رواية #غضب_العشق ( نهوة) الفصل الثاني 2 - بقلم الكاتبه زينب علي

#غضب_العشق
نهوه

#البارت٣_٤_٥_٦

عشق: اللهي موت....
قاطعني فتحت باب المطبخ
غضب : تدعين عليمن
عشق بلعت ريكي : م دادعي
غضب: عبالي
باوعلي وعصر عيونة بشكل مخيف سحب سويج السيارة رفعهن بيدة وكال : همزين تذكرتهن ورجعت
دار ضهرة وطلع اللهي بعد ميرجع سمعت صوت سيارتة تحركت
عشق: اللهي ليش هالشباب الوردة تمووتها وتعوف ه العار على راسي
الام: حسبي الله ونعم الوكيل
رحت اعرج حضنتها من ورا طبطبت على ايدي وكالت
الام :اكعدي اعالج رجلج
عشق: ماما فدوووة لتنفذين كلامة
الام: ماما شعلية بي اني علمودج ماريد تتأذين
عشق: ماشي ماما هسه اني اعالجهة رحت لصندوق الاسعافات طلعت معقم وكطن ولفاف ورجعت للمطبخ جريت كرسي وكعدت فتحت الفاف عقمتها لفيتها وكمت مشيت للاستقبال دانضفة اول مطبيت لفحتني ريحة جكايرة وعطرة حطيت ايدي على خشمي ورحت فتحت الشبابيك رجعت ع المكان الجان كاعد بي بصفة نفاضة بيها ٣ كطوف  جكارات
عشق: سم ان شاء الله بكلبك ٣ جكارات ب٣ دقايق بلكي يصير بيك مرض وتموت واخلص منك
فرغت النفاظة بالسلة ورتبت التخم ومسحت الطبلات والكاع نضفتها ومسحتها طلعت ساعدت امي بلتنضيف لل ١٢ رحت ع المغسلة غسلت وجهي باوعت بالمرايا اثار ايد غضب على حنجي وركبتي الله يكسر ايدة سمعت فتحت باب المطبخ وابوية وموسى يسلمون امي ردت السلام  رحت للمطبخ سلمت وساعدت امي ب صب الغدا رجعو علي وعادل من المدرسة شمرو جنطهم بلمطبخ وطلعو يغسلون اني شلت جنطهم وديتهن لغرفتهم نازعين احذيتهم بالصالة والجواريب ومشمريهن اووف شلتهن رجعت للمطبخ موسى ديفرش السفرة بالكاع شوية موسى احسن من بقية اخوتي زين ويا ماما يعرف بيها شكد تعذبت لان جان حاضر ببداية زواجها من بابا وشاف عذابها ويا ابوية وعماتي وعمامي وبيبي المهم نزلت الاكل ع السفرة ابوية كام غسل وكعد لازم بابا اول ميكعد الكل تكعد عادل وعلي جوي ركض كعدو وموسى هم كعد واني وماما دناكل ابوية راد مي باوعت  السراحية افرغة كمت ترستها من البراد وجبتها كعدت جريت الكلاص من كدام بابا واني مكرفصة بصفة صبيتلة وقدمتة اخذة من ايدي وباوع لحنجي وركبتي كمت وكفت جريت ياخة الدشداشة وكعدت ويا  كعدتي شلت الخاشوكة ابوية كال
الاب: شنو  غضب اجه اليوم
وكعت الخاشوكة من ايدي مجرد ذكر اسمة يسويلي رعب كلت بداخلي همزين حسيت جان بعد وكت كرت عيني ياريت لو يسوي شي
الام : اي اجه
محجة شي كملنة الغدا كمت قبل ماما صبيت الجاي وجيت وزعت ع بابا وماما واخوتي كامو بابا لغرفتة وموسى للحمام يسبح وعلي لزم الايباد وعادل كام غسل ايدة ع السنك واني دلم المواعين ماما راحت ويا بابا للغرفة شلت المواعين وكفت جان عادل ينفض المي من ايدة بوجهي وكال
عادل: ولج اروح انام كعديني ب ٤ عندي لعبة ويا الولد اكعد الكاج كاتبتلي واجب الفيزيا وحالة تمارين الرياضيات مأشرلج عليهن بالكتاب
عشق: ماشي
استغفر الله خادمة صايرة معلمة صايرة طباخة صايرة شصير بعد وهذا اصغر مني وميحترم هواي بابا منطي مجال للولد اني داغسل المواعين صاح موسى من الحمام
موسى: عششششق منشفة وملابسي بلغرفة ع الجرباية جيبيهن
غسلت ايدي ورحت لغرفتة اخذتهن ومديتهن من باب الحمام
موسى: شكرآ
ابتسمت همزين هذا يغزر بي المعروف رغم حقارتة حالة حال البقية بس بي حنية احسن من البقية واحسن من بابا بس المشكلة ميتدخل حتى لو يشوف غضب يذبحني بشكل عام كل عائلتنة منطين صلاحيات للمغضوب علية  رحت كملت المواعين مسحت كاعية المطبخ وصعدت لغرفة عادل فتحت الضوة صاح
عادل: طفيييي الخ... اريد انام
عشق: جيت اخذ جنطتك داحضر واجباتك
عادل: يلللة عاااد فضيها
اخذت الجنطة طفيت الضوة طلعت وسديت الباب رحت لغرفتي طلعت كتبة ونشرتهن على جربايتي وكعدت احضر جدولة مال ثاني يوم وكعدت احلة التمارين كملت  ساعة ٢ اكدر اناملي فد ساعتين غطيت بنومة محسيت غير مي بارد على وجهي وصياح عادل :..

🌹🌹
للكاتبة: Lamar Alzanknaالبارت ٤
ساعة ٢ اكدر اناملي فد ساعتين غطيت بنومة محسيت غير مي بارد على وجهي وصياح عادل :كووومي يا خر...
عشق: اشششة اششة
عادل: مو كلتتتت كعديني بال٤ ساعة ٤ ونص هسه ليش ماكعدتيني ضل يصيح ويغلط فات موسى من يم الباب وصاح بي
موسى: عاادل شبيك تصيح تاخرت نص ساعة نكلبت الدنيا ليش هيج تكعدها راح تتخبل ياهو اليجي يفززها من نومها
عادل جاوبة: انته معليك خليك بنفسك ولتدخل
ابوية فات وصاح: عاااادل لتتجاوز على اخوك اكبر منك
بكلبي كلت ههههه لعد اني مو اكبر منه شو يتجاوز ومحد يحجي لو لان بنية طلع عادل من الغرفة ابوية صاح
الاب: كوومي انتي سويلي جاي مامن وراج الا المشاكل جنج ستار( ستار هو خال عشق الي كتل موسى عمها وبسببة راحت ام عشق فصلية لابوها ، للتذكير فقط)
كمت واني منكعة عادل النذل جاب سراحية مي بارد علية كمت مثلجة بعدني ممبدلة صاح علي : عشق ملابسي من الحبل
عشق: اوووف
طلعت للحوش وملابسي منكعة نزلت ملابسة ووديتها لغرفتة وطلعت حضرت عصرية ابوية تعصر وطلع لبيت عمي واخوية موسى طلع ويا دائما يفترون سوة باعتبار ابنة الجبير وعادل وعلي كل واحد طلع ويا اصدقائة
الام: مشتاقة ل مسرة تجين نروحلها
عشق: اي والله ماما فدوة
الام:هسه اخابر ابوج واكلة
صدك خابرت
الام: ابو موسى نريد نروح ل مسرة شتكول
الاب: منو ومنو
الام: اني وعشق
الاب: ماش لحضة لحضة
اشرت لامي كالت دقيقة
الاب: روحي وحدج اخذي علي وروحي عشق متطلع شعدها رايحة وياج وهية مرة
الام بقهر: ماشي
سدت الخط وباوعتلي
عشق: ليش نكلب وجهج شكال ابوية
الام: ك كا ل
عرفت شكال
عشق: كال متروح عشق مو
هزت براسها بمعنى اي
الام: ماكو داعي نروح
عشق: روحي ماما معليج بية
الام: لا لو نروح سوة لومنروح
عشق: ماما صار هواي انتي مشايفة مسرة خطية روحي شوفيها
الام: متاكدة
عشق : اي ماما متاكدة
كامت امي دتلبس عبايتها لزمت ايدها
عشق: ماما بروح كل غالي عندج مو غضب  النذل الي ماقبل اروح
الام😔: بنتي شنسويلة تفكيرة هيج
عشق: الله ليوفقة
الام: يلة ماما ديري بالج على نفسج
عشق: الله وياج ماما
طلعت امي رحت كعدت بالصالة ودموعي تصب ليش اني مو مثل باقي البنات ليش كلشي بحياتي ما اخذ قرارة اني ليش عمامي الهم الاولية وليش غضب بكلشي يدخل ربي ساعدني وخلصني من هذا الحقير مسحت دموعي كمت غسلت وجهي  وحضرت العشا اجوي تعشو
بابا : امج راح تضل يم مسرة اليوم تكول مشتاقتلها
عشق : ماشي بابا
احس عضامي مطحونة طحن وراسي الم ذبحني كملت العشا صبيت الجاي كام بابا لغرفتة تمدد واخوتي كل واحد لازم موبايلة وكاعد صعدت لغرفتي سديت الباب وتمددت ع الجرباية جسمي يوجعني مدري شبية غفيت واني اون من الالم والبرد حسيت على ايد دافية على كصتي فتحت عيوني ضوة قوي سديتها ورجعت فتحتها شفت طيف غضب معقولة داتخيل سمعت صوتة
غضب : عششق عششق هاي شبيج
اني سمعت صوتة حاولت اكوم كلت هسه مثل الصبح يأذيني بس اتعجبت حجى بهدوء
غضب وهو يتلمس كصتي: اشش اشش اهدي شبيج
عشق🤒: مادري راسي و برر دانة
مسح على راسي وصاح بعلو صووتة
غضب:  وييييييييييينكم
فزيت من صوتة اجوي اخوتي يركضون كلها تخاف من غضب  لان بي هواي صفات من جدي الله يرحمة
عادل: ها غضب شبيك تصيح
غضب: ليش عايفين عشق وحدها ومصخنه
موسى: هااا عاادل كله من ورااك كتلك جوز من اكلان التبن مالتك كافي تأذيها
غضب: عااادل شسويتلها
عادل: مسويت بس جبيت عليها مي بس هيه تترعن وتتمسكن بروسكم كومي لج
موسى: نايمة وجب عليها مي بارد كعدها مفزوعة
غضب كبل وكف ولزم عادل من ياخة تيشيرتة
غضب : غبببي تمرضت من وراك ليش هيج تعاملها
عشق بهلوسة: انت ة مو اا حسسن منه
اندارلي
ادهم: انجببي انتي
وندار على عادل صاح بي : اطلللع برا وانتة علي جيبلي مي ووصلة اسويلها كمادات
علي وعادل طلعو
كام يدردم : وينها امج الخاتون ملتهية بالتفرفر
جاوبته واني عيوني تغمض وتفتح من التعب: لتحجي على امي
رفع ايدة ديضربني غمضت عيوني
غضب: والله لوما مريضة جان علمتج شلون تراددين
فتحت عيوني اباوعله بخوف ضل يباوع بعيوني
غضب : غمضي عينج لتشوفيني ياها
.وصاح : علللللي وين صرررت
اجه علي يركض جايب طاسة مي وبيها وصلة قماش عصرها وحطها على راسي
عشق: اشششة اشش وخرررر ابعدة
غضب : اششش اشش وخري ايدج وانجبي
ضل يسويلي كمادات وموسى واكف بباب غرفتي ندار علية
غضب : موسى شوفلي دوا  خافض حرارة راح تنفجر حرارتها
غمضت عيوني حسيتة لازم ايدي  ويهزها فتحت عيني بتعب حط ايدة جوة راسي
غضب : يلة كومي اشربي العلاج
عشق🤒: ماريد نفسي تلعب
خ بية : كوووووومي
كمت بسرعة شربني الدوا لعبت نفسي رديتة من راسي على قميصة
صاح : اوووووف
جفلت كتلة: مو كتلك نفسي تلل عب
كام وكف نزع تيشيرتة وذبة صفح وكام ع المغسلة ورا ثواني نفسي كامت تلعب كمت ركض واني اتمسك بالحايط رحت شفتة واكف ع المغسلة يغسل صدرة دفعتة ورديت من راسي🤢🤢( لعبت نفسكم يلة عادي كلنة مارين بهل شي)
روحي طلعت واني ارد من راسي حسيت ايدة على ضهري يفركها رفعت راسي
عشق: ااس فة
ورجعت رديت من راسي ضل يفرك بضهري
غضب : اششش اششش اسكتي مصار شي
اتنفست براحة  مد ايدة جوة المي ومسح على وجهي غسل وجهي
غضب : ها رتاحيتي
هزيت براسي بمعنى اي
مشيت وهو يمشي وراي كعدت على حافة الجرباية باوعت لملابسي متوصخة  انتبه علية راح فتح الكنتور طلع دشداشة الي خلاها ع الجرباية بصفي لزم دشداشتي جريتها
عشق بخوف: شبيك شتريد
غضب: لتخليني الخمج على حلكج شريد قابل دابدل ملابسج توصخت
عشق : اني ا بدل ميحتاج
غضب : تعبانة انتي متكدرين تعاي
ابتعدت عنه
عشق: كتللك ا نن ي ابدل اطلع
غضب : معندج ثقة بية واني ابن عمج
عشق: لا ب س
غضب : ماشي انتي بدلي راح ادير وجهي عنج
عشق: اطلع اني ابدل
غضب: ترة حركتي اعصابي مراح اكلج بس خاف تحتاجين شي
عشق: ماكدر عفية
غضب وهو يكز على سنونة: عششششق فضيني
عشق: اووف
ندار نطاني ضهرة نزعت الدشداشة بكوة والفانيلة دانزعها متنزع
غضب : تريدين اساعدج
عشق: لا ميحتاج لتندار
غضب : دنجبببي راح اندار
عشق: لا عفية
غضب: اغمض عيوني
عشق : علييك ا
اندار علية وهو مغمض اقترب رفع فانيلتي ولزم الدشداشة الثانية لبسني ياها طخت ايدة بجتفي ابتعد كبل مهتميت لبست الدشداشة عدل واتمددت  من التعب اجه ابوية
الاب: ها غضب شكو
غضب : هلا عمي ماكو شي بس عشق مريضة شوية
الاب: ليش اخوتها وين علي عااادل
غضب: عيب عمي ليش اني غريب
الاب : لا ابني حشاك انته واحد من العائلة
كرت عيني اي والله هو محد طيح حظنة غير ابوية كلشي بيد عمامي وولدهم ولا عبالك هو المسوؤل عنه
الاب: غضب عيني انته انزل ارتاح بالاستقبال عوفها وارتاح وراك دوام باجر كومي عشق فرشيلة
بكلبي اكول دكول مريضة شكد ماعنده احساس
غضب: ميحتاج عمي اني افرش عوفها ترتاح
طلع من الغرفة وابوية هم طلع غطيت بنومة ماحسيت غير بليل الم بحنجي اني ومغمضة لزمت حنجي وكلت اوووف الله لايوفقك شكد اكرهك الله ياخذك يا غضب ثواني وسمعت صوت باب غرفتي نطبكت فتحت عيني مغوشة من التعب رجعت نمت كعدت الصبح اليوم احسن من البارحة نزلت جوة الساعة بل ٥ الفجر فتحت باب غرفة موسى لكيتة نايم طلعت ل غرفة علي وعادل نايمين بعد وكت اكومهم رحت  ل غرفة بابا ديصلي كمل سلم وكام
عشق: تقبل الله
الاب: منا ومنكم شعجب كاعدة من وكت
عشق: شبعت نوم من زمان نايمة
الاب: خوش روحي كعدي غضب بعدة نايم
عشق: ليش غضب بقى هنا
الاب: اي بقى خاف معاجبج
عشق: لا موقصدي بس داسأل
الاب: ديلة نزلي كعدي وحضريلة ريوك ديروح لدوامة
نزلت فتت للصالة نايم ع التخم بدون لا تيشيرت ولا حتة فانيلة ومتغطي بلحاف نصة واكع بالكاع وكفت واني اصحي
عشق: غضب غضب كوم دوامك غضب يلة تأخرت
فتح عينه ورفع حاجبة واشر بعيونه كدامة
عشق😞: شنو
رجع فر عينه للكاع كدامة عرفتة يريدني اكعد كدامة شكد مكروه هسه الا يطلع عيب بية ويحجي من صباحية الله
كرفصت كدامة ضل يباوع بوجهي ومركز بعيوني
غضب: صباح الخير
عشق: صباح النور
داكوم اوكف كال
غضب: كتلج كومي
رجعت كعدت شيريد هل مخبل  ضل يباوعلي
غضب : بوجه منو صبحتي اول شي اني مو ؟
عشق: لا  بابا
كامت يتمتم بصوت ناصي : انعل ابوج لابو بابا كومي من كدامي
كمت والله هذا مو صاحي رحت للمطبخ خليت الجاي ع النار وحميت الدهن طكيت البيض وجهزت الصينية جبن ومربى والبيض نزلت وحطيت الحليب وحضرت الكلاصات طب كعد ع الميز
غضب :....

🌹🌹
للكاتبة:Lamar Alzankna

البارت طولتة لخاطر عيونكم الحلوة صار ١٣٣٤ كلمة 🌹🌹🌹البارت ٥
طب كعد ع الميز
غضب: ابوج وين
عشق: رجع نام كال كعديني ب ال ٧
غضب : شلون صرتي
عشق: الحمد لله
صبيت جاي اله وخليتة كدامة ووكفت رفع عينة
غضب: متكعدين تاكلين
عشق: ما اشتهي ب العافية
غضب: كعدي تسممي لا اطبب راسج بالماعون
كعدت كدامة اكل واللكمة تنزل بكوة عينة كل شوية يرفعها يباوعلي داكوم
غضب : وين
عشق: كملت
غضب : كومي بدلتي العسكرية بلصالة اكويها ربع ساعة كدامج بين ما اسبح واطلع
عشق: بدلتك هنا شوكت جبتها
غضب : بليل من جنتي مطمومة
اووف شكد ماعندة اسلوب كمت غسلت ايدي ورحت شفت بدلتة نزلت الاوتي وداكوي صاح من الحمام
غضب: عشق المنشفة
رحت ركض انطيتها اله كال جيبي البنطرون مال بدلة رجعت اخذتها ومديتها اله ورجعت اكوي القميص طلع من الحمام لابس البنطرون وفانيلة والمنشفة على ركبتة ويفرك بشعر راسة
غضب : يلة ع السريع فهووك اتأخرت
دردمت بصوت ناصي : اي شثبرت الدنيا مكروه
رفع حاجبة : شكلتي شكلتي 
رفعت راسي باوعتلة ودنكت راسي
عشق: مكلت شي
غضب : شكلللتي داكوووول
عشق: مكل
قاطعني وهو يجر شعري ويرفعني لزمت ايدة الي كامش بيها شعري
عشق : عفية ع وو ف نيي
غضب : شكللللتي
غروركت عيوني ونزلت دموعي شمرني بالكاع وكعت على ايدي كمت ابجي هو جر القميص ولبسة وكام يدكمة ويباوعلي ويتوعد : سهله عشق سهله مكروه مو الا اشوفج المكروه شلون يطيح حضج كووومي كوومي اوكفي
اني ضليت بمكاني وابجي جر ايدي بقوة ووكفني
غضب : مسحي دمووعج
امسحهن ويرجعن ينزلن
غضب: دموووووعج جم مرة كلت لتنزليهن كداااامي
عشق: اا سسفة
بكلبي كلت حتى البجي ممنوع
كعد ع الكرسي لبس بسطالة والحزام عدل شعره وندار علية يباوعلي اني واكفة يم ميز التلفزيون اجه اقترب مني اني كلت هسه تجيني كفخة تفر دماغي فر  مد ايدة من بصفي وجر السويج من ع الميز وراي وكال
غضب : امشي وراي
عشق: وين
غضب : معلللليج امشي
شال سلاحة وخلا بخصرة وطلع يمشي كدامي واني امشي ورا وصل ل باب الحديقة ديفتحها باوعلي
عشق: شترريد مني
غضب: ردتج توصليني للباب
فتح الباب وندارلي باس راسي وكال
ادهم: كل عام وانتي بالف خير
ابتسم وطلع ضليت صافنة معقولة تذكر عيد ميلادي حتى بابا ماتذكرة ابتسمت لا ارادي اول مرة يصير حساس صعد سيارتة صافها بالباب حركها وكف كدام الباب نزل الجامة وكال
غضب : يلة امشي جوة
سديت الباب وفتت سمعت شخطت سيارتة عرفتة راح طبيت للبيت مبتسمة نزل ابوية : استكان جاي بين ما اسبح
طب يسبح واني حضرت الجاي الساعة بل٦ انطيتة منشفة ودشداشة ورحت صبيتلة الريوك نزل موسى هم وصاح على عادل وعلي نزلو يتريكون
موسى : تعاي تريكي
عشق: تريكت ويا غضب بلعافية
علي : امسحي حذائي
عادل: واني هم ونزلي جنطتي وياج
عشق: ماشي
صعدت نزلت جنطهم وطلعت الاحذية مسحتهن ووديتهن بباب المطبخ ساعة يتريكون يلعبون بموبايلاتهم وياكلون كام ابوية كام ويا موسى وكال
موسى: يللة كومو اوصلكم وياي
كامو ع السريع عدلو نفسهم ولبسو الجنط وطلعو نضفت البيت وغسلت الاماعين والهدوم لل١٠ اجتي امي اول ماطبت بوستني: كل عام وانتي روح امج ي غالية
ابتسمت وحضنتها: منسيتي
الام: شلون انسى فرحة عمري
عشق: ماما خلي اسوي عيد ميلاد واعزم سرى وسهى وخلود( بنات عمي)
الام: اي حبيبتي مو تدللين
امي خابرت ابوية وكالتلة كاللها اطلعي انتي جيبيلها الكيكة هية متطلع
اووف يلة المهم اسوي عيد ميلاد راحت امي ورا نص ساعة جتي جايبة كيكة ونفاخ ونشرات وشمع وسوالف العيد ميلاد ضميتهن العصر اسوي عيد ميلادي اجه الضهر ابوية دخل من الباب
الاب: السلام عليكم
الام: وعليكم السلام الله يساعدك
عشق: الله يساعدك بابا
الاب: تعاي اليوم عيد ميلادج
عشق: اي ☺
الاب بابتسامة : تعاي تعاي
رحت باسني وطلع ٢٥ من جيبة : كل عام وانتي بخير
بوست ابوية ورحت لغرفتي خليت فلوسي بلكومدي ورجعت ساعدت امي بصب الغدا تغدينة كالعادة وضلو عادل وعلي يضحكون علية لان عيد ميلادي مهتميتلهم عيد ميلادي اليوم راح اصير ١٨ سنة كملو لميت السفرة وغسلت الامواعين صعدو اخوتي لغرفهم رحت للاستقبال رتبتة ونفخت النفاخ وعلكت النشرات وجريت الميز للاستقبال ورتبت الغراض مال عيد ميلاد فوكاا ها نسيت اكوللكم خابرت بنات عمي العصر بل٥ يجني للعيد ميلاد رتبت الاستقبال وكعدت اباوع عليه وفرحانة نزل علي ضل يضحك وطلع ويا اصدقائة عادل نفس الحالة كال
عادل: هاا عيد ميلادج اليوم
عشق: اي اليوم ميلادي
عادل بضحكة : كل عام وانتي بخير ان شاء الله تتزوجين ونخلص منج
شكد خثيث حتى بالتهنئة مالته حقاااارة
طلع نوب نزل موسى باس راسي
موسى : كل عام وانتي بخير طلع من جيبة ١٠ وحطها بيدي حضنتة باس راسي وطلع ويا ابوية صعدت لغرفتي بدلت فستان لونه شرابي قصير وصلوخ والصدر مفتوح اشتريتة بحنه بت عمي بس غضب ماقبل البسة لستة هسه  طلعت اجنن نزلت شعري وشديت مقدمتة ب ماشات ورتبت نفسي ونزلت انتضر بنات عمي جتي خلود بت عمي رباح وامها ومرت اخوها امي فتحتلهم الباب ودخلو عايدوني وكعدنه ننتضر سرى وسهى ( خوات غضب) ماما جانت دتحضر بالمطبخ صاحت فتحي الباب اني من فرحتي لان جني بنات عمي طلعت ركض وكفت ورا الباب وفتحتها طبن سرى وسهى ابتسمت جان اشوف غضب كبالي دم مبقى بجسمي دارجع للبيت لان لبسي مبين كل جسمي جان يجي من وراي وجر شعري
عشق: اخخخخخ اخخخ شعري عفية
غضب: اننننننجبي امشي كدامي دفعني للاستقبال كدام مرت عمي وجنتها وبتها وخواته واني ابجي واصرخ طبت امي تحاول تفك ايد غضب من شعري صرخ بيها
غضب : شللللللون تخليها تطلع بهل لبس للحديقة ملللللهي لو نشد كرووون احنه
الام: يمة فدوة عوفها واعذرها
غضب : شلووووون تطلعين هيج جاوووبي
عشق واني الزم ايدة الي تجر شعري شاغت روحي : ع عفي   ةة عوووفني والله وك فت ورا الباب محد شاافني
ضربني راشدي بايدة الخ خلت اذاني تصوفر شمرني بالكاع ويصيح
غضب : ك .....لو احد شايفج من السطوح ..... مخلى بس يسب ويشتم واني مكرفصة وابجي ومحد يكدر يتدخل او يحجي شي كام يتقدملي واني ازحف ليورة من الخوف رفع اصبعة بوجهي☝️: الا اربيج من جدة وجديد
ضليت ابجي كام يصرخ بالزايد وندار كلب ميز الكيكة والمواعين والكيكة والكلاصات صارت طشاارر مالها والي واني مكفوشة وكاعدة بالكاع وهوة ثور هايج يفتر وكلها تباوعلي محد يكدر يقترب شال جهازة وخابر
غضب: عمي دقايق والكاك بلبيت
وسد الجهاز وضل يفتر ببدلتة العسكرية والمسدس بخصرة ويسحب بشعرة بعصبية دقايق واندكت الباب محل بابا قريب ميتأخر اجه دخل هوة وموسى واني بلكاع ابجي وامي بس دموعها تنزل ابوية كام يباوعلي
الاب: شكو شصايررر
غضب: عمي هذا هوه عشق وكبررت بعد لازم تنستر ببيت رجلها وتجوز من خفيتها
موسى صرخ بوجهي
موسى: شسووووووويتي ولللج
وتقدم كفخني دنكت راسي وابجي واهز براسي بمعنى لا تقرب لزمني كتل مادري منين يجيني اخر شي سحبة غضب ووكف كبالي
الاب: شمسوية يا غضب احححجي
غضب : طلعت بهل لبس للحديقة
هنا متحملت قابل شسويت اني وكفت ودفعته وصيحت
عشق: كاااافي كاااااافي ملللللليت منك تدخل بية كاااااف
واجاني كف فر وجهي كمت اضرب على صدرة واصيح: كااااااافي  كاااافي
جريت السلاح من خصرة وخليتة براسي عيون غضب جدحت نار وصارت بكصتة
غضب : جيبي
عشق: امووت وماخليك تتحكم بية بعد شعللليك بية
بحركة ذكية منة شمر السلاح من ايدي ودفعني ع الحايط وكفت وصرخت
عشق: اكررررهك امووووت منك اكرررهك يا غضب  الله ياخذ روحك واخلص منك

تقدم علية غضب وكال: استمتعي بحياتج هسه على راحتج نهوة غضب نهوتي اني غضب الي تكرهي
-------
صار لازم تعرفوني اني غضب جدي سماني هذا الاسم لان بيوم الي اجيت للدنيا بابا جان عصبي ومتعارك ويا امي وبدت طلوكت امي بية ف جدي كال هذا غضب. اشتغل ضابط شرطة عمري ٣٢ سنة عندي ٣ خوات سارة متزوجه وسهى وسرى عمرهن ١٨ سنة تؤام وعندي اخوان ثنين قصي وعدي ثنينهم متزوجين وصاحبين عوائل اني طولي ١٨٠ وزني ٨٠ يعني جسمي متناسق صاحب شوارب ما احب اربي لحية اسمراني بية طبع القسوة كلش قاسي ورثت هل شي من جدي عائليآ مشفت احد من عمامي يحترم مرتة ف تربيت على عدم احترام المرة .روحي من هاي الدنيا هي عشق تصدكون متصدكون تبقى يمكم كلش كلش احبها لا مو حب وانما عشق اعشقها اسمها محبس عليها صاير امووت عليها سامعين بحب التملك هذا حبي ل عشق  بس ماكدر اعبرلها عن مشاعري مادري اني ماريد اعبرلها حتى متتكبر براسي كلشي يخص حياة عشق مسوؤليتي النفس الي تتنفسة لازم بأذني اني حيل متسلط هي هم كلش تخاف مني لازم بليوم اشوفها اقل شي مرتين اول ما اكعد من نومي ابدل واروحلها اشوفها اطمئن عليها ويكضي يومي لليل هم اروح اشوفها وارجع انام وثاني يوم دوامي بين يوم ويوم قبل لا اطلع لدوامي اروح اشوفها رغم دوامي الساعة بل٦ يبدي عندي نسخة مفاتيح بيت عمي اروح اكعدها احب اني الي اصبح بوجهها طبعآ ما اكعدها مثل الاوادم لان شوية بيها غباء وقلة استيعاب دائمآ تسوي شي غلط وتخليني افور باعصابي اكعدها ..والله اذا اكول لاحد اني غضب بعصبيتي احب عشق الفطيرة يضحك عليه.. اشرب جاي من ايدها هل شي علمتها عليه من عمرها ١٠ سنين لليوم هذا اشرب جايي واطلع لدوامي ارجع بليل اشوفها وارجع لدوامي وثاني يوم اول مارجع من الدوام قبل لا اروح لبيتنا اروح لبيت عمي اشوفها واشرب استكان الجاي واطلع وهيج كاضي حياتي رغم قسوتي كدامها بس ماتحمل نضرة عيونها لو جنت وحش كاسر بس تباوعلي بعيونها اهدئ وكل الاعصار الي بداخلي يخمد بلحضات لذلك اني محذرها ترفع نضرها بحضوري ماتحمل دمعة منها كبل اكلب وحش واكسر الي كدامي احسها مختلفة متميزة عن الكل حتى عيونها لونين المهم حبيتها وهية عمرها ٨ سنوات لحد يكلي شلون وطفلة مادري هية عمرها ٨ سنوات واني ٢٢ سنة صار ١٠ سنوات حبها بداخلي خلايا سرطانة وياكل بية ويتزايد يوم بعد يوم  ومحد يعرف بي او هذا الضاهر بالنسبة الي محد يعرف بحبي لان كلها تعرف قرار عشق بيدي ومحد يناقش موضوع يخصها وياي حتى ابوها حتى اخوانها والسبب قبل ٨ سنوات جدي بعد ماعرف بحبي ل عشق قبل وفاتة بساعة  كال عشق ل ادهم لو تنطبك الكاع ويا السما من ذاك الوكت اذا ضربت عشق او كعدت وياها وحدي محد يحجي كلمة لان متسماية باسمي غضب العشق  وعشق الغضب

......
طلعت من دوامي صعدت سيارتي وكفتها بباب بيت عمي نزلت اليوم تاخرت ساعتين لان جان عدنه انذار المهم نزلت دخلت من باب المطبخ سلمت على مرت عمي سالتها على عشق كالت نايمة بعدها صعدتلها لغرفتها فتحت الباب

🌹🌹
للكاتبة : Lamar Alzanknaالبارت ٦
صعدتلها لغرفتها فتحت الباب جرت البطانية لوجها كعدت هزيتها مكعدت عبالها امها كامت تتأفف جريت البطانية من وجها ضلت تفتح وتغمض عيونها ممصدكة عبالها حلم الى ان عطت بيها كامت وكفت كدامي شفتها لابسة فانيلة تعلاكة مبقى عقل براسي صرخت بيها انتبهت على نفسها لفت نفسها بالبطانية ودنكت راسها ضليت احجي عليها ليش لابسة هيج لو دخل احد عليج وشافج كالت ميطب غيرك بنبرة ضايجة لزمت حنجها وفركته بقوة غروركت دموعها صرخت بيها اذا نزلت دمعتج ادفنج مسيطرت نزلت دموعها دفعتها ع الجرباية وضربت السراحية الي جانت يم راسها كلتلها دقايق والكاج جوة عفتها وطلعت قبل لا اجرم بيها نزلت للاستقبال جريت جكارتي وضليت اشرب خلصت طلعت الخ هم خلصت طلعت الخ  احاول اطلع حركتي بالجكاير سمعت خطواتها ع الدرج نزلت للمطبخ ورا شوية صحت عليها وكلتلها جاي هي راحت تصب دخلت للمطبخ امها دتحضر الغدا وهي تصب الجاي وكفت ع الكاونتر واشرتلها تجيب الجاي يمي جابته وهي تعرج باوعت لرجلها سالتها كالت مبيها شي عرفتها مشت على كزاز الي كسرتة ردت اعقمها بس كلت لا مانطيها عين وتصعد على جتافي اكثر من هيج كلت لامها تعقمها الها شلت سلاحي وطلعت للباب وصلت تذكرت نسيت السويج رجعت شفتها رافعة ايدها وتدعي عرفتها تدعي علية كلتلها عليمن تدعين كالت مد داعي عبرتها الها ادري بيها تكرهني بس غصبآ ماعليها هي لوالي لو للكبر اخذت سويجي وطلعت للبيت اعصابي مفورة طبيت سلمت ولغرفتي عدل نزعت البدلة بقيت بالشورت والفانيلة ونمت واني افكر بيها شلت حالي شل للعصر كعدت طلعت ويا ابن عمي رحت لبيت جدي وكاعدين عمامي والولد خابرت مرت عمي تريد تروح لبيت اخت عشق وتاخذ عشق وياها عمي وافق كتلة عمي عشق متروح خلي تروح عمتي بس عشق متطلع باب البيت هو هم مكال لا ضليت شوية كاعد ورجعت للبيت ارتاحيت ساعتين وصاحتني سرى ع العشا  تعشيت وكمت لبيت عمي اشوف عشق شلون صارت رجلها رحت طبيت اخوتها كاعدين بالاستقبال سلمت وسألت عليها كالو نايمة كلت هاي شعدها نايمة من هسه وهي بل٨ صعدت لغرفتها طبيت لكيتها تهلوس ومثلجة مديت ايدي لكصتها مشتعلة نار هي فتحت عيونها ذبلانة اني مابقى عقل براسي احتركت حرك هاي شبيها صيحت لاخوتها جوي سألتهم موسى حجى على عادل وكلة كلة من وراك كتلة شكو افتهمت انو عادل ذاب عليها مي بارد وهي نايمة كبل جريت ياخة عادل ردت اضربة تدخل عمي وفكة من ايدي نزل كتلة ل علي روح جيبلي كمادات واني كاعد يم راسها امسح على شعرها روحي شاغت من شفتها بهل حال ومحد مهتملها حجيت على امها هي كامت تدافعلها صحت بيها ضلت ترادد رفعت ايدي اريد اضربها غمضت عينها استخطيتها وعفتها صحت على علي تأخر اجه جاب المي عصرت الوصلة حطيتها على راسها صاحت ببرد ولزمت ايدي الي على كصتها رعشة بجسمي عبالك لزمت كهرباء دفعت ايدها ماتحمل قربها  وضليت كاعد اسويلها كمادات وهي تهلوس نامت رحت جبتلها علاج من الثلاجة وجيت داشربها متقبل تشربة بكوة شربتها واني اهددها هي شربتة كبل ردت من راسها علية واني لازمها  كمت نزعت تيشيرتي وشمرتة صفح كمت داغسل محسيتها غير دفعتني ووكفت ترد من راسها ضليت افرك على ضهرها روحها تطلع وهي ترد من راسها وروحي تطلع وياها الى ان ارتاحت غسلت وجها ورجعتها للغرفة كعدت باوعتلها دشداشتها متوصخة طلعتلها دشداشة ثانية اني جيت ارفع دشداشتها هي  فزعت مقبلت حاولت مقبلت كلتلها ماباوع ماقبلت كلتلها اندار وبدلي هم مقبلت صحت بيها خبلتني متثق بية انداريت وعفتها تبدل سمعتها تون من الالم كلتلها راح اندار مقبلت غمضت عيوني ونداريت رفعت فانيلتها واني مغمض لبستها الدشداشة طخت ايدي بكتفها فتحت عيني وغمضتها ع السريع ورجعت ليورا هي ضلت تباوعلي بعيونها الذبلانة تمددت دتنام ابوها كاللها كومي فرشيلة كتلة ميحتاج اني افرش طلعت صعدت سيارتي ورحت لبيت اهلي اخذت فانيلة وشورت وملابسي العسكرية وطلعت لسيارتي امي كالت وين كلتلها ابات ببيت عمي مصطفى مكالت شي طلعت ورجعت لبيت عمي  اخذت لحاف ومخدتين للاستقبال ضليت اتكلب مكدرت انام باوعت الساعة بل ١:٢٢ كمت رحت لغرفة عشق لكيتها نايمة ضليت كاعد يم راسها شوية ونعقج وجها لزمت حنجها باوعتلة اثار ايدي طابعة علية وعلى ركبتها من خنكتها سمعتها كالت اكرهك الله ليوفقك غضب صرت عصبي كمت وسديت الباب وراي بقوة دخلت للاستقبال تمددت مكدرت انام فكري كله ب عشق باجر عيد ميلادها هذا هوة راح تقبط ١٨ يعني كبرت عكب باجر اخطبها وانهي عذابي ضليت افكر بيها الي ان غفيت حسيت عليها تكعدني خليتها تكعد كبالي ضليت صافن بعيونها سالتها اني اول واحد صبحتي بوجهة كالت لا بوجه بابا حيل ضجت تمنيت اني الي تصبح بوجهة كلتلها حضري الريوك كمت تريكت وياها وكلتلها تكويلي ملابسي دخلت غسلت وطلعت لكيتها فاهية بكوة تكوي كلتلها فهوك كالت اكرهك بصوت ناصي جريت شعرها بس ماردت أذيها بيوم ميلادها عفتها وكلتلها الحكيني ردتها تطلع توصلني للباب حالي حال باقي الزلم الي توصلهم نسوانهم بست راسها وعايدتها وطلعت واني اشوفها مبتسمة باستغراب طلعت للدوام فرحان مر الوقت خابرتني امي كالت عشق مسوية عيد ميلاد وعازمة البنات صراحة ضجت لان ماكالتلي راح تسوي عيد ميلاد
ادهم: خلي يتحضرن اجيهن بل ٤ ونص اخذهن
الام: ماشي
سديت الخط كلت هاي شلون متكلي راح تسوي عيد ميلاد بعدين فكرت هواي داضغط عليها عادي عيد ميلادها حقها عبرتها الها هل مرة بس مافوتها الها شلون متأخذ اذني كملت شغلي بالاربعة وطلعت للبيت بالطريق وكفت نزلت لمحل صايغ دورتلها على هدية شفت كلادة وبيها عين هههه حسيتها نصاغت الها اخذتها ودفعت سعرها وغلفتها وطلعت وصلت للبيت اخذت خواتي وطلعت وصلنة سهى دكت الباب ثواني وانفتحت الباب فاتن سرى وسهى بوسنها دخلت اني وشفتها كااااارثة بشرررية لابسة فستان شرابي كصير وصلوخ والصدر كله طالع وفاتحة شعرها طالعة تخبل  فقدت من شفتها افكار بدماغي اشكال والوان تفر تخيلت لو جاي احد بدالي وهيه فاتحتلة الباب وشافها بهل منضر لو احد من فوك السطوح شافها بهل لبس بلحديقة ابليس كام يكمز براسي حاولت تركض للبيت تستر نفسها جريت شعرها وطببتها للبيت وهي تصيح وتتوسل اعوفها طببتها للاستقبال شفت مرت عمي وبتها هناك وخواتي حاولن يهدئني صرخت بيهن واني اعيط عليها دخلت امها تريد تجرها من ايدي صرخت بيها انطيتها راشدي ل عشق وضليت اسبها اشكال والوان مخليت شتيمة تعتب علية واني اهددها كلبت ميز كيكتها اعصابي فارت بس اتخيل احد يشوفها  غيري طلعت  موبايلي وخابرت ابوها بعصبية كتلة تعال للبيت عمي دقايق واجه يسأل شكو هي كاعدة بالكاع وتبجي كتلة لازم تتزوج وتروح لبيت رجلها اخوها لزمها ضرب كلبي منطاني احد يضربها ( بس الك مسموح ) دفعته عنها ووكفت كدامها  ماحسيت غير سحبت السلاح من خصري وحطته براسها وتصيح اكرهك وتدعي علية اموت مقهرني دعائها بكد ماقهرني كرهه الي خلت السلاح براسها اني مدري شصار بية واني اتخيل حياتي بدونها اصعب شعور بحياتي هسه لو شكد ماكوللكم احبها متصدكون تخبلت  دفرت السلاح من ايدها وضربتها ويا الحايط حاولو يهدئوني مكدرو مرت عمي كالت صل على محمد صليت ع النبي وكلتلهم من هل ساعة وهاي الدقيقة وهاي الثانية عشق صارت نهوتي اني انهي عليها تقربت منها وكلتلها سمعتي نهوتي نهوة غضب عشق نهوة غضب عفتهم وطلعت واني اسمع صريخها ودعائها علية

🌹🌹