رواية جحيم الشيخ حرب الفصل الثاني والثلاثون 32 - بقلم منار الدليمي

يل ماكو مثلك ثاني حتى إذا صار الزعل بضحكهه تتلكاني🫂🫀

#جحيم الشيخ حرب
# آلگآتبهہ‏‏: منار الدليمي 🦋
♡♡♡♡♡♡♡♡♡♡

نبأ: من اجمل ايام حياتي قضيتهن وياهم انتهت الخطوبه خابرات عل بابا يجي ياخذني كعدت الصبح الساعه 9 كلهم كاعدين غسلت وجهي ونزلت صبحت عليهم سوتلي تولين الريوك وكلتلها راح يجي بابا زعلت اول شي بس بعدين رضت

اجا بابا ودعت تولين وصعدت بسياره

طبعا ماكو احداث اذكرها. صارت هنا

♡♡♡♡♡♡♡♡

تولين..صار اسبوع عل خطوبه ادام. واليوم خالتي مشتهيه سمج شوي وتمن احمر

واكفه اسوي اجت رنا تتمسحل بمشيتها والله مال اركعها.بلسمجه

رنا... اويي هاي شلون تسويها مخليه ايديج بلزفر

تولين... والله حبيبتي اذكر هاي جانت شغلتج ام البقر لو كلمن ينكر اصله عل قليله اني جنت بغداد مو مثلج مكضيتها بقرا وخرفان شو امشي ولي من يمي عابت لهل جهره صايره مثقفه براسي

رنا...اني اعلمج اذا مصير كتلتج عل ايدي مااطلع اسمي رنا

تولين... كالت هل كلام وراحت خفتن وراحه عوذه ينكطن سم

خلصت تتبيل السمجه خليتها بلفرن وصعدت لغرفتي ارتبها بين ميجي عمي وحرب

دخلت للغرفه صايره عباره عن ساحه معركه اول شي رتبت غراض حرب من محابس وساعات وعطوره وين ميجي يذبهن واذا ضاعن تولين تبتلي

خلصتهن وراها ملابسه يلي نضيفات كويتهن وضميتهن والوصخات يم الغساله رتبت الجربايه

نزلت للمطبخ لكيت عمتي كالبه السمجه وكاعد تسوي بطرشي

الحمدلله عمه انتي موجوده ومراقبتها جان حتركت واني جنت ارتب بلغرفه

سناء ام حرب.. لا يمه عادي بس انتي راقبيها لان بعدلها شويه وتستوي واني خلصت الطرشي قسمته اروح اكعد يم عمتي نوعه شويه

تولين... ماشي عمه
طبعا رنا مالها دخل بكلشي اربعه وعشرين ساعه بغرفتها عل تليفون لو بيت عمها بس تنزل تنقط سم وتصعد

خلص الغدا جهزت كلشي بس انتضر حرب وعمي اتاخرو

شويه واجا حرب تعبان مهدود حيله حتى من شمس اسمر صاير

.. الله يساعدك

حرب.. ويساعدج حبيبي
راح اصعد لغرفه حضريلي الحمام مصموط من ورا الحر شوكت يجي الشتا ونخلص

... بس حبيبي صاير الغدا خاف يبرد

حرب.. لا بسرعه اسبح وانزل خلي يبدون بلاكل

.. تمام اصعد انته واني لاحكتك
راح حرب واني كلت لعمتي ياكلون حرب يريد يسبح وينزل يتغدا

مكالت شي هيه اني حطيت وركضت عل درج وصلت غرفتي دخلت

لكيت حرب نازع ملابسه بس بشورت ومعلي السبلت. مخلي الغرفه ثلج كلت

.. حرب مو زين هيج هسه تتمرض انته جاي من براا وبسرعه تنزع وعل بروده هسه تاخذ حر وبرد
وتتمرض ياعيني

حرب.. لاعمري ميصير شي هسه حضري الحمام لان ميت جوع

تولين.. حضرتله الحمام دخل يسبح واني انتضرته براا خلص وطلع منشفه عل ركبته ولابس بس شورت ضليت اباوعله شكد احبه

وكف يمي وانطيته الملابس اخذهن وكام يبدل لبس اول شي البجامه باوعت عل صدره
حسيت من حجى وكالي

.. شبيج تباوعين هيج هلكد اعجبج

.. اي هواي تعجبني شخصيتك وجسمك طولك عيونك يلي احس بيهن دفوو شكد مو عصبي بس تبقى حتى بنضراتك احس حنين

...يابعد رويحتي وكلبي ليدك

تولين.. عمري يلاا ألبس فانيله حتى ننزل نتغدا

خلص تبديل نزل قفلت الغرفه ونزلت ورا

ـــــــــــــــــــــــــــــــــــــــــــــــــــ
نورس...مر اسبوع عل خطوبه وهواا وياي بكلشي حنين وكلامه حلو بس غيرته مو طبيعيه كلش مضايقني بيها بحيث وين مااروح بجامعه الكي بصفي

بس احلا شي عمي بعد ميضايقني ولا يسمعني كلام ارتاحيت والله جان يوميه مشكله عل جامعه ولازم اترك الدوام

اوقات من اروح للدوام انفش ريشاتي كدامه وهوا ميكدر يكول شي بس يباوعلي صفح همه مو يكولون العم اب والله اني اشوف عدوي كدامي مو عمي بس نكول الله ميضيع شي

كعدت من صبح الساعه 7 عندي دوام

غسلت وجهي ونزلت للمطبخ طبعا الكل نايم ف عسريع شربت حليب وانتضر ادام يجي ياخذني خمس دقايق ورمشلي اخذت جنطتي وطلعت

منزل الجامه ومطلع ايده منها وجكاره.شايل صعدت ليكدام وكلت صباح الخير

ادام.. صباح الورد يالخير كله

شلونج

نورس بخجل.. الحمدلله انته شلونك

ادام. وهوا حاس بخجلها... الحمدلله بشوفت عيونج

نورس...سكت شويه وصلنا ردت انزل لزم ايدي باوعت عليه

ادام... هاج هاي فلوس خليهن عندج خاف تحتاجين شي او تشتهين شي واني مو موجود

نورس.. لا والله مااريد عندي

ادام... مخيالف حبيبي اخذيهن

نورس.. مااريد ازحمك وياي عندي والله اذا احتاج اني اكولك

ادام.. يلاا حبيبي اخذيهن ولتعاندين وماكو زحمه منا وجاي بيني وبينج اني صرت مسؤال عن مصروفج

نورس..بخجل وجهي صار احمر.. اخذتهن وكلت شكرا

ادام.. العفوو

نورس.. بسرعه نزلت وعل قسمي اصلا مالتفتت وراي
(والله هسه تكولون مبالغه بس اول مره اخذ من غير عمي واني اخجل من ادام من بدايه ف صعبه عليه)

المهم دخلت للقاعه لكيت صديقاتي مريم واستبرق وبتول اعز ثلاثه عندي سلمت عليهن ضلنا نحجي لما اجا الاستاذ وساعتين احنا يا امتحان يا محاضره وهلكنا يلاا خلص شكد عقره

طلعنا من القاعه رحنا بلحديقه هاي يلي كعدت تحجي عن ملابس وهاي تحجي عل طلعات واني بس صافنه عليهن وافكر باادام شنو مستقبلي ويا

صحتني استبراق وهيه تكول

.. بنات اني جعت وكافتريا مال جامعه ماحب اكلها امشو ناكل من هذا المطعم القريب

مريم.. اي والله اني جوعانه اسمو عصافير بطني فرحت من سمعت بلمطعم واكل

بتول.. اني ماعندي مانع اروح
وهيه تباوع عل نورس هاا تروحين

نورس... عادي امشوو ماطول قريب منتأخر

طلعنا من جامعه طبعا استبرق عدها سياره ف مريم من كدام واني وبتول من ورا شغلت اغاني صوت عالي ضلينا بس نصفك ونغني وياهم

عشر دقايق وصلنا مطعم صدك صغير بس تصميمه ملكي تحسين

دخلنا المطعم اختارينا طاوله اجيت اكعد ماحس غير نجرت ايدي بقوه

ادام شبيك اخخ ايدي اصبر وين ماخذني

طلعنا من مطعم وهوا وجه ميكصه السيف صد عليه وهوا يكولي

ادام... اششش صوت مااريد بس اصعدي بسياره وحسابج بعدين

نورس... ليش بس كولي شسويت
فتحلي باب السياره وهوا صعد ساق بكل سرعته
صحت

لاااااا ادام خفف السرعه موو هييج الله يخلليييكك بس كولييي شنووو سوويتت

نرجع شويه لبعض دقايق يم ادام

جنت كاعد بلقاعه اقترحت عليهم نطلع ناكل شي لان متت جوع وتعب

وصلنا المطعم كعدنا كل واحد طلب شي واني طلبت شاورما ونركيله لحد يستغرب تراا نص المطاعم هسه بيها نركيله

المهم ماحس غير واحد كال شلون حاتات يابوي وصوفر اول شي ماهتميت بس شفت الكل يحجي وكل واحد كام يختار وحده رفعت عيني

واشوف مصيبتي وياهم احس اذاناتي كامت طلع دخان والله شايفين التنين من يطلع من حلكه واذنه هيج حتى الاكل عفته وكمت

اخذتها من ايدها وهيه تحجي بس ماهتميت واصلا ماسمعتها كل همي جان اطلعها من المطعم

نرجع للحاضر

نورس وكف السياره وصاح

ادام... لججج انننييي كوو** متكوليلي من تطلعععيينن شايفه هنا اكووو كرررونن(يضرب عل رأسه ويصيح)

نورس...بس تبجي ومتعرف شنو تحجي شنو بعني طلعت خوما كفرت واصلاا ما اجا عل بالي اكولك قابل متقصده

ادام...لج اسكتتييي لتخبلييني بهذا كلامج شنو. مااجا عل بالج لو ما اني وياج نفس الجامعه هذا الموهجوم شيسوي عندج اذا متتصلين

نورس...خلص تعبت ونبي رجعني للبيت مااريد اضل وياك اكثر

ادام...حقج مشفتي شي ولا تعرفين اني كوا* هوا يعض اصبعه لج جماعتي الساقطين يكعدون يحجون هيج

نورس.. اشوفه يحجي ويضرب بلستيرن السياره اول مره اشوفه هيج معصب صدك يخوف ماحجيت شي هووا شغل السياره ومشى

طول الطريق محد حجى شي

وصلنا للبيت نزلت من سياره وطبكت باب السياره بقوه ماحس غير عياطه ضحكت بكلبي وركضت للبيت

دخلت لكيت مرت عمي وفاء دا سوي باميا

نورس... سلام

وفاء.. وعليكم حبيبتي يلاا فوتي بسرعه غيري ملابسج وتعاي تغدي اعرفج هسه جوعانه

نورس.. اي والله ميته جوع

كلت بكلبي... هوا ردت ازقنب وطلع سم عليه

صعدت للغرفه بدلت ونزلت عل سريع وكفت عل سنك اغسل بيدي

كلت... عمه لعد عمي وين

وفاء.. والله اتصلت عليه كال عندي شغل اتأخر خلي براحته عسى مايبات براا والله راحه البيت هدوء

نورس... هههههه بهاي معج حق

تغديت وصعدت نمت كعدت الساعه 7 عل صوت المبايل شفت المتصل ادام رفضته وشفت الشاشه تقريبا ١٥ مره متصل

شويه ورجع اتصل فتحت اتصال

♡♡♡♡♡♡♡♡♡♡
(الى هنا ينتهي بارت 25) اتمنى تصوتون ⭐وتعليقات. الحلوه مثلكم

وشكراا عل تفاعلكم الحلوو والكلام الجميل الله يسعدكم يارب ويخليكم اليه والله احلى خوات

تصويت 100 ⭐
تعليقات 90
اعرف كدها وتسون اكثر من هيج