غيرت قدري الفصل التاسع 9 - بقلم ورد العامري

#غيرت قدري

الجزءالرابع والعشرون

ل ورد العامري

كافي ياكلب اسكت ولك بس

اذيتك منهم وتحن ولك بس

كم احو اصيحن وانت ماكلت بس

صكر :ضليت بغرفتي مااريد اشوف احد شجابني ع هل درب اني شفزز البين عضاي وهو مايوم فز تريد تعشك يخايب انت ماعشكت ولاحبيت وغدروك انوب تعشك خايب يكلبي مااريد اشوفها ولااريد اسمع احد نادوني كلتلهم تعبان مريض محموم بموت لاتنادوني ماريد شي صعدتلي امي الغده

ام صكر: صكر يمه لاتضل هيج تشك بالهوه الي يمر

ماجاوبتها عافتني ونزلت وانا ضليت النهار كله بغرفتي صدك احس روحي تعبان

فاطمه: اتختل اتختل حته لااشوفه تالي كالو مريض نايم ومانزل النهار كله

صكر :صبح صباح الله وانا حاط ايدي ع راسي وكاعد كلشي صار وياي مر عليه من جديد قررت مالي شغل بيها واذا شفتها بصوب اروح لغير صوب نزلت ميت جوع تريكت وطلعت للبستان الذبانه اذا فاتت من يمي اتعارك

فاطمه: خالتي اخذتني للولايه شكد حلو سوكهم بس بعيد اخذتلي فستان قصير لجوه اركبي وتسوكت وافترينه وردينه من وصلنه للبيت تلكانه صكر وجهه مبين عليه الغضب سلم ع خالتي وخزرني ومشه خايب صير هوه الي ضايج جان يوم ثلاثاء لكينه امي ومرت عمي جبر كاعدين وامي ضحكتها متر صعدت فوك اذب غراضي وعباتي وطلعت صار بوجهي صكر لاهوه اهتملي ولاانه خلص اليوم بين شغل وسوالف مصباح ثاني يوم نزلت وسمعت امي تكول لخالتي اخطبوني وينتضرون ابوي ماعرف ليش تكدر خاطري يعني حته رايي ماالي ينتضرون ابوي ويحددون كل شي التهيت بشغل واحس اشتغل بحركه بس اريد ابجي ع حضي ومن الصبح ماكاعده لوره الغده صعدت لغرفه زينب انام وزينب ضلت جوه ايحفولها اليوم اربعاءيادوب يجهزونها فتحت شعري وافتح بضفيره بعت وكااني اطلع حركتي بيه انفتحت الباب فتحه قويه

صكر: كملنه الغده والوادم تسهلت كل واحد خذه مرته وراح لغرفته والنسوان التمن بغرفه كاعدين انا وابوي بديوانيه ودخلت امي يمنه

ام صكر: مساكم الله بالخير/هلامساج الله بنور ها يم صكر جهزت البت تره عازمين الوادم اريد تبيضون وجوهنه لاتقصرين وبه الوادم /لايضل فكرك ياابو صكر خصوصا ان العروس راح يصيرن عروستين/ها منو عروستين/فطيمه بن اخوك علي حجت بيها ام رزاق مرت عمي جبر وينتضرون ابوها حته ايخطبون/ماشاءالله الله يديم لاافراح ويستر ع بنياتنه ماضل شي باجر يجي علي

امي حجت واني نار سعرت بصدري شمالك يصكر موكلت ماتهمني شجاك استئذن منكم /هاا وين/تعبان بويه اصعد ارتاح طلعت من الديوانيه رحت للمطبخ كاعده ام صادق وزينب زينب تعالي يخوج /نعم/ فطيمه وين /فطيمه صعدت تنام ليش خويه رايد شي/لالا مااريد صعدت اركض اريد الزمها شلون تزوج شعليك منها صكر لاعلي وعلي ونص هم فتحت الباب كمزت من مكانها ناثره شعرها نثر ها ياعروس كاعده تتمرين بروحج فرحانه بالعريس

فاطمه: صكرالله يخليك اتركني لحالي /تعرفين اذا وافقتي قسما بالله اذبحج فاهمه ولا لا عفتها وطلعت شنو هل حيره لاانا الي كادر ابعد ولاكادر اتقرب

فاطمه: لان ينتضرون رئي وبعدين انت شعليك صدك غثيث اذبحج يييي كمت اعيب عليه وحطيت راسي ونمت ككعدت العصر لكيتهم ملتمين وسوالف والتهينه بالعشه وصعدنه انا وزينب الي طايره من الفرح باجر يجي احمد نمت وانا مهمومه اخاف ابوي يوافق واعوف مدرستي وصديقاتي شبلاها امي تريد تخلص مني كعدت زينب تندهني نزلنه وشغل وركض طبو اهلي ساعه 10الصبح وامي ماتحملت تصبر خذت ابوي غادي وماعرف شتحجي رحت اساعدهم وصبينه الغده وجو بيت عمي جبر واناادعي كون ماايوافق ابوي اللزلم التمو بديوانيه الخارجيه وممنوع احد يطلع

صكر: لاصكر ماعليك خلها تزوج واله تحترك شعليك انت شعليك عساها بكبور تلفها شعلي بيها طبو بيت جبر وانا مقرر ماعلي بيها

عم جبر: الله بالخير يربع عدنه طلب يمكم وجايين عليه نتفق عليه وان شاءالله نتعنه بمشيه ثانيه ع روسنه نوصل

الجميع :سالم راسك يابو رزاق كول

عم جبر: والله ياشيخ انا اليوم جاي عليك وعله اخوي ابو حسن اطلب كريمتكم لاابني رزاق وان شاءالله ماتردوني

ابوحسن: ياخوي ياابو رزاق ونعم منك البت بتك وكب...... /لا صوت لا رج الديوان رج وسكت ابوفاطمه

#غيرت قدري

الجزءالخامس والعشرون

ل ورد العامري

الكل متفاجئ وعيونهم ع الي صرخ لا وماخله ابوفاطمه يكمل كلامه

ابوصكر: شبلاك بويه صكر

صكر: عمي من بعداذن ابوي /مأذون يبوك/ بنت عمي انا اوله بيها واريدها تكون حليلتي ع سنه الله ورسوله

ابو رزاق: بس يبوك احنا من جينه كالو البت محد حاجي بيها ولوجنت اعرف الك نفس بيها مانجي

ابوصكر: لايخوي جيتك ع عين وراس والقرار الاول والاخير لاابوها

ابوحسن: والله ثنينكم ولدي وانا ماعرف شكول

احمد :بويه صكر جبير ع فاطمه وعسر طبعه

ابوصكر: هاا يااحمد يبوك اذا كان عندك راي كوله كدام الحاضرين ليش تهمس لاابوك

احمد :لاعمي السموحه منك بس انااكول صكر شيخ الشباب وزينتهم ورزاق شيخ الشباب والاثنين ماعليهم زود من خيره الشبان بس خيتي لساها صغيره هذا الي كلته لاابوي

صكر: عمي ماسمعنه ردك /والله يبوك مثل مكال اخيك لبت صغيره ومددلله عدنه كلنه موحمل مسؤليه وزواج السموحه منكم

صكر: عمي كدام الحاضرين وبشهودهم شهدو يالربع بت عمي علي انا ناهي عليها وان صارت لغيري مابيني وبينه غير الدم نفضت عباتي وطلعت من الديوان وصويخهم وراي ماشي يافطيم ياتكونين الي ياماتكونين لغيري

عم جبر: السموحه ياشيخ احنا نرفع الزحمه كوم يبوك

احمد: راحو بيت جبر بعد ماسلمو وطلعو بويه فاطمه ماتكدر ع صكر صكر عسر وهيه بزور عمي لاتزعل مني بس هذي خيتي ووحيدتنه

فاطمه :كاعده يم امي الي فرحانه هيه وام رزاق ينتضرون يقرون لفاتحه حته من غير رائي ومن حجيت امي ضربتني تكول ماكو بت الها رائي امشي خلصيني واح تعنسين واضلين ع كلبي واني ادعي ابويه مايوافق ومايطيني طب هادي ابن عمي جبر يمه يمه/فوت يمه ماكو غريب كلهن خياتك

السلام عليكم /وعليكم السلام

حجيه ام رزاق عمي بره ينتضرج /ها اشصار يمه ماقرو الفاتحه /لالاحجيه بس همي لان عمي ينتضرج

ام فاطمه: ليش شصار يمه هادي

هادي: مالهم قسمه عدنه خالتي/ها ليش يمه موكدالمقام /لاحجيه ام رزاق محشومه بس صكر نهه ع فاطمه

فاطمه: فرحت ابويه مطاني واجاني خبر مثل الصاعقه شنهو صكر صخام عزه العزاج يفاطمه

طلعت ام رزاق وامي وخالتي وحده صافنه بوجهه الخ

ام صكر: يمه هادي شنهو صار تعال فهمني /يمه شفهمج صكر كال ناهيي عليها واذا صارت لغيري مابيني وبينه غيرالدم/خايب وليش نهه ليش ماطلبها ياام صكر شنهو القصه /هادي خطب بس وره محجه ابورزاق وعمي كال لسه بزر البت صكر نهه عليهه وطلع

ام صكر: اركض يمه شوف اخوك وين اركض

ام فاطمه: لايوخيتي شبلاه صكر فاطمه صغيره عليه وهو طبعه عسر وبنيتي اعرفها مدمغه مايتوالمون/مناهل اكبر منها احسن واذا عله طبعه فطيمه شاطره لاتخافين عليها صار 8سنينن وهوه مجافي بنات حوه ومن جت فاطمه كدرتله شبيج يعيون خالتج يمه وجهج اصفر شبلاج انا موكتلج رجعته ع ايدج /ماريد خاله ابوس ايدج ماريد مااكدر والله اخاف منه ارعب شلون اصيراله /لاييمه لاتخافين صكر عسر اي بس كلبه ابيض وشوي شوي تتعلمين عليه

احمد: يله يمه امشينه/خيريمه شصار بعد /فطيمه ليش تبجين كومي يخوج لوتنكلب الدنيه ماينول شعره منج /ام صكر: شهل حجي يمه احمد استهدي برحمان

ابو صكر وابو حسن: احمد كافي اعقل يبوك /اني الي اعقل لوابنكم هذا السواه موخبال يله فطيمه كومي امشينه

ام صكر: خاله شسالفه استهدي برحمان واكعد خل نتفاهم وباجر العقد مالتك ييمه/مااريد بتكم عدكم وبتنه عدنه وها يازينب اني ناهي عليج ومااريدج بس مثل مااخوج كسر خيتي اكسرج

ابو حسن: احمد اوكف حدك عاد واستحي محاطلي حشيمه واني كدامك /لابويه حشيمتك وقدرك ع راس بس/بلابس اسكت وكف عله الي عندك /ابوصكر تعال يخوي اكعد اكعد بويه احمد الي صار مالازم ايصير حقك بس اهو تصرف هيج حته لاتروح لغيره وهوه رايدها

ابو فاطمه: ياخوي هوه لو طالبها قبل جان كتله ازفها الك بيدي بس خطوبته بديوان من اجاها نصيب وانوب ينهي عليها هذا مايصير

ابو صكر :حقك وها انا بكبرتي احب راسك /لالامحشوم يخوي /بويه احمد البت بتنه ولولد ولدنه بس هذا مايخليك تخلي زينب بنص يبوك /عمي اني ماكنت قادر انهي ع زينب بس اجيت اخطب وكلت اسئلوها اذا اله خاطر احطها ع راسي واذاماقبلت مسهله صح يخالتي ولا لا

ابوصكر : اسمعني بويه باجراتم شغلتكم وانا بنفسي اتعنه لبغداد وياي الربع نخطبها منكم شتامر بعد/مايؤمر عليك ضالم يعمي بس فاطمه كل عمرها 14وصكر عمره31اكبر منها ب16سنه /ابوفاطمه;:احمد سد ع ماعندك خويه ابوصكر البت بنتكم شوكت ماتردون كبعها واخذها بعبايتها /وهذا العشم بيك يخوي