماكو عقل وبناتي يمي وانتي شتريد تسوي سوي

أسر : راح اشوفج اسر شيسوي بيج يا خليني ساكت (طوط احتفاظاً بشخصيته البطل ميقبل )

سوزان : سديت الخط ويا ىاجت امي كفختني واخواني رزلني وانتي مو وجهه نعمه وانتي بت فكر وانتي وانتي واني مهتميت لان ماريده اخر شي كتلهم شبيكم خلي يطلكني وناخذ فلوسه وناخذ بيته ومنخلي كلشي عده وطبعاً همه كيفو لان هو غني

أسر : بعد فتره دزيت ناس يرجعوها علمود جهالي مقبلت وعفتها فتره ترتاح وهم دزيت ناس وهم مقبلت وهم دزيت ناس بيوم جنت رايح البيت ابن عمتي بما اني نجار رحت تسوي جربايه مال ابنه الصغير رحتلهم العصر طبت بنتهم طبعاً سبحان لي خلقها على هل النزاكة لي شايلتها طبعاً هيه جانت بالدوام وراجعه العصر وضامه نص وجها بالعايه مالتها بس باوعت عليها وهذا مو طبعي والله بس هيه خزرتي وفاتت جوا وسدت الباب حيل وراها وره شوي اجه ابن عمتي وكال ها أسر بشر مرجعت مرتك كتله لا مرجعت ومتقبل ترجع كال راح ندخل اني وام أسيل وانشوف بلكي الله ونكدر نصالحكم 

أسر : بس يا ابو كيان اني روحي معاد تريدها مليت المشكال والعياط

ابو أسيل : بس يا أسر بينكم اطفال ثنين ميصير هيج خلي نحاول والله كريم

أسر : بكيفك بس اذا فشلتكم اعذرني بس هيه ردت هواي كبلكم

ابو اسيل : لا يابه شسالفه

اسر : مشكور وماقصرت وره فتره خابرني ابو كيان وكال انو هم رافضه ترحع وراها بكم شهر صارت كعده مال عشيره واني كاابن شيخ رحت للكعده وهناك جان كاعد جد اسيل وابوها وعماها وخوالها وكال

جد اسيل : أسر الى متى تضل هيج بدون مره انته مو راح تطلك مرتك الاولى متشوفلك مره

أسر : اني جربة حضي مره وثاني شي منو تقبل بواحد مطلك وعده جهال اذا مو مثل وضعي واني ماريد هيج

جد اسيل : لا يا أسر انته ابن الغالي مو توقعتك هيج تحجي انته اشر وتجيك لعد لي مفكر بيها

أسر : بس ياعمو اني مااعتقد اكو مره تقبل بيه واني ماريد اتزوج مثل اول مره وماريد اتزوج شلون مجان اني تزوجت بالبدايه ومشيت وره اهلي وختيارهم وطيحو حضي وخربو حياتي

جد اسيل : باوع عمو انته مثل ابني واني بمكان ابوك الله يرحمه وانته ابن الغالي ومن ريحته واني اتمنالك الخير واريد افرح بيك واني متاكد انو ابوك راح يفرح من يشوفك فرحان

أسر : والله مادري عمو يصير خير خلي الكة بت الحلال والله كريم

جد اسيل : اسمع زين وكلامي راح اكوله كدام الكل واني ادري محد راح يعترض على كلامي

أسر : اكيد عمو انته بمكان ابويه ومحد يرفضلك كلمه اتفضل شتريد احجي واحنه راح نسمع

جد اسيل : اني نطيتك.........................

الى هنا ينتهى البار

الىً هنا وتنتهي عشرتكم لمو حلوه الى اهنا 😂😂😂ابد مو خبيثه

يله علكو القصه علك حتى انزللكم بارتات اكثر

احبكم موت سروش

🙈🙈🙈