رواية غصب فصلوني الفصل الرابع 4 - بقلم نور الزهراء

ام زهير...ادك والطم على وجهي ...خرب حظي الما ساواني ويه النسوان من دون العالم اتصخمت وتعزيت بضنايه ....ياربي لو يموت ابني ...لو تندفن بنتي بالحيه...
الخنساء...بقيت مصدومه والمنظر مهول ...بابا يبجي وامي تلطم وتضرب بوجهه...وزهير حاضني واني مصدومه...
شلون انذب هالذبه وشلون ازوج واحد مااعرفه..
صرت اني بوجه المدفع ومصير الكل بيدي ..اذا ارفض همام يموت ومعناها اخسر امي وابويه....
بابا وماما...
اني موافقه بس علمود همام يطلع بالسلامه ومحد يتأذه بيكم...
الخنساء....سبحان الله شكد حلمت بالقصص واتمنيت ياخذوني فصليه...بس متوقعت راح يتحقق حلمي ...
البيت بي ميت عبالك ...
ابويه تعبان واحسه راح يجي يوم ويوكع ...وماما حالها يبجي الكافر...بس حاظنتي وتبجي...
حضرتلي لمىٰ جنطتي وغراضي والصبح ياخذوني
الخنساء....احساسي مينوصف...نار وشابه بظلوعي
ضحيت بنفسي لخاطر اهلي واخويه..
اهل الميت....
صگر...تبشري حجيه راح تجيج بتهم باجر وبيج خير وادللي وطلعي كل حركة گلبج بيهم..
وانت ريكان حضر نفسك باجر تگطع مهر عليها وبيك ومابيك انعل سلفه سلفاها بنت الكلاب...
ريكان...اني ماازوجها لو اموت ...ماشارك بتخلفك هذا....عود انت المثقف هيج تسوي صدك متستحي..
الحادث صار قضاء وقدر والعالم عرضوا تعويض...بعد عليش هالحجي الزايد...
احنه من طلعنه اتفقنه تفصل بفلوس...شجاك وتخبلت...
لو حال السالفه (بديه) مال اوادم مو مال متخلفين ...
لو خال القانون ياخذ مجراه..
شوف صگر اني مفشلتك لان الناس گاعده...بس اني زواج ماازوج هاي البنيه ....وشتريد تسوي سوي...اني مولي هسه لبغداد وانت ارگع راسك بالحايط....
عود ازوجها انت وطلع كل عقدك بيها....
صگر....لك ارعن تعال ياغبي ...العالم باجر تجي..شلون راح يفشلني ويه ابو الطيب....
اني اسمي صگر عمري 33 سنه خريج معهد تقنيات طبيه البصره وهسه موظف بالصحه....اسمر وعندي لحيه ويگولون احلى اخواني ...
اتخرجت واتعينت....وامي خطبتلي بنيه معارفنه حلوه اسمها رغد...واتزوجنه وسنتين ماعندي اطفال...حسيت تصرفاتها مو راحه بقيت اراقبها .....
الما شفتها مصادقه وتلفونات ...هانت رجولتي وكرامتي...طلكتها ودزيتها لاهلها ومنطيتها اي حق من حقوقها لان فضحتها يم اهلها بالادله..
ومن يومها صار 6 سنين واني متعقد من الزواج ومن شي اسمه مره...
كرهت كل النسوان لان الكل صنف واحد ومابيهم وفه....
الخنساء....اجه اليوم الموعود ...لبست لاول مره تنوره وقميص وحطيت شال على راسي وطلعت.. ودعت غرفتي وبيتنا اباوع على كل ركن بي ....امي عيونها تحرك كلبي...انفاس ابويه جمر على خدي...
صعدت السياره واني وامي متحاضنات ونبجي وابويه وحمودي وليوثي وحتى زهير ولمىٰ...يبجون على بجينا بحرگه وقهر....
اخذني زهير وعمي ورحنا...
ام زهير....اوف ياضنايه ياربات ايدي ياتعب سنيني ياوحيدة گلبي ...ظلمج الوكت ياحبيبه گلبي ....يامونستنه يام السوالف الحلوه يالحنينه...
مشيتي برجليج لكبرج...
صگر.....شفتي ابنج الارعن شلون دگ دگه بيه وهسه الناس راح توصل...
الخنساء...الطريق كله ابجي ...وصلنه العماره ومرينه على الرجال ابو الطيب...ورحنا لبيت الولد....
وصلنا لبيتهم وجان البيت شكله حلو من بره بس الله
اعلم شنو ضاملي رب العالمين بي جوه....
طلعلنه شاب مباوعت بخلقته...رحب بالرجال الي ويانه وسلم على اهلي بگفه خشمه..
ابوالطيب...وين المحروس ريكان حتى يعقدلهم السيد...
صگر.....ابو الطيب غيرت رأيي اني راح اخذهااا
زهير....انعصر كلبي رآسا .....لان هذا مبين عليه واحد حقير عكس اخوو.. ...
الخنساء...عقدلي السيد على هذا المتعجرف...
وراح ابو الطيب...
واترخصوا اهلي وطلعوا وبقينا اني وزهير متحاضنين ونبجي ويوصي بيه...
زهير....اتحملي حبيبتي واكلي زين وداعتج الا اخلصج منهم ..مسأله وكت....
صگر....زهگت روحي ..سحبتها من ايدها و وخرتها عن اخوها....
صگر....راحوا اهلها...وطبيت لكيتها گاعده على القنفه ومدنگه....رحتلها...
گومي ولج.... .
الخنساء...بنتر گومني .....
كومي بنت القتله...خاف مصدكه نفسج عروسه.... من اليوم تنسين عندج اهل...وهذا گبرج الما تموتين....
سحبني من ايدي حيل ...واني ابجي ...
اخ اخ على كيفك مو هيج....ايدي وجعتني...
ماشوف الا الراشدي اجاني ترس...
صگر.....مره ثانيه اذا اسمع صوتج يعله الا اگص لسانج گص.....
نفسي انكسرت حيل من الاهانه ومصدومه من المعامله....وبس دموعي تجري ....
طببني بغرفه وجانت امه كاعده على القنفه ....شكلها مصدومه ومحاسه بأحد....ودفعني جوه رجلها بالگاع...
يله بوسي رجل امي وتاج راسج يابنت القتله....
دنگت ودموعي تجري بست رجليَها...شلون حالي ياربي وين جنت و وين صرت.....
سحبني من ايدي حيل و وداني لغرفه ثانيه بيها غرفه نوم بس مبينه مستعمله....
دفعني على الچربايه واتهجم عليه مثل الوحش بدون مشاعر.... وضرب وراشديات....عبالك حيوان....
واني مثل الطير المذبوح جوه ايده ارفس....واستنجد بي...بروح اخوك ارحمني....
شرحم بيج بنت الكلب ياخاينه...
يضرب بيه ويسمعني حجي مفتهمت شيقصد بي...
اخذ الي يريده مني بالغصب...وعافني مذبوحه ...وگام... وگلي عسى لا بالمبارك عليج...
شوفي شلون كسرتج لاعبالج ميت عليج...بس هيج اسوي حتى اذلج واحرگ گلب اهلج مثل ماحرگو گلب امي...

راح اعوفج مثل الچلبه ....هاي غرفتج منا ورايح تنطمرين بيها....
الخنساء...طلع الحقير وبحياتي مشايفه هيج بشر مثل نذالته.....حالي يبجي الصخر ..
عشت ويا اسوء اللحظات .....عكس متخيلت ليله عرسي تماما...
اصلا الي صار كانما حلم وبعيد عن الواقع....شفت منه قساوه مو مال بشر ابد...
گمت گوه امشي واوگع واذب من راسي ....وصلت لباب الغرفه وطلعت اريد بس اوصل الحمام...جان بصف الغرفه...
طبيت جوه المي وبقيت ابجي على حضي ...واحجي ويه روحي اكيد اني بحلم...ياربي گعدني من هالكابوس....
صگر.... ...عاملتها بقساوه ...
فقدت اعصابي وياها ....
اتخيلتها رغد وطلعت كل ظيمي بيها وبديت اضربها بدون وعي...
لعبت نفسي من الي صار وعفتها وطلعت...
طلعت من الحمام بالگوه امشي وتمنيت الموت ..
طبيت الغرفه وحضنت المخده وبقيت ابجي على حالي وين جنت قبل اسبوع و وين هسه اني...
ضايعه بدون اهل وسند...ابجي على اهلي وفراكهم ...مشتاقه لمناگر لولو...ياربي وين عايشه هسه ويه وحش بشري..

همام .....بقيت كاعد بالحبس 12 يوم بين مافضت الشغله...والي صار كله غصب عني ومو بأرادتي...
اهل الميت سقطوا الدعوه ونحلت بالفصل (الديه)مثل مسمعت...
زهير....كملنا اجراءات التخريج اني وبابا وهسه راجعين للبيت...
همام...احنه بالطريق .....حسيت بابا كبران 10 سنين وبس ساكت ومهموم حتى مو فرحان بطلعتي.....حجبت ويا.....بابا اني اعتذر والله مو بقصدي....ادري ضايقتكم وحرجتكم مادياً...
ابو زهير.....الحمدلله على كل حال ابني....
همام.....وصلنه للبيت واتلگوني كلهم ماما واخواني ولمىٰ وشموسه.....بس جان ملگاهم بي برود واخذت حيل على نفسي ...
ماما حضنتني وگمنا نبجي...
طبيت وچان وكت غده وگُبل حطوا الاكل...
لعد وين خنساء ام لسان شو ماكو....
ام زهير....فات عليه همام وصحيح جنت انتظر طلعته من السجن بفارغ الصبر....بس الي صار بوحيدة گلبي كسرني وسد نفسي من كل شي حتى من الحياة والعيشه...
من جاب اسمها همام گُبل دمعت عيوني وبقيت حابستها......بس متحملت وانفجرت بالبجي
همام......شكو شبيكم يمعودين شبيها خنساء...
احجي ماما....اباوع على لولو بس يبجي واحمد عيونه صايره دم....
لخاطر الله احجوا لتحركون اعصابي دمرتوني....
ابو زهير....اهدء شويه ....هاي هوستك وخبالاتك هي الي ضيعتك وضيعتنه....
دائما اگلك حكم عقلك...بس ميفيد بيك شي ....الهوسه غالبتك....
اهل الميت ....مرضوا تنحل السالفه الابالفصل...والفصل جانت اختك....
همام....بابا يحجي وصدمني ....فقدت وچان بيدي گلاص المي.... ومن حلات روحي شمرته وطشرت جامه المطبخ.....وكمت اكفر واتخبلت
&
&
&
يتبع....❤