تحميل رواية جمعتنا فرصة عمل الجزء الثاني بقلم تقي محمد pdf

مرة سنه وفي السنه دي كان عرس رائد وسحر طبعا كان في السعوديه ياخ فرحت ليهم فرح وكمان في السنه دي مجاهد ولد خالتي إتقدم لي مزن أختي وزاهر اخو زهره خطب ريم صحبتي كنت قاعده واقلب في صور ريم حقت الخطوبه المرسلاهم لي فجأة حسيت بزول بسحب مني التلفون عاينت لقيتو إيهاب قال لي إنتي ناسيه إنو عندنا عمليه ؟ قلت ليهو الساعه كم هسي يا إيهاب؟! الوقت لسه بدري جاء قعد جمبي قال لي عارف بس عايز اقضي وقت حبه مع مرتي بدل ماسكه التلفون ٢٤ ساعه قلت ليهو متين ٢٤ ساعه دي قال لي المهم عايز اقول ليك حاجه قلت ليهو اها إتفضل متين بقيت تستأذن قال لي يلا شفتي ولا ح اقول ليك قلت ليهو طيب ما دام لغيت الموضوع رجع لي تلفوني قال لي ابيت وما دام انا مديرك من الليله ممنوع تستخدمي تلفونك في الشغل نهائي قلت ليهو وما ح انفذ كلام المدير عارف ليه عاين لي بي طرف عينو قربت منو وقلت ليهو م ح انفذو لانو انا مرتو😌 و اوامرو م بتمشي على مرتو حبيبتو قال لي بالله انا قاصدك إنتي زاتك كدي اشوفك شايله تلفون تاني في المكتب قلت ليهو يا إيهاب ياخ قال لي خليني اقول ليك الكلام المهم انا مسافر قلت ليهو مسافر؟! وين ؟ومتين؟ قال لي عندي موضوع مهم شديد لازم اسافر إن شاء الله بعد إسبوع ح اسافر اما بالنسبه لي وين مسافر فرنسا !! قلت ليهو فرنسا لي شنو قال لي عندي صفقه مهمه شديد في موردين لي اجهزه طبيه متفق معاهم إذا الصفقه تمت ووافقوا بي عرضي ح يوردوا لينا أجهزه ودا ح يكون في صالح المستشفى قلت ليهو والكلام دا ضروري تسافر ليهو قال لي اي ضروري قلت ليهو يا إيهاب ما تسافر ياخ يا إما تسوقني معاك انا ما بقدر اقعد كدا قال لي يا ملاذ انا ح امشي والاقيهم واجي طوالي بعدين انا محتاجك هنا ح تشتغلي مع دكتوره هدى قلت ليهو دكتوره هدى منو قال لي دي ح تجي تسد مكاني لحدي ما أجي راجع عاينت ليهو بي طرف عيني قال لي يابت دي مره كبيره😒 قلت ليهو زمن العمليه ما جاء عاين للساعه في تلفوني قال لي جا والله ارح قمنا لبسنا ومشينا دخلنا غرفة العمليات كانت عملية إستبدال قلب اخدت معانا وقت طويل كانت صعبه حبه والمريضه صحتها شويه ما مساعداها لمن خلصنا طلعنا مرهقين طوالي مشيت بدلتا ونمتا صحيت بي صوت إيهاب قلت ليهو عليك الله يا إيهاب خليني انوم قال لي يابت قومي صلي ما صليتي قمتا صليت وجيت رقدتا غلبني انوم تاني قعدتا في مكتبي بس إيهاب كان بكتب في ملف طلعتا تلفوني لقيت شحنو قرب يخلص قفلتو قلت لي إيهاب شاحني وينو الصباح شالو مني كان بشحن بيهو قال لي في الاستراحه خليتو هناك طلعتا مشيت الاستراحه لقيتو شلتو وجيت ماشه لاقتني السكرتيره عاينت لي من فوق لي تحت ومشت قلت دي مالا سمعتا صوت قال لي عيانه إتلفتا لقيتا سحر صرختا قلتا ليها سحر،!! طبعا سافروا هي ودكتور رائد السودان ليهم شهر خالة سحر كانت عيانه ومشوا ليها قلت ليها جيتوا متين قالت لي من امبارح سلمنا على بعض بالاحضان ورائد برضو جاء سلم علي قال لي وينو صحبي قلتا ليهو في المكتب مشوا سلموا عليهو طلع هو عارف إنهم جو امبارح رائد كلمو قعدوا يتونسوا معانا إيهاب حكى لي رائد إنو مسافر بعد اسبوع رائد قال ليهو ماشي توقع على الصفقه إيهاب قال ليهو اي قال ليهو كويس يا إيهاب بس خلي بالك إيهاب قال ليهو لالا ما تخاف خلي بالك إنت من المستشفى هدى ح تجي تمسك الاداره قال ليهو كويس انا وسحر كنا بنعاين ليهم بس قلتا ليهم دا شنو دا محسسني زي تجار المخدرات كدا سحر قالت لي اقسم بالله نفسي تفكيري 🤣🤣 رائد قال لينا ما إنتوا ما عارفين انكم متزوجين رجال مافيا 🤣🤣 قلتا ليهو بدأت افكر في الامر سحر قالت لي حتى انا🤣

الفصل الثاني

بعد مرور يومين قاعدين انا و إيهاب في بيتنا معانا شيرين نتونس تلفون إيهاب إتصل ردا وطلع شيرين قالت لي بكره ارح نمشي المجمع حقنا دايره لي فساتين جديده قلتا ليها طوالي انا زاتي دايره لي حاجات لي الشقه قالت لي خلاص معناها نمشي، إيهاب جاء داخل كان مزعوج جاء قعد جمبنا قلتا ليهو مالك قلبتا خلقتك كدا قال لي مافي حاجه قلتا ليهو طيب منو الاتصل قال لي دا رائد كان بتكلم معاي في موضوع شيرين قالت ليهو بكره ماشين المجمع انا وملاذ يا إيهاب عايزين حاجات منو قال لينا كويس...

اليوم التاني صحيت بدري رتبتا الشقه ومشيت لي شيرين مشينا سواا السوق اشترينا حاجاتنا لمن جيت احاسب كنتا خاته في بالي إنو البطاقه ما فيها قروش كتيره عشان كدا كنتا شايله كاش شيرين قالت لي يابت إنتي عايزه تحاسبي ليه إنتي ناسيه دا مجمعنا عادي قلتا ليها ما مشكله المره الجاي بشيل ساي هسي خليني احاسب ما أخسر المحل جيت ادفع بتاع الحسابات قال لي حسابك مدفوع قلتا ليهو كيف دا قال لي المدير موصي عليكم من الصباح شيرين قعدت تضحك قالت لي كلمتك شلنا حاجاتنا ورجعنا البيت دخلتا بيت نسيبتي اول قعدت اتونستا معاها حبه ومشيت الشقه حقتي ختيت الحاجات ولبستا مشيت المستشفى

سمعتا صوت زول بنادي علي إتلفتا لقيتا رهان البت الكان ساكنه جمبي في المجمع سلمتا عليها قالت لي شنو الافتراء دا ولا عشان عرستي مديرنا😉 قلتا ليها ما كدا والله بس مشغوله إنتي اخبارك شنو وكيف الشغل معاك قالت لي والله تماام الحمد لله والشغل كويس الحمد لله قلتا ليها الحمد لله قالت لي جيت اعزمك لي عرسي قلتا ليها بجد ما شاء الله الف الف مبروك ليك يا حبيبتي قالت لي الله يبارك فيك فتحت شنطتا وطلعت الكرت قالت لي دي بطاقة الدعوه لازم تجي قلتا ليها إن شاء الله والله هي مشت وانا مشيت المكتب لقيت إيهاب مافي قعدتا كدا كان جاء كان لابس لابكود قال لي جيتي قلتا ليهو يا دوب قال لي إنتي نواف دا اخر مره لمن قستي ليهو الاكسجين كان عامل كم قلتا ليهو اخر مره امبارح كان عامل ٩٥ لكن يا إيهاب تنفسو مرات بحس بيهو ضعيف وعميق قال لي اي انا زاتي لاحظتا لي كدا كتبتا ليهم كم فحص كدا عشان إتاكد مشى قعد في كرسيهو قال لي مشيتوا المجمع قلتا ليهو اي مشينا قال لي الشغل ماشي كيف قلتا ليهو كويس والبضاعه زاتا حلوه شديد تفتح النفس قال لي كويس إطمنتا لي زمن ما

مشيت المجمع نتكلم كدا الباب دقه كان رائد جاء داخل قال لي إيهاب اسمعني في اخبار عن سعيد لازم تعرفا.....

لقراءة الجزء الاول جميع الفصول كامله من هنا

رائد قال لي إيهاب اسمعني في اخبار عن سعيد لازم تعرفا إيهاب عاين ليهو قال ليهو سعيد !! ومشى جمبوا وطلعوا مافهمتا حاجه ودا منو البتكلموا عنو دا بعد مسافه إيهاب جاء قلتا ليهو الحاصل شنو يا إيهاب ودا منو البتتكلموا عنو دا قال لي صديق لينا كان مسجون ،،ما اقتنعتا بي كلامو بس مشيتا لمن خلصنا الدوام قلتا ليهو يا إيهاب قال لي عيونو قلتا ليهو لي زمن ما مشيت المطعم الجمب البحر داك ارح😁 قال لي بس كدا من عيوني مشينا طلبنا بيتزا اكلنا ومشينا قعدنا في الكراسي الجمب البحر قال لي بتزكر اخر مره قلتي لي عندك سابقه مع البحر قلتا ليهو اي مره مشينا البحر انا وامي وابوي واخواني وكنا بنلعب بتزكر لحدي هسي إني قربتا شديد منو ومن دون ما احس رجلي إنزلقت ووقعتا قربتا اغرق لو ما ابوي كنتا متا قال لي بعيد الشر يا روحي قلتا ليهو يا إيهاب قال لي اممم قلتا ليهو زمان لمن جينا هنا إنت كنتا مديري بس وهسي ولد عمي وزوجي في نفس الوقت شوف الايام دي لعبت معانا كيف قال لي لمن جينا هنا المره الاولى إنتي كنتي بالنسبه لي بت عمي وحبيبتي وهسي إتزوجنا بتفرق بيني وبينك مسك يدي وقال لي منتظر لمن تبقي ام اولادي احمد وعمر قلتا ليهو ديل اسماهم قال لي اي وداير البنات يكون اسمهم وتين ووعد و وسام قلتا ليهو وتاني بالله ما عايز تسمي ورده😒 قال لي الباقين تسميهم إنتي🥰 قلتا ليهو إنت بقيت تجيب خارجيات كتيره يا إيهاب خلي بالك قال لي طيب ارح نمشي البيت عشان ما اخرف ليك اكتر من كدا قلتا ليهو سمح ارح🤣🤣 رجعنا البيت صليت المغرب إيهاب إستحما وطلع الجامع وانا دخلتا إستحميت بعد رتبتا الشقه ومشيت صليت بعدها العشاء ازن صليت وعملتا العشاء مشيت بيت نسيبتي قاعدين نتعشى هناك إتعشينا واتونسنا حبه وبعدها طلعنا انا وإيهاب بيتنا ...

مرت الايام وجاء يوم بكره إيهاب مسافر بالليل قاعده ارتب ليهو في حاجاتو في الشنطه قلت ليهو يا إيهاب ما ممكن ما تمشي قال لي نحن إتفقنا قبل كدا يا ملاذ صح قلتا ليهو طيب سوقني معاك قال لي والشغل هدى ح تشتغل براها حرام قلتا ليهو خلاص قفل رتبتا ليهو الشنطه وختيتا...مره باقي اليوم صحيت الصباح بدري عملتا الشاي وسندوتشات لي إيهاب يشيلهم معاهو لمن خلصتا مشيت صحيتو قام جهز نفسو وطلعنا ودع امو واخواتو لمن جاء يودعني قعدتا ابكي ضماني قال لي ح امشي واجي سريع وعد قلتا ليهو لمن تصل إتصل لي قال لي سمح ومشى طلعتا رتبتا الشقه لمن انتهيت وقت الشغل جاء لبستا ومشيت وصلتا المكتب لقيت مره قاعده لمن دخلتا رفعت راسا عاينت لي كانت ملامحا صارمه شديد لمن إتوترتا قالت لي نعمم؟! قلتا ليها إنتي هدى قالت لي ايواا إنتي منو؟! قلتا ليها انا ملاذ إبتسمت قالت لي إتفضلي مشيت قعدتا في مكتبي وانا ساكته قالت لي عندنا عمليه ح ندخلها بعد شويه دا ملفها اقريهو كويس شلتا منها الملف وقدر ما حاولتا اركز من الخوفه الدخلت فيني غلبني مع إنها ما كانت كبيره شديد بس ملامح وشها صارمه...

الفصل الرابع

دخلنا العمليه بعد خلصنا طلعنا مشينا المكتب قالت لي نجيب قهوه نشرب انا صدعتا قلتا ليها حتى انا والله العمليه فترتا كانت طويله إتصلت تلفون على السكرتيره قالت ليها جيبي كبايتين قهوه بعد مسافه السكرتيره جات جابت القهوه لمن جات تخت لي كبايتي حمرت لي شديد لمن حسيتا عايزه تاكلني قلتا ليها مالك ما ردت مشت طوالي بعد شربنا القهوه هدى قالت لي ارح نلف على العنابر مشيت معاها ياخ ما خلت زول إلا وإتكلمت في شغلوا كانت زوله صارمه شديد وقفت المستشفى على رجل وحده سحر جرتني قالت لي هوي الدكتوره دي مالا وريها إنتي مرت منو خليها تسكت قلتا ليها إنتي ما جاده ولا شنو دي انا لو وقفتا قداما ساي بدون ما إتكلم برجف وبعدين هي اكيد عارفه انا مرت إيهاب قالت لي اكيد بتعاملك سمح موش عاد إيهاب العملا فينا قلتا ليها احسن تمشي تشوفي شغلك قبال تقبل عليك تاني جرت جري انا قعدتا اضحك عليها بالليل تلفوني إتصل لقيتو رقم عالمي عرفتو دا إيهاب رديت قلتا الو قال لي ملوذه كيف قلتا ليهو تمااام الحمد لله من قبيل منتظره إتصالك قال لي معليش اول ما طلعتا من المطار مشيت فندق وبعدها إرتحت حبه حتن مشيت إشتريت بطاقه قلتا ليهو ما مشكله اهم حاجه وصلتا كيف قال لي تماام الحمد لله قلت ليهو اها فرنسا كيف قال لي سمحه شديد وفيها سماحة مزز قلتا ليهو كويس عرس ليك وحده قال لي المشكله انا على زمة وحده اعمل شنو قعدتا اضحك قلتا ليهو خليها تطلقك🤣🤣 قال لي سمح المهم قعدنا نتونس قال لي كيف يومك الليله من دوني🙂 قلتا ليهو إنتا دي شنو المره الجايبا دي اقسم بالله عيشتنا في حالة توتر ما عاديه🤣🤣 قال لي اي عارف عشان تشتغلوا سمح إتونسنا ونسه طويله وفي الاخير فتح لي مكالمة فيديو يا سلام فرنسا حلوه حلا بالليله عجبتني شديد قلتا لي إيهاب إلا توديني يوم اشوفا على ارض الواقع قال لي سمح... بعد مسافه قفل مني مشيت غرفتنا إتمسحتا وعملتا كريم مرطب لي وشي جاتني شجن طبعا ح تبيت معاي لحدي إيهاب ما يجي قعدنا إتونسنا حبه وبعدها نمنا💤

صحيت الصباح عملتا الشاي وصحيت شجن شربنا ومشينا بيت نسيبتي صبحتا عليهم وطلعتا الشغل الجو كان حلو بي طبعي بحب فصل الخريف حب الجو كان مغيم مشيت المستشفى ما كان عندنا عمليات في بت جات لي هدى شايله ورق عاينت للورق قالت ليها دي إجازه قالت ليها اي مقدماها طولتا وهسي محتاجه ليها شديد امي عيانه ولازم اكون معاها قالت ليها إنتي عارفه إنو عندنا نقص في الموظفين لكن حالتك بجد تستاهل وقعت ليها وادتا الورق بعد البت مشت إتصلت تلفون قالت الو رائد عليك الله تعال لي في المكتب ...عايزاك وقفلت بعد مسافه رائد جاء سلم علي ومشى سلم عليها وقعد قالت ليهو عندنا نقص ممرضين في العنايه ما ممكن تشوف ممرضه تسد الفرقه دي قال ليها والله يا هدى اغلبية الممرضين الكانو شغالين معانا بي عقد وفترتهم خلصت وطبعا ما مسكناهم لانو شغلهم ما كان سمح شديد هدى قالت ليهو طيب الحل شنو العنايه دي مهمه شديد قال ليها إتصلي لي إيهاب يشوف حل للموضوع قلتا ليهم انا ممكن اسد الفرقه ما مشكله لحدي ما تشوفوا حل رائد قال لي بتقدري؟ قلتا ليهو اي ما مشكله واساسا العمليات ما كتيره رائد قال لي ما مشكله العمليات ممكن نلقى ممرضين يدخلوا لكن العنايه عشان بتحتاج زول ملاحظتو قويه وشغلوا سريع ف إنتي الاحسن...

لقراءة الجزء الاول جميع الفصول كامله من هنا

بعد إتفقتا معاهم اليوم خلص إتفقنا انزل من بكره طلعتا ماشه على البيت في زول وقف قدامي إستغربتا وكل ما احاول إتجاوزو يقيف قدامي عاينت ليهو كأني شفتو في محل قلتا ليهو إنت منو وعايز مني شنو عاين لي مسافه ومشى إستغربتا اكتر دا مالو مشيت البيت والطريق كلو بفكر انا شفتو وين لمن وصلتا البيت سلمتا عليهم وطلعتا بيتي رتبتا الشقه وعملتا لي حاجه اكلها تلفوني إتصل لقيتو إيهاب رديت سلم علي وإتونسنا حبه بعدها قفلتا منو إشتقت لي ناس ابوي طبعا رسلت ليهم قروش ابوي صلح البيت سمح وإشترى عربيه بقى شغال بيها ترحيلات وشهريا برسل ليهم من مرتبي دقيت ليهم امي ردت إتونستا معاها مسافه ادتني مزمل اسلم عليهو قالت لي مزن قاعده تتكلم مع مجاهد بعد خلصت جات سلمت علي قلتا ليهم ابوي وين قالت لي ابوك مشى الورشه بجي بعد العشاء قلتا ليها سلمي عليهو المهم قفلتا منهم ودخلتا المطبخ عملتا العشاء وشلتو مشيت بغادي جمبهم إتعشينا شرين ما نزلت إتعشت معانا وما من عوايدا صلينا العشاء خالتو سماهر قالت لي إيهاب قال جاي متين قلتا ليها ما عارفه والله قال لي لمن اخلص الشغل بجي طوالي قالت لي سمح عشان في ناس جاين يتقدموا لي شجن قلتا ليها بالجد قالت لي اي دي قريبتي شاورتني في الموضوع وانا وافقتا لكن قلتا ليهم ما يجو إلا يجي إيهاب عشان هو يعتبر وليها قلتا ليها اي صاح ربنا يتمم ليها على خير إن شاء الله قالت لي بكره لو متفرقه امشي معاها المجمع قالت دايره ليها حاجات قلتا ليها بطلع بعد العصر ممكن نمشي لمن اجي قالت لي ح نتعبك معانا لو ما شيرين عيانه كان خليتا تمشي معاها قلتا ليها مافي اي تعب وشيرين مالا قالت لي من الصباح مرهقه شديد ما عرفتها مالا وبتستفرغ قلتا ليها طيب امشي اشوفا طلعتا ليها دقيت الباب قالت ادخل دخلتا قلتا ليها شيرو مالك يا حبيبتي قالت لي والله يا ملاذ ما عارفه حاسه بي وجع في بطني قلتا ليها بترجعي كتير قالت لي اي قلتا ليها يمكن حامل يا شيرين عاينت لي قالت لي تتوقعي قلتا ليها بكره ارح معاي المستشفى افحصي قالت لي طيب مشيت عملتا ليها حاجه خفيفه تاكلا اكلت حبه وخلت الباقي شلتا الصحن دخلتو في التلاجه ومشيت بيتي شجن جات لاحقاني إتمسحتا ورقدنا نمنا...

صحيت الصباح بدري جهزت نفسي ورتبتا الشقه عملتا الشاي وصحيت شجن شربنا ومشيت لي ناس خالتو سماهر لقيت شيرين منتظراني حسيت بيها متحمسه كدا طبعا هي متزوجه ليها خمسه سنه ولسه ما ولدت مشينا المستشفى قلتا ليها بس ادخل العمبر استلم واجيك قالت لي تمام مشيت استلمتا من الممرضه ورتني اعمل شنو نفزتا الجرع الصباحيه ومشيت ليها لقيتا فحصت بس منتظره النتيجه لمن الفحص طلع شالت النتيجه جابتا لي قالت لي اها شوفيهو عاينت ليهو لمن لقيتا بوزتيف ياخ فرحتا فرح قلتا ليها مبروك يا شيرين بجد حامل قالت لي تكزبي قلتا ليها والله جد ياخ فرحت فرح قالت لي الله يفرحك زي ما فرحتيني قلتا ليها الحمد لله قالت لي ماشه اعملا لي ناس امي مفاجأه بس يا ملاذ اوعى تكلمي إيهاب قلتا ليها خشمي عندي هي مشت وانا رجعتا لي الشغل كان في مريض كاتبين ليهو DNR طبعا انا بخاف جدا من القرار دا القرار دا بعني إنو إذا المريض قلبو إتوقف نحن ما نعمل ليهو إنعاش يعني نخلي يموت لانو حالتو بأختصار ما بتتحمل نعمل ليهو إنعاش ولو عملناهو ح يكون من دون فائده لكن هو ما دام قلبو شغال بنعمل ليهو اي حاجه ادويتو نركب ليهو أكسجين نهتم بي حالتو اديتو الادويه وفحصت ليهو الاكسجين كان متدني مشيت للدكتور كتبو لي ركبتو ليهو ومريت على باقي المرضه..

بعد خلصتا مشيت مع شجن المجمع إشترت حاجاتا وجينا راجعين البيت ...

مره كم يوم كدا كنتا مهتمه بالمريض الكاتبين ليهو (DNACPR )او DNR دا شديد حسيت صحتو إتحسنت كلمتا الدكاتره كانو زي دكتورين كدا جو كشفوا حالتو كامله قالوا لي إحتمال نلغي القرار لانو صحتو شويه بقت احسن قلتا ليهو بعد تلغوهو عايزه قرار مكتوب لو سمحتا لانو انا شغاله هنا قالوا لي تماام إن شاء الله ومشوا رجعتا تممتا على الجرع تلفوني إتصل لقيتو إيهاب شلتو وقبل ارد كان عندي كراتين قلوفزات قاعده ارتب فيها في الدولاب رديت ومشيت ارتب قلتا ليهو إنت عجبتك فرنسا ولا شنو قال لي تصدقي سمحه لكن مشتاق ليك قلتا ليهو وانا كمان والله يا إيهاب طولتا إنتا قلتا لي يومين وتجي قال لي لسه والله ما لاقيت الناس ديل حصل ليهم ظرف عشان كدا إتاخروا بديهم لحدي بكره لو ما جو بجي قلتا ليهو لو ما جو ح تعمل شنو ونحن فعلا محتاجين للأجهزه قال لي بشوف تجار تاني قلتا ليهو والسفره تكون سافرتا بلا فائده قال لي لالا كيف بلا فائده على الاقل غيرتا جو من المستشفى دي قلتا ليهو اي قول كدا وبالمناسبه انا نزلتا icu قال لي كيف؟! وليه؟! قلتا ليهو في نقص في الممرضين عشان كدا نزلتا قال لي والقال ليك تنزلي هناك منو قلتا ليهو انا براي فكرتا كدا وكلمتا هدى وهي وافقت قال لي كويس لحدي ما اجي بنتناقش في الموضوع قلتا ليهو سمح اثناء ما بنتكلم في كرتونه وقعت قال لي دا شنو قلتا ليهو شغاله ارتب في المكتب جايبين لينا قلوفزات قال لي اقفلي ح ارجع ليك مكالمة فيديو إشتقت لي شوفتك قفلتا رجع لي بعد مسافه رديت قعد يشاغل فيني وانا اضحك المهم إتكلمنا مسافه وبعدها قفلتا كتبتا التقرير الطبي لمن جات الممرضه سلمتها وطلعتا البيت....

الفصل السادس

صباح اليوم التاني صحيت بدري رتبتا الشقه وعملتا الشاي وصحيت شجن شربنا بقى دا الروتين اليومي مشيت المستشفى جاني واحد من الدكاتره سلمني الورقه بتاعت التقرير قال لي لغينا حالة DNR بالنسبه للمريض الاسمو عادل احمد قلتا ليهو تماام شلتا منو الورقه قريتا كلها وختيتا مع ورق في المكتب ومشيت العمبر نفزتا جزو من الجرع تاني الدكاتره جو وفحصوا حالة المريض وطلعوا وسبحان الله كأنو القرار دا جاء في صالحو لانو في نفسي اليوم حصل ليهو توقف في القلب وكان محتاج إنعاش جرينا انا والاسيستن قالت لي المريض دا كاتبين ليهوDNR قلتا ليها لغو القرار عملنا ليهوCPR وقلتا ليها اجري نادي الدكاتره هي جرت وانا عملتا ليهو CPR شويه شويه ضربات قلبوا رجعت لمن الدكتور جاء وشافني بعمل ليهو في CPR كورك فيني وجراني من جمبو قلتا ليهو كدا ح نخسروا قال لي اطلعي بره طلعتا انا والاسيستن بعد مسافه الدكتور جاء طالع حمر لي ومشى إستغربتا الدكتور دا مالو طبعا دا ما كان مع الدكاتره الغوا القرار وظاهر إنو دكتور عمومي بعد مسافه الدكاتره إتلموا داخلين وطالعين لحدي ما في الاخير المريض مات💔 ياخ قعدتا ابكي بكى عليهو كأنو بقربني مشيت المكتب كملتا باقي البكى لمن طلعوا الجثمان حقو دخلتا انفذ باقي الجرع وكلما اجي بي جمب سريرو ابكي لانو اي روح في العمبر دا عندي معاها مواقف وخسارة مريض بالنسبه لي اي ممرض حاجه صعبه شديد يعني مريض قاعد معاي كم يوم وانا بعالج فيهو وإتعودتا على وجودو خسارتو بتوجع لمن خلصتا كتبتا التقرير الطبي وسلمتا الممرضه وطلعتا مشيت البيت ومره باقي اليوم زي كل يوم المهم نمتا صحيت تاني يوم عملتا الروتين اليومي حقي ومشيت المستشفى لمن دخلتا إستلمتا من الممرضه وبديت انفذ اثناء ما بنفذ في الجرع جاتني بت قالت لي مطلوب حضورك في مكتب المدير الطبي قلتا ليها طيب نفذتا باقي الجرع وطلعتا مشيت دقيت الباب ودخلتا لقيت دكتوره هدى ورائد وفي كم دكتور قاعدين سلمتا عليهم دكتوره هدى قالت لي اقعدي قعدتا قالت لي يا ملاذ إنتي بتعرفي شنو عن DNR إستغربتا من سؤالا بس جاوبتها قلتا ليها يعني عدم الانعاش وفيهو ما بنعمل للمريض CPR قالت لي وإذا ممرض عمل CPR لي مريض وهو مقررين ليهو عدم الانعاش يحصل للممرض دا شنو حسيت إنها بتلمح لي حاجه قلتا ليها اكيد يفقد رخصتو التمريضيه لانو الموضوع دا قانوني واخلاقي قالت لي طيب يا ملاذ بما إنك عارفه دا كلو شنو السبب البخليك تعملي CPR لي مريض مقررين ليهوDNR...

لقراءة الجزء الاول جميع الفصول كامله من هنا

قلتا ليها يا دكتوره هدى اولا انا ماممكن اعمل حاجه مخالفه ابداً والمريض دا لو ما انا حصلتا على الموافقه من الاطباء ما كان عملتا ليهو ابدا CPR قالت لي اي اطباء ديل الحصلتي منهم على الموافقه وريتا اسمائهم إستدعوهم جو لمن سألتهم نكرو💔 قالوا نحن اصلا ما اديناها موافقه قلتا ليها يا دكتوره عن إزنك دقيقه بس اجيب ليك الدليل قالت لي إتفضلي طلعتا مشيت المكتب بقيت افتش عن الورقه فتشتها في الادراج ما لقيتا بقيت افكر انا ختيتا وين فتحت الدولاب فتشتو كلو ما لقيتا إنصدمتا شديد يا ربي الورقه مشت وين إتصلت على الممرضه الكانت ماسكه وسألتها قالت لي ما شفتها قلبتا المكتب كلو ومافي ليها اثر قلبي بقى يضرب من الخوف رجعتا المكتب دكتوره هدى قالت لي وين الدليل قلتا ليها كان عندي ورقه والله مكتوبه بخط يدهم ومختومه بس ما لقيتا قالت لي الختمها منو اصلا إنتي بتهظري ؟! رائد قال ليها يا هدى انا متأكد إنو في حاجه غلط لانو ملاذ دي من الممرضات الممتازات عندنا قالت ليهو يا رائد الخطأ دا لايغتفر ابدا وكمان معاها كزب قالت لي يا ملاذ مهما يكن لازم تقولي الحقيقه قلتا ليها والله العظيم كلامي دا صح انا بزات نفسي مسكتا الورقه منهم قالت لي فلنفترض كلامك صح يا ملاذ الورقه جابت الختم من وين رفعت لي علبة الختم قالت لي في غيري بختم في المستشفى دي قلتا ليها لأ قالت لي طيب دا اكبر دليل على إنك كزابه!! انا م ح اتكلم معاك كلامي مع إيهاب..ما قدرتا ارد ليها حسيت إني عاجزه كيف انا شفتا الختم وهي بتقول ما ختمت الورقه!! واساسا الورقه مشت وين انا متأكده ختيتا في الدرج بتاع المكتب المشكله إني ما عندي شاهد يشهد لي قطع تفكيري صوت هدى قالت لي وفق القرار الطلعنا بيهو يا ملاذ إنو ح يتم إيقافك مؤقتا وبي سبب الحصل ح تتدخل الهيئه السعوديه للتخصصات الصحيه وح يتم التحقيق في الموضوع وبعدها ح نتخذ الاجراء اللازم تقدري تمشي لحدي ما المستشفى تستدعيك طلعتا من المكتب وانا رجلي ما شايلاني من شدة الحاله الدخلتا فيها كيف حاجه زي دي تحصل حسيت إنو سنين شغلي كلها إتبخرت انا هسي ح اعمل شنو رجعتا المكتب فتشتا الورقه تاني ما لقيتا جاتني ممرضه تمسك مني وريتا التقرير وطلعتا مشيت البيت دخلتا سلمتا على ناس خالتو سماهر وطلعتا مشيت شقتي بكييت قدرتي انا خزلتا ابوي التعب وقراني وخزلتا نفسي انا عار على التمريض كيف حصل كدا بكييت شديد لحدي عيوني ما إتورموا كنتا موجوعه شديد سنين شغلي وتعبي وسهري وقرايتي كلها راحت اكيد ح يسحبو رخصتي انا ح اعمل شنو ياربي قمتا صليت الظهر ودعييت كتييير إنو ربنا ينصرني والحقيقه تظهر اثناء ما قاعده كدا تلفوني إتصل شلتو لقيتو إيهاب....

الفصل الثامن

لمن لقيت إيهاب هو المتصل عرفتا إنو ح يكون كلموهو ما عرفتا اعمل شنو في الاخير رديت قال لي ملاذ كيف قلتا ليهو تماام الحمد لله قال لي مالو صوتك قلتا ليهو مافي حاجه قال لي إنتي قاعده تبكي حسيت من كلامو إنو ما عارف الحصل قلتا ليهو لالا قال لي طيب مالو صوتك في حاجه حاصله قولي لي قلتا ليهو مافي شي ما كنتا قادره اقول ليهو الحصل لانو انا زاتي ما قادره إستوعب إتكلم معاي مسافه واخر حاجه قال لي انا ما مطمن ح إتصل ليك مكالمة فيديو قلتا ليهو لالا إطمن انا كويسه بس حاسه بي مبادئ إلتهاب قال لي لسه دوامك ما إنتهى صح امشي افحصي وبعدها تعالي واصلي قلتا ليهو طيب وقفلنا على كدا تاني قعدتا ابكي ياخ حسيت بي إنكسار ما عادي وقعدتا افكر ليه الدكتورين ديلك عملوا كدا لمن العصر ازن صليت وعملتا الغدا ما كان عندي نفس اكل بعد إنتهيت غسلتا وشي وشلتو مشيت بغادي إسماعيل ما كان في ختينا الغدا كلهم لاحظوا لي وعيوني كانن مورمات ظاهر إني كنتا ببكي شيرين قالت لي مالك يا ملاذ ؟كنتي بتبكي؟ شجن قالت ليها حتى انا لاحظتا ليها هسي عايزه اسألك خالتو سماهر عاينت لي بس قلتا ليهم مافي حاجه بس حاسه عندي صداع شديد شجن قالت لي ابلعي بندول شيرين قالت لي او امشي المستشفى قلت ليهم بلعتا قبل شويه وهسي حاسه نفسي احسن وسكتنا على كدا إتغدينا وعملنا الشاي وبعدها شلتا العده مشيت بيتي غسلتها ورقدتا وكلو ما إتزكر الحصل اقعد ابكي مره باقي اليوم صباح اليوم التاني إستدعوني في المستشفى مشيت سألوني كم سؤال وانا جاوبتا بالحقيقه اصلا م ح اكزب حتى لو ما عندي دليل بس قلتا العندي واحد سألني قال لي وين الورقه الي بتتكلمي عنها دي قلتا ليهو انا ختيتا في الدرج بتاع المكتب ولمن جيت فتشتها ما لقيتا قال لي هيدا يحتسب إهمال يا ملاذ اي ورجه زيّ دي لازم تُحتفظ في مكان آمن ما رديت عليهو لانو كلامو صح بعد خلصوا إستجواب قالوا لي تقدري تمشي طلعتا من المستشفى اثناء ما انا ماشه لاقاني زول والزول دا بالتحديد الكان وقف قدامي المره الفاتت وقف قدامي ومسك يدي شديد قعدتا اكورك عاين لي في عيوني ملامحو كان مألوفه قلتا ليهو فك يدي ابى يفكها لي وقال لي وين إيهاب قلتا ليهو ما عارفه قال لي يعني إنتي ما مرتو قلتا ليهو إنتا منو وعايز مني شنو قال لي عايز إيهاب لمن كتر معاي جمعتا قوتي كلها ولزيتو وقع ضربتو بي شنطتي كنتا لابسه كعب عالي ضربتو في بطنو قعد يتلوى جريت سريع ركبتا ترحال ويدي في قلبي إتزكرتا شفتو وين دا الولد الجاني يوم التمريض وقال لي عايزك إنتي تركبي لي الكانيولا وما ركبتها وفي النهايه إيهاب جاء ساقو كان إسمو تغريبا سعيد!!...

لقراءة الجزء الاول جميع الفصول كامله من هنا

رجعتا البيت دخلتا بعد سلمتا عليهم دخلتا شقتي وبقيت افكر الزول دا داير شنو من إيهاب؟! وليه مسك يدي بالطريقه دي..

الوقت مره لمن العصر جاء صليت وعملتا الغدا اثناء ما انا بعمل في الغداء سمعتا صوت كوراك في بيت نسيبتي طلعتا مشيت اشوف الحاصل شنو لقيتم قاعدين لمن شافوني سكتوا قلتا ليهم في حاجه سمعتا صوت كوراك شيرين قالت لي لالا مافي حاجه كنا بنتكلم في موضوع إستغربتا قلتا ليها طيب إتلفتا عايزه ارجع لقيت إيهاب واقف وراي ياخ لمن شفتوا فرحتا فرح وجريت حضنتو وقعدتا ابكي ضماني قال لي مشتاقين يا ملوزتي قلتا ليهو ليه ما كلمتني إنك جاي قال لي عشان تكون مفاجأه😉 ياخ فرحتا فرح قعدنا نتونس وطول القعده إيهاب كان بعاين لي إتزكرتا الاكل في النار إستأذنتا منهم و جريت لحقتوا نزلتوا قبل يحرق وعملتوا ورصيتوا في الصحاني سمعتا الباب بفتح جاء إيهاب داخل قال لي ملاذ دقيقه تعالي مشيت ليهو قال لي في شنو يا حبيبي حاصل معاك حاجه ليه ملامحك باهته كدا وعيونك مورمه قلتا ليهو يا إيهاب مافي حاجه قال لي ما تحاولي تتهربي يا ملاذ واضح جدا إنو في حاجه قلتا ليهو بكلمك بس ما هسي وإنتا يا دوب جاي تعبان قال لي ملاذ في شنو ؟ إتكلمي قلتا ليهو طيب ممكن نأجل الكلام لحدي بعد الغدا عاين لي قال لي طيب بس لحدي بعد الغدا قلت ليهو طيب شال الصينيه ومشينا بغادي إتغدينا وعملنا الشاي انا وشجن شربنا قعدنا نتونس بعد مسافه إيهاب قال ليهم عن إذنكم انا تعبان ماشي إرتاح حبه وقال لي ملاذ تعالي عايزك مشيت لحقتو لمن وصلنا شقتنا قال لي يلا احكي الحاصل شنو وانا اساسا ملاحظ ليك كم يوم بتصل ليك صوتك ما عاجبني في شنو إنتي كويسه؟ قعدتا ابكي لمن بكيت هو إنصدم قال لي ملاذ في شنو ؟ قلتا ليهو يا إيهاب انا عملتا غلط وكبير كمان إيهاب انا بي سببوا ح اخسر رخصتي جراني عليهو وضماني قال لي احكي لي يا ملاذ في شنو مافي مشكله إلا و ليها حل يا ملاذ قعدنا في الكراسي وقعدتا احكي ليهو وانا ببكي لمن خلصتا قعد يعاين لي قال لي انا هدى كلمتني بالحصل وكنت عايز اسمع الكلام منك يا ملاذ بس ليه إنتي ما كلمتيني قلتا ليهو لانو ما عارفه يا إيهاب انا ماقادره إتقبل الحقيقه زاتو قال لي يا ملاذ في حاجه مهمه لازم تعرفيها إنو شغل الممرض كلو بعتمد على الاوراق والتوثيق يعني اي إجراء يتعمل لازم يتكتب واي إجراء يتخذو الدكتور يتكتب قلتا ليهو والله عارفه كدا وحتى إني طلبتا منهم الاوراق دي وجابوها لي بس ما عارفه مشت وين قدر ما فتشتها والغريب يا أيهاب إنو دكتوره هدى قالت لي انا اصلا ما شفتا الاوراق دي ولا ختمتها قال لي ما تشغلي بالك انا مصدقك واكيد ح القى حل تعالي مشيت قعدتا جمبو قعد يمسح لي في دموعي قال لي انا متأكد لو الناس دي كلها غلطت غلط زي دا إنتي ما بتغلطيهو انا واثق من قدراتك اي صح اي زول بغلط لكن يا ملاذ ما اي ممرض بهمل مريضو بالطريقه دي عشان كدا انا واثق من قدراتك انا بعرفك من زمان يا ملاذ من لمن إتخرجتي وإشتغلتي يعني مسيرتك كلها انا عارفا إنتي عارفه انا بضمن الممرضات اكتر من الدكاتره زاتو عارفه ليه قلتا ليهو ليه قال لي لانو مافي زول بعرف المريض اكتر من الممرض هو البكون معاهو في كل لحظاتو وهو البتعب وبجتهد عشانو قلتا ليهو إنتا عارف إني بي سبب الحصل قانونيا ح اخسر رخصتي التمريضيه قال لي منو القال قلتا ليهو قانونيا الكلام دا صح قال لي نشوف قانونيا دي بكره امشي هسي غسلي وشك وتعالي عندي ليك مفاجأه قلتا ليهو يعني ح تحلها🥺 قال لي إن شاء الله محلوله امشي مشيت غسلتا وشي وجيت قال لي بقيتي تشبهي الوحش قلتا ليهو عيوني مورمات شديد قال لي إنتي ما شفتي نفسك في المرايه ولا شنو🤣 قلتا ليهو اي إتمسخر اصلا انا في كل حالاتي حلوه 🙂 قال لي منو القال كدا قلتا ليهو كل الناس قال لي مسكينه غشوك...

إيهاب الراوي

بعد كلام ملاذ إتاكدتا إنو سعيد عرف إنها مرتي وبقت مستهدفه ح يحاول يلوي يدي بيها عشان يشيل الاوراق بس مستحيل اسمح ليهو لازم القى طريقه ابعد ملاذ فتره لحدي موضوع المستشفى دا ما يتحلى

ملاذ الراويه

بعد حكيت لي إيهاب حسيت بي راحه والله يعني بحس إيهاب دا اي مشكله قدامو صغيره ولا هو الببسطا لي ما عارفه غايتو هو بالو طوييل شديد وبسمعني لحدي الاخير وما بتكلم طوالي إلا بعد تفكير طويل ودي اكتر حاجه عاجباني فيهو...كملنا ونستنا بجد إشتقت لي قعداتنا سوا مره باقي اليوم...

الفصل العاشر

صباح اليوم التاني صحينا عملتا الشاي شربنا إيهاب قال لي البسي ارح قلتا ليهو يا إيهاب بس انا وقفوني قال لي مديرك منو قلتا ليهو إنتا❤️ قال لي اسرعي مشيت لبستا وطلعتا معاهو صبحنا على خالتو سماهر وشيرين وشجن وإسماعيل وطلعنا ركبنا العربيه ومشينا المستشفى مشينا مكتب الاداره إيهاب دقه الباب سمعنا صوت هدى قالت ادخل دخلنا لمن شافت إيهاب وقفت سلمت عليهو قالت ليهو نورتا مكتبك والله يا دكتور إيهاب قال ليها بسم الله ما هو منور بي الفيهو طبعا انا قاعده اعاين ليهو ساي بعد موال السلام قعدنا هدى قالت ليهو طبعا يا إيهاب انا وريتك الحصل وانا إتخذت إجراء تجاه ملاذ ووقفتها من الشغل لحدي ما يكتمل التحقيق في الموضوع قال ليها ما قصرتي والله يا هدى انا عارف شغلك بس الموضوع دا خليهو لي قالت ليهو كويس إنتا ادرى بالموضوع ورتو باقي التفاصيل حقت الشغل بعد خلصت قال ليها بالنسبه لي موضوع ملاذ إنتوا شفتوا كميرات المراقبه؟! قالت ليهو كلها ومافي اي حاجه من الكلام القالتو طبعا صدمتي زادت لمن قالت كدا كيف يعني ما فيها حاجه حسيت الموضوع إتعقد شديد والله دا زول قاصدني عديل قال ليها كويس هدى قالت ليهو مادام جيت إستلم طوالي ناسك ديل انا عايزه اخد ريست ضحك وقال ليها تمام يازوله ما قصرتي شكرا ليك قالت ليهو مافي شكر في واجب يا اخوي الناس للناس قامت شالت شنطتا وودعتنا وطلعت إيهاب مشى قعد في الكرسي حقو طلع الابتوب انا بس كنتا بعاين ليهو قال لي شكلو الحصل دا مقصود قلتا ليهو بس منو ليهو يد يعمل كدا انا ما عندي عداوه مع زول عاين لي قال لي إنتي ما عندك عداوه لكن انا عندي إستغربتا من كلامو فتح كميرات المراقبه وفتشا كلها مالقى حاجه إتصل على رقم بعد سلم قال ليهو عايزك ضروري في المكتب تعال بعد مسافه جاء ولد كدا شايل ليهو شنطه كبيره قال السلام عليكم ردينا ليهو جاء قعد قال لي إيهاب في شنو جيتك طوالي لمن قلتا الموضوع ضروري إيهاب قال ليهو تقدر ترجع القطات المحزوفه من كميرات المراقبه قال ليهو على حسب نوع الحزف وجهه ليهو الابتوب قال ليهو شوف التسجيلات دي الولد مسك الابتوب وبقى شغال فيهو وانا وإيهاب نعاين ليهو بعد مسافه فتح الشنطه وطلع كم فلاش كدا إختار منهم واحد دخلو في الابتوب وبقى شغال فيهو عاينت لي إيهاب وهو عاين لي بعد مسافه الولد قال ليهو شوف فتح لينا التسجيلات ظهر التسجيل كامل ووقفتي مع الدكاتره وهم ادوني الورقه كلو جاء في التسجيل قلتا لي إيهاب اي دا نفسي الحصل بالضبط واصلنا التسجيل لحدي ما انا ختيت الورقه في الدرج وسلمتا الممرضه وبعدها هي طلعت تنفذ وراها جاء واحد من الدكاتره شال الورقه وطلع!! انا إنصدمتا شديد من تصرفوا دا إيهاب قال ل الولد احفظ لي القطه دي لو ممكن قال ليهو ممكن احفظا يا إيهاب لكن النظام حق المستشفى مخترق كلو إيهاب قال ليهو واضح من اللقطات المحزوفه ممكن تجازف تعمل لي نظام تاني وخليهو اقوى من دا وعاين يا خالد اهم حاجه في الموضوع عايزهم يكونو نظامين واحد العام وواحد يكون خاص اربطو لي مع تلفوني عشان لو حصل اي خلل في العام اكون عارف الحاصل قال ليهو تماام ما تشيل هم خلال اليوم بكونو عندك نظامين

وطلع إيهاب قال لي والله م اخليهم عايزين يستغفلوني إتصل تلفون ردا قال ليهو عايز دكاترة icu ديل كلهم في مكتبي حالا ما عدا مرغني ،،سامع كلهم دي صاح كلهم يجوني حتى الفي المجمع يجوني وقفل التلفون قلتا ليهو ح تعمل شنو يا إيهاب قال لي ح افصلهم قلتا ليهو كيف تفصلم بعدين إنتا ما عارف السبب الخلاهم يعملوا كدا شنو لازم نعرف السبب قال لي ح اديهم فرصه يبرروا ومهما كان يا ملاذ تبريرهم م ح يغفر ليهم العملوهو لانو العملوهو غير اخلاقي نهائيا وديل ما بمثلونا ابدا ف مهما كان تبريرهم منطقي ما بشفع ليهم قدام الكذب والخداع الحصل دا.....

لمن الدكاتره جو كلهم إيهاب قعدهم وقعد يتكلم عن الشغل وعن اخلاق الدكتور تكون كيف في التعاون مع مرضاهو وكلام كتيير طبعا الدكتورين بعاينوا ليهو ساي وعارفين إنو قاصدهم بعد مسافه وجه ليهم الكلام قال ليهم الممرضه ملاذ قبل يومين قالت إنو دكتور عادل ودكتور حسن كتبوا ليها قرار بألغاءDNR الكلام دا صح ؟ دكتور عادل قال ليهو ما حصل وهي عايزه ترمي غلطا فينا انا بس قعدتا إتحسبن إيهاب قال ليهو يعني ملاذ غلطانه ؟ قال ليهو اي هي عملت للمريضCPR ودا غلط إيهاب قال ليهو طيب شوف معاي الفيديو دا فتح الفيديو في الابتوب ووراهو لي الدكاتره كلهم بعد خلص الفيديو إيهاب قال ليهم اقوالكم شنو دكتور حسن قال ليهو يمكن الفيديو مركب الكلام دا م... قبل يتم كلامو إيهاب ضرب ليهو الطاوله قال ليهو عايز تكزب كمان !! دي كميرات المراقبه !! عايز تكزبا ياخ الدكاتره ديل كلهم خافوا لمن كورك كدا حتى انا خفتا دي تاني مره اشوفوا كدا المره الاولى لمن غلطت البت الاسمها سهى ودي المره التانيه طلع الدفتر حقو وكتب كلام كتير كدا وشرط ورقتين قال ليهم دي اول حاجه ورقة إستقالتكم تاني حاجه ح تتعرضوا لي المسائلات القانونيه وياريت تمشوا تتعلموا اخلاق المهنه قبل تشتغلوا رمى ليهم الاوراق شالوها وقال ليهم فورا تطلعوا من المستشفى الاجتماع إنتهى بعدها الدكاتره كلهم طلعوا مشيت جبتا ليهو مويه شالا مني شرب قال لي بعد دا تقدري ترجعي لي شغلك قلتا ليهو شكرا شكرا بجد على وقفتك معاي يا إيهاب انا ما عارفه بدونك كنت ح اعمل شنو قال لي يا ملاذ انا ما عملتا حاجه دا كلو توفيق إلهي ربنا دائما بقيف مع المظلوم يا ملاذ ،،اها icu ولا معاي😉 قلتا ليهو معاك بس تاني زاتي ما عايزه إشتغل في اي عمبر براي متشوبره قال لي قصدك متحشره قلتا ليهو لالا متشوبره براها ومتحشره براها قال لي يا زوله دا حنك منك ساي قلتا ليهو إيهاب!!! قعد يضحك مشيت مكتبي قعدتا ومره الوقت فطرنا و طفنا على العنابر وطلعنا بعدها ركبنا ومشينا البيت مع وقت الغدا سلمنا على ناس خالتو سماهر وبعدها طلعتا خالتو سماهر قالت لي إيهاب امشي بدل وتعال عايزاك في موضوع طلعنا غيرنا إيهاب نزل ليهم وانا مشيت عملتا الغدا لمن خلصتا شلتوا ونزلتا لقيتهم بتكلموا عن حمل شيرين إيهاب قال ليها يعنى ح ابقى خال قالت ليهو ايواا🥰 وعقبال ما ابقى انا عمه إيهاب قال ليها إن شاء الله وتاني فتحوا موضوع شجن مشيت رصيت الاكل وناديتهم قعدنا اكلنا شجن شالت العده قالت لي خلي الشاي بعملوا عملتو لينا شربنا وقعدنا نتونس إيهاب قال لي أمو يعني الجماعه الجايين يتقدمو ديل جايين متين قالت ليهو بكلمهم إنو إنتا جيت تاني هم بقرروا ويورونا قال ليها كويس ...

مره كم يوم كدا وخلال الايام دي طوالي كنت بشوف إيهاب دا سرحان وبحس إنو في حاجه ولمن اسألو ما بجاوبني بقول لي مافي حاجه يوم كان يوم جمعه كنتا قاعده مع شرين نتونس وإيهاب فوق كان عندي حله في النار مشيت اشوفا دخلتا سمعتو بتكلم في التلفون وبالصدفه سمعتو جاب سيرة سعيد بقيت افكر معقوله سعيد الكان رائد بتكلم عنو يوم داك يكون نفسو سعيد المسك يدي إتاكدتا إنو سعيد دا وراهو حاجه لكن شنو....

الفصل الثاني عشر

دخلتا طفيت الحله وجيت قعدتا جمب إيهاب إنتظرتو خلص مكالمتو وقلت ليهو سعيد دا منو قال لي زميل قلتا ليهو يا إيهاب في حاجه إنتا داسيها مني سعيد دا هو نفسو الكان جاء قال لي ركبي لي الكانيولا يوم التمريض قال لي اي ياهو قلتا ليهو يعني هو زميلك وبس قال لي سعيد دا الاشتريت منو المستشفى كانت ملكو اول وياهو إشتريتا منو قلتا ليهو اها قال لي في شنو بتسألي منو فجأه كدا قلتا ليهو مافي حاجه سألتا ساي قال لي خليك من سعيد هسي بعد موضوع شجن دا يتم ويجو يتقدمو ليها تعالي ناخد إجازه ونمشي السودان قلتا ليهو بجد قال لي إشتقتي لي ناس بيتكم صح قلتا ليهو شديد قال لي إن شاء الله بعد موضوع شجن يتم طوالي ناخد إجازه ونمشي قلتا ليهو إن شاء الله...

مرة الايام وجو إتقدموا لي شجن وعملوا خطوبه طبعا يوم الخطوبه تعبنا تعب ما شاء الله البيت كبير إطرينا نغير الديكور حقو كلو ما شاء الله اهل إيهاب كلهم جو خالاتو بي اولادهم ما شاء الله البيت إتملى وخالتو سماهر عرفتني عليهم كلهم وقالت ليهم دي مرت إيهاب سلمتا عليهم طبعا بنات خالاتو كلهن متزوجات ما عدا إتنين وحده إسمها ثمر والتاني شهد ديل بنات خالات ما اخوات المهم مشينا المجمع إشترينا فساتين للخطوبه وانا إشتريت توب كوبي رهيب وإشتريت لي اساور بالفضي ومشينا الكوفير رسمنا طبعا يوم الخطوبه البنات جو لبسو عندي في البيت وإتمكيجنا وكل وحده طلعت احلى من التانيه نزلنا مشيت قعدتا جمب إيهاب قال لي يا اخت لو سمحتي انا متزوج ومرتي لو شافتك م ح تخليك عارفاهو بهظر قلتا ليهو معقوله ياخ وينا مرتك دي نشوفا قال لي بتجي هسي بس انا كلمتك قلتا ليهو كويس نرجاها تجي قال لي طيب طالعه حلوه شديد قلتا ليهو دي باقي حلاوتك قال لي يا سلام بقينا نعرف نتكلم كلام حلوو قلتا ليهو إيهاب ياخ قال لي على العموم ارجي مرتي لمن تجي قعدتا اضحك قلتا ليهو يعني إنتا قبل شويه بتشاغل في حريم الناس ضحكنا سواا وقعدنا نتونس لحدي ما شجن جات من الكوفير واهل العريس جو إيهاب طلع مع الرجال بره وتمت الخطوبه باركنا ليها كنا فرحانين ليها فرح خالتو سماهر بكت بكى لمن إتزكرت عمو عمر بكت وحتى شيرين بكت قعدتا احنس فيهم عشان شجن ما تقوم تبكي كمان المهم مره اليوم رتبنا البيت بعد الضيوف مشوا وطلعتا بيتي لقيت إيهاب نام غيرتا وطلعتا جمبو رقدتا....

صحينا الصباح كان عندنا عمليات رتبتا الشقه سريع وعملتا الشاي ومشينا المستشفى كان عندنا عمليتين لمن خلصنا العصر ازن صلينا ومشينا نفطر ولا نتغدا ما عارفه🤣🤣 إيهاب قال لي حجزت في سفريه بعد بكره ماشين السودان قلتا ليهو يا سلام ياخ طولتا شديد منو قال لي وانا برضو بتزكر اخر مره لمن مشينا شهر العسل قلتا ليهو تمينا سنه وحاجه قال لي اي بعد خلصنا رجعنا المكتب كان في ملفات رتبناهم إيهاب قال لي طالع وجاي عندي موضوع اخلصو واجي ما بتأخر قلتا ليهو كويس هو طلع وانا رجعتا ارتب اثناء ما برتب كدا في اوراق وقعت رفعتها لقيتا عقد بتاع المستشفى وإنصدمتا شديد لمن لقيت....

إنصدمتا شديد لمن لقيت المالك مكتوب سعيد احمد سعيد بقيت افكر كيف دا وإيهاب قال المستشفى دي أشتراها منو معقوله دي ورقه قديمه ولا كيف عاينتا لي الاوراق المعاها لقيت اوراق سداد وفواتير مختومه وموقع عليها سعيد زاتو بالبيع يعني الاوراق دي كانت اوراق مهمه ما تنفع تتختى هنا لمن إيهاب جاء قال لي في ملف احمر كنتا خاتيهو هنا لاقاك قلتا ليهو اي ختيتو في الدولاب مشى يفتش فيهو قلتا ليهو يا إيهاب انا لقيت الاوراق بتاعت البيع حقت المستشفى الاوراق دي مهمه شديد إنتا ليه خاتيها هنا قال لي شوفي ليها مكان ختيها فيهو شال الملف وطلع حسيت بيهو ما مركز شلتها عملتا منها صوره كان عندنا طابعه صورتها ورجعتها مكانا ووحده شلتها ختيتا في دولابي قلتا إذا ضاعو يلقى نسخه منهم موجوده بعدها إيهاب جاء قال لي ارح مشينا البيت رتبنا حاجاتنا طبعا شلنا إجازه من المستشفى ومره يوم بكره سريع وجاء اليوم ال ح نمشي فيهو السودان صحينا الصباح بدري شربنا الشاي وطلعنا ودعنا خالتو سماهر وشجن وشيرين وإسماعيل وطلعنا كان في عربيه جايه من المستشفى توصلنا بي سواق ركبنا ووصلنا المطار وإنتظرنا ندهو إسم رحلتنا مشينا ركبنا طبعا ما كلمنا ناس أمي عاملنها مفاجأه ركبنا قلتا لي إيهاب ارح نتصور😁 قال لي إتصوري براكي انا ما بحب إتصور قلتا ليهو كويس فتحتا الاسناب وغصبا عنو صورتو كان قاعد يتعاور في الصور قلتا ليهو من حلاوتك موش قال لي لالا خايفك تكتبيني والله ضحكتا ضحك قلتا ليهو اكتب ليك شنو جيتك انا ولا إنتا الجيتني يا دكتور بعد خلصتا تصوير فتحتا الصور قعدتا اعاين فيهم وقفتا في وحده الاتنين كنا منتبهين مع الصوره كانت حلوه شديد إيهاب قال لي حوليها لي حولتها ليهو وعملتها خلفيه وقفلتا التلفون إتزكرتا سفرياتي الفاتو كلهم لمن إتزكرتا اول وحده جيت فيها هنا بقيت إتبسم فجأه إتزكرتا الولد الكان راكب قدامنا وبعاين لي عاينتا لي إيهاب لقيتو شغال بالتلفون ختيت راسي في كتفو وغمضتا عيوني قال لي مالك قلتا ليهو مافي حاجه بس ربنا يخليك لي وما يحرمني منك قال لي ويخليك لي يارب وما يحرمني منك بعدها اقلعنا لحدي ما إستقرينا في الجو....

الفصل الرابع عشر

وصلنا السودان بعدها إتصلت على ابوي من رقمي السوداني ردا قال لي ملاذ يا بتي؟! قلتا ليهو ايواا ياخ فرِح فرَح بي جيتي سلم علي واديتو إيهاب قال لينا ح ارسل ليكم مجاهد يجيكم إيهاب قال ليهو خليهو ح نأجر عربيه وفعلا اجرنا عربيه لمن وصلنا مزن وأمي زغردو لينا 🤣🤣 دخلنا بعد السلام سالتهم من زهره وريم ياخ إشتقتا ليهم شوق مبالغه امي قالت لي زهره ولدت جابت ليها بت طولت قلتا ليها جد ما عارفاها والله قالت لي جاتنا قبل فتره والله وقالت لي زعلانه من ملاذ عشان ما باركتي ليها قلتا ليها والله العظيم ما عارفه ورقما بتصل فيهو ما شغال والغريبه كنتا متواصله مع ريم لكن ما جابت لي خبر مزن قالت لي سجمك غايتو🤣

ياخ ياسلام على الونسه في بيتنا وبساطة القلوب والله مهما أمشي ومهما اقبل حنيني دايما لي بيتنا ولي ابوي وأمي واخواني وزهره وريم

شلتا رقم لي زهره من مزن دقيت ليها كانت زعلانه مني زعل بعد تعب راضيتا قالت لي جيتي السودان متين قلتا ليها ياداب دي دخلتنا قالت لي حمدلله على السلامه قلتا ليها الله يسلمك قالت لي إحتمال في الايام الجايه دي اجي ناس أمي نعيد زكرياتنا تاني قلتا ليها اي ياخ تعالي نعيد لم الشمل تاني قالت لي سمح بعدها قفلنا مشيت رقدتا إيهاب مشى مع ابوي ومزمل الصالون بغادي بالعصر كدا قاعدين نتونس انا ومزن طبعا فتت لي شمارات سنه لي وراا في اثناء ونستنا مجاهد دقه ليها شالت التلفون ومشت سمعتا صوت الباب فتح شفتا ريم جات جاريه علي وحضنا بعض وقعدنا نبكي قالت لي والله يا ملوذه مشتاقين قلتا ليها بالاكتر والله يا ريم وبكينا مسافه وبعدها قعدنا نحكي لي بعض الحاجات الحصلت معانا وهي برضو ما قصرت ورتني باقي الشمارات قلتا ليها ما وريتيني اخبار زاهر معاك قالت لي كويس والله قلتا ليها ما حددتو موعد العرس قالت لي لسه والله ما حددنا قلتا ليها ربنا يتمم ليكم على خير يارب قالت لي إن شاء الله ،،إيهاب وينو ما شفتو قلتا ليها مع ناس ابوي في الصالون قالت لي تعالوا لينا في البيت عازماكم بكره شاي مغرب قلتا ليها سمح إن شاء الله في ونستنا كدا إيهاب جاء سلم على ريم ،،ريم قالت ليهو هسي في زكرك قال ليها كيف ناس امك وابوك قالت ليهو كويسين والله وإنتا كيف خالتو سماهر وشجن وشيرين قال ليها كويسين والله الحمد لله قالت ليهو منتظرين زيارتهم هسي انا كلمتا ملاذ بكره عازماكم شاي مغرب مافي اي اعزار لحدي بكره المغرب تكونوا إسترحتوا كويس قال ليها إن شاء الله والله قلتا ليهو عايز حاجه قال لي اي زكرتيني ممكن تعملي لي كبايه قهوه مصدع قلتا ليهو طيب دقيقه بس مشيت المطبخ ختيت القهوه وكبيت ليها بن ريحتا عجبتني عملتا تلاته كبابي وشلتهم ختيت حقتنا انا وريم واديت إيهاب حقتو مره باقي اليوم

نمت مع مزن وامي،، ابوي ومزمل وإيهاب في الصالون بغادي الصباح ابوي وإيهاب طلعوا الورشه ومزمل مشى الجامعه طبعا بقرأ في جامعة السودان هندسه قمتا رتبتا البيت مع مزن وقعدنا شربنا الشاي إشتقت لي شاي اللبن حق امي شديد....

بعد يومين من جيتنا السودان كنا قاعدين انا وإيهاب نتناقش في موضوع الوقت كان بالصباح أمي مشت السوق وابوي مشى الورشه ومزمل ياهو مع الجامعه ومزن قاعده تتكلم مع مجاهد ،،كنتا حاسه بي إيهاب متغيير شديد ما عارفه في شنو بس طوالي بكون بالو مشغول وبتكلم بالتلفون كتييير ولمن اسألو بقول لي شغل في نص كلامنا قلتا ليهو إيهاب إنت كويس قال لي وليه السؤال فجأه قلتا ليهو ما عارفه بس حسيت إني لازم اسألك السؤال دا إيهاب إنتَ في حاجه شاغله بالك طوالي ولمن اسألك تقول لي شغل هو الشغل دا نحن اخدنا إجازه عشان نريح نفسنا حبه ما ممكن اربعه وعشرين ساعه شغل قال لي بس انا يا ملاذ ما زيك إنتي شغاله في حدود مجالك وانا مدير لي مستشفى كامله تعالي مكاني وشوفي الامور بي عيوني قلتا ليهو انا مقدره كدا والله بس ريح نفسك حبه يا إيهاب إنتَ محتاج لي كدا قال لي طيب بحاول وقفلنا على الموضوع وسكتنا مزن جات قالت لينا ح اعمل قهوه اعمل ليكم إيهاب قال ليها ياريت قالت لي ملاذ وإنتي قلتا ليها ما عايزه مشت عملت القهوه وجابتا ختت لي إيهاب قهوتو اثناء ما قاعد تلفونو إتصل شالو ومشى بعيد المهم حاولتا إتجاوز الموضوع...

بالعصر قاعدين انا ومزن وأمي نتونس سمعنا صوت الباب دقا مزن مشت تفتح بعد مسافه جات قالت لينا جاكم ضيف قلتا ليها منو سمعتا صوت زول قال انا لقيتا زهره قلتا ليها زهره!! قالت لي بشحمها ولحمها كانت شايله بت ضغيرونه سلمنا على بعض بالاحضان قريب نص ساعه ونحن ماسكين في بعض ونبكي فكيتا ومسكتا منها البت قعدتا ابوس فيها سمتا معزه زهره قالت لي سبحان الله ما قعد تجي لي كل الناس قلتا ليها انا ما ناس انا خالتا قالت لي اي خالتا وسمايتا ما حضرتيها قلتا ليها والله ما عارفاها إنتي عارفه رقمك دا قدر ما حاولتا فيهو ما شغال ولا الحصل شنو ما عارفه بس لقيتو بقول مغلق وطوالي بسأل منك ريم وبتقول لي كويسه قالت لي رقمي القديم الشريحه ضاعت وجبتا لي شريحه جديده عشان كدا قلتا ليها ياها الاتصلتا ليك فيها ديك قالت لي اي ياها في كلامنا كدا تلفونا إتصل ردت كانت بت قالت ليها والله كويسه الحمد لله يا ابرار إنتي كيف...والله انا جيت ناس امي... لالا ياخي هسي انا بره البيت لمن ارجع بتصل ليك ..تماام

بعد قفلت قالت لي طبعا دي جارتي الحيطه بالحيطه بت صغيره يا حليلا إتزوجت وياهو راجلا جابا سكنا في البيت الجمبنا دا وقاعده معاهو سنتين وزياده في الاخير عرس فيها قلتا ليها عرس عديل وهي دابا ليها سنتين؟ قالت لي اي لكن هي شكت فيهو من بدري قالت لي بقى يغيب كتيير من البيت واثناء وجودو زي الكأنو ما موجود وفي اقل حاجه يتنرفز فيها قلتا ليها وهي عملت شنو لمن عرفت إنو عرس فيها قالت لي ح تعمل شنو يعني سكتت بس قلتا ليها كلام عجيب انا لو محلها ما بسكت قالت لي إنتي اسكتي خالص يا ملاذ والله إيهاب دا شايلك في عيونو ما فاضل ليهو إلا يجيب ليك لبن الطير ربنا يحفظوا ليك والله ما كل الرجال زي إيهاب قلتا ليها اي اي اقعدي شكري فيهو واصبري كما كلمت ليك محمد قالت لي دايره تخربي بيتي قلتا ليها دي ما انا دي إنتي براكي تتغزلي في راجلي🙂🤣 قالت لي غيره بس امشي اشكيني ساي لو طلقني بجي اعرس إيهاب🙂🤣 قلتا ليها سمح تبقي لي ضره 🤣 أمي جات قعدت جمبنا قالت لي زهره كيف راجلك وبيت نسايبك زهره قالت ليها تماام الحمد لله كويسين قالت ليها الحمد لله انا قعدتا العب مع معزه والشافعه حلاتا ياخ ساعة تضحك حلوه حلا بلقى نفسي بضحك معاها زهره قالت لي شكلها إعتادت عليك بسرعه قلتا ليها اي مزن جات جابت القهوه قالت لينا ما إتصلتوا لي ريم هسي تجي تقول ليكم دي شنو الخيانه دي إتصلنا ليها قالت لينا هسي بجيكم فعلا بعد دقائق جاتنا قعدنا نتونس وإسترجعنا زكريات زمان قعدوا معاي لحدي المغرب ومشن قدمتهم شفتا إيهاب واقف بتكلم في تلفون في الشارع بعد خلص جا سلم على زهره وريم وقعد يشاغل في معزه قعدت تضحك إيهاب قال لي زهره حلاتا سميتيها منو قالت ليهو معزه قال ليها ماشاء الله ربنا يحفظا المهم بعد داك ناس زهره وريم مشوا وانا وإيهاب دخلنا بقيت افكر في كلام زهره حق قبيل عن البت قلتا ممكن إيهاب يعرس فيني، إستبعدتا الفكره بس لمن فكرتا تاني في التلفونات الكتيره دي وتغيرو علي يمكن يعملا مع إنو انا شايفه إيهاب دا مختلف شديد عن اي راجل وزول واعي شديد وغير كدا نحن متفاهمين شديد قعدتا افكر مسافه وفي الاخير طردتا الافكار دي كلها ومشيت صليت...

الفصل السادس عشر16

بعد كم يوم كدا كملنا إسبوع في السودان قررنا نمشي منتزه نعمل لينا قعده ظابطه إتفقنا نمشي انا وزهره وريم ومزن وإيهاب ومجاهد وزاهر خططنا ليها من قبل يوم وإتفقنا إنو زهره تعمل شاي وانا اعمل ليهم كيكه وريم تعمل بلح شام جهزنا الحاجات وفضل لي التزيين عملتا شكلاته وبديت ازين فيها مزن جات قالت لي عليك الله اقسمي لي من الشكلاته حبه قلتا ليها بقسم ليك امشي جيبي لي الكريمه وتعالي جرت جابتا لي وجات قسمتا ليها وزينت الباقي عملتها زي التورته دخلتها التلاجه حبه لمن الوقت جاء طلعتها كنا ماشين بي عربية مجاهد وجزو بي عربية زاهر لبستا لي فستان وشبط عالي حبه وإتمكيجتا طلعتا لقيت مزن جاهزه قلتا ليها إيهاب وينو قالت لي طلع مشيت لقيتوا واقف بره وشغال بالتلفون قلتا ليهو إيهاب قال لي ايواا قلتا ليهو سلمني التلفون الليله اوف قال لي بس جريتوا منو قلتا ليهو إيهااااب قال لي تمااام الليله اوف🙂 قلتا ليهو ناس ما تجي إلا بالعين الحمراء قال لي ما عين حمراء بس ما بحب ازعل مرتي😉 المهم لحدي ما مجاهد جاء ركبنا وبهناك زاهر ساق زهره وريم إتلاقينا في المنتزه دخلنا فرشنا الفرشه وقعدنا زهره قالت لي ريم ارح نركب السفينه ريم عاينت لي وقعدت تضحك فضائح خلاص قالت لي زهره طيب وصحبتنا نوديها البطات حمرت ليهم طبعا زمان لمن نجي المنتزه دا هم بركبوا السفينه وانا كان عندي غرام مع البطات البعوموا في المويه ديلك واساسا كنت بخاف موت من السفينه فكنت بحجز فيهم وهم بضحكوا علي...

إيهاب قال ليهم قصة البطات شنو زهره طوالي حكت ليهو والعجب قدام زاهر ومجاهد قعدوا يضحكوا فيني ضحك قعدتا احمر ليها قالت لي يا ملاذ ما فيها شي نحن صحباتك ودا راجلك وديل اخوانك ولا شنو🙂🤣 قلتا ليها قفلي المهم مشينا حجزنا في السفينه وخلينا ناس إيهاب قاعدين ركبتا معاهم دي كانت اول مره اركب السفينه دي ياخ اول ما إتحركت خفتا خوف لمن قعدتا ابكي واكورك لحدي ما وقفت نزلتا وجسمي كلو برجف زهره قالت لي ما لي الدرجه دي يا ملاذ ما فيها حاجه عايني معزه ما خافت قلتا ليها ما حاسه نفسي كويسه قالت لي بسم الله مالك قعدتا في الارض حسيت بي لفت راس وجسمي هبط شديد ريم جرت جابت لي مويه شربتا وقعدت تدلك لي في يدي لحدي ما حسيت نفسي شويه بقيت كويسه قلتا لي ريم ناوليني مويه تاني ادتني غسلتا وشي وشربتا وقمنا مشينا فرشتنا قعدنا شربنا الشاي والكيك انا قمتا من جمبهم حسيت بطني وجعتني شديد قمتا مشيت حبه منهم قعدتا في بنش كدا سمعتا صوت تلفون إيهاب بتصل كنتا خاتاهو في شنطتي طلعتوا عايزه اصمتوا لقيت المكالمه من فاديه ،،السكرتيره ما رديت صمتا التلفون تاني إتصلت قلتا يمكن في حاجه مهمه بقيت افكر ارد ولا اودي لي إيهاب انا ما قاعده إدخل في شغلوا لكن كمان عايزاهو يرتاح حبه ما رديت لحدي المكالمه خلصت إنتظرتا مسافه لمن ما رجعت قلتا يمكن الموضوع ما مهم لكن تاني رجعت إتصلت رديت ليها قبل اقول اي حاجه قالت لي إيهاب عليك الله اسمعني وخليني ابرر ليك الموضوع ما ذي ما إنتا متخيل والله انا ما خزلتك ..قالت كلام كتير اغلبوا ما ركزتا فيهو وراسي بقي يضرب اسداس في اخماس هي بتعتزر ليه وفي شنو وبتقول ليهو ما خزلتك قصدها شنو قلتا ليها انا ملاذ قالت لي إنتي؟! اديني إيهاب عايزاهو قلتا ليها إيهاب حاليا مافي لمن يجي بخلي يتصل ليك وقفلتا دخلتا التلفون في الشنطه ومشيت قعدتا جمبهم إيهاب قال لي مالك قلتا ليهو مالي قال لي ما عارف من جيتي من السفينه وشكلك متغير شكلك بكيتي🤣🙂 قلتا ليهو إيهاب احسن ليك ما تقعدوا تشغلوها لي قال لي مع إنو ما بقدر ما اشغلا ليك لكن بحاول🤣🤣🙂

قلتا ليهو طيب جرب حظك وشغلا لي طبعا بخاف مني لمن اقول ليهو كدا عشان بزعل طوالي ح اعمل ليهو شنو يعني🤣 بس هو ما بقدر على زعلي

إيهاب الراوي

كنتا حاسي بي صداع شديد بي سبب المشاكل الحاصله دي والزاد علي لمن رائد إتصل علي وقال لي إنو ما لقى الاوراق حقت المستشفى قلتا ليهو فتش كويس انا متأكد إنو انا ختيتهم في الخزنه فتش مالقى قال لي انا شاكي إنو سعيد دا متفق مع فاديه يا إيهاب لانو مافي زول غير فاديه بتدخل المكتب قلتا ليهو طيب اقفل خليني إتفقد كميرات المراقبه بعد قفلتا من رائد إتفقدتها فعلا مافي زول غير فاديه بدخل المكتب معقوله بس فاديه تعمل كدا إتصلتا ليها وواجهتها في البدايه نكرت لكن لمن ضغطا عليها إعترفت إنها شالت الاوراق ادتهم لي سعيد بقيت في حالة لا يعلم بها الا الله تعب سنين وجري ضاع في يوم واحد بس دقيت لي رائد وكلمتوا إنو يفصلا فورا بقيت افكر ح اعمل شنو سعيد اكيد بعد ما إستلم الاوراق ح يطالب بالمستشفى وخصوصا إنها لسه بي إسمو ما بي أسمي!! فاديه بعد الحصل كانت بتتصل لي كتيير بس ما كنت برد ليها وبترسل لي رسائل برضو ما رديت ليها قعدتا افكر مسافه ملاذ جات قعدت جمبي قالت لي لو عندي قروش بالسعودي البنك ما بحولا لي بالسوداني؟ قلتا ليها في مغاصات بتحول القروش...إتزكرتا البنك قالت لي مالو قلتا ليها إن شاء الله يكون عندهم الاوراق لسه إتصلتا على رائد وقمتا مشيت بغادي قلتا ليهو يا رائد المبالغ الاتحولت دي إتحولت من بنك .... راجع البنك يمكن تلقى عندهم نسخه من الاوراق دي قال لي طيب بمشي ليهم بعد العمليه قلتا ليهو طيب بس اسرع يا رائد عشان سعيد ما يتخذ اي خطوه قال لي بعد العمليه طوالي بطلع على البنك قفلتا منو وبقيت قاعد على اعصابي بعد ساعه بالضبط رائد إتصل لي قال لي يا أيهاب انا طلعتا من العمليه لقيت إتصالات من سعيد في تلفون المكتب قلتا ليهو إتصل ليهو وخلي الخط فاتح قال لي تمام إتصل ليهو وفتح المكبر ردا بعد مسافه قال ليهو الو إيهاب كيفك رديت ليهو قلتا ليهو ما عندي كيف وإنتا في حياتي عايز شنو متصل علي قال لي ولا حاجه بس حبيت إطمن عليك وبالمناسبه اوراق البيع كلها بقت عندي يعني باختصار المستشفى رجعت لي لكن انا ما بحب اظلم زول رسل رقم حسابك احول ليك قروشك الدفعتها وكدا تبقى صافيه بيناتنا ولا شنو ،،فتحتا التسجيل وسجلتا كلامو كلو قلتا ليهو المستشفى دي إنتا بعتها وانا إشتريت وكان مفترض زمان تبقى بي إسمي إنتا خدعتني وشلتا المبلغ وما كتبتها بي إسمي بس انا سبقتك بي خطوه إنتا ما كنتا متوقعه وهي إنو كان عندي نسخه من اوراق المبالغ الدفعتها وعليها توقيعك والاوراق دي كانت بالنسبه ليك هاجز كبير منعك من إنك ترجع المستشفى بعد ما شلتا قروشي كنتا مفتكر إنك عادي جدا ممكن تغشني وتشيل قروشي وترجع المستشفى بي سهوله وهسي برضو يا سعيد انا سابقك بخطوه خلي الكلمه دي في بالك قعد يضحك قال لي نشوف يا إيهاب اصلا حتى لو مسكتا المستشفى بعد المشاكل الحصلت والدكاتره القتلوا المريض ديلك عادي جدا المستشفى دي تتعرض للمسائلات القانونيه قلتا ليهو قصدك الدكاتره الانت مرسلهم لي قال لي انا ما رسلتا زول ديل دكاترتك زاتهم بس لعبتا بي دماغهم حبه ورسمت ليهم احلام ورديه زي ما رسمتا ليك إبتسمتا يعني فعلا ربنا لمن ينصرك بوقع عدوك بي طريقه بسيطه شديد ما يكون خاتي ليها حساب....

2

للكاتبه تقى محمد

《18》

كنتا قاعده بفكر في تصرفات إيهاب في الفتره الاخيره انا متأكده في حاجه وفاديه دي علاقتها شنو بالموضوع الكلام دا ما راضي يدخل لي في راسي وبقى كلام زهره يتردد لي في راسي حسيت بي وجع راس شديد من امبارح وحاسه إنو عندي حمى رقدتا في السرير الكلام دا بعد صلاة العشاء قعدتا ابكي ما عارفه ببكي عشان شنو زاتو مزن جات لقتني كدا قالت لي يابت مالك قولي بسم الله يا ملاذ في شنو لمست راسي لقتني محمومه قالت لي يابت إنتي عندك حمى دقيقه انادي امي وإيهاب قلتا ليها نادي امي بس عاينت لي وما ناقشتني مشت نادت امي وإيهاب برضو جاء لقوني في حالتي ديك امي قالت لي يابت مالك قلتا ليها ما عارفه بس حاسه بي وجع راس شديد قالت لي جسمك حار قومي نمشي المستشفى إيهاب جاء علي لمس راسي قال لي حاسه بي شنو احكي قلتا ليهو زح مني بس كلهم إتخلعوا لمن قلتا ليهو كدا كنتا مغبونه منو زحيت منو وحضنتا امي وقعدتا ابكي مزن قالت ليهو زعلتها في حاجه قال ليها لالا والله لحدي قبيل كنا كويسين امي قالت ليهو دور العربيه يا إيهاب نوديها المستشفى هو مشى وامي لبستني عبايه طلعنا مشينا المستشفى لمن وصلنا انا حسيت بي لفة راس عديل كدا من الصداع وطوالي جيت واقعه من طولي اخر حاجه سمعتها صوت امي وتاني ما سمعتا حاجه لمن صحيت لقيت نفسي في المستشفى تغريبا في غرفه خاصه كان مركبين لي درب فتحت عيوني كنتا حاسه جسمي مكسر مكسر عاينتا للساعه كانت في الحيطه لقيتا ماشه على وحده بالليل إنتظرتا الدرب خلص عايزه افكوا كدا الباب فتح إتوقعتها ممرضه لقيتو إيهاب لمن شافني جاء سريع علي قال لي ملاذ إنتي كويسه قلتا ليهو حاسه بي تكسير في جسمي قال لي اي لانو عندك ملاريا وجسمك فاقد شديد قلتا ليهو معقوله دي ملاريا بس قال لي في فحوصات لسه ما طلعت المعامل جزو كبيره منها واقف لكن ح ننتظر لحدي الصباح قلتا ليهو سمح ورقدتا تاني قعدتا اعاين للسقف مسك لي يدي وقال لي عارفه قيمتك عندي قدر شنو يا ملاذ عاينتا ليهو قال لي انا اسف لو غلطا في حقك قلتا ليهو يا إيهاب إنتا ما بس غلطا إنتا بقيت تتجاهلني عديل إنتا عارف انا فكرتا في شنو وقتها ما تقعد تقول لي قيمتك وقيمتك إنتا كذاب تقعد تسمح لي في الكلام وانا اسكت بس لحدي هنا وكفايه يا إيهاب وقعدتا ابكي قال لي انا كلمتك إني مضغوط في الشغل إنتي حاولي إتحمليني بس قلتا ليهو اكتر من كدا يا إيهاب اكتر من كدا قال لي معليش حبه تاني بس عندي مواضيع مشربكه اول ما تتحلى بوعدك إنو اعوضك بس ما تزعلي مني حاضر؟! قلتا ليهو سمح لمن مواضيعك تتحلى وتنتهي تعال إتكلم معاي فهمتا يا إيهاب هسي ما عايزه اي كلام معاك ولو سمحتا امشي خليني إرتاح لانو انا مريضه رقدتا وقبلتا منو بالجهه التانيه قال لي ما تغسي علي انا محتاجك معاي يا ملاذ ما ممكن يبقوا علي إتنين إنتي زعلك براهو مشكله قعد مسافه لمن ما رديت ليهو طلع...

صباح اليوم التاني صحيت بي صوت امي ومزن لمن فتحت عيوني امي جات قعدت جمبي قالت لي يا ملاذ يابتي كيف اصبحتي قلتا ليها الحمد لله مزن قالت لي امبارح خوفتينا عليك إبتسمتا ليها بعدها ابوي ومزمل جو حمدلو لي السلامه إستغربتا إيهاب ليه ما معاهم بعد مسافه الدكتور جاء كتب لي فحوصات قال لي اعملي ديل وتعالي امي شالت منو الورقه بعدها طلعنا عملنا الفحوصات كلها قلتا لي امي إيهاب وين قالت لي مشى يجيب الادويه اثناء ما بنتكلم كدا جاء ،،قعد جمبنا قال لي كيف اصبحتي قلتا ليهو تماام الحمد لله قال ل امي عملتوا الفحوصات امي قالت ليهو اي منتظرين النتيجه قاعدين كدا بعد مسافه بتاع المختبر جاء ادى إيهاب الورقه حقت الفحص مسكا وقعد يعاين ليها حسيت بيهو إنصدم وشديد كمان.....

بتاع المختبر جاء ادى إيهاب الورقه حقت الفحص مسكا وقعد يعاين ليها حسيت بيهو إنصدم وشديد كمان امي قالت ليهو في شنو يا إيهاب عاين ليها حسيت بيهو شويه ويبكي قال ليها ملاذ حامل لمن قال كدا انا لمن حسيت قلبي طلع من مكانو من الصدمه امي قعدت تزغرد وإيهاب ضماني شديد وقعد يبكي جد جد ياخ حسيت بي فرحه وبقيت اتمتم انا حامل مسكتا ورقة الفحص من إيهاب وبعاين ليها بوزتف كبيره كان خبر حلو خلاص مشينا كلمنا ابوي ومزمل ومزن فرحوا لي فرح مزن قالت لي ح ابقى خاله قلتا ليها وانا ح ابقى ام🥺 كان شعور حلو خلاص فكرة إني ح ابقى ام وإيهاب ابو رجعنا البيت طبعا الدكتور كتب لي علاجات كتيره لانو البيبي كان ما ثابت عشان كدا ،،إيهاب إتصل على خالتو سماهر وكلما واداني ليهم باركوا لي وبرضو ناس زهره وريم اول ماسمعوا الخبر جوني زهره زغردت لي ريم قالت لي لو بت تسميها علي البيبي كان في الشهر التاني بعد الخبر دا بقيت كل يوم إدلع لي ناس امي حتى إيهاب اي حاجه نفسي فيها بقول ليهو ماخلى لي حاجه باسطه حلويات وشبسيات حتى مرات بطلعني يفسحني ساي بعد تلاته يوم من الخبر دا بالليل كنتا قاعده في الحوش الجو كان حلو امي ومزن نايمين في غرفهم إتصلتا لي إيهاب بعد مسافه ردا قال لي في شنو يا ملاذ قلتا ليهو تعال انا منتظراك في الحوش كنتا قاعده في سراير الحوش جاء لقاني قاعده قال لي مالك في شنو إنتي كويسه قلتا ليهو اي كويسه جاء قعد جمبي قال لي اها عايزه شنو قلتا ليهو عايزه ايسكريم قال لي الجو بارد لكن إسكريم شنو قلتا ليهو يا إيهاب قلتا ليك عايزه إسكريم قال لي خلاص خلاص امشي البسي نطلع نجيبوا مشيت لبستا عبايتي وجيت طلعنا الشوارع كانت مضلمه بس ضوء القمر الجو كان حلو شديد مسكتا يد إيهاب ومشيت معاهو لحدي ما وصلنا مكان إسكريم بعد تعب لقينا واحد دخلنا قال لي عايزه ياتو نوع قلتا ليهو بوظه بالفراوله مشى جاب لي وجاب لي نفسوا وجاء قعدنا اكلتها إيهاب كلو شويه يعاين لي قلتا ليهو مالك ؟ قال لي ما مصدق إني ح ابقى اب قلت ليهو وانا ما مصدقه إني ح ابقى ام حاسه نفسي لسه صغيره على المسئوليه دي🥺 قال لي نحن بنهتما بي مرضى اكيد م ح يغلبنا طفل صغير قلتا ليهو كلامك صح بعد خلصنا إتمشينا حبه وإتونسنا حسيت إنو دي كانت اكتر ليله صافيه من دون مشاغل او اي حاجه تعكر الجو كنا بنفضفض لي بعض ونضحك...

الفصل العشرون

رجعنا البيت إيهاب مشى الصالون وانا دخلتا غرفتي رقدتا مسافه ما كان جاييني نوم قعدتا افكر واتخيل إني لمن ابقى ام جد جد ح اربي اولادي كيف والمسئوليه دي هل ح إتحملا ولا لأ ختيت يدي في بطني وقلتا ماما بتحبك من هسي قبل تشوفك يا حبيب ماما كنتا مفكره لو جاء ولد ح اسميهو عمر على عمي الله يرحمو ولو جات بت ح اسميها ريم❤️ نمتا وانا بفكر صحيت الصباح طلعتا الحوش لقيتهم متجمعين كلهم يتونسوا ابوي ومزمل وإيهاب وامي ومزن مشيت غسلتا وشي وإتسوكتا وجيت قعدتا معاهم كبيت شاي وقعدتا اشرب وإتونس معاهم ابوي قال لينا انا بعد دا لازم امشي مزمل قال ليهو انا زاتي وقتي جاء المهم مزمل وابوي طلعوا فضلنا نحنا إيهاب تلفونو إتصل شالو ومشى امي قالت ل مزن جيبي الفول الجابو ابوك امبارح نضفيهو إنتي وملاذ انا ماشه اعوس قالت ليها طيب بعد مزن مشت امي قامت تعوس قعدتا اقلب في التلفون كدا إيهاب جاء قعد كان لسه بتكلم تغرييا مع رائد كان بتكلم عن اوراق تغريبا وكان منزعج شديد لمن خلص قلتا ليهو في شنو مالك قال لي مشكله في المستشفى قلتا ليهو الاوراق حقت شنو طيب قال لي حقت المستشفى قلتا ليهو قصدك حقت الملكيه ديك قال لي اي إنتي شفتيها ؟ قلتا ليهو اي يوم داك برتب في الدولاب في المكتب لقيتهم حتى قلتا ليك إنتا ليه خاتيها هنا بس شكلك ما ركزتا معاي ،،المهم مالا قال لي ضاعت ياريت لو سمعتا كلامك كان هسي ح تكون في امان قلتا ليهو يلا انا عرفتا إنو الحاجه دي ممكن تحصل عشان كدا عملتا منها نسخه قال لي نسخه!! جاده؟ قلتا ليهو ايواا قال لي دقيقه يا ملاذ الاوراق حقت الملكيه ومعاها الفواتير إنتي قاصده دي ولا وحده تانيه قلتا ليهو اي دي ياخ فرح فرح قال لي إنتي عارفه حليتي لي مشكله كبيره خلاص قلتا ليهو يعني دي هي المشكله البتتكلم عنها؟! قال لي إنتي عارفه المستشفى ما مسجله بي إسمي وبالتالي الاوراق دي هي الاثبات الوحيد إنو المستشفى دي ملكي قلتا ليهو اي صاح لاحظتا مسجله بي إسم سعيد بس يا إيهاب سعيد دا موش إنتا إشتريتا منو ليه لسه مسجله بي إسمو؟! وسعيد دا منو هو اساسا يا إيهاب....