رواية #غضب_العشق ( نهوة) الفصل الخامس 5 - بقلم الكاتبه زينب علي

#غضب_العشق
نهوه

#البارت١٤_١٥_١٦_١٧

تمدد وسحبني لحضنه نومني على صدرة وايدة جوة ضهري والثانية لزم موبايلة طلع صور غرف نوم
غضب: ياهي تردين
مجاوبته
غضب: عشق اختاري لازم هل اسبوع نتزوج باجر نعقد محكمة وعكبة الحنه ووراها العرس
رفعت عيوني باوعتله ورجعت اباوع للموبايل
عشق: ليش اشوفهن بلموبايل ماروح اختار من المحلات لو تخجل تطلع وياي
غضب: لان مريضة ماريد اتعبج
عشق: انته اختار اني ميهمني
غضب: غير انتي العروس وتختارين
عشق: هههه ليش انته شايف عصفور يختار قفص سجنه
غضب: عشق ليش هيج تسوين
عشق: تعرف جوابي كلش زين ماكو داعي تخليني اعيدة وتصير عصبي وتضرب
غضب: المهم هسه شتكولين ياهو تريدين
دفعت الموبايل من وجهي
عشق: كافي ماريد وخرة من وجهي
بعده من وجهي سحبت نفسي بصفة هو دار جسمة عليه حضنته بقوة وحطيت وجهي بصدرة وبجيت مسح على راسي
عشق ببكاء : والله لوما تعبانة وماعندي احد ماشكي بحضنك
غضب: اششش حبيبتي كافي
عشق تبجي وتشهق: تعببت مليت كرهت نفسي من وراك حرمتني حتى من ماما انته اناني وحقير ماخليتلي لا اهل ولاكرايب تعبت ختنكت
ضليت حاضنته بقوة وابجي وهوة يمسح راسي مخليت شي بداخلي ضليت اشكيله تعبي رغم تعبي بسببة بس مالي غيرة والحجي الي بداخلي يخنكني اذا ما اطلعة ماحسيت شوكت غفيت كعدت العصر رفعت وجهي شفته نايم باوعت للساعة بل ٤:٣٣ ضليت اباوع بوجهة رغم عصبيتة شكلة حلو ورجولي بس لوما تسلطه وحقارتة يمكن جان حبيتة فتح عيونه غمضت بسرعة
غضب: كومي حبيبي ادري بيج كاعدة
فتحت عيوني وسحبت نفسي من حضنه وكفت لبست شالي كام وكف
غضب: بدلي دنطلع
عشق: وين
غضب: نختار غرفة
عشق: مو كتلك انته اختار
اتقدم علية وحاوط خصري بيدة
غضب: كلتيلي ليش متاخذني اشوف المحلات وهاي راح اخذج يله حبيبي بدلي
عشق: ماشي وخر ايدك دبدل
ابتعد مني نزلت ل سهى اخذ منها لبس لان ملابسي ببيت اهلي غضب مقبل اجيبهن كال اني اخذلج جدد وصار ايام البس من خواته اخذت عباية اسلامية لبستها لفيت شالي طلعت لكيته واكف بلمطبخ وفاتح الثلاجة يشرب مي يشرب بالكلاص ويباوع بطرف عينه علية نزل الكلاص وباوعلي
غضب: امشي بدلي تأخرنه
عشق: مو هياتني مبدلة
غضب: لا البسي عباية مال راس
عشق: ماا البس هاي
غضب: عشق اتخبليني وامشي بدلي
عشق: شتريدني البس كونية مو احسن
غضب: عباية ماريد احد يشوف جسمج
عشق: قابل لابسة بنطرون هيه عباية اسلامية
تقرب عليه وكف وراي كرص خصري بقوة اذاني
غضب: هذا مبين منحنياته
التف وكف كدامي حط اصبعه على كصتي وبدة ينزله على خشمي وشفتي وركبتي وصل لصدري
غضب: وهذا ا
قاطعته من دفعت ايدة
عشق: احترم نفسك
غضب: لعد شلون تريدين تطلعين هيج وكلها تباوعلج اني رجلج مرضيتي ترضين الغربة
عشق: اكرهك
عفته وطبيت لغرفة البنات جريت عباية وحطيتها على راسي طلعت لكيته مطلع السيارة وينتضرني باوعلي وابتسم رحت صعدت بصفه مشى السيارة وكل شوية يباوعلي ويرجع يباوع كدامه ويبتسم
عشق: حلكك راح ينشك كافي تبتسم
غضب: حلو شكلج من تسمعين الكلام
عشق: والله راح انزعها
غضب: لا لا سكتت
عشق: اصلا لبستها حتى محد يباوع بنضراتك الحقيرة الي
غضب: اووويلي طلعت نضراتي حقيرة
ندار باوعلي: رجلج مو غريب دباوع بنضرت حقيرة😉
درت وجهي للجامة ومكتفه ايدي لصدري بعضبية
غضب: لتباوعين للشارع لو تباوعيلي لو تنزلين راسج
عشق: استغفر الله وديني لمركز الشرطه
غضب: ليش
عشق: هناك بالسجن اشرفلي من مااكعد يمك شنوو هاي حتى حرام اباوع الناس شلون عايشة واني مسجونه
غضب: ااااها مسجونة
عشق: لعد شتسمي هذا
غضب: وصلنه نزلي
طفى السيارة ونزل نزلت اني هم لزم ايدي حاولت اجرها عصرها بقوة ومشى دخلنا للمحل جبير وبي اشكال الغرف كاعد ابوالمحل على مكتب وبصفة رجال كام ابو المكتب سلم على غضب وشلونك واحوالك وهل سوالف مال زلم واني عيوني تدور بلمحل ع الغراض ماحسيت الا من لزم ايدي غضب وسحبني ورا دخلنه نفتر ونشوف الغرف وابو المحل يحجي هاي تركي وهاي الماني وهاي هيج وذيج هيج
غضب بهمس: ها شكلتي ياهيه
عشق: مادري
غضب: من رخصتك ابو محمد انشوف ونختار
ابو المحل : اخذو راحتكم ابو نمر اي شي تحتاجون اني هنا كاعد
غضب: تسلم متقصر
راح ابو المحل وغضب لازم ايدي ويفرني بين الغرف
عشق: منو ابو نمر
غضب: هاا
عشق: منو ابو نمر ابو المحل كالك ابو نمر
غضب: اي
عشق: شنو اي منو ابو نمر متزوج انته وعندك نمر
غضب: اي
حليت ايدي من ايدة ووكفت
عشق: شوكت تزوجت
غضب: صار ٣ ايام انتي مو مرتي
عشق: ونمر
تقرب علية وحط ايدة على بطني وباوعلي بعيوني وابتسامة بين شفته
غضب: هياته هنا
بعدت ايدة من بطني
عشق: هاي من شوكت شو اني مادري
غضب: من زمان ماكايلج اريد ابني نمر
عشق: لا مكايلي ولا استشاريتني واخذت اذني
غضب: خوش هسه عرفتي ام نمر
عشق: ماكو ما اسمي ابني نمر
غضب: هاا وليش عيني
عشق: يطلع مثل النمر ينهش بلحم الناس مثل ما انته غضب ودائمآ غضبان واني عشق والله ابتلاني بيك وبحبك الزفت ماريد جهالي هيج اسماء
تقرب يمي وهمس يم اذني بضحكة حقيرة
غضب : مو مهم الاسم ان جان نمر او اسد المهم قبلتي يصير عدنه جهال يعني اححححمم احمممم
دفعته بقوة: قصدي جج هاالك مو مني من مرتك الثانية
لزم ايدي ومشى وهوه يحجي
غضب: ماعندي غيرج مرة يله امشي
ضلينه نفتر واني اصلا مالي واهس باوعت غرفة رصاصي واسود باوعت ل غضب
عشق: شنو رأيك بيها
غضب ابتسم: حلوة بس تريديها هيج لون ليش متاخذين الوان فاتحة
عشق: تشبهني
حط ايدة على جتفي ووكف يباوعلها : شلون تشبهج
عشق: الاسود داخلكوالرصاصي داخلي
غضب: ههههههه بلة داخلي فهمتة اسود بس انتي داخلج ابيض مو رصاصي
بعدت ايدة من جتفي
عشق: جانت بيضة قبل لتدخللها وتخبطها بسوادك وتخربط لونها
حسيته انزعج بس ابتسم
غضب: اوك هسه مقتنعة بيها
هزيت راسي بمعنى اي صاح على ابو المحل كاله نريد هاي وابو المحل ضل يحجي هاي اصلية وتركية وصناعة شركة مدري منو وهلكد بيها قطع والكنتور هلكد بوب والجرارات وضل يشرح احنه كلنالك نريدها على شنو تطلع مميزاتها المهم اتفقو دفعله فلوسها وانطاه العنوان يوديها شفت نص تخم قنفات حلو لونه رصاصي فاتح ومشجر برصاصي غامق انتبه عليه غضب اباوعله وكف بصفي قرب راسة يم اذني: عجبج؟
عشق: ها لا
غضب اندار لابو المحل الي ديحمل الغرفة للسيارة حتى يوديها لبيتنه
غضب: ابو محمد هذا التخم هم وياك شيلة
ابو محمد اقترب: عندي تخم كامل احلى
غضب: لا هذا اصلا للغرفة ميحتاج
ابو محمد: على راحتكم
عافنه وراح يحجي ويا العمال
غضب: بعد حبيبي شتريدين
عشق: ماريد
راح اختار طبلات ورف مال غراض وكتب وهل سوالف
عشق: هاي وين نحطهن
غضب: بلغرفة
هوة غرفته مفتوحة على غرفة ثانية يعني باعتبار غرفتين مفتوحات بغرفة وحدة محجيت شي وكف ويا المحل اتفق وخلص وطلعنا وصلنه ل راس السوك
عشق: ليش مارجعنه للبيت
غضب: ومنو يجهزلج يلة امشي
عشق: ووين ما انزل شلون وحدنه لا امي ولا امك ولا احد وياي
غضب: قابل راح تتزوجين امي لو امج اني رجلج واني وياج نختار
عشق: ماعرف اطلع بدون امي
نزل وندار لبابي فتحها
غضب: تتعودين يله نزلي
نزلت وهوة لازم ايدي بحياتي ماشفت العرسان وحدهم يختارون لا اهله ولا اهل العروس دخلنه ل ملابس نسائية اخذلي عباية اسلامية على ذوقة صح حلوة بس عريضة
عشق: عريضة هاي
غضب: لعد تريدين اعرض بجسمج
مجاوبته راد ياخذ الثانية
عشق: شنو كلها عبي ما اريد عباية
غضب: لعد شتريدين
عشق: فساتين بناطير
غضب: سالفة البناطير انسيها
عشق: عقدة اريد فساتين
غضب: استغفر الله الفساتين يلزكن بالجسم ماكو
عشق بعصبية : لعد شكو جايبني وياك اذا ما اخنار انته اختار واني اروح للسيارة
نداريت داطلع لزم ايدي وجرها عليه
غضب: انجبي واكلي خ... تعاي
عشق: ما اخذ عبي كافي انته شايب اني ليش تدفني وياك
غضب فتح حلكة متفاجئ: شايييب
عشق: اي شايب عمرك ٣٢ سنة شيسموك لعد
غضب: طلعت شايب فوكاها ماشي امشي نكمل ال.... عاد
عشق: بس ما اخذ عبي
غضب: امري لله امشي عاد
مشيت ويا اخذت ٣ فساتين بكوة قنعته بيهن ميقبل. كل واحد يلكة بي عيب كصيف طويل والصدر والخصر ضليت اتزعل لحد ما رضى اخذهن اخذت دشاديش كلهن ردان عبالك عجوز شراح يلبسني بعد
عشق: اريد تراكسودات
غضب: متريدين تاخذيلي كرون اكرن عليج
عشق: مو صوجك صوج الي يلبسك ماريد
دامشي لزم ايدي
غضب بابتسامة: تعاي تعاي لعد اني شريد
ضحكت بداخلي خوش ينضحك عليه اني شبية هيج معندة المشكلة الوحيدة ما احبه مو بيدي وهو الي ديكره نفسة دخلنا للمحل اني اريد اخذ طوال ميقبل
غضب: لا لا عوفي ذني تعاي هنا
كلهن برمودة ونص ردن لو بدون ردان
عشق: مالبس هيج
غضب: قابل حتلبسيهن كدام غريب يلة
عشق: ماريد
غضب: احسن ضلي هنا راح اختار ٥ تراكسودات بالوان مختلفة واشكال مختلفة وكلهن نص ردان لو بدون ردان وبرمودة جابهن ولزم ايدي دنطلع
عشق: مالبس ذني
غضب: عود البسي الدشاديش واشكهن عليج والبسي ذني
عشق: كافي خلي نرجع هواي اخذنه
غضب: لا بعد اكو غراض ما اخذناهن
عشق: وين نحط العلاليك منكدر نشيلهن
غضب: تعاي
اخذني رحنه ل محل صديقة حط العلاليك يمه وطلعنا وكف كدام محل ملابس داخلية
غضب: طبي اخذي
عشق: صدك متستحي ماريد
غضب: يعني بدون داخليات هنيالي
عشق: غضبببب
غضب: امشي اخذي ماكدر ادخل
عشق: استحي ما ادخل
غضب: دمشي عاد
لزم ايدي وجرني للمحل واني طابة بملابسي همزين العاملات بنات اني وكفت اخذ الداخليات وهوة راح يفتر تقريبآ عشر دقايق واجه شايل اغلفة مال ملابس تقريبا ١٢ غلاف وحطهن كدام العاملة
عشق: هاي شنو
شالتهن العاملة تحطهن بالعلاكة باوعتلهن عزززة ملابس نوم😳
عشق: استحي شوية
غضب: قابل بايكهن شسويلج انتي متاخذين والاعتماد على النفس فضيلة
والنبي عليه الصلاة والسلام يقول من عمل عملآ صالحا فليتقنه
همستله حتى محد يسمع: همزين تعرف احاديث نبوية والله والسكير طلع متدين
باوعلي بعصبية وتقرب همسلي: ت

🌹🌹
للكاتبة:Lamar Alzankna

-------

شكرآ لتعليقاتكم الجميلة🌹
التصويت يجننن والتفاعل حماسي 🌷
شكرآ عبرت ال ١٠٠٠ متابع 😍
القصو بالمرتبة الثانية بالنهوة  بفضلكم بعد فضل الله😘
المشاهدات اكثر من ٢٠٠٠ مشاهدة❤
ماعرف شلون اشكركم
بس اكوللكم احبكم حيييييييل❤
يا اجمل متابعاتالبارت ١٥
همستله حتى محد يسمع: همزين تعرف احاديث نبوية والله والسكير طلع متدين
باوعلي بعصبية وتقرب همسلي: تريدين اشوفج السكير شيسوي ب الشارع
خفت منه وابتعدت العاملة انطته العلاكة اخذها بعصبية دفع الفلوس جر ايدي وطلع هسه اني شحجاني اووف منك ي لساني يمشي سريع واني اتعثر ما الحك على خطواته
عشق: اااخ على كيفك راح اوكع
محجى شي بس يعصر ايدي اقوى
ركضت بسرعته وصلت بصفة
عشق: عفية كافي تأذيني اوكف والله تعبت غضب عفية اسفة اسفة والله مدري شلون حجيت
وكف وندار يباوعلي : لسانج ضبي لتطلعين غضب الي بداخلي
عشق: اوك هسه نرجع ؟
غضب: بعد شتحتاجين
باوعت لمحل المكياج ابتسمتله
غضب: اي مو كو... اني واخليج تحطين مكياج كدام ياهو الجان
عضيت شفايفي نزلت راسي دامشي جر ايدي وشى باتجاه المحل وهوة يمشي
غضب: لتضلين تزعلين وهاي الحركة لتسويها
عشق: يا حركة ؟
وكف ودار وجهة يباوعلي وعض شفته الجوة: هايه متبقين بدماغي رب
عشق: لتكفر
غضب: امشي يله
دخلنا للمحل وكفت اجرب الوان الحمر على جف ايدي وكف بصفي
غضب: خليها ببالج من هسه مكياج ماكو بس بلغرفة
باوعتله ورفعت حاجبي: مفهمت
غضب: يعني بس الي برة الغرفة قطرة ما الكي بوجهج
عشق: لعد ماريد شكو ماخذة اذا ما احط
غضب: انجبي واخذي
عشق: ما احط
غضب مسح شواربة بعصبية: لتكفريني كدام الناس يله عاد
اني اجرب الالوان شال لون احمر مدة الي
عشق: ما احب هيج الوان
غضب: بس اني احب جربي
فتحت حطيت على جفي باوع لايدي وسحبها بقوة
غضب: هااااي شنو
عشق: شبيك ايدي وخر
غضب: وين حلقتج
عشق: نسيتها ب البيت
عصر ايدي اقوة: وليش تنزعيها اصلا حتى تنسيها
عشق: بس فك ايدي شوي دتأذيني اااااخ ايدي
غضب: جاوبي
غرغرت عيوني بس ارمش تنزل دموعي : ا ختت نك .. مننها .. و م ا .. البس ها ..بل ببيت.. ون سيت ..الببسها من ط طلعنا
غضب: ماشي اني اعلمج نرجع للبيت واشوفج اذا نزلتي دموعج احركج بالشارع
اني من يكلي لتزلين دموعج ينزلن لا ارادي هوة شافهن لو عبالك ذبو تيزاب عليه سحب ايدي وطلع بدون منشتري شي يمشي وهوة جار ايدي ودموعي تصب وكف فجأة بنص السوك ووكف كدامة رجال ونسوان ثنين سلم على غضب وغضب ردلة السلام انتبهت علية المرة الجبيرة
المرة: هاي شبيها الحلوة دموعها نازلة اني زادت دموعي حط ايدة على جتفي
غضب: مبيها شي خالة بس شوية خابرونة والدتها ب عافية وتريد تشوفها
الولد: اعذرنة اخرتك ابو نمر اخذ راحتك
غضب: مع السلامة
الولد: الله وياك
لزم ايدي وكمل الطريق صعدني بالسيارة وقفلها علية وراح ضليت ابجي اختنكت اريد افتح الباب ما اكدر ولا الجامات شوية واجه شايل العلاليك الي عفناهن ب محل صديقة ذبهن بالصندوق واجه صعد دافتح الجامه
غضب: سدي الخ..
بجيت صاح
غضب: دمووووووعج متنزل كدامي
مشى بالسيارة واني الخنكه موتتني
غضب: صوووتج ماريد اسمع بجيج
صرخت بقوة: كااااافي حتر البجي ممنوع كافي مللليتتتتتت
وكف السيارة صفح وباوعلي حط ايدة ورا راسي وجر راسي اقترب مني و💋 ادفع بي ميفيد الى ان فقدت بغير عالم عبالك طايرة ودموعي وكفت تنزل فصلت عن العالم مادري شكد طول وابتعد وايدة محاوطة وجهي باطراف اصابعة مسح دموعي
غضب: لتبجين كدامي عيونج تضعفني ما اتحمل
عشق: انته تأذيني
شهكت جر راسي على صدرة ويمسح على ضهري
غضب: متعرفين شصار بيه من ماشفت حلقتج بيدج اريد الحلقة متنزع من ايدج هاي الدليل على انو انتي ملكي اريد كل الناس تعرف انتي مالتي لتنزعيها كافي تبجين والله راح تموتيني والنبي والقرآ وحق الحق احبج بهاي الدنيا ماعندي غيرج ب شنو احلفلج احبج وداعت عيونج احبج وروح جدي احبج
وخرت راسي من صدرة مسحت دموعي
عشق: كافي تحلف صدكتك
غضب: انتي ليش تكرهين جدي عكاب
عشق: مو بس جدك
غضب: يابة جدنا ليش تكرهي
عشق: هوة السبب
غضب: ب شنو
عشق: بشخصيتك هاي
غضب: شبيها شخصيتي معاجبتك لو شايفتني مو رجال
عشق: مو هيج قصدي بس انته مو عاقل
غضب: انتقي كلماتج باحترام وخليني محترمج
عشق: مو قصدي شخصيتك شلون افهمك يعني انته شكلك حلو ومقب
قاطعني غضب بابتسامة : تشوفيني حلو
درت وجهي للجامة بانزعاج: والله ما احجي بعد
لزم وجهي ودارة علية: بعد ما قاطعج كملي
عشق هزت جتفها بمعنى ما
غضب: احجي عاد حالفة الا تموتيني
عشق: استغفر الله قصدي شكلك حلو ومقبول وعندك شغل محترم ورجال عليك الاعتماد وبكل معنى الكلمة ابن عم ما انسى يوم الي تمرضت ضليت تداريني بس بيك صفات سيئة ضرب غضب عبية تسلط تملك حقارة تهين الواحد متاخذ رأيي غيرك حتى حبك متعرف تعبر عنه وفوك هاي تشرب ع
قاطعني: انتي شلحيتي بالشرب
عشق: ما احب الي يشربون مكروهين الله ميحبهم واصلا مو بوعيهم
غضب: يعني اذا اعوف الشرب تحبيني
عشق: بس الشرب وباقي الصفات
غضب: يا صفات
عشق: مينفع وياك الحجي واني صارلي ساعة احجي بلكي تتغير بس ميفيد وياك
غضب: انتي لو بس تعامليني مثل الاوادم جان احنه بخير قصدج على التسلط والتملك والعصبية ماكدر اعصابي بشعراية متعلكة ماتحمل الضرب تعودت عليه من صغري تسلط وتملك لتناقشيني بيهن بالخصوص وياج انتي شي خاص بيه حتى وان حاولت اقلل من تملكي الج ماكدر كلبي يفز ويريدج بس اله يمحيج من الوجود ويضمج بداخله بس لو تحبيني
عشق: ماكدر احبك
غضب: ليش
عشق: انته السبب متعرف تجي مثل باقي الناس تكلي احبج بدون ضرب وعصبية وتحكمات وتخطبني مو تنهي علية ونتزوج مثل باقي الناس
غضب: اصلا جنت ناوي اخطبج ورا عيد ميلادج بيوم لان جنت انتضرج تصيرين ١٨ سنة بالسن القانوني حتى كبل نخطب ونتزوج ماعندي مال اجي اكلج احبج اني رجال من الباب اجي كبل بس يوم الي طبيت وشفت لبسج مبقى بدماغي ر استغفر الله متريديني اكفر
عشق: وشبي لبسي عيد ميلاد بيناتنه احنه البنات انته مدري شبيك طبيت متخبل
غضب: انتي شفتي شكلج من شفتج اتخبلت لو طاب احد غيري جايب البنات وشايفج لو احد شايفج من. الجوارين وانتي بالحديقة
عشق: وشكو تخبلت اذا يشوفوني جم مرة شفتني بهيج حالة اشو عادي
غضب: اني غير عن الكل ولبسج بذلك اليوم وشعرج وتفاصيلج جانت غير شكل عن كل مرة اشوفج
عشق: شتقصد يعني شبي شكلي
غضب: شلون تحجيني واني ما اريد احجي
عشق: متحجي منو لازمك
غضب: ااااشتهيتج (والله استحي اكتبها ههههه)
عشق: مفهمت
غضب: من تتزوجين تفتهمين
عشق: علساس هسه اني شنو
غضب: مو هيج قصدي يعني ورا العرس استغفر الله خررب ببليس نعلت الله على بليس
عشق: شبيك
مسح وجهة بقوة: كلبي الموضوع لو اسكتي
عشق: اسم الله شبيك
دالزم ايدة دفرها بقوة
عشق بعصبية : شبيك وياي هم كلبت
غضب ضل يفرك بكصته بقوة
عشق: احجي شبيك لتخبلني
غضب: تذكرت ذاك منضرج بيوم عيد ميلادج وو
عشق: وشنو
غضب: وسم بكلب
كطع الكلمة ورجع كال
بكلبي سم اسكتي صوتج ما اسمعة فتح الباب ونزل واني اصيح ميجاوبني وشارع دنيا المغرب والسيارات سريعة فتحت الباب دانزل صرخ بيه بقوة رجعت بمكاني وسديت الباب اباوعله واكف كدام السيارة يفرك بوجهة فتح دكمة قميصة ويلوب مثل المخنوك ضليت خايفة وكاعدة بالسيارة مرت خمس دقايق اجه صعد بدون ميحجي ساق ع السريع وطلع
عشق: مكملنه حج
قاطعني بصيحة: اسسسسسكتي ولا كلمة
سكتت الى ان وصلنه نزل من السيارة ودخل للبيت دخلت ورا ماشفته امه شافتني سألتني وين جنتو واجوي جابو الغرفة كلتلها رحنه اشترينه الجهاز مال عرس
احجي وياها واني بالي يم غضب شبي هيج عصبي سألتني وينه كلتلها نزل قبلي صعدت لغرفته مموجود بدلت و نزلت لكيتهم ديسوون العشا داساعدهم طلع غضب من الحمام يفرك المنشفة براسة ولابس نفس الملابس الي جان لابسهن واحنه طالعين باوعلي وصعد لغرفته لحكته طلعت ورا طبيت للغرفة ههههه الله ليوكعكم بالموقف الصار وياي هههه فتحت الباب جان يلف المنشفة علية اني طلعت وسديت الباب عزززززا انفضحت داتحرك فتح الباب نزلت راسي
غضب: ها عشق شتريدين
عشق: ا ا العلاليك ب ب
غضب: ارفعي راسج شبيج
رفعت راسي واني حمرة من الخجل وحجيت بسرعة
عشق: العلاليك اريد انزلهن بس السويج عود
عفته دانهزم لزم ايدي
عشق: شتريد
دخل نص جسمه للغرفة ورجع طلع حط السويج بيدي
غضب: مو تريدين السويج
اخذت السويج وافلللللللت 🏃‍♀️ نزلت طلعت العلاليك صعدتهن لغرفته طلع بوجهي وهو يفتح باب الغرفة فتت دادخل الغراض للغرفة
غضب: حضري نفسج راح نطلع
عشق: وين
غضب: نتعشى برة
عشق بفرحة: والله
غضب بابتسامة: والله يلة تحضري
ديروح لزمت ايدة باوعلي بابتسامة
غضب: ها
عشق: غضب
غضب: ي عيون غضب وكل عشيرتة
عشق: خلي البس الفستان الي اشتريتة اليوم
غضب: لا عشق لتضوجيني
عشق: ليش بس فهمني ليش
غضب: ي روحي ماكدر اطلعج كدام الكل وجسمج مبين
عشق: مو كل البنات يلبسن
غضب: معلية بباقي البنات بس كتلج انتي شي خاص بيه ماريد غيري يشوفج
عشق بتوسل: عفية غضب عفية
غضب: اووووف
عضيت شفافي بتوسل
غضب: مو كلت هل حركة لتسويها كدامي
مادري شلون صارت بيه الجرائة رفعت نفسي حاوطت ايدي ركبتة وبسته ضل مصدوم بالبداية لزم خصري يقربني اله وعيت على نفسي ودفعته باوعت بعيونة
عشق: عفية غض
قاطعني صوت يحمحم نداريت واشوف ذيج الشوف الي يكولون عنها وافشلتاااااااه مو كون الكاع تنشك وتبلعني كون اموت بكاعي وبعد ماكوم

-------
جنت مقررة باجر انشر البارت بس ماكدرت واني اشوفكم متحمسين ردت افاجئكم بيها وتكعدون الصبح تلكوني ناشرتها بس هسه داكتب واجتي الضلعة💪 تسأل شوكت انشرها متحملت الا انشرها لخاطركم واشوفكم ضلعتي الخبلة ههههههههالبارت ١٦
عشق: عفية غض
قاطعني صوت يحمحم نداريت واشوف ذيج الشوف الي يكولون عنها وافشلتاااااااه مو كون الكاع تنشك وتبلعني كون اموت بكاعي وبعد ماكوم دنكت راسي وفتت
ابو غضب: هههه اخذو راحتكم واعتبروني مشفت شي
دخل وراي غضب
غضب: تعاي نكمل وين جنه
عشق: ما جنه معقولة مشفت ابوك كدامك ليش منبهتني
غضب اقترب حط ايدة على خصري وسحبني باتجاهة
غضب: حتى يوصل للكل انتي تحبيني
عشق: شيوصل اصلا ما احبك اني
غضب بهمس: لا بربج لعد والبوسة
دفعته وتخصرت: علمود الفستان اطلع دابدل
طلعت الفستان من العلاكة لزمة وذبة ع الجرباية
عشق: هاي ليش جيبه
غضب: عبالج تضحكين عليه
عشق: عفية جيبه مو قبلت
غضب: قبلت من بستيني بس انتي كلتي علمود الفستان يعني انسي مو غضب الي ينضحك عليه
عشق: عفيه غضب
تقرب علية : اقبل بشرط
عشق: ماكو ما اقبل
غضب: احسن البسي عباية
عافني ديطلع لزمت ايدة
عشق: عفية غضب كول شنو الشرط
غضب ابتسم وندار باوعلي واقترب
غضب: كولي حبيبي
عشق: ماا
غضب: كامت تتعيقل ماكو طلعة لعد انسيها
ديطلع
عشق: حح بيب حبيبي
اندار بابتسامة: ي عيونه
عشق: خلي البس الفستان
غضب: كملي الجملة سوة لتقطعيها
عشق: شنو يعني
غضب: يعني حبيبي خلي البس الفستان واختميها ببوسة هنا
نفخ خدة
عشق: استغلالي
غضب: ماكو روحة طيري يله
عشق: اوووف حبيبي خلي البس الفستان
غضب: ماكو
عشق: والله انته مو مال عين صار ساعة اسايسك واكول يجوز ضالمته بس تبقى غضب ومتتغير تذلني علمود طلعة انعل ابو هيج طلعة بالناقص ماريد تعودت على كعدة البيت وسجنك
غضب: شبيك كبل فولتي داشاقة وياج يله بدلي
عشق: ماريد
عفته داطلع جر ايدي بقوة ودفعني ع الحايط
غضب: بدلي وانجبي خليني محترمج
عشق: اطلع برا دابدل
طلع غضب شكد ما احاول اجي ويا بالعيني واغاتي يستغل بالزايد اني صوجي لا احبه ولا اريدة على شنو داتلوكله لبست الفستان لفيت الشال وطلعت نزلت لكيته واكف ويا عدي باوعلي ذب حسرة وعاف اخو صعد السيارة صعدت بصفة الطريق كله لا اني حجيت شي ولا هوة وصلنه نزلنه للمطعم وهوة لازم ايدي كعدنه اجه النادل طلبنا العشا وراح
غضب: لتضلين تفرين بعيونج باوعي عليه
عشق: شنو حرام اباوع ل خلق الله
غضب: مو هاي خلق الله كدامج اني وباوعيلي
عشق: استغفر الله
درت وجهي اباوع ل صوت الطفلة الي تبجي شفتها عمرها اقل السنتين امها شايلتها تسكتها وابوها كاعد كدامها يلعب وياها ويسوي حركات بوجهة يريد يضحكها ابتسمت لا اراديآ شكد حلو هيج اب حنون وعائلة امنه ليش اني ماعندي مثلهم وعيت من صفنتي على ايد غضب وهوة يلزم ايدي باوعتله
غضب: تحبين الجهال
عشق: اي
غضب: احلى ام نمر ان شاء الله يصير عدنه درزن جهال
عشق: ماريد جهال
غضب عقد حواجبه: ليش
عشق: ماريد جهال منك
غضب: ليش متريدين مني
عشق: يطلعون نفس تربيتك
عصر ايدي: وشبيها تربيتي
عشق : يعني انته عاجبتك تربيتك
غضب: احجي مثل الاوادم
سحبت ايدي من ايدة: عاجبتك هاي العصبية واربعة وعشرين ساعة تضرب وتصيح هيه هاي تربيتك الصحيحة
غضب: غصبآ عنج تجيبين جهال واكثر من ٥ جهال هم
عشق: كلشي بكيفك ولا تسألني
مجاوب شي
عشق: غضب اسألك سؤال وجاوبني بغلاة اغلى شي عندك بصراحة
غضب: وغلاتج اجاوب بصرحة كولي
عشق: لو باجر عكبه بنتك اجاها واحد مثلك تنطيها اله
غضب: شنو مثلك
عشق: قصدي يعاملها نفس تصرفاتك هاي
غضب: اكسر ركبته واحركة حرك الي يحجي ويا بنتي كلمة
عشق: هنيالها ع الاقل عدها اب مثلك مو مثل ابوية
لزم ايدي : اني ابوج واخوج وحبيبج وعشيرتج كلها
سحبت ايدي من ايدة: لو جان يحبها مثل متحبني ويعاملها نفس تنطيها
غضب: ماكو احد يحبها بكد ما احبج اني ولا اكو احد بالعالم يحب احد بكد ما احبج اني
عشق: واذا جان يحبها تقبل
غضب: ماكو احد يحبها مثل ما احبج
عشق: اعتبر نفسك انته واني بنتك ترضاها تعاملني بهل طريقة
مجاوبني
عشق: ها تق
قاطعنه النادل حط الطلب وراح
عشق: شكلت تق
قاطعني: اشش اتعشي راسي يوجعني
عشق: ليش تته
قاطعني: داكول تزقنبي
ياكل واحسه صافن بغير عالم يمكن ديفكر بكلامي كملت اكلي وكفت
غضب: وين
عشق: اغسل لو حرام
غضب: انتضري نغسل سوة
عشق: ب مغاسل النساء
غضب: امشي
مشى كدامي واني ورا وصلنه لباب المغاسل
غضب: دخلي يله
مو عاقل هل رجال دخلت غسلت وعدلت شالي يمكن عباله انهزم وهيج واكفلي ب الباب طلعت بعدة واكف
غضب: اكو احد جوة
عشق: لا لتخاف محج
قاطعني وهوة يدخل للمغاسل طبيت ورا
عشق: عييب اطلع ليشوفك احد
غسل لزم ايدي وطلعنه
عشق: انته مو عاقل مو اكو مغاسل للزلم
غضب: وانتي وين تبقين بين ما اغسل
محجيت شي لان هذا الانسان مو صاحي وكفت يمه دفع الحساب وطلعنه بالسيارة ورا مدة هوة ديسوق
عشق: غضب
غضب: ي عيونه
عشق: مجاوبتني
غضب باوعلها بطرف عينه : على شنو
عشق: على الحجي الي كلته بالمطعم بنت
قاطعني: كافي سدي الموضوع
عشق: ما اسد الموضوع ولا شي ليش متجاوب لو لان تعرف بنفسك ضالم وغلطان معندك ح
قاطعني وهوة يوكف السيارة بقوة بحيث راد راسي ينلطخ بالجامة ندار يباوعلي بعصبية
غضب : اني ضالمج انننننني لو انتي شنو ذنبي حبيت وحده مثلج هااا اني عاجبني يعني من جابرج عليه واريدج يمي وفوكاها اني الضالمج انتي الي ضالمه ليش متحبيني ليش مو بيدي والله احبج واريدج ويايه مو بيدي شكد حاولت اكرهج بس ماكدرررر بس فهميني ليش متحبيني
عشق: مثل ما انته مو بيدك تحبني اني مو بيدي ما احبك
لزم وجهي بين ايديناته : ما احبج اني الي احس بي لا هوة حب ولا عشق ولا هيام اني مهووس بيج دقيقة اذا تبعدين عني اختنك اكره نفسي لان ضعيف وياج اني غضب تضعفني مرة صار سنين احترك من ورا حبج وانتي متفهمين ملللللليت والله مللللليت
وخر ايدة من وجهي وضرب الاستيرن بقوةة: ليش متحبيني ليش ليش ليييييش
رجع راسه ع الكشن رفع رجله لصدرة وحط راسة بين رجله دنك راسة ولازم راسة بقوة ثواني ورفع راسة باوعلي بعيوني وهوة بنفس حالته عيونه حمر رجع راسة بين رجلي انقهرت عليه صدك هاي اني هيج مسويه بي وما حاسة رفعت رجلي للكشن وانداريت عليه حطيت ايدي على جتفه رفع راسة يباوعلي وعيوني مغرغرة
غضب بصوت متألم وهمس: تعببببببااااان والله تعبت تعبتيني عشق تعبتي
قاطعته من سحبت راسة لحضني حضنت راسة بقوة على صدري هو حضني بقوة ويبجي بحضني
غضب: تعبت والله حبج دمرني حسي بيه تعبتيني والله
نزلت دموعي واني اشوفه بهل حالة حضنته اقوة واني ابجي
عشق: اسفة اسفة والله مو قصدي اسفة
رفع راسة باوع بعيوني واقترب باسني بادلته واني ابجي وهوة يبجي رجعتني ذكرياتي لفاتحة جدي عكاب غضب حيل يحب جدي ومتعلق بي جان وكتها عمري ١٠ سنين ما افتهم هواي واكفه بلباب والبيت هوسة الفاتحة مال زلم بالشارع وغضب واكف اول واحد بالفاتحة وميحجي ولا كلمة بس الزلم يبوسو ويفوتون وهو بس يهز براسه ميجاوبهم باوعلي واكفه بالباب اجه فات من يمي وصعد لغرفته مادري شنو الي خلاني اصعد ورا ل غرفته لكيته كاعد ع الجرباية ومدنك راسة للكاع فتحت الباب وكتله غضب رفع نظره باوعلي كتله شبيك فتح ايده اقتربت منه وهوة كاعد اني واكفه كدامه حضني وكال كلمتين لاغيرهن وهيه تعببببببببت عشق رجعت من ذاكرتي واني احس بلمسات ايد غضب زادت جرائة دفعته مني
عشق: شبيك غضب
غضب: ا

🌹🌹
للكاتبة: Lamar Alzankna

-----
اسفة ع التأخير البارحة بليل كتبت بارت طويل ونمت كعدت الصبح اجونه خطار التهيت ومانشرت اجيت المغرب دانشر لكيته محذوف تخبلت راح تعبي مادري ليش هيج دينحذفن رجعت كتبته من جديد اتمنى يعجبكم

شكرآ لتعليقاتكم الحلوة والتصويت الجميل احلى فقرة عندي وافرح بيها من انشر البارت اروح اكضيلي حاجه وارجع اشوف تعليقاتكم السريعة والحلوة 🌹🌹

احبكم❤البارت ١٧
رجعت من ذاكرتي واني احس بلمسات ايد غضب زادت جرائة دفعته مني
عشق: شبيك غضب
غضب: ا ا مادري شصارلي
رجعت كعدت بمكاني مسح دموعه واني مسحت دموعي شغل السيارة ومشى ماحجى شي بعد ولا اني وصلنه للبيت نزلنه كاعدين يتعللون غسل وجهة ودخل كعد وياهم اني هم غسلت وجهي ودخلت مسح ع التخم الي بصفه بمعنى تعاي كعدي رحت كعدت والعائلة يحجون بالعرس والتحضيرات والبنات ديقررن شيلبسن وشيحضرن رجع جسمة ليورة رفع راسة يباوع للسكف مد ايدة على طول التخم ورا ضهري عدي حجى ويا كعد عدل ويحاجي وايدة وراي ميل نفسه علية كدام اهله صفنت بوجهة اخذ الجكاير من يمي وهمس صعدي نامي رجع عدل نفسة مكمت ضليت كاعدة تقرب مرة ثانية سحب الجداحة وهمس يله كومي ورجع لمكانه مكمت ماحسيت غير شي يتحرك على ضهري تشنجت واني احس باطراف اصابعة وكفت ع السريع
عشق: تصبحون على خير
طلعت للمطبخ شربت مي دادخل لغرفة البنات اجه من وراي لزم ايدي واخذني ويا لغرفته فتح الباب ودخل وكفت بالباب
غضب: شبيج متطبين
عشق: اريد انام جوة يم البنات
سحب ايدي دخلني جوة وسد الباب بضهري الباب وكدامي هوة
غضب: ليش
عشق: مم وو ال ال
غضب: ال شنو
عشق: انام جوة  لح د يوم ا العرس
غضب : ليش يعني
عشق: ل لان ال ال
غضب: قصدج الصار بالسيارة
دنكت راسي وهزيت راسي بمعنى اي
غضب : عشق تخافين مني
مجاوبته حط اصبعة جوة حنجي ورفع وجهي باوع بعيوني
غضب: تخافين مني
عشق: مو ق. ققص دي هيج ب س
غضب: الصار بالسيارة وحد صار جم يوم تنامين يمي شفتيني اقتربتلج
هزيت راسي بمعنى لا
غضب: بعد شكو تخافين يله حبيبي بدلي اني اغسل واجي
عافني وطلع بدلت وتمددت دخل هوة ذب الخاولي من ايدة وتمدد بصفي درت ضهري عليه لزم جتفي ورجعني صرت مقابيلة
غضب: لتديرين ضهرج الي اريد اغفى واني اشوف عيونج
عشق: شتشوف بيهن كل وحده لون ا
قاطعني من حط ايدة على شفتي : اششش محد وكعني غير عيونج المميزة عن كل الناس
عشق: ليش تحبني
غضب حط ايدة على خصري وباوع بعيوني: ليش هل سؤال
عشق: احاول الكي بيك نفس الي لكيته بيه واحبك
غضب: كولي بس اخر كلمة
عشق: شنو
غضب: بس كولي احبك
مكدرت الفضها واني ماحس بيها ضليت ساكته
غضب: حقج ماريد اضغط عليج سألتيني شحبيت بيج
هزيت راسي بمعنى اي
غضب: كلشي بيج حبيته كلبج روحج نفسج حنيتج عفويتج طفولتج زعلج انعزالج عيونج شعرج خدودج كلشي بيج
عشق: صار شكد
غضب: اكثر من ٨ سنين
عشق: شوكت بالضبط
غضب: ماعرف بالضبط جان عمري ١٦ سنة وانتي سنتين لسانج ثكيل جان  واكف ويا اصدقائي بالباب مال بيتنه جابو موضوع الحب والبنات وحجو عليه لان ماعندي علاقات واحنه نحجي طلعتي تركضين لابسة بدلة وردية شفتيني وجيتي تركضين وتصيحين عبب عبب
عشق: هههههههه والله
غضب: هههه والله اروح فدوة لهل ضحكة عبب
عشق: هههه اي كمل
غضب اي اجيتي ركض علية شلتج اصدقائي ضحكو علية وكالو انته ضل بدون علاقات الى ان تعنس عود اخذ هاي الطفله صديقي الثاني كرص زندج وكال حقه حلوة ضربته واخذتج ودخلت لبيتكم ماعرف الي صار بذيج اللحضه حب لو غيرتي لان ابن عمج شالتني ابد ماجنت مفكر بيج بس من ذاك اليوم ماعرف شصار بية كلبي ميفكر غير بيج مهتميت ولا فكرت بي هذا حب لحد ما شفتج بالعيد وعمرج ٨ سنوات تلعبين ويا البنات واحمد ابن عمي يلعب وياجن من شالج على جتفه وايدة لازمه زرج ماتحملت سحبتج من جتفه وضربته دخلتج للبيت
عشق: ضربتني اول راجدي بذاك اليوم
غضب: بعدج تتذكري
عشق: اي من ذاك اليوم حقدت عليك
غضب: ليش
عشق: كمل وبعدين اكلك
غضب : بذاك اليوم من شفته لازم زرج حسيتج شي خاص بيه وماتحملت غيري يلزمج من ذاك اليوم انلعنت بحبج ضليت من بعيد بعيد اراقبج ما احاول اتقرب يمج ولا احاجيج اريد اشيل حبج من داخلي بس مكدرت ابتعد وارجع من جديد احبج بالاكثر التهيت بشغلي اكثر بس ماكدرت اطلعج من دماغي يوم عن يوم يتحول حبي لعشق الى ان صار هوس جدي انتبه عليه وعلى نضراتي الج وتصرفاتي وياج جمع عمامي قبل وفاته وكال عشق متصير غير لغضب ومن ذاك اليوم بدت معاناتي وياج لليوم
عشق: شلون حبيت طفلة هههههه
غضب: حتى انتي تضحكين عليه مادري شلون المهم احبج انتي كوليلي شنو تكولين من ذاك اليوم حقدت عليك
عشق: ها ماتذكر هاي مال اصدقائك وعبب بس اتكر من عمر الخمس سنوات ما احب ولا واحد من ولد عمامي كلهن اعصاب وحقراء بس انته غير شكل جنت اخاف اقترب منك بس مادري ليش جان يعجبني شكلك وشواربك وتفوت شايل سلاح وعسكري لابس شكلك حلو صح تخوف وعصبي بس مادري ليش ارتاحلك يوم الي ضربتني راجدي بدون اي سبب بس لان جنت العب كرهتك وحقدت عليك وصرت اخاف منك وتعاملك وياي زاد كرهي الك ومن حجبتني واني عمري ١١ سنة كرهتك اكثر ومن بطلتني من المدرسة زاد كرهي اكثر وصرت ادعي عليك ايدك والضرب متعرف تحجي بس تضرب هواي دعيت الله يموتك واخلص منك
سحبني اكثر باتجاهة وحاوط خصري بيدة: هيج كلبج نطاج وتدعين علية
عشق: اي ويوم الي نهيت عليه جان كرهي الك بنسبة ٩٧% لان جنت احبك شوية لان ع الاقل تعاملك احسن من اخوتي بس بيوم النهيت علية كرهتك كره ماصار ولا دار ودعيت دعوة هزت عرش الرحمان
غضب: يعني صار ساعة اعترفلج شكد احبج وانتي تعترفين بكرهج
عشق: انته السبب بهذا الكره
غضب: عوفينه من الماضي هسه شتحسين وياي
عشق: شحس
غضب: بعدج تكرهيني وتدعين عليه
عشق: ا م
غضب: احجي لتخافين
عشق: من عرفتك تشرب تمنيتك تموت
غضب: اشرب من وراج احاول انساج بالشرب بس ميفيد
عشق: من ميفيد ليش تشربة لعد
غضب: انتي تضوجيني بحجيج واني اطلع قهري بالشرب
عشق: صار شكد تشرب
غضب: من عمري ٢٣ سنة
عشق: عززة صار ٩ سنين
غضب: اي
عشق: يعني انته مدمن
غضب: اني مدمن بيج صار ٩ سنين كل ليلة اشرب من وراج بس هاي الايام الي انتي يمي ماشربت
عشق: ذاك اليوم جيت شارب
غضب: جنت مقهور من وراج
عشق: يعني اذا ماقهرتك متشرب بعد
غضب: مادري
عشق: جاوبني
غضب: وشيصير اذا جاوبتج
عشق: بعد ماقهرك حتى لتشرب
غضب: تعلمت ع الشرب
عشق: مو دكلك مدمن
شلت ايدة مني ونداريت انطيته ضهري حسيت بي عبر من فوكاي ونام كدامي
عشق: هاي وين ارجع لمكانك
غضب : مكاني بحضنج مو دنحجي ليش تعوفيني فتحي ايدج دنام
سحب ايدي مدها ونام فوكاها حط راسة بركبتي دفعته ماقبل يتحرك
عشق: وخر راسك
غضب: نعسان عوفيني انام
عشق: مو كلت دنحجي
رفع راسة: مو تردين تنامين
عشق: لا اريد نسولف
غضب: المهم تقلقين نومتي احجي واني اسمعج
رجع راسة لركبتي ضربته على جتفه
عشق: كوووم
غضب: استغفر الله ماشي كمت بس شوية رخي ايدج نايم على حديدة ما اكلج
حط راسة على ايدي ويباوع بعيوني
غضب: اي
عشق: اي
غضب: معندج سالفة شكو مخليتيني انام خلي ارجع
عشق: لا لا غير انته نسيتني السالفة
غضب: ههههه ليش شسويت
عشق: اي تذكرتها شلون تعوف الشرب
غضب: شلحيتي بالشرب
عشق: ما احب الشرب احجي عاد
غضب: حبيني واعوفة
عشق: مو بكيفي دعوفه عفية
غضب: كلشي تريدة مني وهيه بس كاعدة عوف الشرب عوف حبي عوفني بطل النهوة وانتي شتسوين بس تتأمرين
عشق: اوووف مو مال احد يحاجيك
غضب: زين اكلج الطريقة
عشق: اي
غضب: اني اشرب بس بالليل انتي حبسيني يمج بالليل هيج نكعد نسولف وماشرب بعد
عشق: والله
غضب: والله
عشق: انته دوامك بين يوم ويوم اذا بالدوام شربت شلون
غضب: بالدوام اشرب وين صايرة هاي
عشق: تصير كلشي يصير
قرب علية
غضب: اشش كافي نامي باجر ورانه نعقد بالمحكمة
حضني دينام
عشق: امي تجي باجر
غضب: لا يمكن بس ابوج
عشق: عفية غضب صار ٣ ايام مشايفة امي مشتاقتلها مفرفحة عليها
رفع راسة باوعلي : مشتاقتلها
هزيت راسي بمعنى اي
غضب: الله كريم نامي
حضني قوي اني نايمه على ضهري نداريت عليه ايدي جوة راسة طويتها على جتفه وبايدي الثانية هم حضنت جتفه حاولت انام بس ماكدرت شي بداخلي ماعرف شنو فرحان يمكن لان مرتاحة اليوم ويا غضب شكد حلو لو يبقى هيج هادئ ومحبوب رفعت ايدي ومديتها على شعرة مشيت اصابعي بين خصل شعرة قربت وجهي شميت شعرة ريحته طيبة حسيت غضب حضني اقوة ماكدر اشوف وجهة لان وجهة بركبتي
عشق: غضب كاعد
غضب: مممممم
وخرت ايدي من شعرة لزم ايدي ورجعها على راسة
غضب: لعبي بشعري تعبان اريد انام
ضليت العب بشعرة واني فرحانه لاول مرة انام الليل واني فرحانه كعدت الصبح غضب بعدة نايم سحبت نفسي بهدوء وباوعت لوجهة حواجبه ثخان وشوارب ثخينه بيهن جم شيبة رجال من صدك بس شايب كصته بيها خطوط مال عصبيه خشمة حاد رمشة طويل واسود مديت ايدي لشواربة مسحت عليهن خشنات ضليت العب بشواربة مادري شكد الى ان اندكت الباب بدون ميفتح عينه صاح: منووو
سهى: اني غضب شوكت تكعدون راح تتأخرون ع المحكمة بابا يكول
غضب: انعل ابو المحكمة لابو ال..... راح تطير عوفوني نايم ندار باوعلي
عشق بخوف: صباح الخير
غضب : صباح الحب بس ماكو كعدة ارجعي تمددي
حضني ورجع راسة على ايدي غمض عيونه ثواني وفتح تك عين
غضب: لعبي
عشق: شنو
سحب ايدي وحطها على شواربة
غضب: لعبي بشواربي
عشق: ماريد
غضب: عشق لتطلعين خبالي من الصبح كملي
عشق: جنت نايم
غضب: شلون تعاند هاي غمضت العبي بيهن يلة
غمض عيونه ابتسمت مكدرت واني اشوفه عاصر عيونه يحاول ينوم نفسة طلعت مني ضحكة فتح عينه صفن بوجهي
غضب: اني شكلت
لزم ايدي وكام يمسح شواربة بيها
غضب: ضلي العبي بيهن
اني هم عاجباتني ليش لا ضليت العب بيهن ههههه مديت ايدي على حواجبه العب بيهن
عشق: غضب
غضب مغمض: ي عيونه
عشق: ليش متعدل حواجبك
فتح عينه: شقصدج
عشق: يعني مخربطات تحفهن شوي.
قاطعني بعصبية: شايفتني مرة واحف
عشق: مو هيج قصدي بس سألتك
غضب: واني راح اجاوبج مو مرة داحف متريدين اشير ايدي هم واصير املط
كام من الفراش وكفت اني هم
عشق: مو هيج قصدي فهمتني غ
قاطعني: لا قصدج اني مر
قاطعته بصيحة: ليش تقاطعني وتحكم من نفسك تضل غضب شتوقع منك ماقصدت انته مرة بلعكس رجال انته بس ولو شيفيد الحجي وياك بس تصيح انته
نداريت جريت الشال حطيته على راسي دامشي جر ايدي صار ضهري على صدرة حضني من ورا حاولت ادفعة
عشق: وخرر دولي
مد ايدة ل ايدي وحضني بقوة اني وايدي حتى ما اتحرك وحط وجهة على جتفي
غضب: حبيبي شبيج مو جنه وردة
عشق: انته الي شبيك شكلتلك اني وهيج صرت عصبي ١٠٠ مرة كتلك اكره بيك عصبيتك وتحكمك ليش تحكم علية قبل لتفهمني وتضل تقاطعني
غضب: مو قصدي بس لان كعدوني وقاطعونه
عشق: لتجذب هديت وبعدين رجعت عصبت
غضب بشبه عصبية: عشششق شنو لتجذب اكو مرة تكول لرجلها لتجذب
عشق: لعد انته تغلط اشكال والوان متبقي لا ام ولا اب واني اضل ساكته على هل كلمة تخبلت فكني
حاولت افك نفسي حلني لزم ايدي ووكعني ع الجرباية تمدد يمي وحضني حاولت اكوم
غضب: اثبتي داحجي
عشق: شنو شتريد
غضب: لتزعلين حبيبي مادري شبية خلي نطلع فرحانين رايحين تصيرين مرتي بالقانون لتكلبيها علينه
عشق: اني اكلبها
غضب: لا والله اني بس لتزعلين
عشق : ه

🌹🌹
للكاتب