رواية #غضب_العشق ( نهوة) الفصل الاول 1 - بقلم الكاتبه زينب علي

#غضب_العشق  ( نهوة)

-انتة اكثر واحد اكرهه بهاي الدنيا اموت منك اكرررررهك

- خلي اشوف شلون تكرهيني ورا ما اكسر عينج الصلفة هاي

- استهدي بالرحمان ابني وصلي على محمد

- عليه افضل الصلاة والسلام من هذا اليوم وهل ساعة وهل دقيقة عشق صارت نهوتي نهوة غضب

- لا فدوة يمة غضب  لتسوي هيج وتكسر بالبنية احجي شي مصطفى

تقدم علية- استمتعي بحياتج هسه على راحتج نهوة غضب

القصة  حقيقية

للكاتبة : Lamar Alzankna
LamarAlzankna

#البارت الاول

انتة اكثر واحد اكرهه بهاي الدنيا اموت منك اكرررررهك

- خلي اشوف شلون تكرهيني ورا ما اكسر عينج الصلفة هاي

- استهدي بالرحمان ابني وصلي على محمد

- عليه افضل الصلاة والسلام من هذا اليوم وهل ساعة وهل دقيقة عشق صارت نهوتي نهوة غضب

- لا فدوة يمة غضب لتسوي هيج وتكسر بالبنية احجي شي مصطفى

تقدم علية- استمتعي بحياتج هسه على راحتج نهوة غضب

صحيت على نفسي  وامي تحط ايدها على كتفي نداريت باوعت لامي وعيوني حمر ومدمعة
عشق: ليش ماما ليش

الام: والله مابيدي شي ياماما القرار بيد ابوج ياريتني اكدر اغير شي تقبلي حياتج ياماما وعيشيها المكتوب مامنه مهروب

عشق: بس اني ممكتوبلي اعيش ويا غضب
لزمت ايد ماما ابوسها بتوسل
عشق: فدوة ماما بس قنعي بابا لينطيني لهذا الحقير

الام ودموعها على خدها: اوووف ياماما اوف هو شوكت كعد حظ امج حتى يكعد حظج
مديت راسي بحضن ماما وغفيت ودمعتي على خدي

"""
اني عشق عمري ١٧ سنة اخذت شهادة الثالث متوسط وبابا مخلاني اكمل لان عمامي ميقبلون عدهم وصلت الثالث كلش زايدة وبابا هم ماكال لا. خلي ارجعكم ليورة بالزمن اخو ماما خالو ( ستار) ضرب عمي ( موسى) وكتلة اخذو ماما فصل لابوية عاشت اسوء ايام حياتها بابا طبعة قاسي كلش وعمامي كذلك والسبب هو جدي من يوم يومة قاسي اني ماشايفته بس هواي يحجون عنه قسوة جدي نزرعت بداخل عمامي وعمامي زرعوها بداخل ولدهم لذلك كل زلم عائلتنة القسوة اساسهم على عكس نسوانهم الي ما الهم اي كلمة المهم بعد ما اخذ ماما بالغصب وحبلت ب موسى على اسم عمي الله يرحمة  اخوية الجبير وبعدها اختي مسرة وبعدها اني عشق وبعدها اخوية عادل وبعدها اخوية علي ماما فصلية بابا لليوم هية ممرتاحة بحياتها هواي نضلمت بحياتها كل كلمة بالبيت ماعدها والسبب ابوية كلشي بأيدة بابا كلش ميطيق البنات ولاحتى يحبنة اني ومسرة مسرة زوجها لابن عمتي وهيه عمرها ١٥ سنة ضليت بس اني بالبيت ياهو اليجي يطلع حركته بية حياة الجحيم حياتنة بسبب تدخلات عمامي وبابا ابد ميكسرلهم كلمة .كافي عوفونه من عمامي اصلا اكرههم على شنو داذكرهم اني طولي ١٥٥ وزني ٥٥ حنطاوية على بياض  شعري طويل ولونة عسلي جسمي انوثي الشي الوحيد الي بية هو عيوني عيوني مو نفس الون يعني عيني اليسرة لونها اسود بينما عيني اليمنى لونها عسلي طفرة وراثية مدري عليمن طالعة شوية اني صاحبة لسان وماحب تصرفات ابوية واخوتي كلهم وارثين القساوة من بابا وشحدى الي يحجي كلمة وياهم الولد مدللين بابا حتى علي عمرة ٩ سنوات وعندة كلمة بالبيت اكثر من ماما المهم اكره شي بالدنيا اسمه غضب ( غضب) ابن عمي ابراهيم اسم على مسمى غضب تموت منه محد يوصلة بالقساوة يكولون هوة الوحيد الي طالع على جدي حيل مخيف ومكروه بكلشي يتدخل بحياتي هو الي خلا بابا يبطلني ويتدخل بلبسي واكلي وشربي وحتى النفس الي اتنفسة يعدة علية بيوت عمامي ال ٥ كلها كاعدة بنفس الطرف هذا الخثيث غضب  يجي يومية مرتين لبيتنه ينغص عيشتي ويطلع وبابا هواي منطي مجال يتدخل بينة المهم خلي نشوف حياتي

----

الام: يلة يا ماما صارت بل ١٠ شوكت تكعدين كلها ساعتين زمان يجي ابوج ويهجم البيت على روسنة يلللة
ضليت على نفس نومتي اليوم طولت بالنومة لان بابا مموجود بايت بيت عمتي ب تكريت وضلينا البارحة سهرانين اني وماما على فلم اجنبي

حسيت الباب نفتحت مال غرفتي وماما تهزني من فوك البطانية مهتميت نعسانة هزتني اقوة هم ضليت نايمة رفعت الغطا عن وجهي
عشق غمضت عيني بقوة: اوووووو ماما خلي انام شوية
.....: كووووومي

🌹🌹

للكاتبة:Lamar Alzankna

#البارت الثاني

عشق غمضت عيني بقوة: اوووووو ماما خلي انام شوية
.....: كووووومي

هذا صوته جمدت بمكاني دافتح عيني على كيفي
غضب : كلت كوووووووومي
كمزت ووكفت

غضب :  الله هاي شلابسة انتي شنو ك.....
باوعت صخام بوجهي لابسة فانيلة تعلاكة وبجامة كبل جريت البطانية ولفيت نفسي

غضب : شلابسة احججججي

عشق بكوة تطلع الكلمة مني من الخوف: غ غ يرر م لا بسس

غضب : هنه وييينهن هذا لبسس هذا

عشق: نايم ة والله محد يشوفني

غضب : شللللون محدددد يشوفج هاي مو اني شفتج

عشق: غير انته دخ لت للغرفة ان ي شعلية
لزمني من حنجي حيل وعصرة

غضب : لو طاااااب غيري جان شصااااار لو طاب احد من ولد عمامج جاوبيني

عشق: محد يطب غ غير ك
عصر حنجي اقوة

عشق: عفية عوفني دتأذيني عفيةةة
عيوني غروركت ماريد ارمش حتى ما ابجي لان اذا بجيت ينصب فاتحتي ضل يباوع بعيوني كام يصرخ بعصبية: اوووووووويلي الله عششششششق لتبجين كلت لتبجييييين

عشق:مابا جية والله ما ب
نزلت دموعي مسيطرت عليهن دفعني عل جرباية وضرب سراحية المي الي يم راسي ع الكومدي ندار ونطاني ضهري اني ضليت ابجي واشهك صرخ

غضب : صووتجج ما اسمعةةة
حطيت ايدي على حلكي بس ماكو الشهك مالي ميوكف هو ندار واجه بكل عصبية لزمني من ركبتي ورفعني ع الحايط خنكني

غضب : ٣ دقايق الكاج كدامي ومبدلة ملابس الملهى هذني حاولت ادفعة خانكني نكطع علية النفس فك ايدة عن ركبتي وطلع اني كرفصت بالكاع ابجي شنو هل صباح الي على وجهة تذكرت كلامة ٣ دقايق كمت ع السريع دامشي حسيت شي جرح رجلي باوعت السراحية الي كسرها غضب كزازه منها طبت برجلي كعدت على حافة الجرباية وطلعتها شاغت روحي وكفت اعرج حتى ماادوس عليها طلعت للمغسلة

غسلت وجهي واهفي على وجهي حتى توكف دموعي نشفت وجهي وجريت من صندوق الاسعافات الاولية لفاف ولفيت رجلي شلون مجان ورحت اركض لغرفتي  فتحت كنتوري طلعت دشداشة ردان طويل لان ميصير البس نص ردن يذبحني غضب لبستها فوك الفانيلة الي لابستها بلليل نزعت بجامتي وطلعت اركض قبل لتخلص ال٣ دقايق نزلت اعرج من الدرج ع السريع دخلت للمطبخ
ندارت ماما علية مقهورة : صباح الخير

عشق: هو وين الخير شنو راح
ادري بأمي سمعت صياح غضب علية بس مكدرت تدخل لان بابا يهجم الدنيا على راسها باوعت لوجهي
الام: شبي حنجج

عرفت ازرك من لزمت ايدة محجيت شي بس تلمسته يوجعني عبالك تكسرت عظامي

عشق: وينة

الام: بالاستقبال تنكسر ا
جان اسمع صيحته : عشششششق
غمضت عيني وكلت بداخلي ربي لو تاخذني لو تاخذة
طلعت اعرج وكفت بباب الاستقبال واشوف دخان جكارتة تارس الاستقبال
دار وجهة علية : جااي

بكلبي كتلة وسم ماعندك بيت تتسمم بي
طلعت امشي للمطبخ واني اعرج ماما سألت شبيها رجلج كلتلها مبيها امي حاطة الجاي ع النار تعرف بي يجي يتزقنب الجاي من اول ميرجع من الدوام من بيتنه ومن ايدي بالخصوص الله يكسر ايدك يا غضب حضرت الاستكان حطيتلة شكر لو بيدي احطلة سم واخلص منه شلت القوري داصب سمعته وراي: كملتي

هز القوري بيدي من الخوف اني منطيته ضهري هزيت براسي بمعنى اي نداريت هو بدلتة العسكرية واكف وجكارتة بيدة ومنتجي ع الكاونتر وايدة الثانية ع الكاونتر دك باصبعة السبابة ع الكاونتر بمعنى جيبي الجاي هنا شلت الاستكان جان يكول لامي

غضب : ليش عايفتها نايمة للضهاري
دامشي واني اعرج امي كالت : مو ا
قاطعها : هاي شبيها رجلج
شكد ماعنده احترام مخلى ماما تكمل كلامها خليت الجاي يمة ع الكاونتر

عشق: مبيها شي
خاط الاستكان وشفطة شفطة وحدة وحط الاستكان الثور شال سلاحة ديطلع

غضب : خاله اني طالع عقمي رجل عشق لتلتهب
طلع من الباب ماما محجت شي شتتوقعوها تكول وهي جايبيها فصلية ذليلة رفعت ايدي للسما

عشق: اللهي موت....
قاطعني فتحت باب المطبخ
غضب: تدعين عليمن

🌹🌹

دمتم بخير