غيرت قدري الفصل الثامن 8 - بقلم ورد العامري

الجزءالواحد والعشرون

ل وردالعامري

فاطمه طلعت اني ومرت اخوي حسين شغلت التنور وشنكت ده اخبز وطلعن امي ومرت عمها يمنه يسولفن واني اخبز ومرت احسين اطلع الخبز خلصتلي سفطه خبز وفوغرت روحي حاره الدنيه والتنور ايوج ناربس خلصت صعدت حته اسبح دخلت اخذ هدوم من غرفه زينب كالت ذبي ربطتج وجهج طماطه صاير ذبيتها وطلعت اروح للحمام وماحسيت اله انسحلت من شعري

صكر: كالت امي راح ايخبزون اطيتها لمفتاح وكعدت بديوانيه فوتت شوي وقت وطلعت مثل كل مره اشوف شيسون اعرف اختي زينب تخبز بس الحرص واجب انداريت من ضهر لبستان اني مسيجها كلها البستان صغير ومسوي للبيت يخبزن بيه يسكفن وهم بيه كم شجره شفت رزاق ابن عم ابوي جبر ايباوع بالبستان درت راسي شفت فطيمه كباله تخبز رزاق شعندك هنا/هلابخوي صكر شلونك والله مريت وشفت امي واكفه كلت اناديها/ومتعرف ادزاحد ع امك ماتشوف البنوات يخبزن/ها لابالله ماانتبهت السموحه يخوك من رخصتك ادخل وادز احد ع امي ع كولتك

صكر ;تعده عني واني نار تعرض نفسها حته ايشوفها اخ ياصكر شلون تنسه وترد اتامن للحيايه شلون رجعت للبيت ارجوع فتت وره البيت ماكو بس مرت حسين تلم الخبز رحت للمطبخ شفت اختي ام صادق سئلتها كالت صعدت تسبح ليش محتاج شي عفتها وركضت ع درج هستوها ده تعدي من كدام غرفه زينب سحلتها من شعرها وطببتها لغرفه زينب

زينب: خير خير يخوي شبيك

فاطمه: اييي هدشعري

صكر: زينب اطلعي بره بسسسسرعه اششششش صوتج مااسمعه/هد شعرري /زينب شكللت صحت بيها طلعت تركض/لاياحقيره ياعاهر تعرضين نفسج حته ايشوفج/اهئ اهئ اه شعري صكر شبيك لج يمه/اشششش صوتج مااسمعه لويت حلكها حيل وهيه تصارخ جوه ايدي وشعرها ملفوف ع ايدي لثانيه ليش بس كوليلي ليش هل رخص عبالي ادميه وكلت صغيره اربيها ع ايدي نسيت فرخ العكرب سمه يكتل من صغره النجاسه بدم /لازم شعري ايجربيه وسادحلكي عيونه غضب ناربيهن ويباوع علي ويهز براسي هزاختنكت وماعرف شيحجي طبت خالتي بالكوه جرتني من ايده

ام صكر: وك تخبلت شمالك ويه البت

صكر: هذا لبيت مادام اني بيه محداينكسه بنت اختج واكفه تستعرض لرزاق ابن جبر

فاطمه: خالتي مختلتني بضهرها خاله والله مسويت شي والله /اعرف يمه اعرف اكعدي هنا تعال صكير وياي امش

صكر: امي دفعتني ادفع وطلعتني /شبيك وي البت شمالك عليها/بت اختج ممتربايه ربيها لااذبحها واطم عارها /خايب امهه طلعتها تخبز هيه ماتعرف ولاتدري رزاق ابن جبر امه رايدتها وهوه رايدايشوفها اتفقن جدامي وخالتك كالتلها طلعي خبزي حته ايشوفها /واختج ماعدها ناموس مطلعه بتها تعرضها/لاتتماده صكر لاتغلط هذا حق الله الرجل طالب الحلال ومن حقه يشوف البت وبعدين ياابن بطني شضارك بهل شي /ماضارني ماضارني شي شعلي انه بس مااقبل بهل شي ابيتي /صكر يمه لاتخيط وتفصل وتلبس بهواك الدنيه تمشي مثل القطار مايوكف ع راكب اختار انه ينزل ويوكف بمحطه وحده مايغيرها /حجت امي وطلعت صح ماتوكف ع احد ماتوكف

فاطمه :ضليت بحضن زينب ماقبلت انادي امي وهيه تمسح دموعي مااعرف ليش ضربني ماسويت شي طبت خالتي فاتحهه ايدها ثنينهن شمرت روحي بحضنها وابجي خاله مسويت شي والله مسويت شي /اعرف يعيون خالتج لاتبجين كسرتي كلبي كومي يمه زينب نزلي اريد فطيمه بكلمه ولاتخلين احديصعدوالي يسئل كوليله امي تسبح وبذات خالتج /لاخاله اريدامي /ها فطيمه انا موامج تعاي حبيبه تعاي كعدي هنااريد احجي وياج سمعي يمه الي راح اكوله الج موكثير الي يعرفوه واريدايضل سر تضميه بكلبج وتقفليه ومايطلع لااحد

الجزء الثاني والعشرون

ل وردالعامري

ام صكر: يمه الي صار بصكر خلاه مايثق بكل مره هل صكر التشوفينه دارس قانون بس للمرحه الثانيه وصار عليه الي صار وترك كلشي يمه من نجح صكر من السادس الولايه كلها فرحت بيه ابن الشيخ وبذاك زمانه الي ياخذشهاده محوالاميه هذا شي صار سواله عمج ذيج الليله وذبج ذبايح وعزم العرب كلها واحد من الفلاليح كال بنتي هديه لاابن الشيخ صكر عمج قبل الهديه بس صكر شرط ان البت تطلع من بيت اهلها بعرس حالها حال البنوات لان الهديه يجيبوها اهلها احناخفنه الله وهذا عين الكلاده ابنه الجبير واول فرحتنه رحنه وخطبناها حسب الاصول وجهزناهااحسن جهاز وعرسهم العربان صوبنه وذاك لصوب تحجي بيه جان عمره عمت عيني 19سنه من تزوجها طبت البت عدنه وصارت حالها حال بناتنه وصكر يخاف عليها من الهوه خلصت العطله وهوه اله شهرين مزوج راح لبغداد حته يدرس ويجينه بالعطل حامل ومحمل لزوجته ولخياته ومن يوصل ايلمهن كلهن وياخذهن ذاك الصوب للبساتين وله ياخذهن زياره يكول حته تتوسع صدورهن لايضلن مكتومات بااربع حياطين الناس كامت تنشد عله طفل صار ولاماصار عدت فتره زواجهم3 شهور وحبلت البت وشايليها مثل الماي بالصينيه وصكر يجي كل اجازه مسويها يادهينه لاتنكتين والله ولدت ذاك الولدجنه فلعه الكمر سماه ع اسم ابوه والبيت كله صايح يامجبل ويامجبل انخاف عليه من رشه المي اول حفيد النه وعندج الحساب وكل اخوته لصكر جانو يتمنوله الرضا لان هوه جان اخ وصديق للكل ايييي ييمه الولد كام يتخطه وصكر صار سنه ثانيه وها قربت نهايه السنه للامتحانات وخذت وليدها وكالت اسير ع اهلي صكر يجي باجر وارد احفن واتزهب روحي يمه شوفي اهلج وكملي الي ترديه راحت البت وللمغرب انخبص السلف وجانه طارش الولد وكع بسد السد هيج غاد عنه تسودنه شوداه للوليد محدايعرف وهي كالت برجعه سرح من ايدها وضاع وضلت تدور عليه لحد مااسمعت انه غركان بالبدايه ماانكر تخبلنه عليها وليدنه هذا تالي تدخلت ناس ع عمج وصكر وكالو قضاء وقدر واستسلمنه لحكمه ربج وكلنه العوض من الله وراحت ايام وجت ايام وصكر صار مرحله ثالثه وكلها ايام وتبدي امتحاناته متعلمين عليه يجي ايام العطل بذاك اليوم اجه ومامتوقعين جيته نشدنه ع ابتهال كناله مسيره عنداهلها كال امر اسلم ع اهلها واجيبها واجي اهلها بينه وبينهم مسافه كم بستان اطبين بالبزل وتعدين عليهم ملاكيه عمج قاسم وماشين صكر لامح مره ورجال يتلفتون ويتخطفون بسرعه المره ملفله وجهه بعباتها ولرجل ملثم بيشماغه منبه عمج قاسم ولاابدين يراقبوهم شايفيهم يتسحبون لحد مافايتين بغرفه بالبستان مال بيت سلمان هذا بستانه قريب ع بيت اهلها تعديه وتعدين بستان بيت فليح يشتغل بيه ابوها ووره البستان بيت اهلها وهل غرفه كلهه العربان تعرف لااستراحه الفلح مااطبها مره عمج قاسم كايل هذي اكيد من الي ماينذكر طاريهن منتضرين شوي وعابرين اهوه وعمج مندارين عليهم حته يطلعوهم عيب بين العربان هيج شي ايصير واحنا ناس تعرف ناس اخخ يابعد خالتج صبريلي يمه اجرالنفس من اتذكر هل سالفه كلبي ينخمش

#غيرت قدري

الجزءالثالث والعشرون

ل وردالعامري

ام صكر: داخلين عليهم عمج وصكر بوضع الله يستر ع بنياتنه ويشوفلج صكر الي يريد يفضحهم وطاب بحيل صدر عليهم ابتهال زوجته ويه الفلاح الي يشتغل بكاع بيت سلمان غاير عليهه وعمج قاسم لاازم الوياها مزوعيهم العافيه وعمج لاحك ع بت بااخرانفاسها باعد صكر عنها ومطلعه وهوه بحاله هستريه وواكع من طوله قافل لغرفه عمج عليهم وراكض ع عمج مجبل ودازين ع اهلهل واهل لوياها وبعد ما مخلصين عليهم معترفين وطلعه ييمه مواليوم من زمان عاشكته وعاشكهه وابوها ناطيها هديه لصكر وفارض عليها الزواج ومن يوم الماخذه صكر اهي تمنع حبلها يمه وكم مره مسيره لهلها شايفته وشايفها وراده بينهم العلاقه بس هل مره موكد الكلمه والغمزه من جانت تجيب الاكل لاابوها بالبستان لا لاعب بعكلها وصاير الصاربينهم وبعدها البت حبلت ومن مات البزر جانت تلتكي ويه ابن الحرام غاد السد لان محديوصل لغاد بس من ميت الولد مكادره تروح لغادي وماينعرف يخالتج الولد وليد صكير واله اخخخ يمج ظمينه السالفه حته لايعيرون صكر العربان وهيه والي وياها كتلوهم واهلهم رحلو عن الديره ونسدت هل قصه وصار سنين يخالتج من92واحنا هسه 99ومن يومها صكر موذاك لااولي صار ايشك بي انه وانه امه وحرم ع روحه جنس حوه كله لاتزعلين منه يابنيتي وسولفتلج هل سالفه لان حاسه رجعت صكر الاولي ع ايدج ييمه

فاطمه: خالتي تحجي وانه مصدومه اذكر ابتهال اني وصدك فااجئه اختفت بس محد ايعرف وين اختفت كل الي عرفناه تخبلت وره ابنها واهلها خذوها وراحولغيرديره خاله مفهمت شنو ع ايدي واله اكولج اني كل الي حجيتيهه ممستوعبته

ام صكر: لاتنسين يمه الي حجيته ايضل وياج للموت وماينفضح بس اهل هل بيت يعرفون وموكلهم امج وابوج وعمج قاسم وخوان صكر يدرون مرت عمج قاسم ماتعرف مايطلع منج هل حجي يمه لاتخليني اتندم سريتج

فاطمه :لاخاله مااحجي لو ع كص ركبتي

ام صكر :كومي يمه ننزل لايفكدنه احد هسه راح يصبون الغده