رواية جحيم الشيخ حرب الفصل الخامس والثلاثون 35 - بقلم منار الدليمي

اتقال فِيك قَصيدَة مَرمُوقَه؟
. أنت القَصائد ؛ مَطْلَعًا، وخِتامَا" .
♡♡♡♡♡♡♡♡♡♡♡
#جحيم الشيخ حرب
#منار الدليمي 💗
ــــــــــــــــــــــــــــــــــــــــــ
ردت اطلع مااحس غير جرني من ايدي ودفعني عل حايط

طارق.... بهمس... ليش من دون بنات الكليه عيني عليج وين ماتروحين ليش من اشوفج كلبي احسه مو الي شسويتيلي حتى هيج احبج اي نبأ اني احبج

نبأ... ضليت ساكته مااعرف شجاوب دفعته وطلعت ايدي ترجف وكلبي احس دمام مو يدك حتى مكملت المحاضرات اجرت تكسي ورجعت.

لكيت امي تسوي ريوك لزياد باوعت الساعه 9

هللاا ماما صباحو

ام نبأ بستغراب.... صباح الخير ماما شو رجعتي من وكت بيج شي مريضه بنيتي

نبأ....وهيه تكعد عل طاوله بتوتر... طلع ناسيه واليوم عطله

ام نبأ.... اهااا يمه ماشي

نبأ.. بابا طلع لشغل

ام نبأ... اي يمه طلع تريدين اسويلج ريوك

نبأ... لااا تسلمين حبيبت كلبي راح ارجع اكمل نومتي

ام نبأ... براحتج يمه

نبأ... صعدت لغرفتي ومدري شسوي احس تايها واريد شخص يرجع عقلي اتصلت عل تولين بلكي تنصحني اول مره احس بحاجه اخت توكف وياي تعلمني شسوي بس حمدت الله وتصلت بتولين

فتحت خط

نبأ... الووو هلاا يروحي وتونه شخبارج

تولين... بخير اذا انتي بخير عمري شخبار خاله وعمو انشالله بخير

نبأ... كولهم بخير يسلمون عليج بس اني مو زينه 🥺💔

تولين... بقلق.. ليش حبيبي صاير وياج شي

نبأ... صراحه اي وسولفتلها كولشي صار بجامعه

تولين... اذا تحبي ويحبج ليش متنطين لنفسج مجال الحب لا عيب ولا حرام

نبأ... اعرف بس دا تعرفين شدا يصير هسه وخاف يجذف وبس وقت يروح الحب

تولين...امداج والله لو مراهقه متفكر هيج اذا ماواثقه من حبه كوليله خلي يجي يتقدم وفضي السالفه واذا ماقبل او انطاج عذر مامقنع عوفي

نبأ... برتياح تمام انشاء الله يلاا حبيبي اخذي راحتج

سديته من تولين وكعدت افكر لل 11 واني مانمت ولا نزلت جوااا مااحس غير تليفون دك شفت منو طارق

توتر الف صار عندي لزمت تليفون ايد ترجف اريد افتح الاتصال مااكدر الما نكطع يلاا اخذت نفس

رجع اتصل هل مره اشجعت وفتحت الخط اجاني صوته بي بحه رجوليه متت عليها

طارق... الووو

نبأ... بمستحى هلاا استاذ

طارق... يروح الاستاذ شلونج

نبأ... وهيه تحس راح تموع... الحمدلله وانته

طارق... بهيام.. من سمعت صوتج صرت احسن

نبأ... عفت المستحى عل صفحه وكلت... طارق اذا صدك تحبني مثل متكول تعال اخطبني اسبوع لاخ واذا ماموافق ف ياابن اناس انساني

طارق... اصلاا فكرت بيهاا وهسه اتصلت عليج اريد اكول باجر اهلي يمكم يخطبوج بس ليش كلتي الاسبوع لاخ

نبأ... حتي اخليك تفكر بلموضوع

طارق.... لا حبيبي باجر اهلي العصر يمكم واني والله نيتي وياج زواج واريدج بلحلال مرتي وام بيتي وام اطفالي المستقبليه مااحب مثل مراهقين هل وقت يجرون بسالفه اريد كولشي بلحلال حتى كلمت احبك

نبأ.... وهيه بعد متعرف شجاوب... مااشي استاذ باي اهلي راح يجون

طارق... باي وانتبهي عل نفسج عل روحج راح تصير الي وملكي هسه امانه عندج هاي

نبأ... تمام باي

سديت الاتصال واني كولني فرحانه وانتضر باجر بفارغ الصبر وادعي يمر اليوم بسلام

ـــــــــــــــــــــــــــــــــــــــــــــ
تولين مره شهر اليوم عرس ادام طبعا كولنا مخبوصين بس هواا ابرد منه ماكو كول شويه مااخذ رزاله وهواا يصيح عرسي لاحد يحاجيني

واكفه اكوي بملابس حرب شماغ ودشداشه والبشت

طلع حرب من الحمام

هاا حبيبي خلصتي

اي حبيبي ماضل شي ملابسك جاهزه وهيه تنطي الدشداشه

جرها هيه ودشداشه باسهاا من شفايفها وكال اخخ والله الج ونه حضري روحج اليوم اعرس ويه ادام

تولين...وهيه تخلي ايديها عل صدره العاري حبيبي كولني الك اصلاا اني مشتاقتلك بس انته صاير بارد مو مثل قبل شيبت وبعد مابيك حيل حسافات

حرب... هواا يلبس بدشداشته وكال اليوم بليل اشوفج الشايب شيسوي الا اخليج تمشين صفح وتندمين عل كلامج

تولين...بضحك نشوف حبيبي اذا ماسواها حضي واجيت تعبان ونمت لان مو مثل قبل تكدر تسهر

حرب... يباوع عليها ويكول منعولت الوالدين والله لشوفج الشايب اليوم هسه مستعجل جان اخذتلي كم فر بس عل ليل تصير دسمه

باسها من راسها وطلع

تولين... لبست فستان ماروني ضارب ويه بشرتي البيضه وسويت شعري ستريت خليتها مفلول

الفستان...

خليت شال عل اكتافي ونزلت شفت امة محمد كولها يمنى عبالك دود مو نسوان حتى مرت عمهم الحيه اهنا ورنا ودنيا الحيايه وكفات سوا

دخلت من يمهم ذبن كلام بس مااهتميت مااريد اخرب فرحتي اخذت ببسي ومي وزعت عل نسوان بس غير نغثيت

كول وحده تحجي شكل فصليه لو. ماصرتي حامل يمكن عاقر ومن هل كلام رجعت للمطبخ اريد انفجر صدك انقهرت قابل بيدي اصير حامل

الله مكاتب ولاا اعتراض عل حكمت الله طيرت الافكر من راسي وماهتميت نص ساعه واجو سيارت درست الشارع طبعا العرس مو بلبيت بلقاعه

دخل حرب المطبخ اشرلي بعيونه اجي

وكفت يمه كال

حبيبي لبسي شي مستور لان القاعه مختلطه تمام حبيبي

هزيت راسي وكلت صار

باسني براسي وكال عفيه بنيتي

غير احب حنيته عليه

دخلت لصاله والكل يباوع عليه ناس معاجبها ويكول حظ الفصليه كاعد وناس تحسد وناس تتمنى الخير ماهتميت صعدت لغرفتي

غيرت ملابسي لفستان مستور ومسحت شويه من الحمرا لان جانت طوخ واعرف حرب ميقبل

الفستان...

ربع ساعه واتصل عليه

هااا حبيبي

بنيتي طلعي يلاا من الباب الوراني لتطلعين من الرئيسي

تمام حبيبي باي

اخذت غراضي وطلعت لباب الوراني لكيته موكف السياره لزك بلباب

فتحلي الباب وصعدت باوعت عليه البسمه شاكه وجه لزم ايدي باسها وكال

شهل جمال حبيبي خلينا نرجع للبيت ونعرس قبلهم شتكولين وانعل ابو ادام

لااا حبيبي شسالفه اصلااا عيب منهم

ضحك ومشى السياره شغل اغنيه هادئه رومانسيه الكوكب (رحمه رياض) لان اصلاا ميحب الضجه

طول الطريق لازم ايدي ويغني وياها نزلنا يم القاعه نزل قبلي فتحلي الباب والله احس نفسي اميره بوجوده

دخلنا القاعه هواا راح يم الزلم واني يم النسوان وكفت يم عمتي شويه وكالو اجو العرسان

وصارت دخوليه تجنن الكل يهلهل ويطش جكليت

تمنيت عرسي يصير هيج بس الله مكاتب صارت خنكه بصدري شويه بس راحت انتبهت عل حرب يباوع عليه ابتسمت بوجه رجعلي لبتسامه

شويه وشغلو ساجده عبيد والكل يركص خاصتن الولد اكو بيهم كام يهلهلون ادام وماصدك نزل. وياهم ذب لحم

حرب واكف ويضحك عليهم ويصفك تعبو من ركص الولد غيروها عل جوبي

طبعا لزم راس.الجوبي حرب والكل ورا صارت تجنن طلعت تليفوني واصور اتعارك هواا وادام يكوله عرسي ميصير تاخذ الانضار الك وحرب يضحك

خلصو الدبكه جابو الكيك والببسي وكل واحد اخذ طاوله وياه جماعه بس حرب اجااا اخذني بطاوله اني ويا. وكعدنا

كدامي كيك وببسي احس نفسي جوعانه بشكل مو طبيعي اول مره اشتهي الكيك هيج بحيث حرب يباوع عليه ويضحك

شبيج يولي مفجوعه عل كيك تراا اكو بعد تريدين اجيبلج عل كيفج

الكيك بحلكي واحجي والله ياريت تجيبلي خمسه مواعين بعد

حرب... مو من عيوني

تولين راح جابلي واجاا اكلتهن كولهن خلصت اباوع حرب مصدوم

ضحكت وكلت حبيبي شبيك

حرب... يوميه اجبرج يلااا تاكلين. وهنا نفتحت شهيتج عمي بعد يوميه اجيبلج كيك بس كون تاكلين

ضحكت وكلت اي امانه من هذا اريد ويا علبه نوتيلاا جبيره

الكل خلص وشغلو اغاني هادئه كومو العرسان يركصون

كومني حرب وخلاني اركص ويااا طبعا طالعين رقم عشره شكد مالبس عالي يبقى.اطول مني وراسي يادوب يوصل لصدره

لزمني من خصري وضغت عليه وخله وجه مقابيل وجهي خشمه طخ خشمي ونركص

غمضت عيوني ونسيت كول بشر موجود عبالك بس اني ويااا حسيت عل نهايت لغنيه رادت تنتهي حرب شالني وافتر بيه ضحكت من كل كلبي الكل كامو يضحكون ويصفكون

رجعت يم البنت بخجل وجهي احمر لبسو الذهب وصار الوقت الزفه ويرحون للفندق

طلعو وحرب طلعني فتحلي باب السياره طبعا هوا لزم راس الزفه الما وصلنا للفندق نزل حرب ودعه ورجع كل واحد راح لبيته

نص الطريق نفسي لعبت. اشرت لحرب يوكف وكف وفتحت الباب تقيئت شكو شي اكلته واريد بعد اتقيئ راحت روحي

حرب... تولين شبيج حبيبي هاج شربي مي شجاج

حبيبي مابيه شي بس يمكن من تعب

حرب... استغفر الله شو نزعي شالج اخذي نفس شويه

تولين... مااكدر احرك حتى اديه اباوع عل حرب صاير ثلاثه اخر شي كولشي صار اسود وغمضت عيوني

حرب... شفتها تخربطت سديت الباب وصعدت بسياره واخذتها لقرب مستشفى

صيحت بصوت رج المستشفى رج اجوي الدكاتره يركضون يريدون ياخذوها مني

لك صيحلي دكتوره شنو انته تجيني

اجت دكتورات يركضن خليتها بسديه واخذوها دخلوها للغرفه وضليت كاعد برااا

اتصل ابوي جاوبته

الو هاا يابه

لا ماكو شي تولين تخربطت واخذتها لمستشفى

لاا انشاء الله مابيها شي نص ساعه واني بلبيت انشالله يابه

سديته منه وادعي بكلبي يطلع مابيها شي

خمس دقايق طلعت دكتوره عل وجه ابتسامه

انشاء الله مرتك مابيها شي بس من أعراض الحمل يصير هيج اكتبله عل ادويه ومعافايه

حرب.. بصدمه وفرح صدك مرتي حامل.

دكتوره... اي اخي وبشهر الثاني ليش متعرفون

حرب... لا والله هسه يلااا

دكتوره... يتربا بعزكم ولازم كول شهر تسوي مراجعة حتى نطمأن عليها وعل طفل.

حرب... انشاء الله دكتوره هسه اكدر ادخللها

اي خمس دقايق وتكعد تكدر تطلعها للبيت

حرب.. دخلت للغرفه مخليلها مغذي ضحكت والله لو تعرف بيدها كانوله جان كلبت الدنيا

كعدت يمها لزمت ايدها وكلت بنيتي راح تجيب ابنه احلااا فرحه صارت بعمري

شفتهاا فتحت عيونها كمت بستها من راسها وكلت شلون صرتي يعمري

تولين... حبيبي الحمدلله بس شصار وليش اني بلمستشفى وليش كانوله بيدي شيلها مو تعرف مااحبها

حرب.. بضحكه عل كيفج حبيبي بلاسئله وحده وحده اتخربطتي بسياره وجبتج والج خبر راح يجيني طفل بطريق

تولين بدوخه... انته حامل حرب

حرب... هوا يدمغها عل راسها... لصيرين غبيه انتي حامل حبيبي شهل سؤال

تولين.... استعوعبت هسه كعدت بسرعه وكالت كول والله يعني راح يجيني طفل صغير واصير ام وانته تصير اب

حرب.... اي حبيبي واحلاا ام وباس ايدها

يلااا كومي البيت كوله ينتضرنا ضل بالهم يمنى

تولين... من الفرحه مااعرف شسوي طلعنا من مستشفى شفت محل مال لفات كص احس ضربت براسي باوع عل حرب وكلت اريد لفت كص

حرب... ضحك هستونا كلنا بسم الله وكمتي تتنسين

تولين... ماعليه جيبلي ثنين مو وحده

صار

نزل جابلها والطريق كوله تاكل حتى ماانطته وهوا يضحك عليها

وصلو البيت وخبر كول اهله وامه كامت تهلهل صعد تولين للغرفه

نزعها الفستان والحجاب وطلعلها من كنتور دشداشه لبسها ونيمها

اجا بصفها حضنها وكال يافرحه ايامي اول فرحه صارتلي انتي بحياتي اجيتي وثانيه ابنه الله يقدرني واسعدج يروحي وعمري الثاني

تولين... صديت عليه وكلت صدك اهلي مو زينين بس الله عوضني بيك يابعد طوايفي وكل عشيرتي نفر نفر الله يخليك النا اني وابنه او بنتنه حرب انته هديه الي ورا كول تعبي الله رزقني بيك

حرب... دمعت عيوني من كلامها بست راسها ومن شفتها وكلت وانتي هديه من ربي

نمنى بهذيج ليله كلمن فرحه بكلبه

ـــــــــــــــــــــــــــــــــــــــــــــــ

نبأ...طبعاا هسه واكفه اسوي الكيك والببسي لان راح يجون احس توتر الف حتى غدا ماتغديت من توتر والمغص خايفه هههه

سمعت صوت سيارات صعدت طايره عل ماما

ماما اجوو

ام نبأ... اي يمه طالعتلهم من اصيحج جيبي ضيافه وتعاي

نزلت ماما واني وكفت بلمطبخ دخلو الزلم الاستقبال والنسوان بلهول

شويه وصاحتلي ماما دخلت شفت مره جبيره بلعمر بكد امي وبنات ثنين

وزعت الضيافه وصاحتلي المره الجبيره كامت تصلي عل نبي وتبوس عرفتها ام طارق كعدت يمهم ومنزله راسي عود مستحيه عشتو 😂

ضلو يحجون طارق شلون جابهم سحل ساحلهم خطيه 😂 شويه اتصل ابوهم وطلعو.

دخل بابا وجه يضحك وزياد وراا غاص من ضحك

بابا اجه حضني وكال.. فصعونة البيت كامو يجوها مشايه والله وكبرتي

ضحكت

زياد....ونبي ضحكتني شي واحد انو عيلتين الهم قيمه بين الناس جاين يخطبون وحده عل مصاصه تبجي هههههههه

نبأ.. بنزعاج بابا صيح بي ترااا ميصير هيج

ابو نبأ... ابن الكلب ععوفهاا تسواك هاي

زيادد.. بضحك. تمام تمام

نبأ... سئلني بابا موافقه انطيت موافقتي وكال يومين يرجعلهم الخبر

صعدت لغرفتي فرحانه لكيت ثلاث مكالمت من طارق ضحكت واتصلت عليه

اجاني صوته وهوا يكول بلهفه واحد خايف هااا شصار ويه اهلج قبلوو لتشعلين كلبي جاوبي بسرعه

نبأ... وهيه تدلع.. ماادري بعد بس احس بابا شكله ماموافق حتى مااحجى وياي اخذ ماما وصعد للغرفه احسه معصب يمكن راح يرفض

طارق... بصدفه... هواا بكيفه يرفض والله اهجم البيت عل راسكم تراا مخبل اسويها وداعت عيونج

نبأ... بضحك عل كيفك بروسلي بابا موافق وبعد يومين يرجعلكم خبر الموافقه

طارق... طيح الله حظج ليش وكعتي كلبي هيج

اجاا اليومين وبابا رجعلهم الموافقه وهسه دا احضر فساتين حفله الخطوبه
ــــــــــــــــــــــــــــــــــــــــــ

(الى هنا وينتهي بارت 28 ) واتمنى تصوتون والتعليقات وبس احبكم

طبعا يلي يسئل عل يوزري الانستا هذا

m_e_m_52_ 👈🏻