تحميل رواية #غضب_العشق ( نهوة) بقلم الكاتبه زينب علي pdf

غضب _العشق(نهوه)

بارت _٢٧

ورا نص ساعة سمعت صياح غضب برا

غضب: ااااااااام نمممممممر وينج امممممم الغالي ياغالية

وكفت بخوف هاي ليش يصيح كل عمامي واهله وكفو طلعنه شفت غضب جايب كصاب وذبيحة علمود حملي وكفت ديبحو خطية غمضت عيوني كصبو وبدو يوزعون ع الجوارين اليوم كله كضى هوسة بالليل سوو عشا لكل العمام تعشينة وغضب فرحته كأن واحد صار سنين متزوج ومحروم من الخلفة على فرحة غضب اني فرحانه رغم خوفي ان اكون مو ام مناسبة كاعدين كل عمامي وعوائلهم يحجون وغضب كاعد يمي وايدة ورا ضهري تقرب همسلي

غضب: ام نمر كلاص مي من يمج لو نمر يتعب

عشق: مو يدلل ابو نمر

غضب: ولج استري علية الناس كاعدة لتخليني اشيلج واصعد واعوفهم

عشق: هههه لا استر علينه

انطيته مي شرب صارت الساعة بل ١٠ ونص كامو عمامي يروحون لبيوتهم واكفين نودعهم وكف وراي غضب وهمس : ع السريع اريدج قبلي فوك

ودعتهم وصعدت للغرفة نزعت شالي فات غضب ابتسمتله تقرب مني لزم خصري ورفعني كعدني ع الميز تواليت ووكف كدامي انحنى علية وحط ايديناته على جوانبي ويباوع بعيوني واني مثل الطفلة كاعدة واباوعلة رفع ايدة ومشاها على شعري سحب القراصة وفتح شعري يلعب بي

غضب: اااي

عشق: شنو

غضب: شمسوية اليوم

عشق: شمسوية

غضب يلعب بشعري: شكلتي اليوم وماسويتي

عشق بلعت ريكي: شكلت

غضب رجع شعري على ضهري وتقرب حط راسة بركبتي وهمس: الصبح

شكلتيلي

عشق: شكلت

غضب: يعني اصلا نسيتي يم الباب من داطلع شكلتي

عشق: هاااا اي تذكرت

غضب: ووجعا اي هذا هيج تعوضيني

عشق: ههههه والله نسيت من الفرحة

حاوط خصري بيدة وشالني نزلني ع الجرباية وتمدد بصفي حطيت راسي على صدرةوايدي على بطنة هوة ايدة جوة جتفي والثانية على خصري مديت ايد على شواربة بيهن جم شيبه

عشق: غضوبي

غضب: عشقي أأمريني

عشق رفعت عيونها تباوعله: شعجب عندك شيب

غضب بابتسامة: لان شايب

ضربته على صدرة بخفة: غضضضب عدي اكبر منك وماعندة شيب ليش انته عندي

سحبني ونومني فوكا: لان عدي ماعندة حب يشيب راسة مثلي اني بعد جم سنة اموت من وراج

جريت شعراية من صدرة بقوة صرخ

غضب: ااااخ اااخ بت الكلب شبيج

كعدت على بطنه ولزمت شعر راسة بقوة: حضك اطيحة اذا جبت طاري الموت على لسانك بعد

غضب: هههههه ولج ادبسز اكو وحدة تضرب رجلها وفوكاها تكله اطيح حضك بقى بس تكفخيني

عشق: وعلى هاي زعلان

ضربته راجدي: ماقبل تموت لازم تشوف نمر وتكبرة على ايدك

غضب: هاي المن ضربتي

لزم ايدها الي ضربته راجدي وعضها

عشق: ااااااي اي غضب عوفني ااااخ غضضضب

غضب: لعد بس انتي تضربين

عشق: من حبك لاشاك مو صوجك

غضب: يعني تحبيني

عشق : لاااااا ما احبك

لزمني من خصري ونومني بصفة وصعد فوكاي : المن متحبين

عشق: انته ما احبك

غضب: كولي احبك

عشق: ما احبك

غضب: احبك

عشق: مااا احبك

تقرب باسني وابتعد

غضب: احبك

عشق: اموت عليك

غضب ابتسم ......

كعدت الصبح واني احس شي على بطني فتحت عيوني ايد غضب على بطني

عشق: صباح الخير حبيبي

غضب: صباح الحب عشقي

عشق: شدتسوي

غضب: انتضر نمر يطلع

عشق: بعد مو هسه

غضب: شوكت لعد

عشق: مادري بالضبط لان ممتاكدة شوكت حبلت

غضب: شوكت تروحين للدكتورة

عشق: مادري اشوف قدس شوكت عدها مجال

غضب: اني وياج نروح

عشق: وحدنه

غضب: اي وحدنه ليش شكو بيها

عشق: اخاف ادخل وحدي

غضب: عشقي راح تصيرين ام المفروض تعتمدين على نفسج وبعدين اني وياج

عشق: غضب

غضب: ي عيونة

عشق: غضب اني ماريد طفل بس علمودك

غضب: ليش متريدين

عشق: مامستعدة اكون ام ماراح اسيطر اني بس لان انته تريد طفل متحملة

غضب: حبيبتي انتي احسن ام

عشق: خايفة غضب

غضب سحبني لحضنه ويمسد على راسي: من شنو

عشق: يعني راح احبل ويكبر بداخلي واسمن واحضر ملابسة وغراضة واحتياجاته ووراها الولادة وبعدها تربيتة و

غضب: اششش عشقي ليش تفكرين هيج اني وياج مثل ما انتي امه اني ابو متبقين وحدج اني وياج لتخلين تفكيرج صغير

حضنته بقوة وحطيت راسي بركبتي: لتعوفني

غضب: اعوف الدنيا وماعوفج

رجعت غفيت وهوة يمسد على راسي وايدة الثانية يمشيها بطني غفيت ورا فترة حسيت بي يتحرك يريد يكوم ابتعدت عنه شوية واني مغمضة غطاني وطلع فتحت تك عين شفت الساعة ١١ الضهر سحبت المخدة حضنتها ونمت حسيت احد يسحبها ويهمس باذني

غضب: بدلتيني بمخدة

فتحت عيوني بابتسامة: وين رحت

غضب: خابرت دكتورة الي تراجعها ام زينب حجزتلج للعصر

عشق: اوكي

فتحت البطانية حتى يدخل وياي تمدد وسحبني لحضنه داغفي

غضب: راح تنامين

عشق: اي نعسانة

غضب: يولي صايرة تنبل بس نوم

عشق: انجب والله نعسانة

باس راسي واني حطيت وجهي بصدرة ورا شوية سمعت دكت الباب

غضب: شوية حبيبي اكوم

عشق: ابقى هيج

غضب: عيب كدام سهى

عشق: شمدريك سهى لتتحرك

غضب: اني صحتلها وخري شوية عشقي

ابتعدت عنه كام باوعت سهى شايلة صينية انطتها ل غضب اجه غضب حطها ع الجرباية

غضب: يله عشقي كومي تغدي

عشق: ماريد اريد انام

غضب: لا كومي تغدي مو زين

كمت كعدت اكل بس ميته نعس كملت اكلي ورجعت نمت هوة حط الصينية على صفحة واجه تمدد يمي يباوع للتلفزيون ميكدر ينام شبعان نوم ضليت نايمة لل ٣ كعدني غضب وهوة يبوس ببطني كمت بدلت وتحضرت دنروح للدكتورة تجهزت وغضب هم بدل دالبس شالي عالمرايا فات غضب من وراي ديلبس ساعته باوعتله طالع حلو داعدل بشالي وحجيت ويا

عشق: غضب بدل ملابسك

غضب: ليش شبيهن

عشق: ماريد تلبس ذني

وكف وراي: ليش عشقي

كملت الشال ونداريت علية باوعتله ورحت فتحت الكنتورة طلعتله بلوز صوف كريمي وقمصلة فرو جوزية

مديتهن اله

عشق: البس ذني

غضب: مو لابس هذا احلى

عشق: وعلى شنو تدور احلى ماكو البس ذني

غضب: ليش

عشق: متلبس هذا اسود يطلعك حلو وتيشيرت ليش لابس دنيا شتاء باردة البس بلوز

غضب تقرب حضني: تغارين

دفعته: اي اغار

جريت القمصلة السودة الي لابسها ونزعتها مديت ايدي على التيشيرت ورفعته نزعته

عشق: هلللللاووو هاي شنو ليش ملابس فانيلة

غضب: ملبستها شكو بيها

عشق: واني اكول التيشيرت لاطش عليك لطش

غضب: هههههههه ولج قابل اني بنية وتغارين من ملابسي

عشق: اني راح اروح ويا قدس انته متطلع

غضب: هههههههههههههههههههههه ولج هاي صدك تحجين ههههههه تغارين

عشق: لتضحك بدل

وكفت حطيت كحلة واباوعله وراي بدل زين يسمع الكلام داحط حمرة وردية وكف وراي وسحبها من ايدي

غضب: متحطين وردي

عشق: لعد شحط

غضب باوع بالحمر : هذا

عشق: مو حلو الجوزي

غضب: ليش اني مو لابس جوزي يلة

عشق: اوووف منك اووف

طلعنا اني ويا صعد سيارتة وصلنا للعيادة دخلنا لصالة الانتضار غضب سأل السكرتيرة على سراي وكالتله كدامها اسمين كالي انتضري هنا اني انتضر بالباب قبل لتدخلين كوليلي كتله ماشي كعدت ويا النسوان وهوة واكف بالباب كل شوية يمد راسة يباوعلي الى ان اجه سراي وصاحو اسمي وكفت يم الباب وكتله راح ادخل كال ماشي دخلت لغرفة الدكتورة واني خايفة لاول مرة اجي وحدي لدكتورة وخصوصا دكتورة نسائية واني كلشي ماعرف سونار وهاي السوالف

عشق: دكتورة خلي اصيح رجلي

الدكتورة : ليش ماما

عشق: اخاف عفية اول مرة اجي وحدي

الدكتورة: ماشي شسمة

عشق: غضب واكف برة

الدكتورة دكت الجرس دخلت السكرتيرة

السكرتيرة: نعم دكتورة

الدكتورة: صيحيلي غضب زوج عشق

السكرتيرة مدت راسها للصالة وصاحت غضب غضب زوج المريضو عشق تفضل دخل غضب

غضب: السلام عليكم

الدكتورة : وعليكم السلام انته غضب

غضب: اي نعم

الدكتورة : مرتك تريدك وياها اني كل مرة ما ادخل بس لان شفتها صغيرة دخلتك

غضب: تسلمين دكتورة

تقرب يمي وكف ولزم جتفي الدكتورة تمشي السونار على بطني وتباوع بالشاشة

الدكتورة: الجنين بالاسبوع السابع كلبة كامل صحته حاليا كلش زين

عشق: ولد لو بنية

الدكتورة: بعد حبيبتي ميبين هسه الا بالرابع راح اسجلج فيتامينات وابرة مثبته وعلاج يزيد دمج

شالت الجهاز وانطتني كلينس حتى امسح بطني

الدكتورة: جيبولي العلاج وتعاي

عشق: ماشي

غضب: اني اجيبة انتي ابقي هنا

اخذ الوصفة وطلع

الدكتورة: اول طفل

عشق: اي

الدكتورة: صار شكد متزوجين

عشق: شهر ونص

الدكتورة :مبين يحبج

عشق: اي دكتورة هواي انام خوما بيها شي

الدكتورة: عادي النوم بكثرة تجوعين هواي اكلج يزيد مزاجج يتقلب وحام يزيد عندج

انطتني نصائح ع الحمل والزواج وهاي السوالف الى ان ندكت الباب السكرتيرة دخلت العلاج ماقابلة تدخل غضب علمتني ع العلاج وطلعت

غضب: ها عشقي كملتي

عشق: اي كملت يلة

طلعنا اني ويا

عشق: مو منا الكراج

غضب: تعاي نفتر بالسوك

افترينه مادري على شنو يدور

غضب: اي تعاي هيانه

عشق: شنو هوة

غضب: ثوب مال حمل

عشق : شنو

غضب: كل النسوان لابسات ثوب حمل انتي ممبينه حامل الا تلبسين ثوب الحمل

عشق: عيب غضب البسها وممبينه بطني

غضب: امشي لج

دخلني للمحل افترينة شفت ثوب لونة ابيض وبي ورد وردي صغار وفوكاه جاكيت كابوي كلش حلو اخذتة واخذت شال وردي بلون الورد غضب خطية ممصدك شاف محل ملابس اطفال وكف صافن بي ولو ليش اعتب عليه اني هم وكفت صافنه يريد يطب ماقبلت يكول نجهزة كتله مو هسه بعد وكت كال لعد بس ناخذلة الحذاء هههه كتله ماشي اخذنا وطلعنا دخلنا اسواق تسوك للبيت اني هم اشتريت حلويات شفت سيريلاك اطفال اشتهيته لحد يضحك عليه داتوحم ههههه

عشق : غضب حبيبي

غضب: ها عشقي

عشق: خلي ناخذ سيريلاك

غضب رفع حاجبة: ملابس ماقبلتي اخذلة تريدين تاخذلة سيريلاك من هسه

عشق: مو اله

غضب: لعد المن

عشق: الية

غضب: هههههه صدك والله

عشق: لتضحك والله داتوحم عليه

غضب: ههههه مو تدلل ام نمر جيبي

نزلت علبة غضب باوعلي ونزل ثنين بعد

عشق: لا ماريد شكو بس وحدة

غضب: معليج انتي

عشق: خلي ناخذ بس اثنين ماكو داعي

غضب: بكيفج

اخذت علبتين والمسوك دفع فلوسهن غضب وطلعنه حط المسواك بالصندوق وطلعنا للبيت وصلنه اخذت علاجي والملابس الي اخذتهن والحلويات وغضب نزل المسواك دخلنا سألوني شكالت الدكتورة ووضعية نمر كلتلهم الحمد لله طلبت من قدس تضربني الابرة مال تثبيت كالت غضب يعرف بالعسكرية علمو كلتلها انتي ضربيني مقبلت صعدت لغرفتي والغراض بيدي لكيت غضب ديبدل

عشق: غضب تعرف تضرب ابرة

غضب: اي حبيبي تريدين اضربج

عشق: اي لان قدس متقبل تضربني

لزم جيس العلاج فتحه حضر الابرة واني اباوع علية اخاف منها

غضب: نداري كملتها

عشق: عفية غضب اخاف

غضب: صل على محمد مبيها شي يله حبيبي نداري

عشق: والله اخاف

غضب: عشقي شبيج نداري يلة حبيبي

تقرب علية لزم جتفي

عشق: لا عفية غضب لتأذيني

غضب: ما أذيج بس تعاي

بكوة وكفت واني ارجف واباوع على ايدة

غضب: هاي شنو

عشق: شنووو

غضب

............ 🌹🌹

اتمنى ستمتعتو بل قراء

شاركو

صوتو

علقو

احبكم

❤❤❤❤❤❤❤❤❤❤❤❤❤❤❤❤احبكم❤❤❤❤❤❤❤❤❤❤❤❤❤❤❤❤❤#غضب_العشق ( نهوة)

القصة حقيقية

#البارت28

غضب: هاي شنو

عشق: شنووو

غضب: شوفي شوفي

باوعت للمرايا جان احس بي ضرب الابرة صرخت ولزمت ايدة والابرة بعضلتي

عشق: طللللعها طللعها

غضب: وخري ايدج

عشق: طلعها عفية غضب

غضب: داكووول وخري ايدج لتتاذين

عشق: عفية غضبب

غضب صرخ بقوة: ااااااايددددج

من الخوف بعدت ايدي

غضب: لتتشنجين ريحي نفسج

عشق: كمممممل عاد

غضب: لتتتشنجين

اخذت نفس ضربها محسيت بيها الا من مدها كدامي باوعتلها وفركت مكان الابرة

غضب: بالعافية لتفركيها تعكد اضغطي عليها

عشق: حقييييير نذذذذل

ضربني على مكان الابرة نداريت وعضيته من جتفه

غضب: اااااااخ ااخخخخ شنو هاي ابرة حتى تصيرين جلبه وخري

عشق: نذل أذيتني

غضب: انتي اذيتي نفسج اني شعلية جاهلة

عشق: اني جاهلة لو انته شايب

غضب: انتي جاهله واني شايب وابن الشايب ببطنج

مجاوبته رحت للكنتور طلعت دشداشة كصيرة نص ردان ختلت ورا الكنتور وبدلت لحد اليوم استحي ابدل كدامة😁 طلعت داعدل شعري كدام المرايا اجه من وراي يريد يحضني نداريت ودفعته وشايلة المشط اهزة كدامة بتهديد(😂😂) والله اكسر ايدك اذا مديتها

غضب: كبووور جيت داكلج لتلبسين هيج لبس تتمرضين

عشق: طبني مرض شعليك انته

غضب: ادري يطبج مرض لعد شدكلج تتمرضين

الحقير قصفني 😒 عفته وتوجهت للجرباية رفعت اللحاف ودخلت تمددت

غضب: متريدين تتعشين

عشق: لا

غضب: لا ووجعا

عافني ونزل حتى مصالحني نزلت دمعتي غطيت راسي ورا شوية سمعت صوت الباب انفتحت ضليت مغطية راسي ودموعي تنزل الى ان رفع اللحاف من راسي شايل صينية بيدة

غضب: كوومي ولج لتختنكين ليش مغطية راسج

عشق: عووفني

جريت اللحاف مرة ثانية على راسي سمعت صوت الصينية نحطت ع الكومدي وهوة كعد على طرف الجرباية رفع اللحاف من وجهي وكعدني

غضب: يلة بنياتي الصغار افتحي حلكج

شايل بيدة خاشوكة تارسها سيريلاك ويعاملني مثل الجهال

عشق: اني مو زعطوطة

غضب: انتي زعطوطة كلبي افتحي حلكج

قرب الخاشوكة يم حلكي واني روحي مفرفحة ع السيريلاك داتوحم عليه ريحته سطرتني فتحت حلكي بدة يوكلني وهوة يكلي عفية بالسباعية ويسوي بيها حركات مال هوووب هووب طيارات يعني بالمختصر بذيج اللحضات صدك حسيت نفسي جاهلة كدامة كأنو ابوية وكاعد يوكلني مو رجلي يمكن الله عوضني عن الي ماشفته ويا ابوية ب غضب كملت اكل مسح شفايفي باصابعة وكام غسل ورجع كعد بالكاع وايدة ع الجرباية مدها على بطني يمسح عليها

غضب: هسه جهالي شبعو

عشق: شنو جهالي هوة بس واحد

غضب: انجبي وانتي شنو لعد

عشق: ههههه ها اي

غضب :روحي ليغاد ابوج يريد ينام بصفج

عشق تزحزحت وانطيتة مجال تمدد ودار ضهرة علية مد ايدة طفى الضوة هااي شنو ليش مينومني بحضنه سامعين ب النذل غضب هذا طبعة نذل شافني زعلانه اجه صالحني وزعل هوة حتى اراضي بس لو يموت نذل

عشق: نذل

نداريت ونطيته ضهري بس نار بداخلي تكبر وتكبر مكدرت انام تعودت على حضنه درت نفسي نمت على ضهري باوعت باطراف عيوني شفته نفس حالته ولاتحرك قربت نفسي عليه بهدوء ماكو ميتحرك رفعت نفسي شوية باوعت بوجهة مغمض يمكن نايم هسه اعرف شلون نايم لو كاعد مديت ايدي وحطيتها على صدرة كلبة يدك قوي معناها كاعد وممتحمل بس يكابر حطيت راسي يم ركبته وانفخ بهدوء ميكعد بس داشوف شبح ابتسامة بوجهة قربت شفتي يم اذنة وهمست بصوت ناصي غضب غضب.. صرخت بقوة .. غضببببب

غضب كعد يفرك باذنة : ووجع بكلب غضب شتريدين

عشق: اكل.... شنو وجع بكلب غضب ماقبل

غضب: وانتي منو مصخم وجهج

عشق: انجب اني بكلبك يعني اذا وجع بكلبك يعني بيه

غضب دفعني تمددت

غضب: بت ال ااااخ من لساني بت الحلو ماريد اشوفج خبالي حامل متتحملين

عشق: مو صوجك صوج الك... الي تريد تراضيك

درت ضهري جان يكمز من فوكاي صار كدامي لزم حنجي

غضب: منو الك...

عشق: عوووفني وخر ايدك

غضب: انجبي

باسني وهوة لازم حنجي

غضب: غبية احبج

عشق: لعد ليش هيج تسوي تدري بيه مانام غير بحضنك

غضب: يروحلج فدوة حضني

تمدد بصفي وفتح ايدة دخلت بحضنه وحضنته بقوة

عشق: اسفة

غضب: عادي عشقي كالتلي امي راح تصيرين مزاجية

عشق رفع راسي من صدرة: قصدك اني خبلة

لزم راسي ورجعة على صدرة : لا اني الخبل نامي

خليت راسي على صدرة وهوة يلعب بشعري الى ان نمت

اختصر عليكم مر شهرين على حملي واني اراجع الدكتورة غضب وياي لحضه بلحضه وحيل متحمس ل جية نمر اني مزاجي كلش مو هلكد بالدقايق اتزاعل ويا بس نتراضى بسرعة بيوم من الايام نايمة فوك العصر غضب البارحةخفارة عندة لليل يلة يجي ضليت نايمة لان كلش هواية انام يعني تقريبا باليوم انام اكثر من ١٨ ساعة نزلت العصر وبطني صايرة شوية هاا بيها لحمة مبينة حامل نزلت سمعت صوت جارتنه ام عبد الله بالاستقبال كلت اروح اسلم عليها دخلت اني لابسة ثوب نيلي وبي ورد احمر صغار ردان طويل وبنهاية الردان يعني وية جف ايدي لاستيك ولاستيك ثاني جوة الصدر والباقي عدل وبطني شوية بارزة ولابسة براسي طاك احمر لان حمويني مو بالبيت عدهم شغل بغير محافضة ماخذة راحتي بس حاطه شال نيلي على ركبتي اخاف احد يطب فجاءة المهم جنت طالعة حلوة(والله اني بديت اتخيل شكلها وعجبني الثوب😁😁) دخلت عليها عمتي وقدس كاعدات وياها

عشق: السلام عليكم

الكل : وعليكم السلام

ندارت باوعتلي وكامت وكفت بوستها وكعدت يم قدس

ام عبد الله: ماشاء الله سور سليمان يحفضج ويحرسج

عشق: تسلمين خالة

ام عبد الله : يسلم غاليج بيا شهر هسه انتي

عشق: بالثالث بعد عشرة ايام وادخل الرابع

ام عبد الله: ان شاء الله وين جنتي لعد سألت عليج كالو بغرفتج لازم تتحركين شوية يمة موزين تضلين كاعدة

عشق: والله خالة هواي انام مدشبع بس نعسانة

ام عبد الله ضربت عمتي على رجلها بخفة: جنتج هاي جايبتلج حفيدة تجنن مثلها تشوفين

عشق: لا خاله ان شاء الله اجيب نمر

ام عبد الله: لا يمة بنية مبينه من نومج الزايد اني ب زينة جنت انام هواي ووجهج متفتح ومحلوة بالزايد مبينه بنية

شايفين الي نايم ويجبون بوجهة مي ثلج هاي حالتي معقولة صدك بنية ومراح اجيب نمر ل غضب وهوة مكيف وفرحان وينتضر نمر معقولة اجيب بنية لهاي العائلة ويصير مصيرها مثل مصيري وتنهان نفس حالتي اني ماريد بنية وتنذل انسطر راسي من كلام ام عبد الله متحملت اكثر اضل كاعدة وكفت

عشق: من رخصتكم اروح اغسل ملابس غضب

كمت وطلعت من الاستقبال واني مسطورة ودمعتي بطارف عيني صعدت الدرج ودخلت للغرفة كعدت بالكاع وسحبت رجلية لصدرة حطيت راسي بين رجلية وبجيت ماريد بنية وتعيش مثل حياتي احنه بعائلتنة البنية مالها اي احترام وتضل مذلولة طول حياتها سمعت الباب نفتحت رفعت عيوني وباوعت قدس اجتي كعدت يمي ومسحت على ضهري

قدس: لتهتمين ل كلامها هيه مودكتورة دتعرف

عشق: عوفيني قدس

قدس: شكو بيها اذا ماجبتي نمر هل بطن ع الب

قاطعتها: مو علمود نمر اني ماريد بنية وتعيش مثل حياتي ماريد

قدس: الله كريم حبيبتي

عشق: عفية قدس عوفيني وحدي

قدس: ماشي حبيبتي اخذي راحتج

كامت وطلعت واني كاعدة وابجي على نفس حالتي والتفكير مجرد تفكير ان بنتي تعيش نفس حياتي يخبلني صح اني احب البنات اكثر من الولد بس ماريد بنية وتنذل ضليت ابجي لليل الى ان انفتحت الباب بسرعة وقوة رفعت وجهي شفت غضب اجه بسرعة كعد على ركبة كدامي ولزم خدودي بيدة رفعت ايدي وحاوطت ركبته وبجيت على صدرة واني اناشغ: غغ ضبب

غضب يمسح على ضهري وشعري: ي روح وكلب وكل عمر غضب

عشق: رراا ح اجيب بنية

غضب: وشكو بيها ي عمري شبيها البنية

عشق: يييعن يي اجيبلك ب بن ية ما اجي ب نمر

بعدني منه ولزم وجهي بيدة ويمسح دموعي باطراف اصابعة : نمر راح يجي حتى لو بعد ١٠٠ سنة واني هسه اريد بنية حلوة تشبهج

عشق: اا ني ماريد بنية

غضب: ليش حبيبتي ليش هذا اختيار الله

عشق: ماريد بنية تجي وتنهان وتنذل بين الكل وياهو الي يجي يذل

قاطعني من حط اصبعة على حلكي

غضب: اااااششششش ماعاش ولاكان الي يذل بت غضب وج بت غضب اميرة ابوها الي يحجي وياها كلمة اموته بيدي

عشق: يعني مزعلان لان اجيب بنية

غضب باس راسي: لا ي عمري مزعلان بالعكس فرحان تجيني بنية تشبهج

شالني بين ايدي وهوة يكول: ااااف ااف سمنانة ام هيام

عشق: منو ام هيام

غضب: انتي اريد بنتي اسمها يدل على عشق يجمع بيني وبينج

شايلني بيدة بسته من صدرة نزلني ع الجرباية ووكف يطك ضهرة : اووووف سمنانة يولي كسرتي ضهري بنتج راح تطلع فاندام

تمدد بصفي فتح ايدي خلاها جوة جتفه وحط راسة على صدري ايد جوة ضهري والثانية محاوطة بطني واني ايد جوة جتفة والثانية على بطني فوك ايدة

عشق: احبك

غضب: اموت عليج

ضل يشاقيني ويلعب ببطني وبنتي ومابنتي واخليها اميرة وشحدة الي يحاجيها وهيج اسويلها وهيج اسويلها هوة يحجي واني ساكته ادري بي انكسر شي بداخلة بس ميريد يبينلي حتى ما ازعل مثل المكسور كلها تعرفة ب اسم ابو نمر هسه تاليها اجيبلة هيام ويصير ابو هيام اني مداتقبل الموضوع شلون حاله هوة لعد

كضت عشرة ايام بطلعان الروح واني خلال هل عشرة ايام عندي امل ولو بسيط ان يكون بداخلي نمر مو هيام صار الوكت نروح للدكتورة رحت اني وامي وغضب حجزنا وضلينا ننتضر واني بداخلي شي ينهش بية الانتضار اصعب من الموت من صاحت السكرتيرة باسمي عشق مصطفى رجلي اختضت والخوف لزمني امشي خطواتي واحس رايحة للاعدام فتحت الباب واني اباوع الغضب بكوة مبتسم يشجعني امي وياي دخلت سلمت عليه جاوبتها سألتني على وضعيتي اني بس هزيت راسي بمعنى زينة ماكدر اجاوبها احس لساني مشلول تمددت ع السدية جنت لابسة ثوب حمل غطتني لبطني رفعت الثوب حطت الجل على بطني وفتحت الجهاز واني عيوني تتبع ايدها وكل حركة منها حطت الجهاز على بطني لزمت ايد امي واني اباوع بوجه الدكتورة انتضر منها كلمة تطمني الى ان امي كسرت الصمت وكانها قرت افكاري من سألتها

امي: شنو جنس الجنين

الدكتورة : لحضة لحضة اااي

امي: بشري

الدكتورة: مبروك ام نمر

شايفين من تغرك وتغرك وتنزل للقاع ويجي احد يسحب ايدك ويصعدك لبر الامان وتاخذ نفس واوكسجين هذا جان شعوري من نطقت الدكتورة باسم ام نمر اسم افتقدته صار ١٠ ايام محد ناداني بي خوفا على مشاعري

اخذت نفس بقوة وهلهلت بكل قوتي تذكرت غضب

عشق: دكتورة غضب فدوة صيحي

دكت الجرس الدكتورة من شافتني فرحانة اقل الثانيتين فتحت الباب السكرتيرة الدكتورة راسا كالتلها صيحيلي غضب السكرتيرة صاحت غضب واني عيوني ع الباب انتضر طلت ابو نمر شفته ديدخل جملة وحدة نطقت بيها

عشق: ابو نمر وتبقى ابو نمر

غضب مثل الي انضرب على راسة وجمد ثواني جامد بدون حركة يستوعب الموضوع و...يتبع

غضب: الاحسن ياهو ناخذة

الصيدلانية: بس الاحسن اغلى

غضب:عادي ماكو مشكلة

راحت الصيدلانية تكمل العلاج غضب وكف بصفي وايدة ورا ضهري الى ان كملت العلاج وكتبتلي اوقات الي اخذهن عليه غضب دفع فلوسهن وطلعنا وغضب لازم ايدي صعدت ليورة كتله اريد امدد رجلي وارتاح امي صعدت ليكدام وصلنا للبيت نزل ودخل للبيت يصيح

غضب: يمة يمةةة

ام غضب: ها يمة

غضب: باركيلي باركي لابو نمر يمة ابو نمر

ام غضب: كللللللللللللللللوووووووش

ضلت تهلهل وتبجي وبتوس ب غضب واجتي عليه باستني وتكلي ام نمر بالخير كتله تسلمين خاله طلعو الكل على صوت عمتي وهيه تهلهل عرفو باركولنه

غضب: يلة عوفو ام نمر تصعد ترتاح لزم ايدي وصعدنا فوك دخلنا للغرفة لزمني يحضن ويبوس ويباركلي تمدد ع الجرباية وصاحني حتى انام بحضنه

عشق: اروح اتوضى واصلي واجي

غضب: مو زين عشقي تعاي نامي

عشق: جايه حبيبي

طلعت توضيت ورجعت للغرفة لبست ثوب الصلاة وفتحت السجادة وبديت اصلي رفعت ايدي اشكر رب العالمين ودموعي تنزل مافشلني رب العالمين وردني استجاب ل دعواتي كملت صلاتي لميت السجادة نزعت ثوب الصلاة ورحت باتجاه غضب فتح ايدة بابتسامة دخلت لحضنه وحضنته بقوة وهو يبوس براسي

غضب: احبج ام نمر

عشق: اموت عليك ابو نمر

حضنته اقوى واني اشم عطرة ابتعدت عنه

عشق: دير ضهرك علية

غضب: ليش

عشق: الدكتورة كالت اذا رجلج يدفر بالليل ابعدي عنج

غضب: اني ادفر

عشق: لا ابد يلة اندار

غضب: ماكدر انام بدون ماحضنج

عشق: اني احضن ضهرك اندار

غضب: اكلي .... وانداري انتي اني احضنج

نداريت نطيته ضهري مد ايدة جوة ضهري وسحبني اله والثانية حاوط بطني بيها اني داغمض عيوني بعد شعري وكام يبوس بركبتي ضوجني بشواربة حركت ركبتي حتى يبتعد بس ميفيد بي مديت ايدي على شعرة

عشق: حبيبي عوفني

غضب يبوس بركبتي: اششش مشتاقلج

عشق: غضب والله تعبانه ونعسانة

غضب: بس اشمج والله مشتاقلج نداري عليه

دارني علية حضني ويبوس ويشم بركبتي

عشق: غضب شواربك تأذي

غضب: شسوي حبيبي

عفته خطية اصلا صار عشرة ايام اني مكتئبة وباعدته عني ورا نص ساعة تقريبا يلة عاف ركبتي رفع راسة تلمس بطني ومد راسة على بطني يبوس بيها بخفة

غضب: هسه كاعد لو نايم نمر

عشق: مادري يمكن نايم

غضب: خلي اكعدة العب ويا

عشق: ههههه شتكعدة يمعود

كام يلعب ببطني ويمشي اصابعة عليها وحط راسة عليها حسيت بشي دفر بداخلي نفس الوقت غضب صاح

غضب: دفففففرني تحرك شفتي

عشق: اي حسيت بي بداخلي

كام يبوس بي غضب وهوة يدفر

عشق: هههههه ميريد تبوسة

غضب: ابن امه بعد شتوقع منه

عشق: تعال امه دتغار ليش متبوسها

غضب: مو تدلل ام نمر

مرت شهرين حملي صعب نزلوني لغرفة الخطار بالطابق الارضي حتى ارتاح غضب دوامة بين يوم ويوم يوم الي بالبيت يضل بالغرفة يحجي ويا نمر ويبوس بي واذا جان بالدوام سهى لو سرى تنام يمي بالغرفة اخاف احتاج شي غضب شايلني بالصلوات ميقبل اشيل كلاص مي

صرت حامل ٦ اشهر وبطني كبرت وزني زاد من ٥٢ لل٥٨ وصار عندي كرش

واكفة اغسل ملابس غضب الساعة بال٣ الضهر غسلتهن شلت السلة طلعت داشر الملابس انفتحت باب الشارع ودخل غضب: هاي شتسويين

اجه بسرعة واخذ السلة من ايدي

غضب: هاي ليش كايمة وتشتغلين اني شكلللت

عشق: ملابسك وصخة داغسلهن

غضب: وانتي شعليج مو كلت لتدخلين بكل شي البنات يغسلوهن انتي بس ارتاحي

عشق: قابل اني اول وحدة احبل وبعدين انته رجلي ليش خواتك يغسلن ملابسك ماقبل اني

غضب لزم خدودي: ي عمري ماريد اتعبج

عشق: اني اريد اتعب لو شايفني صغيرة وموكد اكون ام ومرة

غضب: لا والله عشقي علمودج اني

عشق: اي افتهمت شعجب راجع من وكت

غضب: اخذت اجازة حتى ننزل للسوك نجهز نمر

عشق: صدك والله

غضب: اي عشقي بس غديني بالبداية ترة ميت جوع

عشق: مو يدلل ابو نمر

دخلت حميت الغدا وصبيتله وصعدت ابدل نزلت مكمل غدا كتله اصعد بدل واني اغسل المواعين وكفت غسلتهن لما نزل عدلتلة ياخة القميص وطلعنا وصلنه للسوك افترينه جهزته باللون الازرق اخذنة كاروك وكامل كل غراضة حلو شعوري واني اجهزة ويا ابو كملنه ورجعنا بالطريق نزلنا لمطعم تعشينة يلة رجعنه للبيت شوفت غراض نمر ل عمتي والبنات غضب قرر يبني حمام بداخل الغرفة حتى نمر ميطلع من نغسلة لو نص الليل فرغو غرفتي وبدو العمال يشتغلون حمام وتواليت داخل الغرفة رتبنه الغرفة ورجعنه الغراض وعدلت ملابس نمر طلعت الغرفة تخبل رجعت بيها وبعد منزلت جوة علمود الحمل يوم الي غضب ماكو سرى تصعد تنام يمي مر شهر وكملت الشهر السابع ودخلت بالثامن

كعدت الصبح سرى بصفي نايمة باوعت للساعة بل ٦ بعد ساعة يجي غضب كمت غسلت وجهي ولبست دشداشة كصيرة وفوكاها روب داطلع شال من الكنتور شفت قميص غضب تلمستة واسمع صوت دوية هزت البيت هز لزمت بطني والايد الثانية لازمة قميص غضب كعدت بالكاع من الخوف سرى كامت تصرخ وتبجي من الخوف اني مدري وين راح دماغي الى ان انتبهت على صوت عمتي تصيح من جوة وتسأل عليه وعلى ابني وانتبهت قميص غضب بيدي تذكرت غضب هيج وكت طالع من الدوام باوعت بعيون سرى ونطقت غضب وكمت شايلة قميصة ونزلت اركض واصيح غضب غضببب وين ويا اخر درجتين زلكت رجلي ووكعت على ضهري حسيت مي نزل عليه وشي بضهري طك غضضضضضضضضضضضضضب