رواية جحيم الشيخ حرب الفصل الرابع والثلاثون 34 - بقلم منار الدليمي

اريدك وادري كلشي البيك ينراد ي اعز نجمه شفتها بلون بغداد

#جحيم الشيخ حرب
#منار الدليمي 🧚🏻‍♀️
♡♡♡♡♡♡♡♡♡♡♡

تولين... كعدت الصبح حرب مو يمي بدوام غسلت وجهي ونزلت للمطبخ

شفت الكل كاعدين ورنا موجوده ايدها مجبسه وعمه سناء توكل بيها

كلت صباح الخير الكل رد بس. من عدا رنا وعمه سناء حزت بخاطري لان ماردت بس سويت نفسي عادي ورحت

صبيتلي جاي وكعدت اكل قشطه والكل يباوع ماهتميت لان وياي الحق وخلي يحجون شعليه
خلص عمي وجد حرب طلعو لشغل ورنا صعدت لغرفتها ضليت بس اني وعمتي

والله ماتمنى تزعل مني اعتبرتها مثل امي واحس يومي مو كامل اذا مااحجي وياها شكد. مااحجي واكول مره طيبه وهيه الوحيده يلي احتوتني وعاملتني مثل بنتها اوف

وكفت يم الكرسي مالتها هيه باوعت عليه ورجعت نزلت راسها

لزمت ايدها وكلت ... يمه الله عليج لزعلين مني ونبي مو بقصدي سويت هيج وماجنت اعرف راح تنكسر ايدها كلشي سوي اضربيني عامليني معامله مو حلوه عاقبيني بس لزعلين مني او تتجاهليني

ام حرب سناء... بقهر... يمه مزعلانه منج بس ضايجه وماخذه عل خاطري اعرف برنا متكعد راحه بس شسوي هاي بنتي ومحد ينكر شخص من لحمه ودمه

والله شاهد عليه معزتج اكثر منها بكلبي انتي بنتي لماجابتها بطني

تولين...حضنتها وبجيت كمت ابوس بوجها واكول الله يحفضج النا يمه والله احبج لزعلين مني

بهل وقت دخل حرب المطبخ ضحك بصوت وكل

الحبايب اهنا مسوين دراما

تولين... جان اكو خلاف اني وعمتي وحلينا مو هيج عمه

ام حرب سناء... اي بنيتي ليش اكو احد يزعل من الكمر الله ينطيج عل نيتج ويحفظج لابني لان يديح بدونج هههه

تولين... وجه صار احمر... عمه خجلتيني

حرب... اي والله يمه بس انتي تعرفيني

تولين تركت حرب وامه يحجون ورحت اسوي غدا
ــــــــــــــــــــــــــــــــــــــــ
ملاحظه طبعا يلي يسئل عل مروه حرب طلاكها واصلاا هيه مو شي مهم بلقصه ف لهيج ماذكرت موضيع هواي عنها وليش طلكها حرب ماقبل اكول لان تبقى عرضه. والحليم تكفي اشاره 😕

ـــــــــــــــــــــــــــــــــــ

نبأ... صارت مقابلاتي اني وطارق هواي بحيث كمت اقرا اول شي محضراته وطبعا كمنا نتواصل عل واتس وصار يهتم بس بعدنا مثل توم وجيري

بيوم
جنت كاعده بحديقه الجامعه اقرا لان عندي امتحان وكولشي مقاريه لان مريضه فلونزا وصخونه اني قاريه بليومي بس لان صخونه احس كولشي طار من راسي اباوع عل كتاب و بجيت.

باوعت ع ساعه صار وقت الامتحان رحت للحمامات غسلت باوعت عل وجهي احمر وعيوني حمر من بجي والصخونه صايره اخوف

دخلت القاعه وجان واكف علينا استاذ طارق توزعت الاسئله باوعت عليها عبالك اول مره اقراها

رجعت ابجي
اجا عليه استاذ طارق وكال... شبيج بابا تبجين

نبأ.. بصوت مبحوح... استاذ مريضه وكولشي مقريت وهسه راسي يوجعني وصخونه

اباوع عليه بين الخوف عل وجه

طارق... بنيتي ليش مااخذتي اجازه اذا متكدرين تمتحنين

نبأ... استاذ والامتحان وانته كلت لو عل سدية الموت هم تمتحنون وتطلعون

طارق... بتنهيده... لا خلص اذا متكدرين طلعي واعيدلج الامتحان بعدين اني كلت هيج لان اعرف حتى الزين راح يغيب بحجت مريض.

نبأ... بفرحه. صدك استاذ شكرا يعني هسه اكدر اطلع

طارق... اي طلعي ومن تحسين نفسج صرتي زينه تعالي وكوليلي امتحني

نبأ.. كمت وانطيت الاسئله اجيت اطلع مااحس غير افترت الدنيا وكعت

طارق... شفتها وكعت بسرعه لزمتها وصحت لحد يتحرك من مكانه اقسم بالله الكل رسوب اذا اسمع نفس واحد.

باوعت عليها شلتها وكلت لطالب بسرعه صيحلي استاذ امجد كوله حاله طارئه

راح خمس دقايق واجا واني بعدني شايلها

امجد... خير استاذ شبيها

طارق.. مريضه استاذ الطلاب يمتحنون بس عينك عليهم ومن يخلصون الواراق خليهم عندك

كلت هيج وركضت لسياره وهاي فاقده بيدي وجسمها نار

وصلت مستشفى صحت عليهم عل سديه اجو دكاتره اخذوها مني وكالو شبيها

فلونزا وصخونه

اخذوها لغرفه وكفت يمهم شكلولها مغذي وابر وكال خمس دقايق تصحها لتخاف عليها لان صاير عدها لتهاب قوي ومامكله شي صاير عدها ضعف وكعت

انطاني ورقه كتب بيها لعلاج.

وضليت يمها كاعد شويه وكعدت

نبأ... كعدت لكيت نفسي بمستشفى وطارق يمي كلت منو جابني

طارق...باوعت يمنى يسرا وكلت مدا شوف احد غيري خاف بعدج دايخه

نبأ.. ابتسمت وكلت استاذ اسفه تعبتك وياي بس حباب كلهم يشيلون الكانوله لان اضوج منها

طارق... هسه بس يخلص المغذي اتحملي شويه

نبأ هزيت راسي وكلت اهلي هسه يضل بالهم وغراضي بعدهم بجامعه عادي اطمنهم من تليفونك

طارق... اي عادي وانطيته تليفون

نبأ... اتصلت عليهم وانطيتهم اسم المستشفى ربع ساعه واجو

ابو نبأ... ولج فصعونه هيج تخوفينه عليج امج راد يكف كلبها لو ماشويه

نبأ.. ضحكت وكلت اكيد تخافون غير اني زلزال البيت
بعدين انتبهت عل حفصتي كدام طارق شفته ابتسم استحيت

طارق... ابو نبأ استأذن اجيب العلاج واجي

ابو نبأ... لا ابني ميصير هم تعبناك ويانا وهم نخليك تجيب العلاج مثل ميكول ابو المثل اذا صاحبك خلو لتاكله كوله

طارق.. بضحكه عمي هاي ابسط شي اسوي الكم طبعا هاي اذا تعتبروني غريب مو من العائله

ابو نبأ.. بخجل لا الله شاهد مثل ابني واعز

طارق... لعد هاهيه عمي استأذنكم شويه

ابو نبأ.. اذنك معك وليدي

طارق.. رحت جبت العلاج. هواي منطيها ابر وشراب وكبسول ضحكت بكلبي كلت هيه كانوله شافتها رادت تبجي مو نوب ابر صدك طفله

وصلت وانطيتهم العلاج وصحت لدكتور حتى يشخص حالتها ويطلعون

نبأ.. اجا طارق باوعت عل علاج شكبر العلاكه هاي شكد منطيني عادي اصلا ماراح اخذهم

راح يصيح لدكتور شويه واجو وياهم ممرضه شاف العلاج دكتور وكتب عل كولشي شوكت اخذهم شويه وكال هاي دوره مال ابر 6 كول يوميه وحده ومن هسه تبدون عافنا وطلع

باوعت عل بابا وكلت لا لهنا وحدها خلونا عل علاج ويلا اريد اطلع اجيت اكوم بس ماما لزمتني باوعت عليها بمعنى شكو

ابو نبأ... لا بنتي انتي سباعيه هسه الممرضه تضربج ومتحسين بيها

نبأ.. بس بابا ماخلاني احجي وطلع هوا وطارق
باوعت عل ماما وعل ممرضه والله مااضرب بس ماسمعت مني كمت ابجي من شفت الممرضه بيدها الابره لزمتني ماما ضربتني ياها لو احس نشليت كتمت صيحتي بكتف ماما وبجيت

خلصت وطلعت. واني ابجي دخل بابا سندني واني ماباوع بوجه طلعت ولكيت طارق بوجهي سديت هيج عنه ومشيت

اتشكر بابا من طارق وكلمن صعد سيارته واني ماباوع بوجهم حجت ماما

ام نبأ... والله فشلتينا عود اريد نزوجج اذا ابره بجيتي من تحبلين شسوين

نبأ.. محد كاللكم تضربوني حتى افشلكم واني زعلانه منكم يلاا لحد يحجي وياي

ــــــــــــــــــــــــــــــــــــــــــــــــــــ

نورس.. اني وادم ماكو احلى من حياتنا وكمت اعشقه

مره جنت كاعده اقراا لان راح تبدي الامتحانات طبعا ليهسه مامحددين شكوت نزوج

مااحس غير رنت تليفون شفت الاسم مكتوب عافيتي ضحكت وفتحت خط وكلت الووو اجاني صوته وهوا يكول

ادام... اروح فدوه لل الوو مالتج شلونج رويحتي

نورس.. بخجل ليش اتصلت رايد شي

ادام.. بجديه... حبيبي بعد شهر عرسنا حضري نفسج

نورس.. صدك تحجي ادام شلحك اسوي منا اشهر وامتحاناتي مابقالها غير اسبوعين

ادام... حبيبي كلت يلي عندي وانتهى حتى اهلي كلتلهم وامتحاناتج منا لوقتها تكونين مكمله بعد عل شنو نأجل

نورس... انته ليش دائما تحسسني ماعندي رئي وبس انته راح تزوج هوا شنو اكون مكمله لامتحانات اني بعدلي اقل من شهر. يعني بربك اني اكعد ادرس لو افتر بسوك هاي شبيك ادام

ادام... نورس مو كافي عاد ونبي تعبت واريدج بحضني والله اعوضج عن كول هذني بس ساعديني بهاي. عل جهاز عمي اني اخذج واوديج لو ب 12 بليل نرجع هم قابل بعد شتريدين

نورس.. بتنهيده ماشي سوي يلي يريحك بس مااريد دراستي تنضر بشي

ادام.. بضحكه هاهيه حبيبي عل دراستج اني ادرستج ولا يهمج

نورس.. لا ربحنا هيج رسبت ههههه

ادام... تراا اني اعرف ادرس بس اوف من نيتج

نورس... اي اي خوش يدرس كال

ادام... ماشي حبيبي عندي شغل بليل اتصل باي بنيتي

نورس.. بايات عمري

ــــــــــــــــــــــــــــــــــــــــــــــ♡♡♡

نبأ... طبعا اليوم خلصنا بين تصنيف اهلي وزياد صعدت لغرفتي ارتاح

لكيت مسجات من طارق يسئل شلون صرت واذا اكدر باجر اداوم

كتبت
وعليكم السلام استاذ الحمدلله صرت احسن واي باجر ان شاء الله اداوم

انتضرته شويه مارد عرفته نايم فاني هم نمت

كعدت الصبح غسلت وجهي وتريكت وصعدت بدلت لبست تنوره جلد لون ماروني وقميص ابيض وتوربان ابيض وبي ورد احمر كولش حلو طلع

وصلت الجامعه لكيت صديقاتي سلمنا وبدت الاسئله وتصنيف شلون شالني طارق ضحكنا

استأذنت منهم ورحت اشوف استاذ طارق عل امتحان

وصلت المكتب مالته دكيت الباب اجاني صوته وهوا يكول ادخل

دخلت وكلت صباح الخير استاذ

طارق.. صباح النور

نبأ.. استاذ بس عل مود الامتحان شوكت

طارق... شوكت متكونين جاهزه اني جاهز

نبأ.. ببتسامه تمام استاذ عن اذنك

ردت اطلع مااحس غير جرني من ايدي ودفعني عل حايط

ــــــــــــــــــــــــــــــــــــــــــــــ ♡♡♡

(الى هنا ينتهي بارت 27) وليسئل ليش مدا انزل بارتات انتو تعرفون هسه امتحانات من جهه وعدنا بناء ومدا اسيطر بين البيت والمدرسه اسفه عل تأخير وبس والله مناسيتكم واحبكم خواتي 💓🥺

شروط
التصويت /130
كومنت /200