رواية #غضب_العشق ( نهوة) الفصل السابع 7 - بقلم الكاتبه زينب علي

#غضب_العشق  ( نهوة)

القصة  حقيقية

#البارت24_25_26

انفتحت الباب واني مدنكة راسي فات للغرفة وسد الباب اختفى صوت الهلاهل معناها راحو وكفت على حيلي واني مدنكة راسي تقرب وكف كدامي نزل الكبوس من فوك راسي لزم وجهي بين ايديناته وباس كصتي وعيوني فتح الكبوس وشمرة ع الجرباية
غضب: احبج يا مرتي احبج يا ام نمر
بدة يتقرب مد رساة بركبتي يبوس رجع يبوس بشفتي لحضات صعفت وبادلته حسيت بايدة تسللت ورا ضهري دفعته من سمع صوت السحاب ينزل بين صوت انفاس غضب العالية بعدت شفتي من شفتي نزل على ركبتي حجيت وشفتي ترجف : غ غض ب
يبوس ومندمج وانفاسة حارة وعالية: ي عيونه وروحة
عشق: عع فية غضب عوفن ي شوي ةة
حس على نفسة وابتعد باوع بعيوني
غضب: لتمنعيني عشق مشتاقلج حيل
عشق: اريد اغسل
احجي واني لازمة بدلتي من منطقة الصدر حتى متنزل لان السحاب مفتوح
غضب: كلهم راحو لبيت عمي رباح البيت النه اليوم اطلعي غسلي
سحبت ملابس النوم من الزاوية سيت ابيض طويل وروب فوكا اخذت منشفة وطلعت للحمام نزعت البدلة فتحت ماشات شعري بصعوبة غسلت وجهي دخلت جوة الدوش المي ينزل علية طمئنيت من شفت غضب ابتعد وعافني براحتج غسلت على راحتي المي دافي راسي خف شوية من التسريحة سديت المي لفيت المنشفة علية والثانية على شعري نشفت جسمي لبست سيت النوم هوة مستور بس يمكن اشوفها صعبة لان اول مرة هيج البس نشفت شعري بقى بي رطوبة مشطته توضيت وطلعت دخلت للغرفة نازع جاكيتة والرباط وتكرمون الحذاء باوعلي دخلت وكف ديقترب
عشق: لتقترب متوضية
غضب: ليش
عشق: حتى نصلي امشي توضى انته هم
غضب: اني اصلي وياج
عشق: اي لعد اصلي  وحدي
غضب: بس ع
عشق: غضب رجاءآ ع الاقل بهاي اسمع كلامي مو كله انته تاخذ القرارات
غضب : تدللين
اخذ الدشداشة وطلع للحمام وكفت كدام المرايا شعري بعدة يقطر مي ورا دقايق فات غضب غاسل ومبدل دشداشة وشعرة هم ينكط مي ابتسم بوجهي لبست ثوب الصلاة مديت السجادة وخليت السجادة مالتي ورا على يمينه وكف ع السجادة كدامي واني ورا ندار ابتسملي رديتله الابتسامة كال الله واكبر بدينه نصلي يمكن احلى دقايق مرت بيني وبين غضب هاي الدقايق بيد رب العباد ثنينه نصلي حتى ربي يوفقنه بحياتنه رجلي واكف كدامي كعدت دعيت ربي يوفقنه ويرزقنه الذرية الصالحة ويقدرني اغير غضب للاحسن ويديم المحبة بينه شفته رافع ايدة يدعي والابتسامة على وجهة يدعي بصوت عالي وهوة يشكر الله لان صرت حلاله ومرتة وملكة ويدعي الله يقدرة يسعدني نزلت دمعتي وين جنت اني وماشفت حبه هذا مسح وجهة بيدة وكام وكف ندار باوعلي دمعة بعيني كف السجادة واجه كرفص بصفي
غضب: شبيج حياتي
حضنته من ركبته
عشق: شكرآ غضب
غضب: اني الي لازم اشكرج ليش تبجين
عشق: لان اليوم عرفت شكد تحبني
غضب مسح على راسي: اليوم يله دريتي 
عشق: ودريت اني هم احبك
غضب: شنو عليج الله عيديها وانتي تباوعين بعيوني رفعت وجهي من صدرة باوعت بعيونه وكتله احبك باسني بقوة ويكطع بيها ويكول واني اموت عليج رفع ثوب الصلاة عني نزعني يا وهوة حاضني ويبوس بيه ومتجه باتجاه الجرباية ......

باوعت الساعة بال٣ الا ربع بليل باوعت ل غضب منومني على صدرة وحاضني بقوة باوعت بوجهة مبتسم وهوة نايم ابتسمت على ابتسامته بست جتفه فتح عيونه
عشق: اسفة كعدتك
غضب باس راسي: تتوقعين اكدر انام الليلة
عشق: لعد ليش مغمض
غضب: انتضرج تتحارشين بية
باسني قاطعته
عشق:جوعانه
غضب: تعاي اكليني
عشق: والله جوعانه بدون لاريوك ولاغدا ولاعشا
غضب: يخسي الجوع كومي ناكل جايبلج عشا جاهز بس انطيني المقسوم قبل العشا
عشق: غضب كافي تعبت
غضب: يلة حبيبي
فكني من حضنه كمت لبست الروب لان اني لابسة الثوب جوة كمت فتحت باب الغرفة نزلت للمطبخ جايبين مشاوي حاطيهن بالفرن طلعتهن بصينية داحضرها طفت الكهرباء وكعت الخاشوكة من ايدي من الخوف ضلمة هندس صحت غضببب غضب وينك عفية غضببببب تعاااااااال انزل غضب اخاف طلعت واني اتلمس الحياطين وكلبي يدك من الخوف سمعت صوت غضب من فوك الدرج يصيح جايج
عشق: غضب وينك عفية تعاال بسرعة
غضب: دقيقة حبيبي بس اشوف دربي
عشق: غغغغغغضب اخاف وينك
غضب: ااااخ الله
باب المطبخ مقابيل الدرج مباشرتآ
عشق: شبيك غضب وينك
غضب: وكعت من اخر بايتين
ركضت عليه وكمزت بحضنه حضني
غضب: حبيبي اني يمج لتخافين
عشق: غضب شيلني اخاف والله
رجلي حاوطت خصرة واني حاضنه ركبته ووة ايدة محاوطتني
غضب بضحكة: تعاي على صفاحي مثل ياسين(ابنعدي الصغير)
عشق: انجب غضب اخاف والله
غضب: ي هنيالي اذا تضلين هيج
عشق: شوكت تجي الكهرباء
غضب: ياريت  متج
مكمل كلمتة اجتي الكهرباء
عشق: اجتتتتي
اريد انزل لزمني بقوة وهوة شايلني راح جوة الدرج يم الكهرباء نزل الجنجوفر
عشق: عااااااا غضب افتح
غضب: لا تنزلين من حضني
عشق: ما انزل بس افتحها
غضب: والله
عشق: والله بس افتحها
فتحها وجتي الكهرباء شايلني دخل للمطبخ اني محضرة الصينية ع الميز كعد واني بحضنه
عشق: حلني انزل
غضب: حلفتي متنزلين
عشق: وشلون ناكل
غضب: هيجي
كعدني عالميز وهوة كدامي ع الكرسي ياكل ويوكلني بيدة عبالك طفلة بيدة كمت وكفت كال
غضب: وين رايحة
عشق: اريد اغسل
غضب: اكوم اغسل وياج
عشق: وووووين ماكو من اطلع انته اغسل
غضب: اي مو شفت كلشي شكو مستحية
عشق: غضضضضضب
غضب: اتشاقة وياج يلة اغسلي
دخلت للحمام داغسل جوة الدوش طفت الكهرباء كمت اتجبح اريد اشوف منشفة داطلع ماكو فتحت الباب واني واكفه ورا الباب وصحت غضضضضضضضب وينك تعال
غضب: ها حبيبي ادخل
عشق: لا بس الزم ايدي
مديت ايدي لزمها ويضحك
عشق: لتضحك شوكت تجي الكهرباء
غضب: يعني انتي لازمة ايدي افتهمنة بس خاف الجني يطلع وراج
عشق: عاااااا
فتحت الباب وحضنته واني ربي ماخلقني ديحضني دفعته
عشق: غضب انطيني منشفة
غضب: متجيبين انتي
عشق: عفية جيبها من الحمام
دخل للحمام انطاني ياها همزين ضلمة كلشي مشاف لفيتها عليه وحضنته وهو حاضني ويضحك
عشق: شوكت تجي الكهرباء
غضب: بكيفج
عشق: شنو بكيفي شوكت تجي الكهرباء
سامعين بالنذالة غضب انذل انسان بالكرة الارضية
غضب: شوكت متريدين احول الكهرباء
ابتعدت منه وضربته: انته طفيتها نذذذذل
غضب: ههههه
عشق: وسم ماكلت يجوز تموت من الخوف امشي حولها
عافني ديمشي لزمت دشداشتة وامشي ورا مثل الطفلة المتعلقة بابوها وصل جوة الدرج واني ويا فتح الكهرباء وباوعلي بابتسامة حقيرة ضربته على بطنه ومشيت للحمام
عشق: والله غضب اذا طفيت الكهرباء متدري شسوي بيك
غضب: شتسوين
عشق: اروح لاهلي واعوفك
غضب: هههههه يلة غسلي غسلت لفيت المنشفة عليه والثانية على راسي وطلعت واكف بباب الحمام شافني كام يصوفر ويتغزل مثل المتحرشين مال شوارع نداريت عليه كتله ادبسزز عفته وصعدت للغرفة سديت الباب بدلت دشداشة قصيرة رفعت شعري ذيل حصان حطيت كحلة وحمرة فتح الباب لاف بس منشفة على خصرة
عشق: ليش مبدلت جوة
غضب: لان مرتي سباعية وتجيب الشي قبل لا اطلبة بحيث اني بالحمام بدون ماكول اريد ملابس دكت الباب ونطتني ياهن
عشق: مو صوجك صوجي اني
اقترب عليه لزم راسي بين ايدي وباسني وخر باوع لوجهي
غضب: اي هيج خفيف احلى
عشق: غضب هوة لونه احمر ليش هيج
غضب: جان يحتاج تخفيف وخففته
فتح الكنتور طلع ملابسة يريد يبدل طلعت برا الغرفة واخذت الحمرة وياي حطيتها دكيت الباب
عشق: كملت
غضب: اي حبيبي ادخلي
دخلت لابس بس بجامة بدون فانيلة ولاتيشيرت تمددت ع الجرباية تمدد يمي وجرني على صدرة نومني
غضب: حمرتج يحتاجلها تخفيف
عشق: هسه اني اخففها
بسته بكصته وبخدودة وخشمة وحنجة واخر شي شفتي ورجعت نمت على صدرة
غضب: والله مو قليلة بت ال...
عشق: رجعنا للسان الزفر
غضب: حبيبتي من اسبج معناها احبج
عشق: لا والله يا ابن ال.... ابن ال.... ياك... يا ت... يا
قاطعني: هييييي هييييي شكو
عشق: هاي معناها احبك اضعافك
غضب: عشق ماقبل تسبين
عشق: لعد بس انته تسب
ضجت منه نداريت وابتعدت عنه ونمت ويا الحافة اقترب مني وحضني
عشق: وخر غضب
غضب: احبج ام نمر
عشق: وخرررر
غضب: سبي براحتج حبيبتي كل عشيرتي يرحولج فدوة
نداريت عليه ضحكت باستهزاء: كل عشيرتي يرحولج فدوة شايفني غبيه اني وياك نفس العشيرة ونفس الاهل
غضب: من تدرين نفس الاهل يعني من اسبهم ساب اهلي
عشق: هوة هذا الموضوع الي لكيته بيوم عرسي تسب بالاهل خلي نعوفهم كافي لاتسب اهلي ولا اسب اهلك
غضب: تدلل حبيبتي بس انداري علية ماتحمل حياتي انتي
نداريت عليه سحبني لحضنه نايمة على صدرة عندة جم شيبة بصدرة وشواربة العب بيهن
غضب:عاجبج المشيب
عشق: هههه اي
غضب: والله
عشق: والله
غضب: احبج
عشق: واني هم
داغفي كال عشقي
جاوبتة بنعس: هاا حبيبي
غضب: شنو نمتي
عشق بنعس: لا بعدني بس نعسانه
غضب: راح تعوفيني وتنامين
عشق: والله نعسانه كعدوني من السته الصبح
غضب: اني هم كعدوني من السته وياج
عشق بنعاس : اوووه غضب نعسانه كافي تحجي
سحبت نفسي نمت على ايدة طويتها على جتفي وهوة الثانية مادها على خصري حركت اللحاف برجلي واني مغمضة اريد اتغطة وخر ايدة من خصري لزمتها
عشق مغمضة: لتعوفني وتكوم
غضب: داغطيج حياتي اموت وماعوفج
النعس غلبني مديت جف ايدي على حلكة: اشش لتحجي بالموت
اخذتني الغفة من النعس حسيت بي غطاني ورجع ايدة على خصري باس كصتي ضميت نفسي بي ونمت كعدت الساعة ١٢ وعشرة صوت باب الغرفة تندك ع الخفيف
عشق بنعس: حبيبي كوم للباب
غضب بنعس: خلي يولون نامي
رجعت دانام زادت الدكات
عشق: دكوم حبيبي شووف شكو
سحب ايدة من جواي والثانية من فوك خصري وكام يفرك بعيونه ويفتح الباب اني فاتحة تك عين واباوعله مبين حيل نعسان مد ايدة على يدة الباب فتحها لازم الباب بايد وبالثانية لازم الحايط وبس بالبجامة صدرة عاري سمعت صوت امه
ام غضب: صباح الخير ي عرسان صارت الضهاري
تقربت تريد تبوسة ضحكت باسته : بالخير يمه
غضب: تسلمين يمه
ام غضب: ههههههه اخذو راحتكم يمه
غضب: ليش تضحكين يمه
ام غضب: شوف وجهك ولك
عافته وطلعت سد الباب باوع بالمرايا وندار باوعلي :ب..

🌹🌹
للكاتبة: Lamar Alzankna

--------
هاي بارت ثاني مثل ما وعدتكم
باجر هم انزل بارت حسب فراغي ❤❤

بنات استرو علينا ولتتغزلون بابو نمر لتجينا ام نمر هسه صايرة تحبه اكثر من ماهوة يحبها

عشق تدزلكم سلامها🤝❤

احبكم ❤❤❤#غضب_العشق  ( نهوة)

القصة  حقيقية

#البارت 25

غضب: ليش تضحكين يمه
ام غضب: شوف وجهك ولك
عافته وطلعت سد الباب باوع بالمرايا وندار باوعلي :بت الحلوو هاي شمسوية
عشق: مسويت شي
جريت اللحاف على راسي ونداريت اكمل نومتي اجه وراي رفع اللحاف دخل وياي جوة ورجع غطانا حضني ويبوس
عشق: غضب عفية نعسانة
غضب: اووويلي من التنبل نامي نامي
حاولت ارجع انام مكدرت رفعت اللحاف مني
غضب: مو كلتي نعسانة
عشق: طارت نومتي كوم ننزل عيب دينتضرونة
غضب: لا عوفينه هنا
عشق: كوووم هسه اتراهن وياك كلها تريد تصعد بس خايفين منك
غضب: ليش بس انتي متخافين مني
عشق: هوة اصلا محد يخاف منك غيري كووم يله
غضب: كمت كمت
كام وكف يبدل اني هم ختلت ورا الكنتور وابدل وغضب يضحك علية لفيت شالي وطلعنا نزلنا الدرج دخلنا للاستقبال كاعدين يتغدون ام غضب طكتها بهلهولة طويلة وكلها تصفك متت خجل احس كلها تعرف بالصار البارحة كامو باركولي وبوسوني وباركو لغضب بست ايد ام غضب وابو غضب كعدنه نتغدة واني كاعدة يم غضب وعيوني منزلتها حيل مستحية كملوا ديلمون السفرة داكوم وياها عمتي ماقبلت كعدت يم غضب كامو يحجون بيناتهم ام غضب ونسوان عمامي والبنات المتزوجات لازم يشوفن البياض مال عرس من العادات صعدوني للغرفي اني حاطته بالكومدي يم الجرباية شافو وكامو يهلهون واني انطي الوان من الخجل بوسوني وطلعو بقيت كاعدة بالغرفة  دخل غضب للغرفة ورا شوية تمدد بصفي وسحبني لحضنه
عشق: منعسانة
غضب: حتى لو بس ضلي بصفي
عشق: اوك افتح التلفزيون وارجع
فتح ايدة كمت فتحت التلفزيون اخذت الريمونت ورحت فتحت ايدة ودخلت بحضنه حط راسة على صدري وحضني ونام واني ايد حاضنته والثانية لازمة الريمونت اكلب بي بس صوته صامت حتى ميكعد غضب طلعت فلم اجنبي باوعتله وغيت كعدت على ايد غضب تمشي على جسمي ابتسمتلة.....

كعدت غسلت وبدلت نزلت سوينه العشا صعدت عشانه اني وغضب وحدنه حسب طلب عمتي كالت عرسان اخذو راحتكم وحدكم تعشينه وغضب يتحارش ويحضن ويبوس جتي سرى دكت الباب كالت بيت عمي رباح جوة عدلت نفسي دافتح الباب لزمني غضب وسد الباب ووكف كدامي
عشق: ها غضب
غضب: كلت حطي مكياج بس لتطوخين
عشق: مو طوخ والله
غضب اشر بعيونه على شفايفي: وهاي شنو لونها طوخ
عشق: والله وردي شحط لعد
غضب: خلي اخففها
تقرب حصرني بينه وبين الباب باسني ومسح ام الحمرة دفعته وباوعت بالمرايا ضربت رجلي بالكاع بانزعاج
عشق: غضب شنو هاي راحت الحمرة
غضب تقرب علية لزم حنجي ودارة للمرايا ويباوع بالمرايا رفع تك حاجب
غضب: هيج احلى بس شوية يحتاجلها بعد
لازم حنجي دارني عليه وباسني دفعته
عشق: مانزل
غضب: رحم الله والديج اني هم اكول لومننزل اريد منج شغله
توجه للباب يقفلة ركضت علية ولزمت ايدة
عشق: لا خلي ننزل
غضب: مو متريدين تنزلين
عشق: لا انزل وخر يلة
غضب: ماشي بس امسحي شفايفج تلغمطت
عشق: انته هم امسح
سحب كلينسة يمسح ويدردم ميريد ينزل اني هم عدلت نفسي ونزلنه سوة ايدة على ضهري دخلنا باركولنه كعدنه ساعتين تعللنا سوة ضحك وسوالف راحو بيت عمي واحنه صعدنه فوك اختصرلكم مر شهر على زواجي من غضب تعامله وياي احسن من قبل يحبني واحبه بس هم نتناكر شوية لان صعب بالتعامل وبس صياح بس زعلاتنه متطول نص ساعة ويجي يراضيني بس حيل يغار من يجي خطار لو احد من ولد عمامي ميخليني انزل ابقى بالغرفة
عشق: حبيبي كوم
غضب: عشق لتكفريني كلت ماكو نزله
جريت ايدة من فوك عيونه بست خدة
عشق: عفية حبيبي والله مشتاقة ل منى
غضب: تشتاقلج العافية اخوها عينه زايغة اذا باوعلج بنضرة غلط ابط عيونه واحركج فاستري علينه واكعدي هنا
عشق: عفية غضب
صرخ بيه: كللللللت ماكو اذا تريد هيه تصعدلج
زعلت منه داكوم من الجرباية لزم ايدي دفعته وكمت كعدت ع التخم باوعلي وكام اجه يمي اني كاعدة وكف مقابيلي
غضب: امشي نامي
مجاوبته
غضب: داكول كومي ناااامي
عشق وكفت بعصبيه: مانام الساعة بال١٠ الصبح وين اكو احد نايم اريد انزل
غضب لزم حنجي بقوة قربني علية: من احجي شي تنفذي
لزمت ايدة الي لازم حنجة بيها : حلني غضب رجعت لنفس معاملتك
عاف حنجي لزم وجهي بيده وباس كصتي: اوووف عشقي غير انتي داكلج لتنزلين عيون عبد الرحمان اكرهن من الله مو عاد يباوعلج تعاي يمي نامي خلي يولون
عشق: ماشي
لزم ايدي ومشى يم الجرباية تمدد وسحبني بحضنه نام فوكاي وحاضن تجاهلته زعلانه منه ذب ثكلة علية
عشق: غضب لتذب ثكلك علية خنكتني
غضب: احضنيني
عشق: وخر غضب خنكتني
غضب: ليش تعانديني احضنيني لو زعلانه
عشق: يعني تعرف بنفسك سوالفك تزعل
غضب: لا بس اعرفج ام دميعة على كلشي تزعلين
عشق: اي عفية كافي غضب خوما كلشي بيدك تاخذ قرارة
غضب يلعب بشعري ويباوع بعيوني
غضب: والله احبج واغار عليج ليش متفهميني
عشق: والله افهم بس انته حيل مزودها
غضب: مو شغلة مزودها والله من حبي الج
عشق: ماشي بس اذا احد حجى شي اكله غضب مقبل انزل
غضب: اي كوليلهم بس احضنيني
ابتسمت وحضنته والعب بشعرة
عشق: حبيبي
غضب: ها عشقي
عشق: اريد اروح للصالون
غضب: اي حبيبي عود العصر روحي ويا وحدة من البنات بس صبغ لشعرج ماكو
عشق: لا ما اصبغ بس احف واعدل حواجبي واكص شعري
رفع راسة باوعلي: شتكصين شتكصين
عشق: شع
قاطعني بعصبية : حتى اكص ايدج
عشق: شبيك حبيبي
غضب: شعرج متكصي
عشق: يضوجني طويل ما اسيطر علية بالتمشيط
غضب: انجبي هوة من يوم يومة طويل ليش ماكصيتي من جنتي ببيت اهلج هسه صار يضوجج تمشيطة
عشق: ببيت اهلي امي جانت تمشطة هسه منو يمشطلي
حط راسة بركبتي ويشم بشعري ولازمة بقوة: اني امشطة الج بس ايدج اكسرها اذا مديتيها على شعرج
عشق: هسه هوة شعرك لو شعري
غضب: شعري وكلشي بيج مالي ممنوع تلعبين بشي بدون متكوليلي
عشق: هاي صدك تحجي
غضب: اي
عشق: لعد انته هم مالتي واني اكسر ايدك اذا زينت لحيتك بعد
غضب: اني ما اربي لحية
عشق: بس اني اريدك ترربي انته مو تريدني ما اكص شعري
غضب: مو ذاك اليوم كلتي شواربك حلوة
وبعدين ماكدر اربي لحية اني عسكري
عشق: بس ربي سكسوكة
غضب: ولي تريدين الناس تضحك عليه وتكول غضب تالي عمرة يربي سكسوكة
عشق: ليش شكو بيها
غضب: هاي التكولين عليها شبابية ميصير
عشق: وانته شاب حبيبي
غضب: هاا صرت شاب مو تكولين عبية شايب
عشق كرصت خدودة: يمة فدوة للشايب
غضب: انتي اضحكي علية بسوالفج هاي واني مثل الز... اصدكج
عشق: حشاك حبيبي هسه راح تسوي السكسوكة
غضب: لا كلت هاي شبابية ماسوي اني شايب
عشق: حبيبي الشايب بس اني شابة واريد تصير مثل الشباب
غضب: ليش ميعجبج الشايب لو عبالج مابي خير
عشق: لا عفية غضوبي عوفني مابية حيل اغسل غضببب..........

بعد مرور اسبوعين تقريبآ
غضب: ولج حبيبي صايرة تاكلين اكثر مني
عشق: هية ٣ بيضات حالي من حالك حاط عينك على حلكي
عض شفته وغمز : اي والله عيني على حلكج تعاي اشوفة
عشق: اكعد بمكانك وكمل اكلك ليجي احد
غضب: خلي يجون بس اريد بوسة بسرعة
اني كاعدة ع الكرسي تقرب بسرعة باسني ورجع لمكانه دخلت عمتي
ام غضب: صباح الخير
غضب : صباح النور يمة
عشق: صباح النور عمه
ام غضب: رايح للدوام
غضب: اي يمة اليوم خفارة
ام غضب : الله يسهلك يمة
عشق: اسويلج ريوك عمه
ام غضب: لا يمة ارجع انام بس كعدت صليت
غضب وكف وباس راس امة: نوم العوافي يمة
ندار علية : يلة عشقي جيبيلي سلاحي والسويج من فوك داطلع
طلعت عمتي من المطبخ وكفت داطلع
عشق: تدلل غضوبي
غضب: يروحلج فدوة غضوبي وعشيرتة تعاي انطيني
مد شفايفة يريد يلزمني من خصري ركضت صعدت للغرفة سمعته يدردم وراي طلعت المسدس من الكومدي سحبت السويج من فوك الكومدي داطلع طب غضب ودفعني ع الكنتور
غضب: ادبسز وين عفتيني مو كتلج اريد بوسة وين تروحين من ربج يوم القيامة من يكلج ليش متطيعين رجلج
لزم خصري وقربني اله باسني وابتعد شوية
غضب: بادليني
عشق: غضوبي تأخرت
غضب: اوووويلي الله من تكولين غضوبي مال اكرطج كرط
عشق: يلة ياحبيبي
اخذ المسدس من ايدي حطه بخصرة وتقرب يبوسني قطعها وكال بادليني
عشق: اعرفك اذا ابادلك متطلع منا لساعتين يلة غض
حسيت شي على خصري باوعت حاط المسدس على بطني
غضب: بادليني
عشق: غضب هاي شنو وخرة عفية لتطلع طلقة بالغلط
غضب: بوسيني واوخرة
عشق: وخرة بالاول لتفقد وتطلع طلقة
وخرة مني وحطه بخصرة ضربته على صدرة: نذذذذل لو طالعة طلقة حقير
غضب: حاطة عالامان ميصير شي كل عقلج اكتلج اني غير اكتل نفسي وراج
عشق: عفية بعد لتتشاقة هيج شقة وتخوفني
غضب: ماشي يلة وين بوستي
عشق : ماكووو امشي ولي يلة
غضب: ترة هل مرة احطة براسي
ضربتة راجدي قوي وحضنته ودموعي نزلت بمجرد ماتخيلت شكلة اذا حط المسدس براسة مسد على راسي ويضحك
غضب: شلون راجدي يولي هلكد تحبيني
عشق: اكرهك
غضب: خلي اموت نفسي لعد
دفعته : شقاك جااااااااااااااايف تعرف شنو جايف
ديقترب دفعته بقوة وكعته ع الجرباية ونمت فوكا
عشق: اموتك اذا متت وعفتني
غضب: ههههه تموتيني اذا متت هههه
بسته بقوة وسكته طولت البوسة نسى نفسة وفتح الدكم مال دشداشة كمت ودفعته
عشق: كوووم تأخرت
غضب: احتركت عشيرتج ماكدر اطلع بعد
عشق: كوووم يلة
كام وكف يتأفأف ويسب بالدوام وعشيرتي
ندارلي بعصبية: امشي كدامي وصليني للباب
عشق: اوكي
نزل وبعدة يدردم وصل لباب الحديقة لزمت ايدة ورفعت نفسي على اطراف اصابعي بست خدة
عشق: لتضوج غضوبي وتطلع زعلان باجر من تجي اعوضك
غضب: يا بت الحلو مجان كلتي من البداية
عشق: يلة امشي لدوامك
باوع يمنه ويسرة وتقرب باسني ع السريع
غضب: احبج
عشق: واني اموت بيك الله وياك
وكفت بالباب صعد السيارة اشرلي ادخل للبيت ودز بوسة بالهوة اشرتله باي شغل السيارة وطلع سديت الباب واني اقرة اية الكرسي ورا مثل كل يوم  دخلت للبيت كعدت اكمل ريوكي كعدت قدس
قدس: صباح الخير عشوقة
عشق: صباح النور شعجب شمسج عالية
قدس: مو اليوم قصي خفر جان فد شوية يجي غضب طلع
عشق: اي قبل شوية طلع
قدس: جوعانه وانتي ام كريش بس تاكلين
عشق: جان كتلج اكلي وياي بس ميكفيني بس اني جوعانه
قدس: ولج سمنانه صايرة بيج لحمة
عشق: هاي انتي هم غضب حاط عينه على اكلي لان صايرة اكل ٣ بيضات ع الريوك
قدس: ولج شعندج ٣
عشق: داجوع
قدس: يولي خوما هواي تنامين
عشق: اي والله غضب يكول تنبل ششايف منج اني بس نوم
قدس سحبت الكرسي وكعدت كبالي
قدس: يولي خاف حامل
عشق: شنووو حامل لا ماتصور نفسي متلعب
قدس: مو كلها تلعب نفسها اني بس انام واختي وردة بس تاكل خاف انتي هم يولي
عشق: شلون اعرف هسه خاف صدك
قدس: صار شكد من فاتتج ال....
عشق: اوكفي احسب من ااااا لحضه قبل زواجي بعشرة ايام جتي اخر مرة
قدس: يعني ورا عرسج ماجتي
عشق: لا
قدس : صار شكد متزوجين
عشق: من ١٩/١٠ واليوم ٢٣/١١ يعني شكد
قدس: يوولي فايتج حامل
عشق: صلي على محمد قدس خوما من اول شهر
قدس : ههههه والله غضب كلشي يسوي
عشق وكفت بصدمة: شلون احلل
قدس: خابري غضب
عشق: ميقبل اطلع وحدي الا ويا
قدس: اوووف لعد شلون لكيتها اروح اجيب اختبار حمل وانتي سوي
عشق: خوما يأذي
قدس: لا كبر ميأذي قابل هوة شنو خلي اخابر قصي اكوله
عشق: بس لتكوليلة طالعة علمود عشق
قدس: لا اكله اجيب دوة ل عمتي
راحت لغرفتها واني التفكير موتني افكر اذا صدك حامل لو لا وشراح يصير هواي افكار تزاحمت بدماغي الى ان سمعت صوت قدس

قدس:

🌹🌹
للكاتبة: Lamar Alzankna

----------
اعذروني ع التاخير من الصبح كاعدة داكتب بالبارت بس كل شوية تصيرلي سالفة هسه يلة كملته راح انزل بارت ثاني فد شوية تدللون  يا احلى متابعين
وفوكاها افلاونزا موتتني كل عطسة اعطسها تطير اهل بغداد للبصرة 😍😍
فديت اهل بغداد والبصرة وكل العراق

❤❤❤

بالنسبة للي يسأل اذا جان غضب يعرف بالقصة منشورة لو لا سألت عشق وكالت يدري القصة منشورة ويومية بليل 😁 انام بصفة ونقرة القصة سوة وكل التعليقات ❤😍 وغضب يكول فاضحتني كل السوالف مطلعتهن ويكول خوش اسم غضب هيج شايفيني اني هههههه 😂😂
يعني الي عندة اي كلمة يوصلها الهم الاثنين يسمعوكم 🎤 المايك الكم

احبكم❤❤❤❤❤❤#غضب_العشق  ( نهوة)

القصة  حقيقية

#البارت 26

راحت لغرفتها واني التفكير موتني افكر اذا صدك حامل لو لا وشراح يصير هواي افكار تزاحمت بدماغي الى ان سمعت صوت قدس
قدس: خابرتة وكال روحي ويا سرى لو سهى
عشق:  انتي بدلي اني اكول ل سهى تبدل عفية استعجلي
قدس: شبيج اهدي على كيفج عادي
عشق: راح اموت من التوتر ع السريع فدوة
قدس: انتي تريدين طفل لو لا

عشق: مادري عفية استعجلي
قدس: والله عميتيني كافي تدفعين رايحة والله
راحت قدس تبدل رحت ل سرى كلتلها تبدل تروح وياها كالت وين كلتلها بس روحي معليج بدلت واني التفكير ياخذني ويجيبني بدلو وطلعو واني كاعدة بالمطبخ اكركط باضافري من التوتر شلون اذا طلعت حامل اني اصير ام شلون ووين صايرة هاي اني ماكدر اصير ام بعدني صغيرة صعبة لا مو صعبة اني كبرت وهسه متزوجة افكار تضرب بدماغي من هسه على تربية الطفل واذا صدك حامل شنو ردة فعل غضب وهوة يريد طفل اذا حامل يكون ولد لو بنية اووه بس المهم تمام الخلقة هواي افكار خلال اقل الساعة ازدحمت بدماغي قاطعني دخول قصي للمطبخ

قصي: السلام عليكم
عشق: وعليكم السلام الله يساعدك
قصي: ويساعدج بنت العم قدس مارجعت
عشق: لا هسه ترجع راحت ويا سرى
قصي: اي كالتلي
دخل لغرفته واني واكفه انتضر اجتي قدس وسرى
عشق: بشري لكيتي
قدس: انتضري هسه اجيج
دتروح لزمت ايدها : انتضري وين دقيقة راح اموت فهميني
قدس فلت ايدي من ايدها: اني الي راح يكتلني الي جوة انتضري هسه اجيج دقيقة
طبت تركض اوووف متحملت ادري ب قصي بالحمام رحت لغرفتهم فتحت الباب جان اشوف قصي وقدس بموقف مخجل💋 راسأ طلعت وسديت الباب همه انتبهو علينا طلعت واني مستحية شلون طبيت هيج عليهم واكفه بالمطبخ ورا ثواني طلعت قدس

عشق: اسفة ماجنت ادري بي بالغرفة
قدس: لا بلغرفة انتي شجابج وراي قصي مات من المستحى
عشق: عززة والله عيب انتي غير طبيتي مستعجلة وعفتيني
قدس بابتسامة: اي طبعآ اطب مستعجلة قصي خابرني وهرج الدنيا لان فايت للبيت واني ماكو لازم اول ميطب ابوسة
عشق: مشكلتكم المهم شسويتي علمودي
لزمت ايدي وسحبتني للحمام طلعت جهاز الاختبار وعلمتني عليه وكفت بباب الحمام كملته وصحتها
عشق: تعاي شوفي
قدس: انتضري هسه نشوف
عشق: شلون نعرف

قدس: اذا خط واحد معناها كلشي ماكو بس اذا خطين معناها
عشق: حااااامل
قدس: اي معناها حامل
عشق تكمز: وج خطين بالجهاز شوووفي
قدس: اي ولج حامل بس اوكفي لتكمزين ليسقط
وكفت واني اتنفس بقوة: يعني هسه اني حامل
قدس: اي بالخير
عشق: اكيد يعني متاكدة من هذا الجهاز
قدس: اي اني بحبالاتي ال٣ سويتهن بالجهاز وزمن اختي هم مثلي
عشق بابتسامة ودموعها تنزل: عززززززة يعني اني حامل
قدس: اي هسه انتي فرحانه لو زعلانه 
عشق لزمت خدودها: مادري غضب يريد جاهل واني احس نفسي مجاهزة اصير ام واتحمل مسؤؤلية طفل
قدس: الله كريم اني بعمرج عندي زينب وحامل ب يوسف
عشق: يعني اكدر

قدس: تكدررين امشي خابري غضب وبشري
عشق: لا لا لتكولين لاحد اريد اكول لغضب من يجي حتى اشوف ردة فعلة
قدس: يعني متكولين ل عمتي
عشق: لا ماكول لاحد وانتي هم لتكولين الا من يجي غضب يلة
قدس: ولج متحمسة ماكدر اضم واخيرا راح يجي نمر
عشق: اي والله اني هم شلون اريد اكله هسه بس اريد اشوف ردة فعلة

قدس: اخابرة اكله عشق مريضة تعال شوفها يجي وكوليلة
عشق: خاف يخاف  ويصير بي شي ومن يدري مو مريضة يضرب
قدس: لا من يعرف نمر جاي بالطريق يكيف
عشق: هاا يله لعد خابري
قدس: اوك
اتصلت وفتحت سبيكر
قدس: ديدك  ا الوو
غضب: ها ام  زينب هلا
قدس: خوية غضب اريد اكلك شي
غضب: كولي ام زينب خير شصاير
قدس: اا

غضب: احجي شصااير لتقلقيني
قدس: عشق مريضة
غضب: شبيها عشق جاوبي قدس شبيييها
قدس: ها معدتها توجعها ودتلوب تعال شوفها
غضب: شبيييييها جاي هسه بالطريق
سد الجهاز بوجهها
قدس: والله ليبتلي بينا
عشق: اني خايفة اكثر منج شسوي
قدس: اطلعي لغرفتج حتى اذا نكتلتي متنكتلين كدام الكل

عشق: والله دتخوفيتي بالزايد
طلعت وصعدت للغرفة كاعدة وشايله اختبار الحمل بيدي واهز برجلي من التوتر والخوف اعرف مسافة الطريق اقل النص ساعة بين البيت وشغل غضب بس ورا اقل الربع ساعة سمعت شحطت سيارته كمت وكفت اباوع من الشباك شفته وكفها بالشارع ونزل عاف باب السيارة مفتوحة ونزل يركض للبيت ثواني وفتح باب الغرفة نداريت باوعتله اقترب ع السريع مني ولزم خدودي
غضب : شبيج عشقي شنو اليوجعج حبيبتي

عشق بلعت ريكي : مبية شي
غضب: شنوووو مو كالت قدس انتي مريضة
عشق: مو مريضة
غضب: بت ال... اجيت ركض اكثر من ٣ مرات ردت اسوي حادث تضحكين علية انتي
جان شايل موبايله شمرة بالكاع صار طشار
غضب: اححححححجي شبيج
مديت جهاز الاختبار اله اخذة من ايدي ويباوعلي بعصبية
غضب: هذا الخ..... شنووووو
يريد يشمرة لزمت ايدة بقوة
عشق: لا لتكسررة

غضب: فهميني لتخبلللللليني شبيج
وكفت على اطراف اصابعي ايدي حاوطت ركبته همست باذنه: نمر جاي بالطريق
اعصابة كلها رخت بين ايدية باوعت لوجهة وجف ايدي على ركبته والثانية على خدة
عشق: اعصابك ابو نمر
غضب: اااا ش شن ووو ننن مررر
عشق: اي حبيبي ابو نمر
غضب: اا نني ابب ااص  ير ابب
نزلت دموع غضب مسحتها باطراف اصابعي وبسته بخدة نزلت ايدي لزمت ايدة وجريتها حطيتها على بطني

عشق: نمر يكبر هنا
باوع لبطني ورفع عيونه يباوعلي : اابني نممر بداخلج يكبر
ويا اخر كلمتين دموعة نزلت بدون توقف
هزيت راسي بمعنى اي ايد على بطني الثانية حطها ورا ضهري وسحبني اله باس راسي وكصتي وعيوني وخشمي وخدودي وكل مكان بوجهي نزل على ركبتي يبوس بيها الى ان كعد على ركبه كدامي وجهة مقابيل بطني باسها بحنية واشتياق رفع عيونه يباوعلي ويتلمسها بيديناته الاثنين ودموعة تنزل حسيته لحد الان ممستوعب نزلت لمستواه على ركبي واني لازم خدودة بيدي بست كصته وخشمة وشفته وحضنته حضني بقوة واحنه كاعدين بالكاع يبجي ويحمد الله ويشكرة ويردد اسم ام نمر وابو نمر فرحتي واني ويا واشوف فرحته ماكدر اوصفها بكلمات شالني ووكف

عشق: نززلني ولك غضوبي نززلني
توجه للباب : افتحيها
فتحتها طلع من الغرفة واني شايلني نزل الدرج واني معلكة بركبته وهوة يصيح بصوت عالي بكل البيت
غضب: وووووووينكم يمممممه قصي عدي ام زينب ياااابة سرى سهى وينكم تعالو
نزلنه بنص الصالة واكف ويفر بيه طلعت امه تصيح شكو يمه خير طلع قصي وقدس من غرفتهم قدس مبتسمة تعرف شبي فرحان البنات طلعن من الغرفة مرت عدي طلعت من غرفتها بس عدي وعمي مموجودين بالشغل كلها تسأل شكو
غضب: باركولي يمه هلهلللي اريد هلهولتج تسمعها ام الربيعين واهل زاخو وام قصر
ام غضب : شكو يمه
غضب: دهلهلي داكلللج
ام غضب: كلللللوش كول شكو

غضب: من اليوم اني اسمي ابو نمر من حق وحقيق
سرى: عشق حامللللل؟؟؟؟؟
غضب: ايييييييي اني ابو نمممممممر
ام غضب من فرحتها تهلهل وتكمز وتركص
ام غضب: كللللللللللللللللووووووووششش
راح يجي حفيدي راح يجي يمه ساعة المباركة
تقربت لزمت راس غضب وباسته وراسي هم باسته رغم غضب شايلني
عشق: نزلني غضب
نزلني وكلها تباركلنه وتبوس بينه
عشق: عفية غضب اروح اكول لامي

غضب: اااااي مووو تدللل ام نمررر على ابو نمر يلة ع السريع عباتج على راسج نبشر عمتي
سرى ع السريع شمرتلي عباية دالبسها وهوة يكول لامه : يمممه جكليتج اريد كل حي ال...... يتحلى بي اليوم
ام غضب: موو تدلل يا احلى ابو نمر
لزم ايدي غضب وطلعنا لازمها ويبوس بيها بالشارع واني اكله عيب غضل ليشوفنه احد
غضب: خلي يشوفون ام نمر وابو نمر ونمر الصغير
وصلنه لبيت اهلي فتحت الباب ودخلت اصيح : يممممه وينج ماماااا
طلعت امي : ها يمه هلا بيج
غضب: مبررروك بيبية نمر

امي : هااا شنووو
عشق: ماما  اني حامل
امي حضنتني وتبجي هذا اول حفيد الها من كل جهالها هيه تبجي واني ابجي كعدت يمها دقايق وغضب كال يله ام نمر كمت ويا ودعت امي وطلعت لبيتي دخلنا غضب كال لتتحركين من مكانج ليصير شي ب نمر كتله تأمر ابو نمر باس راسي وطلع كتله وين كال جاي جاي
ام غضب خابرت كل عمامي تبشرهم وكلهم اجوي كل شوية واحد طاب يباركلي ويسأل على غضب ورا نص ساعة سمعت صياح غضب برا

غضب: ااااااااام نمممممممر وينج امممممم الغالي ياغالية
وكفت بخوف هاي ليش يصيح كل عمامي واهله وكفو طلعنه شفت غضب..

🌹🌹
للكاتبة Lamar Alzankna

--------
احلى متابعين والله امووووووت عليكم ❤❤❤❤❤❤❤❤❤❤❤❤

تفااااعل نااااااااري💥💥💥

احبكم❤