رواية غصب فصلوني الفصل الخامس 5 - بقلم نور الزهراء

شلون...شلون ...ذبيتوها هالذبه...مفكرتوا شراح يسوون بيها و يدمروها....طز بيه ليش مخيستوني بالحبوس...لخاطر الله ليش خليتوها تدفع ثمن غلطتي...
زهير....اهل الولد جان فصلهم لو يكتلوك لو ياخذون مره ....
والخنساء ضحت بنفسها علمودك وتوگف الدم....
همام....كمت اضرب بأيدي بالحايط واصيح ودميت نفسي...فقدت لان ويايه بالكليه ولد بصراوي ومسولفلي على الفصليه شلون تعيش بدمار.....
وامي تبجي وبس يريدون يهدوني ...
الخنساء....وره ماصخكم عيوني المفترس واذاني بقيت ليله كامله بس ارجف مصخنه  ....ابجي على روحي والجرالها...معقوله اني هيج ديصير بيه...
راح وكت الدلال مال اهلي....مريضه وعلاج ماعندي ...ونايمه على اعصابي خايفه ليفوت يكتلني...
شفت بطانيتين واتغطيت بيها حتى وجهي ...بلكت اعرگ وتفكني الصخونه..
وراها نمت محسيت .....
صگر.....وره الي صار كرهت نفسي حيل وعفتها....حتى مطلعت من الغرفه ولاتعشيت ولاصحتها تسوي عشه....
گمت اني سويت عشه خفيف لامي...
كعدت ثاني يوم طافره الدنيا من عيوني ودوامي مجاز ماروحله مگابل امي لان بعدها مصدومه وتعبانه....ساعه تصفن وساعه تبجي..
صار الصبح....انقهرت عليها ورحت اشوفها....طبيت للغرفه وباوعت عليها سابحه بعرگها يمكن مصخنه...استخطيتها ورف گلبي عليها لان اذيتها...بس فجأةً حقدت من ذكرت شاهين الله يرحمه....
شلت الغطه .....ودغيتها...اگعدي عروس گومي سويلي زقنبوت...
يمه فزيت عليه...خفت ليأذيني ...ظليت مقرفصه بالجربايه خايفه وابچي...
اول مره انتبه على شكله مقبول ...ومناقصه شي بس عقل ماعنده أبد مخبل....
يله كومي حضري اكل وريگي أمي ...
اي اي صار ....گمت ماگدر امشي موجوعه (القصد مفهوم)....وعاط بي استعجلي غبيه...
رحت للمطبخ وحاطه شال على راسي.....طلعلي غراض وعلمني مكاناتها وسويتلهم ريوك كلمن ماعون بيض عيون اله ولأمه ...
حطيتله الزقنبوت...واني مااكلت لعبانه نفسي منه...
متكعدين تزقنبين...
ماريد..
طبج مرض ملازم...عنج مااكلتي...روحي وكلي امي لعد....
رحت دگيت الباب وفتت على امه .....شكلها يقهر ..الله يساعدها ويصبر گلبها...تكسر الخاطر بس صافنه وعيونها مغورگه بالدمع...
خاله هذا الريوگ...شفتها ممنتبهه بديت اوكلها بالخبزه شويه شويه ساعه تقبل ساعه تعاند...
هذوله الناس حالهم غريب وعجيب ....معقوله ماعدهم لابنيه ولا ولد ...بس المات الله يرحمه.... وهذا المخبل حضي الأغبر...
فات غفل للغرفه ....وعاط بيه.....
گومي نظفي البيت كله من فوگ ليجوه...وغسلي الكراج بس الباب عوفي....اذا اشوفج تخطين باب الشارع اكص رجلج كص...
استغفر الله واتوب اليه شنو هالوعد هذا....گمت وامري لله ...وشامره حمولي على رب العالمين...
اشتغل ودموعي موگفت ابجي على حالي ..على دراستي وعلى امي الي ادري بيها هي وبابا عايشين هسه بالضيم....
كملت كل شغلي وجسمي مكسر تكسر من الكتل والشغل...اريد اسبح بلكت ارتاح....
ولج ثوله وينج...
هياتني بالمطبج....شكد حقير ونذل محد اثول غيرك يا كلب وادردم....
ها شتريد...
راخ اطلع اشتري جگاير وشويه غراض.....ياويلج اذا تفكرين تنهزمين ...تره متلومين الانفسج ....اسويها دم واذبح اخوتج كلهم...
وين اريد اولي كاعده ومچبوبه هنا..
اجه كفخني على راسي ...لترادديني غبيه بعد...
طلع الحقير....يالهي هذا شنو من انسان....
جبت ملابسي وطبيت اسبح وبقيت واگفه جوه الدوش ابجي بلكت السبح يغسل همومي...
كملت .....ولبست تراكسوت جويتي والمشكله ماعندي دشداشه لان بعمري ملابستها....
حطيت على شعري الخاولي وطلعت...وادري بي هالمجنون بعده بره...
قبل لااسبح نظفت  دجاجه وحطيتها  بالفرن... هو طلعها وگلي اشويها للغده...
من كملت سبح رحت حتى اشوفها وخفت لتحترگ شيخلصني منه بعد....
نشفت شعري بالخاولي وشريته على باب المطبخ.....ناطيه ظهري للباب وداشوف الفرن ....
ومحسيت الا الباب اندفرت وفزيت .....
طلع الافندي شايل غراض بايده الاثنين...وميگدر

الخنساء...جبت خاله وكعدتها يمي بالمطبخ لان اخاف وحدي علمود نسولف ونسوي عشه. ...
گمت اغسل بمواعين الغده الي عفتها من ورا ......ليروح يجي يشوفها وسخه ...ويهيج عليه...
طب صگر علينه وبيده غراض...
هلوووو....
بالاول مجاوبته ....بعدين گتله هلوو خفت ليضربني...بس بدون مااباوع بوجهه...
هايمه مبينه احسن اليوم...
الحمدلله والشكر...
هاي الج الغراض خنساء...
تفاجئت وممديت ايدي...
هاج شبيج صافنه...مو داگولج هاي الج متاخذيها.....جبتلج دشداشتين وشالات تلبسيهن كدام اخويه ريكان من يجي ..
متطلعين هيج بهاي الملابس گدامه...
عزه هذا شبي...
شفسر تصرفاته..... غيره لو شنو...وانصدمت من سمعت عنده اخ اسمه ريكان...
اخذتها بدون مااگله شكرااا...
بالعافيه.....
مجاوبته...
صار عندي فضول اعرف عنده اخ لو لا...ودست على نفسي وسألته....
ليش عندك اخ...
اي ليش لعد ...قابل مكطم....
الخنساء....گبر حتى ميعرف يجاوب...لا بس صارلي كم يوم  هنا ومشفت احد يمكم...واستغربت...
اي اني واخويه ريكان بقينه...وعندي اختنا الجبيره مزوجه وصارلها 18  سنه  عايشه بالكويت ......وتجي بالسنه مره لو بالسنتين مره......
وبگرايبنه ماعدنه اختلاط قليل  ميحبون امي....يجونا ونروحلهم بس بالواجب....
ليش خاله ميحبوج ...شعجب مو گدامج ...بس والله مبيج قصور ابد....
صگر....لان امي مو عراقيه...امي مصريه ...ويغارون منها وميحبوها....
ابويه چان تاجر اقمشه..وچان يطلع قبل للكويت ولمصر ولبنان ويشتري اقمشه مناك....
امي حلوه و وگعته بدلعها حبها وزوجها وجابها للعراق...
ولك صگر استحي...
الله خاله اتزوجتي على حب..نيالج...
بس خاله ممبين من حجيج انتي مصريه...
اي بنتي صارلي 38 سنه بالعراق...اتزوجت من عمري 20 سنه...
ليش جنتي تدورين زواج عن حب مدام...
مجاوبته...عفته وگمت..امشي وادردم حقك انت زايد عليك تحب خبالاتك...خبل ومجرد من الاحساس....
تصرفاته حيل تحير ...ساعه حباب ويسولف وساعه ينتر ويكفخ بيه..
مرت ايام واني يمهم وهو نفس حاله ساعه زين وساعات هوايه مخبل....
وخاله حسيتها احسن بدت تصير..
مشتاقه لاهلي كومه واتمنى اشوفهم بس اخاف منه ...اذا اگله اريد احجي تلفون وياهم..معناها يزورگني من الكتل.  
ام خنساء...فراگ الغاليه هد حيلي وانگلبت حياتنه جحيم وحتى دوامي عايفته مجازه...
بثالث يوم من زواج خنساء اتوسلت بزهير حتى يوديني للعماره اشوفها.....عاند بالاول وبعدين  رحنه بلا حس ابو زهير....وطلعنه حجه....
اريد اشوفها لخنوسه گلبي مثل النار عليها...
زهير .....بابا الصبح راح اخذ ماما للنجف تزور گبر بيبتي وجدي ...واوديها تزور بلكت ترتاح....خاف نتاخر ليضل بالكم....
اخذني زهير لبيتهم ...طبگ بعيد عن بيتهم ....واني  نزلت دگيت الباب وطلعلي رجال.... وزهير بعدين من صعدت بالسياره گلي هذا رجلها....
شلونك وليدي ....
هلاوخاله تفضلي...
بجيت راسا...خاله اروحلك فدوه خل اشوف خنساء....اني امها وگلبي مثل النار عليها...
روحي منا ...ولتدگين هذا الباب بعد....ترى بنتج تاكلها....وانسي عندج بنيه...
طب ...وسد الباب بوجهي....
اجه زهير بالسياره وصعدت...
شگلج منعول الوالدين...
احجي وابجي بحرگه....گلي انسي عندج بنيه...
ومن ذاك اليوم واني موزينه فد مره...حاسه بروحي راح اموت بحسرتي عليها...
همام...لا ليلي ليل ولانهاري نهار...متخبل اريد اطلع اختي من الورطه الوكعت بيها خنساء من ورايه...
بقيت اسأل هذا الولد البصراوي ويايه بالكليه وگلي اكو محامين يمشون بهالقضايه...
ورحت على محامي بس طلب مني مبلغ...واني ماكو جوه ايدي...بقيت حاير بالفلوس ودايخ...
يومين ولكيت الحل...لازم ابيع السياره وماگول لاهلي بعتها لازم اشوف حجه مقنعه...
طبيت للبيت العصريه ...
هلوووو....عفيه لمىٰ اريد چاي ...
حجيت وياهم وچانوا الكل موجودين...
بابا صديقي طلب سيارتي لان امه متخربطه وداها
للحارثيه للطبيب...ومن جان راكن السياره...
جتي سيارة وضاربه سيارتنه ومتأذي الجانب مالتها حيل...
والولد اخذها وحلف يمين هو الي يصلحها...
ابو زهير....عفيه عليك مو جديده انت مصايبك ومشاكلك متخلص...
ام زهير...هي الغاليه وراحت بعد ماكو شي يحرك گلبي ويقهرني.....
&
&
&
يتبع....❤