رواية جحيم الشيخ حرب الفصل الثالث والثلاثون 33 - بقلم منار الدليمي

علمتك_اتحبني_وعلمتني_انساك

#جحيم الشيخ حرب
#الكاتبـ/ـه: منار الدليمي 🦋

♡♡♡♡♡♡♡/

تغديت وصعدت نمت كعدت الساعه 7 عل صوت المبايل شفت المتصل ادام رفضته وشفت الشاشه تقريبا ١٥ مره متصل

شويه ورجع اتصل فتحت خط

اجاني صوته وهوا يكول

ادام... إني مُعتذرٌ، عن فِعلٍ فعلتُه
وإني لألومُ،مُعتقَدِي و فِكري
أنا اسفٌ لُو أن أسفيّ،مُجديٌ
ليّتَ،محبَتي لِقلبكَ،تشفعُ

نورس...نزلت دمعتي وكلت بغصه... ليش هيج سويت والله مالي ذنب اني تقهرني

ادام... مااكدر اتحكم بغيرتي من اشوف احد يجيب طاريج حتى لو بنيه مو نوب اصداقائي يكعدون يتعاركون منو يلي ياخذج

وداعت عيونج الحبهن من اذكر الموضوع اريد اموتج بيدي بس اخخخخ حبج وعيونج وكفن كدامي

نورس... سكتت مجاوبت يعني هسه شنو

ادام... ماكو شي بويه هاهيه خلص كلشي بس مره ثانيه لتعيديها اياج يانورس تطلعين مكان واني مااعرف وربج لو من سابع سما اجيبج

نورس.. تمام واصلا اني مجنت اعرف لازم اكولك كلت مطعم قريب اتغدا وارجع

ادام...هل مره سماح بحجه انتي متعرفين لازم تكوليلي مره ثاني ماعديها بخير.. وهسه باي عندي شغل بليل اتصل

نرجس... تمام باي

ـــــــــــــــــــــــــــــــــــــــ

تولين... تغدينا وصعدت للغرفه حرب نام واني نمت بصمه حضنته هوا حس عليه نيمني عل ايده ونام

كعدت العصر حرب بعده نايم ومخنوكه خاصتن صارلي هواي مطالعه مليت من جو البيت بس اكل ونوم حتى جامعتي نحرمت منها شكد توسلت ارجع بس ماكو فايده

نزلت جواا لكيت رنا تحجي بتليفون ماهتميت ومالي واهسها رحت للمطبخ اشرب مي. لكتني

رنا... بستهزاء... صح نوم ياعروس

تولين.. مارديت عفتها واجيت اطلع من المطبخ ماحس غير جرتني من ايدي بكل قوه

رنا... من احجي وياج تردين

تولين... نترت ايدي بقوه منها... وطبطبت عل وجها وكلت اكول بعدج طفله روحي لعبي بعيد عني تراا مالي واهسج

رناا... ماتحملت يلي كالته دفعتها وكلت ايدج لتمديها تراا مره ثانيه اكسرها الج

تولين... هيه كالت هيج ومنا اني ضايجه ماحسيت غير اني اكمزه عليها من القوه وكت بلكاع اني وياها

وهيه عاطت بقوه عبالي تجذب بس طلعت ايدها صايره جواها من وكعنا بحيث الكل اجا عل صياح مالها حرب ينزل يركض ويكول شكووو

رنا.... ببجي وصياح.. ايديي ياارببي اييديي انكسرت مااااماااا

حرب... بسرررعههه عبايههه خليي اخذذهاا للمستشفى

تولين.. بسرعه ركضت. جبتلهم عبايه اشوف منضر ايدها شلون ورمت بسرعه وصارت زركه والله تخوف

راحوو واني بجيت وصعدت لغرفتي قفلت الباب عليه خاف كلشي يصير

ساعتين ورجعوو نزلت اشوفهم لكيت حرب وعمي ضياء ابو حرب وجدهم شافني عمو ضياء كال

ابو حرب ضياء.. عمي مو هيج ويه لبنيه اني اعرف وحده تكره لاخ بس عل كيفج كاسره ايدها ميصير هيج اني اعرف انتي وحده عاقله ماتوقعت يوصل وياج لكره للهل درجه

جد حرب... اذا صايره مشكله بينج وبينها تعالي كولينا او عايله وياج بشي لنفصخ راسها عن جسمها واني اعرف انتي متعيلين بشخص شجاج بس نكول حصل خير وهاهيه عدت سلامات

بس ماريدها تتكرر بعد

تولين... ضليت ساكته ماعرف شكول بس حرب خوفني بنضراته والله احس يتوعدلي

حرب... يابه وجدي اسف بنيابه عنها وتدرون بيها جاهله وطايشه

ابو جرب.. لا ابني عادي بس مااريد هيج شي يتكرر وعلم مرتك اذا اكو مشكله بعد تجي تكولنا

حرب. انشاء الله يابه يلاا اترخص اني

جد حرب.. غالي ابني مترخص.

تولين.. كام اجا عليه سحبني وصعدت للغرفه كلما نتقرب عبالك موتي نزلن دموعي واجيت احجي بس سكتني وهوا يكول

حرب.. اششش حرف مااسمع من نوصل الغرفه احسابي وياج كبر بس هانت

تولين.. فتح باب الغرفه وشمرني بيها اجيت بس لاحكت نفسي

راح كعد عل جربايه واشرلي اكعد بلكاع سويت يلي كاله بس حزت بخاطري شجعت وحجيت

...بغصه ودموع.وصوت مبحوح... تراا والله راحت العبوديه مال قابل واني مو عبده عندك او جاريه تعملني هيج حرب اني مرتك مره وحده اسمعني وحاول تحتويني

انته تعرف كلش زين محد يحبني بهل بيت بس امك واني اعترف اني دفعتها بس مجنت اتوقع راح تنكسر ايدها هيج حباب والله مو قصدي

حرب... شكلج خلصتي تمسلت وهسه كوليلي بيا ايد دفعتيها

تولين... بخوف.. مادفعتها كمزت عليها وكعنا ثنينه بس هيه ايدها صارات جواها ونكسرت

حرب...زين انطيني ايدج

تولين...بشهكه... الله عليك لتأذيني حرب الله يخليك

حرب... هسه تنطيني ايدج لوو شلون

تولين...انطيته ايدي اليسره لان اليمنى كل شغلي بيها واعرف راح يكسر ايدي

لزمها غمضت عيوني وبجيت بصوت ماخس غير سحبني بقوه وكعت بحضنه. حضني ويهدي بيه

حرب... اشش ياعمري سكتي وهاهيه صار يلي صار لتبجين يلااا بنيتي اسف لان خوفتج مني

تولين...حضنته..وكلت. ليش سويت هيج ليش تخوفني منك

حرب.. تولين هلمره عديتها سلام ثاني مره ماراح اعديها احذرج من غضبي اني من اعاقب اقسي وانتي تعرفيني بنيتي والله ميهون عليه اشوف دموعج

تولين... هزيت راسي ونمت وهذيج اليله كل شويه افز مرعوبه بسبب الخوفه الصارت بيه

ــــــــــــــــــــــــــــــــــــــــ

نبأ: ياربي وين صار هذا حرام مو مال شخص ينتجل عليه اشتعلت واني واكفه بلشمس خدودي احسهن راح ينفجرن من حراره

طبعا واكفه اني باب الجامعه وزياد انتضره يجي ياخذني لان الخط عطلانه سيارته وبابا بدوام

ماحس غير دكتور طارق وكف بسيارته كدامي فتح الجامه وكال اصعدي يابه ابوج اتصال وكال جيبها نبأ بطريقك

نبأ...شنوو ومنو كالك اصعد وياك استاذ اسفه افضل اروح تكسي احسن عن اذنك

عفته ومشيت شويه ماحس غير نزل من سياره واجا عليه

طارق... بعصيبه... تمشين كدامي وتصعدين بسياره لو ضيمي كله اطلعه بيج

نبأ... انهضمت من صياحه... كلت بعناد... مااصعد ولصيح اني مو بنتك لصغيره وهيج تحجي وياي
ومو بحاجه مانيتك عندي رجلين واعرف امشي

طارق... استغفر الله ربي لج بابا تصعدين لو استعمل وياج طريقتي الثانيه وترا ماعندي مانع لو اضل واكف هنا لباجر تروحين وياي يعني تروحين

نبأ... يااخي هيه كوه مااريد اصعد وياك

طارق... تمام لتمشين اني امشيج بطريقتي

نبأ... اس
بعد ماحجيت ماحس غير جرني من ايدي بقوه وفتح باب السياره دفعني حتى راسي ركع عابتله
سد الباب بقوه

طارق... ال هيج ست نبأ بس بسيطه يجي يوم واكسر هذا راسج اليابس

نبأ.. ميكسره غير يلي خلاه رب العالمين وبس

طارق.. نشوف

نبأ... ضل طول الطريق ساكت

شويه وكفنا يم محل موطه نزل شويه وصعد جايب موطه بطعم الفروله اموت عليها

انطاني وحده بس صارت عندي عزت نفس ومااخذتها

.. لاشكرا مااريد خليها الك

طارق.. اخذيها شوفي وجهج شلون صاير من شمس بردي كلبج بيها

نبأ...شفته شلون مادها الي كلت عيب افشله اخذتها وكلت شكرا

طارق... العفو الف عافيه

نبأ... بلشت اكل والطعم يجنن شغل اغنيه هادئه

(اليسا: اجمل احساس)

وضل يردد وراها بصوت هادء اول مره اسمعه من تكول

اجمل احساس بلكون انك تعشئ بجنون
ودا حالي معاك خلتني اعيش بيام مليانه
بشوء وغرام ذوبني هواك

ضليت الطريق كله صافنه عليه وعل حركاته وعيونه يلي يلمعن حتى ماحسيت بلموطه يلي ماعات ولا شوكت وصلنا البيت فزيت عل كلامه من كال

طارق.. شنو متريديز تنزلين والله ليشوفج هسه ميصدك يلي سحلتها يلي صعدت بسياره

نبأ... من فشلتي حتى ماحجيت شي نزلت وعفت باب السياره مفتوح مااسمع بس ضحكته فتت للبيت سمعت سيارته من راحت

خليت ايدي كلبي وضحكت بخبال ركضت للمطبخ لكيت زياد ياكل جريته من شعره بسرعه عاط وكال

زياد... خبال اي والله شعندج جايه جنت خلصان منج حتى البيت هدوء لا زعطوطه تصيح ولا تعارك

نبأ... هسه اني زعطوطه موو تمام اشوفك الزعطوطه شنو تسوي

وهيه تاخذ مركه بلخاشوكه وتكبه فوك شعره
وتركض لغرفتها

زياد... بصياح... والقراءن شوفي شراح اسوي بيج ياااحييوانننه

ام نبأ... عوفها يمه تعرف بيها خبله روح غسل عل سنك وحسابها بعدين هل مخبله شكد متكبر تبقى تصرفاتها صغيره

زياد... يمه عوفيها اقسم بالله هيه محليه البيت اختي الوحيده مااعرف شلون راح تزوج اقسم بالله اول واحد اني ادمر

ام نبأ... يمه تصير سوالف انته هم تزوج وتلتهي
بعيلتك وجهالك شوكت ازوجك وافرح بيك

زياد.. يمه قريبا مااضل شي

ام نبأ... انشاء الله وليدي

نبأ... غيرت ملابسي واجيت انام بس اجا بالي واصلا اني مانسيته احس نعجبت بي وبشخصيته دائما اكول عليه معقد بس لا تغير كل نضرتي عليه

نمت واني افكر بي واتمنى يجي باجر حتى اشوفه

♡♡♡♡♡♡♡
(الى هنا ينتهي بارت 26) انتضرونا بارت جديد
واتمنى تصوتون ⭐ وتعليقاتكم الحلو

«مهم»

شروط تنزيل البارت 27

تصويت 110 ⭐
تعليقات 110
وبس احبكم 😍