تحميل رواية جمعتنا فرصة عمل الجزء الثاني بقلم تقي محمد pdf

قلتا ليهو اي صاح لاحظتا مسجله بي إسم سعيد بس يا إيهاب سعيد دا موش إنتا إشتريتا منو ليه لسه مسجله بي إسمو؟! وسعيد دا منو هو اساسا يا إيهاب ؟ قال لي سعيد دا صاحب خالي لمن إتخرجتا من الجامعه خالي عرفني عليهو طبعا هو كان المدير بتاع المستشفى وكان إسمها في الوقت داك الهدى نزلتا شغل معاهم وبديت إدرب مع جراحين كبار لحدي ما بقيت إشتغل عمليات طبعا الجراحين الوقت داك كانوا متعاونين مع المستشفى ما عندوهم جراحين ثابتين رائد برضو جاء إشتغل معانا ولمن خلاص امتلكنا بطاقات مزاولة المهنه وبقينا جراجين بندخل عمليات بدل مساعدين جراح قام سعيد ثبتنا في المستشفى بقينا شغالين فيها وعشان هو كان سمسار بتاع عقارات وعندو مشغوليات كتيره مسكني الاداره المهم جمعتا لي قروش كتييره طبعا من المجمع ومن شغل المستشفى كنتا بشتغل عمليات بي مبالغ كبيره ومرات بسافر عديل لي عمليات جمعتا قروش كنتا ناوي اعمل مستشفى خاصه بي براي وبعدين اشغل فيها دكاتره سودانين واعمل عروض عمل لي اي زول محتاج لي شغل لمن جيت عرضتا الفكره على سعيد قال لي رأيك شنو ابيع ليك المستشفى حقتي فكرتا في كلامو وضربتها المستشفى حقتوا معروفه ومؤهله اي صح وقتها كانت بسيطه ومافيها اجهزه ومعدات كتيره بس برضو من ناحية معروفه هي معروفه ولو انا بديت ابني مستشفى جديده يمكن ما تتشهر زي دي وافقتا على كلامو وإتفقنا على مبلغ جمعتوا حتى كان ناقصه لي شوية قروش إدينتها من واحد زميلي تميت ليهو المبلغ قبل ما اسلموا القروش سألتا عن سعيد دا زاتو وقالوا لي إنو هو سمسار وزول معروف بس كمان قالوا لي إنو مرات بعرض بيت او قطعه للبيع ويقبض قروشا ويستفيد من القروش في مشروع ولمن يجي لي التسليم ما بسلم الزول القطعه او البيت وبتماطل لحدي ما الموضوع يدخل في محاكم وفي النهايه يرجع للزول قروشو بعد يكون إستفاد من المشروع العملو بيها كنتا بسمع القصص دي كلها بس ابدا ما صدقتها ولانو سعيد كان صاحب خالي إستبعدتا تماما فكرة يعمل معاي كدا لكن برضو كنتا ما مطمن المهم لمن حولتا ليهو القروش قصدتا احولا من البنك وبي شيك يستلمو ويوقع على اوراق إنو إستلمو وشلتا صور من الاوراق دي لمن جينا للتسليم قال لي اصبر لي حبه اعمل الاجراءات واسلمك اوراق الملكيه إتفقنا على وقت وبرضو نفسي العزر لمن كتر الاعزار مشيت ليهو في البيت عديل وإتكلمتا معاهو قال لي يا إيهاب بديك الاوراق اصبر لي... لمن الموضوع جره شديد دخلنا في محاكم وقضاة حاول يعمل لي زي ما عمل للمشترين بتاعينو بس انا كانت معاي إثباتات رسميه إنو هو باع لي واوراق بي توقيعو القصه دي جرجرت شديد لحدي ما المحكمه حكمة لي والمستشفى بقت حقتي وقضيتي دي فتحت كذا قضيه وناس كتار جو إشتكوا منو القاضي حكم ليهو بي فترة سجن وانا شلتا الاوراق بس غلطتي الوحيده إنو انا ما عدلتها بي إسمي كنتا شايف إنو مافي داعي ما دام كدا كدا المستشفى بقت في يدي بديت شغل في المستشفى اول حاجه زدتها كم طابق وجبتا اجهزه كتيره ومواد وبرضو وإتفقتا مع كذا تاجر وموردين بتاعين اجهزه بقت المستشفى مؤهله اكتر وبقت تتم فيها عمليات كتيره شديد لي درجة إنو لمن احصينا عمليات المستشفى في شهر لقيناها قريب العشرين عمليه الوضع كان ماشي للاحسن لحدي ما سعيد دا ظهر تاني وبدأ يرسل لي ويهدد فيني إنو لازم اسلموا المستشفى وح يدفع لي الدايرو بس انا رفضتا عرض علي مبالغ خياليه وبرضو رفضتا ليه لي درجة إنو بقي يجيني في المستشفى ويعمل لي مشاكل وحتى كان عامل منشور عن المستشفى وكاتب كلام كتير سلبي عن المستشفى وشغلها عشان ينفر الناس مننا بس ما نجح في دي لانو المستشفى سمعتا كانت سابقاها لمن الطرق دي ما نفعت جاني عديل تتزكري يوم التمريض قلتا ليهو اي بتزكر قال لي يلا جاني وقال لي والله يا إيهاب سلمتني المستشفى دي سلمتني ليها ما سلمتني ليها انا ممكن اقتلك عديل طبعا هو بسكر ومرات بقول كلام بره من راسو المهم سجلتا ليهو الكلام دا ومشيت إشتكيتو إتسجن تاني بس لمن طلع للمره التانيه بقى يرسل لي دكاتره اول حاجه اخلاقيات مهنه ما عندهم كلو عشان يشوهو صورة المستشفى زي الدكاتره العملوا معاك المشكله ديلك هو مرسلهم والبت الاسمها سهى ديك برضو هو رسلها ودكاتره كتار من داخل وخارج المستشفى كلو عشان يشوه صورة المستشفى هو متخيل إني بعد المشاكل دي كلها ممكن ارجع ليهو المستشفى واقبل بي عرضو إنو يرجع لي قروشي لكن دا من سابع المستحيلات المستشفى دي انا تعبتا فيها تعب لحدي ما قومتها وبقت مستشفى معروفه وليها إسمها ولو لاحظتي المستشفى دي بجوها مرضى كتار شديد ومن مختلف الدول العربيه وبنستقبل دكاتره اكفاء جدا في العمليات والحالات الصعبه يعني مستشفى ما ساهله بقت قلتا ليهو هسي يا إيهاب إنتا مفترض اول خطوه تعملا تعدل المستشفى دي بي إسمك لانو ما معروف يمكن سعيد دا تاني يرفع ضدك دعوه واساسا المستشفى ما بي إسمك م ح تقدر تعمل حاجه غير إنك تعاين لي تعب سنينك الفاتو كلهم وهو بروح قدام عيونك قال لي اي ح اعمل كدا وبعدها انا برفع دعوه ضدو بعدها سكتنا الاتنين فجأه إتذكرتا إتصال فاديه قلبي قال لي اسأليهو يمكن انا فاهمه غلط وعقلي يقول لي يعني حتى لو هو في حاجه بينهم اكيد م ح يقولا لي وح يشاكلني اساسا ليه فتحتا تلفونو إتشجعتا و قلتا ليهو عايزه اسألك من سؤال برضو قال لي سؤال شنو قلتا ليهو يوم مشينا الحديقه تتزكر لمن شلتا منك تلفونك وقلتا ليك الليله ماتشتغل بيهو خلينا نستمتع قال لي اي بتزكر في شنو ؟ قلتا ليهو يلا إتصلت فاديه ما كنتا عايزه ارد ليها لكن ما كنتا عايزاها تشغلك تاني وكنتا عايزاك تفرق معانا حبه قمتا فكرتا ارد ليها وإذا في حاجه مهمه اكلمك رديت ليها واول كلاما قالت لي اسفه يا إيهاب اسمعني وخليني ابرر ليك الموضوع ما زي ما إنتا متخيل انا ما خزلتك ، انا ما فهمتا هي قاصده شنو وتبرر ليك شنو اصلا وبعدين هي كيف زاتو تقول ليك إيهاب حاف كدا لازم يكون عندها حدود عاين لي وقعد يضحك قال لي ياداب فهمتا ليه كنتي بتتكلمي معاي كدا وكنتي زعلانه ليه الموضوع وراهو فاديه قلتا ليهو انا ما قاعده اهظر😤 قال لي الموضوع كلو إنو الاوراق الحكيت ليك عنها وقلتا ليك ضاعت هي ما ضاعت بل فاديه شالتا من دولاب المكتب وودتا لي سعيد !! لمن قال كدا إنصدمتا قلتا ليهو فاديه؟!...

2

للكاتبه تقى محمد

《22》

قال لي الموضوع كلو إنو الاوراق الحكيت ليك عنها وقلتا ليك ضاعت هي ما ضاعت بل فاديه شالتا من دولاب المكتب وودتا لي سعيد !! لمن قال كدا إنصدمتا قلتا ليهو فاديه؟! قال لي ايواا قلتا ليهو ليه بس ومصلحتا شنو قال لي ما عارف بس ظاهر إنو سعيد اغراها بي مبلغ كبير قلتا ليهو وعملتا ليها شنو قال لي فصلتها قلتا ليهو اي احسن زاتو تستاهل اصلا ما ردتها بس يا إيهاب اديها فتره ورجعا ظاهر إنها زوله محتاجه للشغل لانو من نبرة صوتا الاتكلمت معاها بي كان ظاهر إنها بتبكي وندمانه شديد قال لي قراري نهائي قلتا ليهو معليش عشاني انا رجعا ما شرط تكون سكرتيرتك خليها تشتغل اي حاجه إنتا ما عارف قطعت الرزق حاره كيف قال لي بفكر في موضوعا ،،مزن جات جابت الفول نضفناهو سواا بعدها عملنا الفطور إيهاب جاء قال لي الاوراق الصورتيها وين وريتو ضرب لي رائد كلمو والمشكله شبه إتحلت بالعصر خالتي ومجاهد ومحمد جونا إتونسوا معانا خالتي قالت لي إيهاب ملاذ دي رفعت قزازا من عرستها وسقتها مننا بالله خالتا ما تجيها قلتا ليها ما كدا يا خالتو بس قالت لي بس شنو ما عندك اي عزر قلتا ليها لالا والله كنتا عيانه حتى اسألي امي🥲 امي قالت ليها اي والله كانت عيانه عندها ملاريا قبل موضوع الحمل دا يظهر خالتي قالت لي يا ستير يابتي اعملي حسابك قلتا ليها عامله حسابي بقيت قالت لي اي اعملي حسابك واكلي كويس بقيتي ضعيفه زاتو تقول ما قاعده تاكلي طبعا هي بتطاعن في إيهاب بطريقه غير مباشره وهو بس يعاين لي ويحرك لي في يدو نظام كلاما صح🤣 قالت لي ابقي زي مزن دي ما شاء الله صحتا شوفيها مزن قالت ليها اي يا خالتي اسحريني قالت ليها قلتا ما شاء الله إنتي كمان قالت ليها ما سمعتها🙉 المهم ادتني نصائح كتيره وطلعتني ما قاعده اكل وعندي سوء تغزيه عديل🤣 بعدها إتونست معانا سمح ومشوا جابت لي معاها هديه توب وكعب عالي التوب بالوردي فيهو زي صفك بالبنفسجي والاخضر وفي الصفك في لمعه والكعب بالوردي يا حليلا ما قصرت بعد طلعت إيهاب جاء قال لي بعد إسبوع ح نرجع السعوديه قلتا ليهو طيب لانو بالجد إشتقتا لي بيتنا ولي المستشفى وناس خالتو سماهر وشيرين وطلعاتنا كلمتا ناس امي ،،امي قالت لي تمشي وين خلوا لمن تولدي قلتا ليها يا امي الولاده لسه بدري عليها يا داب في الشهر التاني لسه فاضل سبعه شهور حتن اولد المهم الايام مشت سريع وناس زهره عملوا لي قعده في اليوم القبل الاخير لي وخالتي جات وام زهره وريم بيتنا إتملى ودعوني كلهم يا حليلهم وزهره وريم بالبكاء عديل بكينا بكاء يا حليلهم صُحبت سنين ح إشتاق ليهم صباح اليوم التاني قمتا رتبتا ملابسنا إيهاب غسل جزو ومزن غسلت الباقي انا كويت ورتبتهم في الشنط بي زي المغرب كدا عملنا شاي المغرب وقعدنا نتونس ابوي جاء قعد معانا

كنتا قاعده جمبو وضامه يدو علي كنتا بفكر في السنين دي جرت كيف انا قريبا ح ابقى ام وابوي جد وامي حبوبه🤣 سبحان الله كملنا الونسه انا نمتا ليهم في نص كلامهم الا صحوني للعشاء إتعشيت ومشيت رقدتا الصباح بدري امي صحتني طيارتنا كانت الساعه خمسه صباحا قمتا من اربعه جهزتا نفسي الصبح ازن صلينا وطلعنا وصلنا ابوي طبعا ودعتهم وانا ببكي ما كنت عايزه افارغهم ركبنا الطياره واقلعنا على السعوديه❤️....

وصلنا السعوديه لاقانا إسماعيل بالعربيه ركبنا ومشينا البيت خالتو سماهر وشيرين وشجن كان عاملين لي إستقبال حلو كانو فرحانين بالحمل كدا بقينا إتنين🤣 انا وشيرين ما شاء الله شرين بطنها بقت كبيره طبعا هي في الشهر الخامس قالت لي اصبري حبه بس لمن تصلي مرحلتي دي النوم م ح تقدري تنوميهو قلتا ليها طمنتيني الله يطمنك بعدها طلعنا إرتحنا صباح اليون التاني إيهاب طلع مشى المستشفى يتمتم موضوع الاوراق وكلم خالو برضو عشان هو بعرف سعيد ومشوا سواا ،،ختينا الفطور فطرنا وطلعتا بيتي كنتا تعبانه

مرت الايام سريع ودخلتا في الشهر التاسع طبعا من جيت من السودان ما نزلتا شغل في المستشفى نهائي كان شغال إيهاب براهو قال لي مره مره سحر بتساعدوا لمن تكون فاضيه وبالنسبه لي موضوع سعيد أتسجلت المستشفى بي إسم إيهاب خلاص وإيهاب قدم الاوراق والتسجلات للمحكمه وسعيد إتحاكم بالسجن عشان الغش والاحتيال الكان بعملو وطبعا شيرين ولدت جابت بت سمتا سبأ وبعد خلصت فترة النفاس سافرة لي راجلا اما انا الحمل تعبني شديد زي ما قالت لي شيرين بس والله كلو يهون شعور إنو انا شايله طفل في جواي بخفف علي كتيير إيهاب يا حليلو ما قصر معاي كان بجي متأخر ويرتب معاي البيت وما بخليني اعمل اي حاجه وخالتو سماهر كانت بتطبخ هي ما كنتا شغاله اي حاجه وبعد دا شعري منكوش وحالتي بالبلاء صحيت من النوم

كان يوم جمعه قمتا دخلتا الحمام إستحميت وبدلتا ملابسي حاولتا اسرح شعري لميتو بقى مرتب حبه طلعتا لقيت إيهاب قاعد في الصاله صبحتا عليهو قال لي اقعدي اجيب ليك شاي قلتا ليهو خليهو بجيبو براي مشيت دخلتا المطبخ وكالعاده الكفتيره في مكان والكبابي في مكان والملاعق ما تديك الدرب بس برضو مهون علي رتبتا المطبخ وكبيت شاي وجيت قعدتا جمبو كان خاتي الجردل والممسحه قدامو ويعاين ليهم داير يمسح وما قادر🤣 قال لي كويس إنك سرحتي شعرك دا انا كل يوم اشوفك بنخلع قلتا ليهو هها ما قعد يضحك على فكره قال لي بقيتي تشبهي الغول شكلوا لازم افكر...

قلتا ليهو تفكر في شنو مسكتا الممسحه وبقيت اعاين ليهو قال لي شكلو لازم افكر اغير الديكور للبيبي وكدا🙂 قلتا ليهو اها بحسب قال لي لاتغضبي يا حلوتي فانتي في نظري حلوه حتى لو بتشبهي الغول🤣 عاينتا ليهو كدا😒😒 قال لي جيبي الممسحه خليني اشوف شغلي اديتا ليهو مسكا وبدأ يمسح وانا قعدتا اشاغل فيهو مره يضحك ومره يحمر لي لحدي ما جاء يمسح تحتي قال لي ارفعي رجليك رفعتهم مسح وجاب المعطر رشاهو وفتح التكييف وبعدها شال العدا غسلا لمن خلص جاء قعد قال لي ياخ شغل البيت دا صعب خلاص قلتا ليهو إنتا شفتا حاجه هسي إنتا لا قاعد تضبخ ولا قاعد تغسل وتكوي كان عملتهم إلا تشرد تخلي البيت قال لي انا ماشي إرتاح حبه لمن وقت الصلاة يجي صحيني قلتا ليهو سمح مشى رقد لمن وقت الصلاة قرب مشيت صحيتو قام إستحمى وغير بالجلابيه وطلع مشى المسجد معا خطبة الجمعه كدا حسيت بي وجع شديد في بطني وانا قاعده براي لمن ما قدرتا إتحرك قعدتا اكورك يمكن خالتو سماهر تسمعني حسيت بي نفسي كتم بقيت افتش في تلفوني لحدي ما لقيتو إتصلتا لي خالتو سماهر وقبل ترد بقيت اشوف طشاش طشاش ونفسي كتم والدنيا دي ضلمت في وشي.....

2

للكاتبه تقى محمد

《24》

إيهاب الراوي

امي إتصلت لي من دون اي مقدمات قالت لي يا إيهاب لو في المستشفى رسل لينا إزعاف ملاذ دي تعبانه شديد لمن قالت كدا لقيت نفسي جاري بس لحدي طلعنا إزعاف ركبتا معاهم ومشينا لمن وصلنا لقيتا حالتا صعبه شديد وبتتنفس بي صعوبه رفعناها في الازعاف وانا ركبتا معاهم الممرضات حاولن يهدنها انا ما كنتا عارف إتصرف كيف لحدي ما وصلنا المستشفى دخلوها غرفة العنايه وبعدها سريع دخلوها غرفة العمليات دكتوره رميساء كانت ماسكه عمليات الولادات قلتا ليها في شنو يا رميساء ملاذ كويسه قالت لي ح ندخل تدخل مستعجل الضغط حقها منخفض جدا ودا ممكن يأثر عليها وعلى الجنين...

لمن قالت انا ما قدرتا اقيف كيف يعني ملاذ دي انا خليتا كويسه وحتى كنا بنهظر سواا بقينا منتظرين قريب ساعه حتن رميساء طلعت قالت لي مبروك جاك ولد قلتا ليها الله يبارك فيك بس ملاذ كيف هي كويسه صح قالت لي كويسه الحمد لله بس ح تكون تحت المراقبه لحدي ضغطها ما يبقى كويس بعد مسافه الممرضات جو شايلين ولدي مسكتو ياخ شعور إني بقيت اب كان حلو خلاص امي وشجن كانوا فرحانين لي فرح ازنت ليهو وسلمتا عليهو في راسو واديتو امي شالتو كانت فرحانه فرح وتشيل وتحصن فيهو بعد مسافه ونحن قاعدين الممرضات بقن يتجارن ودكتوره رميساء جات جاريه سريع دخلت ما فهمنا اي حاجه الحاصل شنو في ممرضه جات وقفناها قالت لينا المريضه نزفت لازم نوقف النزيف فورا لانو لو ما وقف ممكن تموت لانو مسبقا كان ضغطها منخفض!! امي قعدت تكورك فيها قالت ليها تموت كيف إنتي مجنونه شجن بقت تهدي فيها اما انا ما كنتا حاسي بي رجليني قعدتا وختيت يدي في راسي فكرة إنو ملاذ تموت دي لالا مستحيل بقيت إستغفر وادعي دخلنا في حاله لايعلم بها إلا الله وكل شويه ممرضه تطلع وتدخل ما قدرتا اقعد مشيت الاستراحه صليت ودعيت ليها كتييير ملاذ دي ما بس مرتي وبت عمي دي حب سنين بحبها من وهي في الاساس دعيت كتير كنتا حاسي بالوقت بمر بطئ اعصابي باظت مشيت تاني قعدتا جم ناس امي لقيتهم ودو البيبي الحضانه بقيت ماشي وجاي في الممر ما قادر اقيف ورجاء إتأخرت شديد قربتا ادخل ما قادر إستحمل عايز اعرف الحصل شنو ؟ لحدي ما رميساء جات طالعه وانا في الحاله دي....

إيهاب الراوي

جرينا للدكتوره قلتا ليها ملاذ كيف؟ قالت لي خسرت دم الحمد لله ما كان كتير لكن إحتماليه كبيره يجيها ضغط في المستقبل قلتا ليها ممكن ندخل ليها قالت لي والله يا إيهاب هسي هي شويه تعبانه خلوها تستريح حبه ح ننقلا لي غرفه عاديه ،،الدكتوره مشت ونحنا بقينا واقفين لحدي ما طلعوا ملاذ ودوها غرفه عاديه اليوم كلو كانت تحت تأثير المنوم ما خلونا ندخل ليها لحدي الصباح نحن مساهرين..

ملاذ الراويه

فتحتا عيوني الضو كان قوي قفلتهم وفتحتهم حبه حبه كنتا شايفه طشاش طشاش لحدي الرؤيه ما إتضحت لقيت نفسي المستشفى ومركبين لي درب حاولتا إتزكر الحصل شنو فجأة ختيت يدي في بطني وجعتني الحصل شنو انا اخر حاجه بتزكر وقعتا وتاني ما حسيت بي حاجه يارب البيبي حصل ليهو حاجه؟! خفتا شديد حاولتا اقعد ،، بي صعوبه حتن قعدتا اخدتا نفس وضغطا الزر جمب السرير ضغطوا مسافه وانا حاسه بي مضايقه شديد خمسه دقائق الممرضه جات قالت لي حمدلله على السلامه دكتوره ملاذ امس قلقتي بينا كولنا إنتي بخير هلا قلتا ليها الله يسلمك بس عايزه اسأل انا ولدتا ولا الحصل شنو قالت لي ايواا الحمد لله جبتي حتت عيل قمر اسم الله عليه قلتا ليها ممكن اشوفو🥺 قالت لي حالا يكون عندك هي طلعت وبعدها إيهاب وخالتو سماهر وشجن جوني داخلين خالتو سماهر مسكتني وبكت قالت لي مبروك يا ملاذ جبتي ولد شجن برضو باركت لي لمن جاء دور إيهاب عاين لي مسافه وقعد يبكي وضماني عليهو قال لي خفتا اخسرك 💔 خفتا شديد والله ،،ياخ بكى بكى دي كانت اول مره اشوفو بالانكسار دا لي درجة كلنا بكينا معاهو في الاخير فكاني وسلم لي في راسي قال لي مبروك لينا جبنا ثمرة حبنا الاولى قلتا ليهو ربنا يحفظو إن شاء الله قال لي امين الممرضه جات شايلاهو مسكتو منها كان شعور حلو شديد شهور من التعب والسهر واخيراً شفتا ولدي سلمتا عليهو خالتو سماهر قالت لينا فكرو ليهو اسم قلتا ليها انا عندي اسم عاينتا لي إيهاب ما قال حاجه بس إبتسم قلتا ليهم ح اسميهو عمر❤️ كلهم فرحوا شجن لمن بكت قالت لي على إسم ابوي❤️ قلتا ليهم اي عمر إيهاب عمر إدريس❤️ إيهاب قال لي احلى اسم❤️ بعدها جو رائد وسحر حمدلو لي السلامه والممرضات كلهم والدكتورات الكنتا شغاله معاهم قعدنا في المستشفى لحدي ما خلصتا دربات كان مدني حقن بالفراشه انا قلتا ليهم عايزه امشي البيت الدكتوره كتبت لي خروج مشينا البيت ما شاء الله اهل إيهاب من جهة امو كلهم جونا وباركوا لينا ولمن وقت الادويه يجي إيهاب بجي يديني ليهم وبجيب لي الاكل ما خلاني نهائي وسمينا البيبي عمر عملنا ليهو سمايه كبيره ضبحنا وعزمنا الناس وجزو وزعناهو للسمايه لبستا توب بنبي بي دهبي ولبستا غوائش دهب جابهم لي إيهاب ولبستا عمر وإيهاب كان لابس على الله بالبني مخططه في الاطراف بالبيجي مع لونو جات حلوه خلاص عملنا السمايه يوم ١٤ لحدي ما جرح العمليه برى حبه عشان أحوم معاهم🤣 ما شاء الله بنات خالت إيهاب خدموا خدمه طبعا إيهاب عزم المستشفى كلها وطبعا سحر من اول الحاضرين قالت لي ادعي لي امر باللحظه دي قلتا ليها إن شاء الله يا سحر ربنا يرزقك تيمان كمان قالت لي هي تيماان بري ما بقدر عليهم قعتا اضحك قلتا ليها ربنا يرزقك نخليها مفتوحه البجي من الله كلو سمح قالت لي موش كدا قلتا ليها اي ❤️....

2

للكاتبه تقى محمد

《26》

مرة تلاته سنه عمر كبر وجبتا ريم❤️ عمرها سنه سبحان الله عمر كلو ما يكبر ملامح إيهاب بتظهر فيهو ولانو إيهاب اكتر واحد في اولاد عمي بشبهو بقى عمر بشبه عمي عمر جد جد❤️ في التلاته سنه دي شيرين جابت ولد سمتو عبد الله وشجن إتزوجت بعد إتزوجت البيت بقى مسيخ كانت مفرقه علي ومزن إتزوجت مجاهد وريم إتزوجت زاهر وهسي حامل بي بيبي🤍 سحر ربنا رزقا بي توأم سبحان الله وكأنو دعوتي إستجابت بت وولد صح تعبت بس فرحت شديد لمن شافتهم ياحليلا إسماعيل سافر الرياض للجامعه عشان كدا بقينا نبيت في بيت نسيبتي وعشان بقت براها بالنسبه للمستشفى الشغل رجع واحسن من الاول فاديه رجعت بس مسكوها الرسبشن وإيهاب إتعاون مع تجار اجهزه طبيه وجابوهم لينا و حول المستشفى بي إسمو خلاص وعمل كل الاجرآءات والمستشفى رسميا بقى اسمها مستشفى فيرست كير التخصص وبقت نازله في قوقل طبعا الكلام دا كلو بكتب فيهو في الروايه حقت إيهاب كملتها انا وكتبتا باقي التفاصيل كلها وانا قاعده اكتب إيهاب جاء داخل شايل ريم قال لي عزبتني ابت تنوم قلتا ليهو جيبا شلتها منو وبقيت انوم فيها لحدي ما غفت رقدتها في سريرا وجيت راجعه قال لي نامت قلتا ليهو اي قالت لي شوفي السنين دي جرت كيف بقينا عجائز قلتا ليهو دا إنتا العجوز انا لسه في ريعان شبابي😌😎 قال لي اي فعلا وح تفضلي ملاذ الحبيتا وأم اولادي وبت عمي وفوق دا كلو ممرضة بيتنا ❤️ وقلبي في المقام الاول😉 قلتا ليهو بطل قال لي كنتي بتكتبي في شنو قلتا ليهو بكمل في الروايه قال لي إنتي لسه مصره تواصلي فيها قلتا ليهو اي خليها تبقى قصة حياتنا ونحكيها لي اولادنا بعدين لمن يكبروا🤍 قال لي كدي اشوف شالا وقعد يقرأ فيها قال لي الاضافه حلوه قلتا ليهو كتبتها انا اكيد ح تكون حلوه سكتنا مسافه قلتا ليهو هسي يا إيهاب لو يوم ولادتي بي عمر دا كان متا كنتا ح تعمل شنو عاين لي مسافه قال لي كنتا ح اعرس يعني ح اعمل شنو تموتي بجاي بدبل بجاي وكمان بشوف وحده حلوه من البنات البجن البكاء🙂🤣 شلتا المخده جدعتها فيهو وقلتا ليهو تاني ما تتكلم معاي 😤 وانا زاتي غلطانه السألتك 😤 قعد يضحك قال لي ما إنتي سؤالك بوم إنتي عارفه الخوفه الدخلت فيني لمن الممرضه قالت لي إحتمال إحتمال بس نخسر المريضه وقسما يا ملاذ انا دخلتا في حاله لا يعلم بها إلا الله اي الموت حق بس إن شاء الله بعد عمر طويييل لينا قلتا ليهو يعني لو هسي متا م ح تدبل بي وحده تانيه😟 قال لي الوحده دي لمن تكون زي ملاذ وشبه ملاذ وللأسف مافي لانو في ملاذ وحده بس قلتا ليهو لسه زعلانه ما راضيتني😒 قال لي عايزه تنكدي علي صح🙂 طيب اعمل شنو عشان اراضيك قلتا ليهو عايزه بكره إجازه من الشغل قال لي إجازه ليه؟! قلتا ليهو من دون ليه عايزه إجازه بس قال لي تماام يا ستي بكره إجازه بعدها رقدنا نمنا الصباح بدري إيهاب مشى الشغل صورتا الروايه كلها بعد ما ختمتها ورسلتها بالواتساب لي مكتبه وفهمتهم يعملوا شنو وبعدها نضفتا البيت وفرشتا ملايات جديده خالتو سماهر طلعت كان عندهم عزومه في بيت العائله قالت بتجي العصر رتبتا البيت وبخرتو وزينتو بالبالون عمر ساعدني في النفخ وريم قاعده في العجله تعاين لينا بس قلتا لي عمر انفخ الباقيات انا داخله المطبخ وجايه مشيت طلعتا الكيكه عملتا ليها شكلاته وزينتها بي الكريمه بعد مسافه التلفون ضرب رديت كانوا ناس التوصيل وصفتا ليهم جو شلتا منهم البوكس فتحتو لقيت اي حاجه قاعده ومن ضمنهم الروايه رفعتها يالله الغلاف كان حلو شديد فيهو صورتي انا وإيهاب والاسم مكتوب كبير 🤍 طبعا دا الاسم الاخترتو ليها بعد خلصتا عملتا عصير دخلتو التلاجه زي الساعه ٢ إيهاب جاء طبعا بيتنا جوه عشان فيلا بتكون مضلمه زي الساعه ٢ إلا نشغل الانوار لمن جاء دخل قعد يكورك لي نحن قعدنا ساكتين إلا ريم خربت المفاجأه قعدت تبكي فتحنا الانوار لمن شاف الزينه قال لي في شنو الليله قلتا ليهو عارفاك ح تنسى😒 على العموم كل سنه وإنتا طيب دي زكرى زواجنا التالته واديتو الهديه قال لي ما ناسي وهديتي مجهزا من قبل كم يوم بس ما إتوقعتا المفاجأه الحلوه دي عمر قال ليهو بابا بابا تل ثنه وإنتا تيب قال ليهو وإنتا طيب يا حبيب بابا وشالو سلم عليهو دخلنا جبتا ليهم الكيكه وكبيت ليهم العصائر ودخلتا جزو في التلاجه لي خالتو سماهر لمن تجي

إيهاب فاجأني بي هديتو بس انا فاجأتو اكتر بالروايه🤍 وبس كدا إنتهت قصتنا وبجد اتعلمتا إنو الاحترام والتفاهم هو اساس اي علاقه والروح الحلوه مصيرا تلاقي روح حلوه زيها 🤍

وفي مسافات الطريق نتلاقا شايلين الامل

واعدين بعض وعد السلام مابنقسي يوم مهما حصل

لقراءة الجزء الاول جميع الفصول كامله من هنا