رواية #غضب_العشق ( نهوة) الفصل السادس 6 - بقلم الكاتبه زينب علي

#غضب_العشق ( نهوة)

#البارت21_22_23

عشق: روح غضب روح بس اريد منك طلب
غضب: شبيج حياتي كتلج بس هالمرة
عشق: طلكني
غضب: شتمسلتين انتي
دفعته وصحت بي طللللللكن
قاطعني براجدي على خدي من قوته وكعت بالكاع رفعت وجهي باوعتله واني لازمة خدي كتله طلكني كعد كدامي وحاوط وجهي بيدة ادفع بي ميفيد واني بس انطق بكلمة وحده طلكني طلكني طلكني
غضب: صوتج اسكتي اسكتي
عشق: طلكني طلك
قاطعني حط ايدة على حلكي واني ادفع بي ايدة على حلكني واني اكله طلكني يضغط على حلكي يريدني اسكت واني دموعي تنزل لازم حلكي ويبوس براسي ويتوسل اسكت
غضب: فدووة اسكتي لتحجين هل كلمة
عشق دفعت ايدة : طلكنننننننني
غضب : ماكدر ماكدر
عشق: احلفك بالقرآن طلك
قاطعني بصياح: لتحلللللفيني ما طلك
ضليت ابجي وهو كاعد كدامي يحاول يحضني واني ادفعة صحت بي ماررررريدك طلكني كام وكف ويباوعلي ضل يفرك راسة بقوة توجه للباب فتحها طلع عصبي عرفته رايح يشرب كمت ع السريع ركضت ورا دينزل الدرج ركضت لزمت ايدة
عشق: لتط
قاطعني بصياح: ويييين شاللج
عشق: عفية غضب لتطلع عفية لتروح
غضب: وخري من كدامي ماريد اأذيج
عشق: رايح تشرب مو
غضب: معلللليج امشي من وجهي
يريد ينزل الدرج حضنته من ضهرة وثبتت نفسي
عشق: ابوس ايدك لتطلع لتشرب غضب
طلع قصي من غرفته
قصي: شكوو
اني حاضنه غضب
غضب صاح : ديرررر وجهك ملابسة شال
قصي دار وجهة ويحجي: البسي شال دفهم شبيكم
عشق: قصي فدوة لتخلي يطلع عفية
قصي: شبيكم وين يروح
حل ايدي بقوة واندار صاح بية: متمنعيني انتي افتهمممممتي
عشق: فدوة لتروح
قصي: وين يروح
غضب: لتدخل قصي
أيست منه راح يروح يشرب واني صار ايام احاول امنعة جريت ايدة اريدة يدخل للغرفة ميقبل بكوة جريته دخلته وسديت الباب
غضب: شتريدين داحاول ما امد ايدي عليج احترمي نفسج
عشق: ا اخذ الي تريدة
غضب: شنو
عشق: اخذ الي تريدة بس لتشرب
غضب: شتحجين انتي
عشق: فدوة لتشرب شتريد تسوي سوي بس لتشرب هاي اني كدامك ومرتك بس لتشرب
غضب: هاي انتي كل عقلج ببالج اريد اشرب علمود الاريدة
عشق: لعد ليش تشرب
غضب: افهمي ولج ماكدر روحي طاكة صار جم يوم مشارب
عشق: مو كلت مو مدمن
اخذ نفس قوي وزفرة: ماكلت مو مدمن صار ٩ سنين اشرب كل ليلة شلون تريدين الادمان
عشق ببكاء: عفية لتروح مو كلت لتعوفيني
تقرب عليه لزم وجهي بيدة: اني الي ماقبل اخذ الاريدة قبل يوم العرس افتهمتي وكتلج بس هالمرة بعد ما شرب
وخر مني وفتح الباب وطلع انهارت كل قوتي صبر ايام ضاع راح يرجع من جديد يشرب وكعت بالكاع ودموعي تنزل اريد اكوم ما اكدر يمكن اقل الدقيقتين واني ممددة بالكاع وابجي انفتحت الباب واحد وكف كدامي بس اشوف تكرمون الشحاطة واطراف الدشداشة كعد مقابيلي ورفع وجهي وباسني بقوة واني ابجي حضني بقوة ويبوس براسي
غضب: لتعوفيني حياتي والله ماكدر بدونج انعل ابو الشرب لابو الجابة والله ماكدر بلياج
رفعت عيوني باوعتله عيونة مغرغرة
عشق: ليش مارحت
غضب: ماكدرت اعوفج وصلت راس الطرف ورجعتلج بس يمج ارتاح لتعوفيني
مديت ايدي حاوطت ركبته وابوس بي
عشق بدموع: لتعوفني فدوة لتعوفني
حضني بقوة: والله ماعوفج
ضليت دقايق بحضنه حضنته خنكتني حاولت اكوم حضني اقوة
غضب: لتعوفيني ماريد افكر بالشرب
عشق: كوم تمدد
كام وكف وهوة حاضني توجه للجرباية وكع نفسة فوك الجرباية واني بحضنه غمضت عيوني واني حاضنته هوة يبوس بركبتي غفيت من البجي حسيت عليه ايدة نشالت من فوك ضهري وجسمة ابتعد عني خفت لا ديطلع يشرب حضنته بقوة وفتحت عيوني باوعتله ماد ايدة ع الكومدي
غضب: كعدتج
عشق: وين رايح
غضب: داجيب الجكاير
سحب الجكاير من فوك الكومدي جر جكارة وحطها بحلكة فتح الجداحة ورثها ورجع تمدد جريت نفسي بصفة وحطيت ايدة جوة راسي واني اباوعله
غضب: اسف لان مديت ايدي عليج
عشق: اشششش انسى
مديت اطراف اصابعي مشيتها على ركبته وهوة يباوعلي
غضب: ثكلي شوية ماكدر ترة
عشق: هاا
غضب: ووجعا ايدج وخريها شوفيني سباعيتج بعد يومين
سحبت ايدي بسرعة شفته ابتسم
غضب: صدك جنتي راح تسلميني نفسج حتى ماطلع
عشق: مادري
غضب: نامي
باوعت للساعة بال٧ وربع
عشق: كوم نتعشى
غضب: ماريد اطلع من الغرفة
عشق: اجيب العشا هنا
كمت لفيت شالي وطلعت نزلت مسوين عشا صبيتله دخل قصي
قصي: شبي غضب
عشق: هيج سالفة وعبرت
قصي: جان طالع يشرب مو
عشق: انته تدري
قصي: كلنا ندري
عشق : ليش متمنعه
قصي: منكدر اله بس انتي ضلي ويا ولتعوفي حتى يترك هالعادة الزفت
عشق: ان شاء الله
اخذت الصينية وصعدت فتحت الباب بعكسي وفتت شفته نازع الدشداشة لابس تراكسود وكاعد يشرب جكاير تقربت حطيت الصينية ع الطبلة ورحت وكفت يمه باوعت اكثر من ١٠ كطوف مال جكاير النفاضة وبيدة جكارة
عشق: كوم غضب حضرت العشا
غضب: ماشي حبيبتي هسه اكوم
عشق: عوف الجكارة من ايدك
اريد اخذها بعد ايدة وباوعلي : عوفيها
كرفصت كدامه وايدي على رجلة ورافعة وجهي اباوع بعيونه وهو كاعد يسحب نفس بالجكارة
عشق: حبيبي لتأذي نفسك هواي شربت جكاير عوفها ليصير بيك شي والله ماكدر بدونك
عيونه تباوعلي وهو يسحب نفس الجكارة طول بيها اني احجي وهوة بعدة يسحب بيها
عشق: عفية كافي تسحب هيج ذبها لتموت وتعوفني
وخر الجكارة ونفخ دخانها بوجهي الدخان حاوطني كلي على بعضي مديت ايدي وهفيته راح الدخان باوعتله قرب وجهة من وجهي وكال احبج باسني ع السريع ومد الجكارة الي
عشق: شسوي بيها
غضب: طفيها
اخذتها ودعستها بالنفاضه وكمت وكفت توجهت للصينية وهوة وراي كعدنه تعشينه وهوة يباوعلي كمل كمت دالم الصينية طلع يغسل طلعت ورا والصينية بيدي وصلت للدرج صاح عليه
غضب: حبيبتي
نداريت: ها غضب
غضب: تعاي اكلج شي
اقترب منه : ها كول
انحني كدامي وايدة وغف صابون وجهة كبال وجهي والصينية بيدي باسني مدري شصار بية ايدي رخت ووكعت الصينية من ايدي جفل من صوتها وابتعد باوعلها وضحك
غضب: ههههه شبيج حبيبي
عشق: كله من وراك شوف نكسرت المواعين مكدرت تنتضر بين مانزل الصينية
تقرب يم اذني وهمس: اني ردتج وانتي شايلة الصينيه داشوف تأثيري عليج
عشق: ادبسز
كعدت الم المواعين المكسرة وهوة رجع يغسل ومبتسم صعدت امه ع الدرج
ام غضب: خير يمه شنو صوت التكسير هذا
غضب: سلامتج يمه وكعت الصينية
ام غضب: طار الشر مصار شي
لميت الصينيه رفعت عيني باوعتله ابتسم وفات للغرفة نزلت الصينية اخذت مكناسة ومكرافه صعدت كنست الكزاز الي بلكاع نزلته صبيت جاي داصعدة ابو غضب صاح
ابو غضب: عمي عشق
رحتله واني شايلة استكان الجاي : ها عمو
ابو غضب: وين غضب ليش مينزل ويانه
قصي: يابة عوفه فوك يم مرتة احسن مينزل ويطلع لهل عادة الزفت
عدي: اصعدي عشق معليج انتي
صعدت فتحت الباب لكيته فاتح التلفزيون ومتمدد ع الجرباية الريمونت بيدة يكلب بالقنوات حطيت الجاي ع الكومدي
عشق: كوم غضب اهلك ديسألون ليش متنزل
سحب ايدي ومددني بصفة
غضب: خلي يسألون تعاي اشبع بيج بت ال.... باجر تعوفيني شيصبرني بدون ماشوف هل عيون
باس عيوني
عشق: غضب شنو بت ال....
غضب: اهووو هسه عمي واسبه بكيفي انتي شعليج
عشق: غضب هذا ابوية
غضب: ماشي بعد ماسب من نعلعلا عل
عشق: غضبببب
غضب بابتسامة: ي عيونه
عشق: لسانك زفر شبي
غضب: يفلت شسويلة
عشق: سب بعد وشوف شسوي
غضب: شتسوين بت ال
قاطعته ضربته على حلكة
غضب: هاي المن تضربين
عشق: الك بعد كل ميفلت لسانك اني اضبه
غضب: هاا هاا سهلة تعاي اشوف
خلاني جوا ويدغدغ فحطت من الضحك
عشق: غضب كافي هههه غضب ولك ههههه غض هههه را ههه تموتني هههههه كافي
تمدد بصفي ويضحك: احبج تدرين
عشق: اي ادري
دار وجهة علية يباوع بعيوني : احبج
عشق بابتسامة: ادري
غضب: ووجع كولي اني هم احبك شنو ادري
محجيت شي
غضب: نصبر شكو بيها لما الله يفرجها بس تعاي بحضني
جرني لحضنه حضنته
غضب: جم جاهل تريدين
عشق: مو هسه
غضب: لعد شوكت
عشق: بعد هواي
غضب: ليش
عشق: اريد اكمل دراستي
غضب: نعم نعم
عشق: شنو نعم اريد امتحن سادس اعدادي
غضب: ماكو شتسوين بيها
عشق وخرت من حضنه: شنو شسوي بيها اريد اخذ شهادة
غضب: لا ماكو وصلتي الثالث بعد ماكو
عشق: عفية غضب
غضب: كلت ماكو شجاب الشهادة على بالج هسه
عشق: راح اضل ضعيفة اذا متصير شهادة بيدي
غضب: متضعفين واني وراج
عشق: غض
غضب قاطعها: كلت سدي الموضوع
جرني لحضنه دفعته ونداريت اجه حضني من وراي دفعته ميتحرك
عشق: عوفني
غضب: ليش هيج تسوين
عشق: اني لو انته وخرر
غضب: انجبي ونامي
ضليت ساكته دقايق
غضب: ماكلتيلي جم جاهل تريدين
عشق: ماريد
غضب: انجبي دكولي عاد جم جاهل
نداريت عليه: ماريد ولاجاهل من واحد همجي مثلك
غضب: اني همجي
عشق: اي انته
نداريت
غضب: يمين بركبتي الا كل سنه اخليج تحبلين بجاهل
عشق: واني اسقطهم
ندار فوكاية ولزم حنجي بقوة : نشوف
رجع لمكانه ودار ضهرة عليه اني هم نطيته ضهري ونمت كعدت الصبح شفته مموجود بالغرفة كمت لفيت شالي دافتح الباب فتحها هوة هم بنفس الوقت
غضب: صباح الخير
تجاهلته داطلع لزم ايدي بقوة
غضب: مو اكلت خ... وكلت صباح الخير
ضربته على حلكة بايدي باوعلي مصدوم
عشق: مو كلت لسانك الزفر كل ميفلت اضبه
غضب: يعني مزعلانه
تقرب يحضني دفعته : بعدني زعلانه وما ارضى بس لسانك كل ميفلت اضبه حتى لو زعلانه لان انته من تنعاف تفلت
عفته وطلعت يريد يرضيني عود لو يموت حقير غسلت وجهي ونزلت سويت ريوك بس الي كعدت اكل نزل للمطبخ باوع للطباخ وباوعلي واني اكل سويت نفسي ما اشوفه
غضب: وين ريوكي
رفعت وجهي باوعتله ونزلت شفتي بمعنى شمدريني
غضب: يعني مسويتيلي
هزيت حواجبي بمعنى لا كعدت كدامي ع الكرسي وسحب الماعون من كدامي والكلاص مال جاي وبدة ياكل
عشق: داتزقنب
غضب: اني هم اريد اتزقنب
عشق: تزقنب احد لازمك
كمت داطلع من المطبخ لزم ايدي
غضب: هاي عليمن تزقب
عشق: مو انته تكول اريد اتزقنب
عفته وطلعت للغرفة كعدت احضر الملابس الي اخذهن لاهلي اليوم لان اليوم الحنه والبيت مخبوص ورا دقايق دخل غضب شايل صينية تجاهلته خلاها ع الطبلة واجه وكف وراي سحب ايدي للطبلة
عشق: عووفني
غضب: كعدي تريكي
عشق: ماريد
غضب: هواي نطيتج عين
كعدني بقوة ويوكلني بايدة اني ما اقبل وهوة يفتح حلكي غضب عني اختنكت شربني جاي
عشق: ااااي شبيك انته مو عاقل والقرآن
غضب: احبج
عشق: حب نفسك
عفته شلت عباية اسلامية والشال وملابس وطلعت فتت للحمام نزعت ملابسي ندكت الباب
عشق: اني هنا داسبح روحو جوة
غضب: اريد دشداشتج
عشق: يا دشداشة
غضب: الي جنتي لابستها
عشق: اريد اغسلها
غضب: لا لا لتغسليها انطيني ياها
عشق: شتسوي بيها
غضب: احركها شعليج انتي انطيني ياها
فتحت الباب شوية ومديتها دياخذها لازمتها
عشق: امانة لتحركها
اندفعت الباب يريد يدخل سحبت العباية من يمي وغطيت نفسي دخل وكف كدامي
عشق: اطلللع شتسوي هنا
غضب: ما احركها بس اني احتركت
عشق: غضب اطلع برا
غضب: ماطلع اذا م
تقرب يمي
عشق: تحلللم اطلع برا اطلللع
غضب: ماطلع اذا متصالحيني
عشق: اطلع برا
غضب : انتي ردتيها ديتقرب
عشق: لا عفية غضب اطلع برا
غضب: كولي مزعلانه منك واطلع
عشق: خرررب مزعلانه بس اطلع
غضب: لا هاي مو من كل كلبج
عشق: عفية غضب اطلع والله مزعلانه بس اطلع
غضب: اوووف يله المهم مزعلانه
طلع سديت الباب ورا واني ميته خجل طبيت غسلت وبدلت عباتي الاسلامية لفيت شالي وطلعت رحت للغرفة كاعد ع الجرباية ولازم دشداشتي وكفت كدامة
عشق: شلون تفوت للحمام هيج ادبسز
غضب: فتت بعد شتسوين
عشق: الله يرجعلك عقلك
غضب: عقلي يمج رجعيلي يا
عشق: لتخبلني انطيني الدشداشة
داجرها سحبها مني: شتسوين بيها
عشق: اغسلها جيبها
غضب: لا لتغسليها عوفيها يمي يعني تريدين تروحين انتي وتاخذين ريحتج شسوي اني
عشق: شنو
غضب: اريد دشداشتج بيها ريحتج تصبرني اليوم
عشق: والله انته مهووس
غضب وكف : اي والله اني مهووس بيج
عشق: همزين تعرف بنفسك
قدس صاحت من ورا الباب: عشق جاهزة نطلع للصالون تأخرنه
عشق: اي جاية
توجهت للباب حتى افتحها غضب حضني من وراي ويبوس براسي
غضب: لتعوفيني
عشق: شبيك غضب
نداريت باوعتله عيونه مغرغرة لزمت خدودة بيدي الاثنين : شبيك حبيبي
غضب: لتعوفيني
عشق: باجر اجي
غضب: حتى لو ماريد ابتعد عنج
حضنته وهوة حضني فتح شالي ويبوس بية ويشمشم بيه
عشق: حبيبي كافي
غضب: اشش عوفيني اشبع بيج
ندكت الباب
سرى: تأخرنه
رفع راسة من ركبتي وصاح: انعل الصالون لابو ال
قاطعته من ضربته على حلكة: اني شكلت
غضب: معليج بيهم
رجع يحضن واني ادفع بي تأخرنه
عشق: حبيبي والله تأخرت العصر راح تجي يحنوك وتشوفني بس عوفني
بكوة عافني طلعت ع السريع حتى ميوكفني بعد طلعت واني الف شالي البنات ضحكن
قدس: هههههه واني اكول ليش تأخرت
عشق: انجبن يلة عاد ليطلع
طلعنا صعدنه سيارة قصي وصلنه للصالون نزلنه وراح دخلنا للصالون رحبت بينه ام الصالون وكعدتني نزعت شال حفت وجهي انسمطت سمط اول مرة احف باوعتلي وضحكت
ام الصالون: الضاهر ليلة عرسج راح تكون صعبة
عشق: ليش
ام الصالون :من ركبتج مبينه
كعدت باوعت للمرايا خرررب مزوركة كلها كامت تضحك حتى الزبائن
قدس: يله مشتاك ماعليه عتب
ماحجيلكم صرت حمرة من الخجل حفتلي ومساج وهل سوالف من ٩ الصبح لل٢ الضهر اعادة ترميم مكياج وهوسة ساعة تحاول تخفي اثار غضب بدلت بدلة ماروني حطو كبوس على راسي غضب موصي ماطلع بدون كبوس طلعوني موسى جاي ياخذني وصلوني لبيت اهلي اول مدخلت دموعي نزلت مشتاقة لبيت اهلي شفت اختي مسرة حضنتها وبجيت صار اكثر من شهرين مشايفتها لان ابن عمتي حقير ميخليها تجي لبيت اهلي هواي وغضب ميقبل اروح لبيتها ضليت حاضنتها وابجي وعماتي ونسوان عمامي يحجن لان مكياجي راح يتدمر عدلول ي مكياجي وفوتوني للاستقبال النسوان تبوسني وتبارك وهلاهل وجكليت وركص واغاني والبنات كل شوية كاعدات يمي ويضحكن ويتشاقن اني مفرحانه مثلهن احس كلشي يمشي غصب عني ومو اختياري ماردت اجي لهل دنيا برضاتي ولا برضاتي اختاريت اهلي ولا برضاتي تركت دراستي ولابرضاتي تحجبت ولا برضاتي حبيت مثل باقي الناس ولا برضاتي حنتي وزفتي كلشي الكل يقرروا واني ما اقرر غضب ماجان فارس احلامي الي كل بنية ترسمه ببالها اقل شي مجان ببالي اخذ واحد اكبر مني ١٤ سنة جنت اريد يكون رجلي بعمري اوعلى الاقل اكبر مني بس مو اكثر من سنتين تلاثة بس كلشي نحرمت منه حتى الحب غصب عني حبيت غضب اني جان حلمي غير شكل بس الواقع غير الاحلام كل هل افكار تدور براسي واني اشوف البنات يركصن وفرحانات ورا ساعتين اجه غضب دخل باوعلي من الباب وابتسم تقرب باس راسي وكعد حنو وحنوني باركولنه كام طلع من الاستقبال ورا دقيقة اجتي قدس كالت كومي وياي طلعتني من الاستقبال دخلت ل غرفة موسى لكيت غضب واكف ابتسم ..

🌹🌹
للكاتبة Lamar Alzankna

-------
البارت ٢٢٣٣ كلمة بالضبط ان شاء الله يعجبكم تفاعلكم يجنن والتعليقات اقل مايقال عنها رائعععععععة .

انتبهت البارت الفات اكثر من ٢٤٥ مشاهدة بس التصويت ميتجاوز ال٥٠ رجاءآ الي يعجبه البارت يصوت والله داتعب بالكتابة ع الاقل ردولي تعبي بتصويت حتى القصة تصعد بالبحث ❤

بالنسبة لليسألون القصة حقيقية لو خيال فالقصة حقيقية واحداثها من ٢٠١٠ ❤

والي يكولون حبه كلش زايد ومو حقيقي ف حبه حقيقي هذا ما يسمى بالهوس ❤

عندي قصص قادمة هم حقيقية واكو قصص خيالية واكو قصص ممزوجة بين الخيال والحقيقة ❤❤

احبكم كلش هوااااااية❤❤😻
#غضب_العشق ( نهوة)

القصة حقيقية

للكاتبة : Lamar Alzankna

#البارت 22

ورا دقيقة اجتي قدس كالت كومي وياي طلعتني من الاستقبال دخلت ل غرفة موسى لكيت غضب واكف ابتسم واتقرب عليه
عشق: عبالي رحت
غضب: شلون اروح بدون ماشوف هل كمراية
تقرب حضني حضنته حط راسة بركبتي
عشق: عفية غضب مو تزورك بكوة بالصالون خفو القديمات
غضب: يممممه شنو هل كيمر

عشق: غضب عفية ليشوفني احد عيب
غضب: شنو عيب غير مرتي حتى يعرفون هاي املاك خاصة
عشق: غضب يلة امشي روح عيب
غضب: العيب بالجيب بس شوية واروح
باسني وابتعد
عشق: ههههه
غضب: شبيج تضحكين
عشق: وجهك هههه
باوع لوجهة بالمرايا الحمرة طابعة عليه لان حمرة طووخ ابتسم وندار باوعلي
غضب: فاتح لونها تعاي طوخيها
عشق: امشي عفية تأخرت

باسني وطلع دخلت قدس تضحك على شكلي حتى مكياجي خربطه عدلته الي وطلعتني كعدت لل٧ بليل يله راحو النسوان الكرايب قسم منهم ضلو لان بيوتهم قريبة صعدت لغرفتي غسلت وبدلت نزلت اكلت كيكة وعصير وصعدت للغرفة قدس وسرى وسهى وبنات عمي ومسرة صعدو يمي وبدة شغل النسوان شيروني😂😂 شعلوني شعل حمرريت من الالم اني معندي هواي شعر واصلا اشقر بس البنات لحن ولازم وضلن ينكن على راسي طيحو حض حضي كمت سبحت وهنه كاعدات يشيرن وحده للخ دك موبايل قدس هيه شايلة الشيرة متكدر تجاوب رحت باوعت غضب ديتصل
عشق: شسوي
قدس: جاوبي
جاوبته والبنات ملتهيات يضحكن
غضب: قدس انطيني عشق

عشق: وشتسوي ب عشق
غضب: اشتعلوووووو اهل اهلج بت الق.... ميت عليج وينج اريد اشوفج
طلعت من الغرفة للمطبخ
عشق: لساااانك الزفر جم مرة كلت ضبة لو يمك جان ضربتك على حلكك وشوفتك الامهات شتجيب
غضب: تجيب حلوات مثلج وينج بت الزفرة
عشق: اووويلي من لسانك مال كص
غضب: اطلعي كصي لعد
عشق: انته وين

غضب: بحديقة المسموط ابوج
طلعت ركض واكف يم باب الحديقة رحت عليه ديقترب ضربته على حلكة
عشق: شوكت تضب لسانك
غضب: ضبي انتي
باسني بقوة ويحضن الدنيا باردة بس اني دفيانه بحضنه ورا دقايق ابتعد وباوع بوجهي
غضب: بت الز
قاطعته ضربته على حلكة : شكللت
غضب: اويلي الله اكلج ليش متسكتيني هيج
باسني وابتعد : هيج شفتي خلي اجرب بت الق..
بسته

غضب: يا بت الح...
بسته
غضب: بت الش
قاطعته ضربته على حلكة: ادبسز والله النوب اضربك اقوة
غضب: اووويلي شطالعة هاي لابسة نص ردان فوكاها زفرة باردة ليش لابسة صيفي
اقترب لزم زندي تلمس ايدي على طولها
غضب: اليوم غير شكل شمسوية
عشق بابتسامة : شغل البنات
غضب: اف اف اف شوفي الترافه وفوكاها حمرة هسه اكلج منو يكلي لا

عشق: لا غضب عيب يله روح ليجي احد
غضب: ينعل و
قاطعته من ضربته على حلكة
غضب: انعل ابوج لابو ال
داضربة لزم ايدي: انعل ابوج لابو الخلفج لابو الجابج لابو الكل كافي تضربين
عشق: دروح لعد بس انته تضرب جريت ايدي منه نداريت افوت لبيتنه جرني لزم ايدي ويضرب على حلكة
غضب: هاي اضربي بس لتزعلين
عشق: ههه ماشي كافي حل ايدي
غضب: اريد اشبع منج شلون ما اخذ راحتي هنا امشي لغرفتج جاي وراج
عشق: وين ماكو البنات بغرفتي
غضب: انع. اوف نسيت هاي اني ضربت حلكي امشي طرديهن داصعد

عشق: ماكو امشي لبيتكم
غضب: ماروح اريدج وياي
عشق: ماكووو امشي يله
غضب: اروح ل رافد اشرب اشرفلي
جريت شعرة: وين ترروح وينننن
غضب: مو اتفقنه من تعوفيني اشرب
عشق: اي بس انته قابل على جيتي لهنا
غضب: معلية انتي عايفتني الكيلج حل
عشق: اوووف شسوي
غضب بابتسامة: اطردي الفوك
عشق: ماكدر عيب والله
غضب: دبارهن عندي موبايل قدس عندج
عشق: اي ليش
غضب: امشي انطي الها وكعدي اني اتصرف
عشق: شتسوي

غضب: شعليج يله يله
عشق: ماشي
نداريت جر ايدي باسني ع السريع
غضب بابتسامة: هسه تكدرين تروحين
صعدت للغرفة انطيت الموبايل ل قدس وكعدت يم البنات ورا اقل الدقيقتين دك جهاز قدس جاوبت
قدس: ها حبيبي
قدس: اي حبيبي هسه فد شوية
قدس: ماشي ماشي والله جايه اعصابك فدوة
سدت الجهاز وصاحت ل سرى وسهى: كومن قصي هجم الدنيا يله وانتن بنات هم سبجن يكول بنات عمي هم كاعدات ميولن لبيوتهن وراهن شغل باجر خلي يعوفن العروس
سرى: بعدنه ممخلصين

قدس: انتي تريدين تطيحين حضي كووومي كملي بالبيت والله يفين حضي قصي ع السريع كومن
والله دقايق لمن كلشي وطلعن يتراكضن نزلت وراهن وصلتهن للباب اني سديت الباب حسيت احد حضني من ورا شهكت بخوف حط ايدة على حلكي وهمس يم اذني: اني حبيبج اششش
نداريت باوعتله : وين جنت
اشر بعيونه ع الاشجار الي بالحديقة : انتضر الن.... يطلعن
عشق: انته طلعتهن

غضب: اي خليت قصي يبتلي بيهن يله امشي
عشق: وييين ليشوفك احد
غضب: امشششي
صعدت وهوة وراي طب للغرفة حضني ويبوس اخر شي نمت بحضنه وهوة نايم ثنينه على جربايتي ام النفر بكوة مكفيتنه نمت حسيت على امي تهزني اكعد فتحت تك عين واني بحضن غضب
عشق: ها ماما

ام عشق: كومي يروح الساعة بالسته ليجي احد يشوفة
الباب مفتوحة ع النص شفت بابا وكف يباوع وصاح بهمس لامي: اطلعي برا رجال يم مرتة شعليج امشي كدامي
اصلا جانت استغربت لو اشتغلت غيرته وحجى شي المهم طلعت امي نداريت لغضب وجهي صار بصدرة رفعت وجهي بسته فتح عيونه ابليس يمكن مينام
عشق : صباح الخير حبيبي
غضب: صباح العرس حبيبتي

عشق: غضب اطلب منك طلب بس طلب واحد
غضب: شنو الطلب
عشق: توعدني تنفذة
غضب: كولي بالاول اشوفه واقرر
عشق: بطلت ماريد
داكوم جر ايدي ورجعني لحضنه: وعد كولي شنو الطلب انفذة
عشق: وعد تنفذة
غضب: وعد انفذة كولي
عشق:.

🌹🌹
للكاتبة Lamar Alzankna

-------
ادري البارت قصير بس والله تعبانه طلع ٨٦٧ كلمة اعذروني ع التقصير

❤❤❤❤❤❤❤❤❤❤❤❤
❤❤❤احبككككككككككم❤❤❤❤❤❤❤❤❤❤❤❤❤❤❤

#البارت 23

داكوم جر ايدي ورجعني لحضنه: وعد كولي شنو الطلب انفذة
عشق: وعد تنفذة
غضب: وعد انفذة كولي
عشق: خلي ازورك ركبتك وتطلع كدام الناس
غضب: ولي تريدين تضحكين الناس علية
عشق بانزعاج: خوش وعد
دفعته وكمت كام وراي وحضني: حبيبتي والله عيب
عشق: لعد مو عيب من انته زوركتني وفضحتني كدام ام الصالون والبنات عوفني
غضب: ماشي تعاي
نداريت علية بابتسامة : يعني اسويلك

غضب : اي سوي كلشي تريدي اليوم يجرالج لان راح اطيح حضج بنهاية اليوم
خفت منه : شتسوي
غضب: يلة ع السريع سوي داطلع تأخرت
تقربت يمه زوركت ركبته بقوة اني دازوركه
غضب: عشق حبيبي مو مال انتقام على كيفج لتفضحيني
وخرت ومسحت على مكان الزراك بابتسامة: كملت
غضب: هسه دوري تعاي
عشق: لا عفية غضب
غضب: انجبي
حط راسة بركبتي يبوس حاول ينزل دفعته : هااااا خير

غضب: سهلة هيه هل جم ساعة
باسني وباس ايدي وطلع طلعت ورا وصلته للباب طلع رجعت للمطبخ وكفت اسوي ريوك تذكرت كلام غضب من كال بنهاية اليوم اطيح حضج خفت منه بطلت ماسويت ريوك ضليت صافنه الى ان وعيت على صوت باب المطبخ انفتحت البنات دخلن يهلهلن ويصفكن بوسني ودخلن امي هم بدت الهوسة واني بس صافنه بكلام غضب وخوفي دقيقة عن دقيقة يزيد اكثر كعدن البنات تريكن اني ماردت صعدت للغرفة ضليت كاعدة جتي قدس واية بت عمتي يكومني نروح للصالون بدلت لفيت شالي ونزلت اجه عدي اخذنه للصالون وصلنه نزلنه ام الصالون استقبلتنه كعدو يحضرون بيه واني الخوف ينهش بيه نهش حست علية قدس اجتي وكفت يمي
قدس: شبيج صفرة يولي

عشق: م مبية
قدس : متأكدة
عشق: عفية ام نور بس اغسل شوية واجي
ام الصالون : اخذي راحتج حبيبتي
كمت طبيت للمغاسل وقدس وراية
قدس: شبيج احجي
عشق: بطلت ماريد اتزوج
قدس: شبيج حبيبتي
عشق: ماريد اتزوج غضب
قدس: ليش
عشق: داكلج ماريد اتزوج عفية ماريد فدوة قدس
قدس: اهدي شوية وفهميني
عشق: خايفة
قدس: عادي حبيبتي كل بنية تخاف ب هيج يوم بس والله الموضوع سهل

عشق: لا سهل ولا ابد ماريد غضب يأذيني
قدس: ميأذي يا حياتي بس شوية اهدي دفهمج
عشق: ماااريد شبيج والله ماريد اصلا هذا الزواج مراضية عليه من البداية ماريد
نزلت دموعي وكمت ابجي
قدس: حبيبتي والله نضرتج غلط اني هم جنت خايفة بس والله طلعت سهلة
عشق ببكاء: لا موسهلة غضب كال بنهاية اليوم اطيح حضج ماريد عفية
لزمت ايدها بقوة وابجي هيه تمسح بدموعي واني اتوسلها تبطل العرس
عشق: اروحلج فدوة خلي يلغون العرس ماريد غضب
قدس: الله يطيح حضك ياغضب على هل سواية حبيبتي والله سهله

عشق ببكاء: هم كالت سهلة اني ماريد والله غضب يأذي
طلعت موبايلها من صدرها واني ابجي دكت على رقم وخلته على اذنها واني اباوعلها وابجي
عشق: عفية كولي ل قصي وفهمي اني ماريد
هزت راسها بمعنى اي وكالت الو شلونك اخوية.... اني الحمد لله بس العروس مو زينة.... لا لتخاف بس هيه مرعوبة ي ابو نمر شكايللها وهيج جامدة بدمها... اي كالتلي شكايللها ... لا ابو نمر ماكدر احجيلك هاك تفاهم وياها انته
مدتلي تلفونها هزيت راسي بمعنى لا فتحت سبيكر وخلتني اسمع
غضب: شبيج حبيبتي ليش خايفة
اني بجيت بقوة

غضب: يا روحي انتي لتبجين ليش تبجين
عشق ببكاء: ماريد اتزوج
غضب: ليش حياتي ليش
عشق: انته تأذيني
غضب: أأذي روحي وما أأذيج
عشق ببكاء : انته كلت اطيح حضج اليوم
غضب: ينكص لساني مو قصدي حبيبتي
عشق: ماريد اتزوج اموت وماتزوجك
غضب: حبيبتي اهدي شوية خلي نتفاهم
عشق: مارريد ماريدك
قدس حجت: ابونمر شلون هسه
غضب: انتضريني شوية واجي
سدت الجهاز تريد تهديني واني بس ابجي
قدس: امشي حبيبتي كملي المكياج تلوص
عشق: ليش مدتفهمين داكلج ماتزوج ماريد

ام الصالون دكت الباب: يلة عشق وين صرتي راح نتأخر
قدس فتحت الباب : هسه نجي عيني ام نور
راح ام الصالون واني واكفة ابجي دك جهازها باوعتله وكالتلي
قدس: امشي عشق غضب برا يريد يحاجيج
عشق: ماااطلع ماريد عفية
قدس: اني وياج والله بس تعاي شوفي شيريد
قنعتني طلعنا واكف بصالة الانتضار طلعت واني ابجي اقترب مني حاوط وجهي بيدن ايديناتنه
غضب: شبيج حبيبتي
عشق: ماريد اتزوج والله خايفة
غضب: ياعمري عادي متخوف
عشق: ليش متفهمون ماريد
غضب حضني ويمسد على راسي : والله ما أأذيج انتي روحي يصير أأذيج
عشق دفعته : ماريد عفية
غضب: ما أاذيج والله والتريدي يصير
عشق: ماريد اتزوج

ندار باوع لقدس واشرلها تعوفنه وحدنه طلعت رجع باوعلي: حبيبي لتكولين ماريد اتزوج هل يوم انتضرته سنين ليش هيج تسوين
عشق: ليش متفهمني والله اخاف
غضب: ماتقربلج الا وانتي راضية ياحياتي لتسوين هيج
عشق: يعني ممتقربلي
غضب: اي ماتقربلج الا وانتي راضية
عشق: احلف
غضب: حبيبتي مو دكلج الا برضاتج
عشق: احلف متتقربلي
غضب: ماكدر احلف بس ماغصبج وداعت هل عيون
عشق: واذا غصبتني والله اموت نفسي
غضب: لا ماغصبج فدوة لبنيتي شلون تهدد
عشق: لتضحك عليه ترة اذا سويتلي شي ماعتبرك رجال والله واكتل نفسي

غضب: تأمريني أمر بعد شتريدين
عشق: هذا هوة
غضب : خوما بعدج خايفة
عشق: اي خايفة
حضني لصدرة وباس راسي: حبيبتي انتي أططمئني أأذي روحي وما أأذيج
باس راسي وكال: اني رايح ماشي
عشق: الله وياك
طلع واني واكفه مادري شنو الي خلاني هيج اطمئن وأأمن ام الصالون صاحت عليه مسحت دموعي ودخلتلها كالت هاي شمسويه بوجهج امشي غسلي اعيد المكياج اخذتني اية غسلتلي رجعت كعدت حطتلي مكياج والتسريحة وهاي الهوسة كلها جابو البدلة جانت اختياري كلش حلوة وكفت جابو بدي وحجاب ابيض
عشق: هاي شنو

قدس: بدلتج
عشق: ادري بدلتي وهاي شنو
اية: غضب كال تلبس حجاب
عشق: مالبس
ام الصالون : ليش حبيبتي الحجاب زينة المرأة ومبين رجلج مؤمن
عشق باستهزاء: اي مبين كلش مؤمن ما البس حجاب زينة المرأة بس مالبسة بيوم عرسي هيه مرة بهل عمر مالبس
اية: عشق يمع
قاطعتها: خابرولي غضب داغضب على راسة
سرى: صل على محمد عشق واستري علينا
عشق: عليه الصلاة والسلام خابرو ولحد يتدخل هواي انطيته مجال قدس دكت عليه وانطتني الجهاز شلته على اذني واني احرك رجلي بتوتر جاوب
غضب: الو ها ام ايوب

عشق: شنووو هل حجي
غضب: شبيج عشق ياحجي
عشق: شنو كايل البس حجاب
غضب: اي حبيبي البسي
عشق: ماااا البس افتهمت ما الللللللبس
غضب: صوتج لتعلي
عشق: مو كلشي بكيفك اني مو عبدة يمك وكلشي تكوله يتنفذ مالبس حجاب
غضب: اني مكايل انتي عبدة بالعكس انتي حبيبتي بس حجاب تلبسي تريدين بهذا جمالج تطلعين تعرضين كدام الناس
عشق: شايفني ك.... واعرض كدام الناس حجاب مالبس
غضب: عشق باو
قاطعته: لو اطلع بدون حجاب لو ماتزوج

غضب: استغفر الله عشق لتخبليني
نزلت دمعتي: ماررريد كافي غضب كلشي انته تقررة اني وين شخصيتي حتى بعرسي يوم بهل عمر هيج تسوي
غضب: والله اغار وماتحمل
عشق: ماعلية مالبس حجاب
غضب: البسي كبوس لعد
عشق: اي بس حجاب مالبس
غضب اخذ نفس بقوة وزفرة: ماشي هاي من اول يوم بديتي تغيرين قراراتي
عشق: ليش هوة بس انته تقرر لو تريد هيج جان تزوجت جماد وانته حركة على راحتك
غضب: هوووب هووب اكلتيني حاصل فاصل شكلت اني يا حبيبتي يلة ي روحي ديصيحوني الولد
سديت الخط وانطيت الجهاز لقدس
قدس: شكال

عشق: مالبس حجاب البس كبوس
سرى صوفرت: والله حيووووو غضب غير قرارة
قدس بضحكة: والله وغيرتي يا عشق
لبست البدلة وكفو يعدلوني لبسوني الكبوس واني كلبي يدك الف دكه بالدقيقة الخوف اكلني الشي الوحيد الي مصبرني غضب كال ماتقرب الا برضاتج جهزوني وكعدت انتضرة يجي ياخذونه الزفافة واني كاعدة واطك باصابعي من التوتر اجتي كعدت يمي قدس ولزم ايدي رفعت وجهي باوعتلها
عشق: ها جوي

قدس: لا بعدهم عشق انصحج نصيحة اخت
عشق: اي كولي
قدس: اذا تريدين زواجج ينجح خلي يصلي وياج اليوم
عشق: غضب يصلي هوة يشرب
قدس: حتى وان كان انتبهت اليوم ديغير قراراته لخاطرج يعني انتي تكدرين تخلي يعوف الشرب خلي يلزم طريق ربة والله كلشي بيد المرة صح اني قصي ميشرب ولا بيوم شرب بس اعصابة هم جانت مثل غضب بس والله اني ويا غيرته الرجال بيد المرة هيه تركبه مثل العبة بيدها اول خطوة لنجاح علاقتكم وكفي وياج وصلو سوة
عشق: واذا ماقبل
قدس: اذا يحبج يقبل كلشي تكوليلة يسوي ماشي

عشق: ماشي
كلام قدس وعاني اني هذا هوة تقرر مصيري ويا ليش اخلي هوة الي يسيطر بعلاقتنه مو اني واكسبة وياي صدك انجح زواج بعائلتنه زواج قدس وقصي هوة الوحيد الي يحترم مرتة غير عن كل الزلم الي بعائلتنه قطع تفكيري صوت الاغاني قوية وهورنات بباب الصالون وكفوني البنات واني مثل السعفة ارجف تمنيت باب الصالون تنقفل وماكدر لا اني اطلع ولاهوة يطب بس مو كلشي يتمنا الكلب يصير وصلوني يم الباب دخل غضب نزل الكبوس من فوك راسي وباس كصتي لزم حنجي ورفع وجهي يباوعلة عيوني بعيونه جم سنتمتر يفصل بيناتنه

ام الصالون: بالخير عجبتك
محجى شي بس يباوع بعيوني سمعت صوت سرى واية بيناتهن يبسبن بصوت مسموع اية دكول ل سرى بقى بس يبوسها هو سمعهم جان يرفع وجهي اكثر انحنى شوية وباسني جوة شفتي يعني من حنجي البنات كامن يصفكن تقرب علية مد ايدة وراي ديرفع الكبوس على راسي همس يم اذني راح تموتيني بهل عيون رفع الكبوس على راسي باس راسي لزم ايدي وطلعنا الكبوس نازل على وجهي مغطي بس اسمع صوت الاغاني واشوف رجل الناس تركص مديت ايدي ع الكبوس رفعته شوية دباوع
غضب: نزلي حبيبي
عشق: اريد اشوف عرسي

غضب: ع السريع
باوعت شوية ولد عمامي المراهقين والصغار يركصون واصدقاء غضب واكو شرطة هم نسوان عمامي ثنين وعمتي واكفات يهلهلن ويطشن جكليت على روسنه وكف يم السيارة وفتح الباب الي كدام صعدت وهوة وقدس دخلو البدلة وكفو يمه اصدقائة يركصون هوة وكف يصفك وفرحان سحب السلاح من ضهرة من جوة السترة وسحبة وطك طلق بالهواء حطيت ايدي على اذني وكف الطلق باوعت خلص الرصاص بسلاحة اخذ سلاح صديقة وهم كام يطك بي خلص انطاه السلاح اجه صعد وسد الباب شغل السيارة مشى بيها سحب ايدي وباسها وكال والقرآن اموت عليج بالايد الثانية كام يدك هورن فرحان فرحة متنوصف بحيث غضب الثكيل والرزن يركص وحدنه بالسيارة مد ايدة على راسي سحب الكبوس رجعه شوية ليورا حتى اشوف الطريق فتح المسجل اغنية وائل كفوري جاي ع بالي جانت جديد نازله بوقتها ويا الاغنية ايدة كدامة ويحركها على شكل موجات باتجاهي ومبتسم على فرحته فرحت صاح بصوت عالي بكل السيارة احببببببببببببببببببببببببج وكف كدام المصور نزل ديفتحلي الباب ويصفك وياهم فتح الباب نزلت وهوة يساعدني
دخلنا للمصور اجتي المصورة تطكلنا الصور وحركات وهل سوالف غضب كاللها طكي هاي هم لزمني من خصري ورفعني واني لازمة جتفه ابتسمت وهوة ابتسم نزلني باس راسي دنطلع كاللها هاي الصورة سويها جبيرة كالتله تدلل دخلو اهله واهلي طكينه صور وطلعنا وصلنه لبيت اهلي نزلت ودعتهم امي تبجي واني ابجي ابوية هم نزلت دموعه حضنتهم بوست اخوتي ومسرة اخذني غضب ورا ماسلم على بابا لزم ايدي وطلعني رحنه لبيت عمي يعني اهل غضب بباب البيت وكفوني نجانه مي كدامي كالو دفريها دفرتها وفتت برجلي اليمين طبووني للاستقبال نسوان كاعدات وهسه هذا الحجي الساعة ٧ المغرب يركصون وهل سوالف والزلم كاعدين ببيت عمي رباح كدام بيت ابو غضب لان كل عمامي بنفس الطرف كاعدين صبو عشا النسوان كعدو يتعشون واني اليوم بدون لا ريوك ولا غدا ولاحتى عشا الخوف ماكلني ماكدر اكل جابولي اكل ماقبلت اكل صارت بالتسعة الناس راحت بقو بس الاقارب كوموني للغرفة واني كل خطوة ع الدرج احس نفسي راح اموت من الخوف دخلوني للغرفة وام غضب توصيني بغضب وانتي مرتة اكسبي وغضب خوش غضب بس يحتاج الي يروضة كلتلها ان شاء الله واني ارجف عمتي هم واكفة ويانه ثنينهن يوصني الى ان سمعو هلاهل جوة عرفو اجه غضب طلعن وعافني وحدي بالغرفة واني اخض خض من الخوف وصلت صوت الهلاهل والتصفك للباب بلعت ريكي اكثر من مرة انفتحت الباب واني مدنكة راسي فات للغرفة وسد الباب اختفى صوت الهلاهل معناها راحو وكفت على حيلي واني مدنكة راسي ..

🌹🌹

للكاتبة: Lamar Alzankna

------
اعذروني ع التقصير بس والله ضروف وان شاء الله اعوضكم هذا البارت ١٨٩٦ كلمة راح اكتب البارت الورا هم انشرة بعد اقل الساعة
كلش كلش اعتذر ع التقصير وحقكم علية ❤❤

انتضرو البارت الورا 🌹🌹🌹🌹

احبكم❤❤❤