رواية #غضب_العشق ( نهوة) الفصل الثالث 3 - بقلم الكاتبه زينب علي

#غضب_العشق نهوه

#البارت٧_٨_٩_١٠

صعدت بالسيارة واسوق بكل سرعتي واتذكر كلماتها وهي تكول اكرهك ضليت اضرب الاستيرن بكل قوتي ماحسيت غير واني داخل على عمود كهرباء راسي نلطخ بالاستيرن وافتر دماغي والدنيا سودت بعيني ورا بشوية رفعت راسي هوسة الناس يمي وفاتحين الباب يحاولون ينزلوني نزلوني على جهة صعدوني بسيارة الخ واسمع صوت سيارة شرطة وعيوني مغوشة اشوف ثنين يسوقون وشفت طببوني للمستشفى ومددوني ع السدية وممرض يعقم راسي وممرضة تقيس ضغطي مديت ايدي بجيبي الموبايل ماكو
غضب: وين موبايلي
رجال من الباب : تفضل اخي خابرت على رقم مكتوب عليه عمي مصطفى اخر مكالمة جانت ويا وكتلة سويت حادث
غضب : ماشي تسلم
جتي ببالي عشق وتذكرتها من جانت تدعي علية

- اكرههههك اموووووت منك الله ياخذككك ويخللللصنننني منننك

ضحكت والله هاي من احباب الله وهيج تقبل دعائها لو لان مضلومة دقايق وشفت عمي مصطفى وموسى وعمي رباح وولد عمي ثنين يمي يسألوني شصار كلتلهم مصار شي الطبيب كاللهم بس ضربتة صارت ع الراس خدوش بسيطة ونزل ضغطة تكدرون تخرجو باوعت لازكين على كصتي لزكة وبعضدي هم لافي ويم حلكي معقمي نازل دم كمت وكفت تألمت رجلي تذكرت من سحبوني من السيارة جانت رجلي عالقة وصلوني لسيارة عمي مصطفى صعدت وياهم عمي مصطفى وموسى وعمي رباح اما ولد عمي الثنين راحو لموقع الحادث ويا الشرطة ياخذون السيارة ويسوون الاجراءات مشت السيارة عمي رباح كال : شلوون صار الحادث شجاك يا ادهم احنه نتعلم منك السواقة
ضحكت : هههه هاي دعوة عشق استجابت
رباح: شنوو عشق شعليها
موسى: عمي غضب نهى على عشق
رباح: شنووو ولك غضب
غضب : مثل ماسمعت عمي
رباح : مازال رايدها روح اتقدم ليش تنهي عليها وتغلط نفس غلطتي وتخليها تكرهك
ادهم: حتى الكل يعرفون عشق بس ل غضب ومحد يقتربلها
رباح: بس يا غض
قاطعته : عمي رجاءآ راسي يوجعني سكت وصلوني للبيت نزلت دخلت للاستقبال حطو مخدة وراي كعدت اجوي بيت عمامي كلهم وولد عمامي وبناتهم يتحمدولي السلامة ادور بعيوني عشق ماكو لاهية ولا امها
غضب : وين عمتي شكرية وعشق
عادل: بالبيت
غضب: كوم عدي جيبلي عشق
عمي رباح: عمي غضب عوف البنية تر
غضب: يلللة عدي كوم ل عشق خلال عشر دقايق اريدها هنا
رباح: غضب شح
قاطعته: عمي رجاءآ عشق الي ولحد يتدخل من رخصتك
عمي صالح حط ايدة على جتف رباح: رباح عوفة كلنة نعرف امر عشق بيد غضب وهذا أمر الحجي الله يرحمه
محد حجة شي بعد اباوع للساعة مرت خمس دقايق الساعة ٧:١٢المغرب ورا دقايق فاتت ام عشق
ام عشق: حمد لله على سلامتك
غضب : يسلمج الله وين عشق
شفتها ورا عباية امها لازمتها بقوة غمضت عيوني وفتحتهن
غضب: من رخصتكم اريد ارتاح
عمي صالح: يلة اطلعو عوفو يرتاح
كلها طلعت شفت ام عشق دتطلع وعشق لازمة عبايتها تطلع وياها
غضب : عشق انتي ابقي
وكفت بمكانها ولازمة عباية امها بقوة ابوها سحب امها وطلعو ضلت تباوع ع الباب ودايرة وجهه عني
غضب: سدي الباب وتعاي
ضلت تباوعلي بطرف عينها بدون متتحرك كزيت على سنوني
غضب : كلللت سديي البااااب وتعااااي
ندارت علية وتمشي خطواتها بكوة وبتثاقل
-----
عشق
بعد ما نهى علية طلع كبل ضليت ابجي والطم محد حجى شي امي كومتني داغسل واني اتوسل بابوية يلغي نهوة غضب بس هو يباوعلي بدون ميجاوب رحت ع المغسلة مرت عمي رباح وامي يغسلولي والبنات واكفات يباوعلي ومقهورات رجلية مشالتني كعدت يم المغسلة واني ابجي ضميت رجلية لصدري واني اشهك ومرت عمي تمسح على راسي وامي كبالي كاعدة وتبجي مابيدها شي
سمعت صيحت ابوية : شنوووو
مرت عمي وكفت ابوية وكف بباب الاستقبال يباوعلي بحقد
مرت عمي: خير ابو موسى شصاير
ابوية وهو يباوعلي: غضب مسوي حادث ونقلو للمستشفى
كلها شهكت وابوية طلع ويا موسى ركض اني ابتسمت سبحانك ربي مترد مضلوم جريت صدر دشداشتي فتحت صدري ل رب العالمين : اللهي انته ربي ونعم وكيلي تعلم بداخلي شنو وضعفي كدام هل ضالم ربي لتطلعة سالم يارب العالمين ياربي اخذة يمك وخلصني منك ربي كو
قاطعتني مرت عمي وهية تحط ايدها على حلكي وتسدة
مرت عمي: اتقي ربج بنتي ولتدعين على غضب لو شماصار يبقى ابن عمج وسندج
وخرت ايدها من حلكي ودموعي تنزل
عشق : تقبليها يضلمني يا عمة تقبليها هاي لو ل بنتج جان حجيتي هيج وشمرت راسي بحضنها ابجي كامت تمسح على راسيمرت العم: مو شغلة بنتي يا يمة محد حاس بيج بكدي انتي مسامعة بيه اني نهوة عمج رباح وثقي بالله جنت مثلج ما اطيق وجودة بس سبحان ربج زرع حبة بداخلي بعد ماعرفتة يحبني
رفعت راسي باوعت بعيونها : بس عمي رباح غيرر مو مثل غضب الوحش وعمي رباح يحبج
مرت العم: وغضب يحبج
عشق: ههههههههههه ضحكت بقهر تحبة الجنة انذل انسان هو غضب ميحب نفسة نوب يحبني ههههه ماريد لا يحبني ولايقترب مني
مرت عمي ندارت ل امي وكالتلها : شكرية ماكلتي ل عشق على حجي عمي الله يرحمة
عشق : ياحجي
مرت العم: غضب رفض نحجي بهل موضوع كدامج ولاكدام البنات بس صار لازم تعرفين قدرج حددة جدج قبل ٨ سنين
رجعت بية الذاكرة واني اتذكر ليش محد يتدخل بية غير غضب وكفت على حيلي
عشق: جنتي تدرين وماكلتيلي مو ماما احجي واااني اكلج ليش يتدخل بية وانتي تكولين عادي ابن عمج هذا التقصدي قدري مثل قدرج مو بكيف جدي يقرر يربطنة ويا ناس منطيقهم اني ما اقبل اتزوج هذا الهمجي غضب
عفتهم وصعدت لغرفتي مرت نص ساعة اجتي امي تكول : امشي نروح لبيت عمج نشوف غضب جابوو
عشق: ماروح عسى يموت واخلص منه هالنذل
الام: كوومي عاد عدي هنا
عشق : كلللت ماروح
عدي دك الباب : حطي شالج على راسج عشق
جريت الشال وحطيتة على راسي
الام: تفضل ابني عدي
عدي: كومي عشق البسي عباتج اوديج لاهلي غضب طلبج بالاسم
عشق: عفية عدي ماريد اروح
عدي: كووومي انتي نهوة غضب غصبآ ماعليج تروحين
كمت واني ابجي غسلت وجهي لفيت شالي وحطيت العباة على راسي ونزلت امي جاهزة وواكفة تنتضرني لزمت عبايتها ومشينه بلطرف واني ميتة خوف فتح الباب عدي وفات كدامنة طبينه لباب الاستقبال واني ورا امي وبيت عمامي كلهم هنا هوسة سمعت صوته يسأل علية باوعت بطرف عيني من ورا امي كال عوفوني تعبان دنطلع صاح عششق ابقي امي حلت ايدي من عبايتها ومشت
غضب: سدي الباب وتعاي
مجاوبتة ضليت جامدة
كز على سنونة : كتلج سدي الباب وتعاي
سديت الباب ومشيت باتجاهة ورجلي تخض خض وكفت بعد متر من عندة
غضب: تعاي اقتربي
واشر على التخم النايم علية من يم بطنه بمعنى تعاي كعدي هنا مجاوبتة
غضب : عشششق
خفت منة وكعدت على طرف التخم باوعلي
ادهم: ها عشق استجاب دعائج
عشق بتلعثم : ل ل ل ا
ادهم: لا ليش بلة
عشق: م ا م تت
محسيت غير ايدة على شعري من فوك الشال والعباية يجرها لناحيته ويحجي يم اذني : حتى لو متت اوصيهم يكتلوج وراية ويدفنوج بنفس كبري اخذج وياي لو تطلعين ل سابع سما تبقين نهوة غضب
نزلت دموعي
غضب: افتهمتتتتي
هزيت براسي بمعنى اي
غضب: كولي ابقى نهوة غضب
محجيت شي
غضب : كوووولي ابقى نهوة غضب
هم مجاوبت محسيت غير كعد وهو بعدة لازم شعري من فوك الشال جر السلاح من جوة مخدتة وخلا بخصري
غضب: كولي ابقى نهووووة غضب
هزيت براسي بمعنى لا دخل السلاح بنص بطني بقوة
غضب: احححححححجي
نزلت دموعي شورطني بهذا الخبل
غضب: ابقى نهوة غضب احجي
عشق😢: ا اا بقى ن هه ووة غغ ض بسحب السلاح من خصري
غضب : عفية هيج اريدج لتعانديني وتخليني اطلع خبالي عليج
حل ايدة من راسي
غضب: كومي ساعديني اصعد لغرفتي
عشق: ه سسة اصي ح ل عدي
لزم ايدي بقوة وعصرها
غضب: كوممي وديني لغرفتي
وكفت وجريت الجرجف من فوكا مد ايدة الي لزمتها وكف مد ايدة فوك جتفي ومشى واني ساندته فتحت الباب وداطلع كلها وكفت اجة قصي وامه اقتربو ديلزمو اشر بايدة✋
غضب: عشق تصعدني للغرفة
تراجعو ذاب كل ثكلة عليه ويمشي بكوة صعدت الدرج اصلا رجلية توجعني لان دفعني ببيتنة داصعد الدرج وهو لازمني
غضب: على كيفج رجلي
ابتسمت وكلت بداخلي سبحان الله رجعها الك باضعافها
غضب: اشوفج تتبسمين شنو متشمتة
وعصر جتفي
عشق: اخخخخخ لا مو متشمتة هاي حكمة الله شعلية اني هوة ياخذ حقي
غضب : هههههه ياخذ حقج ليش ضالمج اني
مجاوبتة
غضب : احجييي لتنلصمين
مجاوبتة دخلتة للغرفة دفعني ع الجرباية نلطخ راسي ب تاج الجرباية
غضب : من احجي تجاوبيني لا اطيح حضج
فركت راسي بألم تقدم علية ومد ايدة على راسي بعدت ايدة من راسي جرني من زندي ووكفني ويا الحايط
غضب : لتعانديني
دنكت راسي وحجيت بصوت ناصي: اكرهك
رفع وجهي بايدة وباوع بوجهي تقرب لاذني : واني عكسج
طبب رأسة بين راسي وجتفي يعني بركبتي وهو يشم بية فقدت ماكدر اتحرك ولا اتنفس بس ثابتة بمكاني حرارة نفسة على ركبتي ماحسيت غير برودة بوستة على ركبتي وعيت على نفسي دفعتة ومشيت داطلع من باب الغرفة داسد الباب شفته يباوعلي وعيونة مدري شلونها
سديت الباب بسرعة وطلعت عدل للمغسلة جبيت مي على وجهي استوعب الي ديصير مفهمت شصار بحياتي ممقتربة من احد بهيج حدود اصلا محد لازمني غير ادهم من يضربني لحضة لحضة هوة شكال من كتلة اكرهك كال اني عكسج ي عن ي
سرى: شبيج ع
عشق بجفلة: بسم الله
سرى : شبيج
عشق : مبية اريد ارجع للبيت
خلود: انتضري ولج عمي دز على ذبيحة يذبحها فدوة لسلامة غضب
هي ذكرت اسم غضب تذكرت الصار
فات من يمنه قصي ديفتح باب غرفة غضب اني نزلت ركض قبل لا اشوفة ضليت بالمطبخ الى ان وكفت السيارة البيكم مال عدي ونزلو الضحية نيمو بالكاع وطلعو غضب من باب الاستقبال للحوش واحنه نباوع من شباك المطبخ .وذبحو جوة رجلة اني غمضت عيوني فتحتهن والطلي خطية مذبوح باوعت على غضب عينة بنص عيني

🌹🌹
للكاتبة : Lamar Alzankna

------
مثل ماوعدتكم التصويت صار 250 وهذا البارت نزلته شكرآ لتفاعلكم
بالبارت الي فات اكو بنات ماحبو اني عدت الاحداث من وجهة نظر غضب واكو بنات بالعكس حبو
اني نزلت وجهة نضرة ماريدكم تكرهون لا غضب ولا عشق الاثنين ضحية تربية خاطئة
الاحداث راح تتوضح باخر بارت
اتمنى لكم متابعة ممتعة⚘⚘⚘البارت ٨
باوعت على غضب عينة بنص عيني رجعت ورا لطخت ب عمتي سلوى
عمتي: شبيج عشق
عشق : مبية عمه
عفتها ورحت ويا البنات نحضر الاكل صارت بال٨:١٠ وزعو اللحم ودنسوي العشا دخل عدي وهو ساند غضب اني لازمة الجفجير وداكلب بالتمن ويا هدى بت عمتي
غضب : جوعان صبولي تمن
اختضت ايدي ووكعت حبات التمن على ايدي وحتركت ايدي
هدى: الله الله شبيج
عشق بألم : مبية
سرى : شنو احتركتي
غضب : شبيج شو تعاي اشوف
هدى شاورتني : امشي ل دكتور غضب
غضب : داكووول تعاي
رحت باتجاهة واني مدنكة راسي لزم ايدي سحبتها خزرني مديت ايدي
غضب : خلود المرهم مال حروق
عشق: ميحتاج مبية شي
عصر جف ايدي قوي
عشق بصوت ناصي: ايدي عفية غضب
جابت المرهم خلود انطتة الة حطلي على ايدي داجر ايدي لزمها باوع بعيوني
غضب: وين جان دماغج واحتركتي
جريت ايدي ومشيت اساعدهم هو طلع للاستقبال ويا عمامي ورا ساعة كملنة العشا نصبو السفرة على طول الاستقبال( استقبال بيت عمي كلش جبير )البنات كامن ينقلن المواعين اني شايلة ماعونين طبيت للاستقبال نزلتهن رفعت عيني بعين غضب كاعد ويخزرني مهتميت طلعت جبت ماعونين الخ طبيت هو وكف واجه اخذ ماعون من ايدي نزلة ورجع وكف اخذ الثاني لزم ايدي وعصرها
غضب : لتجيبين المواعين انتي
فك ايدي طلعت للمطبخ عمتي نطتني ماعون حتى اودي معرفت شكوللها
عمتي: يللة امشي عااد
اية( بت عمتي متزوجة): جيبي ماما اني اودي غضب ميقبل عشق تودي المواعين
اخذت الماعون مني وراحت ضليت لحد ماكملو اخر شي طبيت اني واية مباقي مكان رجل اية سوالها مجال راحت كعدت يمة ضليت صافنه وين اكعد ماكو مكان بس يم ولد عمي وعمتي كام محمد ابن عمي جان كاعد بصف غضب راح كعد يم الولد باوعت غضب اشرلي بعيونه اكعد بصفة باوعت ماما هم سوتلي مجال داروح يمها
غضب: عششق تعاي هنا كعدي
طبطب بصفة اوووف رحت كلها تباوع علية كعدت صار ماعون التمن بيني وبين غضب مديت ايدي اخذ خاشوكة مد ايدة وياي تلامست اطراف اصابعي بايدة سحبت ايدي بقوة مد راسة يمي علساس ياخذ خبز همس يم اذني من فوك الشال
غضب: مابيه جرب لتخافين
ضليت اكل بدون ما ارفع راسي بعدهم دياكلون شبعت داكوم لزم ايدي
غضب : كوميني وياج اغسل
استند علية وكام وكف ع المغسلة يغسل واني واكفة بعيد عنه
غضب: تعاي
عشق : بعدك ممكمل انته كمل معليك بية
سحب ايدي حط ايدي بنص ايدي وحط بنصها سائل الصابون وهو واكف وراي ضهري لازك بصدرة فرك ايدي بداخل جف ايدة رفعت عيني بالمرايا يباوعلي ردت اتحرك مقبل يفكني نغسلت ابو ايدي وهو ميعوفها
عمي: احم احمم
كبل ابتعد عني
عمي: من رخصتكم اغسل
اني كبل مشيت للمطبخ
غضب: عشق
نداريت: نعم
غضب : جاي جاي
طبيت للمطبخ حضرت صواني الجاي جتي عمتي كالت: اخذي بس جاي غضب اني اخذ للبقية خاف ميقبل
عشق بزعل : عمه شنو هل حجي
عمتي: يا عمة قابل دجذب لو بيدة يضمج من نضر الكل امشي يلة ليكوم يصيح حفيد عكاب ( جدي)
اخذت الجاي ورحت وكفت كدامة نطيتة الجاي واني ارجف اخذة طلعت للمطبخ كملو العشا ونقلوا المواعين للمطبخ وكفت اني واية وهدى نغسلهن كملنا حضرنة الفواكه ودخلناهن للاستقبال كلها كاعدة الزلم يحجون والنسوان نفس الحالة كعدت يم ماما كدامي صاير موسى وغضب ويحيى ابن عمي يحجون بيناتهم وعمامي يحجون بالمختصر هوسة في هوسةغضب: عشق
درت وجهي باوعتله: نعم
شمر برتقالة علية: كشريلياها
وكعت بحضني شلتها واباوعلة رجع يباوع ويا يحيى وموسى ويسولف استغفر الله الخادمة مال خلفو كعدت كشرتها وكمت وكفت انطيته ياها
عشق: تفضل
بدون ميرفع راسة مد ايدة خليتها بأيدة نداريت دارجع ل مكاني
يحيى: عشق
نداريت : نع
قاطعني غضب : نعمم
يحيى شايل برتقالة: عبالي تكشريلي اني هم
تقدمت داخذها من ايدة ماحس الا غضب دفر ايد يحيى والبرتقالة تدحرجت بلكاع كلها سكتت وتباوعلنه
غضب: اول شي متصيحلها عشق
يحيى: لعد شصي
غضب قاطعة: لتقاطعني وخليني اكمل حجيي تصيحلها بت العممممم وشي ثاني ليش هيه تكشرلك حضرتك ماعندك ايد وتكشر
يحيى: ليش مو كشرت الك
غضب وكف على حيلة بصياح: يحححححيى كلها تعرف محد اله حق على عشق غيري ومحد يكدر يأمرها غيري صح لو غللللللللط
يحيى وكف: انته شبيك عشق م
غضب قاطعة بدفرة صينية الاستكاين خلاها تطير وتوكع والاستكاين تكسرن
غضب: كلت لتصيييييييح بااااااااااسم عشق
يحيى: كافي بس تصيح ماخذ الناس عالي واطي
غضب هجم على يحيى ولزم ياخته يريد يضربه عمي رباح وكف بينهم والولد بعدوهم واحد عن الخ
غضب: كلللللللت عششششق محد يدخل بيها
عمي رباح: كافي يحيى من يوم يومنه نعرف امر عشق بيد غضب
غضب: عمي ابو موسى باجر تحضرو جاييكم زيارة نقرة الفاتحة وعكبة اذا الله راد نعقد سيد وبعد محد اله حق يحجي كلمة
ابو موسى: ان شاء الله هلا بيكم
عشق: بب ا با ببب س
غضب جر ايدي: عشق تعاي وياي
محد حجى كلمة ولاتدخل سحبني من ايدي بقوة كدامهم ومحد نطق ب كلمة لان بنية هيج يضلموني وحتى رأيي مياخذو قررو ينهي علية ونهى وهسه قرر نقرة الفاتحة ونكطع مهر بدون ميسألني حتى ساحب ايدي ورا دخل لغرفة امه دفعني ع الحايط وسد الباب
عشق ببكاء: عع في ةة غضب مممو باج ر
وكف كدامي وضرب ايدة ع الحايط يم راسي
غضب بصوت فحيح: صووووووتج ما اسمعة وغصب عنج باجر نقرة الفاتحة
عشق مدنكة راسها ودموعها تصب: عفية غضب
مد اصبعة السبابة على راسي بقوة: حطيها براسج هذا انتي الي وغصبآ عليج وعلى كل واحد ميقبل افتهمتي
عشق ببكاء: واالله ادري ببس عفية مو هسه
غضب بحدة: ليش عيني مو هسه ناوية تنهزمين لو عندج واحد جوة راسج
هنا متحملت شيقصد بكلامة جوة راسي احد دفعته بقوة وضربته على صدرة
عشق: احترم نفسك شنو قصدك ششايف علية
رجع تقدم يباوعلي بعصبية : لعد شتبررين كلامج هذا ليش رافضة نقرة الفاتحة باجر
عشق نزلت راسها تباوع للكاع وتفرك بايدها: مو لان باجر
فرك وجهة بعصبية ورفع عينه يباوعلي : استغفر الله لعد ليش فهميني بس فهمييييييني
عشق بخوف: ممما ريد ااا تزوجج ك
ماحسيت غير وجهي افتر فر ووكعت بلكاع على اثر ضربتة ضليت مددة بلكاع ولازمة خدي بس دموعي تنزل على نفس حالتي شفته واكف يفرك راسة بقوة عبالك خبل خفت منه غمضت عيني بقيت بهل حالة مادري شكد خمس عشر دقايق بس حسيته كعد كبالي واني مددة مفتحت عيني لزم جتفي وهزني مرديت ولاتحركت
غضب: كومي عشق

🌹🌹
للكاتبة: Lamar Alzanknaالبارت ٩
غضب: كومي عشق
مرديت
غضب: داااااكول كومي
فتحت عيوني وباوعتله متكرفص كدامي لميت رجلي صرت مثل نومة الجنين وباوعت بعينه ضل يباوع بعيني محجى شي واني محجيت بس اباوع بعيونه بعتب دار وجهة عني ومسح وجهة بدون ميباوعلي: كومي عشق لتضلين بلكاع لتتمرضين
مجاوبته باوعلي ولزم خدي : شبيج
عشق بصوت مخنوك ومتعب: تعبببببببت
حط راسة فوك راسي وتنفس شعري بقوة : كومي
لزم ايدي ووكفني كعد ع السرير وكعدني بصفة
غضب: باجر نقرة الفاتحة ونعقد وماريد اي نفس
مجاوبته
غضب: افتهمتي
غمضت عيني وهزيت راسي بمعنى اي ايست من كل شي احس نفسي طلعت من السجن وحكموني اعدام شي بحنجرتي يوجعني ويخنكني مابيدي شي انتحر حرام ربي يعني ليش هيج تسوي بية
وكفت اريد اطلع لزم ايدي
غضب: وين
عشق: صار لازم نرجع للبيت
غضب: مترجعون باجر الصبح تروحون تشترون الذهب واحتياجاتج للمهر راح تبقون هنا
عشق: ماشي انزل يم البنات
جر ايدي ووكعت على السرير وهوة كاعد تمدد وهوة لازم ايدي سحبني لحضنه ايد جوة راسي وايد الخ سحب الحاف وغطاني اني وويا وايدة الثانية حاوطت خصري وجهي للكنتور وضهري على صدرة
عشق: غضب ل يج يي احدد
غضب: اششششش نامي
محجيت شي غمضت عيوني ودموعي تنزل على ايدة حضني اقوة وباس شعري
غضب بتعب: انتي تكولين تعبانه اني شكول هد حيلي حبج ياعشق ياريت ماجان اسمج عشق يمكن ماجان عشقتج هل عشق كله تعببببببببببببت حيل واني اشوفج كدامي وبعيدة عني ماعرف شلون اوصلج غضب ميحبج عشق غضب يعشق الكاع الي تمشين عليها
عشق بتعب: هذا مو حب هذا غضب الله زرعة بداخلك علية غضب العشق
شم راسي بقوة وذب حسرة: عشق متصير غير لغضب
ضلت دموعي تنزل واني اشوف غضب ينتقم مني بحضنته
عشق بألم: حلني شوية دتأذيني
غضب: اخخخخخ لو بيدي ادخلج بين اضلاعي وماخليج تطلعين واحد يشوفج ألم اكثر بعد مازاد من قوة حضنه
عشق: خنكتني كافي
دارني باتجاهة صار وجهي مقابيل صدرة حضني غمضت عيوني واخذتني حزاني للضلام لغير عالم حتى بذاك العالم ماخلصت من غضب احلام وكوابيسي كلها تحتوي على غضب صحت بكابوسي غضضضب فزيت مفزوعة رفعت راسي باوعتله مغمض عيونة بس نفسة قوي فتح عيونة فجأة وباوعلي: ي عيون غضب
سحبني لحضنه وباس راسي
غضب: شبيج حبيبتي شفتي كابوس
عشق بهمس: شفتك انته
سمع صوتي ذب حسرة وابتعد عني ودار ضهرة علية ثواني ردت اكوم ندار نام على ضهرة وسحب ايدي نومني على صدرة وايدة جوة جتفي حاوطتني ويمسح على شعري وايدة الثانية سحب باكيت الجكاير فتحه وقربة من شفته سحب جكارة بسنونة ذب الباكيت وجدح بنار كام يدخن واني عيني علية اباوعله وصافنه شنو الي بداخلك ياغضب وهيج صاير وحش متتحمل الكلمة اخذتني عيني للساعة اباوعلها. بل ٢ تفكيري اخذني ل اهلي معقولة اكو هيج اهل هيج اب ماعندة غيرة ويكول وين بنتي ورا نص الليل بغرفة ولد ميقربلها شي غير ابن عمها ممكن يسوي بيها اي شي كل الي يصير بينة من عمامي لو ابوية لو ولد عمامي واخواني كله اصله عكاب جدي ياريت اكدر العن موتك وحياتك بس الي موكفني ميجوز للميت غير الرحمة حسبي الله ونعم الوكيل رفعت عيني وضليت اباوع عليه وهوة يباوع للسكف ويشرب بالجكاير وحاضني بايدة الخ وراسي على صدرة باوعلي بطرف عينه
غضب: شبيج تباوعلي
عشق: مبية
غضب: ضمي نضراتج هاي ل ورا الزواج ماتحمل هيج تباوعلي
خفت منه ونزلت راسي طفه الجكارة وندار عليه حضني واني بحضنه ووجهي على صدرة يتنفس بنص شعري احسه مثل السشوار هوا حار بنص شعري راسي على كلبة نبضه قوي غفيت حسيت شي على ضهري يتحرك ردت افتح عيوني اشتميت ريحة جكاير تذكرت اني بحضن غضب ضليت مغمضة وهوة ايدة على ضهري ذب حسرة
غضب: اوووووف ياعشق شسويتي بيه لو بيدي اموتج واخلص من هل عشق الي مضعفني
فتحت عيوني لكيته يباوع بعيوني
عشق: صباح الخير
غضب: صباح النور
سحب ايدة من جوة راسي وكام وكف فتح الباب وطلع تمددت على ضهري واني افكر بكلامة لو بيده يكتلني ويخلص مني ومن هل عشق قطع تفكيري صوته يدخل للغرفة مغسل وجهة باوعلي وفتح مجر الميز تواليت طلع شاش
غضب: كومي سويلي ريوك
كمت وكفت شفته كعد على طرف الجرباية يفتح شاش ايده بس مديسيطر عليه وكفت كدامة رفع عيونه يباوعلي مديت ايدي وفتحت الشاش من ايدة بلكطن مسحته نحنيت شوية علية دالف الشاش رفع وجهة يباوع بعيوني لفيت الشال وباوعتله قرب وجهة ابتعدت عنه وطلعت نزلت للمطبخ امي وعمتي ومرت عمي وام غضب كاعداتعشق: صباح الخير
الكل : صباح النور
محد حجى شي بس نضراتهم جانت كفيلة توضحلي الي بداخلهم عمتي الي مقهورة على ابوها الي ربى هيج وحوش لو امي المكسورة ونضرات ام غضب الي مليئة بالاعتذار على تصرفات ابنها . مرت عمي الي تحسسني هيه حاسه بيه وكفت ع الطباخ فتحت النار جوة الجاي والثانية ع الطاوة وبيها دهن فتحت الثلاجة طلعت بيضة
ام غضب: يتريك ثلاث بيضات
اخذت بيضتين وياها ووكفت ع الطباخ
طكيت اول بيضة
غضب: صباح الخير
الكل :صباح النور
نداريت باوعتله ورجعت اطك الثانية
طلع مي ويشرب
غضب: يمة تحضرو فد شوية تطلعون للسوك
داطك البيضة الثالثة وامه سألت ليش
غضب: تاخذون ذهب ل عشق اليوم نكطع مهر
طكيت البيضة وطفر الدهن على ركبتي
عشق تلزم ركبتها: اااخخخ
اجه ع السريع : شبيج عشق شبيج
نزلت دموعي مو من الم الحرك بكد الم كلام غضب هوة تهستر بس يسأل شبيج
بجيت بقوة: احتركت
شال الطاوة وضربها بقوة على باب المطبخ والدهن طفر الجامة مال باب المطبخ نكسرت ندار علية ورفع الشال من ركبتي وكفت امه واقتربت منه سحب ايدي يباوع للحرك واني بس ابجي
ام غضب: مبيج شي ماماتي
زاد بجيي واناشغ احس روحي تطلع غضب زاد غضبة : عباية ع السريع اوديها للمستشفى
مرت عمي رباح: لا يمه مبيها شي بسيطة هسه احطلها ثلجاية ميبقة شي
ركضت ع الثلاجه طلعت ثلجه وحطتها لركبتي كعدتني ع الكرسي غضب كرفص كدامي وايدة على رجلي ويباوع بعيوني
غضب: شنو يوجعج بس كوليلي
رفعت نضري باوعت ل امي دموعها نزلت يمكن هيه الوحيدة الي تعرف وجعي مو حرك وجعي من غضب وكفت وكف كدامي
غضب: وين
عشق: اسويلك ريوك
غضب: ماريد سم انتي شلون صرتي
عشق: بس ارتاح شوية
امي اقتربت مني دخلت جوة ايدها مشتني لغرفة كعدت وكعدتني بصفها حطيت راسي بحضنها وحضنتها بقوة وابجي
عشق: ماما تعبت كافي والله تعبت ماريد غضب امنعي ماما لتخلي يتزوجني ماما فدوة لزمت ايدها واني بحضنها وابوس بايدها
ام عشق: اووووف ياماما شنو بيدي داتعذب اضعافج
عشق: ماما تحبيني
ام عشق: شلون متحبيني ي روح امج شعندي غيرج اني
عشق بتوسل: اذا تحبيني وتحبين الله كتليني ماما موتيني بس ماريد اصير مرت غضب
ام عشق: انجبي وانسي هل موضوع تريدين تغبضين رب العالمين عليج
عشق: اصلا هوة غاضب علية بغضب فدوة ماما فدوة
بست ايدها باست راسي
ام عشق: ماما اتقي ربج الانتحار حرام تخسرين دنيتج واخرتج
عشق: هو اني داكلج انتي كتليني ماريد انتحر عفية ماماا
ام عشق: ي ماما حياتج احسن من حياتي ع الاقل تاخذين ابن عمج ويحبج ويريدج مو مثلي اخذت غريب وابتعدت عن اهلي وضليت منبوذة ببيت رجال ميطيقني وصار اكثر من ٢٠ سنة بس كاطعة مهر سيد يعني حتى ممتزوجه بالقانون ماما كافي على الاقل غضب يحبج مو مثلي يريد بس حاجته
عشق: ماريد حبه ماريد غضب راح اصير حالي من حالكم انتي ونسوان عمامي ماكو احد يحترمني كافي ماما ماريد اكره غض
باوعت امي تباوع وراية ع الباب نداريت شفت غضب فاتح الباب شوية وواكف سامع حجينه لان نضراته براكيين
غضب: كومي بدلي تطلعن للسوك
عشق: ماريد
دخل للغرفة وكف كدامي وانحني باوع بعيوني ولزم حنجي بقوة
غضب: على راحتج هل شي ميمنع تصيرين مرتي
دموعي نزلت لزمت ايدة الي لازمة حنجي رخت ايدة نزلتها واني لزمتها لركبتي جريت ايدة الثانية من جيبة وحاوطتها لركبتي وضغطت عليها فوك ركبتي بقوة
ام عشق: عشق ماما لتسوين هيج يمه غضب حلها
حسيت بغضب ضغط على ركبتي بقوة ابتسمت باوع بعيوني
غضب : اطلعي برا عمه
ام عشق: ااب
غضب: برررررا
طلعت امي ودموعها تنزل رخى ايدة بس بعدة لازم ركبتي
غضب: الي الي والي ومتصيرين لغيري
تقرب اكثر لزك راسي بالحايط وهو لازم ركبتي باسني ع السريع ووكف
غضب: افتهمتي
مسحت شفايفي بقوة واني ابجي
غضب بعصبية: لتبجين لتبجييين
امسح بشفايفي بقوة
غضب: طبعت بعد متروح
عافني وطلع واني ابجي كمت ع السريع ودموعي تنزل انضربت ب هدى
هدى: شبيج
عفتها وكملت طريقي للحمام لزمت الليفة وافرك شفايفي بقوة يوجعني بس ماوكفت احس نفسي اقذر انسانه بالكرة الارضية مهتميت لصراخ هدى الي واكفة يمي وتحاول تاخذ الليفة من ايدي وهيه تصيح علية شفتها طلعت من الحمام تركض واني افرك شفتي ثواني واندفرت الباب باوعت بالمرايا من بين دموعي شفت غضب وكف وراي وسحب الليفة من ايدي ودارني علية وشفتي تنزف ومورمة سحب ايدي بقوة وطلع كدام بنات عمي صعدني ل غرفته وسد الباب ورا شمرني بلكاع وكعد كدامي على ركبته رفعت وجهي يباوع بعيوني
غضب: ليش جاوبي للللللللللللللللللليش
عشق بدموع : اكرهك
ضربني راجدي ووكف كدام المريا ضربها بايدة تكسرت وايدة نجرحت وهوة يصرخ
غضب بصراخ: اللللللللللللللللللللللللللللله
ندار علية يباوع ويتنفس بصعوبة كعد ويا الحايط سحب رجله لصدرة وايدة ممدة كدامة تقطر دم رجع راسة ليورة ومغمض ويتنفس عبالك روحة تطلع واني كاعدة بعد مترين كدامة مادري ليش زحفت باتجاهة ولزمت ايدة التنزف رفع عينه باوعلي
غضب: تالبارت ١٠
مادري ليش زحفت باتجاهة ولزمت ايدة التنزف رفع عينه باوعلي
غضب: تعبتيني عشق ارحميني
سحبني لحضنه وحضني بقوة بجيت وحضنته
عشق: انته ارحمني واعتقني والله كرهت نفسي
غضب: ماكدر والله اريد اموتج انتي ضعفي انتي الي تضعفيني كاره ضعفي من وراج مو غضب الي يضعف بس انتي ضعفتيني
رفعت راسي من حضنه وباوعت بعيونه سحبت مرايا مكسورة بلكاع وحطيتها بايدة وقربتها لبطني واني لازمة ايدة
عشق: اكتلني
رجع راسة ع الحايط ونزلت دموعة اول مرة اشوف دموعة قرب راسة وحطه على جتفي
غضب : ماكدر وج انتي سرطان بداخلي يزيد يوم بعد يوم ماكدر اخلص منج ماعرف شلون اعبرلج عن حبي بس انتي افهميها النفس بدونج يخنكني اني موبس احبج ولا اعشقج ولا هايم بيج عبرت كل هل مراحل ماعرف شيسمون المرحلة الي اني بيها
ذب المرايا المكسورة من ايدة وكور وجهي بيدة
غضب: يمكن واصل مرحلة العبا
حطيت ايدي على شفته : لتكفر
باس ايدي الي على شفته
غضب: لتعوفيني ماكدر بدونج
سحبت ايدة من خدودي تنزف
عشق: ايدك تنزف اوكف اعالجها
كمت فتحت الباب وطلعت للحمام طلعت شاش ومعقم وقطن من الصيدلية طلعت من الحمام صارت بوجهي امي ومرت عمي رباح محجيت شي فتت للغرفة على نفس كعدته لزمت ايدة رفع عيونه يباوعلي مسحت الدم وبعدة ينزف مسحته وحطيت المعقم عقج حاجبه بألم
عشق: يوجعك
باوعلي لزم ايدي وخلاها على صدرة
غضب: اي يوجعني
سحبت ايدي وعالجت ايدة لفيتها داكوم لزم ايدي وكعدني كبالة مد ايدة تلمس شفايفي بعدها تنزف
غضب: ليش هيج سويتي
مجاوبته
غضب: هيج كارهتني ليش ليش متحبيني ربع حبي الج ماريد حتى لو متحبيني بس طيقيني ولتبعدين عني
رفعت عيوني باوعت بعيونه
عشق: شكد ما احاول اشوفك خوش انسان انته ترجع وتثبتلي العكس ترجع تكرهني بيك وتزيد كرهي الك
غضب: شسوي وتحبيني بس كوليلي والله مليت
عشق: يمكن من البداية غلطت ماكدر احبك ولا بيوم تتوقع هل شي مني حبك مستحيل
تنفس بقوة ولزم شفايفي بقوة: وتريديني ماغلط وياج انتي ليش هيج تسوين حتى امل متنطيني بس فهميني ليششش
دفعت ايدة من شفايفي ووكفت
عشق: انته بحياتك مراح تتغير واني بحياتي مراح احبك
عفته وطلعت ودموعي تنزل ثواني يهدئ ويرجع احقر من قبل دخلت لغرفة البنات تمددت ودموعي تنزل دخلت امي للغرفة درت وجهي ع الحايط
ام عشق: ماما شبيج كومي
مجاوبتها دخلت مرت عمي وام غضب
ام غضب: كومي حبيبتي نطلع للسوك تأخرنه وبعد الصالون كومي ماما
نداريت وباوعت عليهم وصرخت
عشق: ماريد كلشي ماريد لاذهب ولاصالون ولا اتزوج ولا اصير عروس ماريد اتزوج ماريد ابنج ماريدددد غضب اكرهه افتهمتو اكرهه
مرت عمي رباح: كومي ماما تتندمين باجر عكبة لان ماشفتي شي من هل ايام ا
قاطعتها بصياح: لتنصحيني ولتجيبين عمي رباح على غضب غضب مررريض مو عاقل وبعدين شفرق ورا ماحبيتي عمي هسه شنو التغير نفس عصبيته ونفس الشي وولدج نفس تربية عكاب شنو الفرق هاي العائلة كل ولدها راح يطلعون نفس الشي مازال دم عكاب يمشي بدمهم ماريد اتزوج غضب ولابيوم راح احبة لان غضب مرررريض افتهمتو مرييييض مثل جده عكاب
انفتحت الباب بقوة ودخل غضب وعمي رباح ثنينهم عصبيين
عمي رباح: غضب انته احجي واتصرف لان اذا الزمها محد يخلصها من ايدي ادبسزز حتى لجدها متحترم
غضب تقدم علية وانحنى كدام وجهي ويباوع بعيوني حجى بصوت فحيح
غضب: اي اني مريض مريض بيج
ندار ديطلع صحت
عشق: ها عمه مو كتلج نفس الشي كلهم يمشي بيهم دم عكا
ماحسيت غير وجهي انفر فر من راجدي قوي من ايد غضب
غضب: احترمي نفسج ولسانج ضبي من تجيبين اسم جدي عليه
عشق: حسبي الله ونعم الوكيل
نداريت وتمددت سمعت صوت الباب نركعت بقوة اتقدمت امي لزمت جتفي جريت اللحاف من جوة رجلي والمخدة فوك راسي ودموعي نزلت ضليت جوة الفراش طلعو وبقيت وحدي رفعت المخدة من فوك راسي حضنتها بقوة واني اعض بيها غطيت نفسي ضليت ابجي يمكن ساعات بقيت بهل حاله الى ان غفيت حسيت على اللحاف ينرفع من فوكاي
هدى: حبيبتي كومي
ضليت مغمضة عيوني واني اسمع صوت العلاليك وصوت نسوان عمي والبنات
امي: عشق ماما كعدي
فتحت عيوني وباوعتلها سمعت اية من وراي صاحت: عشق شوفي شجبنالج
درت وجهي باوعتلهم كاعدين بلكاع ويفتحون بلعلاليك هذولة صدك فرحانين لو يعاندون بيه اني اليوم محكوم عليه اعدام وذولة فرحانين بدون اي ردة فعل وملامحي خالية من اي مشاعر درت وجهي ورجعت حضنت المخدة جريت اللحاف علية وغطيت راسي اسمع صوتهن فرحانات حطيت ايدي على اذني امنع صوتهن يدخل ل داخلي بس ميفيد دفعت اللحاف من فوكاي وكمت كلها باوعتلي
ام غضب: تعا
محجيت شي عفتها تحجي وطلعت من الغرفة حسيت شال انحط فوك راسي من وراي
هدى: البسي شال ولد عمامي كلها هنا محجيت شي الشال على راسي واني امشي صعدت لغرفة غضب مموجود طلعت صارت بوجهي اية بت عمتي
عشق: اية اريد موبايلج
اية: شتسوين بيعشق: هيج ميحتاج عفتها دامشي لزمت ايدي وحطت موبايلها بيدي اخذته ودخلت لغرفة غضب طلعت سورة يس اخذت الهتفون مال غضب من المجر وتمددت واني اسمعها اريد ابتعد عن كل العالم تكومت على نفسي مثل الجنين بداخل بطن امه لفيت نفسي ببطانية ودموعي تنزل ويا صوت القرآن كمت اشهك خنكه موتتني احس روحي تطلع ببطئ العجز الي اني بي موطبيعي لا اب يوكف وياي ولااخ ولا ام تكدر تواجه لا اخت تواسيني كلها واكفة ويا غضب وتشوفة شي حلو يحبني وحاسديني على حبه صح يحبني بس ماكو كل تعامله صياح وضرب وعصبية هذا مو عشق بالنسبة الي هذا غضب العشق
دموعي تنزل واني اسمع نوعآ ما حسيت براحة ضلت دموعي ماخذة مجراها بخدودي وتفكيري ماخذ مجرى بدماغي ماحسيت غير الهتفون انشال من اذني باوعت بطرف عيني هذا غضب محجيت شي حط الهتفون باذنه وباوعلي مسح على شعري حركت راسي وبعدت عنه تمدد وراي وحضني حط راسة على راسي
غضب: تدعين عليه
مجاوبته
غضب: والله احبج
سحبت الهتفون وحطيته باذني عليت صوته ماريد اسمع منه شي ضلت دموعي تنزل وشهكاتي تزيد وهو حاضني حسيته رفع راسة من راسي وندار للباب نداريت باوعت اية وخرت الهتفون
اية: اسفة بس اريد الموبايل دخابر ام الصالون
مجاوبتها مديت موبايلها شلعت السماعات خلتهن ع الكومدي وطلعت درت وجهي ورجعت على نفس حالتي مد موبايلة بصفي وحاط بي الهتفون متحركت حط الهتفون باذني فاتح قرآن وخرت الهتفون من اذني ومتحركت
غضب: متتغدين
مجاوبته
غضب: عشق لتسوين هيج جاوبيني ماجعتي
مجاوبته فتح الهتفون وضل القرآن صوته بكل الغرفة حضني ونام ضليت اباوع للساعة بل ١١:٤٥ الى ان صارت ١٢:١٢ اني على نفس الحالة احس الوقت بكوة يمشي وميل الساعة يصارع الخ بس اسمع دقات الساعة وصوت البنكة تفتر ونفس غضب بركبتي انفتحت باب الغرفة بعد ماندكت بقيت على نفس حالتي
ام غضب: حبيبتي كاعدة
تحرك غضب وندار باوعلها
غضب: ها يمة شكو
ام غضب: ام الصالون جتي كعد عشق تطلع وتعالو اكلولكم لكمة
باوعلي غضب شاف عيوني مفتوحة ودمعي ناشف على خدي ندار ل امه
غضب: ماشي انتي روحي يمه نجي وراج
طلعت امه وسدت الباب دارني على جهتة وباوع بعيوني تلمس وجهي
غضب: ليش هيج تسوين مصفرة وعيونج زركت وجفيتي مو كافي
مجاوبته بعدت ايدة عني وكمت وكفت لبست شالي فتحت باب الغرفة وطلعت البيت فارغ كلها بالاستقبال يتغدون دخلت عليهم وكفت بالباب كلها رفعت نضرها تباوعلي واني اباوعلهم واحد واحد عمامي ولدهم عماتي البنات امي ابوية اخوتي كلها جفلت من شكلي
مرت عمي رباح : شبيج عشق ماما تعاي اكلي
عشق بنضرات مميته: بلعافية
عفتهم وطلعت مستحيل اكدر اوصف شعوري واحساسي ماكو كلمات تعبر عن الي يجول بداخلي طير مذبوح ميوصف حالتي اية وهدى لزموني ودخلوني لغرفة هدى لكيت ام الصالون ووحدة وياها وعمتي كاعدات يحضرن المكياج باوعتلي ام الصالون وشهكت
ام الصالون : هاي شبيها
عمتي: مريضة شوية
ام الصالون: هاي العروس
اية : اي هاية عشق
ام الصالون: اللهم صل على محمد وال محمد شنو هل اسم الحلو ليش هيج تعبانه تعاي اكعدي
كعدوني كدام المرايا واني اباوع لوجهي واسمع ام الصالون تحجي باعجاب باسمي اني مطيح حضي غير اسمي خلي ياخذو ماريدة وكفتني وطلعتني غسلت وجهي واني جثة بلا روح بس اتحرك حتى دموعي نشفن دتغسل بوجهي الي ويا ام الصالون مساعدتها وهدى نزل غضب لابس دشداشة بيضة باوعلي باوعتله محجيت شي غسلت ورجعوني ام الصالون رادت تحف حواجبي اشرتلها لا كالت احلى ومدري شنو مقبلت كامت تمكيجني وتسأل ليش حالتي اني انقطع صوتهم مني بس اباوع لنفسي بانعكاس المرايا عمتي تجاوبها وتألف بالجذب اكثر من ساعة وهيه تزوكني دخلن البنات شايلات ٣ فساتين يخيروني بينهم اختاريت اسود بس ماقبلن لبسوني لون زيتوني قصير وفوكاه تول طويل وضهرة مفتوح والصدر هم واسع تذكرت ذاك اليوم الاسود يوم ميلادي ال١٨ من شافني غضب بلبس مثل هذا شسوة حجيت بصوت مبحوح من البجي : ماريد هذا
اية وعمتي: ليش
غمضت عيني وفتحتها : غضب ي