رواية غيرة رجل الفصل الرابع 4 - بقلم *شغف الكتابة *

غيرة رجل
الواحد والعشرون
نزلت من سيارة وكبل فتت لفرع مالنه واشوف حميد يغسل السياره ماله گبل عليه هلو
هلو اموره ليش هيج اموره امج مسويه بزنوبا والله متت قهر عليها
حميد انت تعرف امي واني اكثر من مره وكفت بوجها بس هيه زنوبا لو تكول لصالح جان وكف امي عد حده
اگلج هاي وين جنتي
هاا رحت جبت كم حاجه
اموره ساعه ثمانيه
هاي شبيك حميد انت محقق
لا زعلين حبي تعاي نفوت جوه
لا اروح يم امي هسه مكابله تليفون والبيت مكلوب كلاب
اي روحي باليل نطلع اجي عليج
اي باي
الله وياج
بهاي فتره بيبي تعبت هواي وصارت تنسه وسمعها ثقل رحت عليه بوستها وگتله بيبي ادعي الي
كولي لامج مابيه اطبخ
بيبي اني اطبخ
عفتها وگلبي اكول اليوم لازم اگول لصالح عل عمر
ظليت اصفن وامي مجازت عني كل شويه سوي حاجه
من اجه صالح امي استلمت مرتك تعيرني وتطردني وتكلي بيت صالح كفشتني من شعري واميره كوه خلصتني منها اني اباع عليه وفاتحه حلگي
وينه زنوبا
صالح ترى
لج انجبي لاتحجين
يمه وينه مرتي
طلعت من البيت
رايح اجيبها
ولك تطردني
يمه خاطر الله عوفي سوالفج البنيه شايلتج بالصلوات
وعافنه وتطلع صالح حسيته تغير هواي من ازوج بس اليوم مااكدر احجي وياه
غير يوم

من نزلت مصدكت رفضها الي ليش اني هيج دا اهين بروحي جلبت بيها اني تتمناي اغاتها كرهت ضعفي واحتقرت روحي وقررت اسافر فد شهر الى ان تتزوج تمنيت اطلعها من بالي كافي مذله سويت جوازي وقررت بعد مااصلها ولااندك بيها بعد

وتقرب يوم زواجي وبديت اتحضر واكمل نواقص وصالح شال مبلغ وانطاني يعرف بالوضع كنت طايره من فرح ممصدكه راح نكون اني وحميد سوه وسعيده بصالح انو بديت احس عندي اخ
مبقى بس 3ايام واجه حميد كلي امشي نطلع نودع العزوبيه وطلعنا وكلش تونسنا ورجعنا لبيت حميد كلي اموره شنو رايج نسوي بروفه
ههههه عزا
وج حتى منتعذب
لاعيني مااريد
مااعرف شلون وصلنا هاي المرحله دفعته وبديت ابجي هو حط راسه بين ايديه وظل يبجي ويكول والله موقصدي لاتخافين احنه يومين ونزوج كرهت روحي وطلعت من البيت واني ممصدكه بلي صار وشلون هانت عليه نفسي ظليت الليل كله ابجي وابجي الى ان نمت

غيرة رجل
ثاني والعشرون
مااعرف شنو الي وصلني لهيج مرحله كعدت وراسي مسطور من الي صار واندك الباب ودخل حميد اموره حبيبتي شلونج
حميد شكو جاي
اموره لاتخافين شوف الي صار محد يعرف بيه واني وانت الخميس نزوج
روح عوفني
اموره ترى اني هم ندمان ثم احنه بحكم مزوجين يعني مو حرام شوفي اليوم الحنه مال صديقي اروح اله من ارجع نروح للمنصور
يبوو شجلبت بالمنصور
انت ليش متقبلين نروح للمنصور
هيج مااحبه
براحتج نروح لغير مكان يلا اني اروح مزعلانه مني
مزعلانه منك زعلانه عل نفسي
اكدر ابوسج
حميد والله  روحي طافره
براحتج
طلع حميد واني بغير عالم واذكرت عمر
الي طلع شريف وعافني اصورت راح يأذيني طبعا زنوبا رجعت للبيت وامي تحاربه بس من جوه الجوه واني مالي خلكهم رحت للبيبي وكتله بيبي اني كلش تعبانه حطيت راسي  بحضنها وظليت بس دموع بدون صوت وهيه تقرأ ايات عل راسي وصار الليل ومااجه حميد بصراحه مالي خلك اله بس حتى مخابر يمكن بعده بالعرس حتى اكل مااكلت ولعبان نفسي من الدنيا كلها
وصارت عشره وحميد ماكو گلبي وجعني علية واذكرت شلون هو هم متأثر
بس بعد صار الي صار
واسمع صوت زنوبا تعيط بيوووو
ركضت عليها وتملخ بروحها اباع اخته زهراء تبجي ولكم شكو
يمه اخوي يمه اخوي
وج شكو حميد مضروب بسجين وناقليه المستشفى  وكعت من حيلي يمه حميد رجليه بعد ماتشيلني وج بيا مستشفى ماادري كعدت بالگاع اريد اتحرك مااكدر وجان يفوت صالح وجه مگلوب  راحت عليه زنوبا وديني عل اخوي
زنوبا اهدي هسه نروح
لساني انعقد صوتي راح وخربت كعدت واشوف  امي فوگ راسي
وين حميد
يمه امر الله كلنا لهل طريق لگمته خلصت
شتكولين انت
صيري قوي بنيتي
لا لا طلعت من البيت مثل مخبله ورحت لبيت عمي واشوف الهوسه وصياح وعياط اتقربت وشفت اخوه وعمي بدون وعي صحت حميد لاتعوفني انت مو كلت مااعوفج اجه عمي حضني وخرته وينه 
بابا ادخلي جوه
كعدت باگاع واصيح  بااسمه اجوي ولد دخلوني جوه واشوف امه وخواته ملخين روحهم طلعت لغرفته ليش حميد وينك  موگتلي اموره مااعوفج واباع عل جربايه مالته اهنا اني فقد نفسي وفقد اعز شي عندي  ظليت بالغرفه واشم بهدومه اكيد ترجع انت كلت مااعوفج انت ضحكتي حميد
ليش تذبحني وتعوفني ظليت ليل كله ابجي وطلع الصبح واجت عليه زنوبا
گومي هسه راح يجيبوه
صرت مخبله
حميد ممات هسه يجي ونطلع اني وياه كامت زنوبا تبجي وجابوه ال حميد وتوسلت بيهم اروح وياهم حتى يدفنوه مااخذوني ولاخلوني اشوفه
معقوله حميد مات
واخذوا الجنازه وراحوا ظليت عايشه بغرفه حميد ابد ماانزل ويه هدومه وكتبه وغراضه شكد حاول صالح يرجعني للبيت مارجعت وامي تجي تظل يمي ساعة وتروح مابطلت بجي الكل تگول هذا امر الله بس ميعرفون شنو بداخلي جمر مينطفي وخلص العزاء واني بغير عالم اذكر كل لحظه وياه وكل دقيقه جرخي كبير ومايطيب وشلون يطيب والدكتور الي يعالجه مات وعافني  وحدي اواجه مصير مظلم
.
غيرة رجل
الثالث والعشرون
وصار اتفاق بيهنم وصرت مثل بضاعة سلم واستلم اجت زنوبا عليه وگالت وج اميره راح يزوجج هيج سمعت بس معرفت منو
زنوبا شوكت تروحون للمقبره
بعد ثلاثه ايام 
اريد اجي وياكم كولي لعمي يجي ياخذني فدوه لازم ازور قبره
وج غير صالح يگتلج
زنوبا يفهمه لااخوي انه هو جاي اله وكيفه
منو يشوفج العالم مبسوطه وهذا وضعج  راح يحجون عليج وتزيد اشاعة
فدوه انت بس كولي اله
راح اگله واجه امير بيد مفتاح وفتح الباب وگال يردوج
مكنت حتى اكدر امشي من رضوض والجروح ساعدتني زنوبا
وصلت نهايه درج واشوف  صالح گاعد يدخن 
تعاي
رحت عليه كانت امي گدامه گاعده
گعدي شوفي اني عل اساس اكتلج بس قررت ازوج هذا الشخص راح ياخذج فتره معينه تكونين اله خدامه ويرجعج النه بس حتى نخلص من حجي افتهمتي لسانج اكصه اذا فتحتي حلكج
هزيت راسي بالموافقه
يلا ولي منا لغرفتج منا الى ان يطلع اربعين نكطع مهر وراها زواج ترحين لغرفتج وزنوبا خلي تهتم بجروحج
حتى ينطلع بيج
رحت لغرفتي واني افكر اخوي المن راح يبيعني وظليت الوب اريد اروح لگبر حميد اخوي قافل حتى لعمي رده
شوي وجهي طاب من جروح وبديت اكدر امشي واجاني صالح گلي باجر نعقد زين من صبح نطلع اذا فكيت حلكج اشگه الج
وصار الصبح واني مكدرت انام افكر بالي رضى بيه رحنا لمحكمة اعظميه وصلنا واشوفه گدامي لابس عسكري ومناظر يمكن حتى يخفي عيونه المليانه  نظره احتقار ماشلت عيني ابد بس اباع بالگاع عل  حذائه واذكر تهديده الي من گلي اكسر خشمج واسويج خدامه وتمت صفقه بينهم وصرت مرته رسميا واتقفوا عل خميس عرس بدون حفله او زفه بحجه الوفاة
رجعنا للبيت واني مخنوگه واذكر بيوم الي عقدت اني وحميد كانت الدنيا ماوسعتني من فرحه دخلت غرفتي واتخيل كل شويه حميد يفوت عليه واطلع اني نايمه وهذا كله كابوس وصحيت منه
واتقرب موعد العرس مالتي واني مفارقه  عندي فاااني طول عمري مهانه وخدامه لصالح شنو راح يفرق عندي مجرد تغير بااسماء من صالح الى عمر
واجت زنوبا وكالت خلي انظف جسمج زنوبا اذا مطلعتي بره هسه ادعبلج من درج
وج عمتي گالت خلي تنظف نفسها
معليج بيها يلا روحي
طلعت زنوبا ومامرت خمس دقايق الا اشوف فهيمه فوك راسي
ولج عقلي واسمعي مني اذا عبالج ترجعين قطنه وتشيليها من اذنج
لعد وين اروح لباريس
انجبي لج اسمعي كل يوم تلبسين وتتمكيجين وتتخشخين اله افتهمتي
ليش بله
لان لازم تخليه يتقرب الج  عل اقل تربطيه بطفل ومايعوفج وج ترجعين لصالح يشبعج گتل افتهمتي انت حلوه ومراح يقاوم شويه فكري
زين افتهمت ممكن تعوفيني بحالي  وطلعت وعافتني وطلعت صوره حميد وگتله راح اروح بحضن غير حضنك
يارب موتني وخلصني
طبعا ماكو لاحنه ولابدله بس اشتروا الي فستان طويل لون كريمي وزنوبا حطت الي مكياج بسيط مكدرت اوقف دموعي اعرف اني راح اروح يم شخص اني رافضته مرات ومعترفه اله بعلاقتي لرجل غيره يعني شلون راح يعاملني
واجوي اهله وهو لابس قاط اسود وجه ميتفسر امه هلهلت وصعدوني بالسياره كان اخوه يسوق وهو گاعد يمي حسيت بيه راح ينفجر فرونا شويه ودونا لبيته ودخلنا لبيته امه بوستني واني دمعتي منشفت وعافونا وطلعوا 👬  ظلينا وحدنا كان مشتمل عباره عن صاله وغرفه نوم كبيره واثنين غرف اصغر وحده منهم كانت عباره عن مكان تدريب اله يدرب حديد وملاكمة
غيرة رجل
24
واذكرت اخر لقاء بيناتنا شلون جان يطلب مني فرصه ثانية واني موقع قوة وهسه اني يمه ذليلة ومهانه جانت دموعي متوگف بس تجري وظليت واگفه مااعرف شسوي هو دخل جوه ورد طلع بعدين دخل للمظبخ ورد طلع صراحه كان شكله مهيوب كلش وكل شويه اختلس النظر اله رجع لصاله وگف مقابيلي وگال ليش واگفه روحي بدلي وتعاي اكلي
صار
رحت لغرفه مال نوم وطلعت تراكسود الي احمر ونيلي طبعا كان مسبقا زنوبا وامي جاين ومصفطين ملابسي رحت للحمام غسلت وبدلت ظليت مااعرف شسوي وياه بعدين گلت شيسوي خلي يسوي اني مجربه كل انواع عذاب
اني مجايه من العز ودلال حياتي عباره شغل وخدمه وگفخ ومذله الشخص الوحيد الي عاملني زين راح سكن الگبور وعافني طلعت وعيوني وارمه من بجي  رحت للصاله كان گاعد وحاط راسه بين ايديه گلي تعاي اكعدي رحت كعدت
شوفي يابنت الناس اني انسان محافظ واحب الحشمه والستر وانت هسه مرتي  اذا مشيتي عدل وياي مااطخج بس اذ عوجتي راح تشوفين وجه ثاني لبسي كله طويل وعريض وتلبسين ربطه  طبه وطلعه ماكو روحه للسوك ماكو حتى بيت اهلي مترحين الإ وياي اعتبري روحج بسجن شهر شهرين وتطلعين افتهمتي
اي
راح تنامين بالغرفه صغير واني بالكبير هذا الشي محد يعرف بيه بااخص امي من تطلعين من غرفه تقفليها اي شي يصير بيناتنا محد يعرف بيه تهتمين بلبسي ونظافه هدومي
اكعد بالسته اروح للدوام وارجع بااربعة اكل حاضر وحمام جاهز افتهمتي
ماتخلين امي تلاحظ شي ترى هيه من زمان تلح ازوج علمود تريد طفل وانت اهنا جايبج فتره وارجعج مااريد منج طفل افتهمتي
هزيت راسي بالموافقه
روحي اكلي
رحت للمطبخ وكعدت عل ميز اگلب بااكل وافكر بكلامه ونظراته كلها احتقار الي ظليت صفنه تاخذني وصفنه تجيبني
گمت حطيت اكل بثلاجه وطلعت للصاله شافني گلي امشي وياي رحنا للغرفه النوم وطلع قطعه قماش بيضه  افتهمت الي يريده عيونه مترحم كله شك واستصغار تقرب عليه وكلي جيبي ايدج وطلع سجين مكدرت ارفع عيوني ابد جرحني جرح بسيط بس الجرح الي بگلبي كبير ومايطيب حط القطعة عل ايدي وكلي روحي عقمي الجرح
جان موقف كلش صعب اوووف ربي شسويت بروحي اني
رجعت للغرفه گلي من تسال امي انطيها اله يلا روحي خلصت مسرحية
رحت للغرفه وعبره خانگتني كمت اشهك من بجي ونمت واني باايدي كلاده واعاتب بحميد عل الي صار وصار الصبح  طلعت شفته گاعد بالصاله يشرب قهوة
صباح الخير
اهلا
روحي لبسي سيت نوم امي راح تجي
صار
طلعت السيت ولبسته رحت غسلت وجهي مي بارد واندك الجرس رحت للغرفه قفلته وفاتت امه تهلهل وباستني وانطيته النيشان وظلت تهلهل واني گلبي معصور وتسولف وتضحك  يمكن ميت بوسه باستني وتكول يمه عمر شلون جمال شلون حسن نيالك هو واگف وتفرج عليه من فوك ليجوه وراحت امه وظليت واكفه اندار  عليه وگال هو ويهز باايده اليدري يدري ومايدري يگول قبضه عدس هذا مثل گالوا عليج
طفرت الدمعه من عيني
روحي بدلي  وتعاي حضري ريوك
غيرة رجل
25
رجعت بدلت  ورحت احط اكل عل ميز  هو بدا ياكل لان متعشه سويت الجاي تريد اصب الك
اي
وره الريوك كلي تعالي طبعا اني مگعدت وياه عل اكل بعدني مماخذه عليه رحت عليه
اكعدي شوفي اني اتريك بيضتين وكلاص حليب مااشرب جاي الصبح وبالغده مااكل هواي تمن او خبز تحطين الي دجاج او لحم مشوي وتسوين جاي  واروح انام من اكعد مسويه الي عصير فريش اني من محبين الفواكه كلش  وبالعشه اتعشه لبن وقبل ماانام تسوين الي عصير فريش افتهمتي
اي
شسوي اكل هسه
امي راح تجيب اكل اني هسه راح اتدرب عود حضري الحمام البس واطلع واذا اجت امي كولي راح يشتري حاجه هسه طلع شوكت متكلج كولي  هسه طلع
صار
اخذت نفس وبديت انظف هو صح كله نظيف بس شسوي ماعندي شي صار عندي اكل هوايه بالثلاجه وهيه مليانه فواكه اخذت موز وتفاح وكعدت اكل صار عندي فضول اشوفه شلون يتدرب رحت عل كيفي واباع من زرف الباب عليه شلون يرفع الحديد وبدا يتدرب عل ملاكمه يمه عيونه تجدح 🔥  اويلي هذا الواحد ميغلط وياه جسم يخبل اخذت نفسي ورحت احضر الحمام اله حطيت اله مناشف وهدوم داخليه  وطلعت رحت للغرفه مال نوم واعدل بيه فتحت البرده كلش حلوه الغرفه بديت افتح بالكنتور واشوف هدومه وشفت بدلته عسكريه الله يساعد الي يحقق وياه لو أني حتى لو ممسويه شي اعترف باوعت عل عطورها اشم بيهن وجان يدخل للغرفه عقد حواجبه  هو انت عايز بلا متعقد اني ميته خوف منك
هاي غرفه من اني بالبيت مدخليها افتهمتي
تخربطت اوضاعي كله وطلعت
گبر اي والله شنو ميته عليك طبعا 😁 هاي بگلبي  ههههه هذا مو صالح حتى اوگف وارادده هههعع
دخل للحمام وطلع بدل رواح
بگلبي الله وياك  رحت امتديت بالغرفه مالتي واذكر شريط حياتي تعيس ومن اوصل لحميد احس فد غصه بگلبي ودموعي تجري اله وگيفه وغفيت ماادري شكد ودك تليفون اباع ساعة 1ظهر يمه شكد نمت رحت عل تليفون شلته جانت امي تسال
ها ولج شصار
يمه شبيج شكو
وج احجي شسوه الج
انطاني اوامر وتعليمات طويله عريضه
وج مااجه يمج و
ودخل هو من بره من شافني اخابر انگلبت خلقته
يمه روحي هسه
سديت
هاي گضيتيه سوالف بالتليفون
ها لا هاي امي هسه دكت
باعي سوالفج عبريه عل غيري ترى اني اعرفج كلش زين تليفون ماكو  وراح شال الفيشه 
ظليت متبسمره مكاني هذا شبيه صدك مخبل
شو تباعين لازم معاجبج مدام اميره
نزلت عيوني وخفت لاتطور مشكله گتله هاهيه بعد مااشيل تليفون
اروح اجيب اكل من امي انت حضري الميز
صار
وطلع گبور اي والله وجنت مراضيه عل صالح والله ياالله طلع صالح نبي بالنسبه اله شوف غيري تعرف خيري
حضرت مواعين واجه وجه مگلوب هسه اني شسويت حتى  هيج يسوي
بديت اصب وهو بدل واجه بده ياكل حتى ميكلي اكلي ظليت واكفه انتظر الجاي حتى لايعصب عليه
تعاي اتسممي
كعدت واباع عل اكل وعليه شال عينه نزلت عيني راسنا
انطيج صورتي
هااا
شبيج انت ثوله لو غبيه
شكرا
شوفي لاطلعيني من طوري لاتسوين روحج مظلومه افتهمتي
ظليت ساكته شحجي وياه مخبل وانطوه وذبوا وحده عليه قابل شلون يعاملها مو  صوجه صوجي اني الي ضيعت روحي