رواية غيرة رجل الفصل الثالث 3 - بقلم *شغف الكتابة *

غيرة رجل
السادس عشر
من شفته تخربطت احوالي گلبي راد يوكف عبالك بس اني وياه بالقاعه كمت اتعثر لزكت بحميد عيونه عليه تجدح يمه هذا مين طلع راح للمنصه سلم عل صالح ورجع كعد عل ميز مقابيلنا حميد انتبه عليه گلي شبيج
مابيه شويه تعبانه
حقج من الصبح الى هسه ركض
طالعه تخبلين بالبدله
بالي مو يمه
اموره شبيج عبالك شفتي عزائيل
ها
لا انت مو طبيعيه
لا مابيه شي باوعت عليه شفت يباع عليه بنظره گلها حقد وغل وگام يمه عزا هذا جاي للميز مالتنه ردت اخرب من خوف رجلي متحملني اتقدم علينه وسلم وجهي صار نوميه
حميد كله اهلا وسهلا
شلونج خاله فهيمه
هلا عمر شلونك امك ليش مااجت
ماله واهس بحفلات
اندار عليه شلونج اميره
باوعت عليه مسوي سكسوكه لابس قاط اسود وكالب شعره
ظليت مااعرف ارد عليه
اهلا
هذا الي كدرت اكول اله شنو هاهي هيبه صافح لحميد وراح
ظل حميد يفرك باايده
عمه هذا شبيه جعص ايدي
منو هذا
صديق صالح
شكله مو طبيعي
فهيمه عوجت حلكه لا انت الطبيعي
خاله شبيه
يمه اني تعبت اريد ارجع
عيب هسه نطلع عيب من اخوج
حميد گوم
اي صار
كمنه نطلع وصلنا لسياره وكفت گتله نسيت جنطي هسه اجيبها
يلا ممستعجل اني
طبيت مره لخ اخذت الجنطه وشفته واگف بالباب مال طلعه وكفت هذا شجابه هنا شلون اطلع اوووف
اتقدمت عليه مريت منه كمش ايدي وعصرها وكلي هذا العفتيني علموده ميسوه شعره مني
عوفني فدوه
وج شلابسه انت گبر لفه الخطيبج مخليج عارضه جسمج للناس
عوفني
مكدرت انساج الإ اسويج خدامه الي
كولي عمر مكال
عوف ايدي لا الم عليك عالم
اكسر خشمج وشوفي
عاف ايدي
طلعت عل حميد ميته خوف وگتله كبل للبيت جنت ارجف
اموره شبيج
اريد انام تعبانه
رجعني حميد للبيت واني ميته بدمي راد يبقى وياي گتله فدوه مالي خلك
تعجب عليه وكال براحتج وطلع
ظليت بغرفتي واني مرعوبه واذكر تهديده الي وغفيت واني افكر بيه

لعيون سهرانين
غيرة رجل
السابع عشر
گعدت الصبح عل صياح فهيمه وج گومي راح يجون العرسان جسمي متكسر وراسي يوجعني لان نمت بلا ماافتح تسريحة مالتي گمت عل شغل انظف واشطف وفهيمه تسولف ويه جيرانه وبيبي تطبخ خطيه صارت 12 واجه صالح وزنوبا گلبي راد يطير من فرح بس خطيه شمسوي بيها صالح بيئه عبالك عند ساحة معركة ولازم ينتصر خطيه 
امي تهلهل وتشاور بيه بدت سوالف امي صعدوا العرسان واني كل شويه اذكر موقف البارحة وانرعب واگول بگلبي بس لا يسوي شي لحميد او يحجي شي يمس سمعتي بعد الحجي الي حجيته اله دك تليفون ركضت عليه جان حميد يطمئن عليه فدوه گلبه عبالي زعلان مني بس ابو گلب جبير واتفقنا نطلع نتعشى بره كيفت كلش وراها تغدينا وامي مبطلت كل شويه صاعده عل عرسان مدري شعدها  شنو تساعدهم
رحت نمت واذكر الموقف كلت النفسي اذا هو ضابط فااني اخوي هم ضابط بعد صالح صار بالجيب ويحميني ويحمي حميد وكل بيت عمي خلي يولي ابو سكسوكة
طلعنا اني وحميد وكلش تونسنا صدك سيارته عنجوقيه وكل شويه تعطل بس اني طايره بيه كان مشتري الي كلاده ذهب من نوع الي تنفتح وحاط صورته وصورتي تخبلت عليها وگال مااريد بعد تضوجيني البارحه ليل كله افكر ليش هيج صديتيني
والله جنت تعبانه
باس ايدي وكلي مبقى شي وترتاحين كل اني اساعدج بالشغل
هههه حبيبي الله يحفظك الي
اموره أريد اروح اوديج لصايغ حتى انقش حرف من اسمي عل حلقة مالتج وحرف من اسمج عل حلقه مالتي
باجر
ورها اوديج للزواء
والله صار شكد مرايحة الها
ونروح للمنصور  نتعشى فلافل هههه لان خلصت فلوسي
هههههه اي بس مو المنصور
ليش
هيج غير مكان
بكيفج حبي شتردين اني اسوي الج
تدرين صديقي راح يزوج قبلنا بيومين
اجي وياك
يا حفله ماولد شعندج ويانه
شعليه بيهم عليه بيك
مو وراها اصير وياج العمر كله
اووف شوكت
مستعجل الحلوو
اي وبگلبي بس اريد اخلص من عمر 
يلا كومي نرجع لبيتنا حتى شويه نتونس وتعوضيني عن بارحه
هههه يلا
وشبعنا ونسه بس بحدود ليروح بالكم لبعيد
ورجعت للبيت قريب 12يمه بس ليحس عليه صالح رحت گبل لغرفتي واني سرحانه بعالم الحب والحنان الي ماشفته بس ويه حميد
وكعدنا الصبح واجه عليه حميد بالتسعة واني هسه فاتحه عيوني فدوه يغني ههههه واكله عيب لايسمعك اخوي
اموره راح ادك وانت ركصي
ههههه ولك تريد اتبات بالسجن
اي بس ركصي الي
گوم اطلع اريد ابدل
بدلي مااباع
ولك گوم والله  صالح يطيح حظنا
يلا كل شويه ذكريني بااخوج
ورحنا عل صايغ وكتب حرف اول من اسمه عل حلقة مالتي  ونفس الشي هو
وطلعنا للزوراء وشبعنا ونسه وكل شويه نركض وركبني بالمرجوحه واخذنا النا كم بوسه هههه ميگعد راحه
حميد انسان كلشي اريحي وسبورت للهواء يضحك وكلشي اريده يسوي الي
ومدللني للاخير كانت ونسه من عمر
غيرة رجل
الجزء الثامن عشر
السلام عليكم اني عمر مواليد 75 طولي 185ضابط امن كل يشوفني يكول انت اكيد باامن لان ملامحي قاسيه ونظرتي حاده وسبب طفولتي والدي القاسي خلاني اكون انسان قاسي ماعندي رحمة حتى اختي مسكينه عانت هواي من القساوه والدي اتوفى بدايه سنه 88 وهو لواء عسكري مخضرم كلش حاد الطباع وقاسي وحياتنا كله مثل عسكر اني وامي واختي اليغلط يتعاقب ماكو اي رحمة بگلب والدي كلنا نكعد بالخمسه الفجر ويسوي النه تعداد امي مسكينه مااله اي دور والدي هو الي يدير حياتنا
كان والدي ابد ميعامل امي زين كله ضرب واهانه مع انوا هيه ربه بيت ممتازه وممقصره وياه بس هو شكوكي وميحب المره تجاوب ولاتطلع وتطب وتكون مطيعه كلش واي كلمة زايده تكون مجازاته العقاب الصارم
والدي كان من ياكل كلنا نوكف ومناكل وياه الى ان يكمل مرات يخليني اكل وياه بس امي واختي لا ابد
دائما ينصحني ان ابد مااكون سهل ويه العالم وبااخص نسوان وكلهم خائنات ومره التبجي هاي كذابه ودموعها دموع التماسيح
من اتوفى والدي امي ابد مبجت عليه حتى اختي بس اني حسيت بفراغ وبالوحده طبعا نسيت اكلكم عندي اخ بس هذا كلش محضوظ لان ماعاش ويه والدي هواي لهذا طلع غير اني واختي عل طول مرح ويضحك وماخذ الدنيا كلها لعب بالعب عكسي تمام
احنه عائله ممتمكنه ماديا وبيتنا بالمنصور كبير كان والدي باني مشتمل بالحديقة  مالتنه يكعد بيه
كبرت وصرت واخذت طباع والدي لهذا امي خلتني اعيش بالمشتمل لان متريد واحد لاخ مثل والدي
طبعا عندي صديق واحد اسمه صالح انسان مغرور واناني بس اني مكدرت اصادق غيره هو غير اخلاقي متحرر كلش ويكون بااسبوع عده علاقات وبيوم غاب عن شغل بدون سبب من سالت عرفت ان مضروب براسه
من اجه حجى الي عل صار شلون هد عل بيت عم اخته واخته ضربته
صراحة اني گلت هاي شلون وحده عرمه  تضرب اخوه وتطلع دمه وره كم يوم اجاني صالح وكلي اريدك تخطب اختي
اني تفاجات ممعقوله واحد يدلل بااخته گلي تعال شوفها اذا متفيدك عؤفها ويه نفسي كلت اروح اشوفه مو حتى اخطبه لا بس حتى  اشوف شنو من مره الي تضرب رجال واخوه يشكي منه ورحت عليه وتفاجات بيه صغيره بالعمر ووگعت روحه عليه وسوت روحها عميه عجبتني كلش روحه مرحه كلت هاي البنيه بلكي تغير طباعي ورجعت خطبتها بس هيه ابد متنطي الي مجال وكلش متحرره لبسه قصير وضيق حاولت اوضح اله بس كنت قاسي وياها طبعا لان اني مااعرف بس قساوه رغم اني ردت اكون وياها لطيف بس ينراد الي وكت
حاولت اتقرب الها بس كانت تصدني صح اني محد كايل الي لا والي اريده اخذه بس احترمت مشاعرها وكلت حقها من نعقد عود اتقرب الها
بس هيه دزت عليه كالت ان هيه عدها علاقه ويه ابن عمها وحبت تصراحني
بصراحة  تفاجئت بجرأتها طبعا مكدرت اكمل وياها وطلعت من حياتها واترجتني مااكول لااخوها
بس اني ابد منسيتها ظلت بالي مااعرف هو حب لو تملك لو لان رفضتني مرتين واريد ارجع اعتباري واذلها مكنت اعرف بالضبط مشاعري شنو
وراها صالح ازوج وعزمني ردت اتعذر بس ردت اشوفها
ورحت واشوفها ويه واحد مدري شلونه حتى ملايك الها
ولابسه بدله مفضوحه حسيت بالحراره ردت اروح واجره من شعره واسترها
بس بصفتي شنو
رحت سلمت عليهم كان سلامها بارد
وخطيبها صافحته شنو هذا بكفخة يموت
ردت احجي وياها بس هيه طلعت ورجعت وكفت يم باب طلعه ردت اگلها احبج بس شفت بعيونه خوف ورعب كتله كلام  قاسي لان متحملت ان هيه ويه غير رجال هددته وعافتني وطلعت

شنو رأيكم بشخصيه البطل
تحياتي الكم
غيرة رجل
تاسع عشر()
وبدت فهيمه ام مشاكل متخلي زنوبا بحالها ولاتعف عنها من توكف تغسل مواعين تطلع الها من كاونتر حتى تظل تغسل وزنوبا ساكته خطيه متحجي اني شكد احجي ويه امي ميفيد قافله عل بنيه وكل شويه تكول لاتروح تحط النه بااكل شي اني اعرفها بت ام سحوره وزنوبا حتى متشكي لصالح لان هيه مسبقا تعرف امي راح تبهذله
واجه صالح  وكال عمر عازمنا بمطعم يمهم بالمنصور بمناسبه زواجي
اني حسيت واحد كفخني امي كالت شوكت كله باجر وعيب يمه منروح لان احنه ترى مقصرين بحقه الولد ويباع عليه
شلون ورطه ويه لزكه عمر اووف لو يموت مااروح طفرت عل تليفون اريد احاجي حميد طلعت امه  وكالت حميد راح للنجف ويه عمج عدهم كم شغله يكملوها ويومين ويرجع
سديت تليفون بلا هذا ليش مكلي سوينه عشه اني وزنوبا وتعشينا وجان صالح كل شويه يوكل زنوبا وامي معاجبه الوضع وتعوج بحلكه
سوته رجال محبس باايدها خلي يصطبرون الي الا ابطل عملهم اني جنت بالي يم طلع مال باجر
صالح گال اروح انام تعبان وجر زنوبا وياه طبعا امي ميصرف الها الوضع راسا كالت تعاي غسلي مواعين وروحي
يمه عوفيها اني اغسلها
لا هيه تغسلها
عاد صالح گال يمه اسكتي اني اغسلها هههههه وشمر ايده ديغسل گتله صالح  روح اني اغسلها
ظلت امي تدعي عل سعديه ليش هيج غيرت ابنها
يمه عوفي العالم حرام عليج
وصار الصبح وكعدنا نتريك وخطيه زنوبا امي هجمت عليها من الصبح وخلته تشطف السطح وتعزل المخزن
نزلت زنوبا تعبانه وهلكانه وامي متعوفها
يمه لخاطر الله جوزي عنها
لج معليج
يمه عندي موضوع وياج
خير
اني مااجي وياكم للعزيمه
ليش
يمه اني شكو رايحه اظل يم بيبي
لج اخوج ميقبل
صعدت لغرفتي وعفت امي تعذب بزنوبا لان اني مليت
كلت والله هذا مراح يجيبها للبر خلي اكون قويه گدامه ويعرف اني مخايفه منه صح اني رفضته مرتين وجرحته بس اذا ظل يلح مااسكت اله وصار العصر دخلت للحمام وسبحت ومن طلعت شسورت شعري وسويته تسريحه بسيطه وخليت مكياج طوخ وفتحت الكنتور وظليت اكلب بالهدوم ردت كوستم ضيق وقصير وجذاب آني  الك سيد عمر الإ اخبلك
اذكرت كوستم مالتي احمر الي قطعت بيه مهر كان مقسم وتنورة للرگبه وفتحه مالتها صفح وطلعته الكوستم واگول ويه نفسي هيه الحرب ياعمر
واجت امي عليه وشافتني
هاي شمسويه بروحج
شبيه
تخبلين
وج صالح خاف يحجي
لا ميحجي
ونزلت وشافتني زنوبا وج اميره صخام عليج عبالك انت العروس مو اني
واجه صالح وطلعنا ورحنا للمطعم
كان حلو وهادئ  من دخلنا حسيت گلبي وجعني بس گلت لا ادوسه گلبي اذا خاف وشفته هو گاعد وامه واخته وياهم شاب لاخ معرفت منو من شافني ظل صافن عليه ويباع عليه من فوك ليجوه هلمره كنت ابادله نظرات ومنزلت راسي وسلمت عل امه واخته وشاب طلع اخوه احمد بس شنو غير اخوه وجه بشوش وحلو مديت ايدي وسلمت عل احمد
احمد ظل صافن عليه ورجعت سلمت عليه ومديت ايدي جانت عيون نار وملامحه تخوف كمش ايدي وعصره حيل وعافها كعدت يم زنوبا وهو گبالي يلعب بحنجه واخوه اخذ راحته ويضحك  وينكت واني ابادله الضحكة حسيته راح يطك اني صح بداخلي مرعوبه بس مخليت احد يحس واهنا اندمجت بسوالف ويه زنوبا
وج هذا راح ياكلج
اسكتي
وج شنو هذا راح ينفجر
طبه مرض
هو ليش هيج يباع عليج
مخبل ومريض
وج ميت مره فتح الستره وسدها
اهنا گمت اضحك بصوت
اخوه لعمر گلي حرامات انت مخطوبه هههه
حسيت انطيته درس لعمر عمره ✋  مراح ينساه
وطبعا بدت الحرب مالته وياي

غيرة رجل
الجزء العشرون 
معقوله تتحداني اني عمر ضابط مالي هدومي تتحداني بنيه عمرها 17سنة ظليت اروح واجي وبكلبي غصه اخ لوما اخوها صديقي لا البسه قضيه متطلع منها اكيد هيه تعرف ظهرها قوي والإ ماكانت تتحداني نشوف ست اميره شلون مااجيب خشمج للگاع وادوسه
ليش هيج كل لي ردته هو قربج وانت تلعبين عل اعصابي اني نسوان كومة عايف تجي وحده زعطوطه تتحداني
زين واني قبلت التحدي ونشوف منو راح يربح وظليت ليل كله اشرب واني افكر بيها اخ لو هسه يمي شااسوي بيج

رجعنا للبيت واني خوفي زاد منه حسيت بيه شكد حقد عليه يمكن بديت حرب اني مو گدها
اوففف حميد كله صوجك لو انت هنا اني مااروح وياهم عل اقل اتحجج بيك نمت واني صورته گبالي حفظت شكله ونظراته
شبيه ياربي هذا مين طلعلي
وظل عل زواجي بس اسبوعين ومن رجع حميد صدك تعاركت وياه  لان عافني حسيت بروحي وحيده طبعا بهاي فتره امي مجازت عن زنوبا
الى ان فد يوم گتله انت لازم تكولين لصالح لان هو يكدر يوقف بوجه امي ترى مترحم بحالج گالت شيسوي الي قابل يطلعني بيت وحد
وج يا بيت وج هذا بيتج هذا بيت صالح  وفهيمه خطار عندج
هيه فتحت حلكها صدك
اي
اروح انام باجر نروح نستلم كتب زين مو تنسين
ونمت وكعدت عل صوت عياط امي فزيت ياربي هاي شبيها من الصبح الما نزلت والكه زنوبا بالگاع وفهيمه كافشته من راسها وتسحل بيها
ركضت عليهم
يمه عوفيه لبنيه
وج تكول بيت رجلي
اليوم متبات اهنا
يمه راح تموتيها عوفيها والله راح تموت بت العالم الما خلصته من ايده گوه وگتله روحي لاهلج زين
طلعت من البيت بلا ربطه مثل مخبله
وراحت البيت اهلها
وظلت فهيمه تفشر وتعد عل بيت عمي
خليت وبدلت ورحت للمدرسه وحدي استلم كتب الي امري الله هاي امي متنعدل ابد ظليت الطريق كله اسولف ويه روحي حسيت اكو سياره ورايه واندريت وشفت اولدز بيضه ونزل منها عمر واجه عليه يمه هذا شجابه
صباح الخير
صباح الخير 
ممكن اوصلج
لا
كملت مشي ظل ورايه يمشي وكفت وانداريت عليه شتريد مني لخاطر الله
احجي وياج
اني هسه بذمته رجال
بس كلمتين
شوف والله الم العالم عليك
شوفي تصعدين ويايه احسن الج ترى تعرفين شااسوي
وكفت احجي اسمعك
مو هنا
عزا وين
تعاي  وياي
انت اكيد بيك شي
ربع ساعة بس
توعدني بعدها مااشوفك
لا راح تشوفيني حتى بااحلامج
الآ اكول صالح عليك تتحارش بيه واخليه يوكف عند حدك
خوفتيني
يلا امشي وياي
رحت وياه وكلبي يوجعني وصلنا لسياره وصعدت ليگدام وگلي خوف
وصعد وحرك سياره اندار عليه  وگال شوفي اني شگد ردت اطلعج من عقلي مطلعتي مااعرف شااكول الج بس اني كلش تعلقت بيج واريدج الي
ترى انت بيك شي اني راح ازوج بعد عشر ايام
بطلي
ليش ابن عمي واريده
احبج مستعد اتغير علمودج
ظليت ساكته مااعرف  شااكول اله صدك فاجئني
ليش ساكته احجي
بس اني احب ابن عمي
انطيني فرصة اتقرب الج واني متاكد ان راح تنسين ابن عمج
شوف عمر اني اابن عمي من فتحت عيني واني احبه مصدكت صالح اقتنع حتى نزوج
اجلي العرس شهر بس
حسيت نفسي گدام واحد مريض مديفهم اني رافضته بس شلون اكوله اله خفت منه ليروح تكون رده  فعله عنيفه
ممكن انزل
منطيتي الي جواب
اني مااكدر اوعدك بشي اريد انزل اني اذا اوعدك بشي تعتبر خيانه لخطيبي
رجاءا قدر موقفي نزلني
وكف السياره ونزلت منه واني ممصدك عافني