رواية غصب فصلوني الفصل السادس 6 - بقلم نور الزهراء

مرت ايام واني بسجني عايشه بالضيم والقهر...
محد طب عليهم غير خالته لصگر ...
واكيد شكو خبالات طلعها صگر عليه گدامها...
كعدت دايخه وراسي يريد ينفجر مسطوره...الليل كله منايمه بس افكر بأهلي وخايفه على امي....
اريد احجي ويا صگر بس علمود اخابرهم خاف هم يتعصب ويضربني...
گمت ريكت خاله ونظفت وحضرت الغده قبل ميجي من دوامه...لان خلصت الاجازه وگام يداوم..
كعدت ارتب بالغرفه بالكناتير...وشفت بالملحق كم قطعه ملابس نسائيه وقراصات على اكسسوارات...
مهتميت عفتها ...رتبت جهة ملابسه وغراضه...
هو صح ينام بالهول بس غراضه موجوده بالغرفه ويبدل بيها...
اجه الظهر ...واني داثرم زلاطه..وسلم
هلو شلونج...وين امي لعد...
اجاوبه بس بثگل...مجبوره حتى ميضربني....
هلوووو...نايمه خاله ...صلت الظهر ونامت..
ديله روحي كعديها بين مابدل ملابسي...
اي هسه بس اثرم زلاطه...
عوفي البيدج واسمعي الكلام...
اي اي..
حياته كلها نتر وعصبيه ....شگد مكروه...
خاله خاله گعدي.... راح اصب غده...
يمه عوفوني مبيه اگوم ضغطي مرتفع..
خاله الله يخليج گومي هسه يرزلني ويضربني...
ديله هسه اگوم...
رحت صبيت الغده وكعدنه ناكل ...
صگر.....يوم ريكان طالع بالطريق وعلى وصول..
هله بي طول عليه هالمره صاره اسبوعين من راح...
اي يمه غير شغله وميكدر يعوفه...
(ريكان عنده شركه صغيره مال قطع غيار بالسنك...وعايش ويه ولد عزابيه بشقه بالسعدون...)
صگر....هي انتي فوتي ذبي هاي هدومج ولمي شعرج...
لبسي دشداشه وشال ...افتهمتي وبنتر ...
عفت الاكل وگمت ...استهضمت من قساوته حتى خاله مو مثله مع العلم هيه ام الميت...
وين رايحه...
هسه اجي...
لتتاخرين عود تعالي.
اي اي...
صگر....تعودت لازم اضوجها ....احس بمتعه..
الام....صگر على كيفك وياها خوش بنيه حرام تعاملها هيج...
خل تولي يمه ..مو اخوها كتل اخويه ..لازم تتحمل...
صگر اني امك واعرفك ....صحيح موت اخوك اذاك بس انت دتطلع خيانة رغد وغدرها بهالبنيه...
اني منتبهه على تصرفاتك ...ومبين عليك زين..
هله ...هله ...بيها ...غير تصرفاتك شويه...
مو هاي تتحاسب عليها گدام رب العالمين...
من البدايه لو حالها بالفلوس وهم مستفاد منها...احسن مجايبلك ٱدميه وتعذب بيها...
طبعا انتي تعجبين والله...
الناس كلها من تاخذ الفصليه مره...حتى يأذوها ويبرد نار گلوبهم...
شو بس انتي هيج....راح تخبليني...
ياابني الوكت تغير ...الناس قبل مواعين وفاهمين الدين صح.....هسه كلها تعلمت تقره وتكتب ويقرون القرآن....وحتى الميعرف...من يسمعه يفتهمه...
وياابني اني مربيتكم على هالشي ابد....
ياابني حرام ....
اني گلبي بس الله يعلم بي جمره نار شكبره بنصه...
الله يهديك ياابن بطني...
صگر...كلام امي وجعني كله صحيح...وصدك داطلع الضيم الي شفته من رغد كله بخنساء...
صدگ لو فاضها بفلوس احسن...لو بالمحاكم...
شسوي لعمامي همه الي لعبوا على دماغي و ورطوني...
گوم روح جيبلنه عشه من بره...واتمنى تاخذ كلامي بالاعتبار...انت ابني ...ابن فردوس ...مو ابن اهل ابوك الجهله...
الخنساء...رحت للغرفه طالعه الدنيا من عيوني...
شلون راح يگظي العمر وشلون تمشي حياتي...
صار البجي تسلايتي ...طبت عليه خاله...
يابنتي هذا قدرج وكله اختبار...
ترى صگر احسن واحد بولدي وحنين وگلبه طيب....بس صگر انصدم من وره مرته....
شنوووو!!!!!!!!!
ليش صگر متزوج......
اي يمه متزوج ... وره متخرج وتعين شفتله بنيه معارف وزوجناهيا...
وعاش وياها سنتين...وما صار عدهم جهال منها...
تغيرت تصرفاتها ويا وهو كلش چان مدللها...واحسن معامله يعامله....
بدت تتذمر عليه .....وتصرفاتها تغيرت ويا .....حس بيها دتخونه وگام يراقبها...
عرف بيها عدها علاقه بواحد ولگفها ويا طالعه وصورهم ...وفضحها يم اهلها وطلگها....
يا...الله يعينه... چانت حلوه...سؤالي غبي شعليه اني.... 
الله يستر عليها ...بس متوصل لحلاتج ....
يعني هاي الغرفه الي انام بيهااني هاي مالتهم...
اي غرفتهم...
فهو يابنتي متعقد من وراهااا...وموت اخو صدمه اله
لان عريس وراح سوده عليه...
أنتي لازم ترضين بنصيبج يابنتي...والمره الشاطره تعرف شلون تكسب رجلها وتخلي يحبها...
كلام خاله فاجئني بصراحه...وهسه ربطت كلامه وضربه الي بذيج الليله المشئومه...
لعد چان يتخيلني مرته الاولى و واگع بيه دك گتل...
هيا ابن اللذين اشتعلوا گرايبك كلهم....حضي المصخم ذبني يم مريض نفسي......
العصر اجه ريكان...حباب كلش سلم  وعرفني على نفسه بأدب ..صعد لغرفته سبح ونزل ..
كعدنه بالهول..
ريكان....خنساء حبابه سويلنه چاي ..وحطيلنه ويا كعك من الي جبته...
اي ادلل...
سويت  الچاي والكعك وصبيت الهم و گعدت اني بجهه وصاحني ريكان...
تعالي كعدي ويانه ليش وحدج گاعده...
لا عادي نفس الشي...
صگر....ضوجني ريكان هوايه مهتم بخنساء...
خنساء گومي روحي رتبي الهول وشيلي فراشي ...
هاي شبيك هو احنه بالهول كاعدين...ومرتب مابي شي...
صكر....شكد فشلت وانحرجت...
يله روحي رتبي المطبخ لعد...
اي ..اي....رايحه...
ريكان....على كيفك ويه البنيه ...هاي مو رغد...
حظها وگعها جوه ايدك...
معليك انت ...ميخصك....هيه فصليه وتستاهل الاهانه....
ريكان....ها لو چانت الفصليه فلوس ....چان خوش داريتها ولعبت بيها لعب....بس لان مره تهينها...
بابا اصحى على روحك وارضى بقضاء ربك....والبنيه حبابه واكسبها....ترى زمن التخلف راح...
والله من يسئلوني ربعي ...بشنو فصلتوا حگ اخوكم....اموت من الاحراج من اگوللهم مره...
وين بقى احد يفصل مره بس الهمج امثالك...
رغد دللتها وشوف شنو سوت بيك....وهاي شراح تسوي لعد من وره حقارتك....
ريكان....اني متعمد احجي ويا هيج  حتى يتغير وياهاااا..
ريكان....لو ادريها هيج حبابه وتنحب.. ..چان اخذتها اني..
صگر.....سد حلكك ريكان احسلك..لتضل تجفص بالحجي...
الام....كافي اثتينكم ...ريكان على كيفك مهما يكون هذا اخوك واكبر منك... ..
وانت عامل البنيه زين ...ترى احنه اسلام وهذا حرام الي دسوي بيها...
صگر....شبيج يوم...مو اخوها گتل ابنج...
ام صگر.....لاعبالك اني مرتاحه....ترى گلبي مذبوح دفنتلي شاب مو راس بصل....عريس مشايف شي من الدنيا....بس اني مؤمنه بقضاء رب العالمين...
واني لو الي كتل اخوك متعمد ...چان بيدي شربت من دمه....
يعني صير انت او اخوك بمكان اخو خنساء...شراح تسووي وقتها...راح تقبل بالظلم...
صگر.....كافي يمه...كافي...
ريكان....اي تسكتنه لان معجبك الحجي....
خنساء...جو البيت تغير شويه من اجه ريكان صار 3 ايام...حتى خاله صحيح دموعها متنشف ابد...بس هم تگعد شويه ويانه..
جنه گاعدين بالهول كلنا المغربيه.....
ريكان....يمه اني طالع متواعد ويه ولد بشغله وساعه وارجع...
روح يمه مودع بالله...
ريكان.....خنساء لتسووين عشى ...راح اجيبلكم لحم بعجين ...واحد مفتح جديد ويسوي بالصاج اكلت منه البارحه...واتنغصت الكم...
شكرا ريكان ...عفيه جيبلي سوده وياك بدون زحمه..
ان شاء الله....مع السلامه...
مع السلامه...
صگر...بعصبيه...ليش متوصيني الي مدام..هو رجلج لو أني..
حسيت صگر ضاج...عفته وگمت رحت اخذت ملابس وفتت اسبح..
سبحت وطلعت من الحمام ..داروح لغرفتي...
صگر.....خنساء هاي شلابسه...
لابسه دشداشه غير...
هي هاي دشداشه..... شو مفصله على جسمج وطابعه...
شعليه اني مو انت اشتريتلياها...
لج لتراددين....روحي نزعيها ولبسي غيريها..
ماعندي وذيج وسخه هسه ذبيتها...
طبي للغرفه ممنوع تطلعين الا اصيحج...
الخنساء...اضحك عليه مخبل والنبي ...ساعه حاقد ساعه يصير عاشق ...ساعه غيران..گبر حتى گبر ...
الخنساء....طبعا شكله حلو ومحبوب ...واحلى شي من يحاسبني...
&
&
&
#يتبع....❤