رواية غيرة رجل الفصل الخامس 5 - بقلم *شغف الكتابة *

غيرة رجل
26
دخل نام واني ظليت گاعده كمت حطيت اكل بالثلاجه واباع ياربي هذا اكل وين اودي خلي اساله قبل مينام رحت دكيت باب ميجاوب معقوله نام هيج بسرعه رحت لغرفتي واني شااسوي هسه ظليت افتر بالبيت خلي اروح يم اهله عل اقل شوي اسولف ويه احد من يگعد اگله شفت اكو ميز بالغرفه بيه مجرات ظليت افتح بيهم واشوف صور قديمه يمه هذا من رجال  لا هو ولا اخوه اخاف ابوه نفس جهره والعقد اكيد ابوه عليمن  يطلع اكيد عل خلفه طلعت رحت علكت تلفزيون ماكو شي حلو جان يندك الباب رحت گلت منو طلعت امه فتحت الباب سلمت عليه ودخلت
نايمين
لا بس عمر نايم
هاي انت شلون عروس حتى مكياج محاطه ولو انت متحتاجين
خاله هسه طلعت من حمام
عوافي
الله يعافيج
شكد حلوه هاي كلاده عمر جابه الج
لا مو عمر
شوكت اشتريتوا حلقات
يا حلقات
يمه شبيج هاي باابيدج 
قبل يوم
ردت اغير موضوع گتله خاله اكل وين اوديه
خليه بجدور اكو ناس محتاجه
زين
اگلج ليش متجين يمي الصبح والله وحدي وماكو احد احجي وياها البيت ياكلني
ميخالف خاله ادللي بس انت كولي لعمر
ليش هو ميقبل تجين يمنه
لا يقبل بس يكول مطلعين اذا متگولين
اي اعرف طباعه وهو مثل ابوه بلكي انت تغيري
وجان يصيح عليه بصوت وبعصبيه اني من يمي فزيت
هاي شبيه اكو واحد  هيج يعيط عل عروسته
رحت گبل عليه فتحت الباب هو راسنا فشر عليه
امك اهنا
ليش عفتيني نايم الى هسه شلون انام تالي باليل
انت مگلت يبا ساعة كعديني
زين خلي تروح امي واني اعلمج
طلع من غرفه طرك شورت مالته
يمه شبيك ويه البنيه
لاتدخلين هيه تعرف غلطها
گلبي اگول شسويت اني
اگوم اروح اني عود خليه تجي يمي الصبح شويه تونسني
لا ماكو متروح
ليش
اني مزوجها حتى تخدمني مو حتى تفرفر بالبيوت
يمه شبيك هذا بيت ابوك
خلص يمه متجي بس من اني اجيكم
هاهيه يمه اني رايحه

وراحت امه واني كعدت بغرفتي واكول شراح يسوي صاحني  رحت عليه اباع عل جسمه گلبي  گام يدك سريع تقرب عليه غمضت عيني عرفت راح يضربني  وفتحت عيني اشوفه قريب عليه ويباع عليه مد ايده عل خدي وگال لاتسوين عصبي حتى لااذيج باوعت بعينه ظليت اباع عليه وهو يباوع عليه قرب راسه عليه راد يبوسني ظل شويه نفسه ويه نفسي وغير رأيه وعافني ومشى  ردت اخرب من موقف يمه گلبي معقوله يحبني بساع خلصت هاي اللحظه اخذت نفس سمعت يتدرب گلت خلي اسوي اله عصير حضرته وخليته بثلاجه  انتظر يخلص تدريب رحت حضرت اله حمام
طلع مبدل وكال بالتسعه ارجع
لحظه
شكو
سويت الك عصير
كان يلبس بساعة يلا فضيني
ركضت للمطبخ وجبته اله شربه وراح بلا مينطق بكلمه
عل اقل گول عاشت ايدج
وظلينا عل هذا المنوال مر اسبوع واحنه لو نحجي لو منحجي تعلمت عليه عل طباعه مرات جان يجي باليل شارب راسنا ينام  ومرات يشرب بالبيت اني من يشرب اروح بالغرفه مالتي اخاف يأذيني  ومره رجع كلش ضايج صاحني سوي اكل اني راسنا سويت اله وسويت اله جاي حطيته عل ميز هو گاعد بالصاله صاح جيبي اهنا اكل لميت المواعين عل سريع وحطيتهم بالصينيه وديتهم اله بده ياكل هو هواي ياكل لبن گتله تحتاج شي
لا ولي منا
كعدت بغرفتي اقره امه خطيه جيب الي بهل كتب واني اقره بيهم مرت ساعه وصاحني رحت عليه جان موطبيعي وعيون تخوف كلي علكي مسجل  رحت علكته اغاني هوسه وطربكه
يلا ركصي
منو اني
لا أبويه
مااعرف ارقص
بس اني شايفج ترقصين
گتلك مااعرف
مو بكيفج جنت ترقصين اله وهسه دوري
انت ياهو الي يجي ترگصين اله رخيصه
نزلوا دموعي لا اراديا وكتله اني مو رخيصه
ههههه شنو مسمعت انت بس تبيعين شرف براسي وانت وحده متفرقين شي عن بنات ليل
انت واحد نذل وحقير
هاي عليمن وضربني راشدي وگعت بالگاع
انت وحده رخيصه ومتشرفيني انت فضاله گومني وضربني راشدي لاخ ردت انهزم منه جرني من شعري وكعني بالگاع ودفرني عل بطني وفقدت بعد محسيت بشي
غيرة رجل
27
فتحت عيوني واشوفه گدامي بيده قماش ويمسح الدم من حلكي
وخر عني دفعت ايده
اني اسف انت استفزيتيني كمش ايدي باسها
لميت روحي بطني تأذيني كلش
عوفني وحدي
صار
خله وطلع گمت قفلت الباب وكعدت ابجي مو لان كتلني لا لان سمعني كلام جارح ظليت الليل كله ابجي وقررت بس يطلع من البيت اعوفه خلص هو سوه عليه كافي خلي يطلكني من صار الصبح  سويت اله اكل ودخلت لغرفتي من كمل اكل وكف يم غرفتي شويه وراح رحت لميت هدومي واخذت كم شغله وطلعت من البيت اخذت تكسي ودخلت البيتنه جان الكل نايم رحت عل بيبيتي وظليت يمها ابجي فتحت عينها اموره هاي انت وين جنتي
ركضت وحطيت راسي بحضنها وغفيت وهيه تلعب بشعري وبدوا يكعدون امي وزينب طلعت الهم  تخبلوا من شافوني
وج مصخمه شسويتي وهيج ضاربج رحت شبگت زنوبا وگتله شوفي حالي بعد اخوج شصار بيه گامت تبجي
اني مو دا احجي وياج
شتريدين مني
ليش ضربج 
يكلي انت موشريفه  ورخيصه وضربني
شوفي تطلكوني منه مااريده انتوا زوجتوني اله حتى تخلصون من حجي عالم وهاي بعد محد يحجي عليه
خلي يجي اخوج ونشوف
ظليت گاعده يم بيبي ابد مطلعت وعرفت زنوبا حامل فرحت اله يمكن لو اني مزوجه حميد هم جان هسه حامل
كل احلامي ضاعت بموتت حميد
واجه صالح وشافني وحجت امي اله گال متكدرين صبرين بعد كم يوم
ليش اصبر
اذاطلگتي الكل راح تحجي عل ليش عشره ايام وطلگها
وانت شلون تقبل واحد يگول عل اختك مو زينه وفضاله
انت جبتيه روحج
صح اني جبيته بس اعرف حميد جان زوجي بالعقد يعني الي صار مو حرام بس الحرام انه ذبني عد واحد عباله اني معاشره كومه رياجيل
كافي هسه اسكتي
سكتت بس باجر من تجيك ابنيه راح تراعيه وتنطيه رجال ادمي وتخاف عليه لانك تحبها
اما اني محد بيكم  حبني ولايوم عاملتنوني مثل بشر لهذا اني عدكم رخيصه
دخلت عل بيبي  وابجي بذاك اليوم ولا اكلت ولا شربت وكرهت روحي وكرهته ال عمر
وبليل اجه عمر اني صعدت لغرفتي وقفلت الباب مااريد اسمع صوته وهناك صاحني صالح وظل يصيح مااريد ارجع اله اكيد راح يرجعني واندك  الباب مالتي كانت زنوبا فتحته
شكو
يريدج صالح كولي اله مترجع
وج امشي
نزلت جوه ودخلت الهم واشوفه گاعد گلي صالح شوفي انت غلطانه شلون تغلطين عليه وتطلعين من البيت بدون علمه
اني غلطانه ومو شريفه خلي يطلكني
اني مااناسب حضرته
گام عل حيله وگال امشي وياي وكل الي تريديه يصير ويجرالج
صالح اذا رجعتني اله احرك روحي وذنبي بركبتك
اجه عليه گتلج بعد مااضربج
اذا انت رجال طلكني
صار  عصبي واجه كمشني من ايدي
غصبا عليج رجال
شفت صالح كلمه وحده ويريد يضربني
ابو طبع ميغير طبعه
شوف عمر اني مااجي وياك واعلى مابخيلك اركبه وخليت وطلعت بعده راح وظل صالح يسب بيه بس اني مهانت عليه نفسي ظليت ثلاثه ايام وتوفت بيبي كلش انقهرت حسيت باليتم ظليت عايشه عل ذكر اموات كل الي احبهم يموتون ويعوفوني ومر شهر  من وفاة بيبي واجت امه ال عمر وظلت تحجي وياي وتبوس بيه گتله خاله يصير خير يطلع اربعين مال بيبي وارجع كيفت وراحت ودونا بااربعين للنجف وهناك فقدت من شفت اسم حميد عل گبر مكدرت ظليت حاضنه قبره وصالح يكوم بيه واني اكله شوف حالي وراك شوف الذله بيه اني حميد ارجع يوم واحد بس اشوفك واشبع منك رجعنا للبيت واني منهاره دمعتي موگفت وره كم يوم اجه عمر حتى ارجع وياه طلعت اله جنت لابسه اسود شافني سلم عليه وكعد
يله نرجع لبيتنا
اصور صار شهرين من ازوجنا يعني انت هسه تگدر تطلگني گام عل حيل گال ترى طوختيها اني اگدر اطلبج لبيت طاعة افتهمتي
واجه صالح وگال معليك  بيها ترجع هسه وياك
گومي ويه زوجج كافي  ورجعت وياه واني مكسوره الخاطر لا اخ بيه خير ولاام ولارجال عمر نوعا ما جان فرحان دخلت لغرفتي وقفلت الباب ظل هو بره بالصاله صاحني مدرت بال اله مره لخ صاحني فتحت الباب وكتله شتريد
تعالي
رحت عليه
شفته گاعد عل  قنفه اشر الي اجي يمه
اجيت گعدت يمه كمش ايدي وكلي اميره اني ماانكر اني حبيتج واريدج تحبيني انت هم طلع من جاكيته علبه صغيره وبيه حلقه ذهب وگال هاي مكان الي باايدج ذيج نزعيه وهاي لبسيه ظليت مصدومه  مكدرت انطق ولا حرف

هم گول قصير البارت ومابيه احداث
غيرة رجل
28
كمش ايدي علمود ينزع الحلقه مال حميد الي منزعته ابد من يوم الي لبسته مكدرت احجي شي بس دموعي تصب انتبه عليه
ليش تبجين كومني عل حيلي ليش تبجين بعدج تحبيه وعايش عل ذكره تذكرين من كتلج اريد فرصه تنطيني شلون رفضتي وگلتي اذا انطيك فرصه تعتبر خيانه لخطيبي هزني حيل وعصر زنودي
عمر گاعد تأذيني
هسه هاي مو خيانة من انت مرتي وعايش وياي والى هسه تحبيه ولابس حلقه مالته
عمر بس
كافي مذله كل مره اتقرب الج وانت تصديني شنو تصورين ماعندي مشاعر واني اشوف ايدج بيه حلقه مالته
شال علبه وشمرها انت وحده ساقطه ويعجبج اذليني كافي بعد مااريد منج لاحب ولا شي راح ابقيج العمر كله هيج لا انت مزوجه ولا انت مطلكه مجرد خدامه الي والإ ازوج اغتاتج دفعني وطلع ظليت گاعده مااعرف شااسوي  الوم بروحي ليش محجيت شي ليش انعقد لساني كمت بدلت وبديت انظف مكان وارتب وبالي يمه گلت لروحي لازم هلمره اني ابادر رحت للغرفه وبديت اختار هدوم  حلوه ظليت البس وانزع معجبني شي يعني ممعقوله  البس شي ما نوم لا البس  برمودا لبست برمودا قصيره وحطيت مكياج وظليت انتظره ومر الوگت وهو ماكو اووف وين صار اذا تاخر هاي يعني راح يشرب ويجي ينام وصارت الوحده وهو ماكو يجوز عد اهله خلي اشوف لا شلون اطلع بهل ليل ونمت واني افكر بيه فزيت الصبح بعده ماكو يا هذا وين صار جانت بالعشره الصبح اخابر عل صالح لا عيني هسه امي تسوي الي زفه واندك الباب رحت فتحت واشوف عمتي بوستني وگالت عمر يمنه بايت شوفي بنتي ترى عمر مر بظروف قاسيه كلش وحجت الي عن ابوه وشلون جان يعاملهم وليش هو هيج بسبب  ابوه طلبت مني اتحمله واصبر عليه گالت تعاي وياي كيفت ورحت عليه واشوفه نايم عل قنفه شكله حلو من نايم ظليت گاعد يم راسه شفت ماكو احد بالبيت كلت خلي العب بشعره مديت ايدي والعب بشعره ملمسه حلوه  بده يحس  فتح عينه وشافني تعدل
شجابج اهنا
اجيت عليك
باوع الي صفح امشي روحي غسلي وجهج
ليش
ليش تطلعين وانت حاطه مكياج 
مرايح مكان بعيد يم اهلك
لتخلين اكفر گومي ولي للبيت
صار بس لتعصب
من دااطلع اجت امه وگالت ابقوا اليوم يمنه عل غده اسوي دولمه عمر يحبها  گتله اساعدج خاله
اي يلا امشي
ظلينا نشتغل ونسولف وهو يشرب قهوة امه كل شويه مضحكتنه كلش تونس حبيته كلش وصار وگت اكل وانجمعنا واجه اخوه الي مشايفته بس مره طبعا هم بس ينكت وعمر يخزر بيه بس اني احب الفرفشه وهو كلش دمه خفيف  ظليت اكول لوعمر هيج يضحك ويه الهوا ورجعنا للبيت واني كلش فرحانه واعرف عمر راح يگلبه كلاب عبالك شافني بحضن واحد وظل يرزل بيه ويسب واني ساكته خل ودخل نام شسوي ممكتوب الي الفرح فكرت اروح عليه للغرفه بس لا هسه هو عصبي غير يوم نزعت العبايه وظليت بالبرمودا رحت لغرفتي اقره كتب وكمت فتحت الباب مال غرفتي واعرف اذا يطلع راح يشوفني ورفعت هدومي بحيث تبين كل رجليه ونمت من كعدت شفت باب غرفتي مسدود  عرفت هو ساده وسمعته يدرب گلت كافي اروح عليه فتحت الدكم مال قميص برمودا حتى يبين صدري ودخلت عليه جان بالشورت ظل يباع عليه ودار وجه سالت تريد عصير
اي
طلعت ركض سويت اله وانتظرت يم الحمام اجه شافني اخذ العصير مني وشربه ودخل للحمام
وظليت أحاول وياه اكثر من مره وهو مجاهلني مر شهر صراحه مليت من محاوله وهو مضيق عليه كلش لا طلعه ولاطبه حتى لااهله مااروح صبرت عليه ومره اجه وشافني فاتح الباب مال بلكونه واني اشتغل ظل يسب ويغلط عليه مع انه ماكو احد يطل علينه كلش اذاني بالحجي مالته ظليت ساكته لان اذا ارده راح تتطور مشكله وظل ليل هو كلما يشوفني يتعمد اهانتي ظليت بغرفتي گاعده وهو بصاله يشرب صاحني سويت روحي مااسمع وراه هم صاح بس هل مره كلش  بنتره رحت عليه گلي جيبي مي وتعاي غسلي رجليه  ظليت صافنه هذا صدك مريض نفسي رحت حطيت مي بنجانه وظليت بالحمام گلت فرصتي هسه هو بنص وعيه نزعت حلقه مال حميد ورحت گعدت يم رجليه هويباع عليه بديت افرك بيهم حسيت بيه انثار كمش راسي وقربني اله جانت عيونه 🔥 نار وشوك قرب وجه الي كمشت من ظهره باسني بقوة كطع نفسي ظل يبوس بيه استسلمت اله حسيت بيه بكل لمسه الي نزل عل صدري يبوس شاف گلاده ظلت عيونه عليها مد ايده عليها حتى يفتحها كمشته گبله گال هاي شنو بداخله
ماكو شي انطيني اشوفها گام عل حيله
دا اكلج انطيني اشوفها
عمر اني حلقه نزعته شوف ماكو شي باايدي
خليني اشوف گلاده
جرني حيل وشلعها من ركبتي كعدت ابجي واكله والله احبك عمر
فتحها ضميت راسي بين رجليه وابجي شمرها عليه
انت وحده رخيصه متناسبيني خلا ودخل الغرفه ظليت ابجي والوم بروحي ليش هيج يصير بيه رحت لغرفتي عرفت بعد هاهيه صرنا مثل مستقيمين ميلتقون ابد
غيرة رجل
29()
مرت ايام واحنه منحجي واحد ويه لاخ واذا راد شي يكوله بس حتى ميباع عليه ومبطل اهانه وره اهانه كلام جارح الي كلشش مااكدر ارده  اعرف عصبي ومخبل الواحد ميتقارش وياه عصبيته فول اقل هفوه يكسر الغراض  مره جنت اتفرج تلفزيون وهو جان ديبدل مااعرف هو وين خال سويج مال 🚗  سيارته اني اصلا اخاف العب بااشياء فصايحني واني مسامعته مااشوف  الإ واجه شال تلفزيون ولطه بالگاع اني ظليت صافن هذا شبيه
هاي ليش شصار
مو صار ساعة ادور عل السويج وانت بنت كلب ولايمج
كمت اروح ادور عل سويج
اني موداحجي وياج انت طرشه لوغبيه
لا اني بهيمه رايح ادور عل السويج
لسانج طويل لتخليني ارجعج لاهلج دفر
والله علوا تفرجها عليه مطلعت عيشه وياك مذله واهانه
بعدني ممكمله جمله هجم عليه ضرب راح جاب نطاق ماله وضرب معرفت شلون اوخر عنه ظليت اصيح مااشوف الإ امه واخوه عل راسنا يدفعون بيه عني بس هو فاقد من حس اني كنت منتهيه وهدومي مشكشكة اجت امه عليه يمه گومي انوديج للمستشفى جان دم ينزل من حلكي وراسي وايديه ورجليه اجه اخوه عليه يريد يشيلني ويحطني عل قنفه گام ودفع اخوه وگله عوفها اطلع بره
عمر البنيه راح تموت
وانت شعليك اطلع
اوديه للمستشفى  جاب غطه وخلا عليه
اني دا اكلك هاي مرتي اطلع بره
وظل يدفع بيه امه ظلت تغلط عليه ولك ليش انكسرت ايدك مخبل راحت امه وجابت شاش وحطته عل راسي ودردم عليه
اوه كافي محد يدخل
ولك گوم وديها للمستشفى البنيه راح تموت
ماكو السويج
ولك اخذ سيارة اخوك
طلع ورجع دخل للغرفه لبسني حسيت عليه فتحت عيني وگتله عوفني اموت ردت ادفعه مكدرت اغمى عليه وشفت بالحلم حميد گاعد بحديقه حلوه وگلي تعالي يمي رحت يمه وهو يبتسم مجان يمشي عل گاع جان طاير بالهوى ردت الحك بيه مكدرت

طلع دكتور منها وگال منو حميد ظليت واكف واخويه واگف وامي تباع عل دكتور
گلت اني زوجها
انت حميد
اي اني صخام
دخلت عليها انصدمت من منظرها ايده مجبره راسها مشدود من شافتني گامت تبجي دارت وجه عني وتوترت گال دكتور عيني اطلع انت زودت حالته اطلع  دفعني دكتور وطلعني
هايمه شلونه
ماادري اني دخلت كامت تبجي وطلعني دكتور
يمه منو حميد
يووو لخاطر الله عوفيني خرب بحميد نبش هو وبگبره
هاي شبيك ياعيني علكيفك
احمد روح خابر اهلها يجون
هاي تاليته اغار من شخص ساكن الگبور خرب حظي اووف وره ساعة دخلت امي عليه من طلعت غمتني ولك ليش ولك لو حتى شفته ويه رجال غيرك متسوي بيه هيج ولك ايدها مكسوره عدها ارتجاج ياظالم مخفت الله
يمه مناقصج اني
بس لو اعرف شسوت وهيج سويت بيها
اجت امه واخوها للمستشفى مكدرت اباع بعين صالح صدك احتقرت روحي دخلت امها عليها واجه صالح عليه
هي هيج عمر تطلع عضلاتك عليها ليش شصار حتى هيج سوي بيها مواتفقنا متضربها
صالح  اني مصيطرت عل اعصابي مااعرف ليش ضربتها
طلعت من مستشفى واني منهار رحت للبيت واشوف دم مالها بالگاع كرهت روحي اكثر  رحت نمت بفراشها واكول اني مااستحقها لازم اعوفها
ظلت اميره عشرة ايام بالمستشفى  اني ابد متجرأت ادخل عليها ومن
غيرة رجل
30
ظلت اميره شهر يم اهلها مكدرت اوصل الها تحضرت اذا رادوا الطلاق اطلقها بعد ميرهم نكون سوه طريقنا مسدود هيه عايشه عل ذكر خطيبها واني انسان معقد  رحت اشتريت تلفزيون جديد ونصبته ردت اروح الهم بس اعرف رد مالهم رحت عل امي وگتله امشي وياي نشوف اميره
روح عيني بيا وجه نروح عليهم
يمه لعد شلون گولي اريدها
تريدها والله لو بنتي مااخليك تشوف خيالها
اووو گومي بدلي وامشي وياي
اجي بس بشرط
شنو
شيگولون تگول حاضر
وإذا رادوا طلاق
طلك
يمه اريدها
روح وحدك مااجي انت مال واحد ينطيك مره
يمه اذا متجين وياي مااشوفج وجهي بعد
توافق عل كل طلباتهم
زين موافق
ورحنا البيتهم وگلبي يريد يوگف ادعي متطلب طلاق
دخلنا لبيتهم استقبلتنا زوجه صالح كانت  حامل اتخيلت اميره شلون شكلها من تكون حامل اووف صاره سته اشهر يمي واني مطاخها شلون تحبل
كعدنا وامي راحت عل نسوان واجه صالح عليه ظلينا نحجي عادي حسيت شايل عليه ظليت انتظر امي ترجع اووف دخلت بعد مطلعت
عمر اميره بعد متريدك
ظليت ساكت وگتله يصير خير بس عندي طلب واحد وراها اطلكها
شنو
احجي وياها لوحدنا
مستحيل متريد اصلا تشوفك
بس احجي وياها
اگله بس مااضغط عليها لان هوايه نفسيتها تعبانه
واني جاهز لكل طلباتكم
صالح هاك هاي حلقه مالته وكلاده جبتهم الها
انت انطيها الها
وراح صالح خمس دقايق واجه گال متريد تشوفك
گمت عل حيلي وگتله من رخصتك صالح  احجي وياها
اتفضل بس اتصور هيه قافله
رحت دخلت ليجوه كانت هيه بغرفة بيبيتها دكيت الباب ودخلت شفته كاعد عل جربايه وطلعوا كلهم من غرفه
شلونج اميره
حتى متباع عليه اتقربت اله
لاتتقرب
وگفت مكاني
اميره  اني
مااريد اسمعك ولااشوفك اطلع من حياتي
كلامها سجاجين بگلبي الميت ردت بس تحبني بس معرفت شلون اوصل لگلبها
اني اسف اريدج تسامحيني
اتقربت اله اكثر اني حبيتج بس انت گلبج مو يمي اني اجيت الج حتى انطيج اشياء تخصج اتقربت اكثر كعدت عل جربايه طلعت حلقه واخذت ايدها ولبستها الها مو من حقي جان انزعها الج وطلعت كلاده ولبستها اله اني ماالي مكان بگلبج انت طالك
عفتها وطلعت وگلبي يريد ينفجر رجعنا للبيت واني مخنوك اريدها يا ناس اريدها.

صار شهر بيت اهلي واني كل يوم يمر عليه من اذيه والم اكره بيه عمر اكثر وخلال شهر كامل مكلف روحه يزورني حقدت عليه وراها اجه هو وامه مكدرت اقابله خفت لااضعف گدامه لان رغم كل الي شفته وياه هو دخل گلبي غصبا عني بس مااريد ارجع اله هسه وتفاجئت بدخوله عليه عيونه مليان حب وندم دخت بيهم نسيت كلشي رغم حدتهم بس تحس اكو وراها شخص محب بس اني بعدني مجروحه  منه اريد بعد وگت يلا ارجع اله صديت حتى ليتقرب واضعف بس اتقرب وفاجاني انه يلبسني حلقه مال حميد شگد جانت صعبه عليه يمكن گلبه ميت بذيج لحظه الي يكلي بيها ابقي ويه غيري رجع لبسني قلاده ردت اگله كافي اني احبك لاترجعني للماضي عيونه تضيع بلد كامل كمشتني عبره بين الماضي والحاضر ردت الحاضر اريدك عمر احبك رغم كل عيوبك اقبل اعيش جوه رجليك ويشرفني اكون الك  مكدرت احجي شي وگلي گلمه ذبحتني من وريد للوريد
وعافني وطلع انهاريت وراه ردته يرجع