تحميل رواية جمعتنا فرصة عمل بقلم تقي محمد pdf

طلعنا انا وابوي على المطار بعد ودعت امي واخواني ووعدتهم إني في اقرب فرصة إجازه ح اجي مشينا انا وابوي عملنا إجرآت السفر وبقينا منتظرين يندهو دورنا إتزكرت فرحة ابوي وأمي لمن قبلوني في المنحه دي وأخيراً ح اشتغل شغل سمح ياداب فرحة بي شهادتي حقت التمريض ياداب حسيت إني شغاله حاجه سمحه ياااخ التمريض هنا ما مقدرين الممرضات نهائي ولا مدننا قدر تعبنا ابوي جا قال لي قالوا لينا نمشي صالة المغادره الطياره ح تقلع بعد دقائق قلت ليهو خلاص ارح مشينا دخلنا صالة المغادره ياخ إحساس لايوصف كنت خايفه ومتوتره هل ح أقدر على المهمه دي هل ح إتوفق مسكت يد ابوي وبقينا منتظرين لحدي ما جاء وقت المغادره ركبنا الطياره وخلاص الركاب كلهم ركبوا اول ما إتحركت حسيت إنو في حته من قلبي خليتا وراي بلدي وأهلي وصحباتي كلهم خليتم وراي ماشه بلد غريب مكان غريب عاينت لي ابوي وبقيت إتزكر حجم المعاناة العاناها عشان يكبرنا وما يحوجنا لي حاجه دا الوقت المفترض نحقق ليهو احلامو دا الوقت المفترض امسح على يدو واقول ليهو يابا دا حصاد تعبك دا نجاحك ما نجاحنا لولا تعبك وإجتهادك ما وصلنا للمرحله دي لحدي ما إستوت الطياره في الجو بقيت اتأمل في المنظر ما حصل إتخيلت نفسي ح اسافر بيها في يوم من الايام ما إتخيلت إنو ح افارق حينا وورشة ابوي وحوشنا الكبير في يوم من الايام حوشنا الملان حنيه وصوت اخواتي وهن بغنن وبلعبن قمريه بلونه وريحة شاي الصباح من حليب بقراتنا ولا ونسة زهره وريم لمن يجوني العصريه لقيت نفسي من دون ما احس قعدت ابكي دي غربه جبرتنا عليها ظروف بلدنا ابوي قال لي إنتي يا ملاذ يابتي اسم المستشفى كان إسمها شنو وريتو إسمها قال لي كدي ابحثي عنها في النت نشوفا قلت ليهو سمح يا ابوي دقيقه بس فتحت تلفوني وفتحت قوقل بحثت عنها جاب لي لم يتم العثور على نتائج قلت في نفسي معقوله كتبت إسمها غلط بقيت أحاول كم مره ونفس النتيجه لم يتم العثور على نتائج بقيت متوتره كيف يعني لم يتم العثور على نتائج فتحت الشات القدمت منو كانت اخر رسائل قبل اسبوع مبروك إتقبلتي في منحة مستشفى فيرست كير التخصصي نفس الاسم طيب كيف مافي نتائج والعجيب إنو الموقع دا موقع موثوق قلت يمكن المستشفى ما نازل في قوقل وحاولت اقنع نفسي بي كدا قلت لي ابوي ما لقيت بحث عنو يا ابوي شكلوا الموقع ما مشارك مع قوقل

وعلى كدا سكتنا ما حسيت بي نفسي الا وانا نايمه بقيت احلم احلام غريبه وكوابيس صحيت مخلوعه قلت يمكن من الفكره الختيتا في بالي دي شربت مويه وبقيت اهدي في نفسي مسكت تلفوني دايره افتح النت لقيت انو الشبكه طشت عرفتا إنو نحن خلاص غادرنا الحدود عاينت بالقزاز المنظر كان حلو شديد التقط لي كم صوره كدا عاينت لي ابوي لقيتو نايم إتصورت معاهو كم صوره برضو فتحت الاستوديو وبقيت اعاين في الصور لحدي ما إتفتحت صوره كانت لي انا ومعاي زهره وريم كان إتصورنا الصوره دي قبل كم يوم بديت اقلب في الصور وقفت في صوره كانت لي مع بنات عمي الصوره دي كانت قديمه شديد ركزت في ملامحهم وبقيت افكر هسي بنات عمي عمر ديل بكون عمرهم كم ولا ملامحهم كيف سرحت في افكاري وإتزكرت لمن عمي قدم في اللوتري وكان جاهو القبول باع بيتو وأراضيهو وسافر ومن اليوم داك ما بنعرف عنو اي حاجه اخر حاجه بتزكر إتصل على ابوي وقال ليهو إنهم وصلوا وتاني إنقطعت اخباروا قفلت التلفون لفت إنتباهي ولد كان قاعد قصادنا كنت ملاحظه ليهو من قبيل بعاين لي كان شكلوا غريب لابس بدله سوداء وكمامه باللون الاسود كانت ملامحو غريبه ظاهر إنو إنسان صارم كدا ما إهتميت لي الموضوع كتير...

يـــا دنيا ما تزيدي الهموم*

*بـــــــالله ما تبكي العيون*

*ما تشيلي في خاطرك علي*

*خليهو قلبك لــــــي حنون....💔*

الفصل الثاني

وأخيرا وصلنا هبطت الطياره في مطار جده في السعوديه يا الله شعور حلو خلاص ابوي قال لي يا الله يابتي وأخيرا شفت السعوديه فرحة ابوي دي نستني اي حاجه وبقيت فرحانه لي فرحو قال لي تاني ح نمشي وين يابتي من المطار قلت ليهو يا ابوي ناس الشغل قالوا لي إنو إنتظر في المطار ح يجونا هم قال لي و ح نعرفهم كيف قلت ليهو هم ح يعرفونا من البطاقات وصور إثبات الشخصيه ما كملت كلامي جات عربيه سوداء وقفت قدامنا نزل منها زول قال لي إنتي ملاذ عبد الفتاح إدريس قلت ليهو اي انا قال لي اركبوا نحن من مستشفى فيرست كير ركبنا انا وابوي في الكراسي ورا والولد ركب قدام مع السائق ما لا حظت لي السواق بس الولد كان ظريف وزول ظاهر عليهو إنسان مثقف بدأ يحكي لي عن المستشفى وعن الشغل وعن الدوام ح يكون كيف قلت ليهو معليش بس ممكن سؤال قال لي إتفضلي قلت ليهو المستشفى دي جديده لانو لمن بحثت في قوقل ما جاتني قال لي لالا هي ما جديده المستشفى دي قديمه شديد ومعروفه بس ما بتلقي إسمها في قوقل لانو إسم فيرست كير دا ما إسم المستشفى دا إسم شهره ساي جربي ابحثي عن مستشفى الهدى التخصصي فتحت تلفوني عايزه ابحث إتزكرت الشبكه قلت ليهو وليه ما مشتهره بي إسم الهدى مع إنو إسمها الحقيقي قال لي في الحقيقه اسم الهدى زاتو في المواقع بس الاسم الاتعرفت بيهو المستشفى من زمان الهدى لكن نتيجه لي إنو المستشفى دي المالك حقها إتغير ف إتغير الاسم تبعا لذلك لكن لسه معروفه في قوقل بي إسم الهدى قلت ليهو يا داب فهمت قال لي باين إنك زوله فضوليه قلت ليهو ما كدا والله لكن بحب إستفسر من حاجات جديده ح اكون انا جزو منها عشان اكون فاهمه اكتر طبيعة الشغل قال لي لالا كدا تمام ابوي قال ليهو من لهجتك سوداني بس الشكل فيك ملامح دول الخليج قال ليهو فعلا يا عمي انا اصلا ابوي وأمي مولودين في الخليج لكن جزورنا من السودان وحبي لي السودان والسودانيين وإحتكاكي الكبير بيهم خلاني إتعلم اللهجه السودانيه مع إنو ابوي وأمي ما بتكلموا لينا عن السودان كتير لكن من خلال زياراتي ليهو قدرت إتعرف على ناس كتيرين من السودان وعادات كتيره وزرت كذا مكان يعني ممكن تقول إنو انا بقيت متعلق بالسودان اكتر من اي مكان❤ ابوي قال ليهو فعلا والله السودان جميل المهم فتحنا كم موضوع كدا وفعلا يا دوب إطمنت كنت خايفه الموضوع دا يطلع فيهو مشكله والمستشفى تكون ما موجوده والموقع يكون كزب ختيت في راسي الف فكره وفكره لكن كلها إتلاشت وصلنا نزلنا العربيه وقفت قدام مجمع كبير كدا وحلو نزلنا الولد جاء وقف معانا قال لينا طبعا المجمع دا مقسم زي سكن لي الممرضات والدكاتره يعني زي الميز خاص بالمستشفى حقتنا ح تدخلي في زي مكتب صغير كدا على يدك اليمين ح تلقى بت قولي ليها انا ملاذ عبد الفتاح ح توريك مكان سكنك كنت عايز ادخل معاكم والله بس عندي شغل ضروري مستعجل عليهو ابوي قال ليهو ولا يهمك ما قصرت معانا بس ما وريتنا إسمك😅

قال ليهو تصدق يا عمي نسيت مع الونسه انا رائد دكتور متخصص جراحة قلب وشغال نائب المدير الطبي

ابوي قال ليهو كويس والله ربنا يوفقك إن شاء الله قال ليهو اميين يارب وعن إزنكم عندي عمليه بعد دقائق بس لازم الحق

مشى ركب لمن العربيه لفت عشان تستعدل الطرق شفت وش السائق حسيت نفسي زي الشايفاهو في محل بقيت اقول وين شفتو تاني قلت يا ملاذ يمكن مشبهاهو مشينا المكتب لقينا بت صغيره قالت لينا إتفضلوا قلت ليها انا ملاذ عبد الفتاح ممرضه جديده دي اوراقي مسكت مني الاوراق قالت لي صح إنتي إتزكرتك إنتي السودانيه صح قلت ليها ايواا

كانت بتتكلم سعودي قالت لي تعالي ورايا اوريج مكانك اللي رح تسكني فيه مشينا وراها لحدي ما وصلنا قدام شقه كدا ادتني المفتاح قالت لي دي شقتك ودي بطاقه شغليها في جوالك المستشفى رح تتواصل معاك بيها شلت منها الشريحه هي مشت وانا فتحت باب الشقه دخلنا انا وابوي وبقينا نتفرج فيها ياخ كانت في منتهى الروعه والله في الاحلام ما حلمت بيها حاجه كدا خرافيها كانت مطليه بي لون وردي داكن وفيها زي ثريا كبيره في النص باللون الابيض وفيها غرفتين ومطبخ وحمامين داخليات في الغرف وواحد خارجي كانت مجهزه بي اي حاجه حتى الاكل التلاجه مليانه والملابس ما ناقصاها اي حاجه عملت لينا حاجه ناكلا انا وابوي اكلنا وصلينا الاوقات الماصليناها ويا السرير جاك نفر نمنا نووم صحيت الصباح بي صوت تلفوني فتحت الخط قلت الو جاني صوت شاب بقول لي يا دكتوره لسه نايمه شكلك قلت ليهو بين نايمه وصاحيه منو معاي قال لي معاك رائد ح اجيكم زي الساعه اربعه مساء لازم تشوفي المستشفى عشان بكره ح تنزلي شغل قلت ليهو شغل شنو قال لي شغل المستشفى انتي مركزه معاي ولا لسه نايمه قلت ليهو يااخ شكلوا إنت متصل غلط قفلت الخط ورقدت بعد شويه ركزت كدا قمت وقعدت على حيلي بقيت اقول في نفسي واي دا شنو الانا خبصتو دا ياخ يا ملاذ ركزي انا ح ابقى زوله مسئوله متين مسكت التلفون بقيت متردده إتصل ولا لأ اخر حاجه إتصلت ردا لي بعد الجرس التالت قال لي شكلك صحصحتي وقعد يضحك قلت ليهو والله يا دكتور رائد كنت ما مركزه معليش قال لي ما مشكله انا زاتي إتصلت عليك في وقت بدري بس حبيت اقول ليك إنو ح امر عليك بعدين عشان نمشي المستشفى لازم تشوفيها عشان بكره مباشرتاً ح تبدي شغل وبالمناسبه هي ما بعيده من مكان السكن قلت ليهو تماام قفلت منو تميت باقي نومي وقمت إتسوكت ولبست لي جلباب من الدولاب رتبت الغرفه ومشيت عملت شاي الساعه كانت ١١ وحاجه مشيت صحيت ابوي شربنا الشاي وقعدنا نتونس حبه قلت ليهو زي الساعه اربع دكتور رائد جايينا عشان نمشي المستشفى قال لي بكره ح تنزلي شغل طوالي قال لي كويس ربنا يوفقك يا بتي..

يامنيه قاعده بعيد هناك مركونه في رف الفرح اتحققي💞💞

الساعه اربعه جات رائد جانا مشينا بي رجولنا المستشفى ما كانت بعيده من السكن زي ما قال وطبعا كانت في منتهى الرهابه دخلنا جوه وعرفني على المكاتب والدكاتره ووراني مكتبو برضو اخر حاجه وقفنا جمب مكتب المدير العام قال لي دا مكتب المدير الطبي والمالك للمستشفى في نفس الوقت ح تلاقيهو بكره لمن تنزلي ح يكون عندك مقابله معاهو اول حاجه وبعدها تنزلي الشغل قلت ليهو إن شاء الله بعد ما إنتهينا من اللف وعرفت المستشفى كلها طلعنا انا وابوي مشينا البيت زي الساعه ٦ وحاجه كدا العشاء ازن صلينا وعملت العشاء إتعشينا طلعت لي فستان بالوردي الفاتح وطلعت معاهو طرحه اوف وايت وكان عندي شبط ابيض كويت الفستان والطرحه وختيتم في الدولاب كنت متحمسه شديد لي يوم بكره ما قدرت انوم وكل شويه إتقلب لحدي الصباح ما اصبح قمت صليت الصبح ودعيت إنو ربنا يوفقني طلعت الصاله لقيت ابوي صحى قال لي عملت الشاي الليله قلت ليهو يا سلام ح يكون احلى شاي قال لي اشربي واطلعي سريع عشان ما تتأخري قلت ليهو إنت ما ماشي معاي قال لي لأ احسن تمشي براكِ وتتعودي على الشغل وبعدين لو مشيت معاكِ ح اشغلك ساي احسن اقعد هنا أفتحي لي قناة الحدث قبل تطلعي قلت ليهو سمح مشيت شربت الشاي وجهزت نفسي وفتحت لي ابوي قناة الحدث وجهزت ليهو الفطور وطلعت بعد ما ودعتو...

وصلت المستشفى لاقاني رائد قال لي اووو دكتورتنا منورانا قلت ليهو بي دا نورك قال لي الليله ح تقابلي المدير العام شعورك قلت ليهو والله خايفه خوف قال لي ما تخافي ح يسألك كم سؤال كدا إنتي بس خليك هاديه وما تتوتري قلت ليهو ما ممكن تدخل معاي قال لي بدخل معاك اقدمك ليهو لكن ما ممكن ادخل معاك الانتر فيو دي صعبه قلت ليهو طيب ما مشكله مشى معاي لحدي مكتب المدير العام فتح الباب دخلنا كان قاعد وقدامو ورق كتير لمن دخلنا رفع راسو وعاين لينا ودقق فيني شديد حسيت ملامحو مألوفه قال لينا إتفضلوا رائد جرا لي الكرسي قال لي اقعدي وهو قعد في الاتجاه المعاكس لي وبقينا ساكتين رائد كان بعاين معاهو في الاوراق وهو ساكت لحدي ما المدير مدى ليهو ورقه قال ليهو بالله عليك يا رائد شوف لي الشغل دا وداير تقرير طبي كامل عن الحاله دي والملف دا فيهو تقارير لي حاله Cardiac Shock (صدمه قلبيه) ناتجه من Myocardial Infarction المريض ح يدخل عملية قسطره قلبيه بكره إن شاء الله لازم تدرس الملف كويس

رائد قال ليهو كويس

بعد قال لي رائد كدا عاين لي رائد قال ليهو دي الممرضه الجديد ملاذ عبد الفتاح قال لي بتعرفي شنو عن Myocardial Infarction قلت ليهو بتعني الاحتشاء القلبي وبيعمل إنسداد للشريان التاجي ال Coronary Artery وممكن يودي الى تلف عضلة القلب وهو يعتبر برضو واحد من اسباب الصدمه القلبيه قال لي يعني شنو صدمه قلبيه قلت ليهو تعني عدم قدرة القلب على ضخ الدم بشكل كافي لتلبية إحتياجات الجسم قال التدخلات التمريضه في الحالات الزي دي شنو؟ قلت ليهو اول حاجه بعمل مراقبه مستمره للعلامات الحيويه وبراقب برضو ECG عشان اقيم نظم القلب وفي ادويه برضو موصوفه للحالات دي زي الاسبرين والنتروجلسرين ومضادات التخثر بنديها للمريض في الحالات دي وبنراقب تأثيرات الادويه واهم حاجه بنقدم الدعم النفسي للمريض وبنكون جاهزين لي اي تدخل طارئ زي CPR إذا لزم الأمر عاين لي مسافه قال لي إشتغلتي قبل كدا في العنايه المركزه؟ قلت ليهو اي قال لي لو في مريض في ICU حصل ليهو توقف مفاجئ للقلب ح تعملي شنو قلت ليهو ح اعمل ليهو إنعاش رئوي CPR و بطلب المساعده الطبيه قال لي اهمية مراقبة السوائل في ICU قلت ليهو عشان نتجنب الجفاف اوالتورم ونضمن انو الاعضاء بتشتغل بشكل صحيح

قال لي جميل. فتحت الدرج طلع لي كانيولا (فراشه) قال لي اعمليها لي رائد رائد عاين ليهو مسافه قال ليهو انا بقيت فأر التجارب؟ قال ليهو يا زول إنت في ايدي أمينه صدقني مدى لي يدو ركبت الترنكيت اول حاجه عاينت الوريد قلت ليهو عايزه لي معقم وقطنه لمن قلت ليهو كدا إبتسم زي كأنو كان متوقع إني انسى الخطوه دي مدى لي قطن ومعقم وقلوفزات لبست لي قلوفز وبديت اعقم المكان بعد عقمت كويس فتحت الفراشه ودخلت في الوريد....

"إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"

الفصل الرابع

دخلت في الوريد وسحبت الترنكيت سريع واصلتا جا دم في المخزن بديت اسحب الابره عشان إتأكد لقيت فعلا الفراشه بقت في مكانا المناسب مسكت قلب الفراشه وبي حركه سريعه عطلت الوريد وطلعت الابره وركبت قلب الفراشه و ثبتها باللاصق

إبتسم لي وقال انا عايزك تشتغلي معانا في غرفة العمليات لكن حاليا ح تكوني تحت الاختبار لحدي ما نتأكد انك بقيتي قدرها تمام قلت ليهو تمام قال لي رائد ح يوريك مكتبك ح تشتغلي في قسم الباطنيه حاليا وبعد اسبوع ح تمشي الجراحه برضو ح تاخدي فيها إسبوع وح تدخلي الطوارئ ح تاخدي فيها إسبوعين الاسبوع الاخير في الشهر ح تشتغلي في قسم البيدياترك بعد نهاية الشهر دا ح نقيم شغلك النهائي وبالتالي ح نعرف مستواك الحقيقي خلي بالك انو خلال الاسابيع دي ح تتلقي إختبارات حقيقيه قلت ليهو إن شاء الله اكون قدرها قال لي تقدري تمشي طلعت ورائد طلع معاي قال لي ما شاء الله اكتر حاجه عجبتني فيك ثباتك دا ببين إنك زول في الشغل السريع صنديده ودا اهم حاجه في شغل الممرض قلت ليهو فعلا لكن ما بنكر إني كنت خايفه وبعدين إنت خوفتني لمن قلت لي ما ح احضر معاك الانتر فيو قال لي انا نائب المدير يعني برضو لازم يكون عندي خلفيه عن الممرضه الجديده ولا شنو😉 قلت ليهو اي اكيد من حقك تعرف😆 قال لي اي اضحكي ياخ قبيل وش الجديه دا كنتي محسساني انو المدير دا عايز ياكلك ما يسألك 😂 قلت ليهو لكن الصراحه هو بخوف وتحس بيهو جادي شديد قال لي كل الموظفين بقولوا كدا لكن هو زول طيب شديد والله وقلبو ابيض المهم فتحنا كذا موضوع مع بعض لحدي ما وراني مكتبي قال لي يلا اول عمل ليك في مكتبك طلعي لي الفراشه دي قعدت اضحك قلت ليهو تصدق من التوتر نسيتا اقعد اطلعها ليك قعد طلعتها ليهو واديتو قطنه يوقف بيها الدم قال لي حظاً موفقاً

ومشى بقيت اعاين للمكتب الصراحه مكتب الاحلام كان فيهو طاوله وياهو معاها كرسيين وراها وإتنين قداما وفيهو إجلاس حلو شديد وفيهو خزنه مفتاحها كان معلق فيها فتحتها لقيت فيها قلوفزات وكمامات يعني الPPE كلها فيها اثناء ما قاعده إتأمل في المكتب كدا جات بت داخله وبتتكلم في التلفون لمن شافتني طلعت وجات داخله بعد مسافه قالت لي انتي الممرضه الجديده قلت ليها ايواا قالت لي يا هلا انا زميلتك سحر من السودان قلت ليها يا اهلين انا ملاذ وبرضو من السودان قالت لي بجد واخيرا زميله سودانيه إبتسمت ليها قالت لي يلا تعالي اعرفك على المرضى ح تشتغلي معاي في الباطنيه صح قلت ليها اي قالت لي تعالي مشيت معاها بقت تعرفني على المرضى وحالاتهم الصحيه وورتني الادويه والجرعات حقتهم ما خلت لي حاجه وعرفتني على دكاتره الباطنيه والجراحه مرينا على القسمين نساء ورجال قالت لي تصدقي انا ماسكه القسمين براي قلت ليها معقوله قالت لي والله ماسكلهم براي،،الصراحه القسمين كان عدد المرضى كبير ،،مشينا المكتب طلعت لي دفتر من الدولاب قالت لي لازم نتقسم عشان ننجز إنتي مستعده تبدي تشتغلي من هسي قلت ليها اي قسمت المرضى علينا وادتني ملفات المرضى العلي مسكتني عنبر الحريم وهي مسكت عنبر الرجال عاينتي لي زمن الجرع لقيت لسه عليهم قالت لي عندك اي حاجه في الدولاب في إسكارب في الدولاب البسيهو المهم هي مشت تدي الدوز وانا غيرت ملابسي كان في زي غرفه صغيره كدا للتبديل بدلتهم وغسلت يديني وعقمتهم وبقيت اقرأ في الحالات لحدي ما زمن الجرع جا مشيت كانت اول مريضه مره كبيره في السن كوماتوز في حالة غيبوبه يعني سلمت على المرافقه المريضه كان إسمها هدى على حسب قرايتنا إنو المريض الكوماتوز بتعامل بالنسبه لينا معاملة المرضى العاديين وقفت جمبها وقلت ليها ماما هدى انا ملاذ ممرضه جديده عايزه اديك الدواء وبديت اعبي في الدواء طوالي لبست قلوفز وثيت الفراشه مشيت ليها الدواء لمن خلصت براحه طلعت الحقنه وقفلت الفراشه رميت الحقنه في السله وقلت ليها خلاص خلصت يا ماما هدى عاينت المريضه بي نظرات متفحصه كدا وكتبت الاجراء في الدفتر ومشيت للمريضه التانيه كانت بت صغيره مشيت سلمت عليها قالت لي وين سحر قلت ليها سحر طلعت الليله ح اديك الدواء انا قالت لي لالا امها كوركت فيها قلت ليها ما مشكله خليها قلت ليها يا نور انا عايزه ابقى صحبتك نلعب سواا قولي لي إنتي بتحبي الشوكلاته ولا الشبسي قالت لي الشوكلاته قلت ليها يلا بكره ح اجيب ليك معاي شكلاته كتيره عشان نبقى اصحاب خلاص قالت لي لالا انا ما عايزه ابقى صحبتك قلت ليها ليه ما عايزه تبقي صحبتي قالت لي لانو صحبتي سحر قلت ليها انا زاتي صحبتي سحر لكن سحر هسي مشت خلتنا ونحن لازم نبقى احسن عشان نطلع ونشوف سحر صح قالت لي اي قلت ليها يلا نحن ح نبقى احسن كيف ونحن بنرفض الدواء طوالي مدت لي يدها قلت ليها ايوا كدا عبيت الحقنه واديتها دواها ...

*لا شيء يخترق القلوب ،،،*

*كلطف العبارة ... وبذل الإبتسامة ،،،*

*ولين الكلام ... وسلامة القصد ،،،*

*ونقاء القلب وغض الطرف عن الزلات ...!!*

*فسلامٌ على تلك الأرواح التي نُسجت من خيوط السلام خُلقت طيبة ،،هينة ،،لينة تبعث الأرتياح وتفيض بالوئام بقربها تأنس القلوب وبرفقتها تزهر الدروب ..*

*تلك الأرواح تُذكرنا على الدوام أن الحياة لا زالت تفيضُ بالخير ،،والنقاء والجمال....🤍🦋*

بقيت شغاله ياهو دوام صباحي مع سحر من الساعه ٦ صباحا لحدي الساعه ٤ اطلع مم المستشفى في اليوم التالت في الاسبوع الاول جاني المدير الطبي في المكتب قال لي دكتوره ملاذ كيف الشغل قلت ليهو تمااام الحمد لله قال لي بالنسبه لي السكن نزلتي وين قلت ليهو فب المجمع ورا المستشفى قال لي كويس الليله اخر الدوام عايزك في المكتب تعالي لي قلت ليهو حاضر هو طلع وانا بقيت افكر ياربي دايرني لي شنو مشيت نفزت الجرع المريضه الاسمها هدى ديك الكانت في غيبوبه يلا كان لازم احركها عشان ما تجيها قرحة سرير ناديت الاسيستن ساعدتني قلبناها نفزت باقي الجرع وكتبت التقرير لمن جاء وقت خلاص مفترض اسلم مشيت مكتب المدير دقيت الباب قال لي إتفضل دخلت لقيت رائد معاهو رائد قال لي اوو دكتورتنا المختفيه وعامله تقيله مابتجي تسلم علينا قلت ليهو والله ما كدا بس الشغل ضاغط قال لي بالتوفيق والله قلت ليهو جمعا المدير قال لي اقعدي قعدتا قال لي رائد يلا امشي راجع ديل قال ليهو والله يا إيهاب براجع ملف واحد ما بقدر عليهم الاتنين ما ترمي شغلك فيني قال ليهو انا عندي عمليه بكره قال ليهو وانا عندي عمليه هسي يلا نتبلى الاتنين وطلع إيهاب قعد يضحك ودي كانت اول مره اشوفو يضحك قال لي طالعه صح قلت ليهو اي قال لي ارح انا زاتي طالع نتناقش في العربيه عندي مشوار لي السكن حقكم قلت ليهو كويس طلعنا ركبنا العربيه بقى يسألني من كم سؤال كدا في نص اسئلتو قال لي إنتي جيتي هنا براك قلت ليهو هنا وين ؟ قال لي السعوديه قلت ليهو لالا معاي ابوي قال لي وابوك وين هسي قلت ليهو معاي في السكن قال لي ايواا كويس معناها لازم انزل اسلم على الحاج فعلا نزل معاي ووصل معاي لحدي الشقه دخلت قلت ليهو إتفضل ندهت لي ابوي قال لي في شنو يا ملاذ انا هنا مشيت ليهو قلت ليهو المدير الطبي بره يا ابوي قال لي مديرك في الشغل قلت ليهو اي قال لي طيب مشي ليهو وسلم عليهو جبت ليهو مويه وعملت قهوه جبتها ليهم حسيت بي إيهاب مدقق في ابوي شديد وفي عيونو في لمعه غريبه قعد يتونس مع ابوي مسافه قال ليهو والله يا عمي حسيت فيك روح ابوي الله يرحمو

ابوي قال ليهو الله يرحمو يمكن يا داب فهمت نظرات إيهاب لي ابوي لانو إتزكر ابوهو بقيت ادعي إنو ربنا ما يحرمني من ابوي ويرحم ويغفر لي ابو ايهاب قعدنا معانا مسافه إتونس معانا وطبعا شكرني لي ابوي وإنو شغلي سمح مع إنو لي تلاته يوم بس ابوي قال ليهو كدا إطمنت عليها وبقدر ارجع السودان مطمن إنها في امان ومع ناس محترمين زيكم قال ليهو والله يا عمي نشيلا ليك في عيونا خليك دائما مطمن دي بت بلدي قبل اي حاجه قال ليهو يسلم اصلك يا ولدي المهم بعدها إيهاب إستأذن وطلع قلت لي ابوي إنت ح ترجع السودان؟! قال لي اي إن شاء الله بعد بكره قلت ليهو وكمان حجزت يا ابوي وما كلمتني قال لي حجزت قبيل وحجزت لي البت في الاستقبال قالت لي عندي تطبيق بحجز ليك من مكانك وياهو حجزت لي وبعدين نحن متفقين يابتي من البيت ح اوصلك وإطمن عليك وارجع ولا ناسيه اخوانك وأمك منو ح يصرف عليهم قلت ليهو يا ابوي كدا بالجد ح احس بالغربه قال لي يا بتي يديل الممرضات الشغالات معاك كلهم هنا وبعدين ح إتصل عليك كل فتره واذا قدرنا ح نجيك بعدين إنتي الاخترتي الطريق دا هسي قدمي إستغالتك وارح السودان قلت ليهو لكن هنا الشغل سمح واحسن من المستشفى الكنت شغاله فيها قال لي طيب ح تعملي شنو قلت ليهو ح إشتاق ليك يا ابوي قال لي خليك قويه ح نجيك في الاجازات نطمن عليك و ح إتصل عليك كل يوم اها كدا كيف لازم تكوني شجاعه قلت ليهو إن شاء الله

*كـلـمـا ضـاقـت بـك الـحـيـاة، تـذكّـر أن الـلـه قـريـب، يـسـمـع نـجـواك، ويـعـلـم مـا فـي قـلـبـك، ولـن يُـخـيّـب رجـاءك أبـدًا🩷*

الفصل السادس

جاء يوم ابوي مسافر صحينا الصباح وبي معنى تاني ابوي صحى لانو انا ما نمت من كترت التفكير كيف ح اقدر إتعود على الوضع براي ولمن اجي البيت ح إتونس مع منو ولا ح اصحى الصبح منو بصحيني ويعمل لي شاي الصباح عشان ما إتأخر على الشغل ولمن اكون ماشه منو بقول لي إتحصني يا داب حسيت بي الغربه لمن وصلنا المطار حاولت إتماسك لحدي ما عملنا الإجرآت بعد خلاص ح يدخل صالة المغادره إنفجرت بالبكاء وقلت لي ابوي غيرت رأي جايه معاك اما ما بقدر اقعد براي قال لي ملاذ يابتي إنتي قويه وبعدين

اخوانك محتاجنك انا ما عارف العمر انا متمني اشوفك ممرضه كبيره يابتي ومحققه كل احلامك لكن يا بتي في السودان عارفه الاوضاع والشغل هناك يكاد يكون معدوم سكت مسافه وقال لي ما عايزه تحقق حلمك قلت ليهو اي قال لي يلا دي فرصتك اثبتي قدراتك ،،قلت ليهو إن شاء الله يا ابوي ح اكون عند حسن ظنك بي الرغم من الانكسار والضعف الجواي لكن في دافع قوي كان بقول لي لازم أواصل ابوي دخل غرفة المغادره وخلاص الطياره غادرة المطار رجعت الشقه غيرت ملابسي ومشيت الشغل لاقتني سحر قالت لي الليله مالك إتأخرتي حكيت ليها قالت لي يا حليلو ربنا يوصلو بالسلامه بعدين يا ملاذ نحن كلنا لمن جينا اول مره دا كان شعورنا لكن اقتنعنا بعد زمن إنو الانسان لازم يعتمد على نفسو عشان يحقق احلامو ويسند اهلو لازم يزوق التعب والغربه وحتى الانكسار عارفه لي لانو هم بزلوا كل غالي و نفيس عشانا وجاء الوقت المفروض نرجع ليهم ولو حاجه بسيطه من القدموا لينا قلت ليها فعلا كلامك صاح قالت لي هسي امشي عندك جرعات وقتها جاء مشيت اديت الدوز وبقينا قاعدين ما كان في شغل كتير وفي كم مريض خرجوا وهدى المرا الكبيره ديك صحت من الغيبوبه والله فرحت فرح لمن سمعت الخبر والمرافقين يوزعوا في الحلاوه ساي لمن وقت الفطور جاء سحر قالت لي بي مناسبة إنو ما عندنا شغل كتير ارح نطلع نفطر بره وكمان نغير ليك جو قلت ليها ارح طلعنا قفلنا المكتب ومشينا قعدنا في مطعم جمب المستشفى طلبنا شويه كدا وجابوا الاكل اكلنا سحر تلفونا إتصل قالت لي دقيقه وأجي لو إتأخرتا اسبقيني قلت ليها تماام بعد مسافه جات قالت لي ديل ناس الاداره عندنا إجتماع بعد شويه إنتي عندك جرع تاني الساعه كم قلت ليها بعد نص ساعه عندي جرع قالت لي خلاص نمشي الاجتماع ونجي ننفز قلت ليها طيب ارح مشينا كان إجتماع للممرضين قعدنا كان في المدير دكتور إيهاب رائد ما كان في....

دكتور إيهاب قال لينا طبعا إنتوا عارفين إنو شغلكم في المستشفى دي اهم من الدكاتره زاتهم اي تقصير في شغلكم دا ممكن يخل في نظام العلاج صح؟ انا جمعتكم عشان في خطأ حصل يا سلمى لو عندنا إدرنالين بنعطي الاطفال بنسبة كم

سلمى قالت ليهو بنعطيهو بنسبة واحد من ميه قال ليها الخطأ وين إنو الممرضه سهى اعطت الطفل نسبه اكبر وعبر الوريد كلنا بقينا عاملين كدا😨 قال لينا لولا إنو ربنا كتب للطفل عمر كان هسي راح فيها....

ضرب التربيزه بي قوه وقال لينا حاجه ما عارفنها ما تدخلوا نفسكم فيها طلع دفتر من الدرج وكتب حاجه وشرط الورقه قال لي سهى تعالي جاتو وكانت بتبكي مدى ليها الورقه وقال ليها لمن تعرفي الشغل سمح تعالي راجعه قالت ليهو عليك الله يا دكتور ما تفصلني عليك الله انا ما عندي مصدر دخل وبصرف على امي واخواني يادكتور وهم ما عندهم زول يصرف عليهم غيري قال ليها كلامي نهائي عشان تاني تنتبهي وحاجه ما عارفاها ما تتصرفي فيها مسكت منو الورقه وطلعت طوالي بعد ما طلعت إيهاب قبل علينا وقال لينا اي تقصير يحصل دي ح تكون نهايتوا فاهمين يلا اي زول على شغلوا كلنا طلعنا لاقانا رائد جمب الباب قال لينا انا وسحر اها الحصل شنو في الاجتماع سحر قالت ليهو إنت كنت وين قال ليها مع الطفل قالت ليهو فصلوها قال ليها فصلوها ؟! كيف يعني ؟! سحر عاينت ليهو مسافه وقالت ليهو اي فصلوها ومشت خلتو وهو دخل مشيت لحقت سحر قالت لي ماشه انفز الجرع حقتي قلت ليها حتى انا عندي جرع قالت لي طيب بعدين لمن تجي اقفلي المكتب معاك قلت ليها إنتي خلصتي قالت لي اي ما عندي حاجه مشت وانا لبست الاسكارب ومشيت انفز لمن إنتهيت وجيت المكتب لقيت دكتور رائد قلت ليهو دكتور رائد كيفك قال لي تمام وبعدين دكتور دي شنو نحن كلنا زملاء هنا مافي داعي للرسميات يا ملاذ قلت ليهو حاضر يا رائد إبتسم لي وقال لي اها كيف الشغل معاك قلت ليهو كويس والله قال لي انا عايزك تمشي عمبر الاطفال بنهاية الاسبوع دا عارف إنو كان لازم تمشي عمبر الجراحه بس بي سبب الحصل قبيل بقى عندنا نقص في عمبر الاطفال قلت ليهو يعني الممرضه القبيل دي خلاص كدا شغلا إنتهى دا ظلم والله على الاقل تدوها إنزارات قال لي هي فعلا كانت ح تطرد من الشغل لكن بعد شويه تفاوضات مع دكتور إيهاب حصلت على إنزار لي مدة إسبوع لكن م ح تنزل في عمبر الاطفال تاني اول حاجه ح تجي تشتغل لكن مدربه بعد شهر او شهرين ممكن ترجع لي شغلها عادي بعد تخضع لي إختبار قدرات قلت ليهو اي كدا معليش قال لي لكن دا ما بغفر ليها الحاجه العملتا وح تفضل الغلطه دي مرافقاها طول حياتا المهنيه لانو روح الانسان ما لعب قلت ليهو فعلا كلامك صح....

*كُن قريباً ممَن يُشعرك بالفرَح ورفيقاً*

*للذِي يرَى فِي قرَبك السعَادة ..♥️*

لقائله

قدر ما حاولت إتعود على القعاد براي قدر ما حاولت إتعود على الغربه لقيت نفسي كل يوم بشتاق لي بيتنا اكتر وناس بيتنا عملت لي كاكاو ساخن وطلعت في البلكونه فوق ختيت كبايتي وقعدت اعاين للشارع ناس ماشين وناس جايين كانت البلكونه فاتحه على المستشفى والوقت كان بالليل والمستشفى بالليل كانت حلوه حلا مبالغه في مراقبتي دي لفت إنتباهي زول طالع من المستشفى لمن دققت النظر لقيت دا دكتور إيهاب طلع ووقف مع شاب كدا وبقى يتكلم معاهو وما عارفه الحصل شنو بس دكتور إيهاب بقي يضرب في الزول دا لحدي ما اغمي عليهو وبقى واقف يعاين ليهو من شدة الصدمه لمن قربت ادفق الكاكاو قلت دا منو دا وليه دكتور إيهاب ضربو كدا بعد مسافه جو ممرضين من المستشفى رفعوا الشاب ودخلوهو جوه دكتور إيهاب وقف مسافه وبعدها ركب عربيتو ومشى شربت الكاكاو ودخلت عملت لي نفسي حاجه اكلها فتحت التلفزيون ما كان فيهو حاجه حسيت بالملل واساسا كان بكره الجمعه إجازه قلت خلاص اطلع إتمشى حبه لبست لي عبايه وطلعت قفلت الشقه مشيت في الشارع كان في هدوء كدا عجيب ونسيم بارد الجو كان يبعث الراحه النفسيه بمعنى الكلمه مشيت لحدي ما وصلت جمب بائع كدا عندو فشار وتسالي ومقرمشات كتيره إشتريت منو فشار وتسالي ومشيت قعدت كان في زي مقاعد كدا جمبو قعدت مسااافه هناك تلفوني إتصل فتحتو لقيت دا ابوي متصل علي فصلت وإتصلت ليهو مكالمة فيديو قال لي ملوذه قلت ليهو يا حاج الاخبار قال لي تمااام الحمد لله بس فاقدنك امي جات قالت لي ملوذه الاخبار شنو والشغل كيف قلت ليها تمااام الحمد لله والشغل كويس ابوي قال لي ملاذ انتي قاعده وين قلت ليهو في الشارع قال لي يا ملاذ نحن قلنا شنو قلت ليهو والله يا ابوي قدام الشقه فتحت ليهو الكميرا الخلفيه وقلت ليهو يدي الشقه قال لي برضو يا ملاذ الوقت متأخر والكلام دا غلط هسي لو حصلت ليك حاجه قلت ليهو يا ابوي م ح تحصل لي حاجه قال لي ارجعي هسي الشقه وبعد ما ترجعي إتصلي علي قلت ليهو تماام قفلت منو وشلت حاجاتي ومشيت الشقه وبعدها إتصلت عليهو قال لي تاني مره ما تعملي كدا نحن واثقين فيك لكن يا بتي الزمن بقى كعب الاخو بقى يضر اخوهو امي قالت لي ابوك معاهو حق يابتي اسمعي كلامو داير مصلحتك قلت ليها طيب يا امي ويا ابوي تاني وعد م ح اطلع بالليل وهسي وين مزن ومزمل ابوي قال لي مزن نايمه بكره عندها مدرسه ومزمل نازل إمتحان تجريبي بكره قلت ليهو ما حددو ليهم إمتحانات الشهاده متين قال لي لسه ما حددو امي نادتو جا سلم علي وظاهر إنو مضغوط شديد إتكلمت معاهو حبه وقلت ليهو امشي اقرأ إتكلمت مع امي وابوي قريب الساعتين وطبعا امي ما خلت شمار في الحله ما قالتو لي لمن قفلت منهم لقيت الوقت إتأخر شديد قمت طوالي نمتا...

صحيت الصباح كان نفسي في ملاح روب فتحت التلاجه لقيت زبادي وكان عندي دكوه اصلا جايباها معاي لكن في كان كم مكون كدا مافي قلت امشي السوق إشتريهم واساسا كنت دايره لي كم حاجه كدا من السوق لكن المشكله كانت انو انا اساسا ما عارفه مكان السوق بقيت افكر اسأل منو فجأه جاتني فكره إنو اشغل قوقل فتحت التلفون فتحت بحثت عن سوق قريب جاب لي واحد لبست وبقيت ماشه على اساسو لحدي ما وصلتا دخلت السوق إشتريت حاجاتي جيت ماره بي مكان حق اكسسوارات كدا دخلت لقيت لي إسوره رهيبه عجبتني شلتها ومشيت أحاسب كان في راجل ومره واقفين قدامي إنتظرتهم لحدي ما حاسبو لمن حاسبو وجاين يطلعوا إتفاجأت إنو دا دكتور إيهاب قال لي ملاذ ! قلت ليهو كيف يا دكتور إيهاب قال لي كويس الحمد لله البت قالت ليهو دي منو يا إيهاب ما تعرفنا قال ليها دي ملاذ ممرضه معانا قالت لي إتشرفنا انا شيرين سلمت علي لاحظت لي إنها كانت محننه قلت يمكن مرتو طلعوا وانا مشيت احاسب لمن جيت طالعه لقيتهم واقفين جمب مكان حق ورد إشترى ليها ورود وهي كانت فرحانه شديد كانوا حلوين شديد مع بعض طلعت من السوق ماشه كدا طلعت التلفون فتحت قوقل ولي سوء الحظ تلفوني كان كهربتو بسيطه لمن وصلت نص المسافه التلفون قفل كهربه بقيت أحاول إسترجع الطريق بس ما إتزكرت اي حاجه قلت خلاص لو لقيت زول اسألوا من طريق المستشفى لانو دا اقرب معلم بعرفو بقيت منتظره فجأه وقفت قدامي عربيه توسان سوداء خفت شديد وانا كنت براي مع إنو الوقت نهار بس المكان كان فاضي نزل القزاز لقيتو دا دكتور إيهاب قعد يضحك قال لي خفتي ولا شنو قلت ليهو والله يا دكتور خلعتني قال لي ارح اركبي قلت ليهو لالا بشوف ترحال قال لي انا اساسا ماشي المستشفى ارح اركبي ركبتا مشينا مسافه وقف جمب بيت سمح شديد البت الكانت معاهو نزلت وقالت لي صاح يا ملاذ تعالي لينا يوم انا حبيتك شديد قلت ليها إن شاء الله قالت لي إيهاب امشي سريع وتعال امي ح تكون منتظرانا قال ليها كويس إتحركنا قال لي ابوك في ولا رجع السودان قلت ليهو رجع والله ليهو كم يوم قال لي ياخ كنتا داير اسجل ليكم زياره قبل ما يمشي لكن ما مشكله إن شاء الله نتلاقى في ساعة خير قلت ليهو إن شاء الله لا حظت إنو طول الطريق بعاين لي ما فهمت نظراتو لي نهائي لمن جيت انزل قلت ليهو شكرا عاين لي مسافه وإبتسم قال لي خلي بالك من نفسك بقيت اعاين ليهو قلت ليهو كويس....

في قلب كل شتاء ربيع نابض، ووراء كل ليل فجر باسم.❤️

الفصل الثامن8

قمت الصباح بدري كان يوم السبت رتبت البيت وقمت سريع جهزت لي لبسه عشان الشغل جهزت نفسي وعملت لي كاكاو شربتو اليوم كان مميز عندنا إحتفال في المستشفى كان اليوم العالمي للتمريض إتزكرت زمان لمن كنت في البلد ناس زهره بعملوا لي هديه وبرسلوها لي في المستشفى مع إنهم ما كانو بعترفوا لي إنهم هم العملوها لكن كنت متأكده إنهم هم هسي في الغربه دي لا اصحاب ولا اهل الحمد لله بس لبست كالعاده كل سنه لبسه حلوه واكسسوارات وعملت لي روج خفيف وطلعت على المستشفى لقيت الممرضات ديل قاشرات قشره حلوه خلاص دخلت المكتب راجعت الجرعات كان الزمن لسه بدري قلت امشي اشوف سحر طبعا إتنقلتا لي قسم الاطفال مشيت لقيتا عندها جرع قلت ليها جيبي انفذ معاك والله فرحة فرح طوالي قسمت لي جزو نفزنا لمن إنتهينا قالت لي الليله يا ملوزه بقيتي لي حلوه قلت ليها قصدك شنو يعني انا ما كنت حلوه ولا شنو قالت لي لالا اكيد حلوه بس الليله حلوه بي زياده قلت ليها لانو اليوم مميز قالت لي قاعده تحتفلي باليوم العالمي للتمريض قلت ليها اي إنتي ما بتحتفلي بيهو ولا شنو قالت لي والله يا ملاذ انا علاقتي بالتمريض ما قويه كدا لانو ما دخلتوا عن رقبه بس برضو ما بكرهو قلت ليها حاولي تحبيهو والله التمريض حلو وربنا إختارك فيهو عشان عارف إنك قدرو وبعدين التمريض عمل دنيا وأخره قالت لي فعلا والله قلت ليها طيب نتلاقى بعدين قالت لي تماام مشيت المكتب إنتبهت لي صندوق قاعد في الطربيزه مشيت جمبو لقيتو صندوق هدايا قلت معقوله بس مستحيل ناس زهره يوصلوها لي لحدي هنا فتحت الصندوق لقيت فيهو حلويات وشبسيهات كتيره فتحت الورقه وهنا صدمتي زادت نفسي الكلام كلو سنه ورقه ومرسوم فيها قلب بالدهبي وتحتها كل سنه وإنتي احلى نيرس إبتسمت دي كيف دي معقوله إتصلت ليهم زهره ردت قالت لي المختفيه قلت ليها والله مشاغل بس قالت لي كل سنه وانتي طيبه الليله اليوم العالمي للتمريض قلت ليها وإنتي طيبه وشكرا على الهديه فرحتني شديد يا زهره بالجد انتوا احلى صحبات قالت لي العفو ياخ بس الشكر دا ما لي قلت ليها كيف قالت لي إنتي اصبري بس وأخبار الشغل شنو قلت ليها تمااام الحمد لله بس كيف عملتوها الهديه وكيف جات هنا قالت لي يا ملاذ إنتي لسه تفكيرك بدائي زي ما هنا في ناس توصيل هناك في ناس توصيل المهم إتونست معاها مسافه وادتني ريم إتونست معاها وشكرتها على الهديه وقفلت طلعت بره طبعا كنا عاملين يوم علاجي مجان ودكتور إيهاب متبرع بالادويه والاجهزه بقينا قاعدين جونا ناس كتار في ناس عايزين فحوصات وفي ناس عايزين مقابلة دكاتره انا قاعده كدا جوني كم بت سحبت ليهم عينات في ولد جا قعد قال لي قابلت الدكتوره وكتبت لي ادويه ولازم اركب كانيولا قلت ليهو طيب شلت فراشه وركبت ليهو الترنكيت وبقيت افتش في الوريد قال لي إنتي حلوه قلت ليهو عفوا جاتني سحر قالت لي يا ملاذ قومي قلت ليها مالك قالت لي خليني اركبها ليهو امشي شوفي البت ديك دايره يسحبو منها دم وعارفاني السحب دا ما قاعده انجح فيهو قلت ليها تمام مشيت سحبت لي البت دايره ارجع محلي جاني الولد القبيل قال لي ليه ما ركبتي الكانيولا قلت ليهو الممرضه ما ركبتا ليك قال لي بس انا كنت عايزك إنتي الي تركبيها لي قلت ليهو لو سمحت زح لي انا وراي شغل قبل يزيد كلمه تاني دكتور إيهاب جا قال ليهو يا سعيد تعال عايزك مسكو من يدو وطلعو بره المستشفى جا راجع بعد مسافه جاني في مكاني قال لي ملاذ تعالي وراي عايزك وكان غضبان مشيت لحقتو قال لي عايز منك شغل رتبي لي الورق دا شوفي الحالات المهمه ختيها لي في صائد والعاديه في صائد قلت ليهو بس يا دكتور دا ما شغلي قال لي إشتغلي وإنتي ساكته شلت الاوراق وبقيت اقرأ فيهم رتبتهم ليهو لمن إنتهيت قلت ليهو خلصتا قال لي في ملف هناك جيبيهو لي جبتا ليهو الملف قلت ليهو عايز حاجه تاني قال لي اقعدي قعدتا وهو فتح الملف بقى يقرأ فيهو قلت ليهو يا دكتور انا إتأخرتا وفي ناس كتار عايزين فحص لازم امشي قال لي يا ملاذ المدير منو ؟ قلت ليهو إنت قال لي ايواا ولمن المدير يقول حاجه مفترض تتسمع ولا لأ قلت ليهو ما فهمت قال لي اقعدي وإنتي ساكنه عاينت ليهو مسافه ملامحو كانت جديه طوالي سكتا إتزكرت لمن دقا الولد ولمن هرج في البت الاسمها سهى طوالي مسكتا خشمي علي لمن شافني سكتا قال لي ايواا اسمعي الكلام قاعده نص ساعه كامله بعاين ليهو وهو بقرأ في الملف زهجت زهج فتحت تلفوني قعدتا العب عاينت ليهو لقيتو مركز شديد عليت صوت اللعبه وعملت نفسي منتبهه مع اللعبه كانت لعبة طبخ وديك البكون عندك زبائن ولازم تمشيهم ولا ح يغضبوا بقيت منتبهه مع اللعبه وشغاله اعمل في الاكل فجأة التلفون إتسحب من يدي رفعتا راسي لقيتو دا دكتور إيهاب قال لي اللعبه دي حلوه قلت ليهو وبي سببك ح اخسر هسي إبتسم وقعد قصادي قال لي فيك ملامح من زول قريب لي قلت ليهو منو قال فيك ملامح من زول غالي علي شديد❤️ قلت ليهو كيف دا قال لي عيونك بتشبهو حتى في طريقة كلامك تكشيرتك بتشبهو....

وإنها لفتاة واسعة العُيون ،هادئه كالليلَ ، صافيهٌ كالسماء ، عَميقة كالبئر ، خفيفة كالورقِ ، واضحة كالشمس ، تنير كالقمر ، توأسي بالنظراتِ الثاقبة ، ممتلئة بالإنشراح والمَشاعر الجَياشة ، إنها بمثابة "لوحة فنية" تَمكثُ في دياري الصغير❤♥❤♥❤♥

قلت ليهو منو قال فيك ملامح من زول غالي علي شديد❤️ قلت ليهو كيف دا قال لي عيونك بتشبهو حتى في طريقة كلامك تكشيرتك بتشبهو قلت ليهو كويس هسي يا دكتور بعد إذنك انا إتأخرتا قال لي ما تمشي تحت اطلعي مكتبك طوالي قلت ليهو ليه ؟ قال لي مديرك قال كدا مدى لي تلفوني وطلع بقيت محتاره في تصرفاتو معاي ليه بتعامل معاي كدا ودا منو الشخص الكان بتكلم عنو ودي شنو الطلاسم دي اخر حاجه طلعت قلت في نفسي يا ملاذ اسمعي الكلام اساسا انا جيت هنا عشان إشتغل ما عشان اعاكس مشيت مكتبي بقيت قاعده ساي لمن زهجتا إتزكرت الهديه فتحتها شلت لي كم شكلاته كدا بديت اكل فيها فتحت الفيس كان مافي موضوع والواتساب برضو عاينت لي الزمن لقيت عندي كم مريض كدا لازم اديهم الدوز مشيت واحد من المرضى ديل كان شافع صغير يا داب مولود عندو حقنه بالفراشه مشيت ليهو سلمت على امو وعبيت الحقنه الطفل كان بتحرك كتير وما متعاون نهائي المهم تعبت معاهو تعب لحدي ما اديتو الدواء مشيت للباقين كانو شويه كبار بس برضو اطفال المهم كل واحد وقفت معاهو مسافه اديتهم ادويتهم لمن جيت طالعه من العمبر حسيت بي وجع راس مبالغه ما كان عندي حاجه تانيه مشيت الكافتريا إشتريت فطور وجيت راجعه صليت الظهر وأكلت كان لسه فاضل وقت طويل على زمن التسليم رقدتا في المصلايه وما حسيت بي نفسي الا وانا صاحيه بي صوت الباب فتحت لقيتا دي الممرضه البتستلم مني وريتا التقرير والحالات وطلعتا ما نسيت هديتي طبعا شلتها وطلعتا لمن جيت مارقه لاقاني دكتور رائد قال لي معقوله نحن قاعدين في نفس المستشفى ما قاعد اشوفك نهائي قلت ليهو مع الشغل والله قال لي شغل شنو دا إنتي رفعتي قزازك عديل قلت ليهو معقوله بس يا دكتور انا ارفع قزازي من الكره الارضيه كلها ما ارفعوا منك ومستحيل انسى وقفاتك معاي قال لي ما عملت حاجه وبعدين انا خاتيك في مقام اختي الصغيره قلت ليهو كتر خيرك والله قال لي عن إزنك عندي عمليه ضروريه قلت ليهو إتفضل مشى وانا بقيت اراقب فيهو وهو ماشي كان عليهو هيبه كدا مبالغه ما عارفه ليه بس انا كلو ما اشوفو بحس بالأمان ❤️ طلعتا مشيت البيت كنت تعبانه شديد صليت العصر ونمت لمن صحيت لقيت الصباح اصبح قمت مخلوعه معقوله انا نايمه الوقت دا كلو؟! مشيت صليت الاوقات الفاتتني وجري جريت إخترت لبسه كويتا سريع وطلعت على المستشفى مشيت المكتب إستلمت الشغل من ممرضة المساء نفزت جرعات الصباح جاتني ممرضه قالت لي إنتي ملاذ قلت ليها اي قالت لي المدير الطبي عايزك مشيت مكتبو دقيت الباب قال لي إتفضلي دخلت لقيت معاهو بت قال لي ملاذ تعالي اقعدي هنا مشيت قعدت قال لي يا ملاذ اعرفك علي سوسن دي ممرضه ح تشتغل مكانك في عمبر الاطفال قلت ليها اهلين يا سوسن إتشرفت بيك قالت لي شرف الله قدرك دكتور إيهاب قال لي اليوم يا ملاذ إيجازه وبكره ح تنزلي إمتحان قدرات بعد بكره وعملي وبعدها نقرر اذا ح تفضلي في العنابر ولا تدخلي معانا سيرجري قلت ليهو إن شاء الله اكون عند حسن ظنكم قال لي إن شاء الله ..تقدري تمشي إتفضلي

طلعت من المكتب لاقاني دكتور رائد قال لي تميتي الشهر؟ قلت ليهو اي قال لي طيب تعالي معاي دقيقه مشيت معاهو وقفنا جمب مكتبو دخل وجا شايل كيس قال لي دا مرجع مهم ح تلقي فيهو كل المعلومات المهمه وممكن تجيك في الامتحان إجتهدي وإن شاء الله تنوري قسم العمليات قلت ليهو كتر خيرك والله ما عارفه اشكرك كيف قال لي يا ملوزه ما قلت ليك إنتي أختي الصغيره❤️ مافي داعي للشكر ،،شلت منو المرجع وكنت بين مصدقه وما مصدقه معقوله انا ح ادخل عمليات دا كان حلم بعيد بقيت احمد في رب العالمين مشيت لي سحر بما إنو اليوم إجازه لقيتا نفزت وجايه المكتب قالت لي ملوزه الاخبار والامور قلت ليها تماام الحمد لله كيف إنتي والشغل كيف قالت لي تمااام الحمد لله قلت ليها الحمد لله قالت لي دا شنو الكيس دا قلت ليها دا مرجع خلصت الشهر وح أنزل إمتحان قدرات ادعي لي قالت لي ما شاء الله ربنا يوفقك يارب تستاهلي كل خير قلت ليها يا سحر إنتي عارفه انا مستغربه شديد ليه إختاروني انا مع إنو في ممرضات كتار وعندهم خبره أكتر مني قالت لي يا ملاذ دايما ربنا بدي الانسان على قدر نيتو والنيه البيضاء هي بطاقة المرور في اي حاجه انا شفت إخلاصك في شغلك وشفت طريقة تعاملك مع المرضى ولو ما فيك حاجه مميزه اكيد ما كان إختاروك قلت ليها إن شاء الله اكون قدرها بس قالت لي أكيد ح تكوني قدرها دعواتي معاك من هسي قلت ليها بجد ما بتقصري شكرا ليك...

ابتسم، لقد ابتدأ يومًا جديد من عُمرك، تفائل بما تُحب أن يكون وفوّض أمرك لله دائمًا.❤️🏃

الفصل العاشر

قعدت يومين في البيت اقرأ ما خليت كتاب ما قريتو والمرجع حق دكتور رائد قريتو كلو ما كان كبير وسألت دكاتره برضو عرفتني عليهم سحر وبرضو دخلت قوقل بحثت عن جزو من المعلومات ومع زلك كنت خايفه كنت خايفه شديد ما عارفه ليه؟ يوم الامتحان الصباح بدري قمت صليت الصبح وقعدت اقرأ قرآن بعدها إتصلت على ناس ابوي ادوني طاقه إيجابيه وكم نصيحه كدا مشيت لبست هدومي وطلعت على المستشفى لاقتني سحر قالت لي موفقه وكم ممرضه برضو جو ودعوا لي مشيت على كدا دقيت باب المكتب قال لي إتفضل أنا مع إتفضل دي حيلي مات كرر لي الجمله فتحت الباب ودخلت دكتور إيهاب عاين لي وقعد يضحك قال لي تعالي مالكِ خايفه كدا تعالي أقعدي قعدتا قال لي يا ملاذ إنتي عارفه لولا المصداقيه في الشغل ما كان سألتك او إختبرتك من الاساس لانو انا واثق إنو حالة المريض ح تكون افضل ما دام ماسكاهو إنتي قلت ليهو شكرا ليك يا دكتور قال لي طيب ح أسألك كم سؤال كدا وبعدها ح ندخل العملي تمام قلت ليهو الله يستر تمااام

بدأ يسأل فيني وانا أجاوب لمن قال لي خلاص كدا خلصت حتن بقيت اخد في نفسي سمح قال لي إرتاحي حبه بعد نص ساعه ح نبدأ العملي إتصل تلفون قال يا فاديه جيبي مويه إستغربت طبعا ما كنت متخيله عندو سكرتيره بعد شويه جات بت حلوه حلا مبالغه تقول لي البنات ديل كلهم اقعدوا في كفه وانا في كفه جابت مويه في جك زجاج وطلعت كبى لي مويه قال لي أشربي شلت الكبايه شربت اما بالنسبه ليهو كان ماسك مرجع بقرأ فيهو قعدنا مسافه لحدي ما كسر الصمت وقال لي الوقت جا ارح طلع وانا طلعت وراهو دخلنا في غرفه كدا كانت مليانه ادوات ودمى قال لي تعالي هنا مشيت قعدت في كرسي بعد مسافه جا دكتور رائد قال لي اها جاهزه قلت ليهو اي قال لي طيب انا ح امسك معاك الجزئيه دي دكتور إيهاب قعد ودكتور رائد قال لي يلا قدامك موديل وزي ما شايفه عندها جرح عايزنك تخيطيهو بالطريقه الصحيحه

بقيت أعاين للمودل وأعايني لي دكتور رائد

شلت ادوات التعقيم عقمت الجرح وكان في حقنه نظام مخدر موضعي طعنتها بالطريقه الصحيحه وبديت اخيط لحدي ما إنتهيت جاب لي قلب برضو لعبه وبقى يسأل فيني المهم عملت اي حاجه مطلوبه مني لمن خلصت دكتور إيهاب قال لي شغل حلوو لازم نتناقش انا ودكتور رائد حتن نطلع بالنتيجه ممكن تنتظري ساعه كدا بالكتير قلت ليهو ما مشكله بقيت قاعده في صالة الانتظار وهم في المكتب جوه بعد ساعه بالضبط دكتور رائد جاء طالع قال لي ما عارف اقول ليك شنو يا ملاذ كل البقدر اقولو إنو انا اسف ما ح تواصلي معانا💔

في زحمة التشابه -أحب اختلافي.

بقيت أعاين ليهو كيف الكلام دا انا إشتغلت بي كل جهدي فجأه دكتور رائد بقى يضحك بقيت أعاين ليهو مصدومه دكتور إيهاب جاء طالع قال لي عمل فيك مقلب صح مستحيل يا رائد تتغير قلت ليهو يعني هسي انا إتقبلت ولا لأ دكتور إيهاب قال لي الف مبروك إتقبلتي إنتي زوله شاطره وتستاهلي .. دكتور رائد قال لي لازم تكوني واثقه من نفسك اكتر ولا شنو يا ملاذ قلت ليهو اقسم بالله خلعتني خلعه قال لي معليش تكبري تنسي كلنا قعدنا نضحك دكتور إيهاب قال لي عندك اسبوع راحه يا دكتوره وبعد الاسبوع نشوفك في قسم السيرجري قلت ليهو حاضر طلعت من المستشفى والفرحه ما سايعاني الحمد لله مشيت كلمت ابوي وأمي وقلت ليهم بعد إسبوع إن شاء الله ح إشتغل شغل بي مرتب❤️ ابوي قال لي بالتوفيق يارب كان فرحان لي شديد❤️

الاسبوع دا كلو قضيتو قراية كتب ومراجع وحضرت فيديوهات خصوصا في الجزو بتاع القلب لانو انا ح اشتغل مع اخصائين قلب لقيت كم فيديو في النت لي عمليات قلب مفتوح وشرحها حضرتها لمن جاء اليوم الاخير في الاسبوع وقفت قرايه وقلت الليله بس أرفهه عن نفسي قمت من الصباح نضفت البيت قلت في نفسي الليله لازم اعمل طبخه حلوه في الفطور عملت ملاح روب وسجك ولقيت بيض سلقتو كبيت من كل حاجه حبه ودخلت الباقي في التلاجه فطرتا،، العصر قاعده كدا تلفوني إتصل لقيتا دي سحر رديت قالت لي شنو رفعتي قزازك كدا يا ملوذه ولا عشان بقيتي شغاله مع الكبار قلت ليها لالا والله مافي كلام زي دا معقوله ارفع قزازي عليك بس تعب وإرهاق قاعده اقرأ في مراجع زي ما عارفه المسئوليه بقت كبيره قالت لي اي والله معاك حق هسي انا إتصلت اقول ليك بما إنو الليله أخر يوم تعالي نطلع عازماك في مطعم ظابط قلت ليها تصدقي انا كنت بفكر في كدا لكن زي ما عارفه انا ما بعرف الاماكن هنا قالت لي حسيت بيك يا صحبتي أجهزي انا جايه عليك قلت ليها تمااام جهزت لي فستان نص لبني ونص ابيض وطرحه اوف وايت وشبط ابيض وشنطه لبنيه صغيره جايه مع الفستان المهم كويتهم سريع ومشيت إستحميت وجيت لبستهم عملت لي روج وردي فاتح إنتهيت كدا الباب دقا فتحت لقيت دي سحر حضنتي وقالت لي اقسم مشتاقيين قلت ليها بالاكتر والله قالت لي يلا طوالي عشان ما نتأخر نزلنا كانت في عربيه تحت قالت لي أجرت ترحال ارح ركبنا بعد مسافه كدا وصلنا جمب مطعم نزلنا المكان كان رهيب وبفتح على البحر دخلنا إخترنا طاوله كدا جمب قزاز يعني بتشوف منظر البحر والاجواء الحلوه دي قلت ليها المكان دا رهيب قالت لي اي دا مكاني المفضل قلت ليه إنتي الليله كيف طلعتي ما شغاله قالت لي لالا سلمت الليله بدري اساسا مافي شغل كتير قلت ليها كويس والله قالت لي معاي دكتور رائد وإيهاب جايين بعد شويه قلت ليها كويس قالت لي ما عندك مانع صح قلت ليها في النهايه هم زملاء قالت لي يا ملاذ في حاجه عايزه اقولا ليك قلت ليها إتفضلي قالت لي في الحقيقه ما زملاء.....

‏معَ من تُحب، تَجد في أبسط الأشياء فرحًا .

الفصل الثاني عشر

الحقيقه يا ملاذ ما زملاء رائد خطيبي قلت ليها بالجد!؟ قالت لي اي قلت ليها ما شاء الله متين عملتوا خطوبه ولا كنتوا مخطوبين اصلا قالت لي طولنا مخطوبين لكن كنا مختلفين حبه كدا وهسي رجعنا قلت ليها كويس والله ودكتور رائد إنسان مهزب شديد مناسبين لي بعضكم ربنا يخليكم لي بعض قالت لي امين يارب وعقبال ليك قلت ليها انا هسي ما دايره اعرس لحدي ما اصلح اوضاع اهلي قالت لي كلنا في البدايه قلنا كدا يا ملاذ بس كمان لمن يطرق إنسان بابك بالحلال ما ح تقدري ترفضي😉 قاطع حديثنا صوت دكتور رائد ودكتور إيهاب بقولوا السلام عليكم ردينا بي وعليكم السلام جو قعدوا معانا بقينا نتناقش في الشغل وكدا لحدي ما الجرسون جا طلبنا مقبلات خفيفه كدا وعصائر طبعا طلبت عصير فراوله لانو انا بحب الفراوله مووت اكلنا سحر قالت لينا ارح جمب البحر كلهم وافقوا قالت لي ملاذ ارح مشيت معاهم بقينا قاعدين جمب البحر سحر ورائد نزلوا جمبوا وبقينا انا ودكتور إيهاب قاعدين قال لي إنتي ما بتحبي البحر قلت ليهو بحبو قال لي طيب ليه ما نزلتي معاهم قلت ليهو دا نظام خليني براي ولا شنو قال لي إنتي فصيحه زياده عن اللزوم قلت ليهو اسفه قال لي بهظر معاك،،، روحك حلوه شديد قلت ليهو شكرا ليك بس يا دكتور إيهاب في سؤال محيرني شديد عدل جلستو وقال لي قولي لو بقدر اجاوب ليك قلت ليهو انا مستغربه في السرعه الجيت بيها هنا انا قدمت في المستشفى دي قبل يوم جاني القبول اليوم التاني طوالي حتى ما متزكره كيف وصل لي رابط التقديم فرحت شديد إنو إنتوا قبلتوني لكن يا دكتور إيهاب إتوقعت اي حاجه إلا كوني ادخل قسم العمليات دي حاجه كبيره شديد قال لي هسي إنتي فرحانه ولا زعلانه ولا شعورك شنو قلت ليهو اكيد فرحانه يادكتور وطبعا دا بي فضلكم بعد الله سبحانه وتعالى قال لي يا ملاذ اول حاجه كونو إنتي جيتي هنا ودخلتي قسم العمليات والكلام دا كلو دا قدرك يا ملاذ وربنا رايد ليك تكوني هنا وفي المكانه دي وبعدين نحن جينا هنا عشان نستمتع فكك من جو الشغل دا قلت ليهو طيب قال لي ابوك كيف قلت ليهو كويس الحمد لله قال لي وصل كيف يوم داك قلت ليهو والله تماام الحمد لله وبقينا نتونس فتحنا كم موضوع كدا في نص ونستنا قال لي إنتي ما عندك اعمام قلت ليهو عندي عم واحد قال لي طيب عندك عمات قلت ليهو لالا بس عمي عمر قال لي ايواا قلت ليهو بس ليه السؤال قال لي عشان شبهتك على زول بس وكنت مفتكرو عمك قلت ليهو ايواا قال لي طيب ارح ننزل تحت قلت ليهو تحت وين قال لي البحر😅 قلت ليهو انا ما بحب البحر من قريب بخاف منو احسن قال لي غريب اي بت صافيه وبتحب الهدوء بتحب البحر قلت ليهو الا انا ما بحب البحر عندي معاهو سابقه قال لي اها كدا ممكن بقينا قاعدين نعاين للبحر من بعيد وللموج عيني وقعت على سحر ودكتور رائد كانوا حلوين مع بعض حتى ظاهر التفاهم في علاقتهم من دون ما أشعر إبتسمت في زول مدى لي بارد قدام وشي إتلفت لقيتو دكتور إيهاب قال لي سرحانه وين قلت ليهو مافي محل مدى لي البارد قلت ليهو شكرا بس ليه مكلف نفسك إبتسم وقعد في كرسيهو قال لي وين التكلفه في الموضوع...

مره الوقت ورجعنا بي عربيه دكتور إيهاب وصلنا رائد وسحر حتن وصلني انا اخر حاجه لمن جيت أنزل قال لي خلي بالك من نفسك قلت ليهو كويس نزلت دخلت الشقه كنت تعبانه قمت عملت لي حاجه اكلها المغرب ازن صليت وجيت أكلتا وفتحت التلفزيون حضرت حبه العشاء ازن صليت وقفلت التلفزيون ونمت طوالي عشان اصحى بدري قمت الصباح جهزت نفسي ومشيت المستشفى لاقاني دكتور رائد قال لي اوو الليله الصباح غير😉 قلت ليهو كيف اصبحت يا دكتور رائد قال لي تمااام الحمد لله وتاني ما تقولي لي دكتور بقينا زملاء مافي داعي للرسميات قلت ليهو إن شاء الله بحاول قال لي امشي طوالي مكتب إيهاب عايزك قلت ليهو طيب ومشيت المكتب لقيت المكتب مقلوب والباب مفتوح دخلت لقيت في عمال بنظموا في أدراج وفي طربيزات إتنين ودكتور إيهاب واقف يوصي فيهم قلت السلام عليكم حتن يا داب إنتبه لي وجودي قال لي ملاذ صباح الخير قلت ليهو صباح النور قال لي اها مستعده تبدي الشغل قلت ليهو اي مستعده قال لي الليله عندنا عمليه الساعه ١٢ ح نعمل عملية قلب مفتوح وإنتي ح تكوني معاي تمااام قلت ليهو إن شاء الله قال لي وبالمناسبه دا ح يكون مكتبنا قلت ليهو كيف يعني؟ قال لي دا مكتبك ودا مكتبي قلت ليهو طيب،،

مع إنو الفكره ما عجبتني خالص لكن قلت في نفسي ما مشكله اساسا ما بكون في عمليات كتيره العمال رتبوا المكان وطلعوا دكتور إيهاب طلع معاهم وانا مشيت قعدت في طربيزتي وبقيت إتأمل في المكتب كان رهيب شديد كان مطلي بي لون بني غامق ورهيب فيهو كم كسره كدا بالابيض في الزوايا....

لَن تقوَى إلَّا بالتَّقْوَى،

وَلَن تَتَخَطَّى إلَّا بصِدْقِ الخُطَى💜ُ...

قاعده إتأمل كدا دكتور إيهاب جاء داخل قال لي اها المكتب كيف قلت ليهو حلو قال لي كويس إنو عجبك مشي قعد في مكتبو وطلع فايل مدى لي قال لي الفايل دا حق العمليه اقريهو كويس شلتو منو قعدت اقرأ فيهو وهو كان شغال يكتب فى ورق لمن إنتهيت بقيت مركزه معاهو ملامحو كانت مألوفه بس وين انا شفتها حاولت إتزكر بس ما قدرتا لمن الساعه ١٠ جات طلعنا الفطور فطرنا في مطعم وجينا داخلين الساعه ١١ ونص كان فاضل نص ساعه للعمليه بقينا نجهز في نفسنا لي العمليه بديت اغسل في يديني ولبست القاون(المأزر) والهيد وShoes كافرد (نظام كافرد للرأس والرجلين من الجراثيم) والكمامه ولبست القلوفز اخر حاجه عاينت لي نفسي في المرايا حسيت نفسي محترفه محترفه طلعت لقيت دكتور إيهاب لبس عاينت ليهو كدا لمن شفتوا بالكمامه إتزكرت الملامح بقيت اقول في نفسي معقوله دا هو دي نفسي ملامح الزول الكان راكب معانا في الطياره!! وكان بعاين لي بس معقوله دا هو!! قطع تفكيري صوت دكتور إيهاب قال لي يلا نمشي مشيت معاهو وصلنا غرفة العمليات طبعا العمليه لي شاب ثلاثيني دخلنا بديت احضر في الادوات وبدينا العمليه كانت عمليه طويله طلعنا منها بعد تلاته ساعات جينا طالعين كنا مرهقين من الوقاف الكتير لكن العمليه كانت ناجحه طلعت انا طمنت اهل المريض وجاء دكتور إيهاب شرح ليهم حالتو ووريناهم إنو إذا طلع من المستشفى لازم نظام صحي المهم بعدها مشينا المكتب طلعت لبس العمليات وقعدتا في الكرسي كنت مرهقه ما حسيت بي نفسي كنت نعسانه شديد وما قدرت اقاوم النوم ونمتا😴 لمن صحيت لقيت المكتب فاضي عاينت لي الساعه كانت ماشه على تلاته قمت سريع إتوضيت وبقيت أفتش على المصلايه اثناء ما بفتش وقعت عيني على يافطه فيها إسم دكتور إيهاب ماشه عليها كدا دكتور إيهاب جاء داخل قال لي النوامه النوم ممنوع في الشغل قلت ليهو اسفه والله ما حسيت بي نفسي لكن أعتبرها أخر مره ما بتتكرر قال لي تماام عاين لي اليافطه قال لي إنتي عايزه حاجه قلت ليهو عايزه المصلايه فتح درج كدا مداها لي شلتها منو فرشتها وبديت اصلي لمن إنتهيت لفت نظري إنو اليافطه إختفت قلت لي دكتور إيهاب كان في يافطه هنا قال لي طلعتها بره دي قديمه عايزهم يعملوا لي وحده جديده قلت ليهو ممكن اسألك سؤال قال لي إتفضلي قلت ليهو إنت إسمك دكتور إيهاب منو عاين لي مسافه وقال لي إسمي دكتور إيهاب بس وقام طلع إستغربت من ردت فعلو والسؤال كان عادي ما إتوقعت ردت فعل زي دي...

إيهاب الراوي..

معقوله تكون عرفت الحقيقه معقوله قاعد افكر كدا رائد جاني قال لي بتفكر في شنو قلت ليهو يا رائد ما عارف لكن عندي شعور إنو ملاذ عرفت الحقيقه!! قال لي كيف؟ كيف؟! قلت ليهو قبيل أظن شافت اسمي في اليافطه الكانت في المكتب قال لي إنت متأكد؟ قلت ليهو ما عارف يا رائد ما عارف قال لي طيب ردت فعلها كانت كيف ؟ قلت ليهو دا المحيرني ردت فعلها كانت طبيعيه قال لي يا إيهاب ملاذ دي بت بريئه شديد يعني لو شافت حاجه بجد كان ظهرت ردت فعلها في وشيها عشان كدا إطمن ردت فعلها الطبيعيه دي اكبر دليل على إنها ما شافت حاجه...بعدين انت ليه خايف من الموضوع دا موش طول عمرك منتظر لحظة هي تعرف الحقيقه قلت ليهو اي صح كنت منتظر اللحظه دي لكن هسي اي حاجه إتغيرت...

بقيت أفكر بيني وبين نفسي لو ملاذ عرفت حاجه كدا خطتي كلها ح تدمر و ح اخسرها لي الابد!! مستحيل اسمح لي حاجه زي دي تحصل مستحيل!!...

ما كتير فارقت أحباب

بس فراقك انتي غالي

المكان مليان تزاحم

إلا دون عينيك خالي💚

الفصل الرابع عشر

مرة الايام وانا ودكتور إيهاب بقينا اصحاب نطلع سواا وندخل سواا قال لي يا ملاذ تاني ما أسمعك تقولي لي دكتور قولي لي إيهاب بس❤️ وفعلا بقيت مره مره أناديهو إيهاب يوم بعد العمليه عزمني مطعم بس انا رفضتا قال لي معانا سحر ورائد قلت ليهو بفكر وفعلا مشيت معاهم كان يوم حلو شديد فرقنا على نفسنا زحمة العمليات ديك والخبر الحلو برضو إنو سحر رقوها وبقت مساعدة دكتور رائد بقينا نتلاقى كتير انا وسحر...

الليله طلعت من البيت الجو كان مغيم والغيم كان كتير حسيت إنو ح تمطر وصلت المستشفى مريت على المرضى ومشيت المكتب لقيت دكتور إيهاب مافي قعدتا كدا جاء داخل قال لي تأخير خمسه دقائق قلت ليهو اساسا نحن ماعندنا عمليات الليله يا إيهاب يعني مافي مشكله إذا إتأخرت حبه قال لي لأ في مشكله قلت ليهو شنو قال لي احتاج ليك والحاء شين والجا قاف قلت ليهو مافهمت ؟ قال لي كدا ومشى كتبت الكلمه لمن عرفتها قعدت إتبسم براي بس تاني قلت هي يا ملاذ الانسان دا ما طبيعي مره أحس بيهو كويس معاي ومره أحس بيهو صارم فتحت الملفات وبقيت أقرأ فيهم رتبتهم عاينت بالشباك لقيت المطره بتصب مشيت وقفت جمبو يا الله أحلى منظر منظر الغيوم والمطر بقيت أعاين لحدي المطره ما زادت بقت كتيره بقيت أعاين للناس تحت وهم جارين وشايلين مظلات سمعت صوت إيهاب وهو جاي داخل كان بتكلم في التلفون قال اي شكلوا م ح يقدروا يجو قول لي ناس الصباح يواصلوا شغل ناس المساء لحدي المطر ما يقيف...تمااام يلا اقفل .قفل الخط لقاني واقفه جمب الشباك كان طويل ينتهي قريب من الارض بي حبه وكلو قزاز قال لي في شنو مالك واقفه هناك قلت ليهو ساي بحب شكل المطر وهي بتنزل والجو وكدا قال لي اي الجو حلو شديد لكن المنظر ما احلى تعالي اوريك مشيت وراهو فتح باب كدا في المكتب قال لي تعالي مشيت لقيتا بلكونه كبيره وكلها زجاج يعني بتشوف الشارع كلو ومن كل الاتجاهات وكان فيها نظام كراسي جلوس قال لي المنظر احلى قلت ليهو اي والله حلو شديد قعدنا قال لي رأيك شنو نجيب قهوه قل ليهو كويس إتصل تلفون على السكرتيره قال ليها جيبي لينا قهوه في المكتب ...كبايتين تماام قفل منها قلت ليهو يا إيهاب ممكن سؤال قال لي إتفضلي قلت ليهو ليه يوم داك لمن سألتك من إسمك ما جاوبتني وطلعت غضبان مع إنو سؤال عادي قال لي كنت مشغول ما أكتر،،،حسيت بيهو م عايز يتكلم عن الموضوع لانو طوالي قال لي البت دي إتأخرت دقيقه أطلع اشوفا مشى وانا قعدتا إتأمل في المنظر إتزكرت زمان لمن كنت في السودان لمن تصب مطره انا وزهره وريم بنطلع في الحوش ونقعد نلعب إفتقدت الايام ديك شديد لكن لازم إتحمل فاضل خمسه شهور والسنه تنتهي وح أنزل إجازه إيهاب جاء شايل القهوه قال لي المطر لسه قلت ليهو اي قال لي مشكله ح يوقف لينا الشغل...

شربنا القهوه وطلعنا مشينا نفطر الساعه وحده جات والمطر لسه ناس الصباح واصلوا شغل ناس المساء لحدي الساعه ٤ وحاجه حتن المطر وقف ناس المساء جو لي شغلهم وانا طلعت اساسا ما كان عندنا شغل كتير لمن طلعت الشارع المنظر كان رهيب سحر ودكتور رائد جو طالعين سحر قالت لي يا ملاذ ارح معانا قلت ليها وين قالت لي في حديقه قريبه طالعين نرفهه حبه ونجي قلت ليها والله ياريت عندي غسيل يادوب الحق انتهي منو قالت لي تماام نتلاقى بكره طيب قلت ليها إن شاء الله ودعتهم ومشيت البيت لمن وصلت نضفت الشقه سريع سريع وشغلت الغساله

مشيت المطبخ أعمل حاجه اكلها باب الشقه كان بيدق مشيت فتحت لقيتا بت قالت لي إنتي ملاذ عبد الفتاح إدريس؟ قلت ليها اي قالت لي دي ليك مدت لي صندوق كبير كدا ملفوف بي ورق الهدايا قلت ليها دي شنو ؟ قالت لي جابوها ناس التوصيل وقالوا ليك قلت ليها طيب من منو قالت لي ما عارفه والله شلتها منها وهي إستأزنت ومشت بقيت مستغربه جاتني من منو دخلت ختيتا جوه وبقيت أعاين ليها بعد مسافه قررت افتحها فتحتها لقيت فيها حلويات كتيره وعلبة بيتزا وفي كرتونه صغيره جمبها فتحتها كان فيها طقم إسكيرتي وبلوزه ومعاهم طرحه عاينت ليهم كدا كانوا حلوين شديد رفعتهم لقيت تحتها في ظرف فتحتو لقيت فيهو صوره وورقه لمن عاينت لي الصوره لقيتا....

لقيت صورتي لمن كنت صغيره وكان معاي بنات كتار قدرت اعرف جزو منهم والباقات ما عرفتهم بس لفت إنتباهي في الصوره كان في مجموعه اولاد صغار بعمرنا واكبر مننا كدا كان في واحد من ضمنهم بعاين لينا ومركز معانا شديد بقيت احاول إتزكر الصوره دي كانت وين والصورنا منو اساسا قدر ما حاولت إتزكر ما قدرتا فتحت الورقه لقيت فيها القلب الدهبي وتحتوا مكتوب حين إلتقت عينينا لأول مره علمت انه لم يكن لقاءً عاديا ،،قريت الكلام دا قريب تلاته مرات دا ما كلام زهره وريم فجأه إتزكرت كلام زهره معاي يوم داك لمن قالت لي الشكر دا ما لينا ياربي كان قصدها شنو بقيت أفكر كدا حسيت راسي وجعني قلت بس ناس زهره بقدروا يجاوبوني على اسألتي دي مشيت وقفت الغساله وشريت الملابس جيت فتحت البيتزا بجد البيتزا دي جات في وقتها كنت جعانه شديد وكسلانه أعمل لي حاجه أكلها،،، اكلت منها ودخلت الباقي في التلاجه شلت طقم الملابس الجاني هديه وبقيت أجرب فيهو عجبني شديد قلت خلاص ح البسو بكره دخلتهم في الدولاب إنتظرت العشاء ازن صليت ونمت طوالي...

صحيت الصباح رتبت البيت وعملت لي كيكه مع الشاي نفسياتي كانت عاليه شلت منها في صحن وطلعت بره الشقه كان في بت ساكنه جمبي كنت بلاقيها كم مره كدا وبعدها بقينا صحبات مشيت سلمت عليها وقلت ليها الليله عملت كيكه وقلت ما باكلا براي قالت لي تسلمي ما قصرتي قلت ليها ما عملت حاجه قالت لي طيب إتفضلي اشربي معاي الشاي قلت ليها والله ياريت لكن عاملاهو ومستعجله لازم اغير ملابسي الوقت إتأخر على الشغل قالت لي موفقه ياخ بس لازم يوم تجي تشربي معاي قلت ليها إن شاء الله والله،، ومشيت الشقه شربت شاي ولبست وطلعت طوالي مشيت اخت مفتاح الشقه في الاستقبال لقيت البت معاها زول كان مديني ضهروا إنتظرتها حسيت الوقت إتأخر قلت ياخ انا لو شلت مفتاح الشقه معاي أكيد ح اضيعوا وخصوصا إني متعوده اديهو ليها وأطلع قلت احسن إعتمد على نفسي دايره أمشي كدا الزول وقف وحسيت إنو جاي طالع لمن إتلفت علي لقيتو دا دكتور إيهاب جاء علي قال لي كيفك قلت ليهو تمااام الحمد لله إنت كيف قال لي كويس الحمد لله بالنسبه لي أمبارح مالك مشيتي قلت ليهو الدوام إنتهى صح؟! قال لي اي إنتهى بس انا ما قلت ليك ما تمشي براك وبعدين الوقت كان متأخر والشوارع كعبه قلت ليهو ما مشكله انا بعرف إتصرف وبعدين إنت ما مجبور توصلني كل مره قال لي لأ انا مجبور عارفه ليه لانو انا الجبرتك تشتغلي الشغل دا لو كنت ممرضه شغاله في قسم ما كان إتأخرتي كدا عشان كدا انا بأدي في واجبي تجاهك فاهمه وتاني ما تعيدي لي الكلام دا لو سمحتي زائد اسرعي انا منتظرك بره ،، ومشى خلاني قلت في نفسي البني ادم دا مجنون ولا شنو تصرفاتو كانت غريبه محسسني إنو بعرفني من زمان ما جمعنا الشغل دا وبس مشيت اديت المفتاح للبت وطلعت لقيتو منتظرني كنت عايزه إتجاوزو عملت نفسي ما شفتو ضرب لي بوري مشيت طوالي ركبتا حسيتو شويه كدا و ح يكفتني لحدي ما وصلنا المستشفى ساكتين بركن العربيه وقال لي تعالي وراي سريع مشيت لحقتو مدى لي ملف قال لي داخلين عمليه بعد شويه اقري الملف دا قلت ليهو طوالي كدا قال لي عندك إعتراض قلت ليهو لأ شلت الملف وبقيت اقرأ هو طلع قريتو سريع طبعا انا عندي عاده لمن اكون بقرأ لازم إتحرك ما بعرف اقرأ وانا قاعده في مكان واحد بقيت أمشي واجي مره اقعد في الكرسي حقي ومره في حق دكتور إيهاب لحدي ما خلصتا قعدتا في كرسي دكتور إيهاب وبقيت إتخيل إني المديره شلت الملف ختيتو في المكتب وبقيت إتصور لفت إنتباهي الدرج الاخير كان فاتح دنقرت اقفلو لقيت فيهو كتاب كدا طلعتو كان صغير وعامل زي روايه كدا فتحتو من جوه كان مكتوب بي خط يد ومطبوع جاني فضول اقراهو تاني خفت دكتور إيهاب يجي قلت خلاص اعمل منو كم صوره في تلفوني وأقراهم تاني قلت هوي يا ملاذ يمكن دي مزكره فتحت الصفحه الاولى كان مكتوب الفصل الاول قلت اكيد لو مزكره ما بكتب الفصل الاول صورتا كم صوره كدا وختيتو وقفلت الدرج اثناء ما قاعده كدا دكتور إيهاب جاء قال لي إنتهيتي قلت ليهو اي قال لي طيب اسرعي البسي عشان ندخل قلت ليهو تمااام لبستا وطلعنا من المكتب دخلنا غرفه العمليات الحاله الدوره دي كانت مره كبيره عايزين نعمل ليها عملية إستبدال صمام جهزتها طبعا كان مخدرنها تخدير عام وبدينا العمليه دكتور إيهاب قال لي جهزي لي ملاقط جهزتهم ليهو المهم العمليه إستمرت قريب خمسه ساعات متواصله كانت عمليه معقده شديد عملنا ليها إيقاف للقلب وإستخدمنا جهاز قلب_رئه

لمن إنتهينا دكتور إيهاب قال لي راقبي النبض راقبتا الجهاز بتاع دقات القلب مسافه كان في لخبطه النبض ما طبيعي والدقات برضو وريت دكتور إيهاب قال لي الكهربه ح تظبط الدقات كهربة القلب بعد العمليه بتتغير ركبنا ليها اسلاك منظم مؤقت بعد نقلناها لي غرفة عنايه عشان تكون تحت المراقبه...

لو فهمتي لغة حروفي

كنتي فسرتي المعاني❤️

الفصل السادس عشر16

طلعنا من غرفة العمليات ومشينا المكتب دخلت انا اول طلعت ملابس العمليه ولبست ملابسي وجيت قعدت في المكتب كنت تعبانه مشيت صليت وجيت فتحت تلفوني إتزكرت الصور فتحت الاولى لقيت مكتوب فيها: في يوم ٢٠١٠/٥/١٥ دا كان اسوأ يوم في حياتي لمن ابوي إتوفي 💔

وقتها كان عمري خمستاشر سنه لقيت نفسي قدام مسئوليه كبيره بما إنو انا كبير البيت وإضافه لي المسئوليه دي كانت وصية ابوي بعد وفات ابوي بي شهر سافرنا السعوديه لي اهل أمي وهناك بديت افتش لي شغل ولي حسن الحظ خالي كان عندو سوبر ماركت وكان محتاج زول يشتغل فيهو نزلت شغل فيهو كان الايام الاولى صعبه شديد بشتغل من الصباح لحدي المساء والمكان كان مزحوم شديد

بس دائما كنت بواسي نفسي بي إنو انا سند امي واخواني الوحيد ما عندهم زول غيري لازم أواصل وفعلا واصلت في الشغل لحدي ما ربنا فتحها علي وإشتريت دكان صغير دا كان بعد خمسه سنه من الشغل في دكان عمي وقتها كنت داخل على الجامعه اول سنه لي فيها والحمد لله حققت حلمي وحلمها❤️ اول سلمه من سلم النجاح دا كان حلمي من زمان وحلم بت عمي إشتقت ليها شديد لسه بتزكر الايام البسيطه القضيناها مع بعض كان نفسي ارجع السودان واشوفهم تاني نفسي اعرف هسي وصلت لي وين...

قاعده اقرأ كدا سمعت صوت دكتور إيهاب قال لي بتكلم معاك من قبيل مركزه في شنو إنتي إتوترت شديد قلت ليهو مافي حاجه منشور بس كنت بقرأ فيهو قال لي طيب مالك متوتره كدا قلت ليهو عشان إنت جيت فجأه هجمتني قال لي طيب ارح نتغدا ما جعانه قلت ليهو طيب ارح قال لي عازمك في مطعم ظريف ارح مشيت معاهو لحدي ما وصلنا المطعم وقعدنا انا تفكيري كلو كان شغال في القصه معقوله كاتبا دكتور إيهاب ولا دي قصة حياتو ولا دا شنو ما فاهمه حاجه..

دكتور إيهاب قال لي في حاجه قلت ليهو لأ قال لي الواضح إنك ما مركزه نهائي في شنو قلت ليهو مافي حاجه والله قال لي طيب عايني نحن وين لمن عاينت حولي لقيت نفسنا في المطعم الكان جمب البحر داك قلت ليهو نحن جينا هنا متين وبعدين انا قلت ليك ما عندي في جو المطاعم دا قال لي بس إنتي وافقتي صح بقيت اراجع في كلامي صح انا وافقتا بس كيف وافقت علي فكرة إنو نطلع انا وهو برانا ياخ دي شنو اللخبطه دي قال لي على العموم ما مشكله نطلب ونطلع طوالي فعلا طلبنا سفري وطلعنا قلت ليهو أسفه بس ما لي في جو المطاعم دا معليش قال لي ما مشكله مافي داعي تعتزري رجعنا المكتب اداني علبة اكل وهو مشى مكتبو قعدنا ناكل جاتني فكره قلت ليهو يا إيهاب ممكن اسألك سؤال قال لي إتفضلي قلت ليهو لمن ابوك إتوفى إنت عمرك كان كم ؟ قال لي ليه السؤال المفاجئ دا قلت ليهو ساي فضول لو ما عاوز تجاوب ما مشكله إعتبرني ما قلتو قال لي لأ ما كدا بس إستغربتا عموما كان عمري ١٥ سنه وقتها،، من قال كدا إتأكدتا القصه دي قصة حياتو وممكن تكون يومياتو عديل بس ليه عاملا في شكل فصول؟! المهم خلصنا اكل لميت الاكياس حقتي في السله وهو نفسي الشي شربت مويه قال لي نمشي قلت ليهو خلينا اول حاجه نمشي نطمن على المريضه القبيل لو ممكن قبل نمشي قال لي ممكن مشينا إطمنا على حالتا وجينا طالعين ركبنا العربيه وصلني وكا العاده قال لي خلي بالك من نفسك قلت ليهو طيب نزلت شلت مفتاح الشقه من اريج وطلعت فتحتها رقدتا حبه وقمت صليت المغرب

نفسي قالت لي احسن امسح الصور دي إحتمال بالجد تطلع مزكراتو فتحت التلفون عايزه امسحهم ما عارفه بس لقيت نفسي بقرأ فيهم كان في حاجه جازباني ليها : دخلت الجامعه وبدينا محاضرات كان الشغل بضارب مع الجامعه وإسماعيل أخوي كان صغير ما بقدر يتحمل مسئوليه الدكان براهو بقيت اجلي جزو كبير من المحاضرات بالسبب دا وفي حاجات كتيره ما كنتا فاهمه بس كان لازم اقرأ عشان اريح أمي واخواني وسبحان الله من حيث لا احتسب ربنا رمى في طريقي صديق.. زميلي في الدراسه رائد ❤️ قال لي ليه إنت بتتغيب كتير كدا من دون سبب او سابق معرفه لقيت نفسي بحكي ليهو اي حاجه وهو ما قصر معاي ساعدني ووقف معاي وقفه عظيمه كان بشرح لي المحاضرات وبوفر لي الشيتات كان نعمه الصديق مريت بي صعاب كتيره وجري في المستشفيات والكيسات الكتيره وسنوات من التعب والبحث والقرايه وأخيرا شفت الفرحه يوم كنت لابس الروب وانا خريج كأن فرح الدنيا إتكب فيني كلو ما بنسى فرحة أمي واخواتي فرحتهم دي نستي كميات من التعب لأ دي نستني التعب كلو طول سنين القرايه دي الدكان نهاي ما سلمتو لي زول كنت شغال فيهو براي لحدي ما بقى سوبر ماركت ومن سوبر ماركت بقى مجمع كبير لمن خلصنا الجامعه ونزلنا تدريب....

لمن شلت رخصة ممارسة المهنه اول حاجه جات في وشي هي بس الظروف كانت قويه إنها تمنعنا امي مرضت شديد وكان لازم نسافر الهند عشان العلاج للأسف كان عندها ورم في الراس سافرت معاها ورسلت إسماعيل اخوي السودان ينفذ وصية ابوي كان وصاني بيها قبل يموت بتزكر قال لي يا إيهاب اخوي لازم ياخد حقو إيهاب حق اخوي دا دين في رقبتي ورقبتك إسماعيل فعلا نزل السودان وانا إنشغلت مع أمي لحدي ما إتعالجت الحمد لله لمن رجعنا السعوديه سألت إسماعيل عمل شنو في الموضوع وهنا كانت الصدمه إنهم رحلو وهو ما عرف ليهم اي مكان وقدر ما بحث مالقى اخبار عنهم لحدي ما....

القصه وقفت هنا قلت ياربي حصل شنو بعد داك ولقى عمو ولا لأ ودي منو البحبها دكتور إيهاب دي شكلها محظوظه شديد والله بي دكتور إيهاب دكتور قدر الدنيا وزول محترم شديد ووسيم العشاء ازن قمت صليت وسخنت لي اكل إتعشيت جهزت ملابسي ومشيت رقدتا كنت تعبانه شديد اول ما ختيت راسي في السرير نمتا

صحيت الصباح جهزت نفسي وشربت الشاي ومشيت المستشفى وصلت المكتب لقيتو مقفول إستغربت معقوله انا جيت بدري؟ عاينت لي الساعه نفس الوقت البجي فيهو كل يوم مشيت لي السكرتيره قلت ليها عايزه المفتاح عاينت لي من فوق لي تحت وجاتني قريب قالت لي انا ممكن اسألك سؤال قلت ليها إتفضلي قالت لي احلا انا ولا إنتي قلت ليها كيف ما فهمتا🐸 قالت لي إنتي هبله قلت ليها إنتي حلوه بعترف وجميله بس السؤال دا ليه قالت لي تعترفي شنو انا احلى منك بي مراحل بس ليه دكتور إيهاب ما شايفني🐸 قلت ليها ودا علاقتو بي شنو؟ يا أستاذه يشوفك ما يشوفك انا دخلي شنو قالت لي اسمعيني المفتاح م بديك ليهو اوامر دكتور إيهاب لو هو ما جاء المكتب ما يتفتح قلت ليها من متين الكلام دا قالت لي من زمان قلت ليها ايواا من زمان براك قلتيها لمن كان المكتب ليهو براهو بس هسي مكتبي انا جوه اعمل شنو ؟ قالت لي إنتظري ،،ياخ كرهتها كره قربت اضربا بالشنطه الشايلاها دي مشيت لي سحر قالت لي مالك وشك داير يقع منك إبتسمي يابت من الصباح خلي الامل يشرق قلت ليها هي خلت فيها امل قالت لي منو قلت ليها القشرنينه دي عاينت لي قلت ليها السكرتيره قالت لي اها مالا قلت لي لقيت المكتب مقفول مشيت اشيل منها المفتاح شبكتني انا جميله وانا شنو وانا شنو ياخ كرهتني وفي النهايه ابت تديني المفتاح قالت لي دكتور إيهاب قال ممنوع المكتب يتفتح الا اذا هو جاء قالت لي ما تزعلي يا صحبتي اصلها بتغار منك😉 قلت ليها تغار من شنو عاجباها حياتي حقت الكادحين دي ولا شنو قالت لي ما علينا دكتور إيهاب لسه ما جاء؟! قلت ليها اول مره يتأخر قالت لي بكون في حاجه شاغلاهو عموما تعالي إستضيفك في مكتبي بقيتي نازحه وقعدت تضحك مشيت معاها طبعا ما وريتكم سحر بعد ما إشتغل مع دكتور رائد لقت شغل العمليات صعب طوالي رجعت لي العمبر ،،ادتني إسكارب لبستهم ومشيت العمبر حقنا لفيت على المرضى طبعا انا شغاله عمليات بس مع دكتور إيهاب رجعت لقيت سحر ماشه تنفذ قلت ليها جيبي انفذ معاك اصلا مافي موضوع قالت لي طوالي قسمت لي هي دخلت عمبر الرجال وانا دخلت عمبر الحريم نفذنا الجرع وجينا قلت ليها كدي امشي المكتب اشوفوا جاء ولا لا قالت لي تماام ولو ما جاء تعالي ساعديني😉 قلت ليها مصلحجيه مشيت لقيت المكتب فاتح رجعت مكتب سحر طلعت الاسكار ولبست ملابسي قالت لي جاء قلت ليها شكلو لانو المكتب فاتح قالت لي يا خساره🙂 مشيت دخلت لقيتو قاعد قلت السلام عليكم عاين لي قال وعليكم السلام حسيت صوتو متغير قلت ليهو إنت كويس؟ قال لي كويس مالك إتأخرتي قلت ليهو جيت من سبعه والله بس لقيت المكتب مقفول قال لي ما عارفه المفتاح عند السكرتيره قلت ليهو ما عارفه وسكتا على كدا مدى لي ملف قال لي دا حق العمليه حقت الليله اقريهو شلت الملف منو وقعدت اقرا فيهو لمن إنتهيت دايره اناقش معاهو الحاله لقيتو راقد في الدرج وكان شكلو تعبان سكتا بقيت اعاين ليهو كان بتعب روحو في الشغل كتير ما كان بس بدخل عمليات كان بدير مستشفى كامله براهو من طاقم وإسطاف ولو حصلت اي حاجه بتكون مسئوليتو زمان لمن كانو بقولو الدكتور لمن ينتهي برتاح إكتشفت العكس هسي دكتور إيهاب دا اربعه وعشرين ساعه ماسك المراجع وبقرأ بيتفقد المرضى اكتر من مره في اليوم ولازم يقرأ حالة اي مريض على الاقل مرتين المهمه ما ساهله كان دكتور كان ممرض الاتنين بحتكو بالمريض شديد انا من جيت المستشفى دي حسيت انو هنا اي زول عندو قدر من الاحترام شايفين إنو اي فرد في المجال الطبي عندو اهميه كبيره عشان كدا المستشفى دي شغلها سمح والتواصل زاتو بين اعضاء الفريق الطبي قوي شديد بين الممرضين والدكاتره وناس مختبرات حتى الصيادله عندهم تقدير خاص ،،سمعت صوت الباب بدق دكتور إيهاب قال إتفضل دخل رائد قال ليهو اها يا دفعه بقيت كيف قال ليهو احسن عاين لي قال لي ملاذ كيفك قلت ليهو تمااام الحمد لله ،،طلع شريط حبوب من جيبو قال ليهو هاك دا ح ينفعك قال لي ملاذ ممكن تجيبي مويه قلت ليهو حاضر دقيقه بس مشيت سريع جبت مويه وجيت مديتا لي دكتور إيهاب مسكها وبلع الحبوب رائد قال ليهو إرتاح خلي الشغل الليله لي قال ليهو ياريت والله يا رائد انا ما قادر اعمل اي حاجه رائد قال ليهو يا زول لازم ترتاح وما تشيل هم الشغل وين ملفات العمليات عاين لي قال لي الملفات عندك قلت ليهو اي عندي مديتو ليهو قال لي عمليه وحده ؟ دكتور إيهاب قال ليهو اي عمليه وحده شال الملف وقال لي طيب انا ح امشي عندي عمليه بعد شويه خلي بالك منو لحدي ما إنتهي قلت ليهو طيب هو طلع وانا رجعت قعدت في مكتبي قاعده كدا إيهاب قال لي ملاذ.....

واتمهلي من قبل ما تتهوري

ياواحدة دون الناس وما بتتكرري

ياحلى زولا غنو ليه ليك الدلال ادللي

.. 💚

الفصل الثامن عشر

قال لي ملاذ قلت ليهو ايواا قال لي تعالي اقعدي هنا وأشر لي على كرسي قدام المكتب حقو مشيت قعدتا مكان اشر لي قال لي بس خليك كدا قلت ليهو إنت كويس قال لي اي قلت ليهو أمبارح كنت كويس كيف جاك الالتهاب قال لي في زول عاداني،، ممكن اسألك سؤال قلت ليهو إتفضل قال لي إنتي ليه ما حققتي حلمك قلت ليهو كيف يعني قال لي م كان حلمك إنك تقري طب قلت لي اي بس كيف عرفت قال لي حزرت بس وطلع كلامي صح قلت ليهو فعلا كان حلمي اقرأ طب بس ما جبتا النسبه ولمن دخلت تمريض حبيت المهنه شديد وواصلت فيها قال لي حلوو اهم حاجه الانسان يحب مهنتو قلت ليهو إنت اصلا حلمك كان طب؟ قال لي ممكن تقولي كدا حلم كنت بحلم بيهو من زمان ولمن إتحقق كان ناقص حاجات كتيره ..قبل يتم كلامو سمعنا صوت الباب إيهاب قال إتفضل جات داخل السكرتيره اول ما شافتني صرت لي وشها ما عارفه ليه بتكرهني البت دي قالت لي دكتور إيهاب يا دكتور إيهاب اخوك إسماعيل بره قال عايزك قال ليها طيب جاي هي طلعت دكتور إيهاب وقف قال لي شويه وراجع قلت ليهو تماام طلع إستغربت ليه ما قال ليها تخليهو يجي هنا ما دا مكتبو في النهايه ..بعد مسافه دكتور رائد جاء قال لي إيهاب مشى وين قلت ليهو طلع مشى يقابل اخوهو بره قال لي الليله م ح يكون في عمليات عشان كدا تقدري تمشي قلت ليهو كويس هو طلع وانا رتبتا المكتب وطلعتا لمن جيت طالعه شايفاهم من بعيد واقفين دكتور إيهاب واخوهو بس ما قدرت اشوف اخوهو سمح المهم طلعتا مشيت الشقه ما كان في موضوع والوقت كان بدري فتحت التلفزيون وبديت احضر في فيلم كان ممل شديد خطر في بالي إتصل على زهره وريم مكالمة فيديو إشتقت ليهم شديد إتصلت مسافه ماردوا علي قفلت التلفون ورقدتا نمت صحيت العصر صليت ونزلتا تحت جمب المجمع إشتريت لي فشار وحلويات لمن كنت طالعه لاقتني بت سلمت علي قالت لي إنتي ساكنه معانا هنا قلت ليها اي قالت لي معناها شغاله معانا في المستشفى قلت ليها اي قالت لي بس ما قاعده اشوفك شغاله شنو إنتي قلت في نفسي دي شنو البت الفضوليه دي قلت ليها شغاله ممرضه قالت انا برضو ممرضه في وحدة غسيل الكلي إنتي وين قلت ليها انا شغاله في السيرجري قسم جراحة القلب قالت لي مع المدير الطبي ونائبو حظك شكلك عندك مكانه خاصه كان نفسي إشتغل في القسم دا لكن ما إتوفقته قلت ليها قسم غسيل الكلي برضو حلو والله قالت لي فعلا ،،اتشرفت بيك إنا سلمى وإنتي قلت ليها انا ملاذ قالت لي طيب يا ملاذ فرصه سعيد قلت ليها انا اسعد مشت وانا بقيت واقفه شلت باقي حاجاتي وطلعتا فتحت الشقه ودخلت نزلت لي فلم من النت وبقيت احضر واكل من الفشار ياخ عدم الموضوع مشكله لمن كنت في السودان ما حصل قطعت موضوع زي دا المهم اليوم مره بي خيرو بي شرو صحيت الصباح زي المعتاد جهزت نفسي ومشيت المستشفى كنت متأكده الليله م ح يكون في شغل بس قلت لو مافي شغل بمشي اشتغل مع سحر ما بقدر اقعد في البيت براي حاسه نفسي ح اجن دخلت لاقاني دكتور إيهاب في وشي🙂 قال لي تأخير قلت ليهو إنت بقيت كويس يعني قال لي اصلا الالتهاب بقعد معاي يوم بس 🙂 قلت ليهو سبحان الله

مشينا المكتب كان عندنا عمليه إتجهزنا ودخلنا خلصناها في ساعه ونص تاني كان عندنا بعدها عمليه طلعنا من دي غيرنا ملابسنا ولبسنا ملابس للعمليه التانيه دخلنا طوالي كان يوم متعب شديد التانيه دي اخدت مننا قريب خمسه ساعات طلعنا بدلنا ملابسنا ونزلنا الكافتريا تحت كانت الساعه وحده فطرنا إيهاب قال لي تاني ما عندنا حاجه قلت ليهو لو كنت قلت لي في عمليه تاني كنت شردت خليت ليك المستشفى قعد يضحك دي كانت تاني مره اشوفو يضحك 🙂 قال لي ح تشردي تمشي وين يعني قلت ليهو ارجع السودان قال لي كويس إنو مافي عمليه تاني طيب قلت ليهو بي مناسبة السودان إجازتي السنويه قربت صح قال لي لسه فاضل كم شهر قلت ليهو الايام دي في العادي بتجري شديد الا لمن الزول يكون منتظرها تمر تمشي بالبطئ قال لي إستمتعي بي كل يوم لانو يوم مشي مابرجع وكل يوم بمشي بنقص من عمرنا عشان كدا لازم نودع ايامنا ونحن مويقنين بي عدم العوده قلت ليهو فعلا كلامك صح

《》《》《》《》《》《》《》

مرت الايام سريع وبقى فاضل لي يومين بس وأخلص السنه وكنت شايفه اليومين ديل كتار كنت متحمسه شديد ارجع بيتنا وحلتنا كنت فرحانه شديد وبحسب في الايام يوم يوم ما بقى فاضل لي كتير جهزت شنطتي خليتا جاهزه مشيت المستشفى لاقتني سحر قالت لي يا حليلك يا ملاذ ح إشتاق ليك والله تاني منو ح يجي يشتغل معاي ورديتي قلت ليها شوق بتاع مصالح 🙂💔 قالت لي بهظر والله ح إشتاق ليك شديد عليك الله ما تطولي في السودان تعالي راجعه سريع قلت ليها حاضر ما بطول وانا زاتي ح إشتاق ليك والله ،،بعدها افترقنا هي مشت مكتبها وانا مشيت المكتب صبحت على دكتور إيهاب قال لي بكره إجازه بالنسبه ليك جهزي فيها نفسك وطلع طوالي حسيت بيهو زي المكتئب كدا المهم ما ركزتا إتزكرتا القصه قلت اصور منها بعدين اقراها لمن ارجع السودان طبعا فضولي كان قوي كان نفسي اعرف البت دي منو البتكلم عنها دكتور إيهاب بس خفتا يجي يلقاني مشيت سريع قفلت الباب فتحت الدرج ما لقيتا 💔 فتحت الدرج البعدو لقيتا فيهو فتحت الصفحه مكان وقفت اخر مره وصورة كم صوره إنتبهت إنو باقي الروايه متمومه بالحبر شكلها كان لسه ما إنتهت قفلت الكتاب ورجعتو في مكانو ومشيت فتحت الباب جريمه كامله🙂💔 المهم دخلنا العمليه الاخيره لي طبعا وبعدها طلعنا جو كلهم ودعوني دكتور رائد وسحر والممرضات الاشتغلت معاهم وحتى الدكاتر في عنبر الجراحه جو ودعوني الا دكتور إيهاب ما ودعني لمن مشو دخلت المكتب لقيتو قاعد قلت ليهو طيب انا ماشه قال لي كويس💔 تخيلو قلت في نفسي على الاقل كان تقول لي تصلي بالسلامه طلعتا ومشيت البيت ارتحت باقي اليوم وصباح اليوم التاني مشيت السوق إشتريت هدايا لي ناس أمي واخواني وابوي حتى زهره وريم إشتريت ليهم هدايا المهم غلفتهم كلهم وشلتهم ومشيت البيت كنت جعانه شديد فطرتا ورقدتا نمتا صحيت بعد ازان الضهر قمت صليت وطلعت مشيت لي جيراني الاتعرفت عليهم ودعتهم وجيت راجعه السماء كانت مغيمه وسمحه شديد وقفت في البلكونه وبعاين شفت دكتور إيهاب طالع من المستشفى كان بتكلم بالتلفون كان عليهو هيبه بس مغرور😒 عاينت الشارع كلو بعد شويه المطره بقت تصب رزاز رزاز يا سلام شعور حلو خلاص بقيت انطط تاني إتزكرت إني واقفه في الشارع هسي الناس ديل يقولوا علي شنو دخلت لبست لي عبايه وطلعتا بره قعدتا تحت المجمع ما كان في زول في الشارع بقيت اعاين للمناظر لمن كترت دخلت جوه حسيت بالجوع عملت الغداء وبقيت اكل سمعت صوت الرعد😣 من زمان بكره الصوت دا

لانو امي كانت بتخوفنا لمن نطلع نلعب في المطر تقول لينا وب عليكم الرعده ح تقع فيكم طوالي كنا نجري ندخل وغير كدا صوتو عالي مشيت قفلت البلكونه وبقيت قاعده جوه لحدي ما الصوت وقف والمطر وقفت....

مره باقي اليوم وجاء اليوم المنتظر😍...

صحيت الصباح بدري طيارتي كانت الساعه ٥ جهزت نفسي و شربت الشاي ورتبت الشقه اصلا ما كانت وسخانه لانو أمبارح رتبتها وجريت شنطتي نزلت طبعا ما كان في زول صاحي وانا نسيت امبارح ادي المفتاح لي السكرتيره إتصلت على البت الساكنه جمبي ديك كان إسمها رهان دقيت ليها ردت بعد مسافه قلت ليها رهان معليش على الازعاج بس انا طالعه على المطار دايره اديك المفتاح بتاع الشقه امبارح نسيت اديهو لي السكرتيره قالت لي طيب دقيقه اجيك طالعه دقيقتين كدا جاتني طالعه ودعتني واديتا المفتاح طلعتا بره كان في عربيه واقفه قدام الباب بعد شويه الزول نزل خفت قربتا ارجع لمن شفتو دكتور إيهاب إطمنتا جاء علي فتح لي الباب التاني قال لي اركبي اوصلك المطار قلت ليهو شكرا بدبر حالي قال لي ما تكابري اصلا م ح تلقي عربيه في الوقت دا اركبي اوصلك قلت ليهو بلقى بعدين هسي نحن ما في الشغل يعني ما بتقدر تفرض علي رأيك قال لي طيب امشي جريت الشنطه وبقيت ماشه فعلا كلامو صح ما في اي عربيه في الشارع هو مافي بني ادم زاتو ماشي في الشارع بقيت ماشه وإتلفت بقيت اقول في نفسي هسي انا كان مشيت كدا الوقت ما بتأخر قلت بي صوت والله الوقت بتأخر احسن اشوف لي ترحال فتحت تلفوني بس إتزكرتا انا ما عارفه الموقع البطلبو منو ترحال في زول سحب مني التلفون إتهجمت لقيتو دا إيهاب قال لي براك بتضيعي في زمنك قلت ليهو إنت دخلك شنو قال لي ما عندي دخل قلت ليهو يلا طيب رجع لي تلفوني قال لي لأ وشالو ومشي مشيت لحقتو فتح باب العربيه وجاء شال مني الشنطه قال لي اركبي عاينت ليهو مسافه قال لي الطياره ح تفوتك لو ما ركبتي مشيت ركبتا جاء ركب وقعد يضحك قلت ليهو ما تسخر مني مطره اركب معاك قال لي الزعل دا من شنو ياربي عاينت ليهو بي طرف عيني وسكتا دور العربيه نزلنا في المطار نزل معاي مدى لي صندوق متوسط كدا قال لي توصلي بالسلامه يارب قلت ليهو الله يسلمك بس دا شنو قال لي دي هدية وداع بس ما تفتحيه الا بعد تصلي السودان قلت ليهو ما كان تتعب نفسك كفايه جيتك معاي لحدي هنا ما قصرت والله قال لي امسكي طيب ما ترديني شلتو منو وتاني شكرتو قال لي بس ما تفتحيها الا لمن تصلي السودان اوعديني قلت ليهو طيب وصلني لحدي صالة المغادره وودعني إنتظرني لحدي ما ركبتا حتن مشى كان عندي فضول اعرف جوه الصندوق في شنو

بس ما فتحتو لاني وعدتو لمن وقت الاقلاع جا ياخ كنت سعيده سعاده لاتوصف ومن ركبتا ركبتا شريحتي حقت السودان لمن إستقرينا في الجو إتزكرتا اول مره لمن كنت جايه الفرق إنو المره الفاتت كان معاي ابوي والمره دي انا براي قعدت جمبي بت سلمت علي إتونسنا حبه

وبعدها كل زول ركز في حاجه انا كنت فاتحه تلفوني شويه العب وشويه اعاين في الاستوديو في النهايه قفلتا التلفون ونمت حبه طبعا ما كلمتا زول من ناس بيتنا إني نازله السودان لحدي ما وصلت السودان إتصلت لي ابوي بي رقمي السوداني رده لي بي دهشه كدا قال لي ملاذ!! قلت ليهو اي انا في المطار تعالوا سوقوني قال لي ليه ما كلمتينا من بدري إنك جايه قلت ليهو عملتها ليكم مفاجأه ..

بعد نص ساعه ابوي جاني جريت إشعلقتا في رقبتو قلت ليهو يا ابوي والله إشتقت ليكم شوق مبالغه قال لي حتى نحن إشتقنا ليك شال مني الشنطه ختاها في العربيه كان جاي بي عربية ولد خالتي إسمو مجاهد ركبنا مجاهد قال لي حمد لله علي السلام يا ملاذ قلت ليهو الله يسلمك المهم بعد موال السلام إتحركنا على بيتنا ❤️ اول ما وصلنا جريت قدام ناس ابوي دخلت اول حاجه مشيت إتعلقت في امي قالت لي كديستي طبعا الاسم عشان طوالي متلصقه فيها🤣 قلت ليها والله يا أمي مشتاقين🥺 قالت لي والله يا بتي عاد سفرتك مسخت علي البيت مزن نطت فوقي قالت لي والله مشتاقين يا ملوزه قلت ليها كتير الشوق يا بت قلبي وينو الولد العاق داك قالت لي يابت اخوكي كبر سنه بقى ما عاق قلت ليها نشوف مشيت سلمت علي مزمل قلت ليهو شنو ما عارفني بره ولا شنو قال لي عارفك بس كنت منتظرك تجي تسلمي علي😇 قلت لي مزن قلتي لي شنو قالو لي اسحب كلامي قلت ليها هي اتزكرتا دايره إتصل على ريم وزهره اكلمهم إني جيت اول ما إتصلت ليهم وقعوت فيني نبز قلت ليها هي مالكم زهره قالت لي معقوله تكوني نازله السودان وما نعرف الا من خالتك يا سجمانه لكن اصبري لي لمن اصلك قلت ليها يا زوله هي بطفش قالت لي اصبري بس الا ما ترجيني في البيت ريم قالت لي وب عليك جاياك بي صوت ابوها حق الحمار🐸 قلت ليهم الله يجازي محنكم سريع منتظراكم ولو ما جبتو معاكم قهوة خالتو سعاد ما تجو طبعا خالتو سعاد ام زهره

جوني زهره نطت فوقي وبقينا نبكي الشوق يا جماعه🐸💔 بكينا مسافه وبعدها بقينا نتونس اديت كلو زول هديه ريم قالت لي بالمناسبه يا ملاذ في حاجه عايزين نقولا ليك ....

الفصل العشرون

قلت ليها اها في شنو زهره قالت ليها ما تقولي ليها ياخ ريم قالت ليها بقول ليها ما بقدر ادس اكتر من كدا قلت ليهم في شنو حرقتوا روحي إتكلموا ريم قالت لي زهره خطوبتا بعد بكره قلت ليها نعم؟ قالت لي والله وهي قالت عاملاها مفاجأه ليك لمن عرفنا إنك جايه قلت ليها ما شاء الله ولو ما جيت كنتي ح تنخطبي من دون تكلميني وينو صوت ابوك حق الحمير داك جيبي قالت لي يا بت إنتي هبله معقوله انا اعمل كدا لكن كنت عايزه اكلمك وبكره الخطبه عشان ما تنشغلي وعارفاك لو قلت ليك من بدري ح تصري تجي وما كنت عايزه اشغلك قلت ليها متين بقيتي مؤدبه كدا وبعدين مالو كان جيت يابت إنتي صحبتي من الطفوله إنتي بقيتي اختي عديل معقوله في اخت ح تفوت خطوبة اختها اكيد لا قالت لي هسي ما فات شي لازم تتظبطوا لي خطوبتي قلت ليها اكيد خليني ارتاح باقي اليوم دا ومن بكره ح نجي نصبها معاك قالت لي تنورو انا وريم قعدنا نضحك قلت لي ريم يابت إنتي زهره دي غيرتوها،، ليه بقت مسكينه كدا قالت لي تتزكري لمن كنا بنمشي ليها في البيت ونقعد معاها بالساعات تقوم تطردنا نمشي نكلم ليها امها قلت ليها اي وكانت بتدقها وفي النهايه نمشي وتحوربنا إسبوع بي سبب الدقه ايام ياخ ريم قالت لي اي والله هسي كل وحده فينا بقت عندها مشاغلا قلت ليها اي والله ..

قعدن إتونسن معاي مسافه ومشن بعد مشن دخلت غرفتي شغلتا المكيف ونمتا صحيت العصر إتهجمتا جريت صليت الضهر والعصر لقيتم خاتين صينية الغدا امي نادتني مشيت إتغديت معاهم إتونسنا لحدي المغرب ومشينا انا وأمي الزريبه حلبنا الغنم وجينا امي ختت اللبن في النار يا الله من قنانة اللبن حق أمي إشتقت ليها ناس حلتنا كلهم جو حمدلو لي السلامه وقعدوا معانا مسافه ومشو مره باقي اليوم الصباح فتحت شنطتي رتبت ملابسي في الدولاب اثناء ما برتب كدا في حاجه وقعت لقيت دي الهديه بتاعة دكتور إيهاب رفعتها ختيتا في السرير وكملتا ترتيب جيت دايره افتحها سمعت صوت ريم دخلتها في الدولاب ولبستا عبايتي ومشيت ليها قالت لي لي ساعه منتظراك ارح مشينا بيت ناس زهره رتبنا معاها البيت وكنسنا وشغلنا الغساله غسلنا الملايات لمن إنتهينا العصر ازن عملنا ماسكات في وشينا ريم قالت لينا لازم نمشي السوق في حاجات ناقصه زهره قالت لينا كلمتا زاهر اخوي قال ح يودينا بعد المغرب بالعربيه نشتري الناقص قلت ليها لحدي بعد المغرب ح نقعد معاك متأكده ما ح تطردينا قالت لي ياخ الكلام دا كان زمان ما تحرجوني كلو مره ريم قالت ليها نحن عندنا كرامه قالت ليها إنتي اسكتي خالص اخر من يتكلم عن الكرامه تتزكروا ولا ازكركم قلنا ليها لالا خلاص طبعا فضايح فضايح بس بعد المغرب زاهر جا قال لينا اجهزو لبسنا عباياتنا ومشينا إشترينا حلاوه وناعم جاهز وبسكويت برضو جاهز وعصائر بدره كتيره وفواكه وما خلينا ماسك حايم إلا إشترينا ورجعنا البيت بييتنا مع زهره بعد إصرار منها كرامتنا فوق كل شي🙂😂💔 صحينا الصباح طبعا اليوم المنتظر عملنا ما سكاتنا وزيتنا شعرنا ولفيناهو بي طرح وبدينا نكنس مسكنا الحوش حقهم الكبير داك انا وريم ننضف لحدي ضهرنا ما إنقصه عديل وركبنا الستائر وجهزنا القدامات والعصائر ومشينا إستحمينا بعدها بدا موال صحاني التقديم انا كنت بعبي وريم تقسطر وزهره تاكل🐸 المهم لحدي ما إنتهينا صلينا العصر ومشينا الكوفير مع زهره إتمكيجنا طبعا الكوفير ما بعيد من بيتهم بعد شويه كدا نسمع صوت الطلق والحريم يزغردن جاتنا بت تجري قالت لينا عقدو مشينا لي زهره لقيناها تتكلم في التلفون لمن إنتهت بقت تبكي 🐸 قالت لينا غشاني قال لي خطوبه كيف يعقد وتبكي مسكناها باركنا ليها بعد شويه البكاء إنقلب فرح سبحان مغير الاحوال لبسنا فساتينا زهره قالت عايزه تلبس توب فعلا لبست توب كحلي مع لونا جا رهيب ولبست دهب صيني المهم راجلا جا نحن طلعنا وبعد مسافه جو طالعين انا وريم قعدنا نزغرد ونشيل ونغني ونصفك لاقونا البنات بالدلوكه شلنا معاهم وزهره تشيل وتتكشم طلعنا لقيت ناس أمي جو مزن جات قعدت معانا تغني طبعا مزن اختي مع إنها اصغر مني بس ما شاء الله صحتا سمحه وطويله تتشاف اكبر مني عشان كدا لمن نكون طالعين مكان امي قاعده تقول لينا إتحصنوا المهم لحدي بعد العشاء كدا الناس مشوا فضلنا نحن وام ريم واخوانا وكم مره من حريم الحله رتبنا مع زهره البيت اصرت علينا نبيت معاها بس انا كنت تعبانه تعب وطبعا عارفين بيت المناسبه الاهل ديل تلقيهم قاعدين والناس الجايين من بعيد مستحيل القى راحه إستأذنتا منهم ورجعتا مع ناس امي مشيت زولة نوم بس طوالي نمتا الصباح صحيت بي صوت خالتي جات تسلم علي مشيت اتسوكتا وشلت شاي وبسكويتي ومشيت قدتا جمبها إتونست معاها مسافه قالت لي أمبارح جيتو العقد قلت ليها اي بس ما شفتك قالت لي ماجيت والله كنا عند النسابه قلت ليها والله فاتتك قالت لي مصوره صور وريتا الصور قالت لي حلاتا بت سعاد طلعت حتى راجلا حلاتو عقبال ليك يا يمه يا ملاذ قلت ليها بري انا ما دايره اعرس قالت لي حالتي حجزتك لي مجاهد ولدي قلت ليها الا مجاهد ولدك كان قلتي محمد مسكين لكن مجاهد دا بري قالت لي خلاص بعرسك لي محمد قلت ليها سمح لمن اكون دايره اعرس بكلمك قالت لي شفتي كلامك دا ح تبقي بايره كدا اها صحباتك عرسوهن امي قالت ليها تفي من خشمك بتي ما بتبور قلت ليهو ابور وما ابور فطيره انا 🐸 قفلتوا لي مزاجي زاتو مشبت خليتهم يتونسو فتحت دولابي لقيت هدية دكتور إيهاب شلتها فتحتها لقيت...!!